PS fiton zgjedhjet në komunën e Dushkut

[Dr Rieux]

marre nga TemA, 14.12.2004

EDITORIALI

Rroftë Dushku!

Nga Prof. Dr. Apollon Baçe

"Erdha personalisht në Dushk, jo sepse kam ndonjë
dyshim në fitoren e socialistëve progresistë, por për
ta festuar së bashku fitoren" tha Nano. "Dushku është
hambari i votave për socialistët" vijoi ai. Dhe këtu
Nano ka plotësisht të drejtë: Dushku kishte votuar për
PPSH-PSSH-në edhe në '92 edhe në '96, kur më besnikët
ia kishin kthyer kurrizin PPSH-PSSH-së. Nuk është
thjesht rastësi kthimi pikërisht i Dushkut në ofiçinë
për shkatërrimin e zgjedhjeve të 2001-shit. Kjo pasi
PPSH-ja i kishte kthyer dushkarakët, nga argatë, në
kooperativistë, duke i çliruar nga tërë "jux"-et e
bujkrobërisë dhe këtë dushkarakët nuk e harronin.
Nano i quajti gramshjotët, zhamsjotët, konjatjotët,
thanasjotët "dhe patjetër Dushkasit e Mëdhenj", "vatra
të zjarrit të zemrës socialiste në mbarë vendin". Ai
tha edhe "le t'i lëmë të nanurisin me hënën, ata që
mendojnë se çështja e Palestinës, është e barabartë me
çështjen e Dushkut".
Por krahas citateve për Palestinën dhe vatrat e
zemrave të zjarrta socialiste, Nano tha dhe "vitin
tjetër komuna juaj do të përfitojë edhe një investim
100 mijë dollarë për traktorë të rinj". Duke ia nisur
pagimit me taksat e taksapaguesve shqiptarë të
fushatës elektorale të PSSH-së.
Cili është shkaku që Nano, i cili mund të dëfrejë edhe
gjëmave kombëtare, ia prishi rehatin vetes për
dushkarakët? Thjesht nga zjarrmia për t'u thënë
dushkarakëve "Rroftë Dushku dhe njerrëzit e tij të
mrrekullueshëm!", apo nga diçka tjetër?
Në të vërtetë PS-së nuk i hyjnë në punë komunarët e
Dushkut, madje as Dushku vetë. Dushku, i cili sipas
Nanos "nuk është një dru i shtrembër", ka vetëm vlerë
estetike. Atë të një show paraelektoral.
Por e parë me këtë optikë, fitorja e PSSH-së në Dushk
i ngjet "fitores së Pirros" në Herakle, pas së cilës
Pirro mori fund një herë e mirë: Nëse në 2001 blloku i
PSSH-së dhe satelitëve të saj fitoi në zonën 60 ndaj
bllokut tjetër në raportin 76/16%, sot ky bllok fitoi
në Dushk në raportin rreth 48/38 %. Mbi 28% më pak se
në 2001-shin.
Dhe kur megjithë premtimet qindramijë dollarëshe,
megjithë dyndjen e deputetëve dhe doganierëve,
megjithë frigosjet e komisionerëve dhe problemet me
listat, blloku i PSSH-së mori mëse 20% vota më pak se
në 2001-shin, ndërkohë që një parti e sapolindur i
rrëmben 1/3 e elektoratit, kjo tregon se në Dushk ka
diçka që nuk shkon. Dhe nëse edhe në "hambarin
socialist të votave" ka diçka që nuk shkon, kjo tregon
se edhe famëmirit Dushk, i ka ardhur në majë të
hundës. Dhe kur edhe famëmirit Dushk i ka ardhur në
majë të hundës, pale ç'bëhet me të tjerët.

[Albo]

Askujt nuk i behet vone se kush fiton nje komune si Dushku, por ajo qe te gjithe ata qe nuk jane lexues amatore te shtypit apo politikes kerkonin te shikonin nga zgjedhjet e Dushkut ishte si do dilte konkurimi i forces me te re politike ne vend, LSI. Nga sa lexova ne shtyp, LSI doli "forca e trete" me 15% te votave, ne nje bastion te socialisteve.

Sikur LSI ti shkeputi socialisteve 15% te elektoratit ne zgjedhjet e ardhshme, PS nuk ka per te humbur vetem pushtetin, ka per tu varrosur si parti pluraliste. Edhe 5% eshte humbje e madhe, por 15% eshte vdekje.

Albo

[Albo]

KQZ njoftoi dje se PS ka fituar 7 këshilltarë, PD 3, LSI 2, PA, PSD, PAD, LZHK e PR nga 1

KQZ: Dushk, PS 39,73%, LSI forcë e tretë

Darina Tanushi

TIRANË – KQZ njoftoi dje rezultatet e zgjedhjeve të pjesshme në Dushk në bazë të të dhënave paraprake që kishin ardhur nga KZQV e kësaj komune, ndërsa kryetari i KQZ-së Ilirjan Celibashi u shpreh se në Dushk është zhvilluar një proces i qetë dhe nuk ka patur ndonjë thyerje të procedurave zgjedhore. “Çdo gjë ka shkuar normalisht dhe nuk ka patur vonesa në hapjen e qendrave të votimit”, -është shprehur Celibashi, pas një takimi që zhvilloi me homologun kosovar. Ai ka bërë të ditur se rezultati do të dalë brenda afatit të përcaktuar në Kodin Zgjedhor. Sipas rezultateve të KZQV-së, të cilat kanë qenë të njëjta me ato që ka deklaruar dje edhe Partia Socialiste, rezultoi se Partia Socialiste ka fituar 7 vende në këshillin e komunës ose 39,73% të votave, ndërsa Partia Demokratike ka fituar 3 vende ose 18,95% të votave . E treta në renditje vjen Lëvizja Socialiste për Integrim me 2 vende në këshillin e komunës të Dushkut ose 13,74%. Ndërsa Partia Republikane, Partia Socialdemokrate, Partia Aleanca Demokratike, Lëvizja për Zhvillim Kombëtar dhe Partia Agrare kanë fituar nga 1 këshilltar. Po sipas këtij komisioni pjesëmarrja në zgjedhje ka qenë rreth 50 për qind nga 46 për qind që ka qenë në krahasim me vitin e kaluar. Krahasuar me zgjedhjet vendore të vitit 2003 për PS-në kishin votuar rreth 1179 votues, ndërsa këtë herë votuan 1365 votues. Për PD-në në vitin 2003 votuan 902, ndërsa këtë herë numri ka rënë në 646 votues. E reja e këtyre votimeve është se PD-ja nga 5 këshilltarë që ka patur në këshillin komunal, i cili nuk funksionoi, tani do të ketë vetëm 3 këshilltarë. Ndërsa PS-ja mbetet në të njëjtën shifër, pra atë të 7 këshilltarëve, si në zgjedhjet vendore të vitit të kaluar. LSI, e cila është përballur për herë të parë qysh pas krijimit të saj në një proces zgjedhor ka rezultuar partia e tretë, pas PS-së dhe PD-së dhe kjo është interpretuar nga drejtuesit e saj, si një shenjë pozitive sidomos përpara procesit të zgjedhjeve. Këto shifra të zgjedhjeve të së dielës janë konfirmuar dje, edhe nga zëdhënësi politik i PS-së Gjergji Koja, i cili i vlerësoi zgjedhjet në Dushk si të rregullta, të lira, demokratike dhe pa asnjë incident. Ai tha se PS-ja rikonfirmoi veten si forcë e parë politike madje me 2% rritje, ndërsa PD-ja ka pësuar një rënie prej 10% nga zgjedhjet e kaluara. Koja tha se u vërtetua ajo që PS-ja deklaroi para zgjedhjeve për huazim votash nga PD-ja tek LSI-ja pasi PD-ja, sipas Kojës zbriti në 3 këshilltarë, ndërsa LSI mori 2 këshilltarët diferencë të PD-së. Gjithsesi, tha Koja, rishpërndau dhjamin e vet elektoral në zgjedhjet e së dielës.

Subjekti vota % nr. i këshilltarëve

PS 1365 39.73 7
PD 651 18.95 3
LSI 472 13.74 2
PAA 193 5.61 1
PAD 261 7.59 1
LZHK 166 4.83 1
PSD 139 4.04 1
PR 103 2.99 1

Vota të vlefshme 3435
Pjesëmarrja 50%

[Zarathustra.]

Vini re. E djathta ne keto zgjedhje ka rreth 900 vota te marra se bashku. E majta ka rreth 2500.

PD ne zgjedhjet e meparshme lokale kishte 5 keshilltare, pardje ajo fitoi vetem 3 keshilltare.

Me duket mua se LSI i ka marre vota PD dhe jo PS.

[Veshtrusja]

OSBE nuk i klasifikon zgjedhjet në Dushk si të lira e të ndershme

Prezenca e OSBE së në Shqipëri, nuk deklaroi dje se zgjedhjet në Dushk përmbushën standardet perëndimore të zgjedhjeve. OSBE vetëm shpreson që, në zgjedhjet e 2005-ës, standardet të përmbushen, falë vazhdimit të bashkëpunimit.


Ndërkombëtarët nuk i kanë cilësuar zgjedhjet në Dushk, si të lira e të ndershme, por vetëm të qeta dhe pa ndonjë tentativë të dukshme për manipulim, gjatë numërimit dhe votimit. Që standardet e paarrira të vendosen sipas kushteve të Europës, për kryerjen e zgjedhjeve parlamentare të vitit 2005, "duhen ndërmarrë disa hapa, veçanërisht, në lidhje me trajnimin e anëtarëve të KQV‑ve dhe komisionit zonal zgjedhor (KZZ) si dhe caktimin dhe pajisjen e qendrave te votimit, me qëllim që të sigurohen zgjedhje parlamentare, në përputhje me standardet e OSBE‑së". Kjo u pranua nga anëtarët e KQZ‑së, të pranishëm gjatë votimit dhe numërimit të votave, ndërsa Prezenca e OSBE‑së në Shqipëri, shpreson për vazhdimin e bashkëpunimit në zgjidhjen e këtyre çeshtjeve të rëndësishme. Pavarësisht këtyre mangësive, zgjedhjet e pjesshme në Dushk, sipas OSBE-së, tregojnë vullnetin e votuesve. "Në përgjithësi, madhësia, organizimi dhe pajisjet e qendrave të votimit, nuk kontribuonin për një proces votimi transparent dhe të rregullt. Disa qendra votimi ishin tepër të vogla, të mbipopulluara dhe/ose të ndriçuara keq", deklaron OSBE. Sipas saj, në përgjithësi, zgjedhjet e pjesshme u zhvilluan në mënyrë të qetë, por nuk ka ndonjë referencë ekzakte për zgjedhjet e lira e të ndershme. "Gjatë votimit dhe gjate procesit të numërimit të votave, nuk u vëzhgua ndonjë tentativë për manipulim, duke mos përjashtuar kështu tentativat para procesit dhe para çastit të votimit. Prania e përfaqësuesve të Komisionit Qendror të Zgjedhjeve (KQZ) në komisionet e qendrave të votimit (KQV) dhe komisionin zgjedhor të qeverisjes vendore (KZQV), në shumicën e rasteve, rezultoi e dobishme për procesin e votimit dhe numërimit të votave, pasi procedurat mundën të shpjegoheshin dhe sqaroheshin në rastet e diskutueshme. Anëtarët e KQV‑ve ishin, në përgjithësi, të angazhuar për të punuar profesionalisht", theksohet në deklaratën për media të OSBE-së. "Megjithatë, në dy qendra votimi, pati tentativa nga përfaqësues partiakë për të ndikuar tek votuesit. Gjithashtu, u vëzhgua gjerësisht votimi familjar dhe fakti që, disa njerëz u lejuan të votonin pa kartë identifikimi", pohohet në deklaratën e OSBE-së. Si përfundim, rezultati i zgjedhjeve të pjesshme në komunën e Dushkut, përfaqëson gjerësisht vullnetin e votuesve. Njëzet e nëntë vëzhgues ishin prezentë përgjatë votimit dhe procedurës së numërimit në të 12 qendrat e votimit të komunës së Dushkut, përfshi një ekip vëzhguesish në KZQV, i cili ndoqi procedurat e marrjes dhe nxjerrjes së rezultateve.

Kleves BITRO
Gazeta 55

[Veshtrusja]

Data: 13/12/2004 ora 15:30:00

Dushku, zgjedhje nga mielli në naftë

Socialistët bëjnë batërdinë edhe në një komunë të vetme. Pas miellit, me policë e agjentë krimesh nisin shpërndarjen e tollonëve të naftës për fshatarët, në këmbim të votave.


E gjithë qeveria ishte angazhuar dje në një aksion të rëndësishëm për t'i shpëtuar faqen kryeministrit Nano, edhe pse zgjedhjet e komunës Dushk ishin thellësisht të pjesshme e pa asnjë rëndësi, as si testime të formacioneve politike, por kjo s'e ka ndalur Fatos Nanon të shfaqë edhe një herë mendësinë e tij prej armiku të votës së lirë. Pasi kishte angazhuar për një javë radhazi drejtorët e policisë, agjentët e krimeve, si dhe turlisoj profesionistësh, për të intimiduar përkrahësit e opozitës, kryesisht komisionerët e saj, në ditën e zgjedhjeve çoi krejt qeverinë që t'i dorëzonte në fund, rezultatin e dëshiruar: atë të ruajtjes së një niveli përkrahjeje prej pak më shumë se 30 përqindësh. Gjatë gjithë ditës, një fotograf bënte foto çasti falas në Dushk dhe më pas, ato shndërroheshin në certifikata që ishin, as më pak e as më shumë, sesa vota socialiste për establishmentin e kryetarit aktual. I zënë gafil, fotografi deklaroi aty nga dreka, se kishte shpërndarë nja 200 copë dokumente të tilla, por duket se ato ishin nja dy herë aq. Presioni policor dhe prania e lartë e qeveritarëve, dukeshin skema të njohura në zgjedhjet e djeshme të Dushkut, por duket se një risi iu shtua kulturës së korruptimit të zgjedhjeve, me anë të autoritetit shtetëror. Pasi kishte dështuar prej pesë muajsh një projekt kombëtar për të ndihmuar sektorin e bujqësisë, me anë të uljes së çmimit të naftës që përdoret nga fermerët, vetë Fatos Nano inicoi të premten, një aksion për shpërndarjen e menjëhershme të tollonëve të naftës (të lirë) në këmbim të votave elektorale. Kultura korruptive u shfaq neveritshëm të dielën,, kur emisarë të kryetarit të komunës, i cili kishte hallin të zgjidhte njerëzit që do t'i linin dorë të lirë vjedhjes në të ardhmen, shëtisnin rrugëve të qendrës së komunës me tollonë nafte në dorë, në këmbim të njerëzve që dilnin nga shtëpitë e shkonin në qendra të votonin për kastën e Nanos. Nafta shtetërore është një variant i ri i korruptimit të votës, që regjistron evolucion, krahasuar me metodat e përdorura nga socialistët në zgjedhjet e pjesshme të Elbasanit në 2002-shin, kur u zgjodh mielli si asortimenti bazë. Tani që në tregun ndërkombëtar është rritur kursi i naftës, socialistëve u del kostoja më e lirë për vjedhjen e votave. Testi i djeshëm i Dushkut ishte testi më i zi që dha Nano, që pas konsensusit të shtirur që ofroi për reformën zgjedhore. Ai tregoi se, po mbeti në pushtet deri në zgjedhje, nuk ka ligj e reforma që shpëtojnë procesin nga korruptimi i tij. Establishmenti kriminal që e mban atë në pushtet, ka një forcë që nuk mund të kontrollohet, prandaj duket se, nëse ai shkon në zgjedhje me pozitat e pushtetarit, ka rrezik që atëhere të mos tregtojë miell apo naftë, por edhe armët që mund t'i kenë mbetur ende pa trafikuar. Dje, në Dushk përvojat e tipit "Valentina Leskaj" i provoi në kurriz, jo vetëm opozita klasike e PD-së, por edhe vetë LSI. Ka rrezik që kjo sjellje prej njerëzish që vuajnë nga patologjitë e vjedhjes së votës, të bëjë më të afërt kohën kur forcat politike që e duan me të vërtetë votën e lirë, të bashkohen në një koalicion për rrezikun e Nanos, si një rrezik permanent për demokracinë dhe pluralizmin në Shqipëri.

Gazeta 55

[Brari]

Skleroza apo pabesia jan dy versionet qe duhen sqaruar mbi llafet e veprat e PD-se..

Dushku ishte FITORE e NANOS pejk.. dhe nji Shuplake per Berishen qe nuk i skuqet faqja..

llafe kot mos beni ..

qashtu..

[Veshtrusja]

Skleroza apo pabesia jan dy versionet qe duhen sqaruar mbi llafet e veprat e PD-se..

Dushku ishte FITORE e NANOS pejk.. dhe nji Shuplake per Berishen qe nuk i skuqet faqja..

llafe kot mos beni ..

qashtu..

"fitore" gjoja kan qen te gjitha per nanon

qashtu

[kolombi]

Kjo eshte harbuteria,mizerja e nje pseudo politikani qe po nderton dinastine e korrupsionit ,vagabondizmit dhe te rakise mbi verberine e nje populli.
Ne nje dore mbante parat e vjedhura per tu blere fashatareve traktore ne tjeter sopaten,ne rast deshtimi te priste Dushkun dhe dushkiotet me gjithe rrenje.

Kjo koke ate feste do.Mire e gjeci o dushkioter qe mohoni dhe nuk shikoni varferine dhe mizerjen per ca plugje te plugoni token shterpe,te gjenerates se dyte (larg qofte mos qente 45-vjecare)te pasardhesve te Baces se gjirokastres.