Eh kjo parti e varfër..

[Brari]

shekulli

--


Nano, pushime luksoze në Dubai

Çifti kryeministror kalon vitin e ri në një nga hotelet më të shtrenjtë të botës.

Shekulli

TIRANE-Sërish pushime ekstravagante për kryeministrin Nano dhe bashkëshorten e tij Xhoana. Mot i ngrohtë, rërë, palzhe ekzotikë, panoramë mahnitëse e kundruar nga një prej hoteleve me luksozë dhe të shtrenjtë në botë. Dubai i Emirateve të Bashkuara Arabe. Ky ka qenë vendpushimi i zgjedhur nga çifti kryeministror për të kaluar natën e ndërrimit të viteve dhe për të shijuar pushimet dimërore. Ndonëse është larguar më vonë se herët e tjera nga Shqipëria, kryeministri nuk ka ngurruar që edhe këtë herë të festojë Vitin e Ri në një nga vendet më të lakmuara në botë për bukurinë natyrore dhe luksin e hoteleve dhe restoranteve. Së bashku me bashkëshorten e tij dhe i shoqëruar nga eskorta e badigardëve, Nano ka darkuar mbrëmjen e djeshme në restorantin e hotel “Burj-Al-Arab”, një perlë arkitektonike e ndërtuar në det me një panoramë të rrallë për t’u soditur. Nano dhe bashkëshortja e tij kanë zënë vend në një tavolinë të rezervuar, në pjesën më të mirë të restorantit. Hoteli me pesë yje “Burj-Al-Arab” i ideuar dhe realizuar në formën e një vele anijeje, konsiderohet si një ndër hotelet më të shtrenjtë në botë. Ai ka vetëm suita (apartamente), çmimi më i lirë i të cilave sipas faqes së internetit të vetë hotelit nga 3 janari deri në fund të shkurtit është 3000 dollarë. Por në këtë hotel ka suita për të cilat duhet të paguash deri në 20.000 euro vetëm për të fjetur një natë. Restoranti i ndërtuar në katin e 27-të të hotelit është gjithashtu mjaft i shtrenjtë. Një darkë jo shumë e ekzagjeruar për një çift shkon tek 800 euro. Hoteli “Burj-Al-Arab” ka 27 kate dhe 202 suita. Në katin e fundit të hotelit, ku është restoranti mund të zbresësh me helikopter ndërsa një restorant tjetër është sërish në det dhe aty mund të shkohet me nëndetëse. Sipas faqes në internet të hotelit, suitat për gjithë janarin janë të prenotuara, ndërkohë që për të konsumuar një darkë në restorantin e “Burj-Al-Arab” duhet të prenotosh që dy javë përpara. Dubai është një nga shtatë pjesët e Emirateve të Bashkuara Arabe, të cilat vitet e fundit kanë njohur një rritje gjigante në fushën e turizmit. Të favorizuara nga pozicioni gjeografik në Gadishullin Arabik, Emiratet e Bashkuara Arabe ofrojnë një turizëm elitar dhe shumë luksoz. Temperaturat në Dubai edhe tani në janar nuk bien poshtë 18-19 gradëve.
Nano është vënë shesh në qendër të kritikave të opozitës dhe opinionit publik për shpenzimet e shfrenuara gjatë pushimeve dhe fundjavave. Gjithsesi kryeministri nuk ka ngurruar asnjëherë, të zgjedhë vendet më luksoze, ku shpenzimet për pak ditë shkojnë në mijëra euro.



04/01/2005

[[xeni]]

brari, ti akoma habitesh nga keto lajme?
s'ka asgje sensacionale ketu... krejt normale per nje njeri te tille...

[StormAngel]

Ka punuar kohë të gjatë Nanua për këto pushime.

[[xeni]]

Ka punuar kohë të gjatë Nanua për këto pushime.

ka punu populli per te, stormo...

[Brari]

I ngrati Helm.ut Kol.. qe bashkoi dhe Atdheun e tije.. sdi se cfar hengri qyl.. a nji tav dheu me karkaleca a nje tav kosi dhe e hoqen ..

eh po ki i joni e meriton se.. ka hedhur ne kanal at plakun..

..

RD shkruan:


---


Pushimet dimërore të kryeministrit, qindra-mijëra EURO, nga Zvicra në Dubai

Nano, Vitin e Ri në "Casino di Lugano"

Në mesnatën e ndërrimit të viteve, kryeministri Fatos Nano është parë duke luajtur në kazinonë më të famshme të Zvicrës dhe një nga më të njohurat në botë. Pushimet e kryeministrit kanë vijuar në Dubai, ku është sistemuar në një nga hotelet më të shtrenjta të botës, "Burj Al Arab", ku dhoma më e lirë është 1000 euro. Shpëtim Idrizi paguan shpenzimet e Dubait, ndërsa Agim Isaku e shoqëron në Zvicër

Kryeministri Fatos Nano e kalon festën e Vitit të Ri në kazinonë më të njohur të Luganos, në Zvicër, duke nisur kështu "mbarë" turin e pushimeve të gjata dhe superluksoze të dimrit. Dëshmitarë okularë thanë për "RD" se ata e kishin parë Fatos Nanon duke luajtur në mesnatën e datës 31 në "Casino di Lugano", në shoqërinë e katër personave të tjerë, përveç dy truprojave që ndiqnin nga afër lëvizjet e kryeministrit.

Burime pranë stafit të ngushtë të kryeministrit thanë se me çiftin Nano në Zvicër kanë qenë edhe bashkëshortët Agim dhe Vera Isaku, ndërkohë që nuk është shumë e qartë se kush ka qenë "viktima" që ka paguar shpenzimet e pushimeve dimërore të kryeministrit, por sidomos paratë e humbura në kazinonë e Luganos.

Qyteti i Luganos, që ndodhet në kantonin e Ticinos, (pjesa italiane e Zvicrës) është i shquar në të gjithë botën për kazinotë e tij, të cilat janë vendosur në brigjet e liqenit piktoresk.

Fatos Nano e ka lënë kazinonë në orët e para të mëngjesit, pasi kishte hedhur në ruletë shuma marramendëse parash. Tashmë është bërë një traditë fakti që kryeministri kalon pushime superluksoze në hotelet dhe restorantet më të shtrenjta të botës, por mbi të gjitha ai shpenzon shuma akoma më të mëdha për pasionin e tij të vjetër, kumarin. Publiku shqiptar është i njohur prej kohësh për aventurat e kryeministrit në kazinotë më të famshme të planetit, në Atlantic City, në Shtetet e Bashkuara, dhe në Monte Karlo. Me sa duket, "Casino di Lugano" mungonte në hartën e bixhozit të Fatos Nanos dhe ai nuk ngurroi shumë, por së bashku me bashkëshorten e tij, dhe me njërin prej më besnikëve të oborrit të vet, Agim Isakun, u nis për ta provuar shansin atje.

Ky është një tjetër fakt i rëndë që i shtohet listës së zullumeve të kryeministrit më të papërgjegjshëm dhe më të korruptuar të Europës. Për qytetarët e varfër shqiptarë, të cilët ndërrimi i viteve i gjeti në vështirësi të mëdha mbijetese, me xhepa të shkundur për të gëzuar me aq sa kanë pasur mundësi fëmijët e tyre, është një lajm i kobshëm të marrin vesh se kryeministri i tyre bën rrush e kumbulla 300 deri 500 mijë euro në një dorë. Është e tmerrshme të mendohet se kryeministri i vendit, ku edhe për festat e fundvitit llampat nuk ndriçojnë më shumë se 5 orë në ditë, i kalon pushimet në vende ku shkojnë vetëm sheikë dhe miliarderë nga vendet më të pasura të botës.

Burime të pakonfirmuara ende plotësisht thanë për "RD" se pushimet e kryeministrit kanë vijuar me një udhëtim për në Dubai, ku është sistemuar në hotelin luksoz "Burj Al Arab", ndër më të famshmit dhe më të shtrenjtit në botë, në të cilin dhoma më e lirë kushton 1000 euro. Por për kryeministrin e vendit më të varfër të Europës, kjo nuk ka asnjë rëndësi, sepse ai nuk paguan kurrë vetë. Këtë radhë në shoqërinë e tij ndodhet drejtori i Përgjithshëm i Doganave, Shpëtim Idrizi, një hijenë e parave të taksapaguesve shqiptarë dhe një emblemë e korrupsionit në Shqipëri.

Idrizi, një nga njerëzit më të afërt të kryeministrit për momentin dhe një anëtar i klanit të Xhoanës, duket se është edhe pagatori i pushimeve aziatike të Fatos Nanos. Nuk është hera e parë që Nano zgjedh Shpëtim Idrizin si "shoqërues të parë misteri" në udhëtimet e tij të kushtueshme jashtë shtetit. Drejtori i Përgjithshëm i Doganave duket se e ka kënaqësi, por edhe taktikë të tij pagesën e harxheve të kryeministrit, që me sa duket është një garanci e fortë për të ruajtur postin e tij.

Ja disa nga vakancat e Nanos në vitin 2004

• 1 Janar 2004: Nano dhe bashkëshortja e tij, Xhoana, festojnë Vitin e Ri në Austri dhe ndjekin Koncertin e Vjenës.

• 8 Janar 2004: Çifti kryeministror Nano kthehet për disa orë në Aeroportin e Rinasit, për t'u nisur sërish drejt Turqisë.

• 11 Janar 2004: Nano dhe Xhoana kthehen nga Turqia.

• 17 Maj 2004: Kryeministri shqiptar viziton Ohrin (Maqedoni).

• 17 Qershor 2004: Nano udhëton drejt Shkupit; më 18 qershor viziton Universitetin e Tetovës.

• 28 Qershor 2004: Nano udhëton drejt Stambollit. Kthehet më 29 qershor.

• 1 Korrik 2004: Kryeministri Nano udhëton drejt Spanjës.

• 4 Korrik 2004: Nano udhëton drejt Portugalisë për të ndjekur finalen e Kampionatit Europian. Kthehet në Tiranë më 5 korrik.

• 13 Korrik 2004: Kryeministri Nano zhvillon vizitë dy ditore në Liban.

• 16 Korrik 2004: Nano niset drejt Kroacisë ku ndjek operën "Norma" në Split.

• 1 Gusht 2004: Nano nis pushimet në Bodrum (Turqi). Kthehet nga pushnimet më 11 gusht.

• 12 Gusht 2004: Kryeministri Nano niset drejt Athinës për Lojërat Olimpike. Kthehet nga Athina më 23 gusht.

• 12 Shtator 2004: Nano niset për në Pekin dhe pas gjashtë ditësh (më 19 shtator) fluturon nga Pekini për në Nju Jork.

• 14 Tetor 2004: Kryeministri shqiptar niset drejt Selanikut për kurim. Pas "kurimit" dëfrehet në një nga buzuqet e Selanikut, ndërsa Shqipëria ishte në zi kombëtare për vdekjen e 15 nxënësve kosovarë gjatë një aksidenti automobilistik në Fushë-Arrëz. Kthehet nga Selaniku më 18 tetor.

• 16 Nëntor 2004: Nano niset drejt Gjermanisë.

• 7 Dhjetor 2004: Nano merr pjesë në hapjen e "La Skala"-s në Itali.

• 25 Dhjetor 2004: Kryeministri Nano dhe bashkëshortja e tij, Xhoana, festojnë Krishtlindjet në Greqi.


---------------------------------------------------


"Viktimat" që paguajnë faturat e Nanos

Astrit PATOZI


Dy ditë para mbylljes së vitit 2004, një gazetë e Tiranës botoi bilancin e udhëtimeve jashtë shtetit të kryeministrit Fatos Nano, i cili ishte tronditës. Plot 100 ditë, që do të thotë se gati një të tretën e kohës, shefi i qeverisë së vendit më të varfër të Europës e ka kaluar në udhëtime jashtë vendit, shumica e të cilave kanë pasur thjesht karakter hedonistik.

Por më tepër se 100 ditët e Fatos Nanos jashtë funksionit të tij, mbi shqiptarët rëndojnë lajmet për shpenzimet prej pasunari të kryeministrit të tyre nëpër botë. Sikur të mos ishte kryeministri i një vendi me vështirësi të shumta, ku një e treta e shtetasve e ngrysin vitin nën minimumin jetik të varfërisë, Fatos Nano akomodohet në hotelet më luksoze dhe më të famshme të botës, udhëton me kroçiera dhe me automjete të tjera miliarderësh, dhe mbi të gjitha shpenzon shumë, tmerrësisht shumë për pasionin e tij të madh, bixhozin.

Sipas të dhënave të besueshme, natën e ndërrimit të viteve, ai e kaloi në njërën prej kazinove më të famshme të Zvicrës dhe një nga më të njohurat në botë. Për fat të keq, hobi i kryeministrit tonë për të harxhuar para në ruletë nuk përbën më lajm dhe po kthehet në rutinë jo vetëm për shtypin, por edhe për vetë publikun. Dhe kjo është të vësh kujën, pasi për një të mijëtën e asaj që po bën Nano sot, në Europë dhe gjetkë kanë "lënë kokën" shumë burra të mëdhenj shteti.

Edhe 100 ditë dieta dhe shpenzime normale do të ishin shumë për buxhetin e një shteti të varfër si Shqipëria.

Madje ato do të konsideroheshin skandal edhe për vende të zhvilluara dhe të pasura të Europës, ku nuk ngjet kurrë që kryeministri të bredhë kudo në botë ku ka ahengje, shfaqje, përurime apo festa, kështu siç bën kryeministri shqiptar.

Avokatët e tij nuk mund të mbrohen dot kurrësesi me faktin se në dokumentacionin e Kryeministrisë mungojnë shumë prej faturave me shuma marramendëse që Fatos Nano shpenzon në udhëtimet e tij të shumta jashtë Shqipërisë. Sepse nuk ka asnjë rëndësi nëse kryeministri i merr apo nuk i merr drejtpërdrejt nga buxheti i shtetit paratë që shpenzon për tekat dhe trillet e tij milionere. Në rast se gjobën e Dubait e paguan drejtori i Përgjithshëm i Doganave, Shpëtim Idrizi, dhe pushimet e tjera, sipas radhës, një biznesmen "i pavarur" apo ndërtues "i paanshëm", kjo për publikun ka të njëjtën vlerë. Ato janë paratë e taksapaguesve shqiptarë, që u mbahen herë nga doganat e superkorruptuara, që sot drejtohen nga Shpëtim Idrizi, e herë nga monopolet me liçensë shtetërore të biznesmenëve, që nuk janë gjë tjetër, veçse ortakë të kryeministrit, bashkëshortes së tij apo anëtarëve të tjerë të kabinetit "Nano". Në fakt, shumë prej dorovitësve të kryeministrit mund të mos e ndjejnë veten as të poshtëruar dhe as të bezdisur nga "dora e rëndë" e Fatos Nanos, sidomos kur ndodhet jashtë vendit. Sepse edhe ata nuk paguajnë asgjë nga xhepi.

Nuk ka shqiptar që nuk e di se ato para që hidhen pa kursim në ruletat e kazinove më të famshme të botës dhe që i sigurojnë Fatos Nanos një komfort sheikësh kudo që i shkel këmba, janë të secilit prej nesh. Pushimet luksoze dhe pasioni i kryeministrit, dhe i bashkëshortes së tij për mondanitet po kthehen dalngadalë në një tregim monoton, ku ndërrohen vetëm "viktimat", kurse protagonistët janë po ato, Fatos Nano dhe zonja e tij e dytë.

-----------------------------

nga RD

[iliria e para]

Po kete e kemi tradite qe kryeminstrat te "lujne" me para te popullit.
As ai tjetri nuk beri me pune te bukur apo ndoshta i harruat piramidat.
Nje pjese e popullates i del ne mbrojtje njerit pjesa tjeter tjetrit.
Sa te veprojme ne keshtu edhe tjetri ,pasardhes i Nanos do te veprojne ne te njejten menyre.
"Percaj dhe luaj", kete moto ekan keta.
Sali Piramida
Nano(mafia) Artemida

[Era1]

Ja se me ç'fare parash shkojne per pushime Nano etj.

Meta: Policitë evropiane të kontrollojnë bagazhet e çarterat e klikës, se do gjejnë gjëra të ndaluara

Menjëherë pas vendimit të KPD-së, ish-kryeministri Ilir Meta, ka reaguar me akuza mjaft të ashpra ndaj Kryeministrit Nano, duke kërkuar ngritjen e një komisioni hetimor, i cili të hetojë vendndodhjen e secilit prej tyre në të njëjtat periudha. Meta tha se është i hapur për ngritjen e këtij komisioni hetimor, i cili të mund të hetojë se ku ndodhej ai gjatë ditëve kur në Shqipëri bëhej votimi për qeverinë, por një komision duhet të hetojë gjithashtu se ku ndodhej Nano në këtë periudhë dhe, veçanërisht natën e 9 janarit, kur ndodhi tragjedia e Karburunit. “Nuk do të paraqes asnjë raport për të justifikuar mungesën time në votimin e kësaj qeverie në fund të dhjetorit, për të cilën përditë më forcohet bindja se është qeveria më e korruptuar dhe jam i hapur dhe, madje, kërkoj publikisht, të miratohet komisioni hetimor parlamentar dhe jam i gatshëm të hetohem për të dyja javët që nuk kam qenë në vend dhe të verifikohem se ku kam qenë dhe se çfarë shpenzimesh kam bërë. Por kërkoj që e njëjta gjë të bëhet edhe për pushimet e kreut të qeverisë aktuale gjatë kësaj periudhe, njëkohësisht edhe gjatë natës së tragjedisë së Karaburunit, se ku ka qenë me çfarë ka lëvizur, me kë është shoqëruar dhe se çfarë shpenzimesh ka bërë. Nuk besoj se ka ndonjë qytetar në këtë vend, që do të besojë përsëri se Nano hoqi tëmthin për herë të dhjetë”, tha Meta. Ndërsa për akuzat që Nano bëri dje për Metën në mbledhjen e KPD-së, ky i fundit deklaroi: ”Përsa i takon përmendjes së Austrisë dhe veprimeve bankare apo Zvicrës, unë dua të siguroj të gjithë, që jo vetëm nuk kam qenë gjatë kësaj periudhe në këto vende dhe që nuk kam bërë një veprim të tillë, por ka qenë ndoshta një lapsus i kreut të klikës, pasi ai ka qenë shpesh në Austri këto kohë dhe mund të ketë bërë vetë veprime bankare atje”, tha Meta. Ndërkohë, Meta nuk ka kursyer akuza të forta ndaj Kryeministrit Nano, duke i bërë thirrje policive evropiane të kontrollojnë bagazhet dhe Çarterat e Nanos: ”I bëj thirrje të gjitha policive evropiane, që të kontrollojnë bagazhet, çarterat e klikës në fuqi, pasi, besoj se do të gjejnë aty shumë gjëra të kërkuara dhe të ndaluara”. Duke e quajtur herë pas here “kreu i klikës”, Meta i ka bërë thirrje kreut të qeverisë që të heqë dorë nga shantazhet dhe synimet për atentate politike ndaj Metës dhe mbështetësve të tij në këtë parti: ”Unë dua t’i bëj të qartë kreut të klikës të heqë dorë nga shantazhet politike dhe të heqë dorë edhe nga synimet për atentate dhe aksidente politike”, tha Meta.


Gazeta Panorama

[kolombi]

Ne kazinon e Luganos,nje nate ishte ajo o Brar,iku do shkruajne RD edhe do harrohen,po thone qe Tosi eshte ulur kembekryq dhe po luan me dite ,muaj,vite ne kazinon me emrin SHQIPERI.
Dhe populli qe ne kurriz te tij jane hedhur themelet e kesaj kazinoje rri e ben sehir,madje duke e votuar eshte njelloj sikur i jep celsat e kazinos te perjetesohet bixhozxhiu NANO.
Kesaj i thone medet...................

[friendlyboy1]

nano nuk harxhon milionat e tija atije se esht shum cheap. ja paguajn tjeret per ndere qe ka ber. pastaj ti me dukesh shum xheloz qe nano ka para. nano eshte mafioz apo do te kujtoj filmin goodfather qe te kujtohet ca eshte mafioz. behu dhe ti mafioz dhe bej pushimet ne dubai. Problemi i shqiperis nuk eshte vetem nano, por eshte se ne shqiperi kemi shum njerez te keqinj. ka kudo te keqinj por ne shqiperi kemi shum me teper nga cmund te tolerohet per te ngritur nje shtet madje un sot habitem si ka qen e mundur te krijoheshe shteti shqiptar with all this scum. njerzit e kqinj jan si fotoksina, doza te vogla te bejn imun por sa shum mund te pish para se te vdesesh?

[Del Monako]

Cdo gje ka fund nje dite. Edhe klika Nano do perfundoj se shpejti. Rendesi ka qe te ndodhe sa me shpejt dhe ne vend te Nanos mos te vihen fotokopje te tij. Kemi kohe qe na qeverisin disa lapangjoza qe jane rrit nga i njejti grure.
Vetem sa me shume kohe kalon aq me shume e kuptoj qe ky mafioz ogurzi i Shqiperise i paska krahet shume te ngrohta, gje qe do te veshtiresoj zhdukjen e tij nga politika Shqiptare, por jo se e ben te pamundur.