Në listën e zezë të BE-së shtohen 9 shqiptarë

[RTP]

Në listën e zezë të BE-së për ndalim-hyrje janë shtuar emrat e nëntë shqiptarëve


Bruksel, 1 shkurt - Ministrat e jashtëm të shteteve anëtare të BE-së i kanë shtuar masat ndaj disa shtetasve të Maqedonisë, të cilët i konsiderojnë të jenë, siç thuhet, ekstremistë, të cilëve u ndalohet hyrja në territorin e vendeve anëtare të BE-së.
"Këto masa kanë për qëllim të parandalojnë pranimin në territorin e BE-së për personat përkatës të cilët aktivisht promovojnë apo marrin pjesë në veprime e dhunshme, duke sfiduar kështu Marrëveshjen Kornizë të Ohrit, parimet bazë të stabilitetit dhe integritetit territorial si dhe të karakterit shumetnik të Maqedonisë", thuhet në vendimin e ministrave të jashtëm të BE-së, ku edhe arsyetohen masat ndaj këtyre personave, të cilët sipas BE-së qëllimisht i bëjnë obstruksione implementimit të Marrëveshjes së Ohrit.

Në listën e zezë të Bashkimit Evropian për ndalim-hyrje në territorin e saj janë shtuar emrat e nëntë shqiptarëve ne mesin e të cilëve janë:

-Hydajet Beqiri,
- Lirim Jakupi,
-Agim Krasniqi,
-Fatmir Limani,
-Ruzhdi Matoshi,
-Naser Misini,
-Taip Mustafaj,
- Emrush Sumaj dhe
- Sami Ukshini.

Ndërkaq të tjerëve, të cilët edhe më parë kanë qenë në listë të zezë të BE-së i është zgjatur masa edhe për 12 muajtë e ardhshëm.

[land]

kjo eshte edhe fale shtremberimit te realitetit prej pales maqedonase, e cila ka bere gjithshka per te demonizuar shqiptaret.
ne vend qe t'i shohin si pasuri kombetare, i konsiderojne si terroriste, duke rrezikuar keshtu vete egzistencen e shtetit maqedon.

fundi i fundit, shqiptaret e tjere nuk qenkan ne listen e zeze?
shkoni ne nje ambasade evropiane çfaredo ne tirane dhe kerkoni nje vize...
mbase dhe e merrni...
te pakten ketyre u paskan treguar shkaqet e ndalimit, ndersa te tjereve nuk u thone gje hiç. mbase nuk kane kohe evropianet te shkruajne nje liste aq te gjate sa te permbaje gjithe emrat e shqiptareve, se perndryshe edhe emrat tane do ishin botuar me kohe!(edhe pse qeveria shqiptare eshte angazhuar per te bere sa me shpejt rregjistrimin e popullsise, - me kerkim te BE)
do te behet me mire, nuk bie gjithmone shi, del edhe dielli nganjehere...

...Zoti flet edhe shqip...