Gonxhe Bojaxhiu ( Nene Tereza)

[VOLSIV]

>>> E verteta eshte qe disa jane akoma shume larg asaj qe arriti te beje Nene Tereza.
> Shume prej nesh nuk arrin te fale ndonje leke lypsave nderkohe qe ajo fali kohen dhe perkushtimin e saj per kedo qe i dilte perpara.
> Per Nene Terezen nuk mund te flitet keq per arsyen se nuk ishte Shqiperia vendi kryesor i misionit te saj. Eshte hipokrizi te flasesh keq per dike qe thjeshte dhuron ate qe ka. Mesa duket e mira qe bejne te tjeret disa i bezdis dhe ndoshta ngaqe nuk arrine te kene ate nivel dashurie dhe lumturie qe kane keta Shenjtore. Nene Tereza eshte Shenjtore por shume vetave nuk u hyn ne pune kjo dhe i trajtojne te gjithe njesoj pa meshire dhe pa mirenjohje.

[Disa]

>>> E verteta eshte qe disa jane akoma shume larg asaj qe arriti te beje Nene Tereza. Shume prej nesh nuk arrin te fale ndonje leke lypsave nderkohe qe ajo fali kohen dhe perkushtimin e saj per kedo qe i dilte perpara. Per Nene Terezen nuk mund te flitet keq per arsyen se nuk ishte Shqiperia vendi kryesor i misionit te saj. Eshte hipokrizi te flasesh keq per dike qe dhuron. Mesa duket e mira qe bejne te tjeret disa i bezdis ndoshta ngaqe nuk arrine te kene ate nivel dashurie qe kane keta Shenjtore. Nene Tereza eshte Shenjtore por shume vetave nuk u hyn ne pune kjo dhe i trajtojne te gjithe njesoj pa meshire dhe pa mirenjohje.

Tregom konkretisht se cfar beri Tereza per shqipetaret.

[Herolind94]

Pershendetje t'gjithve


Nese keni mundesi mem gjet Informacione per keto pike:

Tema: Nëna Terezë


1.Biografia
Fëmijëria dhe Rinia
Emigrimi në Indi

2.Marrëdhëniet shoqërore ne Indi

3. Fillimi dhe perfundimi i Ndimes
Ndikim për familjet e të ndimuarve
Si u bë Nëna Tereze e njohur ?

4.Planet e Nënës Tereze

5.Cfare ndodhi pas vdekjes së saj?

Faleminderit

[Viola.V]

Tregom konkretisht se cfar beri Tereza per shqipetaret.

Nene Tereza beri nje gje qe nuk beri Sulltan Mu(ra)ti: nuk vrau ,preu dhe zaptoi Shqiperine dhe ta kthente ne Anadolli . Kjo mjafton !

Kudo qe vete dhe marrin vesh nga jam pergjigja e tyre direkte eshte : Ohhhhhh...Mother Teresa , Gjergj Kastrioti and Blue Brothers ( Jim Belushi ) !

[Dar_di]

Nana shqiptare e dashunisë

Ndue Ukaj | 27-08-2011

Nëna Tereze ka trand themelet e një bote të egërsuar dhe egoiste, në të cilën dashuria është një nocion abstrakt. Madje, ajo ka dëshmuar të kundërtën, se bota mund të drejtohet me dashuri dhe se dashuria është fuqia më e madhe që transformon botën.

Dhe pikërisht këtë nocion abstrakt, Nëna Tereze e ka konkretizuar më mirë se çdo kush në historinë botërore, duke dëshmuar me shumësi veprash të jashtëzakonshme, e të pakapshme për mendjen njerëzore, se jeta është dashuri, të cilën duhet ta përjetosh. Nëna Tereze jetën e përjetoi si dashuri, e atë ja dhuroj botës me dashuri, duke bë fuqinë e saj të rrezatoj kudo në botë.

Njeriu si qeni shoqërore, është i lidhur dhe bashkëjeton me ngjarje, fenomene e personazh të rëndësishëm. Njeriu, si qenie e si identitet, është i lidhur me figura kombëtare, me të cilat identifikohet e nga të cilat ushqehet në rrugët e tij. Kësisoj është puna edhe me kombet, të cilat gjallojnë nga këso shtresimesh.

Për shqiptarët, Nëna Tereze është simbol i krenarisë kombëtare, një shembull i motivueshëm që se ka bota, një model që ka shënjuar kohë dhe ka hy përjetësisht në panteonin e vlerave bipolare, Tokë e Qiell. Andaj është fat i madh t’i takosh kombit të një njeriu që ka shënjuar kohën, shekullin, ka trand në themel teori e doktrina, se bota mund të drejtohet vetëm më armë, ushtri, pushtet, para e fuqi.

Motoja e Nënës Tereze se: ”vetëm dashuria mund ta shpëtojë botën”, jo vetëm që grish për të ndihmuar të vuajturit që gjenden në mjerimin e skajshëm, pa fajin e tyre, por është shndërruar në një formulë magjike, që troket në ndërgjegjen njerëzore, për një përbashkim drejt vlerave sublime, të tejkoheshme dhe universale.

Nëna Tereze, duke i tejkaluar fuqishëm përmasat kombëtare, fetare, është ngrit në piedestalin më të lartë të vlerave botërore. Jo vetëm kaq, ajo është shenjëzim i njeriut model, që me dashuri e sakrificë tundi gjitha filozofitë, doktrinat, empiritë e jetës, duke krijuar një filozofi të re, një model të ri, një civilizim të ri, qytetërimin e dashurisë, siç shkruan biografi më i madh i saj, dom Lush Gjergji.

Nëna Tereze tejkaloi gjitha mundësitë njerëzore, duke hy pavdekësisht në panteonin e vlerave me sublime që ka dhënë bota në dymijëvjeçarin tonë. Ajo mbetet një vlerë sublime për gjithë njerëzimin, që arriti të flak dallimet e gjithfarshme. Ajo ndërtoi filozofojnë e saj, qytetërimin e saj, që është thellësisht qytetërim i dashurisë. Ajo tejkaloi fuqishëm dallimet religjioze, nacionale, doktrinare, në funksion të së mirës së përbashkët që për intencë kishte - Njeriun.

Veproi kështu përgjatë gjithë jetës së saj, ndezi nga një qiri çdo kund në botë, ujiti thatësirat e shumta me dashuri, zbuti shpirtrat njerëzor në çdo cep të botës me urtësi Hyjnore. Ishte një murgeshë e madhe dhe një shqiptare e madhe.

Prandaj, sot kur ajo është përjetësuar në Lumturi, nuk ka nevojë për nderimin tonë, përkundrazi ne kemi aq shumë nevojë për Atë, që të inspirojë jetën tonë në rrugët e formësimit e konsolidimit. Ajo duhet të bëhet pjesë e pandashme e edukimit tonë kombëtar.

Identiteti modern shqiptar

Tendencat e shumta se Nëna Tereze nuk duhet të përdoret në diskursin kombëtar, janë të paqëndrueshme dhe krejtësisht qëllimkëqija. Përkundër këtyre tendencave që te eliminohet personaliteti i saj nga identiteti shqiptar dhe të kundrohet vetëm si person fetar, ajo vazhdon të jetë referencë e shumicës absolute shqiptare, duke u bë pikë referimi, sepse kështu, pa asnjë ekzagjerim, shqiptari i bën nderin më të madh vetës, të mirës së tij.

Ne mund të mburremi me të sepse ajo ka qenë, është e do të jetë pjesë e pashmangshme e diskursit kombëtar, ngase me personalitetin e saj të gjithanshëm, mbinatyror dhe shumëdimensional, ka infleuncar, po influencon dhe do të influencojë rrjedhat shqiptare, kulturën shqiptare, letërsinë shqipe, pikturën, muzikën, skulpturën dhe politikën në Kosovë. Në këtë rast, duhet të përmendin sidomos filozofinë paqësore të Ibrahim Rugovës, e cila në esencë ishte e frymëzuar prej madhështisë së Nënës Tereze.

Për presidentin dhe liderin e shqiptarëve të Kosovës, Dr. Rugovën ajo ishte model i lëvizjes paqësore prej së cilës u frymëzua. Dhe portretin e së cilës i mbajti sa qe gjallë kudo ai punonte e vepronte. Madje, këtë lëvizje dom Lush Gjergji, me plotë logjikë, e cilëson lëvizje tereziane. Ndërsa, përmasat personalitetit të saj janë shtrirë edhe në rrafshet praktike të jetës shqiptare. Sheshet kryesore në qendrat shqiptare, mbajnë emrin e saj, kudo janë ngritur shtatore, rrugë, spitale aeroporte, të cilat mbajnë dinjitetshëm emrin e saj.

Nuk është kult e as mit emri dhe vepra e saj për shqiptarët. Përkatësia e saj shqiptare, tanimë përbën një dimension të theksuar dhe evident në çdo aspekt të kombit shqiptar, duke ngritur dijen dhe vetëdijen për vlerat sublime, universale të saj, të cilat po përjetohen e pranohen nga gjithë shqiptarët.

Personaliteti i Nënë Terezes që afro dy dekada është paradigma udhërrëfyese për shqiptaret, kudo ku flitet dhe ku shkruhet shqip, në hapësirat shqiptare, por edhe në ato të shpërndara ane e kënd botës. Ndaj, kësisoj është ajo është bë hallkë shumë e rëndësishme e identitetit shqiptar, duke influencuar në përmasa të mëdha, funksionale edhe kulturën shqiptare në tërësi, duke u bë personazhi më i rëndësishëm pas Gjergj Kastriotit-Skënderbeut.

Nëna Tereze, duke qenë shqiptare, natyrshëm është pjese e identiteti shqiptar, frymëzon zemrat e mendjet shqiptare, ndikon drejtpërdrejt në zhvillimet dhe kahet e shoqërisë shqiptare dhe si e tillë është pjesë e pashmangshme e diskursit kombëtar dhe identitetit shqiptar.

Tendencat e ndryshme, çfarëdo qofshin ato, për ta përjashtuar atë nga pjesa e identitetit shqiptar dhe për ta lënë brenda përkatësisë fetare, tashmë i përkasin së kaluarës, kur shqiptarët vërtiteshin mes dilemash të ndryshme dhe kur për shqiptarët flisnin ata që dirigjoheshin nga interesa të gjithfarshme.

Nëna Tereze për miliona njerëz anembanë botës është një simbol dhe një shpresë më shumë, se përtej dallimeve të shumta, ekziston dashuria, ajo që mund të triumfoj kundruall të këqijave të shumta, është dashuria për njeriun, kjo ndjenja më e fisme, që mund të bëjë më shumë se dijet njerëzore, më shumë se fuqitë politike, ekonomike dhe ushtarake. Jeta dhe veprimtaria e shumëfishtë e Nënës Tereze e arsyeton fuqishëm këtë mendim.

Mbase, ajo dëshmoi fuqishëm se bota vuan aq shumë për dashuri, prandaj bëri vepra të mëdha, duke i sintetizuar veprimet e saj me mendime që mbesin se thesare për mendjen njerëzore, kur thoshte: “Nuk është me rëndësi çka bën, por me sa dashuri e bën”.

Marrë nga ZËRI

[Guri i Kuq]

Shënohet përvjetori i vdekjes së Nënë Terezës

"Bota Sot",5.9.2011
---------------
Në 14- vjetorin e vdekjes së humanistes së madhe shqiptare Nëna Tereza, sot në Prishtinë është mbajtur meshë në Katedrale, me ç’rast përfaqësuesi special për vendin tonë nga Vatikani përveç fjalëve për figurën e modelistes, solli edhe përkrahjen në çdo aspekt për shoqërinë dhe shtetin e Kosovës.
Në fillim të meshës për Nënë Terezën të pranishmit i përshëndeti Imzot Dodë Gjergji, i cili u uroj mirëseardhje krerëve të institucioneve shtetërore e fetare, personaliteteve vendore e ndërkombëtare.
Pas një pjese të ceremonisë fetare, fjalën e mori i deleguari special për vendin tonë i Papa Benediktit të XVI, Imzot Juliusz Janosz, i cili shprehu kënaqësinë dhe fjalët e Kardinalit nga Vatikani.
“Me vullnetin e At Benediktit të XVI jam zgjedhur Delegat Apostulik në këtë vend, i cili ka synime të mëdha dhe dëshiron ndërtimin e një të ardhme, të cilën populli e ka në zemër. Delegati Apostulik ka për detyrë kryesore përcjelljen e Kishës Katolike, në mënyrë që të jetë në selinë Apostulike, me të shenjtin Papë në veçanti dhe me kishën e përgjithshme në tërësi, të jenë të forta dhe gjithnjë e më të thella”, ka thënë ai.
Më tej në fjalimin e tij, ai e krahasoj Papa Gjon Palin e II me Nënën Terezë, duke thënë se të dytë në jetën e tyre e kanë zbatuar urdhrin e dashurisë ndaj Zotit dhe të të afërmve të tyre.
Gjithashtu ai solli më vete edhe përkrahjen e Vatikanit edhe në aspektin politik, duke thënë se edhe kjo tokë ka origjinën e saj dhe se Vatikani do të jetë përkrah saj.
“Kosova edhe pse është një realitet i ri politik, nuk është toka e askujt, nuk është një popull pa origjinë, pa traditë, pa vlera. Toka juaj është shënuar nga qytetërimi krishter, i cili i ka përballuar të gjitha ndodhitë historike”, është shprehur ai.
Pas këtyre fjalimeve, ceremonia vazhdoi me lutje e predikime fetare. Ndërsa pos mysafirëve të tjerë, ishte i pranishëm edhe Arqipeshkvi i Tivarit, Zef Gashi, i cili ka qenë i deleguar i posaçëm i Atit të Shenjtë për 100-vjetorin e Nënë Terezës.
Ndryshe me 5 shtator të vitit 1997 në Kalkutë vdiq humanistja e madhe dhe nobelistja e paqes, shkupjania shqiptare, Nëna Terezë.

[FREX]

Figure E Madhe E Kombit Shqiptar. Duhet Te Jemi Mirnjohes Te Punes Se Saj

[iliria e para]

"Time": Nënë Tereza, në 100 emrat më të shquar të të gjitha kohërave



TIRANE-Revista amerikane "Time", nga më prestigjiozet në SHBA dhe në botë, që del një herë në javë, çdo vit boton edicione speciale. Para dy vjetësh, me rastin e 100-vjetorit të lindjes së Nënë Terezës, i kushtoi një numër special.

Disa dekada më parë "Time" botoi në faqen e parë fotografinë e Nënës Terezë dhe shkrimin me titull: "Mother Teresa, Living Saint" ( Nënë Tereza, Shenjtëreshë e Gjallë), sivjet botoi një edicion special prej 124 faqesh me titull: "The 100 Most Influential People of All Time" (Njëqind njerëzit me ndikimin më të madh në të gjitha kohërat). Në kopertinën e ilustruar të kësaj reviste janë botuar fotografitë e 13 personaliteteve më të shquara gjatë gjithë historisë njerëzore. Hyrjen e kësaj reviste e shkroi Profesor Douglas Brinkley, historian amerikan shumë i njohur. Redaktorët e revistës "Time", të gjithë specialistë, kanë zgjedhur e botuar biografitë dhe portretet e 100 personaliteteve më të njohura të të gjitha kohërave. Në faqen e parë të revistës është botuar fotografia e Nënës Terezë. Revista në fjalë shkruan gjerësisht për Konstandinin e Madh, por qysh atëherë e deri sot, përveç Nënës Terezë nuk përmendet asnjë personalitet me rëndësi nga Ballkani. Revista "Time" shkruan se Konstandini i Madh kishte lindur në vendin që sot quhet Serbi. Zbrazëtirën kohore bosh prej 1675 vjetësh e plotësoi Gonxhe Bojaxhiu-Nëna Terezë. (Shënimi ynë: Vendlindja e Konstandinit të Madh, Nishi, dhe vendlindja e Nënës Tereze, Shkupi, ishin afër. Si vëlla e motër të një gjaku dhe një fisi ata bënë punë të mëdha dhe për këtë i nderon bota sot).

Shkrimet
Artikujt e shumë autorëve janë ndarë në 4 pjesë. Titulli i kapitullit të parë është: "Shtyllat e Moralit". Veprimtaria e tyre shpjegohet me këto fjalë: "Ata hoqën dorë nga dëshirat politike dhe joshjet për pasuri, vazhduan udhën e heshtjes, të prirë nga thirrja e shpirtit. Ata janë shenjtorë e profetë, qëllimi i të cilëve nuk është kjo botë".

Kapitulli i parë, "Shtyllat e Moralit" fillon me Abrahamin dhe vazhdon me Konfucien, Budën, Sokratin, Platonin, Jesu Krishtin, Shën Palin Muhamedin, Xhelaladin Rumin, Shën Françeskun e Asisit, Immanuel Kantin dhe Nënën Terezë. Në faqen e fundit të këtij kapitulli figurojnë emrat e kinezit Lao Tzu, Shën Augustinit dhe Papës Gjon Palit të Dytë. Ata cilësohen si tre misionarë që kanë përhapur mesazhin e tyre nëpër botë. Në faqen 18 është fotografia dhe biografia e Nënë Terezës. Kur është fjala për çështje shpirtërore të botës së krishterë, revista "Time" e vendos Nënë Terezën në vendin e katërt, menjëherë pas Jezu Krishtit, Shën Palit dhe Shën Françeskut. "Time" shkruan se Nënë Tereza kishte lindur nga prindërit shqiptarë dhe se babai i saj ishte vrarë në kohën kur Gonxhe Bojaxhiu ishte 7-vjeçe.

Kapitulli i dytë mban titullin: "Eksploruesit dhe Vizionarët". Ja çka thotë për eksploruesit dhe vizionarët: "Disa nga ata vendosën të kuptojnë botën e tyre. Të tjerët panë në ëndërr gjërat që nuk kishin ekzistuar kurrë dhe i farkuan ato. U kredhën në botën e panjohur, ata janë pionerë". Kapitulli fillon me Hipokratin dhe vazhdon me Euklidin, Arhimedin, Aristotelin, babain e algjebrës Muhammad Ibn Musa Al Khwarizmi, Zheng He, Kopernikun, Kristofor Colombon, Magelanin, Gutembergun, Galileun, Dekartin, Newtonin, Lewis, Clark & Sacagawsea, Darvinin, Bellin, Edisonin, Charles Babbage, Pastuerin, vëllezërit Lumierë, Freudin, Einstenin, Marie Curie, vëllezërit Wright, Henry Fordin, Watson & Crick dhe i fundit Steve Jobs. Në faqen e fundit janë edhe tre eksplorues të rëndësishëm, Leif Eriksson, Marco Polo dhe Marconi.

Kapitulli i tretë: "Udhëheqësit e Popullit" i përshkruan me këto fjalë: "Ata janë krijesa të botës politike, udhëheqin ushtri, ndërtojnë kombe dhe perandori, sfidojnë autoritete, luftojnë për liri, shtypin dhe çlirojnë masat e shtypura. Ata janë të fuqishëm".

Kapitulli fillon me Moisiun dhe vazhdon me Periklien, Ashokën e Madh, Lekën e Madh perandoria e të cilit sipas revistës "Time" shtrihej prej Iliriet e deri në Kashmir dhe prej Egjiptit e deri në Kinë, vazhdon me Cleopatrën, Çezar Augustin, Konstandinin e Madh, Umar Inbn Al-Khattab, Charlemagne, Saladinin, Genghis Kanin, Joan of Arc, Mbretëreshën Isabellën e Parë, Herman Cortes, Sulejmanin e Madh, Martin Lutherin, Akbarin e Madh, Mbretëreshën Elizabetën e I, Pjetrin e Madh të Rusisë, George Washingtonin, Robespierin, Mary Wollstonecraft, Napoleon Bonapartin, Simon Bolivar, amerikanin vendas Sitting Bull, Abraham Lincolnin, Marksin, Leninin, Emmeline Pankhurst, Margaret Sanger, Adolf Hitlerin, Winston Churchillin, Franklin Rooseveltin, Mao Ce Dunin, Gandin, Martin Luther King Jr. Nelson Mandela. Edhe këtu si në kapitujt e tjerë në faqen e fundit është gjeneral Jul Caesari, pushtuesi Tamerlane dhe terroristi Osama Bin Laden.

Kapitulli i katërt dhe i fundit i revistës "Time" është "Arkitektët e Kulturës": "Ata e kanë ndryshuar botën duke vënë në veprim vizionin e tyre imagjinues, fuqinë galduese të artit dhe vlerat që ata shfaqin në punën që bëjnë". Ata janë krijuesë". Kapitulli fillon me Homerin dhe vazhdon me Eleanor of Aquitaine, Dante Aligerin, Leonardo da Vinçin, Makiavelin, Mikelangjelon, Palladion, Servantesin, Shakespearin, Rembrantin, Bahun, Benjamin Franklinin, Adam Smithin, Ruson, Thomas Jeffersonin, Bethovenin, Nicen, Louis Armstrong, Picason, Rohe, Muhamed Ali, "The Beatles" dhe në faqen e fundit janë: Goethe, Dikens dhe Tolstoi për ndikimin e tyre letrar në botë.

Periudha ilire përfaqësohet me Konstandinin dhe Lekën e Madh. Dhe prej atëherë e sot nuk përmendet asnjë iliro-shqiptar dhe asnjë personalitet tjetër ballkanik përveç Nënës Terezë. Shqiptarët janë kryelartë për respektin dhe nderimin që revista "Time" tregon për më shumë se 4 dekada për Gonxhe Bojaxhiun. Gushti, shtatori dhe tetori janë muajt e historisë dhe mrekullive të Nënës Terezë.

[EuroStar1]

Figur e madhe shume

[Gogi]

Mendoj qe eshte figura me e madhe e shekullit 20 nder Shqiptar.