Sollaku: Ne vend prodhohen droga te forta

[Albo]

Sollaku: Ne vend prodhohen droga te forta

E Enjte, 30 Shtator 2004
Prokurori i Pergjithshem deklaroi ne Konferencen Kombetare te Luftes Kunder Droges se marijuana eshte vetem "nje aneks" i lendeve narkotike qe kultivohen ne Shqiperi. Pohimi: "Kemi prova dhe dyshime per prodhim te heroines e drogave te tjera sintetike". Nano: "S'ka tolerance per ata qe ofrojne mbrojtje politike per trafikantet". Toska: "Imazhi yne paguan padrejtesisht per mosfunksionimin e mire ne nje sere vendesh"

TIRANE - Ne Shqiperi prodhohen droga te forta duke u bere pjese e lendeve me te buta narkotike si hashashi dhe kanabis sativa. Pohimi eshte bere ne prani te kryeministrit fatos nano, dje, nga Prokurori i pergjithshem Theodhori Sollaku, ne Konferencen Kombetare te Luftes Kunder Droges, te organizuar nga Ministria e Rendit Publik qe u zhvillua ne Pallatin e Kongreseve ne Tirane. Sollaku foli per prova dhe dyshime konkrete ne alarmin e ngritur. Sipas prokurorit te pergjithshem, vendi yne vec kanabisit, prodhon dhe droge te forte. "Kemi prova per prodhim masiv te kanabisit ne Shqiperi dhe dyshime per prodhim te heroines dhe drogave te tjera sintetike". tha Sollaku. Nderkohe ai u ndal edhe ne menyren si trafikohen drogat "shqiptare". "Personat e proceduar per trafikun e droges brenda dhe jashte vendit, ne pjesen dominuese te tyre, e kane tranzituar heroinen nepermjet itinerarit te Kosoves, apo Maqedonise", u shpreh Prokurori i Pergjithshem i Republikes, Theodhori Sollaku. Sipas tij, ne renditjen e kriterit rrezik, ne rradhe te pare, sot ne vendin tone, eshte trafikimi i heroines, me prejardhje nga Afganistani. "Ulja e kualitetit te heroines dhe e kerkeses per te ne tregjet e perendimore shpjegon format e reja te shkembimit te droges te vena re, ku heroina kembehet me kokaine, apo heroina me ekstazi", analizoi kryeprokurori. Ne Konferencen e djeshme, foli edhe kryeministri Fatos Nano. Ai paralajmeroi tolerance zero, per trafikantet e narkotikeve: "Nuk do te kete tolerance per ata qe ofrojne mbrojtje politike per trafikantet apo per kriminelet e organizuar qe qellojne mbi oficeret qe luftojne krimin", u shpreh Nano. Ndersa ministri i Rendit Publik Igli Toska, deklaroi se Shqiperia nuk eshte nje prodhues i drogave te forta, por "nje rruge tranziti". Sipas tij, "kjo gje po demton imazhin e mire qe po krijon vendi neper bote". "Vendi yne nuk eshte prodhues i drogave te forta, por fatkeqesisht nje rruge tranziti por to. Imazhi yne paguan padrejtesisht per mosfunksionimin e mire ne nje sere vendesh", shtoi Toska.

Prodhimi i heroines

Prokurori i Pergjithshem gjate fjales se tij, dha alarmin se prodhimi vendas i kanabisit, rrezikon te rritet edhe me teper, pas shfaqjes se disa tentativave, per te mbjelle bimen qe sherben si lende e pare per prodhimin e heroines, opiumin. "Vec trafikut te heroines do te permendja shqetesues prodhimin e bollshem, te cannabis sativa, vecanerisht ne jug te vendit. Deri me sot kjo eshte e vetmja lloj droge qe rezulton e prodhuar ne vend, por shenja te prodhimit te bimes nga del heroina dhe dyshime mbi mundesine e prodhimit te prekursoreve te disa drogave sintetike, jane tashme te shfaqura", saktesoi ai. Sipas kreut te organit te akuzes, ato perbenin formen e trete e ndoshta me te rrezikshme te dukurise se prodhimit te drogave te llojeve te ndryshme. "Me se shumti keto lloj drogash, kane qene objekt trafikimi ne vendet perendimore, ndersa nje pjese e vogel e saj konsumohen nga perdorues te droges brenda vendit".

Te zhduket toleranca

Kryeprokurori i vendit, kerkoi moslejimin nga asnje strukture shteterore, te mbarevajtjes se puneve se individeve qe si baze te jetes se tyre private, bizneseve te vena etj, kishin kryesisht trafikun e droges. "Nuk duhet te tolerojme begatine e individeve qe si baze te jetes se tyre publike, ne baze te pasurise se vene, restoranteve, bizneseve, apo gjithshka tjeter qe disponojne, kane aktivitetin kriminal e kryesisht trafikun e droges". Sipas Sollakut, per te luftuar trafikun e droges, nuk mjafton vetem angazhimi i organeve te procedimit penal, apo te Policise, por i te gjithe shoqerise, me qellim uljen dhe ngushtimin e te varurve nga droga. "Ne menyre qe te mos kete nje shoqeri te varur nga droga, detyra u dalin jo vetem institucioneve te garantimit te ligjit apo te ndeshkimit penal, por edhe atyre mjekesore, sociale, arsimore etj.", pohoi Kryeprokurori.

[Albo]

"Te prodhojme te gjitha drogat, me forcat tona"

E Enjte, 30 Shtator 2004
Nga Alfred PEZA

Shqiperia e vogel komuniste, nuk kishte si te vinte ne jete thenien e Enver Hoxhes, te tre dekadave me pare, per te prodhuar gjithcka me forcat tona. Por, tani kur po mbushen 15 vjet nga epoka kapitaliste dhe i'a kemi arritur me sukses, qe te jemi nje magazine importi gati per te gjitha llojet e mallrave qe konsumojme, duket se te pakten ne nje fushe, tani po e zbatojme porosine e Sekretarit te Pare; ne ate krimit. Pasi kemi deshmuar se jemi nje vend i eksportit dhe tranzitimit te emigranteve te paligjshem, prostitutave, lypsave, armeve, etj, dje ne Konferencen Kombetare per "Luften kunder fenomeneve te droges", me gojen e Prokurorit te Pergjithshem, u pranua se po shkojme drejt prodhimit ne vend, edhe te drogave te forta.

Sollaku tha se "vec trafikut te heroines, do permendja shqetesues prodhimin e bollshem te cannabis sattiva. Deri me sot kjo eshte e vetmja lloj droge qe rezulton e prodhuar ne vend, por shenja te prodhimit te bimes se heroines dhe dyshime mbi mundesine e prodhimit te prekursoreve te disa drogave sintetike, jane tashme te shfaqura, e perbejne formen me te rrezikshme te fenomenit". Kjo pasqyre alarmuese, ishte e kundert me ate qe paraqiti ministri i Rendit, sipas te cilit "imazhi yne paguan padrejtesisht edhe per dobesite dhe mosfunksionimin e mire qe vihet re ne nje seri shtetesh, ku droga deperton derisa mberrin tek ne". Sollaku e ka ndezur driten e kuqe, ne mbyllje te sezonit te "korrje shirjeve" te cannabisit. Nderkohe qe 2004, ishte shpallur nga Toska, si "viti antidroge". Por, incidenti i Lazaratit dhe operacionet e policise, "zbuluan" se kjo bime tashme tradicionale e drogave te lehta, u arrit te kultivohej deri pak kilometra larg zyres se tij ne Tirane. Nderkohe qe vetem ne Fier, jane raportuar kete vere, 9 rastet e mbjelljes per here te pare te bimes se opiumit ne Shqiperi, lendes baze per prodhimin e heroines, por edhe ato per prodhimin e disa drogave sintetike. Per shkak te kushteve te ndryshme te motit nga Kolumbia, e vetmja qe nuk eshte provuar se mbillet ne Shqiperi, eshte koka, bima nga ku prodhohet kokaina. Kjo situate dhe ritmi i luftes se organeve tona te specializuara antidroge, duke se po afrojne ne kete menyre, diten kur trafikantet shqiptare, "t'i shpallin embargo", jo vetem homologeve te tyre ne Afganistan. Pasi sic u pa dje, ata jane ne "rruge te mbare", per prodhimin e te gjitha llojeve te drogave, "me forcat tona".

[Hyllien]

Cfare mendon per ket artikullin e Alfred Pezes Albo? Jo per gje po un nuk di qe ne te njihemi eksluzivisht per ato gjera te ndyra qe ai thote per Shqiptaret, sidomos kur perdor fjalen "deshmon" sikur ka arritur me fakte empirike ne nje te vertete qe ka vlera universale - dmth ne jemi Donnie Brasco-t e Evropes.

[Albo]

Cyclotomic, lexo prononcimin e kryeprokurorit te vendit, fjala e te cilit degjohet e dokumentohet nga te gjitha ambasadat e akredituarave ne vend, dhe nga te gjitha qeverite dhe organizatat e botes.

Lajmi nuk eshte gazetari, lajmi eshte ajo qe shpreh kryeprokurori i vendit, qe eshte ne kundershtim te plote me qendrimin e ministrise se rendit dhe kryeministrit Nano, qe Shqiperine e shesin si nje "vend tranzit" te droges. Gazetari vetem sa mbeshtetet ne perfundimin e kryeprokurorit per ta bere ceshtjen alarmante, dhe ne fakt, me alarmante se kaq nuk ka ku te veje.

Nuk jane "shqiptaret" trafikante droge, jane ata qe e mbeshtesin prodhimin dhe trafikimin e droges ne vend dhe keta nuk jane gazetare, jane njerez me pushtet politik qe kercenojne edhe jeten e kryeprokurorit dhe familjes se tij. Por jo edhe per shume kohe, se laku nga jashte po u mblidhet edhe nga brenda.

Albo

[Hyllien]

Tek Albasoul dikush ka postuar nje artikull shume interesant ne lidhje me qendrimin e qeverise hollandeze per te disaten here kundra nesh, por kesaj rradhe me terma akoma me te fuqishme. Thuhet tek ai artikull, qe nje krisem ne lazarat i mjafton Evropes qe te te shty proceset e integrimit ne Evrope, nga ana tjeter WTO, kam postuar dhe nje teme diku per kete, por dhe vete EU, e kane shkaterruar financiarisht bujkun e shkrete me importe. Del qe importi eshte me i lire se gjeja e vendit. Atehere bujku car duhet te bej Albo?
Ose te lej vendin dhe te vi ne emigrim(jo te gjith kane mundesi me paguar 15000 dollare viza), ose te vjedhi ne nje menyre apo ne tjetren ne vendin e tij(kane filluar grabitje me granata kohet e fundit, kaq i deshperuar eshte mileti), ose te filloj e te mbjelli substanca te tilla qe i japin shume me teper te ardhura.

Faji mund te jete i qeverise tone, por dhe qendrimi i Evropes eshte nje nga faktoret kryesor, ne mos kryesori rreth kesaj ceshtjeje ne Shqiperi.

[Albo]

Lerini menjane sindromin e viktimes qe shqiptaret e manifestojne karshi Evropes dhe botes, se nuk eshte faji i Evropes qe ne Shqiperi prodhohet dhe trafikohet droge ne sasi marramendese, eshte faji i qeverise shqiptare qe i lejon dhe organizon keto trafiqe. Dhe as mos te te shkoje mendja te besh me faj bujqit shqiptare, pasi ata nuk shkojne e shesin vete ne Itali apo France drogen, ua shesin atyre qe e blejne, perpunojne dhe transportojne drejt Italise apo Greqise ne sasira te medha.

A do te prodhonte bujku shqiptar droge nese nuk do te kish nje bleres me shumice ne vend?
A do te prodhonte bujku shqiptar nese shteti do te nderhynte me force ne shkaterrimin e parcelave me droge dhe me arrestimin e denimin e te gjithe atyre qe mbjellin, perpunojne e transportojne drogen?

Problemi i droges eshte nje problem shqiptar me nje dimension evropian. Jo se na e ka fajin Evropa per gjendjen e krijuar, por Evropa eshte ajo qe vuan pasojat e tregtimit te kesaj droge ne tregun e saj.

Eshte faji i shqiptareve qe tolerojne qeverine me te korruptuar dhe me te inkriminuar ne historine e tyre moderne qe po e kthen vendin, sipas parashikimeve te ish-ministrit te jashtem italian Dini 5 vjet me pare, "ne Kolumbine evropiane".

Albo

[Hyllien]

Po ne Itali ke qene ndonjehere ti Albo? Ne jug flas, sepse un kam qene disa here atje. Ne ka vend qe prodhohet droge, qe ka korrupsion me te madh eshte Italia jugut ne dimension boteror e jo Evropjan sic qenkena ne. Problemi eshte se ti e identifikon me qeverine Nano problemin, e njejta qeveri qe te pakten e uli emigracionin klandestin ne shifren 0, qe te pakten filloi te racionalizoj pak me mire energjine elektrike ne vend, filluan te vjelin deri ne 10 fish doganat, pak rendesi ka se gjinushi fut akoma kontrabande, qeveritaret kudo e shfrytezojne postin e tyre per te tilla gjera, edhe pse kostoja qe ata mbartin me vete duke qene atje siper eshte edhe plumbi kokes, ose shufra hekurit.

Lamberto Dini eshte antishqiptari me i madh qe mund te kete Italia bashke me Bossin. Le te vi edhe ndonje princ austriak atje, dhe ai perseri do shaj Shqiptaret, nuk kane dale kurra fjale te pastra nga goja e Dinit per ne. Me ato llafe qe ti mbeshtet idete e tua tregon qe politiken Italiane as nuk e njef fare nga afer, sidomos ate ne relacion me Shqiperine. Kur beheshe lufta ne Kosove keta plera ishin ata qe bucisnin me te madhe tek emisionet e nje tjeter plere me emrin Santoro qe flisnin kundra Shqiptareve haptas.

Un nuk bej me faj bujkun, por edhe bujku do prodhoj dicka qe te jetoj. Jo te gjithe jetojne ne filadelfia more Albo, kur problemi ditor eshte a ta bejme qytetin me akses wireless dhe sa pare do na duhen. Aty ne Shqiperi ka te tjera probleme, pleqte edhe buken e gojes qe e marrin e marrin me borxh(ato qe skane njerez jashte). Fakti eshte qe standartet qe Evropa na ka vene ne per te marre importe jane me cmim teper te larte per prodhimin tone ne vend, dhe rrjedhimisht bujku shqiptar eshte nje person qe do fitoj buken e tij ne nje menyre apo tjetren.

Car do beje ti nese kishe familje, ishe pa pune dhe nuk kishe alternative tjeter per jashte shtetit(para mbase etj) ?

[Albo]

Cyclotomic, po me meson mua gjendjen shqiptare apo politiken italiane? Apo duhet me patjeter te besh ndonje koment jashte teme sic e ke zakon? Une nuk po te shkruaj se kush eshte Lamberto Dini, une po te shkruaj cfare parashikimi ka bere Lamberto Dini kur ishte minister i jashtem i Italise 5 vjet me pare.

Se cfare mendon ti apo une per Dinin, pak rendesi ka. 32 kg heroine dhe qindra kile cannabis sativa jane kapur nga policite e vendeve fqinje, greqi dhe itali me burim Shqiperine. Ky e ka emrin realitet dhe mos u mundo ta zbukurosh apo rrotullosh ate si te vjen ty me mire. Eshte realiteti shqiptar.

Ti mbase e pranon apo e justifikon nje realitet te tille me buken e gojes se bujqve, por une nuk e pranoj nje realitet te tille dhe fenomeni eshte kthyer ne epidemi keto 5 vjetet e fundit. Prandaj edhe kryeprokuroi ben deklarimin e mesiperm se nuk kemi te bejme me 10 fshatare ne nje fshat qe mbjellin keto bime, kemi te bejme me zona dhe krahina te tera.

Albo

[Hyllien]

Albo, trafiqet qysh nga koha e Sales kane rene ne menyre drastike sic te thashe me siper. Un Dinin nuk e besoj, dhe te vetmin faj qe i vej qeverise tone eshte qe nuk i kthen nje pergjigje sic e meriton. Dini mund te thote shume gjera per Shqiperine, megjithate po te jemi realist, ato vine nga nje person qe eshte i mbushur me mllef nga Shqiptaret.

Banka Boterore dhe cdo organizate qe vjen ne Shqiperi, vjen vetem per te ndenjur me femrat shqiptare, te marri ato pensione qe i duhen etj etj. Faji sigurisht eshte dypalesh, sepse e ka fajin qeveria jone qe i qas dhe i paguan keto njerez e hyn ne borxhe akoma me shume me Evropen. Serbia qe eshte nje nga vendet me rraciste ka gjasa te hyj shume me shpejt se ne, nderkohe ne degjojme refrenin "Shqiperia nuk zbaton te drejtat e minoritareve" ku ne nje vend tjeter si Greqia ne EU, shkelen dit per dite.

Komentet e mia nuk jane aspak jashte teme, jane ne kuadrin global te politikes Evropjane ndaj shtetit Shqiptar qe e bejne qimen tra, qe mundohen te shmangin problemet e tyre te mafies, duke krijuar nje "mafje" artificiale Shqiptare. Qe te jesh mafie do te thote qe mos kesh suportin vetem te qeverise se vendit tend, po dhe instancave me te larta qeveritare te vendeve qe ti tregton, dhe rrjedhimisht implikimi i tyre eshte i pashmangshem. Ata pastaj kane te drejte ta mohojne, ta perdredhin, tja perveshin kombit te varfer Shqiptar.

Nese Italia apo kushdo komb tjeter do deshironte qe ta bente rrup sup tregun e droges, do e kishte bere me kohe, por fakti eshte qe qeveria e tyre eshte akoma me keq e implikuar se ajo e jona. Mjafton te marresh rastin e plerave toksike, qe per mua eshte nje gje shume e rende. Kush i lejon keto gjera? Si mund ta lejoj Evropa kete akt? Si mund ta lejoj qeveria Italiane kete akt? etj etj pyetje si keto jane pafund. Duket qe rroli i vetem i atyre vezhguesve eshte te bej ate rroge qe ka ndermend, te shkoj dhe kontribuoj neper bordellot shqiptare, dhe ne fund fare te japi rraporte per droge, korrupsion, dhe moszbatim te te drejtave te minoritareve. Sic e thoshte dhe ai artikulli atje, te degjohet nje krisme ne Lazarat deri ne parlamentin Evropjan, nuk ka me hipokrizi ku te vete qendrimi i Evropes ndaj nesh.

Ato qe un mendoj per Dinin jane te formuara pas nje ndjekje te gjate te politikes Italiane dhe thenieve te tij, dhe besoj nuk jam i vetmi qe ndaj te njejtin opinion me nje person te tille, madje gjith populli i Dardanise as nuk do tja shofi fytyren ati njeriu per ato fjale poshteruese qe ka thene per Shqiperine.

Un skam pse ta justifikoj realitetin e bujqeve, ate e justifikojne shifrat e import eksportit qe na jane vendosur neve. E verteton ekonomia ate ska nevoje te justifikoj gje une hic. Si perfundim deklarata e Dinit nuk mund te merret per baze, te pakten jo ne nivelin qe ai e paraqit.

Deklaratat e mia kane te bejne me subjektivitetin me te cilen keto gjera po trajtohen nga Evropa, dhe se nje nga bashkefajtoret, ne mos fajtori numer 1 eshte lenia pas dore e Evropes kundrejt vendit tone, ose me sakte nxitja per nje situate te tille.

[Brari]

Nje gje tashme eshte e qarte se Berisha deshtoj tek dy kompromiset me Nanon..pra tek nje president konsensual dhe tek nje Prokuror i pergjithshem tip konsensual..

Te dy ishin te pafuqishem te bejne dicka per te balancuar korin e krokodilave te llojit Bizhga Brace kompani..
Pra vendosi Nano cfar deshi keto 8 vite post rebelizto-maxhupo-staliniste..me dushko-kallash-parllollone e tije..

Sallaku dolli nje karkalec pa shtyll kurrizore..

Mbas vrsjes se Genc Sines u zbulua se Sallaku ska as burreri e as cilesi per te qene Prokuror..
Ai si shum shefa te tjere te larte te institucioneve te shtetit sikurse Kercukja i Kavajes me KLSH-ne e tije me shoke dolen peme pa kokrra ..thjesht lepires te b-oleve te Edvin Meto Nanove..

[Dito]

PO behemi vertet nje laborator droge dhe eshte mese e vertete ajo qe thote kryeprokurori Sollaku. Gjithsecili nga ne e di se c`ndodh ne trekendeshin Fier, Berat, Vlore, Problemi nuk po qendron me se cfare po prodhojme por ne faktin tjeter te hidhur qe po krijome nje rrjet te tere narkomanesh qe e nesermja do ta deshmoje. Ne kto qytete qe une permenda dihet qe ska asnje industri te mirfillte apo aktivitet te fuqishem ekonomik, por krejt ndryshe shikon investime te medha ne fushen e turizmit dhe te hotelerise gje e cila te ben te mendosh nga vijne kto para, Nuk flas ketu per investime minimale por me miliona dollare. Dikush mund te thote po mire more se ketu po vijne te investojne cme duhet mua nga vijne leket, le te themi ka te drejte momentalisht pasi eshte nje ngritje ekonomike e perkohshme pasi ne vitet qe vijne shikon sesi deperton ne politiken e vendit kjo sere njerzish qe skane intelektin minimal per te udhehequr nje shtet me rregulla demokratike por nen shtypjen me dhune te cdo gjeje te bukur dhe imponimit te gjithckaje. Vertet jemi ne nje kohe te erret ku njerzit nuk bazohen tek puna e ndershme flas kryesish per rinine sepse brezi i vjeter nuk ndryshon sinqeritet dhe moral ne keto vite ku jane. Nuk e di se ku jemi vertet dhe e shikoj te erret te ardhmen.

[Brari]

ore djale..

sallaku n nuk e kemi gazetar te na tregoje se cbehet..por Krye Xhandar qe te na e shpetoje Shqiperine nga e keqja..
ai pis ngordhalaq frikacak cme rri aty kur te gjith e dine se ka frik nga hija e vet..

edhe kryetari kryqit kuq ne koh te enverit ka pas me shum itibar se ky m-ut ..

Bile dhe Haxhi Leshi qe ish nje mumje coku conte nga nje telegram titos ose Maocedunit me kok te vet..

natyrisht me tekst te shkruar nga ramizi ose tas nanot..lol.

[Albo]

Toska: Ketu prodhohen droga te forta

E Marte, 05 Tetor 2004

Ministri i Rendit Publik Igli Toska, ndryshe nga java e kaluar, pranoi dje kultivimin dhe perpunimin ne vendin tone te disa lendeve te forta narkotike. Ai u ndal ne drogat sintetike si ekstazia qe sipas tij, eshte evidentuar ne disa raste. Pohimi, erdhi pas dyshimeve te kryeprokurorit Theodhori Sollaku dhe zbulimit te laboratorit ne kryeqytet

TIRANE - Ministri i Rendit Publik Igli Toska ka pranuar dje para mediave ekzistencen e mundshme te laboratoreve te perpunimit te drogave te forta, duke hedhur poshte po fjalet e tij, gjate fjalimit ne konferencen Kombetare te Luftes Kunder Droges, e mbajtur ne fillim te javes se kaluar. Madje ai ka pranuar se ishin verejtur raste te prodhimit te droges sintetike te ekstazise, ne disa raste. Po sipas tij, ishin verejtur dhe identifikuar edhe raste te prodhimit te bimes se heroines, apo te perberesve te tjere qe sherbejne per prodhimin e drogave te forta. Ne kete menyre kreu i Rendit, ka nxituar te perktheje me se miri deklaraten e Prokurorit te Pergjithshem Theodhori Sollaku, gjate konferences se zhvilluar javen e kaluar, ne Pallatin e Kongreseve, ku tema ishte pikerisht lufta ndaj droges. Tentativa per te prodhuar perkusore te drogave te drogave te renda, apo droga te forta kryeprokurori Sollaku i kishte quajtur te rrezikshme dhe se ato duheshin luftuar qe ne fazat e para te tyre. "Shqiperia nuk prodhon asnje nga drogat e forta, pavaresisht tendencave te verejtura ne disa raste, te prodhimit te ekstazise", tha Toska, gjate fjales se tij te mbajtur ne Akademine e Rendit, ndersa me pas duhej te merrte pjese pikerisht ne Prokurorine e Pergjithshme, ku do te zhvillohej edhe nje ceremoni per marrjen ne dorezim te disa pajisjeve per Task Force ne nje shume prej 300 mije USD. Nje jave me pare, gjate Konferences se Luftes Kunder Droges, Toska tha se Shqiperia ishte vetem vend tranzit i drogave te forta, me perjashtim te bimes se kanabisit. Ndersa nje jave me pas ai u shtrengua dje te thoshte te kunderten se ekzistonin prova, ndaj disa individeve qe ishin identifikuar si te perfshire ne prodhimin e droges sintetike, si dhe te prodhimit te bimes se heroines. Kjo eshte hera e pare qe ministri i Rendit, pranon nje fakt te tille se ne Shqiperi, jane shfaqur tentative te individeve te ndryshem per te prodhuar bimet qe sherbejne per prodhimin e heroines, apo laboratore per prodhimin e drogave sintetike, pas kundershtimeve te herepashershme te dikasterit te Rendit. Ne 21 korrik te ketij viti, zedhenesi i ministrise se Rendit Publik, Florion Serjani pergenjeshtroi nje te perditshme, ne te cilen shkruhej se ne Shqiperi, ishte ngritur nje laborator i perpunimit te droges. "Sherbimi Qendror i Luftes Kunder Droges ne Policine e Shtetit nuk disponon asnje informacion apo te dhene tjeter per ekzistencen e nje laboratori te perpunimit te heroines ne Tirane apo edhe ne qytete te tjera te vendit tone".

Dashamir Bicaku

[BlueBaron]

Gjykata vendos "burg pa afat" per dy bashkeshortet.

TIRANE - "Nuk jemi marre me prodhimin e heroines, ne jemi te varfer dhe madje mezi nxjerrim buken e gojes duke treguar se e vetmja e ardhur ishte asistenca mujore. "Nuk e di se cfare kane qene ato sende dhe nuk e di as se kush i ka futur ne shtepine time". Keshtu jane shprehur dje ne Gjykaten e Tiranes cifti i bashkeshorteve Aferdita e Jani Zhupa per te cilet gjykata vendosi masen e sigurise "arrest me burg pa afat".Vendimi eshte marre nga gjyqtarja e masave Anila Kristani. Dy te pandehurit jane paraqitur ne Gjykaten e Shkalles se Pare per t'u vleresuar me masen e sigurise. Prokurori i ceshtjes Saimir Hysi ka lexuar akuzen per te pandehurit, e cila ishte ajo "e perpunimit dhe shitjes se lendeve narkotike".Burimet nga brenda seances jane shprehur se cifti Zhupa nuk ka pranuar se ishte i implikuar ne perpunime apo shperndarje droge, nderkohe qe nuk kane pranuar te tregoje se kush i kishte futur pajisjet e ndarjes se heroines ne doza, te kapura ne shtepine e tyre. Avokati mbrojtes i tyre Hysni Beti, i ka kerkuar gjykates lirimin e te pandehurve pasi sipas tij prokuroria nuk ka prova te mjaftueshme, per te ngritur ndaj tyre akuzen e prodhimit dhe te shperndarjes se droges. Ne perfundim gjyqtarja Kristani ka lene ne fuqi kerkesen e prokurorise per te pandehurit. Arrestimi i ciftit Zhupa u krye dy dite me pare nga forcat e sektorit te luftes kunder droges. Sipas burimeve nga policia agjentet e ketij sektori kishin marre me pare nje sinjalizim se ne kete vend ndodhej laboratori perpunimit te droges. Ne banesen e tyre agjentet e Antidroges bllokuan dhe sekuestruan tre maska qe perdoren gjate paketimit te droges, pajisje per paketimin e lendeve narkotike, 420 cope qese plastmasi si dhe 7 pllaka celiku se bashku me aksesoret e tyre, qe sherbejne per perzierjen e paketimin e heroines. Ne banese jane gjetur nje shume parash ne leke dhe valute me vlere 40 mije euro.

[bebushe]

Per buken e gojes e bejne ate gje ata , me kujtohet kam pasur nje shoqe ruse ne klase dhe ajo me ka thene qe ne Rusi ka fusha te tera te mbushura me droge e askush sdo tja dije ................
gjithmone do ekzagjerohet gjithcka ...

[StormAngel]

Nano: Front te perbashket per te fituar luften kunder droges

Qeveria shqiptare dhe Prokuroria e Pergjithshme e Shqiperise angazhohen te godasin rrjetet kriminale qe merren me trafikun dhe kultivimin e lendeve narkotike. Kryeprokurori Sollaku: "Kemi prova per prodhim masiv te kanabisit ne Shqiperi dhe dyshime per prodhim te heroines dhe drogave te tjera sintetike"

Qeveria shqiptare dhe Prokuroria e Pergjithshme e Shqiperise u angazhuan te merkuren te godasin pa kompromis trafikun e droges dhe krimin e organizuar.
Gjate nje konference te zhvilluar ne Tirane, Kryeministri Fatos Nano dhe Prokurori i Pergjithshem, Theodhori Sollaku, vleresuan se Shqiperia duhet te forcoje luften e saj kunder trafikut dhe kultutivimit te lendeve narkotike. Megjithate, Prokurori I Pergjithshem dha alarmin se Shqiperia mbetet nje nga vendet kyce per trafikun e heroines nga Afganistani. "Kemi prova per prodhim masiv te kanabisit ne Shqiperi dhe dyshime per prodhim te heroines dhe drogave te tjera sintetike", vleresuar kryeprokurori. Nga ana e tij, Kryeministri Nano tha se "lufta kunder krimit te organizuar ne teresi dhe ajo kunder trafikut te drogave ne vecanti, kane nevoje per nje front institucional, kombetar, shoqeror, kane nevoje per veprime te bashkerenduara dhe te koordinuara mire dhe me trasparence midis politikes, ekzekutivit, gjyqesorit, antikrimit, sherbimeve inteligjente, por edhe te sipermarrjes, shoqerise civile, arsimit, familjes, e keshtu me rradhe".



"Ky front, - tha Nano, - nuk mund te lejoje trafikimin politik te fenomeneve".

Gjithashtu, sipas shefit te qeverise, eshte koha te hiqet dote nga perfitimi politik prej spekullimeve me drogen apo me luften kunder saj, sic
eshte koha per t'i bere shoqerise civile nje ftese te ndershme qe te mos ta shfrytezoje ne asnje zyre te saj informacionin apo analizat per viktimat shoqerore te droges, tranzitet apo perpunimin e tyre ne territorin tone, thjesht si burim fitimi apo sipermarrjeje". Ai perjashtoj ne menyre kategorike tolerancen ndaj cilitdo qe ofron mbrojtje politike trafikanteve, krimineleve te organizuar apo grupeve informale te shoqerise qe qellojne mbi oficeret shqiptare te luftes antikrim apo mbi oficeret e vendeve partnere qe jane angazhuar ne kete lufte. Per Kryeministrin Nano, "krimi apo trafiku i drogave, prodhimi, shperndarja apo perdorimi i tyre jane fenomene qe nuk njohin kufij". Ai nenvizoi se ne autoritetin e Kryeministrit, zyra e qeverise dhe e agjencive te specializuara ekzekutive te saj eshte bere nje vend pune me ritem te larte, ku bashkerendohen veprimet me institucionet e tjera kushtetuese, per te zgjeruar frontin e organizuar te luftes ndaj krimit te organizuar, vecanerisht te trafikut te droges. "Zyrat e qeverise ashtu si zyrat e prokurorise, te sherbimeve inteligjente te shtetit, te agjensive te specializuara te luftes kunder pastrimit te parave e keshtu me radhe jane zyra te bashkepunimit dhe partneritetit rajonal, europian dhe euroatlantik
me te njejtin synim per te bllokuar shtrirjen dhe karakterin kompleks te veprimtarive kriminale ne fushen e trafikut te droges", u shpreh Kryeministri. Gjithashtu, ne konferencen per luften kunder droges, kane pershendetur edhe ambasadori i bashkimit Europian dhe i ngarkuari me pune i Shteteve te Bashkuara ne Shqiperi. Ai kane kerkuar nje angazhim me te madh nga strukturat antikrim te qeverise shqiptare dhe goditjen e trafikut te droges dhe rrjeteve te tij.

Nga:
Elton META

[BlueBaron]

Ministri i Rendit Publik, Igli Toska, deklaroi dje nga Vlora se do të luftojë trafikun e drogës, por në fakt deklaratat e tij nuk i beson më askush. Toska është njëri nga zyrtarët e lartë që nxit dhe mbështet trafiqet që prej kohësh janë bërë një problem ndërkombëtar. Si mund t'i besohet ministrit të Rendit se do të luftojë trafikun e drogës kur ai para tre ditësh liroi kushëririn e tij që u kap me një sasi të madhe droge?! Tashmë dihet botërisht se trafiku i drogës i ka rrënjët në kupolën e Ministrisë së Rendit. Toska qysh kur u emërua në këtë post të rëndësishëm nga Nano, jo vetëm që la fushë të lirë veprimi për trafikantët e drogës, por emëroi në postet kyçe të policisë njerëzit e tij më të besuar. Është hera e dytë që kushëriri i tij, Erion Toska kapet me drogë nga forcat e policisë, por pas ndërhyrjes së ministrit Toska ai lihet i lirë. Erion Toska u kap nga Policia Kriminale e Korçës me një sasi të madhe droge, por policia manipuloi provat dhe zhduku sasinë e drogës që iu kap kushëririt të ministrit të Rendit në makinë. Gjithçka është kryer në mënyrë të fshehtë pas një urdhëri nga lart. Pas zhdukjes së provave, Erion Toska, duke qenë djali i një funksionari të lartë të PS dhe kushëriri i ministrit Toska është lënë i lirë për herë të dytë. Erion Toska punonte me detyrën e oficerit të antikontrabandës, falë lidhjeve të ngushta të familjes së tij me titullarët e shtetit. Ndërsa ministri i Rendit, Igli Toska, bën propagandë se gjoja po e lufton trafikun e drogës, pas këtij trafiku qëndrojnë njerëzit e tij më të afërt.

[elbasanas]

ky esht problem i madh