Të hidhem në Mac apo të mbaj Windows?

[darwin]

Darwin,

Unë në këtë temë nuk i kam bërë reklamë Microsoft-it, por kam kundërshtuar mendimet e tua dhe të të tjerëve që thonë se Mac-u është sistem i sigurtë, me një virus në vit, pa nevojë për antivirus, etj.

Për vetë ty edi dhe gjithë të tjerët që kanë shkruar apo do të shkruajnë më vonë në këtë temë është i nevojshëm një sqarim i vogël, por i rëndësishëm:

Tema u hap nga etan, sepse ishte dëshira e tij për të blerë një Apple G5 dhe pikërisht titulli ishte "Apple G5".


Tani, edi, problemi nuk është tek parashikimet e tua afërmendsh profetike, por te mënyra sesi përdoret propaganda e pandërgjegjshme. P.sh, kam përshtypjen se mund ta kesh menduar titullin e temës në këtë mënyrë, titull i cili i drejtohet lexuesit në një mënyrë të tillë si t'i thotë "Edhe mund ta lësh mrekullinë e Windows, por kujdes se të pret e panjohura". Dhe ku vihet re kjo 'përkujdesje' dhe këshillë ndaj 'së panjohurës'? Qe tek shtjellimi që përmban shkrimi yt i parë në këtë temë:

90% e kompjuterave që shiten kanë windows. Mac, Linux dhe të tjerët ndajnë vetëm një 10% dhe kjo është arsyeja pse nuk flitet shumë për ta në forum. Windows mund të ketë problemet e saj, por ka qënë gjithnjë në përmirësim dhe ka më shumë benefite se Mac, Linux, etj.

Mesazhi 'i fshehtë' në këtë paragraf, i përdorur në mënyrë jo-të ndërgjegjshme nga ty, është -- këta të tjerët nuk kanë përmirësime dhe vetëm Windows bën përpara.


vijon

Në radhë të parë ka afërsisht 10 vjet eksperiencë që me windows 95. Pothuaj se i gjithë biznesi i industrisë së kompjuterave dhe programeve (software) është ndërtuar mbi windows. Ka qindra mijra programe për windows që mund ti blesh ose ti shkarkosh falas në internet, ndërsa për Mac dhe Linux nuk do ta gjesh këtë llojshmëri.

Dhe po tek ky paragraf, harrohet të përmendet që Apple me Macintosh ka 20 vjet eksperiencë me sisteme operative me interface --> (për përdoruesin e thjeshtë).
Dhe gjithashtu që ka po qindra mijëra programe për Mac që mund të blihen apo shkarkohen falas (për Linux nuk e kam idenë si gamë).

Kur 90% e njerëzve përdorin Windows, edhe ti je i detyruar të përdorësh atë. Skedarët dhe disqet që punojnë në windows, nuk punojnë në Mac dhe anasjelltas. Nëpër shkolla dhe zyra përdoret Windows dhe do s'do ti, do detyrohesh tu përshtatesh kushteve, se nuk i ndryshon dot.

Ky është paragrafi yt klasik, ku pak a shumë ti, si më me eksperiencë, i tregon përralla në diell atij që lexon, sepse do apo nuk do ti nuk e ndryshon dot faktin që me Mac punon anë e mbanë pa e vrarë mëndjen fare për këto lloj 'vështirësish' që në të vërtetë nuk ekzistojnë.

Mac ka të mirat e ti, edhe Linux po ashtu.

a) Mac është i thjeshtë për tu përdorur por është i varfër në funksionet që të lejon të kryesh. Një përdorues i zakonshëm që e përdor kompjuterin për internet, email, e muzikë, nuk e kupton ndryshimin fare por dikush që punon me kompjuter e kupton që Mac ka mangësi.

b) Dikur Mac mburrej për dizajn grafikësh por tani edhe në atë fushë ja ka kaluar windows.

a) Në cilat funksione është i varfër? Command prompt (Dos) ---> Terminal (*nix)

b) Mqs këtë pikë e ke shkruar me seriozitet, dhe unë po të respektoj në heshtje me shpresë se do vetëkorrigjohesh.


pastaj, për sigurinë:

http://apple.slashdot.org/comments.p...7&cid=16706053

- - - - - - - - - - - - - - - - - - -

Thuhet që kompania Autodesk po përgatitet që të zbarkojë në Mac OS X me gamën e saj (Maya ka vite që është), ku gjithsesi do të gjejë VectorWorks apo ArchiCAD si kundërshtare biznesi.

Pas kësaj, a mund të thuash se ç'do mungonte më?

[andiOS]

I dashur Darwin e kuptoj dhe une qe po dalim jasht teme dhe ai qe shtroj ket pyetje ka bere zgjedhjen e vet shpresoj tashme dhe kur lexon cfare shkruhet ketu pyet veten pse kaq seriozisht e kisha une????

Duke qene se nje pjese e madhe e administrates publike apo dhe bisneset nuk dine ende per cfare u duhet Windows Vista ( do min 2 GB Ram ) po shohin mundesine e perdorimit te sistemeve alternative qe kane nje kosto perdorimi dhe mirembajtje me te ulet.
Keta dy ente te siperpermendur jane te vetmit qe paguajne ne menyre te rregullt lishencat per perdorim dhe axhornim te antiviruseve nese keta kalojne ne sisteme te tjera me te sigurta dhe kjo eshte nje e vertet fillojme te degjojme spekullime te tilla.
Kaspersky duke qene se eshte dhe nga Rusia e di fare mire qe pjesa me e madhe e userave shtepiak perdorin versione pirate te soft qe ai prodhon dhe nese kalojne ne sisteme te tjera do te vazhdojne te bejne te njejten gje. Atij nuk interesojne ata atij i intersojne ata qe sigurine informatike e kane ne plan te pare dhe te cilet paguajne per ket sipas tij filloni perdorni Kaspersky OS X ose Kaspersky Linux
Fjala Unix permendet qe ne vitet 1960 ky sistem ka ecur hap pas hapi me ate qe ne quajme informatike. Per zgjedhje te atyre qe kane financuar zhvillimin e ketij sistemi SCO Group dhe per zgjedhje te Bill Gates ka sherbyer deri pak vite me pare kryesisht si sistem server per
bankat, web, shoqerite kerkimore, telekomunikazion, sherbimet sekrete besoj etj etj atehere un ngre nje pyetje si ka mundesi qe nje sistem me perdorime te tilla ne te cilin kalojne te dhena kaq te rendesishme nuk ka terhequr "hackerat" te prodhojne viruse per te por keta numrohen me gishta ndersa per windows i bie qe cdo dy dite te dali nje virus!!!!


Duke lene menjane ato cka thote Kasperi e Symantec Nortoni (keta Furbetti del quartierino ) po siell ketu cka lexova te faqja web e SpywareBlaster ( http://www.javacoolsoftware.com/spywareblaster.html )nje program free ne windows per siguri kunder spy dhe adware te cilin e perdor vete + AVG Free Edition.

Citohet aty : Why is it Free?
We're all about helping you protect your privacy and security, because we value ours so much.
We believe strongly that people should have free access to innovative security and privacy solutions.

Me pak fjale pasja e nje PC te sigurt eshte nje e drejt dhe jo nje opzion dhe sitemet unix based kane perdorur kete filozofi per vite me radhe beni zgjedhjen tuaj ne te ardhmen.
Pse windows eshte shume bug ne krahasim me te tjeret nuk eshte faj yn

Unix datelindja 1960 ne grupe kerkimore shkencore nga ca tipa me mjeker 7 pellem aq te apassionuar sa harronin lukun personal (lapidar te informatikes)

Windows datelindja 1985 nje pershtatje me gragik e DOS te cilin Billi e bleu per 2 lek nga nje person i cili shkruante source cod e bente prova per qellime studimi gjithashtu po qe me kalimin e viteve e komercializoj dhe e bastardoj aq shume sa vetem ai e di bashke me zotin Steve Ballmer (si mund ti ti besoj ketij tipi )

[cunimartum]

C'do sistem operativ modern (nix mac apo win) eshte aq i
kycur sa te duash dhe te dish ta kycesh.

[edspace]

Darwin,

Nuk më interesojnë llafet e tua të cekëta për komplotet e mia propagandistike e të pandershme por po të përgjigjem vetëm për mos të të injoruar. Nëse ke ankesa ndaj gjykimeve të mia si moderator, bëji në forumin e duhur, por për aq kohë sa shkruan në forumin e Informatikës, përmbaju temës.

Tema u hap nga etan, sepse ishte dëshira e tij për të blerë një Apple G5 dhe pikërisht titulli ishte "Apple G5".

Tani, edi, problemi nuk është tek parashikimet e tua afërmendsh profetike, por te mënyra sesi përdoret propaganda e pandërgjegjshme. P.sh, kam përshtypjen se mund ta kesh menduar titullin e temës në këtë mënyrë, titull i cili i drejtohet lexuesit në një mënyrë të tillë si t'i thotë "Edhe mund ta lësh mrekullinë e Windows, por kujdes se të pret e panjohura".

Titulli ashtu ka qënë që në 2004-ën. T'u deshën pothuajse katër vjet, por më në fund sesi ta shkrepi mendja dhe e zbulove propagandën time të fshehtë! Të lumtë!

Lexo se çfarë ka shkruajtur etan-i ne shkrimin e tij të parë dhe ke për të parë sesi titulli i përshtatet më së miri problemit që ai ka shtruar dhe diskutimeve që ne kemi bërë në këtë temë. Vetë fakti që etani hapi temën tregon se ai nuk ishte i vendosur dhe donte të informohej për të mirat dhe të ligat e dëshirës së tij për t'u hedhur nga Windows në Mac.

90% e kompjuterave që shiten kanë windows. Mac, Linux dhe të tjerët ndajnë vetëm një 10% dhe kjo është arsyeja pse nuk flitet shumë për ta në forum. Windows mund të ketë problemet e saj, por ka qënë gjithnjë në përmirësim dhe ka më shumë benefite se Mac, Linux, etj.

Mesazhi 'i fshehtë' në këtë paragraf, i përdorur në mënyrë jo-të ndërgjegjshme nga ty, është -- këta të tjerët nuk kanë përmirësime dhe vetëm Windows bën përpara.

Nuk e di nga i nxjerr këto mesazhe të fshehta. Shkrimet e mi janë të shkoqitur; nëse shikon ndonjë mesazh të fshehtë, të siguroj se po i analizon më tepër seç duhet. E di që s'ke lajthitur, por si moderator i forumit Agnosticizëm dhe ateizëm mbase je i prirur t'i analizosh shkrimet për propaganda të fshehura. Fatmirësisht, në forumin e informatikës shkrimet kanë përmbajtje teknike dhe unë mundohem të shkruaj në gjuhë teknike e cila s'lë vend për paqartësi, e aq më tepër për pandershmëri.

Çuditem se si të shkon mendja për propagandë. Së pari, Microsoft-i i ka bërë miliardat dhe nuk ka nevojë për propagandën time. Së dyti, anëtarët e forumit e shohin fare mirë se kush dominon tregun. Mjafton të krahasojnë numrin e temave të hapura për Windows me ato të hapura për Mac për të parë se cili sistem dominon. Së treti, nëse do doja të bëja propagandë, mund t'i fshija shumë lehtë shkrimet e tua e nuk do shpenzoja kohën të të ktheja përgjigje të tilla.

Nëse Microsoft-i do kishte ndërtuar biznesin mbi propagandë, të siguroj se do kishte falimentuar me kohë. Fakti që udhëheq tregun e sistemeve operative tregon se Windows i ka plotësuar dhe vazhdon të plotësojë kërkesat e klientëve më mirë se Mac dhe sistemet e tjerë. Të gjitha kompanitë e kuptojnë këtë, prandaj hardueret dhe softueret që shiten krijohen dhe mbështetin Windows më mirë se çdo sistem tjetër.

Apple i pranoi gabimet që kishte bërë për shumë vite dhe më në fund e kuptoi që e vetmja mënyrë për të konkuruar me Microsoft-in në lëmin e sistemeve operative ishte duke iu afruar sa më shumë Windows. Për këtë iu desh të rindërtonte Mac nga themelet, duke u bazuar këtë herë mbi suksesin e unix dhe arkitekturës së Intel-it. Për më tepër, krijoi edhe programin Boot Camp sepse e di që Windows është i pazëvendësueshëm në ato që ofron dhe sado i mirë të jetë Mac OS, klientët e tyre do duan të përdorin Windows njëkohësisht.

Kur vetë Apple ka pranuar suksesin e Windows, ashtu siç e ka pranuar gjithë industria kompjuterike dhe mbi 90% e përdoruesve, ju përse vazhdoni ta mohoni? Nëse s'ju pëlqen Microsoft-i si kompani kapitaliste/monopoliste apo Bill Gates si njeri, këto janë çështje të tjera, por nuk mund të mohosh suksesin e arritur nga Windows, Microsoft Office, Xbox, .NET e plot teknologji të tjera të suksesshme të krijuara nga disa prej shkencëtarëve më të zgjuar të punësuar nga Microsoft. E njëjta gjë mund të thuhet edhe për Apple në lidhje me pajisjet dorëmbajtëse (iPod, iPhone), për Google në lidhje me motorin e kërkimit, për Adobe në lidhje me softueret grafike, Autodesk në lidhje me softueret e CAD, Symantec në lidhje me softueret e sigurimit, etj. Të gjitha këto kompani zotërojnë nga një fushë të veçantë dhe nuk mund të mohosh suksesin e tyre. E kanë arritur atë sukses me zotësi, duke nxjerrë në treg softuere më të mira se konkurruesit e tyre.

Mangësitë e Mac i kam përmendur edhe më parë në shkrimet e kësaj teme që para 3-4 vjetësh. Siç e thashë edhe më lart, Apple tani është kthyer në rrugën e drejtë dhe po i plotëson mangësitë e Mac, por duhet kohë e gjatë deri sa të përhapet në atë shkallë që është përhapur Windows. Ka me mijëra softuere për Windows që nuk punojnë në Mac OS. Ka Nero, Visual Studio, Sound Forge për Mac? Ka uTorrent, mIRC, FlashFXP për Mac? Ka Fjalor Lingvosoft Anglisht-Shqip për Mac? Shko në download.com dhe nuk do e kesh të vështirë të gjesh mijëra softuere që punojnë vetëm në Windows. E njëjta gjë mund të thuhet edhe për hardueret. Të gjitha softueret dhe hardueret krijohen për Windows më parë dhe për Mac dalin pas 6 muajsh, 1 vit, ose nuk dalin fare. Edhe ato programe që punojnë, punojnë sepse Mac po ndryshon gradualisht që t'u përshtatet atyre.

U zgjata më shumë seç desha dhe vetëm sa përmblodha ato ç'kam thënë më parë. Jam i bindur që ti do vazhdosh me kundërshtimet e tua të bazuara më shumë mbi 'urrejtjen' kundër Microsoft-it dhe më pak mbi përparësitë e Mac.

[Diesel Industry]

une po tekisha mundesite ekonomike do kisha kaluar ne MAC me gjithe qejf....

[cunimartum]

Diesel industry mund ta di arsyen pse ?

[darwin]

Darwin,

Nuk më interesojnë llafet e tua të cekëta për komplotet e mia propagandistike e të pandershme por po të përgjigjem vetëm për mos të të injoruar.

Të falenderoj që detyrohesh të biesh në nivelin tim, pos kësaj dhe për humanizmin e treguar.

Nëse ke ankesa ndaj gjykimeve të mia si moderator, bëji në forumin e duhur, por për aq kohë sa shkruan në forumin e Informatikës, përmbaju temës.

Kontrollo mos ke probleme me mazokizmin. Nuk ishte fare i nevojshëm ky sqarimi yt, unë nuk kam ankesa.

Titulli ashtu ka qënë që në 2004-ën. T'u deshën pothuajse katër vjet, por më në fund sesi ta shkrepi mendja dhe e zbulove propagandën time të fshehtë! Të lumtë!

Unë e kisha harruar fare temën, o edi.. rastësisht vura re rendjen (duhet ta pranosh, hë?) pak të ngazëllyer me të cilën autentifikoje gati-profecinë e fjalëve e tua (pavarësisht se u deshën vetëm 3 vjet - kohorë dhe elektronikë).

Lexo se çfarë ka shkruajtur etan-i ne shkrimin e tij të parë dhe ke për të parë sesi titulli i përshtatet më së miri problemit që ai ka shtruar dhe diskutimeve që ne kemi bërë në këtë temë. Vetë fakti që etani hapi temën tregon se ai nuk ishte i vendosur dhe donte të informohej për të mirat dhe të ligat e dëshirës së tij për t'u hedhur nga Windows në Mac.

ja po e lexoj dhe njëherë:

Pas kaq e kaq muajsh ,,,,,dhe me dy kompjutera ne shtepi ,,,,jam i lodhur me buget e viruset te windowsit .Kam lexuar se nje sistem i qendrueshem eshte mac osx por per cudi ne kete forum nuk shoh qe flitet shume .Nje nder comp. me te fuqishem te apple eshte biprocessori G5 i Apple .Dikush qe e ka perdorur mund te me thote opinionet e tija per kete biprocessor ??
ju faleminderit

Hm, kjo fjalia e theksuar më duket përcaktuese për ecurinë e temës. Unë, që kisha provuar dual-CPU G4 (pa modesti) i dhashë mendimin personal bazuar në eksperiencën time.. dikush tjetër, me eksperiencë të kufizuar përdorimi në Mac OS, i këputi fjalinë:

Për mendimin tim, edhe pse ka problemet e saj, Windows në tërësi është më i mirë se Mac dhe Linux. Shumica e problemeve që lindin, janë për faj të përdoruesit dhe jo për faj të sistemit.

..dhe u ndërrua titulli i temës.

Nuk e di nga i nxjerr këto mesazhe të fshehta. Shkrimet e mi janë të shkoqitur; nëse shikon ndonjë mesazh të fshehtë, të siguroj se po i analizon më tepër seç duhet. E di që s'ke lajthitur, por si moderator i forumit Agnosticizëm dhe ateizëm mbase je i prirur t'i analizosh shkrimet për propaganda të fshehura.

edi, vërtet ke përshtypjen se të gjithë lindin buzë Vjosës?

Në rregull, e qepa.. Shumë-shumë po të quaj (me veten time) 'Microsoft ultra-fan-atic' sepse me atë 'propagandë' ose më mirë si e emërton ti, shkoqitje llogjike, kisha krijuar përshtypjen e gabuar se indirekt punoje për Babiloninë e Redmond.

Fatmirësisht, në forumin e informatikës shkrimet kanë përmbajtje teknike dhe unë mundohem të shkruaj në gjuhë teknike e cila s'lë vend për paqartësi, e aq më tepër për pandershmëri.

Po. Vetëm një pyetje kisha. Mos tu duk gjë etan si inxhinier/programator thjesht nga pyetja që bëri?

Çuditem se si të shkon mendja për propagandë. Së pari, Microsoft-i i ka bërë miliardat dhe nuk ka nevojë për propagandën time.

Prandaj u çudita me ty, sinqerisht.

Së dyti, anëtarët e forumit e shohin fare mirë se kush dominon tregun. Mjafton të krahasojnë numrin e temave të hapura për Windows me ato të hapura për Mac për të parë se cili sistem dominon.

po nga ty, edi, ca ditë më parë..

Një përdorues i zakonshëm që e përdor kompjuterin për internet, email, e muzikë, nuk e kupton ndryshimin fare por dikush që punon me kompjuter e kupton që Mac ka mangësi.

ndërkohë që te shkrimi numër 3, edhe përdoruesi i thjeshtë ishte I DETYRUAR të përdorte windoze, sepse ..sepse.. hmm, ishte i detyruar.. - thoje ti ca vjet më parë..

Kur 90% e njerëzve përdorin Windows, edhe ti je i detyruar të përdorësh atë. Skedarët dhe disqet që punojnë në windows, nuk punojnë në Mac dhe anasjelltas. Nëpër shkolla dhe zyra përdoret Windows dhe do s'do ti, do detyrohesh tu përshtatesh kushteve, se nuk i ndryshon dot.

Më vjen mirë që pas 3 vjetësh, sikur nuk ka më vend për përdoruesin e zakonshëm, për të kuptuar ndryshimin .

Së treti, nëse do doja të bëja propagandë, mund t'i fshija shumë lehtë shkrimet e tua e nuk do shpenzoja kohën të të ktheja përgjigje të tilla.

Mund t'i kurseje, fjali të tilla.

a) Nëse Microsoft-i do kishte ndërtuar biznesin mbi propagandë, të siguroj se do kishte falimentuar me kohë. Fakti që udhëheq tregun e sistemeve operative tregon se Windows i ka plotësuar dhe vazhdon të plotësojë kërkesat e klientëve më mirë se Mac dhe sistemet e tjerë.

b) Të gjitha kompanitë e kuptojnë këtë, prandaj hardueret dhe softueret që shiten krijohen dhe mbështetin Windows më mirë se çdo sistem tjetër.

E udhëheq aktualisht falë aftësisë, taktikave monopoliste dhe gabimit historik të Apple dhe IBM. Nuk do ta udhëheqë më falë Google.

Apple i pranoi gabimet që kishte bërë për shumë vite dhe më në fund e kuptoi që e vetmja mënyrë për të konkuruar me Microsoft-in në lëmin e sistemeve operative ishte duke iu afruar sa më shumë Windows. Për këtë iu desh të rindërtonte Mac nga themelet, duke u bazuar këtë herë mbi suksesin e unix dhe arkitekturës së Intel-it. Për më tepër, krijoi edhe programin Boot Camp sepse e di që Windows është i pazëvendësueshëm në ato që ofron dhe sado i mirë të jetë Mac OS, klientët e tyre do duan të përdorin Windows njëkohësisht.

Duke qenë se është kompani e cila mbështet kryesisht mbi shitjet e hardware, BootCamp u ndërtua fillimisht nga Apple për të treguar që edhe një windoze punon më mirë në një kompjuter Macintosh sesa në një PC të zakonshëm. Pastaj, për të rikthyer një pjesë të përdoruesve nga sistemi windoze në Macintosh, duke qenë se këta të fundit do kishin mundësi ta bënin krahasimin direkt, në të njëjtin kompjuter.

IBM, HP dhe Dell po e nxisin Apple të prodhojë versioni e OS X për gamën e kompjuterave që ata prodhojnë. Lajme jo të mira për vampirët e Redmond, nqs Apple e merr në konsideratë dhe orientohet seriozisht si kompani në prodhimin e softuer dhe sistemit operativ.

Kur vetë Apple ka pranuar suksesin e Windows, ashtu siç e ka pranuar gjithë industria kompjuterike dhe mbi 90% e përdoruesve, ju përse vazhdoni ta mohoni? Nëse s'ju pëlqen Microsoft-i si kompani kapitaliste/monopoliste apo Bill Gates si njeri, këto janë çështje të tjera, por nuk mund të mohosh suksesin e arritur nga Windows, Microsoft Office, Xbox, .NET e plot teknologji të tjera të suksesshme të krijuara nga disa prej shkencëtarëve më të zgjuar të punësuar nga Microsoft. E njëjta gjë mund të thuhet edhe për Apple në lidhje me pajisjet dorëmbajtëse (iPod, iPhone), për Google në lidhje me motorin e kërkimit, për Adobe në lidhje me softueret grafike, Autodesk në lidhje me softueret e CAD, Symantec në lidhje me softueret e sigurimit, etj..

Apple krijon MacOS X, FinalCut Studio, FileMaker, iPod, Sony krijon Playstation.. të tjerë kopjojnë me Zune ose XBox, duke patur shkencëtarët më të zgjuar mqs kanë mundësi t'i paguajnë.

Të gjitha këto kompani zotërojnë nga një fushë të veçantë dhe nuk mund të mohosh suksesin e tyre. E kanë arritur atë sukses me zotësi, duke nxjerrë në treg softuere më të mira se konkurruesit e tyre.

ëë..Netscape, p.sh?

Mangësitë e Mac i kam përmendur edhe më parë në shkrimet e kësaj teme që para 3-4 vjetësh. Siç e thashë edhe më lart, Apple tani është kthyer në rrugën e drejtë dhe po i plotëson mangësitë e Mac, por duhet kohë e gjatë deri sa të përhapet në atë shkallë që është përhapur Windows. Ka me mijëra softuere për Windows që nuk punojnë në Mac OS. Ka Nero, Visual Studio, Sound Forge për Mac? Ka uTorrent, mIRC, FlashFXP për Mac?

Nero?! bën shaka, kam përshtypjen..ka Toast Titanium që është më e pakta, po aq efektiv (të gjitha funksionet) dhe pambarimisht më i thjeshtë në përdorim.

Visual Studio? Microsoft proprietary.

SoundForge?! Si duket nuk ke dëgjuar kurrë për ProTools, ose Logic bie fjala..

uTorrent?! XTorrent..Tomato..ABC..etj etj.

mIRC?! hm, jo..në fushën e çatit, për fat të keq nuk shkëlqen si platformë, megjithse iChat ishte softi që, në mos i pari - ndër të parët, vendosi komunikim vizual (iSight quality!) si një shtesë në funksionin për të cilin u krijua. P.sh, Skype nuk ishte shumë i dëgjuar si emërtim asokohe.

a) Ka Fjalor Lingvosoft Anglisht-Shqip për Mac?

b) Shko në download.com dhe nuk do e kesh të vështirë të gjesh mijëra softuere që punojnë vetëm në Windows.

c) E njëjta gjë mund të thuhet edhe për hardueret.

d) Të gjitha softueret dhe hardueret krijohen për Windows më parë dhe për Mac dalin pas 6 muajsh, 1 vit, ose nuk dalin fare.

e) Edhe ato programe që punojnë, punojnë sepse Mac po ndryshon gradualisht që t'u përshtatet atyre.

a) Jo, fjalor nuk ka.

b) Nuk do e kesh vështirë të gjesh programe që punojnë vetëm në Mac.

c) E njëjta gjë NUK mund të thuhet për harduerin, sepse Apple e dizenjon vetë arkitekturën e kompjutërve të cilët prodhon.

d) Adobe, thua..? (tek harduer për Mac..çfarë mungon, bie fjala?)

e) Edhe ato programe, thua?!

unë them që edhe pse nuk ke idenë dhe vazhdon të këpusësh kodra mbas bregut, nuk ka problem, se dhe ti mbase një ditë do të ndryshosh gradualisht (Micro$oft layoffs? - not a wishful thinking! - ose do marrë teta jote ndonjë Mac, dhe do e hapësh për hir të asaj, bie fjala ) dhe do të përshtatesh..

U zgjata më shumë seç desha dhe vetëm sa përmblodha ato ç'kam thënë më parë. Jam i bindur që ti do vazhdosh me kundërshtimet e tua të bazuara më shumë mbi 'urrejtjen' kundër Microsoft-it dhe më pak mbi përparësitë e Mac.

Kam një ide, se tani më së fundi do më presë injorimi yt i merituar.. dhe se ti, do vazhdosh të jesh mod.. mbase edhe unë..ose mbase jo.

Por si fan-atik i Mikrosoft, për këtë jam i sigurtë që do vazhdosh të jesh.

[Diesel Industry]

Diesel industry mund ta di arsyen pse ?

Pasi une punoj me grafika, dhe Mac eshte maksimumi qe mund te kerkosh ne kete fushe.Diferenza nuk eshte "me te degjuar" por vertet ndihet sa ulesh te punosh.Programet e Adobes po dhe programet e tjere per 3d rrjedhin fare.. kompjuter qe nuk te bllokohet pothuajse asnjehere... viruset per mac jane pothuajse zero ose ne nivele te paperfillshme...shume shoke te mi sbajne antivirus fare bile.. Si design spo e permend fare qe eshte shume here me lart se kompjuterat e tjere.... edhe materialet me te cilat ndertohen pc dhe laptopet e firmes apple jane shume me cilesore se kto te tjeret qe gjen ne treg....

Tani qe mund ti vesh dhe windows dhe te punosh ne kohe reale me te dy sistemet te hapur njekohesisht ne ekran, ke te zgjidhur cdo gje ne lidhje me programet qe mungojne per Mac.... Per me shume shiko faqen e apple dhe do e kuptsh deshiren time per te patur nje Mac me ne fund!

E vetmja pengese per momentin eshte cmimi... jo aq i arritshem per te gjithe.Ca ti besh...ne fund te fundit sjemi ne komunizem ku gjerat jepeshin falas. Nqs do me te miren, atere paguaj. Ndryshe kenaqu me te tjeret...sot ka per te gjithe,xhepi ndryshon

[ANDI_]

Me erdhi per te qeshur kur pash kte teme te vjeter te rihapur serisht...Duket sikur eshte nje nga me te vjetrat ne forum qe po i reziston mjaft mire koherave..

Pa dashur te bej as reklam e as te ofendoj ndonje.Thjesht me duket sikur ju qe mbroni micro$oft e win skeni punuar ndonjehere me mac..mbase jam i gabuar por nqs vendos thjesht nje here duart mbi te do e kuptoni vete ndryshimin.Dhe ndryshimi nuk vjen nga OS me i perparuar dhe i sigurte por vjen nga arkitektura e ndertimit.

Gates ishte ai qe deri dje shante Unix edhe me Visten shkoi e fut grafiken ne kerne.Prej mese 2 vjetesh qe punoj tech support per apple skam pasur qofte edhe nje rast te vetem virusi ndaj habitem se si disa nga ju kembengulin kaq forte.Thash edhe me siper nuk dua ti bej reklam asnje.Per mu te gjitha OS jane te mira per aq kohe sa me ndihmojne te kryej problemin.ama kur vjen puna tek klasifikimi do thoja: Linux e Mac nr 1 , windows 2, etj 3 .

Ne 2007 Symantec shkriu sektorin e tech support per mac qe ndodhej ne Indi pasi nuk kishin pune...dhe normale kuptohet pse

Po ta shofesh pastaj me perqindje shitjeje duket mjaft mire se si kto dy vitet e fundit apple eshte ngritur shume dhe besoj per disa vjete do i afrohet ndjeshem win.

Per design e grafik apo muzike e filma as qe nuk diskutohet fare.Photoshop kur u krijua per here te pare ka qene vetem version Mac kshuqe mjafton ky fakt per te kuptuar se sa me i fuqieshem eshte Mac se sa win.