TË TrokasËsh NË BashkinË E TiranËs

[Brari]

Ju lutem shume juve .. lexuesve ne Forum .. qe keni familjet ne Tirane...
A eshte e vertete kjo cka shkruan ktu me poshte njera nga bashkpuntoret e Edvin Rames.. se hallet e qytetareve po qahen me shpejtesi e drejtesi e efikasitet nga stafi edvinist i bashkise..??

Ne se keni shembuj tregoni..

plz..

-----------------


Shekulli:



TË TROKASËSH NË BASHKINË E TIRANËS


Laureta Omeri *

(*Autorja është Drejtore e Marrëdhënieve Publike në Bashkinë e Tiranës)



Të gjithë ata që kanë kaluar pragun e Bashkisë deri në vitin 2000 besoj e mbajnë mend se si u është dashur të presin nën diell apo shi përballë dy kioskash nga ato të emergjencave civile. U punua dy vjet rresht për ta përmbysur plotësisht këtë gjendje përbuzëse për qytetarët dhe u ndërtua në bashkëpunim me partnerë ndërkombëtarë salla e parë e pritjes së qytetarëve në një institucion shtetëror shqiptar që meriton këtë emër. Nuk bëhet fjalë këtu thjesht për mermerin e shtruar, nëpunësit me uniforma apo ajrin e kondicionuar që lehtëson pritjen në ndenjëse të rehatshme. Madje nuk bëhet fjalë as thjesht për faktin se kjo është ende e vetmja sallë pritjeje ku qytetarët e mbajnë radhën nëpërmjet automatit - dikur jepej bakshish për të hyrë pa radhë apo gjendeshin miq për të hyrë nga mbrapa kioskës.
Këtu bëhet fjalë për të gjitha këto po në radhë të parë për praktikën e informatizuar të komunikimit në funksion të një shërbimi konform ligjit shqiptar dhe standardeve europiane të informimit e të shërbimit për publikun. Disa shifra do të mund të tregonin ndoshta më mirë se ç’do të thotë sot të trokasësh në Bashkinë e Tiranës. Shifra e qytetarëve që e kanë kapërcyer pragun e sallës së pritjes në Bashkinë e Tiranës gjatë vitit 2004 është 63449.
52131 prej tyre kanë kontaktuar me specialistët e përgjithshëm, 11318 prej tyre me specialistët e urbanistikës, 10551 qytetarë kanë kryer pagesa. Numri i kërkesave me shkrim është më i lartë për shërbimet e Gjendjes Civile me një numër kërkesash 9466, më pas me numër po të lartë kërkesash me shkrim është Drejtoria e Dhënies së Lejeve për Ushtrim Aktiviteti 3238, Drejtoria e Urbanistikës me 3076 kërkesa me shkrim, Drejtoria e Financës me 2412 kërkesa me shkrim e kështu me radhë.
Interesante është shifra që bie shumë në sy po ta shohim në raport me vitet e tjera dhe që ka të bëjë me numrin e shkresave që vijnë në drejtim të kabinetit dhe kryetarit të bashkisë, e cila ka zbritur në vijimësi si rezultat i zgjidhjes së problemeve të qytetarëve nëpërmjet rrugës institucionale që garantohet prej strukturave përgjegjëse. Gjatë 273 ditëve që ka funksionuar Sektori i Informimit Qytetar është vizituar nga mesatarisht 232 qytetarë në ditë dhe janë protokolluar mesatarisht 80 praktika. Gjithsej janë plotësuar 21.784 shkresa (kërkesa – ankesa). Këto shifra zakonisht vlejnë për një raport statistikor dhe jo për një artikull, por arsyeja pse vendosa t’i jap këtu është se flasin më mirë se çdo fjalë për problematikën që trajtohet në Bashkinë e Tiranës përmes komunikimit të drejtpërdrejtë me qytetarët.
Pra del se thuajse një anëtar i familjeve që banon sot në Tiranë kanë trokitur të paktën 1 herë në këtë bashki. Sipas një raporti të fundit të CAO (Zyra për Mbrojtjen e Qytetarëve) thuhet: “Nga vëzhgimet e njëpasnjëshme të bëra nga grupi i punës në këtë institucion, rezultoi se Bashkia e Tiranës mund të konsiderohet si institucioni më bashkëkohor dhe në përputhje me standardet europiane. Këtu qytetarët mund të marrin me lehtësi informacionin e kërkuar dhe pa shumë sorrollatje. Procedurat për mënyrën e kërkimit të informacionit janë mjaft të sofistikuara dhe të paraqitura saktë dhe qartë në mënyrë që çdo qytetar ta kuptojë dhe të dijë si të veprojë për të marrë informacionin që i nevojitet në bazë të procedurave që duhen ndjekur”. Ndërtimi i kësaj infrastrukture moderne dhe sundimi i një mendësie krejt të re në raport me publikun e komunikimin me të në Bashkinë e Tiranës ka bërë që numri i shkresave që na adresohen të vijë duke u rritur si pasojë edhe e faktit që çdo procedurë komunikimi është e standardizuar në formularë të cilët garantojnë kontroll të plotë të zbatimit të ligjshmërisë. Gjatë vitit 2001 kanë ardhur 3601 shkresa, gjatë vitit 2002 kanë ardhur 3596 shkresa, gjatë vitit 2003 kanë ardhur 17740 shkresa dhe në vititn 2004 kanë ardhur 21784 shkresa. Duke iu referuar statistikave që nxirren rregullisht nga përpunimi i bazës së të dhënave që krijon salla e pritjes del se një numër i konsiderueshëm qytetarësh e vizitojnë Bashkinë vetëm për të marrë informacion. Kjo bëri që të punohet për një mënyrë edhe më të re e të përshtatshme për ta duke konceptuar një Qendër Operatore e cila do të funksionojë 7 ditë në javë nga ora 8.00 deri në 22.00. Kjo qendër do të ofrojë ndihmë dhe informacione nëpërmjet telefonit për të gjithë qytetarët e Tiranës, për shqetësimet dhe nevojat e tyre në lidhje me shërbimet që ofron Bashkia e Tiranës, duke ndihmuar kështu në shmangien e sa më shumë ecejakeve për në bashki.
Falë një bashkëpunimi me Albtelecomin, numri 808 do të ofrohet falas për të gjithë thirrjet nga i njëjti rrjet. Ndërkohë po trajnohet stafi dhe janë duke u zgjidhur problemet teknike për ta vënë numrin në dispozicion të publikut në një kohë shumë të shpejtë. Në kuadër të rritjes së komunikimit të drejtpërdrejtë Kryetari i Bashkisë së Tiranës është vënë së fundmi në dispozicion të qytetarëve në radion kombëtare “+2” çdo të hënë në orën 7 të mëngjesit. Por ka një shifër që unë lashë për në fund dhe që më duket se është shifra e shifrave në arritjet e jashtëzakonshme të Bashkisë së Tiranës. U tha se në bashki kanë ardhur 21,784 kërkesa me shkrim. E dini sa përgjigje po me shkrim janë dhënë? 21090. Besoj se çdo koment që do të synonte të tregonte standardin e arritur është i tepërt.

*Autorja është Drejtore e Marrëdhënieve Publike në Bashkinë e Tiranës



29/01/2005

shekulli

-------------------

[Brari]

RD

--


Dega e PD Tiranë akuzon Bashkinë për mungesë programi për strehimin

Bashkia e Tiranës për 8 vjet nuk dha asnjë shtëpi

"Ngritja e Komitetit Kombëtar të Strehimit ditët e fundit nga qeveria bëhet vetëm për qëllime propagandistike dhe elektorale, pasi për 8 vjet rresht, socialistët në pushtet nuk janë marrë asnjë ditë me problemin e strehimit"

Dega e Partisë Demokratike Tiranë ka akuzuar Bashkinë e kryeqytetit për mungesë totale të një programi për strehimin e popullsisë në nevojë.

Këto komente, sekretari i Marrëdhënieve me Publikun i kësaj Dege, Aleksandër Biberaj, i bëri dje gjatë një konference shtypi. Ai u tha gazetarëve se Bashkia e Tiranës për 4 vjet resht nuk ka dhënë asnjë apartament për të pastrehët dhe akoma nuk ka paraqitur asnjë lloj strategjie për strehimin apo nuk ka kryer asnjë lloj investimi publik nga fondet e veta, buxheti i shtetit apo kredi.

Ai vlerësoi se, "një ndër problemet jetike sot për një pjesë të madhe të qytetarëve të Tiranës është edhe ai i strehimit, problem me të cilin fatkeqësisht nuk është marrë dhe nuk po merret as pushteti qendror dhe as ai lokal".

Ai evidentoi faktin se, "kryetari i Bashkisë së Tiranës, Edi Rama, ka premtuar në dy fushata elektorale për zgjedhjet lokale hartimin e një strategjie për strehimin, si dhe fillimin e zgjidhjes së këtij problemi jetik, por fatkeqësisht deri më sot nuk është bërë asgjë". Biberaj u shpreh në vazhdim se, "Bashkia e Tiranës akoma nuk ka dhënë asnjë apartament për të pastrehët, akoma nuk ka paraqitur asnjë lloj strategjie për strehimin dhe nuk ka kryer asnjë lloj investimi publik nga fondet e veta, buxheti i shtetit apo kredi, përkundrazi, çështja është majisur edhe më shumë për shkak të indiferencës së madhe të vetë shtetit, dhe politikave antisociale të PS-së".

Për Degën e Tiranës, e njëjta gjë vlen edhe për pushtetin qendror. Gjykojmë, vijoi Biberaj, se "ngritja e Komitetit Kombëtar të Strehimit ditët e fundit nga qeveria bëhet vetëm për qëllime propagandistike dhe elektorale, pasi për 8 vjet rresht, socialistët në pushtet nuk janë marrë asnjë ditë me problemin e strehimit".

Në fund, ai ka paraqitur edhe shtresat më në nevojë për strehim apo që presin ndihmën e shtetit. Sipas tij, "rastet më emergjente janë familjet që banojnë në pronat e ish-pronarëve, familjet që kanë humbur shtëpitë në skemat piramidale, familjet e reja dhe familjet e pastreha që nuk kanë mundësi të blejnë shtëpi apo ta marrin atë me kredi komerciale". Sipas Biberajt, "për fillimin e zgjidhjes së problemit të strehimit duhen ndërmarrë disa masa: Të hartohet një strategji kombëtare për zgjidhjen graduale të problemit të strehimit, strategji që do të ketë edhe mënyrën e financimit dhe afatet përkatëse. Qeverisja qendrore, Banka e Shqipërisë dhe qeverisja lokale të koordinojnë punën me bankat e nivelit të dytë dhe firmat e ndërtimit, me qëllim që firmat e ndërtimit të ndërtojnë pallate me kosto më të ulët, me qëllim që të pastrehët të kenë mundësi të marrin kredi me interesa të ulëta, ku një pjesë e kredisë të paguhet nga shteti". Për Degën e Tiranës, kjo strategji kombëtare duhet të fillojë të zbatohet nga pushteti lokal.

Biberaj theksoi në fund se, "duke pasur parasysh rëndësinë e veçantë të këtij problemi, theksojmë se PD ka filluar tashmë hartimin e kësaj strategjie strehimi, që do të zërë një vend të rëndësishëm në programin elektoral të PD-së dhe të qeverisjes së ardhshme të saj".

Siç dihet, gjatë qeverisjes së PD i ishte dhënë prioritet çështjes së strehimit të familjeve të pastreha. Gjatë vitit 1992-1996, familjet shqiptare u bënë pronarë të shtëpive të tyre. Rreth ¼ e apartamenteve iu dhanë falas qytetarëve, ndërsa pjesa tjetër u shit me çmime simbolike. Siç dihet, prej këtij procesi rreth 220 mijë familje përfituan një pasuri prej 1.5 milionë lekë secila.

Si rezultat i shfrytëzimit të iniciativës së lirë, punësimit në vend dhe jashtë tij, ekonomia dhe standarti i jetesës së familjes shqiptare pësoi një hop të vërtetë dhe bashkë më të dhe strehimi. Familjeve të persekutuara iu dhanë gratis 4000 apartamente, u strehuan në apartamente të reja apo të improvizuara 2500 familje, ndërsa u dhanë qindra milionë dollarë në formën e kredive vetëm për strehimin.

M.B