Nese ju bie rruga nga fshati i Dhrovjanit, per te shkuar ne Delvine apo Sarande dhe ju lind nje nevoje emergjente per te bere nje telefonate, trokisni ne deren e Kastriotit. Nuk ka nevoje t'i dini mbiemrin, se ky djale i ri fshati eshte shnderruar ne nje figure te vertete te qarqeve gjyqesore te Sarandes, Gjirokastes dhe tani edhe te Gjykates se Larte. Qe prej vitit 2002, ai eshte protagonist i nje procesi maratone ndaj kompanive celulare ne Shqiperi.
Pas nje beteje te gjate per te njohur pronat e tij, me disa dokumente te kohes se Perandorise Osmane, Kastrioti eshte shembulli i vetem ne bote - pas Richard Branson dhe miliarderit Onassis, te dy pronare ishujsh private - si pronar i nje mali. Mali ne fjale quhet Kostar ne Delvine, eshte me shume se 400 metra i larte dhe rruga per ne maje te tij, eshte me shume se 1.4 kilometra. Ne te vertete rruga per atje, ishte vetem nje gjurme dhish dhe barinjsh, e zgjeruar nga ushtria para viteve '90-te. Por ne vitin 2001, nje prej kompanive mobile, AMC, me nje kontrate te ligjshme te lidhur me Drejtorine e Pyjeve, mori me qera 300 metra katrore toke, per te ndertuar aty nje antene, qe te shtrinte sinjalin e saj fort edhe ne Jug te vendit, qe edhe kjo pjese te komunikonte, jo me me celulare greke, por shqiptare. Gjithashtu kompania ne fjale rikonstruktoi mijera metra rruge, jo thjesht per te lidhur stacionin e saj me rrugen kryesore, por edhe duke sjelle zhvillim ne kete zone te humbur dhe duke e lidhur me pjesen tjeter te botes.
Por qe kur mali kaloi ne pronesi te Kastriotit, zhvillimi po quhet "Dem i shkaktuar malit" dhe rruga "nje plage shkaktuar pyllit dhe natyres". Nese mbetej me kaq, kjo histori mund te tregohej edhe per te vene buzen ne gaz dhe shume-shume do te na shkaktonte buzeqeshje mosbesimi. Por kompanise ne fjale po i kushton shume me teper: afersisht 500.000 euro! Gjykata e Apelit ne Gjirokaster, me nje vendim grotesk, vendosi se rruga dhe puna ndertuese ne kete zone, ka shnderruar thelbin e natyres qe ka qene mal dhe kullota, sepse ato, sipas pronarit Kastriot, duhet te mbeteshin te paprekura!
Por nese konsulton dokumentacionin, nuk mund te mos veresh shqipen e cale te akuzuesit dhe eshte e veshtire te besosh sesi sistemi gjyqesor i bindet me kaq lehtesi injorances dhe mbyll syte para zhvillimit. Por ne fakt gjithcka rrotullohet rreth vleres se "demit" te kerkuar, gjysem milioni euro. Nje shume qe tashme eshte derdhur ne xhepat e te "demtuarit", por qe me siguri eshte shperndare ndryshe. Djaloshi vertet shkruan nje shqipe modeste, por kontaktet e tij personale funksionojne shume me mire sesa drejtesia ne kete vend. Lidhje te fshehta dhe obskure, politike dhe krahinore, shtrihen rreth ketij procesi deri ne Gjykaten e Larte (jo rastesisht duhet evidentuar ne kete ceshtje, origjina krahinore shume e afert me malin Kostar, e ndonje figure kryesore te kesaj instance te larte te drejtesise shqiptare!). Sepse vertet qe 500 mije euro jane shume per t'u menaxhuar vetem nga duart e nje bariu, qe u gdhi befas pronar i nje mali!
Gjykata e Larte ne fakt pritet te rimarre ne konsiderate nese egzistojne bazat per rihapjen e procesit. Nje procesi mes ushtrise se avokateve te nje kompanie te fuqishme, qe per te vene drejtesi, mori me qera nje satelit per te fotogratuar nga kosmosi demet e pretenduara nga pronari i malit Kostar. Por i cili zgjodhi nje rruge shume me praktike per te fituar gjysem milioni euro. Ai pagoi nje specialist me nje meter primitiv xhepi, qe mati rruget, qe i kishin "demtuar" malin, por njekohesisht aktivizoi nje skeme te sofistikuar lidhjesh politike, krahinore dhe juridike, funksionimin e se ciles do ta kishte zili edhe "Ndraghetta" kalabreze. Dhe ndoshta ky akt denoncues nuk mjafton. Pasi eshte vetem ne dore te Gjykates se Larte t'i jape serish shprese opinionit publik dhe te mos lejoje, qe sistemi gjyqesor ne Shqiperi te katandiset ne nje makine te ulet nxjerrjeje parash. Per me keq, nese kjo ndodh, jo per njerezit e thjeshte, por per piramiden e politikaneve, deputeteve, apo te zgjedhurve a gjykatesve lokale. Eshte ne dore te Gjykates se Larte qe te mos linde pyetja: nese nje investitor i fuqishem i huaj nuk mbrohet nga ligji, kush pritet te investoje ne kete vend dhe per me keq, po njerezit e thjeshte dhe biznesin vendas, kush do ta mbroje nga kjo skeme diabolike e racket-tit gjyqesor?
Pėrgjigju Duke Cituar
Postuar mė parė nga Odeon_relax
Krijoni Kontakt