Arkiv X

[Brari]

POVERA ENTELA.......


gaz.shqiptare
-------------------


Quhet Entela Hamzai, 22 vjeç nga Lushnja. Kishin një foshnje 3-muajshe

Italiani masakron me thikë gruan shqiptare


--------------------------------------------------------------------------------

k.s

TIRANE

Vritet me një thikë në zemër para fëmijës tre muajsh dhe vjehrrës. Një zënkë familjare kthehet në një tragjedi në San Damiano Alkole (Itali). Andrea Carrà, me profesion punëtor, 35 vjeç, ka vrarë me thikë të shoqen, Entela Ha-mzai, 22 vjeç, pas një zënke të dhunshme që kishte nisur midis të dyve për arsye që nuk dihen.

Alarmin e ka dhënë nëna e Carrà, e cila ka asistuar në vrasje, e pafuqishme për të vepruar. Andrea Carrà që kishte vetëm një javë që ishte transferuar në qytetin e vogël pavez, është gjetur nga policia në gjendje shoku, ndërkohë që vështronte trupin e pajetë të së shoqes.

Carrà ka rrëfyer krimin gjatë një seance pyetjesh në të cilën ai ka treguar çfarë ka ndodhur në shtëpi në pasditen e së dielës.

Kishin kaluar pak minuta nga ora shtatë e pasdites së të dielës, kur Andrea Carrà kishte hyrë në shtëpi pas një dite të lodhshme në Broni. Entela Hamzai, e lindur në Lushnjë në Shqipëri, por që jetonte në Itali prej vitesh, ndodhej në kuzhinë në momentin që i shoqi kthehej nga puna. Ajo po përgatiste darkën në shoqërinë e vjehrrës. Midis të rinjve lindi një mosmarrëveshje e dhunshme dhe Carrà kishte marrë në dorë një thikë me idenë për ta trembur të shoqen. Hamzai fillimisht nuk i ka dëgjuar kërcënimet e të shoqit dhe është zhvendosur në dhomën e gjumit për të parë vajzën e vogël tre muajshe nëse po flinte ende. Andrea Carrà, ndërkohë që e ëma po mundohej ta qetësonte, ka ndjekur të shoqen nga pas dhe me një zemërim të pafjalë e ka goditur në gjoks. Një goditje e vetme vdekjeprurëse nuk i ka lënë shpresë nënës së re shqiptare. Andrea Carrà ka mbetur në vend i ulur në gjunjë afër trupit të së shoqes, deri sa ka ardhur policia, e thirrur nga e ëma. "Nuk desha ta vrisja, ka thënë Carrà para autoriteteve policore, desha vetëm ta frikësoja. Unë e doja atë. Këtë pasdite shkatërrova jetën time". Carrà ndodhet në qeli. Karabinierët po mundohen të zbulojnë arsyet e veprimit të tij dhe të ndërtojnë ngjarjen në detaje. Carrà ka treguar krimin, por nuk ka mundur të japë arsyet e gjestit të tij të çmendur. "Hetimet vazhdojnë, pohojnë hetuesit, tani po kërkojmë dyshimet në versionin e të shoqit. Të hënën Carrà do të dëgjohej nga magjistratët bashkë me fqinjët dhe të ëmën, dëshmitaren e ngjarjes".

Janë dy hipotezat e mundshme mbi vrasjen. Njëra është se grindja ka filluar për motive xhelozie dhe nuk përjashtohet mundësia e një momenti të pakontrolluar dhe të menjëhershëm i cili e ka shtyrë Carràn ta vrasë mizorisht të shoqen.

---------
ahh pa shtet kur je..

[Brari]

shekulli
---------------

Historia e gruas së divorcuar nga burri. Si përfundoi në Milano dhe si u kthye pas denoncimit të bërë


E sëmurë, i premtojnë shërim e bëjnë prostitutë


Merushe Rakipi, nënë e tre fëmijëve, përfundoi në trotuaret e Italisë, ndërsa priste të kurohej


ELBASAN - Një grua 34- vjeçare është duke përjetuar ditët e saj më të vështira që erdhën pas një divorci dhe pas një sëmundjeje që e ktheu atë në viktimë të prostitucionit. Merushe Rakipi, 34 vjeçe, nënë e tre djemve, tregon gjithçka që i ka ndodhur gjatë dy viteve të fundit. E ndarë prej dy vjetësh nga bashkëshorti i saj, 34- vjeçarja vuan dhe nga një sëmundje gjymtyrësh. Që nga nata e së mërkurës ka përfunduar në Kirurgjinë e Elbasanit, ku ka gjetur forcën që të kërkojë jo vetëm mbrojtje nga shteti, por edhe të denoncojë publikisht atë traumë që përjetoi për më shumë se dy vjet, traumë që siç thekson, "kurrë nuk mendonte se mund të bëhej pjesë e jetës së saj".
Ndarja dhe sëmundja
Merushe Rakipi ka lindur në qytetin e Përmetit. Kur ishte vetëm 17 vjeç, prindërit e martuan në Gjirokastër me një burrë nga Libohova dhe si fryt i kësaj martese, lindin njëri-pas tjetrit, tre djem që sot janë përkatësisht 16, 15 dhe 8 vjeç. Por dy vjet më parë, martesa e tyre u shkurorëzua, me kërkesë të Merushes. "Im shoq, nën efektin e alkoolit, më keqtrajtonte. Ai nuk punonte megjithëse në shtëpi ishim të varfër. Nuk munda ta duroja dot më. Vendosa të ndahem dhe të shkoja me fëmijët tek të afërmit", -thotë ajo. Në kushtet e vetmisë i rishfaqet sëmundja e gjymtyrëve, nga e cila vuan prej 10 vjetësh. "Këmba ime prej dhjetë vjetësh më shkakton dhimbje dhe ende nuk është shëruar. Këtu duheshin para shumë"- thotë ajo.
Si nisi
Pas divorcit me të shoqin Merushja përfundoi në Tiranë, tek disa të afërm të saj. Pas disa kohësh ajo tregon se u njoh me një grua të moshës së saj, e verbër në njërin sy dhe që "priste të kurohej jashtë". "Atë kohë, kur u njoha me këtë grua isha shumë e sëmurë nga këmba dhe ajo më premtoi ndihmë", -kujton Merushja. Më pas gruaja, që Merushja sot nuk e kujton dot në emër, e njeh me një person që quhej Gramoz (mbiemrin e të cilit nuk e kujton dot). "Ai ishte nga Fieri dhe na tha se do na çonte në Itali për t'u mjekuar dhe unë do të shpëtoja nga gangrena". Merushja tregon se duke u njohur me ta, pranoi të shkonte në Milano, ku në këmbim të punës disamujore si shërbyese do të shlyente vlerën e mjekimit. Dy ditë më pas, Gramozi se bashku me Merushen niset me skaf nga Vlora drejt jugut të Italisë. Destiancioni ishte provinca Vugera në Milano. Por atje ngjarjet rrodhën krejt ndryshe. "Më dërgoi në një hotel. Aty qëndruam disa ditë. Gjatë gjithë kohës përdorte dhunë ndaj meje. Më tha se duhet të dal në rrugë. Të punoj ashtu sikurse punonin dhe shumë vajza që ndodheshin në dhomat e tjera të hotelit",- thotë ajo. Gruaja 34- vjeçare, nënë e tre fëmijëve, thotë se nisi të dalë në rrugë duke bërë prostitutën, pasi "mësova se djalin tim të vogël ma kishin marrë njerëz të tij, diku në Zhupan të Fierit, dhe nuk e lëshonin derisa të dilja në rrugë. Tutori më kërkonte jo më pak se një milionë lira në ditë. Isha e detyruar të bindesha. Nuk shihja asnjë rrugëdalje të paktën në fillim. Ai më kërcënonte se do më hiqte qafe nëse nuk punoja ose nëse e denoncoja. Punoja me dy turne. Nga ora 13 deri 18 dhe 23 deri 04. Arrija të bëja dhe 1.5 milionë në ditë",- vazhdon rrëfimin Merushja.
Fundi i shfrytëzimit
Për gjashtë muaj Merushja punoi si prostitutë dhe fitoi siç tregon ajo "më shumë se 150 milionë lireta". "Një ditë rashë në kontakt me policinë e atjeshme dhe bëra denoncimin, por ai ishte zhdukur". Nisi punë tek një shtëpi dhe përkujdesej për një plakë. "Merrja një milionë lira në muaj", thotë ajo. Por kaluan gjashtë muaj dhe nëna e tre djemve, siç thotë, nuk mund të duronte pa parë fëmijët e saj, që qëndronin tek prindërit e burrit. Kthehet në vendlindje, nga porti i Durrësit, gati një vit më parë. Që atëherë ka takuar disa herë fëmijët, por asnjëherë nuk ka arritur të rrijë gjatë me ta. Ajo tregon se ish-bashkëshorti ka bërë një denoncim për zhdukjen e saj por që, nuk di asgjë se ç'u bë më tej. Gjatë këtyre muajve gruaja përmetare ka jetuar tek të afërm në Tiranë. "Nuk më shqitet nga mendja fakti se jam përdorur për shkak të sëmundjes",- thotë ajo. Sëmundja, pas mjekimeve në Itali, kishte nisur të përparonte sërish ndaj ajo iu drejtua spitalit të Tiranës. "Aty më kërkuan tre milionë lekë të vjetra për të bërë operimin. U thashë se nuk kam",- thotë Merushja. Një drejtues i një shoqate nga Elbasani, më tha se në Elbasan mund të mjekohesha pa pagesë. Dhe prej disa orësh jam këtu, thotë më tej ajo. Në kushtet e një sëmundjeje të rënduar, Merushja është lidhur me Bajram Avdulin, kryetar i Shoqatës Kombëtare në Ndihmë të Jetimëve. Ai e ka drejtuar në Kirurgjinë e Elbasanit ku ka nisur një kurim intensiv e së shpejti do t'i nënshtrohet një ndërhyrjeje kirurgjikale. Merushja thotë se do të kërkojë të drejtën e saj. "Dua të vihem nën mbrojtjen e shtetit dhe të bëj denoncimin në polici. Dua që ai që më përdori të marrë dënimin që jep ligji". Paraditen e djeshme, Drejtoria e Policisë së Elbasanit është vënë në dijeni për rastin në fjalë, rast i cili nga vetë viktima u bë publik nëpërmjet shtypit. Ajo thotë se ndihet e pasigurt dhe kërkon që policia ta marrë në mbrojtje. S.Kurani
---------------------
Gjendet 13-vjeçarja e rrëmbyer, arrestohen autorët
FIER - Policia e Fierit ka gjetur në mbrëmjen e së mërkurës 13-vjeçaren D.Ç e zhdukur disa ditë më parë. Vajza u gjet në një pyll sipër fshatit Kurjan (Roskovec) dhe është shoqëruar në mjediset e policisë së Fierit, ku dhe është marrë në pyetje nga uniformat blu. Ajo u ka thënë uniformave blu se Alfred Doksani, në bashkëpunim me shtetasit Rrapi Kuke, Xhezmi Kuke dhe Sali Kuke, përkatësisht 20-22 vjeç e kanë rrëmbyer atë me një Benz në Roskovec në datën 15 shtator. Më pas e kanë sjellë në një banesë në qytetin e Fierit. Po ditën e rrëmbimit me një furgon e kanë çuar në Kurjan, në banesën e shtetasit Afrim Tares. Këtu Rrapi Kuke, duke përdorur dhunë, ka kryer marrëdhënie seksuale me 13-vjeçaren. Pas përdhunimit Kuke me 13-vjeçaren dhe bashkëpunëtorët e tij janë fshehur në pyllin e fshatit. Policia ka arrestuar deri tani shtetasit Alfred Doksani, Novrus Kuke, ndërsa për shtetasit Sali, Xhezmi dhe Rrapi Kuke është shpallur kërkimi. Ndërkohë gjykata e rrethit të Fierit ka dhënë dje masën e sigurisë burg pa afat për 21-vjeçarin Doksani, i denoncuar si përdhunues i së miturës. Mësohet se ka qenë motra e së miturës Alma Ç., ajo që ka shkuar në rajonin e policisë ku dhe ka denoncuar zhdukjen e D.Ç 13 vjeçe. Pas këtij kallëzimi, drejtori i policisë së qarkut, Asllan Dogjani, ka organizuar punën për zbardhjen e rrethanave si dhe kapjen e autorëve.
V. Muçaj



--------------

Trekendeshi Bermudes...Berat-Vlore-Fier. Pëllëmb e bandit.

[Brari]

gazeta shqiptare
-------------------------------
Policia arrin ta gjej në një pyll: Tre rrëmbyesin ikën në errësirë, ndërsa është arrestuar një bashkëpunëtor i tyre bashkë me gruan, në shtëpinë e të cilit u strehua një natë vajza dhe u përdhunua

Minorenia nga Roskoveci flet ekskluzivisht për Gazetën: Ishte një tmerr, ata më përdhunuan dhe më rrahën

"Katër ditët e rrëmbimit tim"
Rrëfimi i 12-vjeçares: Do më çonin në Greqi


--------------------------------------------------------------------------------

Aurora Damini

FIER

Gjendet në një pyll 12-vjeçarja e rrëmbyer nga trafikantët të dielën në mesditë. Rreth orës 20 të së merkurës uniformat blu të Fierit kanë bërë të mundur zbulimin e vendndodhjes së të miturës D.Ç.

Vajza qëndronte poshtë një peme, bashkë me ata që i bënë kurthin, në një pyll të fshatit Kurjan, pasi nuk kishin mundur ta nisnin për në Greqi. Drejtoria e policisë së Fierit ka bërë të ditur se vajza ruhej nga tre rrëmbyesit e saj, Rrapi, Xhezmi dhe Sali Kuke, nga Kurjani, por që kanë mundur të largohen, duke përfituar nga errësira. Ndërsa dje në Gjykatën e Faktit në Fier, është dhënë masa e sigurisë, burg pa afat, për njërin prej katër rrëmbyesve, i cili është arrestuar të hënën, Klodian Doksani. Ky i fundit kishte treguar në momentin e arrestimit edhe vendin ku kishin qëndruar natën e parë dhe shumë detaje të tjera, gjë që i ka ndihmuar forcat e policisë për vendndodhjen e vajzës. Kjo dëshmi ka bërë që të arrestohen edhe Novruz Kuke, 44 vjeç, Afrim Kuke, 34 vjeç, dhe është proceduar penalisht në gjendje të lirë Afërdita Kuke, për shkak se ka një fëmijë 2 vjeç.

12-vjeçarja, nxënëse e klasës së gjashtë në shkollën "Adem Vrapi" të qytetit të Roskovecit, rrëfen për Gazetën Shqiptare, mesditën e mynxyrës.

Si u bë i mundur rrëmbimi yt?
"Kisha dalë rreth orës 9 e 30 minuta në pazar, për të blerë diçka për shkollën që do të fillonte të nesërmen, së bashku me motrën time, më të madhe se unë. Atë e ndaloi një shoqe dhe më bëri me kokë të vazhdoja vetë. Eca në rrugën drejt shtëpisë kur para më del Klodiani. E njihja si fytyrë, më kishte ngacmuar 2 muaj më parë. I thashë të më linte të qetë, por ai më kapi prej krahu në një vend me më pak njerëz. S'di se nga behu një makinë me tre djem të tjerë brenda, të cilët më futën aty dhe më çuan drejt një banese të vjetër në lagjen "Kastriot" të Fierit. Djemtë talleshin me mua, ndërsa Klodianin nuk e pashë më. Pritën derisa u errësua dhe më morën sërish me një furgon e më çuan në Kurjan në shtëpinë e dikujt që s'e njihja. Diçka biseduan me të zotin e shëpisë dhe gruan e tij, e cila kishte dhe një djalë të vogël. Afërdita (kështu e thërrisnin) nuk u soll mirë me mua. Më hidhte kunja dhe më thoshte se atje ku do më çonin 3 rrëmbyesit (në Greqi) ishte më mirë se te shtëpia e saj. Më lanë pa ngrënë, ndërsa për nevojat personale gjithnjë e shoqëruar nga ajo. Mbrëmjen e asaj nate më çoi në dhomën e saj dhe më porositi që të mos bëja zhurmë, se ndryshe do ta kisha pisk punën. Më tha se Rrapit (njërit prej rrëmbyesve) i kisha hyrë në zemër dhe donte që të martohej me mua. Nuk e besoja, por s'kisha ç'të bëja. Qarjet e mia ishin pa dobi. Rrapi hyri në dhomë. E parandjeva se ai do bënte diçka të tmerrshme dhe e bëri..." (qan)

Po pastaj?
"Të nesërmen 3 rrëmbyesit e mi, pa Klodianin, më çuan në një pyll. Aty më rrihnin sa herë u lutesha të më çonin në shtëpi."

Të dhunuan sërish?
... (Hesht)

Më vonë?
"Erdhi një burrë i vjetër dhe më tha se ishte i policisë. Më tha se, sido që të vinte puna, Klodiani nuk kishte faj dhe se ai do lirohej. Më kërcënoi të mos flisja keq për të dhe i porositi 3 rrëmbyesit të kishin mendjen, se ishin në gjurmë të policisë. Më vonë erdhi policia, u bë rrethimi dhe nuk mbaj mend asgjë, as furgonin e policisë që më solli deri këtu. Më vjen keq që ata ikën, por sidoqoftë jeta ime mori fund. Tani përjetë mbaj një njollë turpi për diçka që s'e bëra unë."

-------------

aferdita kuke...perbindeshja nga roskoveci ..nene dhe karakurve.
Kur te kemi shtet ndonjihere keta duhen shtypur si morra te gjithe me rrul asfalti.

[Brari]

shekulli
---------------
VENDIMI
Mbeti në fuqi dënimi për shtetasin Pëllumb Neli i akuzuar për vrasjen e gruas dhe baxhanakut

Apeli : Dy vjet burg për vrasjen e Priskës

TIRANË - Pëllumb Neli, akuzuar për vrasjen e gruas së tij Nafie Neli dhe baxhanakut të vet në 30 mars të këtij viti, do të qëndrojë në burg dy vjet. Vendimi i dhënë nga gjykata e shkallës së parë prej gjyqtarit Arben Kostandini u përforcua dje nga Gjykata e Apelit. Neli nuk ishte dje i pranishëm në sallën e gjyqit në Apel, por ai përfaqësohej nga avokati mbrojtës, i cili ripërsëriti edhe një herë kërkesën për lehtësimin e klientit të tij nga vepra e rëndë penale. Edhe pse Neli akuzohet për vrasjen e dy personave ai nuk do të qëndrojë në burg më shumë se dy vjet. Masa e dënimit ndaj Nelit u dha duke patur parasysh kushtet në të cilat ai arriti të kryejë vrasjen e gruas dhe të baxhanakut të vet. Edhe akuza ishte dakord me masën e dënimit për Pëllumb Nelin nga fshati Priskë e Vogël Tiranë. Neli, natën e 30 marsit, kur u kthye në shtëpi gjeti në krevatin bashkëshortor gruan dhe baxhanakun e tij. Ai nuk e priste këtë gjë dhe i ndodhur përballë një reliteti të hidhur u detyrua të mbrohej. Para se Neli të futej në shtëpi, baxhanaku i tij u mundua ta vriste dhe për të mbrojtur veten i pandehuri qëllon drejt tij me pushkën karabinë që mbante në krahë. Neli punonte roje në dyqanin e tij jo shumë larg shtëpisë. Atë mbrëmje pasi hëngri darkë me baxhanakun, ai u nis për në punë, por kur mbërriti atje, vëllai i vogël i tha të kthehej në shtëpi. Në shtëpi i pandehuri nuk arriti të hynte pasi u gjend përpara një krisme pistolete. Kur qëllon baxhanakun, Neli has në përpjekjet e gruas së vet për ta mbytur. Para gjykatës i pandehuri ka shpjeguar se ajo ishte e zhveshur dhe bashkë me baxhanakun ishin në krevatin bashkëshortor. Pas vrasjes së baxhanakut, Neli qëllon për vdekje edhe gruan e tij. Pas kryerjes së krimit i pandehuri largohet për tek të afërmit e vet dhe u shpjegon gjithçka që ndodhi në familje.
Alma Çuka

--------------------------------

Pra gjykatat tona denojne me 2 vjet burg kriminelin NELI qe vrau nenen e femijve ne sy te femijve.
Me nji fjale Gjykatat u ndezin driten jeshile cdo banditi qe te vrase gruan kur ti teket e dali pa lagur.
Turp.

[Prototype]

hmmmm vetem 2 vjet burg per vrasje !!! hajde drejtesi hajde

[erzeni]

brari, vazhdoje arkivin.


32-vjeçari Banush Ruka u prangos pasi goditi me kazmë vëllain e tij


Arrestohet, plagosi vëllanë për një vijë ujë

FIER - Policia e Fierit arrestoi dje një 32- vjeçar, pasi ai akuzohet për vrasjen e vëllait të tij. Banush Ruka, 32 vjeç, i martuar dhe me tre fëmijë, banues në fshatin Suk-2 të rrethit të Fierit është i arrestuari i policisë së Fierit.
Burimet thanë se ndaj tij ishte dhënë masa e ndalimit pasi katër ditë më parë dyshohet të ketë goditur në kokë, me kazmë, vëllanë e tij Xhevairin, i cili aktualisht ndodhet në gjendje kritike për jetën, në spitalin ushtarak në Tiranë.
Burime të policisë të cilat i referohen dhe dëshmive të marra në vendgjarje thanë për gazetën se 32-vjeçari kishte disa ditë që zihej me vëllane për një vijë ujë, e cila kalonte në baçen e tij.
Banushi mësohet t'i ketë thënë të vëllait të tij, Xhevairit se duhej ta ndërpriste këtë rrjedhje uji, pasi atij i prisheshin prodhimet në ngastrën e tokës para shtëpisë. Katër ditë më parë, sherri përfundoi keq. Vendin e fjalëve ofenduese e zëvendësuan mjetet e forta. Banushi e ka goditur vëllanë me kazmë në kokë, duke i shkaktuar plagë të rënda, thanë për gazetën burime të policisë.
Pas ngjarjes, 32-vjeçari megjithëse e ka parë të vëllanë në gjendje të keqe jo vetëm që nuk i ka dhënë ndihmën e parë, por është larguar në drejtim të paditur. I plagosuri është përcjellë me urgjencë në spitalin e qytetit dhe më pas në spitalin ushtarak të Tiranës.
Policisë së Fierit i është dashur më shumë se 72 orë që të kapë autorin. Ai është arrestuar dje në orën 10.30 afër banesës së tij në fshatin Suk-2. Burimet e policisë thanë për gazetën se 32-vjeçari ka tentuar të largohet, por pa mundur.

Vladimir Muçaj (shekulli)

[Brari]

SADIKU, Perbindeshi i Shkodres.





..........

Një grup njerëzish të mbledhur përpara gjykatës, por dhe familjarë të viktimave, kërkuan varjen e tij. Kuniqi i qetë


Kuniqi në gjyq, vrava 4 njerëz për vetëmbrojtje


Fillon procesi gjyqësor ndaj superkillerit Sadik Kuniqi, i akuzuar për vrasjen e një çifti dhe nënë e bir

SHKODËR- Superkilleri Sadik Kuniqi, mbi të cilin rëndon vrasja në mënyrë makabre e 4 personave është ulur dje për herë të parë në bankën e të akuzuarve në gjykatën e Shkodrës. I akuzuar si vrasësi i një çifti burrë e grua dhe një nëne së bashku me fëmijën e saj të vogël, Sadik Kuniqi ka thënë dje se i kishte kryer vrasjet për vetëmbrojtje. Sadik Azem Kuniqi, 53 vjeç, lindur në Dibër dhe banues në Shkodër, akuzohet për vrasjen me mjete të forta të 4 personave. Kuniqi i cilësuar si monstra e Shkodrës, akuzohet për vrasjen me mjete të forta, të çiftit Isuf dhe Kudrete Sula. Krimi është kryer në 28 janar të këtij viti dhe çifti, banues në lagjen "Manush Alimani", është ekzekutuar në banesën e tij. 53-vjeçari akuzohet edhe për vrasjen e Fatmira e Xhek Simonit, nënë e bir, në 26 mars të këtij viti. Ata janë ekzekutuar në të njëjtën mënyrë si bashkëshortët Sula. Një gjë e tillë e hodhi në veprim të menjëhershëm policinë e Shkodrës, e cila e arrestoi të akuzuarin disa orë pas kryerjes së krimit.
Sapo mjeti i policisë u afrua me të pandehurin pranë gjykatës së Shkodrës një grumbull njerëzish mallkonin Kuniqin dhe kërkonin varjen e tij. Trupi gjykues, i përbërë nga drejtues Sandër Simoni dhe anëtarë Genti Shala dhe Dritan Halluni lexoi akuzën "vrasje me rrethana cilësuese të të miturit dhe të më shumë se dy personave, duke i shkaktuar mundime viktimave". Avokati mbrojtës i të pandehurit, i caktuar nga shteti, Bardh Lohja, kërkoi mosshqyrtimin e provave dhe gjykimin e shkurtuar, pasi klienti i tij e ka pranuar menjëherë akuzën. Trupi gjykues e hodhi poshtë kërkesën për gjykim të shkurtuar, ndërsa akuza e përfaqësuar nga prokurori Ilir Golemi kërkoi që provat të paraqiten pasi një pjesë e provave sekrete kanë ardhur pas mbërritjes së dosjes për gjykim. Ai kërkoi thirrjen e 3 dëshmitarëve Nora Lazri, Brixhilda Shkreli dhe Florika Vorfa. Kjo u pranua nga trupi gjykues dhe prokurori Golemi paraqiti kronologjinë e dy ngjarjeve.

Akuza
Më 28 janar 2002, rreth orës 6.30, Sadik Kuniqi ka shkuar në banesën e bashkëshortëve Kudret e Isuf Sula, në lagjen "Manush Alimani". Këta të fundit banonin në pallatin përballë ku jetonte Kuniqi. Me Isuf Sulën, Kuniqi ka patur njohje e marrëdhënie pune, pasi ai (Kuniqi) ka punuar 20 vjet magazinier armatimi në ushtri dhe mbante gradën kapter, ndërsa Isuf Sula ka qenë për disa kohë shef armatimi dhe eprori i tij. Në momentin kur ka trokitur në derën e familjes Sula, Kuniqi ka patur me vete një çantë pune ku ndodheshin çekiçi, mistria dhe një spatul. Pasi ka trokitur në portë ajo i është hapur nga Kudrete Sula, të cilën e ka goditur me çekiç në pjesën e përparme të kokës. Më pas ai është përleshur me Isuf Sulën, duke e goditur dhe atë në pjesën e përparme të kokës. Më pas Kuniqi ka vazhduar t'i godasë dhe mundojë viktimat e tij deri në vdekje. Kufomat e çiftit Sula janë gjendur rreth orës 15.30 të asaj dite, nga vajza e tyre e vogël Alketa, e cila vinte nga një vizitë nga dajat e saj në Lezhë. Kjo vrasje nuk u zbulua dhe megjithëse u shoqëruan dhe u pyetën shumë persona, nuk u indentifikua asnjë autor. Kuniqi duhej të shkaktonte dhe dy viktima të tjera për t'u zbuluar nga policia. Sipas akuzës, më 26 mars të këtij viti, në orën 12.30, Kuniqi është ngjitur në katin e pestë të banesës së shtetasit Çesk Simoni, në lagjen "Ndoc Mazi". Me Simonin Kuniqi kishte patur raporte pune, pasi kishin punuar së bashku muratorë. Ai gjen momentin kur Fatmira Simoni, lindur në Urën Vajgurore në Berat dhe banuese në Shkodër po hapte derën e shtëpisë. Ajo sapo kishte përcjellë në shkollë vajzat e saj 9 dhe 7 vjeçe kur është qëlluar me çekiç në gjoks nga Kuniqi, i cili ka hyrë brenda banesës. Fatmira Simoni arriti të futet me shpejtësi në dhomën e gjumit, të cilën e mbyll me çelës. Ajo ka dalë në ballkonin e katit të pestë të banesës dhe ka kërkuar ndihmë. Por Kuniqi ka shfrytëzuar pjesën e sipërme prej xhami të derës së ballkonit të dhomës së gjumit. Ai e ka thyer atë dhe e ka goditur me çekiç Fatmira Simonin dhe më pas po me çekiç në kokë, djalin e saj 3-vjeçar Xhekun, teksa ai flinte në krevatin e tij. Çantën me veglat e krimit, autori i krimit i ka hedhur tek ferrat, pranë mbeturinave afër një banese, ndërsa ka shkuar në shtëpi ku dhe ka ndërruar rrobat që kishte veshur gjatë kryerjes së krimit. Dy dëshmitarë kanë bërë përshkrimin fizik të të dyshuarit dhe policia e ka identifikuar nga të dhënat e marra, për ta kapur në banesën e tij. Aty janë gjetur pantallonat dhe këpucët me gjakun e viktimave si dhe një dorëshkrim, ku Kuniqi shpjegonte vrasjet. Në hetuesi Kuniqi ka pranuar se ka qenë ai autor i katër vrasjeve, ndërsa ka shpjeguar kronologjinë e krimeve dhe ka treguar se ku e ka hedhur çantën me mjetet me të cilat kishte vrarë Fatmira dhe Xhek Simonin. Këto janë sekuestruar si provë materiale së bashku me ekspertizat, procesverbalet, tabelat fotografike etj. Prokurori Golemi kërkoi thirrjen e tre dëshmitarëve dhe paraqitjen e provave shkresore që kanë ardhur pas mbërritjes së dosjes në gjykatë, siç është ekzaminimi psiqik i Kuniqit, i bërë më 27.8.2002. Dëshmitarja Florika Vorfa, komshie me çiftin Sula, tregoi se kishte parë paraditen e 28 janarit 2002 një çantë doku të hedhur pranë derës së jashtme të banesës së tyre, e cila më vonë kur u zbulua krimi nuk ndodhej aty. Seanca u shty për në datën 9 tetor, ku do të thirren dy dëshmitarë. Gjatë kohës së zhvillimit të seancës, por edhe para e pas saj Kuniqi nuk komunikonte me njeri dhe dukej i qetë. Ai nuk reagoi as ndaj fjalëve të familjarëve të viktimave apo thirrjeve jashtë gjykatës, për dënimin e tij me vdekje.
Anila Dushi (shekulli).
............

[Brari]

Le te behet Ceshtja "kuniqi" shkak qe te fillojne protesta popullore per rivendosjen e ligjit per denime me vdekje ne Shqiperi.
Heqja e ketij ligji ka shkaktuar lulezimin e krimeve makabre vitet e fundit.
Ata qe e hoqen kte ligj ben nji poshtersi sepse ndersa vete i ruhen krimineleve duke mbajtur per vehte 24 ore ne dite me dhjetra bodigarde te paguar me paret e shtetit , popullin e mjere e lane ne meshiren e ketyre perbindshave te cilet ne Shqiperi jane me mijra ne cdo qytet e fshat.

[Prototype]

halla halla

[Brari]

prototipe !!

.a me tregon pak oj shkollare se cfar tregon ..ajo figura me dhembet jasht qe ke vene tek komenti yt mbas shkrimit ku tregon se si nji vrases vec tjerash ka masakruar dhe nje femije?

Proto !

Zgerdhirja ka vendin e vet por jo atje ku flitet per nji krim makaber. A kupton ti nga njerzilleku? Te rroft shkolla dhe Kompjuteri. .
..............



....................
Shekulli.
..........
Ngjarja ka ndodhur fill pasi 61- vjeçarja Hydajete Selimi ka kërkuar ndihmën e policisë për të larguar nusen nga shtëpia


Tragjedia, vret motrën dhe vjehrrën e saj


Policia dyshon se Besnik Pepmarku ekzekuton 61-vjeçaren se nuk donte për nusen e djalit motrën e tij

SHKODËR - Vret vjehrrën e motrës dhe këtë të fundit. Tragjedia ka ndodhur në orët e vona të së premtes në familjen Selimi, në qytetin e Shkodrës, dhe protagonist i saj dyshohet të jetë Besnik Pepmarku. Ky i fundit dyshohet të ketë qëlluar mbi të vjehrrën e motrës Hydajete Selimi, 61 vjeçe, dhe më pas mbi të motrën e tij, Alma Pepmarku, 30 vjeçe. Gjithçka sipas burimeve të policisë ka ndodhur për shkak të një martese të padëshiruar. Familja Selimi nuk e donte për nuse 30- vjeçaren. Madje për këtë arsye, mësohet se viktima, gruaja 61-vjeçare, është ankuar në polici të enjten. Ajo mësohet të ketë thënë se njerëzit e vajzës e kanë sjellë me forcë këtë të fundit në shtëpi. "Djali im, mësohet të ketë thënë 61-vjeçarja, nuk e do Almën. Madje për këtë arsye ai prej 3 muajsh punon dhe jeton në Ulqin". Pas kallëzimit në polici të kryefamiljares Selimi uniformat blu, bëhet e ditur se kanë pasur një takim me babanë e 30- vjeçares. Në këtë takim, në bazë të kallëzimit ato i kanë kërkuar babait të vajzës që ta tërheqin këtë të fundit nga shtëpia e familjes Selimi. Takimi mësohet të jetë kryer të premten në mesditë, ndërsa në orët e vona të po asaj dite ka ndodhur krimi makabër. Policia e Shkodrës është në kërkim të autorit të dyshuar të kësaj ngjarjeje.

Ngjarja
Hydajete Selimi, 61 vjeçe, jetonte vetëm me nusen e padëshiruar në shtëpinë e saj, në lagjen "Naim Gjylbegu" në Shkodër. Ajo jetonte në katin e dytë të një pallati, pranë ish- shkollës mekanike-bujqësore, sot kolegji turk në Shkodër. Bashkëshorti i saj kishte vdekur pak vite më parë, ndërsa djali i saj i vetëm, Gëzimi, prej 3 muajsh jetonte dhe punonte ne Ulqin të Malit të Zi. Sipas burimeve të policisë, të cilat i referohen dëshmive të marra në vendngjarje, Alma Pepmarku ishte futur në shtëpinë e Selimajve si nuse e shtëpisë, megjithëse pa celebrim, që prej dhjetorit të vitit të kaluar. Sipas të njohurve të familjes Selimi, kjo martesë ka qenë e detyruar dhe e padëshiruar nga familja Selimi.
Kjo martesë e padëshiruar e ka çuar disa herë gruan e shtëpisë, Hydajeten në policinë e Shkodrës, ku dhe është takuar me drejtues të lartë të policisë. Një gjë e tillë ndodhi dhe të enjten. Policia kishte komunikuar me babain e vajzës Xhemalin, dhe ishte përpjekur për ta bindur atë që ta merrte vajzën në shtëpinë e tij. Sipas burimeve të policisë dyshohet që takimi i kryefamiljares Selimi me uniformat blu të ketë nxitur djemtë e familjes Pepmarku që të reagonin ndaj nënës së dhëndrit që nuk e pranonte motrën e tyre për grua. Në orët e vona të së premtes, i dyshuari, Besnik Pepmarku ka shkuar në banesën e familjes Selimi. Ka qenë ora 23.00 kur ai me paramendim ka qëlluar mbi dy gratë, thanë për gazetën burime të policisë. Të njëjtat burime thanë për gazetën se fillimisht është qëlluar mbi 61-vjeçaren. Po sipas burimeve të policisë mbi këtë të fundit autori i krimit ka qëlluar 3 herë me pistoletë. Ajo është goditur në gjoks dhe ka gjetur vdekjen e menjëhershme. Më pas autori i krimit e ka drejtuar armën mbi të motrën, duke e goditur atë një herë në kokë. Pas kryerjes së aktit makabër ai ka ikur në drejtim të paditur. Kanë qenë komshinjtë ata që kanë lajmëruar policinë, pasi vjehrrë e nuse jetonin të vetme në banesë. Policia tha se në vendngjarje janë sekuestruar 6 gëzhoja pistolete, ndërsa është bërë dokumentimi ligjor i ngjarjes dhe identifikimi i autorit të krimit, i shpallur në kërkim.

Dëshmi
Familja Pepmarku me origjinë nga Mirdita kishte pak vite që jetonte në qytetin e Shkodrës. Sipas burimeve, kjo familje për një periudhë të gjatë kohe ka jetuar në Thumanë të Krujës dhe më pas ishte zhvendosur për të jetuar në Shkodër. Vajza e tyre Alma jetonte në shtëpinë e familjes Selimi që prej muajit dhjetor të vitit të kaluar. Sipas dëshmive të para në vendngjarje (komshinj që nuk duan të identifikohen) Alma kishte pasur marrëdhënie me djalin e vetëm të familjes Selimi, Gëzimin, por nëna e tij madje as ai vetë nuk e donin martesën. Për një gjë të tillë ata janë detyruar me forcë nga familja e vajzës, Almës. Sipas policisë, grindjet dhe konfliktet midis familjes Selimi dhe Pepmarku kanë qenë të pranishme. Familja Pepmarku këmbëngulte që vazja e tyre duhej të qëndronte aty pasi Gëzimi e donte atë. Grindje ka pasur edhe midis vjehrrës dhe nuses së padëshiruar. Madje sipas burimeve të policisë, viktima Hydajete Selimi kishte komunikuar dy herë me drejtorin e policisë së Shkodrës ku hera e fundit ishte e enjtja. 61-vjeçarja mësohet të jetë ankuar tek drejtori i policisë se nusen ia linin me zor në shtëpi. Sipas të njohurve, nusja flite në dhomën e gjumit, ndërsa nëna me të birin, kur ai ndodhej në shtëpi, në kuzhinën e apartamentit. Policia kishte komunikuar me babain e vajzës Xhemalin duke u munduar ta bindë që ta merrte vajzën në shtëpinë e tij. Por një gjë e tillë nuk ndodhi, megjithëse në zgjidhjen e çështjes u përpoq që të ndikonte dhe policia.

..............

jepi shkodra..mos e len pa marr kupen dhe ne kriminalitet.