A kemi më vlera si popull?

[ErionB]

E hap kete teme per te pare reagimin e te gjithe bashkeatdhetareve te mi se c'fare mendoni mbi kete teme!

Ka ardhur nje kohe ku ne Shqiperi korrupsioni mbizoteron c'do fushe: nga qeveria deri tek punonjesi me i thjeshte ne administrate. Trafiku njerezor dhe narkotik eshte ne kulm. Vrasjet ne familje jane lajm ditor. Tashme dhe ne Europe dhe ne Amerike kemi marre tituj si mafioze; nderkohe qe kur njerezit pasurohen ne keto menyra te gjithe me nje ze themi "i lumte atij qe vodhi ose shiti droge dhe u pasrua" ose e pranojme qe i korruptuari eshte thjeshte "peshku i madh" ne rrugen e evolucionit dhe ashtu duhet te vazhdoje.

Vetem dua te di nese ketu ka rene morali Shqiptar, apo jo. Dhe nese kjo eshte pika ku ka rene morali dhe vlerat Shqiptare, c'fare duhet te bejme ne qe nuk pajtohemi?

[ElMajico]

Atehere vlerat tona si popoull nuk bien vetem se peshq te medhenj"" merren me pislluqe e ti ulin vlerat popullit shqiptar.Perkundrazi duhet te marrim shembull nga vendet e tjera e te rrisim zhvillim tone kombetar e te rrisim vlerat tona si popull ne te paret.

[Albo]

Nese do te besoja se shqiptaret si popull nuk kane vlera te admirueshme edhe nga popujt e tjere, do te ishte njesoj sikur te thosha qe Shqiperia nuk ka te ardhme. Pse? Sepse nje popull pa vlera, do te thote se eshte nje popull kriminel, hajdut, trafikant, i korruptuar. Pra do te thote te besosh se te gjithe shqiptaret jane te tille.

Por a jane te gjithe shqiptaret hajdute, kriminele, trafikante?

Sigurisht qe nuk jane. Keta jane ata qe kane uzurpuar kryet e shtetit shqiptar, por nuk jane gjithe shqiptaret te tille. Ky eshte konflikti me i madh ne Shqiperi, dhe nuk eshte nje konflikt politik, eshte nje konflikt shume here me i madh se ai politik, eshte nje konflikt vlerash, nje konflikt moral. Kriza shqiptare e ka kaluar dimensionin ekonomik, dimensionin politik, shoqeror dhe tani eshte kthyer ne shkallen me te larte te mundhshme, krize morali.

E rendesishme eshte vetem nje gje: Qe ata shqiptare qe ende mbrojne vlerat e verteta te shqiptarit jo vetem ne Shqiperi por edhe jashte saj te ngrejne zerin e tyre. Llumi ka dale ne krye dhe ka pushtuar kryet e shtetit dhe opinionit publik shqiptar, pasi ajo shumica e heshtur e shqiptareve te ndershem ka zgjedhur qe te heshti.

Duhet qe shqiptaret te mesojne te vrasin heshtjen pasi nuk jane pakice, jane shumice e heshtur.

Albo

[Tironse_Girl_69]

uaaaaaaaaaaaaaa ca pytje eshte ajo si te vje dhe ne mendje te pyesesh, ne jemi popull shume i mire kudo qe shkojme ca na duan e na martojne ca na kan inat po prape se prapi ne nuk i humbim vlerat jemi gjithe ky popull dhe skemi asnje arsye ta mendojme kete gje.

[[xeni]]

A kemi vlera si popull? As qe diskutohet qe po. Kemi, patjeter.
Kjo eshte nje pyetje qe nuk ia vlen ta besh. Mbase do ishte me sakte te thuhej se ç'po behet me vlerat e popullit tone.
A po i humb populli shqiptar vlerat qe i ka trasheguar nder breza?

[Pink^ Pearl]

Vlerat nuk ua prura une , i gjeta ketu midis jush

Cdo komb ka vlera , ashtu sic kemi dhe ne..

korrupsioni nuk eshte rrjedhoje e vlerave por njerezve ne pushtet .....

[Elna Durrësi]

E hap kete teme per te pare reagimin e te gjithe bashkeatdhetareve te mi se c'fare mendoni mbi kete teme!

Ka ardhur nje kohe ku ne Shqiperi korrupsioni mbizoteron c'do fushe: nga qeveria deri tek punonjesi me i thjeshte ne administrate. Trafiku njerezor dhe narkotik eshte ne kulm. Vrasjet ne familje jane lajm ditor. Tashme dhe ne Europe dhe ne Amerike kemi marre tituj si mafioze; nderkohe qe kur njerezit pasurohen ne keto menyra te gjithe me nje ze themi "i lumte atij qe vodhi ose shiti droge dhe u pasrua" ose e pranojme qe i korruptuari eshte thjeshte "peshku i madh" ne rrugen e evolucionit dhe ashtu duhet te vazhdoje.

Vetem dua te di nese ketu ka rene morali Shqiptar, apo jo. Dhe nese kjo eshte pika ku ka rene morali dhe vlerat Shqiptare, c'fare duhet te bejme ne qe nuk pajtohemi?

Mbyll sytë të rigjej vlerat e popullit tim: dikur thurur himn, sot përhumbur mes krimit, vrasjeve, braktisjeve dhe shpërnguljeve.
I kërkoj në sëndukët e kujtesës kohërat kur respekti njerëzor grafikonte shumë më lart se sot, kur sytë ktheheshin nga e mira respektuese, por shpejt , shumë shpejt has respekt superfaqësor, ose e kundërta; s'has respekt fare. Mllefi, zilia, dhe pangopja e kanë fshirë nga të ekzistuarit këtë virtyt të vyeshëm.

Kapelja i hiqet atij që mundi të mbizotëronte më së mirti ligjin e xhunglës.
Admirimi i jepet atij që qe më i zoti udhëve të miellit të bardhë.
Zëri i ulet në maksimum tregtuesit të mishit të gjallë njerëzor .

Minorët shqiptarë shtrijnë duart e mpita rrugëve të botës.
Femrat tona herë me hir, herë me pahir ngrejnë shifrat e të ardhurave të tregtisë së seksit. Kriminelët tanë hedhin copëra gjymtyrësh qyteteve botërore.
Të pashpirtët lenë foshnjat të mbyten ujrave të Italisë.
Qeveritarët as që bezdisen nga jetët e njerëzve flijuar ujrave të Adriatikut.

Gazetat mbushen me lajme të llahtarshme, e ajo pjesë e padukshme që mundohet të ruajë vlerat njerëzore dhe shoqërore të popullit tonë ,është miniskylë për tu parë në mikroskop para "bëmave" vulosëse të katranëve tanë.

Këta njerëz të padukshëm skuqen , zverdhen , nxihen , dhimbosen , vajtojnë, por zëri çjerrës nuk ka tingujt e këngeve të tyre , se ndryshe s'do quhej trishtim helmimi por këmbanë gëzimi.

Diku kjo këmbanë ekziston, por tingulli i saj është i dobët, mjaft i dobët.
Ti bashkangjitesh është gjëja më e mirë. Të kontribosh ti ndihet tingulli gazmor është krenari, por është vështirë shumë vështirë të mund të kapërcehen mbresat shijehidhura të këtyre 10-15 viteve të fundit.

Energjitë dobësohen dhe trupi ndjen lodhjen nga trishtimi ta pushtojë.
Shikon si mjerojnë intelektualët e vendit të tyre punëve të rondomta botës. Shikon si janë thyer idealet njerëzore të çdonjërit nga zhgënjim i jetës dhe zëri të humb forcën e këmbimit, syri të zë rrathët e lotimit.
Gjithçka rëndohet. E megjithatë, ia vlen bashkangjitja, sado e dobët, këmbanës së gëzimit që të gjithë të mund të ngremë kryet nga paturpësia e llumit e të mbushemi frymë nga krenaria e kristalit.

Elna.

[GezoDjali]

Elna, ti e ben gjendje ne Shqiperi shume makaber. E vertete qe ne s'kemi kushtet qe kane vendet e zhvilluara, po me ato zverdhjet dhe dhimbjet qe pershkruan, duket sikur po pershkruan ato pjese te ferrit qe ka harruar ti permendi Aligeri. Une ta kuptoj dhimbjen por mos e ekzagjero kaq shume. Po ti futesh te pershkruash vetem te anet e zeza te dickaje s'do mend qe rezultati do dali sterre.

Kur shtrohet pyetja per vlerat, cfare nenkuptojme ne me vlera? Mbase pyetja qe duhet shtruar eshte a kemi ne moral? A do vazhdojme te shthurremi edhe me apo ky eshte kufiri maksimal i degjenerimit?

[Elna Durrësi]

Elna, ti e ben gjendje ne Shqiperi shume makaber?

Në fakt ka diçka që e ke kuptuar keqasi: Nuk ceka fare gjëndjen në Shqipëri. E kisha me ç'ka ndodh jashtë Shqipërisë. Më saktë drejtohet ndaj krimit të organizuar apo jo që bëjnë " bëma" udhëve të botës.

Dhe skuqjet a zverdhjet nëse ty nuk të pushtojnë, mua më mbulojnë veshët nga e keqja që bëjnë llumi i njerëzve të gjakut tim.
Harron diçka më duket dhë më kryesoren: Kjo e keqe nuk bie mbi shkrepa malesh, por bie mbi jetë njerëzish, qofshin ata shqiptar ajo.

Sa herë ndodh diçka, më duhet të rifilloj tezat e mbrojtjes së vendlindjes përpara një ekipi 35 personash që nuk shteren së pyeturi, ca nga dhimbja për një popull të tillë viktimë e fatit dhe politikës, e ca nga injoranca apo mungesa e tolerancës.


Elna që do vazhdojë të skuqet a zverdhet deri sa të vazhdojnë krime të tilla e deri sa do ti duhet të gjejë maksimumin e energjive për të mbrojtur emrin e mirë tokës ku i ishte shkruar fati të lindte.

[Dito]

Vete titulli i temes ketu nuk sjell reagim pozitiv por kontradikte dhe irritim.
Nuk denjoj ti pergjigjem pyetjes se ngritur pasi edhe te diskutosh kete pyetje te ngritur pa takt eshte ofeze per c`do komb.

[Elna Durrësi]

Kur shtrohet pyetja per vlerat, cfare nenkuptojme ne me vlera?

Për mua si dhe konceptin tim Vlerat janë:

Respekti= Vlerë
Mirësia= Vlerë ,
Dashamirësia= Vlerë
Frymëzimi= Vlerë
Edukimi= Vlerë
Guximi= Vlerë
Ndershmëria=Vlerë
Përvoja = Vlerë
Sjellja = Vlerë
Urtësia= Vlerë
Vullneti= Vlerë
Puna= Vlerë
Arsyetimi=Vlerë
Besa= Vlerë
etj, etj,


Shkurt muhabeti: Vlerat janë Virtyte dhe anasjelltas, virtytet kanë qenë dhe janë vlerat e brendësisë së njeriut.
Dhe këtu fillon trishtimi im, sepse kjo pakicë që po i shkel këto vlera, fatkeqësisht ka bërë aq shumë bujë famëkeqe sa duam apo s'duam sipërfaqësisht na ka detyruar që të bota të na veshë në shikim të parë petkun e së keqes.
Sa veshtirë është ta heqësh këtë pekt edhe pse djersa të shkon ballit dhe sa i/e pafuqishëm ndihesh kur pesha e tij të mbulon bardhësinë e petkut tënd që ti si njeri individual ke zgjedhur të veshësh.

Interesant.
Që të gjithë ndesheni në punërat tuaja me debatin e shtypit. Vallë ju nuk ju skuqin e nuk ju zverdhin "bëma" të tilla si këto që diskutohen tek aktualitetet , kur një kolegu/gia juaj ju tregon shtypin përpara fytyrës?!


Elna.

[GezoDjali]

Vallë ju nuk ju skuqin e nuk ju zverdhin "bëma" të tilla si këto që diskutohen tek aktualitetet , kur një kolegu/gia juaj ju tregon shtypin përpara fytyrës?!

Asnje nuk ka pse te skuqet ose te zverdhet per bemat e shtypit. Aq me teper kur pergjegjesia nuk eshte personale. Ti kujton se te ka ngarkuar njeri qe te mbash persiper dhe te justifikosh bemat e shqiptareve neper bote? Aq me teper kur keta koleget e tu te tundin para fytyres shtypin e dites. Une i kam pyetur kush e di sesa here "koleget" e mi greke se perse i shohin shqiptaret si njerez te dores te dyte dhe askush s'ka guxuar te me japi pergjigje, e jo me te me tundi copa gazetash para syve qe nuk vlejne as sa letra mbi te cilen jane shtypur. Edhe sikur te ishin treguar arrogante ne pergjigjet e tyre kjo nuk do te thote qe une do te ndjehem keq dhe i detyruar te jap shpjegime. A mos valle nuk ka zviceriane qe merren me krime? Apo jane italianet te kulluar ne kulm? Po greket qe i bien kredit kartave me top ketu ne amerike dhe pastaj zhduken per ne greqi duke lene nga mbrapa nje mal me borxhe? Pse para ketyre njerezve do skuqem une?
Pastaj sa perqind te bemave ne shtypin e dites jane me autore shqiptare?
Per petkun qe ti vesh mban pergjegjesi vetem ti dhe nqs koleget e tu s'kane arritur te kuptojne kaqe gje atehere mbase ka ardhur koha qe ti besh nje rivleresim kapacitetit intelektual te tyre dhe te mos i shikosh me si etalon te vlerave dhe kultures.

[Veshtrusja]

Vetem dua te di nese ketu ka rene morali Shqiptar, apo jo. Dhe nese kjo eshte pika ku ka rene morali dhe vlerat Shqiptare, c'fare duhet te bejme ne qe nuk pajtohemi?

Po! Ka rene!

C'fare duhet te bejme ne? Se pari duhet te zbatojm ligjin. Dhe, ligji duhet te denoj ata qe merren me gjera te korruptuara, te pa moralshme.

Hapi i pare eshte te votojm per njerezit e duhur ne pushtet. Gjithcka me rradhe...

Udheheqesit e pershtatshem pastaj mundohen te te krijojn mundesin per tu edukuar tamem, per te respektuar ligjin, per te ngritur ekonomin, etj.. etj..

[[xeni]]

Hapi i pare eshte te votojm per njerezit e duhur ne pushtet. Gjithcka me rradhe...

A mendon se ka alternativa qe mund t'i quajme "njerez te duhur"?

[Veshtrusja]

A mendon se ka alternativa qe mund t'i quajme "njerez te duhur"?

Gjithmon mendoj se ka alternative. Puna eshte ta dallojm.

Ndoshta nuk eshte alternativa ideale*, por eshte alternativa me e mire per momentin.

[[xeni]]

Gjithmon mendoj se ka alternative. Puna eshte ta dallojm.

Ndoshta nuk eshte alternativa ideale*, por eshte alternativa me e mire per momentin.

Njerezit qe jane ne krye, qe qeverisin, nuk jane te shkeputur prej popullit. Ata jane pjese e popullit. Ata dalin prej popullit. Nuk diskutohet qe ne duhet te zgjedhim alternativen me te mire por problemi eshte se nuk ka alternativa, sepse ato qe dalin para popullit dhe kerkojne voten kur te marrin njefare pushteti ndryshojne. Pse? Sepse nuk kane nje gje shume te rendesishme: ndershmerine. Kuptohet qe jo te gjithe futen ne kete kategori, por edhe ata qe jane te ndershem treten dhe kullufiten nga korrupsioni.

Une personalisht shoh se populli shqiptar ka marre shume per ters dhe ne nje fare menyre nuk e meriton te kete politikane te drejte dhe te ndershem. (uroj qe t'i meritoje sa me shpejt dhe besoj se nese ndryshon populi edhe politikanet do ndryshojne). Jo i gjithe populli shqiptar ka mungese te asaj qe mund ta quajme "kulture qytetare" por ja qe digjet i njomi per te thatin. Me kulture qytetare nuk kuptoj te qenit nga qyteti por repekt per tjetrin, respekt per mundin e tij, respekt per punen e tij, dashuri per vendin ku jeton, perkujdesje per rrugen ku shkel, deshire per te ndryshuar diçka per mire etj.
Me duket se kemi te bejme me njefare ndeshkimi. Mos e kupto kete si diçka metafizike por nje rrjedhoje krejt normale e asaj qe populli ka treguar dhe po tregon.
Mbase jam gabim por mendimi im ky eshte.

[Elna Durrësi]

Asnje nuk ka pse te skuqet ose te zverdhet per bemat e shtypit. Aq me teper kur pergjegjesia nuk eshte personale. Ti kujton se te ka ngarkuar njeri qe te mbash persiper dhe te justifikosh bemat e shqiptareve neper bote? Aq me teper kur keta koleget e tu te tundin para fytyres shtypin e dites. Une i kam pyetur kush e di sesa here "koleget" e mi greke se perse i shohin shqiptaret si njerez te dores te dyte dhe askush s'ka guxuar te me japi pergjigje, e jo me te me tundi copa gazetash para syve qe nuk vlejne as sa letra mbi te cilen jane shtypur. Edhe sikur te ishin treguar arrogante ne pergjigjet e tyre kjo nuk do te thote qe une do te ndjehem keq dhe i detyruar te jap shpjegime. A mos valle nuk ka zviceriane qe merren me krime? Apo jane italianet te kulluar ne kulm? Po greket qe i bien kredit kartave me top ketu ne amerike dhe pastaj zhduken per ne greqi duke lene nga mbrapa nje mal me borxhe? Pse para ketyre njerezve do skuqem une?
Pastaj sa perqind te bemave ne shtypin e dites jane me autore shqiptare?
Per petkun qe ti vesh mban pergjegjesi vetem ti dhe nqs koleget e tu s'kane arritur te kuptojne kaqe gje atehere mbase ka ardhur koha qe ti besh nje rivleresim kapacitetit intelektual te tyre dhe te mos i shikosh me si etalon te vlerave dhe kultures.

Me siguri ti qënke i veçantë. Ndoshta vjen nga planet tjetër , ku të cituarit e emrave të bashkombasve të tu nëpër kronikat e zeza të mediave tu dukërkan gjëja më normale. Ku të qenit ndër vëndet e para në botë për kriminalistikën e korruposionin të bëka të ndihesh mirë, normal, sikur të jetë gjëja më e zakontë e civilizimit të shoqërisë. Ku të cituarit si komuniteti më i përmendur për sa i përket dhunës në familje qënka gjëja më e zakontë. Ku të nxjerrurit e fëmijëve udhëve të botës të lypin , s'ka asgjë për t'u çuditur. Leqë pse shkoj deri këtu ? Thjesht fare:
Ti vete në pushime në dheun tënd e fillon që nga polici i doganës e deri tek fshatari i tregut që të masin kokën me rryshfetet apo ngritjen e cmimeve sa të shohin që s'të ka nxirë ende lëkurën diell i verës apo që të ndryshon pak cehrja nga e përditshmja. Shkon në spital , mjekët të qethin , infermierët të rruajnë. Shkon në shkolla , niveli është zero. Shkon në lokale, kamarierët të përgjigjen sikur po u prish terezinë më të madhe.
Pra më thuaj ti mua cfarë vlera ka mbetur tek ne , për ne?! Ku është modeli ynë për fëmijët e kombit tonë që janë e ardhmja jonë?!

Per petkun qe ti vesh mban pergjegjesi vetem ti dhe nqs koleget e tu s'kane arritur te kuptojne kaqe gje atehere mbase ka ardhur koha qe ti besh nje rivleresim kapacitetit intelektual te tyre dhe te mos i shikosh me si etalon te vlerave dhe kultures

Sa për petkun tim, i kam dalë zot. As komb as kulturë nuk më dolën zot, por kjo nuk arnon dot gjithë "bëmat" e shqiptarëve në masë. Në fund të fundit , gjithnjë shtrohet pyetja: Po pse njerëzit e vëndit tënd përmenden kaq shumë në gazeta e televizione për dhunëra të gradave më të larta?!
E mua zëri i vetvetes më thotë: Se e papasmja i bëkërka të pangopshmit më të uritur, u nxika sytë para një populli të tërë, u errësoka arsyen para foshnjave që i hodhën në det, u shtoka vetëm pangopjen deri në ekstreme. E kur mua vetvetja më përgjigjet kështu, po atyre vallë që deri diku u prishet reahatia e ritmit të jetës nga gjithë këto gjëra ç'duhet të mendojnë a thonë?!

Elna.

[GezoDjali]

Me siguri ti qënke i veçantë. Ndoshta vjen nga planet tjetër

Ti mi goce ke nje talent per te shprehur ate qe eshte teper evidente, ti pergjigjesh pyetjeve retorike qe mbijne diku ne brendesi te trurit tend dhe te hiperbolizosh e sterhollosh faktet. Ketu ne planetin tim qe quhet Toke, ne banoret e saj kemi nje teknike kuruese qe mbase do te te beje mire. Merr fryme telle me hunde dhe nxirre ngadale me goje. Kjo vetem do te te qetesoje per momentin, nuk do te te zgjidhi komplekset qe ke ti si individ.

[Brari]

Cercilli thoshte per te njohur nje vend lexo gazetat degjo Parlamentin e meso barsaletat e fundit.. etj..

Ja cthon gazetat sot..

Vetem sot .. per te mos ju lodhur me gjithe materialet ne gazete..njeri me i tmerrshem se tjetri.. ja disa nga artikujt e gazetes Shekulli:

--------


..Mashtron dy fëmijë, por prishet makina dhe i braktis gjatë natës në dëborë. Ishte dënuar në Greqi me 12 vjet burg

I dënuari për pedofili, në kërkim për të njëjtën akuzë


Kujtim Boriçi

LIBRAZHD - Ishte dënuar me 12 vjet burg nën akuzën e pedofilisë, por është shpallur sërish në kërkim nën të njëjtën akuzë. Burime zyrtare të policisë së Librazhdit thanë për gazetën se 32-vjeçari A. Prrenja, banues në qytetin e Përrenjasit, ka mashtruar dy fëmijë, midis të cilëve dhe nipin e tij, të cilët pas alarmit, janë gjetur të braktisur në automjetin e tij në zonën e Çervenakës.

Policia
Burime zyrtare të policisë thanë dje për gazetën se sipas hetimeve të para, dy ditë më parë, 32-vjeçari Prrenja, përmes mashtrimit, ka marrë dy fëmijë, midis të cilëve dhe nipin e tij dhe me makinë është nisur drejt rrugës nacionale për në Pogradec. Por pasi ka përshkuar disa kilometra, ai është kthyer djathtas duke udhëtuar drejt Çervenakës. Burime të policisë, të cilat janë të rezervuara lidhur me këtë rast, thanë për gazetën se nuk dihet se sa orë ka qëndruar ai natën me të miturit si dhe veprimet e tij me fëmijët, por mësohet se prindërit e fëmijëve të moshës 8 dhe 12 vjeç kanë dhënë alarmin për mungesën e tyre. Uniformat blu janë vënë në kërkim të të miturve dhe pas disa orë kërkimesh i kanë gjetur ata në makinën e braktisur mes dëborës në Çervenakë. Policia ka marrë në pyejtje dy fëmijët e mashtruar dhe në bazë të deklaratave të tyre ka shpallur në kërkim 32- vjeçarin. Mësohet se policia e Librazhdit ka njoftuar dhe komisariatet fqinje dhe pikat e afërta kufitare.

Prrenja, i dënuar për pedofili në Greqi
Kujtim Muça, shefi i komisariatit të policisë tha për gazetën se 32- vjeçari A.Prrenja, ishte dënuar nga drejtësia greke me 12 vjet burg, nën akuzën e pedofilisë. Policia konfirmon se ai e kishte kryer dënimin në shtetin fqinj dhe kishte 7 muaj që ishte rikthyer në vendlindje. Por mesa duket, edhe pse ka qëndruar gjatë në qeli, 32-vjeçari nuk e ka harruar vesin dhe pre e tij kanë rënë dy fëmijë të moshës 8-12 vjeç, identiteti i të cilëve nuk bëhet i ditur për arsye hetimi. Megjithëse policia nuk ka dhënë shumë detaje për këtë ngjarje, lajmi për të ka bërë bujë në qytetin e vogël kufitar.




29/12/2004

Një vit pas zhdukjes së Violetës, u rrëmbye dhe nusja e shtepisë, 23 vjeç, duke lënë jetimë tre fëmijë

Si ma rrëmbyen vajzën dhe nusen

Peqin, Skënder Dudia, prej 10 vjetësh në kërkim të vajzës dhe të nuses. I rrëmbyen për prostitucion

Lindita Çela

PEQIN - Prej 10 vjetësh askush nuk e di nëse dy pjesëtaret e familjes Dudia janë gjallë apo kanë vdekur. Prej kaq vitesh, të afërmit e tyre që jetojnë në periferi të Peqinit, presin një lajm të mirë apo të kobshëm, por zhdukja e tyre vazhdon të jetë mister. Violeta, vajza 18- vjeçare e familjes Dudia, u zhduk në një ditë gushti të vitit 1994. Thuhet se u nis drejt Italisë, por nuk ka qoftë dhe një dëshmitar të vetëm që të vërtetojë udhëtimin e Violetës përtej detit. Ngjarja asokohe bëri bujë të madhe në qytetin e vogël të Peqinit. Shtëpia u mbulua me turp ndaj dhe Skënderi nuk doli nga pragu i derës për të kërkuar të bijën. “Shkoftë prapa diellit. Nuk është më ime bijë”,- ishin fjalët e vetmë që babai i gjashtë fëmijëve tha në ato ditë të nxehta gushti. Por nuk kaloi as edhe një vit dhe familja në periferi të qytetit të Peqinit do të kthehej sërish në qendër të moralit të shoqërisë provinciale. Në maj të vitit 1995 iku nga shtëpia dhe nusja e djalit të madh të Skëndër Dudisë. Shqipe Dudia u largua në rrethana misterioze në pranverën e vitit 1995, duke lënë jetimë tre fëmijë, më të voglin 2 vjeç. Atëherë Skënderi lëvizi nga shtëpia për të denoncuar “rrëmbimin” e nuses. Turpi ishtë më i rëndë se gushtin e një viti më parë. Vajza shkoi në “derë të vet” ndërsa nusja, veç turpit, la pas dhe tre fëmijë jetimë. Emrat e dy të zhdukurave që atë kohë u depozituan në polici, por dhe sot e kësaj ditë askush nuk di të thotë një fjalë për fatin e tyre.

Rrëfimi
Në të dalë të qytetit të Peqinit, jeton familja Dudia. Kryefamiljari, Skënderi, një burrë i moshuar, ka mundur të ndërtojë një shtëpi dykatëshe ku dhe jetojnë tre djemtë e tij, ndërsa dy nga tre vajzat i ka martuar. Për Violetën, e zhdukur 10 vjet më parë, për një kohë të gjatë askush nuk ka guxuar të flasë në shtëpinë e familjes Dudia, Madje dhe fotografitë qëndrojnë të kyçura në një arkë, çelsi i së cilës mbahet fort nga plaku i shtëpisë. Skënderi megjithëse i ka kapërcyer të 70-at mbahet i fortë dhe ende administron të gjithë shtëpinë. Pa lejen e tij nga shtëpia duket se nuk del as miza. Por ja që largimi i vajzës dhe i nuses i ka ulur kryet burrit të brumosur me doket shqiptare. Skënderi tregon se kur Violeta u largua nga shtëpia, nuk rendi ta kërkojë. Gruas së tij, Bukuries, ende nuk i janë tharë lotët për humbjen e së bijës.
“Kur më iku vajza nuk denoncova sepse mendova se kërkoi fatin e saj. Sime bije nuk i mungonte asgjë kështu që nuk kishte pse të largohej nga shtëpia”,- rrëfen Skënderi. E mohoi fillimisht si vajzë dhe urdhëroi që askush në shtëpi të mos ia zinte emrin me gojë. Madje urdhëroi dhe të shoqen që të mos qante. “E kisha rritur me gjithë të mirat. Nuk ma priste mendja që Leta ime do të ikte. Kishte mbaruar dhe shkollën në Tiranë, por ja që ma rrëmbyen”,- tregon Skënderi, i cili 10 vjet pas zhdukjes së vajzës mendon se e bija nuk ka ikur me dëshirën e saj, por është rrëmbyer nga vendasit. Kjo ide iu përforcua plakut kur një vit më pas, u largua dhe nusja e shtëpisë, Shqipja, 23 vjeç. “Ishin po të njëjtit njerëz që më rrëmbyen dhe nusen. Ajo kishte tre fëmijë dhe në shtëpi nuk i mungonte asgjë. Por ma kanë rrëmbyer dhe që prej asaj dite nuk kam asnjë haber”,- rrëfen më tej Skënderi. “Atë ditë që ka humbur Shqipja unë me gruan nuk ishim në shtëpi. Kur u kthyem gjetëm fëmijët vetëm. Menduam se mos ishte tek komshinjtë, por erdhi darka dhe ajo nuk u kthye”,- kujton plaku i shtëpisë. Fillimisht ka dyshuar se dhe nusen ia kanë rrëmbyer, ndaj të nesërmen bëri denoncim në policinë e Peqinit. Ka kërkuar ndihmën e forcave blu për gjetjen e nuses së djalit, pasi ishte i bindur që edhe atë e kishin rrëmbyer për trafik prostitucioni. “Megjithëse bëra denoncim, askush nuk lëvizi për të më ndihmuar. E bëra denoncimin se nuk është njësoj si të rrëmbejnë vajzen dhe nusen në shtëpi. Mendova se vajza ato mend pati dhe ashtu veproi, por nusja më la jetimë dhe tre fëmijë. Pastaj dhe turpi është më i rëndë ”,- të thotë Skënderi. E që prej asaj dite Skënderi ende nuk ka reshtur së kërkuar nusen dhe vajzën e tij.
Akuzat
Pak ditë më parë, Skënder Dudia i ka dërguar letër Prokurorit të Përgjithshëm dhe Ministrit të Rendit Publik për shdukjen e Violeta dhe Shqipe Dudisë. Ai kërkon nisjen e menjëhershme të hetimeve për të gjetur autorët e rrëmbimit si dhe gjetjen e dy grave, për fatin e të cilave nuk dihet që prej 10 vjetësh. “Shpresë të vetëm kam Sollakun dhe Toskën, pasi janë të vetmit që mund të urdhërojnë gjetjen e së vërtetës. U kam shkruar letër dhe pres përgjigje prej tyre, sepse këtu në policinë e Peqinit askush nuk tenton t’i zbardhë këto ngjarje”,- shton ai. Skënderi akuzon persona vendas që kanë lidhje direkt me rrëmbimin e dy pjesëtareve të familjes së tij, por që sipas tij, lihen të lire, pasi kanë të njohur në strukturat shtetërore. Sipas tij, në kohën që u rrëmbye Violeta dhe Shqipja në Peqin ka patur “celula” të protitucionit dhe nuk lënvizte askush për t’i parandaluar. “Jam i bindur që vajza ime nuk ka ikur vetë dhe se sot nuk është më gjallë. Nuk kisha rritur një vajzë që të prostituonte rrugëve të Italisë. E ndiej që ajo nuk ka pranuar ta bënte këtë zanat ndaj dhe e kanë vrarë. Trupi i saj mund të jetë diku nëpër Shqipëri. Këtë fat mund të ketë pësuar dhe nusja”,- thotë Skënderi. Sipas tij, megjithëse kanë kaluar 10 vjet, askush nuk ka marrë përsipër hetime të mirëfillta për të zbardhur të vërtetën. Ndërkohë që tentativat e tij për t’i kërkuar ato në Itali kanë dështuar. Skënderi thotë se do të dijë nëse janë gjallë apo jo. “Nuk është se kam më nevojë për nusen. Fëmijët i rrita vetë, por dua të di të vërtetën, ”-thotë plaku.



Nga e dërguara jonë në Peqin, Lindita Çela
Bukurie Dudia: Vajzën ma kanë vrarë, pasi nuk ka pranuar të prostituonte. Ndryshe do të më kishte telefonuar

Apeli i nënës: Bëni diçka për gjetjen e vajzës sime


Lindita Çela

PEQIN - Nuk guxon të hyjë brenda në dhomë, por në cep të derës ndjek me vëmendje rrëfimin e të shoqit. Më pas rreket të të sajdisë si e do zakoni, por duket se të gjitha veprimet i bën në mënyrë mekanike. Mendjen e ka tek ajo çka thuhet e herë pas herë korrigjon të shoqin, Skënderin, teksa ai rrëfen për Violetën, e cila prej 10 vjetësh ka “vrarë” zemrën e nënës. Bukurie Dudia e ka të vështirë të mbajë lotët. Kanë kaluar shumë vite, por ajo nuk është mësuar me mungesën e së bijës. Kur mbaron të gjitha punët, siç shprehet ajo, i merr një foto fshehtas të shoqit dhe nis e qan për orë të tëra mbi të. Do të kishte dashur që Violetën ta përcillte nuse nga dera, por tashmë ka frikë se as zërin nuk ia njeh më. Shpreson të jetë ende gjallë dhe se një ditë Leta e saj do t’i trokasë në derë. Ka kaluar një kohë e gjatë, por e mban mend mirë atë ditë gushti kur u kthye në shtëpi dhe nuk gjeti të bijën a një letër të shkruar pre saj…
Kur ju ka humbur vajza?
Ka qenë gusht. Unë dhe Skënderi ishim duke shitur në treg. Letën e lamë në shtëpi duke bërë punët. Sapo kishte mbaruar shkollën në Tiranë, për topografe. Prisnim t’i gjenim një punë. Nuk e kishim fejuar, sepse donim që vajza të kishte një punë të mirë një herë pastaj me të parë dhe me të bërë.
Kur mësuat se vajza ju është rrëmbyer?
Prej asaj dite nuk kemi marrë as dhe një lajm prej saj. Asnjë telefon apo ndonjë copë letër. Ka ikur me rrobat e shtëpisë. As nuk është ndërruar dhe as ka marrë asgjë me vete.
Pse nuk bëtë denoncim?
Fillimisht menduam se Leta ka ikur nga shtëpia me ndonjë djalë që dashuronte. Ndaj dhe im shoq nuk pranoi të denonconte, duke thënë se kishte zgjedhur fatin e saj. Ato ditë kam qëndruar në ankth. Prisja ndonjë telefon apo haber nga Leta, por kurrë nuk mbërriti. Askush nuk thoshte asgjë për të.
Po pse thoni se ua kanë rrëmbyer?
Nuk kaloi shumë kohë, dhe nga shtëpia na iku dhe nusja. Ata që më rrëmbyen Letën më morën dhe Shqipen. Edhe prej nuses nuk kemi as edhe një lajm. Para se nusja të largohej nga shtëpia na thoshnin se ka marrë Leta ne telefon. Atëherë nuk kishim telefon në shtëpi dhe shkonim tek një komshi këtu afër. Por kur unë shkoja aty edhe pse prisja me orë të tëra nuk u bë kurrë as edhe një telefonatë. Pasi u largua dhe nusja loja me telefonat nuk vazhdonte më.
Pse mendoni që vajza juaj mund të jetë vrarë?
Sepse e di shumë mirë që Leta nuk do të pranonte të bëhej prostitutë. Ishte vajzë shumë e mirë. Edhe në shkollë ka qenë me nota të mira. Meqenëse ajo nuk ka pranuar të dilte në trotuare e kanë vrarë. Po të ishte gjallë do të më bënte një telefon. Unë jam nëna e saj.
Nuk keni as edhe një shpresë që mund të jetë gjallë?
U bë një kohë e gjatë që rroj me këtë shpresë, por që… Ndaj dhe kemi kërkuar ndihmën e shtetit për ta gjetur. Nuk di ç’të them. Nuk di ç’do të jepja po të më kthehej Leta gjallë në shtëpi. Tashmë s’dimë kujt t’i kërkojmë dhe ndihmë për të na gjetur vajzën, por kam frikë se.. U bë një kohë e gjatë që nuk ka sjellë as edhe një haber. Intervistoi Lindita Çela


Tre fëmijët e Shqipes u rritën nën kujdesin e gjyshërve

Thuajse ka të gjitha tiparet e së ëmës, veçse flokët kaçurel ia shtojnë bukurinë. Enkeleda Dudia, tashmë është 15 vjeç dhe përkëdheljet e së ëmës, Shqipes, as që i mban mend. Ka qenë vetëm pesë vjeç atëherë kur e ëma u largua nga shtëpia për të mos u kthyer kurrë më, duke lënë pas dhe një vogëlush 2 vjeç. E vetmja lidhje me të ëmën për Enkeledën janë fotografitë që ashtu fshehurazi mund t’i shohë ndonjëherë. Në shtëpinë e familjes Dudia flitet rrallë për zhdukjen e Shqipes. Njerëzit më të afërt për Enkeledën janë gjyshërit e saj të cilët e kanë rritur së bashku me dy vëllezërit e saj. Enkeleda sot i është bërë krah gjyshes, Bukuries. Tashmë është zonjë e shtëpisë dhe vëllai i saj më i madh duket se kontrollon çdo lëvizje të saj. Skënderi të tregon me krenari se tre fëmijët jetimë janë të hajrit. Ka preferuar ti rrisë vetë, dy djem dhe vajzën e Shqipes. Ndërsa djalin e tij të madh, (burrin e Shqipes) e ka martuar sërish dhe sot sheh hallin e tij. “Unë me gruan i kemi rritur megjithëse ishin ende të vegjël. Sot këta nuk kanë nevojë jo vetëm për nënën por as edhe për mua”,- thotë Skënder Dudia. Jo vetëm që i ka rritur, por plaku ka menduar dhe për të ardhmen e fëmijëve jetimë. “Ju nuk e dini se sa të dhimbset fëmija i fëmijës, pale që këta i kam rritur vetë. Edhe ndaj fëmijëve të mi nuk kam patur kaq shumë vëmendje”-thotë ai. Plaku i shtëpisë fatin e Enkeledës thuajse e ka përcaktuar. Do ta martojë atë ashtu si dy vajzat e tija. Ndërsa djemtë kanë shtëpinë në të cilën banon aktualisht familja Dudia.




29/12/2004Zbardhja e rrëmbimit të dy grave, e vështirë


L. Çela

Në komisariatin e policisë së Peqinit thuajse të gjithë janë në dijeni të zhdukjes së dy grave nga familja Dudia. Shefi i këtij komisariati, Baki Masaku, thotë për “Shekullin”se kanë rinisur hetimet për zbardhjen e kësaj çështjeje. Sipas tij, dosja e10 viteve më parë ka qenë e mbyllur, pasi nuk ka pasur të akuzuar, ndërkohë që hetimet për zbardhjen e rrëmbimit të Violeta dhe Shqipe Dudisë askohe kanë dështuar. “Pas denoncimit të Skënderit për humbjen e vajzës dhe nuses kanë rinisur hetimet, por duhet patur parasysh se zbardhja e këtyre rasteve është tejet e vështirë, pasi kanë kaluar 10 vjet”,- shton Masaku. Ajo që vështirëson më shumë hetimet është fakti që për këtë ngjarje nuk ka qoftë dhe një dëshmitar dhe se provat thuajse mungojnë plotësisht. Përveç akuzës së Skënder Dudisë, policia nuk ka as dhe një provë më shumë në lidhje me rrëmbimin e grave. Thuhet se edhe ata persona që mund të jenë të përfshirë në trafikimin e femrave në qytetin e Peqinit janë vrarë ndërmjet bandave rivale. Veç kësaj, prej 10 vjetësh Violeta dhe Shqipja nuk kanë bërë qoftë dhe një telefonatë, për të akuzuar persona konkretë për rrëmbimin e tyre. Megjithatë shefi i komisariatit të Peqinit garanton se për zbardhjen e këtyre ngjarjeve po punohet intensivisht, ndërkohë që për efekt hetimi nuk bën me dije ecurinë e këtyre hetimeve.




29/12/2004
Në vitet ’97-’98 në morgun e Lushnjes, 20 vajza të paidentifikuara, të vrara me armë zjarri

Dyshimet për vrasjen e vajzës, zhvarrosen dy kufoma


L. Çela

SKËNDËR - Skënder Dudia nuk ka as edhe më të voglin dyshim që të bijën, Violetën, ia kanë vrarë. Ndaj dhe për këtë ka kërkuar zhvarrosjen e dy kufomave të paidentifikuara, por që pas kryerjes së këtij procesi kanë rezultuar se asnjëra prej tyre nuk i përkiste Violetës, madje ishin të seksit mashkull. Zvarrimi i parë është bërë gjatë muajve të verës. Ka mjaftuar vetëm lajmi që një kufomë e paidentifikuar është varrosur në qytetin e Peqinit që babait t’i krijohet bindja se më në fund gjeti eshtrat e së bijës. Ndaj ka kërkuar me ngulm zhvarrimin e kufomës dhe bërjen e analizave. Por pas kryerjes së tyre rezultoi se kufoma ishte mashkull. Shefi i komisariatit të Peqinit, Masaku, thotë për gazetën se zhvarrimi i kryer në verën e këtij viti u bë me kërkesën e familjarëve. Madje sipas tij, para pak kohësh, (pas zhvarrimit të parë) është bërë dhe një zhvarrim tjetër, por dhe në këtë rast kufoma e paidentifikuar rezultoi e seksit mashkull. Po sipas Masakut, edhe njoftimi i bërë nga mjeku ligjor i Lushnjes, Vangjel Stambolliu, për gjetjen e një kufome nuk hodhi dritë rreth fatit të vajzës së Skënder Dudisë. Sipas Doktor Stambolliut, rreth viteve ‘97- ‘98 në një liqen midis Elbasanit dhe Lushnjes, në afërsi të fshatit Thanë të Lushnjes, u gjet një kufomë e seksit femër, e moshës rreth 20 vjeç,. Kufoma ka qëndruar rreth 2 muaj në morgun e spitalit të Lushnjes. Mosidentifikimi i saj bëri që ajo të varrosej në varrezat publike të qytetit të Lushnjes. Sipas kryepolicit të Peqinit, janë bërë të gjitha verifikimet dhe të dhënat e kufomës së humbur në Lushnje, por ato nuk përkuan me Violeta Dudën. Ndërkohë në morgun e qytetit të Lushnjes vetëm për periudhën’97-‘98 mësohet se rezultonin të regjistruara rreth 20 kufoma të paidentifikuara. Kryesisht viktimat ishin femra të moshave 20-40- vjeçare dhe që ishin ekzekutuar me armë zjarri.



29/12/2004

--------------------------






Në vitet ’97-’98 në morgun e Lushnjes, 20 vajza të paidentifikuara, të vrara me armë zjarri

Në vitet ’97-’98 në morgun e Lushnjes, 20 vajza të paidentifikuara, të vrara me armë zjarri


Ku jemi ktu .. e tmerrshme..

Pra populli yne sic ka njerez te mrekullueshem.. ka dhe kanibale..

Kush sundon ne vendin tone te miret a kanibalet..

[Brari]

Dhe mos harroni.. kryeministri i vendit shtyp nje plak me makine dhe ne vend ta coj ne Spital.. perkundrazi i thot bodygardeve ..hidheni ne kanal..dhe iken e ndrron benxin tek gangot e Shijakut.. e pa pik turpi del e zgerdhihet ekraneve..ai..ajo e shoqja qe ishte prezent dhe blend Klosi.. ministri i KULTURES..

kaq mjafton te kuptojme cfar populli jemi..

Dhe a e ndryshon ndonji bindjen qe te mos ja jap Voten atij..Jo aspak..
perkundrazi shtohen simpatizantet e Nanos ..
Pa pik turpi mijra pensioniste shkojne te marrin lemoshen qe u a dha tash Nano Sheiku..
Asnje nuk u cua te thote..
Nuk duam ne Pleqte flok bardhe lemosha nga nje Gango qe shokun tone e hodhi ne kanal dhe e la e iku hajdutce..

jo pse.. me ka futur cupken ne pune zyre..jemi rehat.. ci q temen se cben ai..une mir jam me ate.. ja cuni na e mbushi shtepine qe kur filloj pune si doganier..

nje dizaj u gjenda pran nje shkolle tetvjecare e shikoj grumbull prinderish aty..
ca ka i thash qe rrini ketu..
presim femijet ..
Pse i prisni u thash..
Po sna e mban ti lem vetem kur dalin nga shkolla se mo na i rremben ndonjeri..

kjo ne mes te Durresit tek shkolla pran Postes..

qashtu..