Debat ne PD per mareveshjen

[Brari]

KJ
-------
Berisha: Sherrxhinjte te ikin me vrap nga PD-ja
Keshilli Kombetar i Partise Demokratike u kthye dje ne nje KPD ne miniature, por pa pranine e medias. Ashtu si edhe ne KPD socialiste, Keshilli Kombetar i djeshem eshte shoqeruar me debate dhe replika mes Kryetarit te PD, Sali Berisha dhe dy prej anetareve te kryesise, Uran Butka dhe Pjeter Arbnori. Keta te fundit i thane kryetarit te tyre se, ai duhet te ishte transparent per marreveshjen qe ai lidhi me kryesocialistin Nano. "Ti ke tejkaluar marreveshjen me Nanon", i eshte drejtuar Butka, kryetarit te PD. Ndersa Berisha ka sqaruar se, marreveshja tashme ishte e qarte. Anetari i kryesise shtoi se, elektorati demokrat eshte i zhgenjyer nga kjo marreveshje dhe se, strukturat me te larta te selise blu duhet te ishin mbledhur me pare. Me pak fjale, anetari i kryesise Uran Butka ka mbeshtetur plotesisht qendrimin kritik, qe ai mbajti ne nje nga mediat e perditshme shqiptare. Per kete arsye Berisha i tha Butkes se, "traktet" ai duhet ti publikonte ne gazeten e partise. Nje mesazh te tille, Berisha e percolli edhe ne fjalen, qe ai mbajti para anetareve te Keshillit Kombetar ne fillim te mbledhjes. "Une do te ndalem ne keto momente madhore duke kerkuar qe t'u jap pergjigje pyetjeve se cfare eshte Presidenca konsensuale pse marreveshja midis pozites dhe opozites apo po ta doni me terma me te ngushta mes Nanos dhe Berishes. Cilat do te jene qendrimet e ardhshme te PD-se qe do te vendosim se bashku. Ketyre pyetjeve natyrisht qe nuk u jap une pergjigje, por ata qe shperndajne trakte. Atyre u them sillini traktet t'ua shaptilografojme ne seli", u shpreh ai. Replika e dyte dhe me e forte eshte shkembyer me Berishes dhe anetrit tjeter te kryesise Pjeter Arbnori. Ky i fundit pasi shprehu mungesen e nje analize te thelle brenda partise i ka kerkuar llogari Berishes per ceshtjen e zgjedhjes se presidentit. "Disa njerez afer teje me kane thene se, ti nuk ke dashur qe une te behem president", i eshte drejtuar, Arbnori, Berishes. Ndersa Berisha eshte shprehur:"Ata qe ty te kane informuar jane disa njerez mjerane. Une te kisha vendosur ne krye te listes per tu zgjedhur si president, por ne takimin qe une zhvillova me Nanon ky i fundit nuk ka pranuar, qe te zgjidhej asnje emer politikani per postin e presidentit". Megjithate duket se, shpjegimi i Berishes nuk ka mjaftuar perderisa, Arbnori ka lene sallen e mbledhjes. Ne Keshillin e djeshem Kombetar kane folur edhe zyrtare te tjere te larte te selise blu, te cilet kane pranuar se, baza e partise duhet sqaruar per marreveshjen e nenshkruar me Nanon. Nje pergjegjesi te tille e ka pranuar edhe Kryetari i PD, Sali Berisha i cili ka autorizuar anetaret e kryesise te sqarojne bazen per levizjet e fundit politike ne PD.

Ndersa anetari Llesh Kola e ka kritikuar Berishen se perse ke lidhur aleance me Nikolle Lesin, i cili me ka vjedhur votat mua ne Lezhe- ka perfunduar inatin fshataresk Kola. Ndersa Berisha i eshte pergjigjur se Nikolle Lesi eshte kryetar i PDK-se dhe se media qe zoteron Lesi ka autoritet ne popull dhe se fjala e tij ka peshe ne parlament e ne opinion. Kjo e ka acaruar Llesh Kolen i cili po behet gati te futet ne nje parti tjeter, larg PD-se.

Dy rrymat ne PD

Me sa duket edhe ne PD ka dy rryma.Njera qe perfaqesohet nga lideri Berisha qe ofron konsensusin, moralin, qendrimin properendimor, arsyen dhe logjiken se pushteti fitohet me vote te lire e qe duhet ta garantosh me institucione, pasi mund te ndodhe sic ka ndodhur qe i eshte vjedhur e manipuluar. Ndersa rryma e dyte mbeten ata qe kane jetuar nen e mbi konflikt, mbi rremuje, mbi mitingje te pafund, qe nuk kane deshiren per ardhjen ne pushtet per te bere Shtet, por per te fituar mafia e tyre. Keta jane mjeranet e PD-se dhe qe akoma e bezdisin Berishen per te marre pushtetin ne nje menyre ekselente, te cilen lideri demokrat e ka menduar ne perfeksion. Realisht Berisha mund te quhet politikani numer nje ne vend persa i perket largpamesise se tij politike. Ai e ka llogaritur mjaft mire se ne keto kushte, pa institucione te reformuara nuk mund te jete i sigurte per voten e PD-se, pasi mund tia perlajne perseri. Keshtu qe Berisha po realizon skemen e tij mjeshterisht duke i marre institucionet nje e nga nje. Ne fillim hoqi Prokurorin e Pergjithshem, me pas mori Presidentin e Republikes. Tani do te marre KQZ dhe Kontrollin e Shtetit. Me vone Gjykaten Kushtetuese. Ne fund Ligjin per zgjedhjet do ta ndryshoje sic duhet dhe ne fund do te fitoj zgjedhjet. Ai do te prese nje vit apo edhe dy, por ne fund merr pushtetin.

Cfare u vendos ne Keshill Kombetar

Demokratet do ti rikthehen keshillave bashkiak. Forumi me i larte vendimarres autorizoi dje deget neper rrethe, qe te negociojne per mundesine e kthimit te demokrateve ne keshillat bashkiak. Per kete ceshtje ka kembengulur mjaft Drejtori i Departamentit Ekonomik, Omer Stringa i cili ka konsideruar te nevojshme perfshirjen e strukturave ne keshillat bashkiak. Ne mbledhje eshte vendosur gjithashtu qe kryesite neper dege te diskutojne edhe njeproblem jo pak te vogel, qe lidhet me kryesine e keshillave bashkiak, tashme "te uzurpuar" vetem nga socialistet. Keshilli Kombetar mandatoi gjithashtu dje kryetarin e PD, Sali Berisha dhe kryesine e partise qe te vendosin per levizjet e ardhshme politike deri ne nje mbledhje tjeter te kesaj strukture.

----------

[Brari]

Mendime..

Duke lexuar kete artikullin e Kohes tone kuptojme qe ne PD ka dy rryma.
Ndoshta ka 100 rryma por rendesi ka qe ne kte parti nuk ka debat.
Berisha vepron pa u konsultuar me bazen e partise.
Kete e verteton fakti se as veteran te kesaj Partie si BUTKA e ARBNORI nuk pyeten per levizjet politike qe ben BERISHA.
Pra PD nuk eshte nji Parti demokratike ne vetvete.
Ajo eshte nji Parti me emrin Parti demokratike por demokraci te brendeshme aty nuk ka.
Jo se lejon apo nuk lejon Berisha por ajo Parti u mesua te funksionoje pa debat, pa demokraci, pa rrahje mendimesh e pikpamjesh.
Kjo Parti nuk ka "shpirtin e kolektivit" ose kolegjialitetit.
Kjo parti nuk vepron si nji ansambel ose si nji EKIP Futbolli tip AJAXI dikurshem.
Kjo Parti gjate 12 viteve fitoi vetem nji here ne 92-shin.
Edhe kjo fitore ka shije te hidhur sepse erdhi si rezultat i grevave ekonomikisht shkaterruese qe ben sindikatat e transportit hekurudhor etj dhe e detyruan PS-ne e NANOS te dorzohet dhe ta LESHOJ deri diku pushtetin.
Ne fakt vlera e PD qendronte ne se do fitonte ne zgjedhjet e para pluraliste sepse ato ishin vendimtare ne kuptimin politik.
Nji PARTI (PPSH) per 50 vjet ushtron diktaturen e saje dhe e con vendin ne Katastrof ekonomike dhe plus kesaj kjo PARTI kishte ne kurriz dhe 50 vjet Krime monstruoze.
Ishte krejt e natyrshme qe zgjedhjet e para duheshin te afirmonin faktin se POPULLI shqiptar e ka duruar Diktaturen nga Halli e jo nga qejfi dhe se ne rastin me te pare sapo cfaqet nji alternative e re braktis Kufomen e qelbur 50 vjecare te PPSH-se e perqafon Pranveren e Lirise e Demokracise qe prezantohet nga Partia e Studenteve pra PD-ja..

Ndodhi e kunderta.
Populli votoi ne shumice Partine e diktatures.
Aty mori shpresa per demokraci nji goditje te tmershme.
A erdhi kjo se vertet e donte populli PPSH-ne?
JOOOOOOOOOO aspak.. dhe kjo vertetohet.. sepse mjaftojne pamjet e portit te Durresit ku mijra miza lisi(me falni njerez se si kam pare mire) u rrasen ne vaporret per te ikur nga Vendi ku PPSH kishte sunduar qetesisht per 50 vjet.
Cfare ndodhi pra ne zgjedhjet e para..
U be e mire PPSH-ja ose Ps-ja brenda nates??
JOOOOOOOOOO aspak ...
Faji duhet kerkuar tek PD.

PD pa u siguruar per psikologjine e shumices se popullit pa u garantuar ne drejtesine per kushtet e Votimit..pa bere konsultime nga lart posht nga tirana ne Baze deri ne fshatin me te humbur..shkoj e hyri ne Zgjedhje si "P... ne dasem" kur thote Populli ose si cjapi te kasapi.
Dhe "me letra" humbi.. Karta kanta thot Latini. Ajo mbetet.

PD humbi..
PPSH-ja e Burgjeve, e Tufezimeve, e kolektivizimeve me dajak.. e Internimeve.. PPSH e plenumeve famekeqe..PPSH e izolimit e prapambetjes e.. kufijve me tel me gjemba.. PPSH e radhave te gjata e dyqaneve bosh FITOI..
Turp i Madh i pa pare ne Histori..
Ne PD nuk u be asnji analize..

Iken vitet dhe kto dite fillon debati ne PD..

Per mendimin tim mareveshja NANO-BERISHA qe nxorri nji President si MOISIU i cili eshte burre i mire eshte sukses i Berishes. Qe eshte sukses kuptohet nga reagimi negativ i krahut REBEL ne PUSHTET.
Por mareveshja me IMAMIN per Bulqizen eshte nji TURP.
7 vota te IMAMIT ne Bulqize dhe 17 ne gjith Republiken nuk jane asgje para turpit te nji kompromisi me gjeneralin REBEL te 97-tes.
PD nuk e debatoi kte aleancen Bulqizake. Anti-berishianet ne PD heshten per kte Gomarllek me brire.

Ne PD reagohet per Per Presidentin qe ne fakt eshte i vetmi sukses i Berishe ne keto 12 vjet Blegerima e Ulerima.
Berisha beri GAFEn kur goditi RAKIPIN ne momentin qe RAKIPI goditi seriozisht Mafien Socialiste.
Asnji reagim i brendeshen nuk erdhi nga PD per kete gaf te pa riparushme.
Reagimet erdhen tani per MOISIUN.

PRA PD nuk ka demokraci te brendeshme dhe ne PD dhe ata qe reagojne i bien legenit kur nuk duhet..

Megjithate me mire vone se kurre qe ne PD po fillon me ne fund mbas 12 viteve procesi i te kerkuarit llogari te BAZES ndaj Kapove..

[Brari]

KJ
-------
Tradhetaret e te djathtes
Nga Gavrosh Levonja/ Pas marreveshjes me liderin socialist, njekohesisht dhe kundershtarin e tij numer 1, per instalimin e institucioneve realisht te pavarura, kreu i opozites Sali Berisha po perballet me nje vazhde akuzash nga disa prej emrave te njohur te partise se tij. Nder akuzat qe formulohen me rendom eshte ajo qe

lidhet me braktisjen e PD-se nga elektorati i djathte apo me shkoqur per tradheti ndaj kesaj te djathte nga ana e liderit demokrat. Ne radhe te pare duhet thene se nese behet fjale per ndonje te djathte ne kuptimin e mirefillte te fjales, akuzatoret e Berishes me ndonje perjashtim te rralle, nuk mund te pretendojne se jane perfaqesuesit e saj. Kjo pasi e djathte reale ne Shqiperi ne sensin ekonomik, jane biznesmenet e fuqishem qe linden gjate dhjetevjecarit te kaluar. Keshtu, nese do te kihet parasysh nje politike qe mbron interesat e te djathtes ajo duhej te sponsorizohej nga kjo klase biznesmenesh qe nuk kane ndonje lidhje me opoziten historike, e cila gabimisht apo per inerci eshte konsideruar vazhdimisht si e djathte ne Shqiperi vetem per faktin se kishte qene opozite antikomuniste. Dhe ne te

vertete, kur permendin te djathten e tradhetuar nga Berisha,

politikanet ne fjale kane parasysh pikerisht kete pjese te opozites e cila pas viteve 90-te, duke mos u ngritur ne lartesine e duhur, ka treguar se nuk ka qene me shume se nje karikature e opozites se dikurshme qe lidhet me emra te ndritur si Mit'hat Frasheri , Abaz Kupi e ndonje tjeter. Dhe ne degradimin e saj nje rol jo te vogel kane luajtur pikerisht akuzatoret e sotem te Berishes, te cilet ne vend qe te krijonin nje grupim sa me te madh e te fuqishem qofte dhe duke e mbeshtetur nga jashte, i cili do te kishte qene opozita reale, preferuan te rendin pas ish-komunisteve te PD-se. Me pas, ata do te kontribuonin me zell te madh ne shkerrmoqjen e partive te tilla si Balli Kombetar e Legaliteti duke bere qe keto te ktheheshin ne bishta te PD-se. Ndersa rregulluan punet e veta, te farefisit dhe miqve, fale pozitave te favorshme qe krijuan me ane te teseres blu te PD-se, keta politikane qe sot akuzojne Berishen per tradheti te se djathtes, harruan fare bashkevuajtesit e shumte dhe nese sot keta te fundit kane mbetur pa u demshperblyer, faji kryesor rendon mbi ata, te cilet ndonese hiqeshin si perfaqesues te klasave te permbysura, asnjehere nuk e ngriten zerin per ta vene demshperblimin e te burgosurve politike ne rend te dites. Gjithashtu, para se te permendin tradhetine e Berishes, keta avokate mbrojtes te se djathtes e kane per detyre te shkojne e t'u kerkojne falje te perndjekurve pasi gjate greves se tyre te urise ne vitin 1994, ata mbeshteten dhunen policore qe u ushtrua per t'i nxjerre nga greva e urise. Per te njejten arsye, te njejten gje duhet t` bejne edhe ndaj ish-pronareve te cilet u nxorren me shkopinj gome nga greva e urise ne seline e PR-se prej policeve te pushtetit te PD-se. Zoti Rrapo Hajredin Danushi sigurisht duhet t'i kete te arkivuara deklarata te tilla si: "ne nuk do t'ua japim token bejlereve", qe ndonjeri prej djathtisteve te sotem te PD-se ka bere diku nga viti '92 por edhe persa i perket

zhvillimeve ne gjirin e PD-se, keta ithtare te se djathtes nuk jane shquar per qendrime te djathta. Le te kujtojme se keta u bashkuan me grupin e anatemuesve te dyshes Kalakulla-Baleta e akuzuar per ekstremizem te djathte ne vitin 1993. Duke folur ne pergjithesi, e vetmja gje qe ka lidhur figura te tilla me te djathten historike ka qene origjina e tyre familjare te ciles nuk qene ne gjendje t'i qendronin besnike. Madje dhe me kete, ata u treguan te pamoralshem se e shfrytezuan per te siguruar licensen e antikomunistit, ndoese

pjesa derrmuese e tyre nuk dihej te kishte bere gje kunder regjimit te Hoxhes. Keshtu, me emrat e prinderve e farefisit te tyre ne goje, ata i binin gjoksit si antikomuniste te oreve te para per t'u ngjitur ne hierarkine e larte te partise se drejtuar nga Berisha.

-----------------------

Si thot goshi....

"Ne radhe te pare duhet thene se nese behet fjale per ndonje te djathte ne kuptimin e mirefillte te fjales, akuzatoret e Berishes me ndonje perjashtim te rralle, nuk mund te pretendojne se jane perfaqesuesit e saj. Kjo pasi e djathte reale ne Shqiperi ne sensin ekonomik, jane biznesmenet e fuqishem qe linden gjate dhjetevjecarit te kaluar. Keshtu, nese do te kihet parasysh nje politike qe mbron interesat e te djathtes ajo duhej te sponsorizohej nga kjo klase biznesmenesh qe nuk kane ndonje lidhje me opoziten historike, e cila gabimisht apo per inerci eshte konsideruar vazhdimisht si e djathte ne Shqiperi vetem per faktin se kishte qene opozite antikomuniste."

bukur e thote

i djatht eshte maksim berati e Tak Braho dy enveriste miliardere.
i djathte eshte moz ruci e cac ngjeli dy bashibozuk socialiste fshatare miliardere.
Butka ska nji kollare ..po mban nji qe e ka qe nga koha zogut kujtim te gjyshit
Pjetri tani u be me pjata e me tenxhere se buk ska pasur te haje.

Goshi ka rast te teorizoje tani po harron se ai me nikollen e RIPRURI ne Pushtet SIGURIMIN e Shtetit dhe Berishet , Arbnoret e Butkat vec grin sallat kot se puna pordhi qe me 97 -en.

[Brari]

Ish-kryeministri komenton zhvillimet e djeshme në Këshillin Kombëtar të PD-së


Meksi: Berisha, marrëveshje me Nanon që të rrijë në opozitë

TIRANË - Ish-kryeministri Meksi nuk mori pjesë dje në mbledhjen e Këshillit Kombëtar. Ai nuk e pranoi që opinionet e tij, botuar në shtypin e ditës, të jenë trakte, pasi sipas tij, nuk ka qenë ndonjëherë komunist për ta bërë një gjë të tillë. Aleksandër Meksi u shpreh se thelbi i marrëveshjes Nano-Berisha është që ata të dy të gëzojnë respektivisht postet që kanë aktualisht.
Zoti Meksi, Berisha në fjalën e tij në Këshillin Kombëtar ju ka akuzuar juve dhe disa anëtarëve të tjerë të këtij forumi se shpërndani trakte, si e komentoni?
Nuk kam bërë pjesë në ndonjë lëvizje komuniste që të shpërndaj trakte.
A mendoni se Berisha i sqaroi anëtarët e Këshillit Kombëtar për marrëveshjen me Nanon?
Ai që thotë se ka nënshkruar një marrëveshje të na e tregojë dhe të mësojë që të pyesin. Pastaj të marrin vendime dhe të mos na gënjejnë.
Po ai, dje deklaroi se marrëveshja u nënshkrua për reformën institucionale?
Në fillim nuk u tha kështu. Tani po e sajojnë, unë e di që do e rregullojnë dhe pastaj do të thonë "Këto që bëmë ishin në marrëveshje".
Po sipas jush, cili është thelbi i marrëveshjes?
Që të rrinë që të dy në krye, njëri në qeverisje, tjetri në opozitë, për këtë jam i sigurt.
Pse nuk morët pjesë në mbledhjen e djeshme të Këshillit Kombëtar?
Nuk shkohet nëpër mbledhje të një forumi që ka gjashtë muaj që nuk mblidhet në kundërshtim me statutin. Ju e dini mirë që forumet që nuk mblidhen quhen të shpërndara.
A do të vazhdoni të jeni anëtar i PD-së dhe i Këshillit Kombëtar?
Unë kam bërë për Partinë Demokratike, nuk shkoj në ndonjë parti tjetër. Ata që kanë ardhur pas meje dhe ikin, si zakonisht.
Si ju duken përfundimet e mbledhjes së Këshillit?
Unë nuk i kërkoj kujt llogari. Ata duhet të japin llogari, në kuptim që t'u thonë shqiptarëve: A do të fitojnë dot në 2005 apo jo.
G.B

[Brari]

RD
----------

Këshilli Kombëtar i PD: Reforma institucionale për të shkuar në zgjedhjet e lira

Berisha: Jemi të vendosur për opozitën e fortë dhe marrëveshjen

Klishetë e vjetra nuk funksionojnë më, do të ketë alternativa, fakte dhe argumenta. Kjo është fryma e qytetarisë, e civilitetit. Kjo është fryma e bazuar në vlerat që ne ju besojmë. Nesër në pushtet ne do t’i rezervojmë opozitës të njëjtin vlerësim të bazuar në këto vlera. Tërë përpjekja jonë është që nëpërmjet këtij procesi t’i çojmë shqiptarët në zgjedhje të lira dhe të ndershme dhe sa më shpejt që të jetë e mundur si zgjidhja më e shkëlqyer e krizës, si përgjigja më dinjitoze ndaj saj

Veprimtaria e PD-së, e Kryesisë së saj nga 15 janari deri sot, ka qenë nga më intensivet në rrafshin politik, parlamentar, rrafshin kombëtar dhe ndërkombëtar. Gjykoj se sot, Shqipëria në disa aspekte, nga 15 janari ka një ndryshim jo të vogël në rrafshin politik. Unë mendoj se e tërë veprimtaria jonë ka qenë e aksuar, e përputhur me doktrinën, me filozofinë e fillimit të ri, nga e cila nuk ka dhe nuk do të ketë shmangie, e cila u provua jo vetëm si një doktrinë, si një filozofi që bashkoi në tërësi opozitën shqiptare, por edhe si një doktrinë apo filozofi, e cila me 24 Qershor të vitit 2001, logon e PD-së dhe aleatëve të saj e nxori logon, siglën, flamurin dominues të vendit. Gjykoj se është e domosdoshme që kjo doktrinë dhe kjo filozofi të përsoset gjithnjë e më shumë duke patur si objektivin më madhor të sotëm realizimin e zgjedhjeve të lira e të ndershme në kohë sa më të shpejtë të jetë e mundur, në mënyrë që vullneti politik i shqiptarëve të respektohet plotësisht. Gjykoj se të mbështetur në këtë filozofi, në këtë doktrinë e cila në thelb ka ndryshimin e vetes për të ndryshuar të tjerët, ndryshimin e vetes për t’u bashkuar ashtu siç u bashkua me opozitën, ndryshimin e vetes për të ndryshuar shoqërinë dhe Shqipërinë. Sot, mbështetur në këtë doktrinë, Shqipëria është vendi që i ka dyert e hapura drejt Europës dhe këtu vendimet e PD-së, qëndrimet e saj kanë patur një rol përcaktues.



Presidenti konsensual,

arritje e padiskutueshme e

politikës shqiptare



Nga zhvillimet madhore të kësaj periudhe do të veçoja ngritjen e komisionit bipartizan, zgjedhjen e Presidentit konsensual, konturimin e procesit mbi bazën e një marrëveshjeje të firmosur, konturimin e procesit të reformës institucionale. Unë do të ndalem në këto momente madhore duke kërkuar që t’u japë përgjigje pyetjeve se pse Presidenti konsensual dhe çfarë është Presidenca konsensuale, pse marrëveshja midis pozitës dhe opozitës, apo po ta doni me terma më të ngushta midis PD e PS, apo midis Berishës dhe Nanos?! (si të doni ta quajmë). Cilat do të jenë qëndrimet e ardhshme të PD-së që do të vendosim së bashku?

Këtyre pyetjeve natyrisht, nuk u jap përgjigje unë, por ata që shpërndajnë trakte. Atyre u them sillini traktet t’ua shaptilografojmë në seli. Por këto pyetje duan përgjigje për ata qytetarë shqiptarë, mbështetës, të cilët e kanë vendosur besimin tek ne dhe asgjë më normale nuk ka se sa të kërkojnë deri më një sqarime për çdo veprim, për çdo qëndrim të PD-së. Kjo përbën një detyrim madhor ndaj kryetarit të saj, Kryesisë së PD-së dhe forumeve drejtuese të kësaj partie.

Po trajtoj çështjen e parë që ka të bëjë me Presidentin konsensual. Pse? Në rast se do ta shndërrojmë në një vlerë të madhe siç është një arritje historike për Shqipërinë, për shqiptarët (dhe dëshiroj t’u theksoj këtu se vendeve të tjera u është dashur ndonjëherë 30 apo edhe 50 vjet që të arrijnë në Presidencën konsensuale) atëherë mund të shtrohet pyetja, si erdhi kjo?

Që nga shtatori i vitit 2001 e deri në gjysmën e dytë të qershorit të vitit 2002, në rrafshin kombëtar dhe ndërkombëtar lidhur me Presidentin e Shqipërisë u përballën dy linja. Njëra linjë e mbrojtur nga institucionet demokratike ndërkombëtare që kishin të bënin me zgjedhjen e Presidentit konsensual, e formuluar në shtator dhe pastaj e shndërruar pothuajse në një vendim të hapur të tyre me 24 Janar në Komisionin e Jashtëm të Parlamentit Europian, më vonë në Maj në Rezolutën Unanime të PE-së, në dokumenta të Këshillit të Europës, dhe e pranuar dhe e mbrojtur nga Kryetari i PD-së dhe Kryesia e kësaj partie, e pranuar dhe e mbrojtur nga opozita shqiptare gjatë gjithë kësaj përiudhe. Linja e dytë ishte linja e Presidentit socialist, e maskuar në thonjëza, e Presidentit me Kushtetutë që do të thoshte 84 mandate, ndër të cilët edhe Dushku të zgjidhnin një President dhe që në fakt u koncentrua, u përqendrua tek Nano president. Presioni i fortë ndërkombëtar, verdikti i Rezolutës së Parlamentit Europian, mbështetja që i dhanë kësaj Rezolute Komisioni Europian, por edhe forume të tjera ndërkombëtare demokratike perëndimore, bënë të mundur që të mos kalohej nga Cërriku tek Dushku, që Shqipëria të ketë përfaqësuesin e saj dinjitoz, legjitim, të zgjedhur, të mbështetur nga shqiptarët. Ky presion, dhe vendimtar, bashkimi i 9 partive opozitare në 10 ditshin e dytë të qershorit 2002, detyruan Kryetarin e PS-së të pranojë ftesën për t’u takuar me përfaqësinë e opozitës së bashkuar shqiptare, detyruan Nanon të përshatet me linjën e Presidentit konsensual.



Gjinushi-Klosi, binomi më ekstrem i politikës shqiptare



Gjatë negociatave për Presidentin konsensual, siç e dini në lojën politike hyri me një agresivitet të jashtëzakonshëm grupi Gjinushi-Klosi, binom ky që bëri përpjekjet më ekstreme për të sabotuar për llogari të rizgjedhjes së zotit Meidani si President i vendit. U përdorën metodat më policeske dhe hoxhiste. Në të vërtetë, në një moment kritik u arrit një marrëveshje, e cila i dha vendit Presidentin e votuar nga i gjithë spektri politik, dhe kjo përbën një arritje të padiskutueshme të politikës shqiptare. Me këtë rast unë dëshiroj të përshëndes Kryesine PD-së dhe të gjithë ata që e mbështetën këtë vendim. Dëshiroj të siguroj shqiptarët se ne do të punojmë me përkushtim që ky institucion të shndërrohet në një institucion mbipartiak, në një institucion stabiliteti drejtimi të Shqipërisë.

Po pse ne përshëndesim këtë akt dhe këtë marrëveshje. Sepse ne më shumë se kushdo tjetër, duam një lloj si edhe miqtë tanë që Shqipëria të ketë një President legjitim.

Pesë vitet e shkuara, ishin vitet e dyrve të mbylluara të pallateve të mëdha presidenciale të vendeve të mëdha të Perëndimit. Nuk u hapën për Shqipërinë ato dyer. Ftesat për vizita zyrtare u bënë ekzotika. Kjo sepse, jo se ndokush kishte një mllef ndaj Shqipërisë dhe shqiptarëve, aspak, por sepse zgjedhjet e ‘97-tës nuk ishin të lira e të ndershme, ishin zgjedhje nën dhunë dhe në vend që të aplikohej pajtimi, toleranca dhe mirëkuptimi ndaj opozitës u përshtat dhuna, terrori, vrasja, farsa gjyqësore ndaj saj. Kështu që të kalohej nga Cërriku tek Dushku ishte njëlloj si të kaloje nga mashtrimi tek gënjeshtra, nga e nxira tek e zeza, nga vetmia tek izolimi. Kjo do të përbënte një kob të vëretetë për Shqipërinë dhe shqiptarët. Këtë nuk mund ta pranonim ne.

Ç’na shtyu ne të pranojmë dhe mbështesim Presidencën konsensuale?

Në pesë vjet të qeverisjes socialiste, Shqipëria (jeni të gjithë dëshmitarë) mbeti vëndnumëro në procesin e integrimit euroatlantik. Është e vërtetë që qeveritë rrëzuan njëra-tjetrën, por në timon mbeti i njëjti njeri, i njëjti individ. Megjithatë aty ku ishim në fund të vitin ‘96, aty mbetën, mirëpo a nuk është integrimi i vendit ylli polar i programit tonë. A nuk u themeluam ne si forcë e vokacionit perëndimor të kombit shqiptar?

Asgjë nuk do të mund të na imponojë ne të mos ndërmarrim të gjitha vendimet e duhura siç i ndërmorëm, kur na u kërkua të hynin në parlament (kur na u deklarua se ne nuk votojmë për ju, për Shqipërinë në Europë nëqoftëse ju nuk hyni në Parlament etj), pra nuk mund të ketë një vendim që nuk marrin ne, i cili të favorizojë integrimin e Shqipërisë në institucionet euroatlantike.



Në timonin e shtetit, një

pro atllantist i vendosur



Kam bindjen më të thellë, se vendosja në timonin e shtetit e një pro atllantisti të vendosur që shpalli para shqiptarëve perëndimin si busull në përputhje me filozofinë e rilindasve tanë, përbën një faktor madhor të rëndësishëm drejt integrimit të shqiptareve në institucionet euroatlantike.

Së treti, ne jemi për një bashkëpunim rajonal. Sot, Ballkani ka ndryshuar tërësisht. Dikur Sllobodan Millosheviçi shpallte Presidentin e Shqipërisë person non grata në Serbi. Sot, ai është në Hagë dhe Kosova është e lirë. Mirëpo e vërteta është se me gjithë këtë ndryshim të jashtëzakonshëm, nuk mund të mohohet se paternalizmi dhe subversioni ndaj udhëheqjes politike shqiptare në vende të tjera, veçanërsht në Kosovë u bë një pengese madhore serioze në bashkëpunimin rajonal. Kjo merr fund sepse kam bindjen se Presidenti konsensual nuk do të ketë asnjë tendencë paternaliste, por do të trajtojë si partner me dinjitet udhëheqjen politike të Kosoves, të shqiptarëve kudo që janë dhe të vendeve fqinjë.

Pse ne mbeshtesim Presidentin konsensual dhe këtë zgjidhje? Sepse që nga viti ‘97 gjer më sot u zhvilluan tre procese elektorale. Unë dhe ju dhe sëbashku me mua keni pranuar zgjedhjet e ‘97-tës. Ndonëse ishin zgjedhje nën dhunë dhe terror, i pranuam ato për të mos çuar vendin në një konflikt civil dhe për të bërë një zgjidhje politike, për të marrë mbi vetë përgjegjësitë që na përkisnin ne për lejimin e skemave piramidale. Mirëpo, nga ‘97-ta e deri më sot procesi elektoral, vullneti politik i shqiptarëve, vota e lirë-thelbi i lirisë së shqiptarëve, degradoi gjithnjë e më shumë nën ombrellën e Presidencës. U krijuan në Shqipëri si në asnjë vend tjetër të Europës, përveç Bjollorusisë së Llukashenkos, institucionet e dhunimit të votës së lirë. Komisioni i Celibashit, SHISH-i i Klosit, bandat e Memës, gjykimet e Mark Abdisë janë të denoncuara, jo vetëm nga opinioni publik shqiptar, fatmirësisht jo vetëm opozita, por edhe mjaft faktorë të tjerë të rëndësishëm të shoqërisë shqiptare, por ato janë denoncuar ndërkombëtarisht në raportet më serioze ndërkombëtare si dhunues të vullntit politik të qytetarëve të vendit të tyre, të lirisë së tyre.



Kontribut maksimal për vendosjen e shtetit ligjor



Jam i bindur se Presidenti konsensual do të përdorë të gjithë kompetencën e tij ligjore dhe kushtetuese, energjitë e tij, që ky lloj i mafies së votës së lirë, kjo specie speciale e mafies shtetërore të mos mund të mendojë më për të përsëritur krimin e tij të shëmtuar, ndëshkimin e demokracisë shqiptare dhe shqiptarët në tërësi. Zgjedhjet e lira dhe të ndershme janë objektivi ynë më madhor, janë detyra jonë më madhore.

Së pesti, në këto pesë vjet Shqipëria doli në polpozishën të të gjitha deteve më të korruptuara të planetit, në polpozishën për tregti makabër të fëmijëve dhe vajzave të saj. Ndërkohë, në këto pesë vjet institucionet e zbatimit të ligjit dhe të luftës kundër trafiqeve u shndërruan në institucione mbrojtëse të trafiqeve, u shndërruan në segmente të fuqishme të korrupsionit, u shndërruan në institucione të tregtisë së vajzave dhe të fëmijëve shqiptarë.

Sot, në timonin e shtetit është i vendosur një njeri i palidhur me krimin, që nuk ka detyrim ndaj asnjë bande apo klani kriminal të mafies shtetërore shqiptare, që i detyrohet ligjit, Zotit dhe Kushtetutës. E siguroj se do të ketë mbështetjen tonë më të plotë dhe më të fuqishme në të gjitha përpjekjet e tij për t’u dhënë vendin që meritojnë këtyre bandave, kësaj mafie të rrezikshme që po rrënon çdo ditë Shqipërinë.

Së gjashti, në pesë vjet në Shqipëri u vranë rreth 27 këshilltarë, qeveritarë lokalë, drejtues lokalë dhe qëndrorë të PD-së, ndër të cilët lideri i pluralizmit dhe i Lëvizjes së Dhjetorit, deputeti Azem Hajdari. Të gjithë këta u ekzekutuan pa gjyq, ndërkohë, përveçse dy personave askush nuk është penalizuar, gjykuar apo ndëshkuar për këtë krim të shëmtuar politik. Në pesë vjet u burgosën, u torturuan me dhjetra dhe qindra opozitarë. Pse kjo? Kjo sepse pese vitet që shkuan, opozita në mënyrën më antidemokratike dhe antikombëtare u shpall si monstruozitet, u cilësua si monstër, u vlerësua dhe u cilësua si puçiste në kohën kur ajo i kërkoi kreut të shtetit të ushtrojë të gjitha detyrimet e tij kushtetuese për të marrë në dorë situatën në një moment kritik kur qeveria braktisi vendin. Mirëpo vlerësimi i opozitës si puçiste, deligjitimimi i saj monstruozitet dhe si monstër përbënte jo platformën e Byrosë Politike apo ligjet e diktaturës, por përbënte platformën e një shteti terrorist për të vrarë, për të ekzekutuar, për të burgosur, për të dhunuar opozitën shqiptare. Kjo ishte platforma, e cila bëri që në Shqipëri opozita të dhunohet dy herë më shumë se në Serbinë e Millosheviçit, vetëm e vetëm për bindjet e saj politike. Dhe një herë theksoj, nuk u bënë këto me ligjet e diktaturës, nuk u bënë këto me platformën e policisë sekrete hoxhiste. Jo, ne i kishin zëvendësuar të gjitha ligjet e vjetra me ligje të reja të standarteve europiane. Nuk u bënë këto me Kushtetutën staliniste të ‘76-tës, u bënë me ligjet kushtetuese që kishin anëtarësuar Shqipërinë në KE dhe Kushtetutën, e cila nuk parashikon krime të tilla të shëmtuara ndaj opozitës.

Unë jam i bindur, se sot në timonin e shtetit është vendosur Presidenti që qëndron mbi partitë, që respekton qeverinë dhe opozitën si shtyllat kryesore më themelore të pluralizmit dhe demokracisë në një shtet, që respekton Kushtetutën dhe ligjet e vendit dhe që me autoritetin e tij ligjor garanton mbrojtjen e lirive dhe të drejtave themelore të qytetarëve shqiptarë.

Ne kemi mbështetur Presidencën konsensuale, sepse ne nuk duam presidentin që dhunon Kushtetutën, ne nuk mund të pranonim presidentin që krijon pushtet personal, duke shndërruar Shërbimin famëkeq Informativ Kombëtar në një pushtet të tij, të përdoruar edhe kundër segmenteve të caktuara brenda partisë në pushtet. Ne jemi për një Shërbim Informativ Kombëtar si një institucion të fuqishëm të Sigurimit Kombëtar dhe jo si pushtet personal të një njeriu apo dy njerëzve, cilëtdo qofshin ato.

Kam bindjen se në timon është njeriu që këto institucione do t’i shndërrojë në institucione të Sigurimit Kombëtar.

Ne bëmë këtë zgjidhje, sepse vendi po rrënohet nga korrupsioni. Në pesë vjet askush nuk u penalizua për korrupsion. Një nga aktet e tij të para për t’u përshëndetuar ishte deklarata se nuk do të dekretojë të përfolurit. Rreth kësaj deklarate u bënë shumë komente, por unë dua t’u them atyre që kërkojnë të ushtrojnë presion, të përfolurve publikisht për korrupsion, le ta lexojnë mirë Kushtetutën që kanë shkrujtuar vetë. Pra këto kanë qenë arsyet madhore, sepse ne kemi pranuar dhe pse ne konsiderojmë një arritje të madhe Presidencën konsensuale. Pikërisht për këto arsye ne jemi të vendosur të japim kontributin tonë maksimal që ky institucion të ushtrojë në përputhje me Kushtetutën dhe shtetin ligjor të gjitha funksionet e tij.



Reforma institucionale, thelbi i marrëveshjes

pozitë-opozitë



Marrëveshja është çështja e dytë që unë dua të trajtoj. Dua të falenderoj të gjithë ata që nënshkruan dhe mbështetën marrëveshjen. Falenderoj militantët e PD për besimin e madh që kanë dëshmuar ndaj kësaj marrëveshje. Dua të theksoj se marrëveshja ka këto synime.

Së pari, një frymë të re politike dhe civiliteti në jetën politike shqiptare. Shekulli që shkoi, provoi se spektri i djathtë është spektri i vlerave më të arrira të shoqërisë, lirive dhe të drejtave të individit, të ekonomisë së tregut dhe vlerave të saj. Shekulli i kaluar provoi se demokracia dhe konflikti nuk pajtohen njëri me tjetrin, se disa vlera janë fondamentale në shoqërinë perëndimore dhe që bënë që kjo shoqëri të arrijë në nivelet që ka arritur. Këto vlera janë paqja, toleranca, dialogu, konsensusi për çështjet e mëdha, këto vlera në të vërtetë janë vlera qënësore të moralit të ndërgjegjes perëndimore.

Do t’i zhvillojmë dhe konsolidojmë ne këto vlera apo do të bëjmë pasqyrën? Jo, ne do t’u qëndrojmë besnikë vlerave tona dhe do të përpiqemi të ndikojmë fuqimisht në të gjithë spektrin politik shqiptar nëpërmjet këtyre vlerave. Ndaj dhe askush të mos mendojë se do të këtë tërheqje dhe lëkundje nga kjo filozfi dhe nga ky qëndrim.

Atyre që mund të mendojnë se pse u takua Berisha me Nanon ose pse shkëmben mendime me të, dua t’u them se jam përpjekur t’i çoj mesazhe edhe Sllobodan Millosheviçit për të zgjidhur problemet e shqiptarëve e jo më faktorëve politikë shqiptarë. Harrojini këto gjëra. Për të zgjidhur problemet e mëdha të vendit, PD do të komunikojë me të gjithë faktorët relevant të politikës shqiptare. Se çfarë arrihet del në dritën e diellit, ai që ka frikë nga rrezet të shohë problemet e veta.

Nuk kam patur dhe nuk kam asnjë kompleks se marrëveshja e nënshkruar nga PD dhe PS, por edhe nga partitë e tjera të "Bashkimit për Fitore", të opozitës dhe të qeverisë, është një marrëveshje që ka një qëllim, reformën e institucioneve, para së gjithash të atyre që dhunuan votën e lirë.

Nëqoftëse ndokush mendon se është më e dobishme të përsëritet etiketa Mark Abdia dhe jo të hiqet Mark Abdia, këto janë dy gjëra të ndryshme. Dhe me këtë reformë ne nuk synojmë personat, nuk synojmë ne të kemi një Shërbim Informativ Kombëtar të kontrolluar nga PD, të varur nga opozita, por synojmë një institucion thellësisht të depolitizuar, i cili nuk mund të quhet i depolitizuar me hierarkë të krimit dhe të korrupsionit. Janë ata pikërisht me në krye Fatos Klosin që kanë vendosur Shqipërinë në krye të listës të të gjitha trafiqeve të pista. Kjo bandë kriminelësh që persekutoi për 50 vjet shqiptarët në dhunim flagrant të të gjitha dokumentave themelore të Europës, u rikthye në pushtet. Do të dorëzojë pushtetin dhe marrëveshja do t’i bëjë ata të largohen nga pushteti. Ata nuk e meritojnë pushtetin dhe Shqipëria nuk e meriton të jetë vendi kampion i trafiqeve. Pra reforma institucionale është thelbi i marrëveshjes. Ne si parti e vokacionit perëndimor do të bëjmë çdo përpjekje që institucionet tona të jenë sa më funksionale, sa më të konsoliduara dhe të përshtaten që të arrijnë sa më shpejt të jetë e mundur standartet europiane. Ato janë institucione të shtetit ligjor, jo të partisë, nuk i kemi konceptuar dhe nuk do i konceptojmë ndonjëherë si të tilla.

Historia më e hidhur e shqiptarëve është historia e shtetit partiak, më e hidhur se e të gjitha pushtimeve të tjera. Askush nuk duhet ta harrojë këtë, nuk ka dhe nuk mund të ketë më demonizim të kundërshtarit. Klishetë e vjetra nuk funksionojnë më, do të ketë alternativa, fakte dhe argumenta. Kjo është fryma e qytetarisë, e civilitetit. Kjo është fryma e bazuar në vlerat që ne ju besojmë, me të cilën ne besojmë se bëjmë opozitën më të shkëlqyer. Nesër në pushtet ne do t’i rezervojmë opozitës të njëjtin vlerësim të bazuar në këto vlera. Tërë përpjekja jonë është që nëpërmjet këtij procesi t’i çojmë shqiptarët në zgjedhje të lira dhe të ndershme dhe sa më shpejt që të jetë e mundur si zgjidhja më e shkëlqyer e krizës, si përgjigja më dinjitoze ndaj saj.

Unë dua të deklaroj se qeveria e tretë socialiste është dëshmia më autentike e dështimit të PS nëse ne do të angazhohemi në një opozitë të fuqishme në parlament dhe në publik, në media dhe me sqarime në mënyrë që nëpërmjet transparencës së plotë të kësaj keqqeverisje, nëpërmjet reformës së plotë të institucioneve të shkojmë drejt zgjedhjeve të lira dhe të ndershme.

Objektiv tjetër madhor është jeta parlamentare. Dua të përshëndes deputetët e PD-së se kanë treguar një disiplinë të madhe. Ata kanë qenë besnikë luajal të këtij forumi që mblidhet sot dhe të atij Kuvendi që qëndron prapa këtij forumi, të platformës së miratuar prej tyre. Janë të panumërta debatet, interpelancat, pyetjet, iniciativat, amendamentet që Grupi Parlamentar i PD ka realizuar nga hyrja në parlament deri më sot. Në të ardhmen do t’i rrisë ato, do t’i shtojë ato, kështuqë ne duke qenë një opozitë e palëkundur, e vendosur do të bëjmë transparencën në çdo qelizë të kësaj qeverie të dështuar.

Dikush mund të pyesë çfarë është qeveria Nano 5? I deklaroj Fatos Nanos se për të gjithë botën është e vlefshme, përveçse për atë, e treta e vërteta. Ai shkon tek e pesta në një absurditet të madh, por rrugën e ka zgjedhur vetë. Ne do të qëndrojmë fuqishëm ndaj kësaj qeverie.



*Fjala e mbajtur në mbledhjen e djeshme të Këshillit Kombëtar të PD-së