Dosja e korrupsionit shteteror

[Albo]

NANO, 400 MILIONE LEK BOTUESIT TE GAZETES "SHEKULLI"

Mbreme mbledhja e qeverise ka mbaruar shpejt, pasi nuk kishte shume vendime, perjashtuar si me i rendesishmi, dhenia me prokurim te drejteperdrejt nga Keshilli i Ministrave i nje fondi prej 400 milione leke (te vjetra) firmes 2K Group. Ky fond iu dha firmes se botuesit te gazetes "Shekulli" Koco Kokedhima me arsyetimin per te pastruar plazhin e Durresit nga mbeturinat e ndertimeve pa leje ,te cilat jane prishur nga policia ndertimore. Prokurorim i drejtperdrejte ne gjuhen ligjore do te thote se shuma ne fjale prej 400 milion lekesh i eshte dhene pa tender firmes 2K Group.

Botuesi i gazetes "Shekulli" njihet per ndermarrjet e shumta te privatizuara, sidomos gjate qeverisjes se socialisteve, por tash nje vit edhe si mbeshtetes i hapur i politikave te kryeministrit Nano.

Pas Durresit qeveria mendon te jap edhe nje fond tjeter prej 350 milion lekesh per te pastruar zonen e Vlores dhe te Sarandes. Me sa duket qeveria po i kushton nje vemendje te vecante turizmit te ketij viti, nga i cili mendohet te merren shume te ardhura per buxhetin e shtetit.

A.I.

[Albo]

MIRATOHET ME NDRYSHIME KODI I FAMILJES

Nën hetim motra e Islamit
Akuza: Shiti nën kosto vilën e ish-bllokut

TIRANE

Liljana Rexha, motra e ministrit të Financave, Kastriot Islami, merret e pandehur nën akuzën e "shpërdorimit të detyrës". Akzua e cila i është komunikuar paraditen e djeshme, ka të bëjë me parregullsitë e konstatuara në shitjen e vilës 32/1 (ngjitur me ish-vilën e Enver Hoxhës), e cila i është shitur Gjergj Zhejit, për 2,5 milion lekë. Përveç Rexhës në hetim janë përshfirë edhe 4 persona të tjerë, nën akzuën e shkeljes së barazisë në tendera. Të akuzuarit kanë qenë anëtarë të komisionit të AKP-së dhe të Drejtorisë së Shërbimeve Qeveritare, i ngritur për shitjen e vilës. Parregullsitë e konstatuara kanë të bëjnë me mënyrën e vlerësimit të vilës dhe me procedurat e tenderit për shitjen e saj.

Vlerësimi i vilës

Në maj të vitit të kaluar është bërë shitja e vilës 32/1 (me sipërfaqe 530 metra katrorë), e cila më parë ishte vlerësuar nga një komision i ngritur posaçërisht për këtë punë. Në komision bënte pjesë edhe Liljana Rexha. Nga shqyrtimi i dokumentacionit, ka rezultuar se komisioni i vlerësimit e ka çmuar vilën me një vlerë shumë më të vogël nga vlera reale. Ky fakt u konstatua afro një vit më parë edhe KLSH-ja. Madje nga përllogaritjet që ka bërë kjo e fundit, ka rezultuar se vlera reale e vilës ishte 14 milionë lekë dhe jo 2,5 milionë, siç ishte vlerësuar nga komisioni. Ulja e vlerës së vilës është bërë pasi është rritur në mënyrë fiktive vjetërsia e saj, me preteksin se nuk gjendej certifikata që të vërtetonte vitin e ndërtimit. Por edhe ky pretendim rezultoi i pavërtetë, pasi certifikata e vitit të ndërtimit është gjetur më pas nga KLSH-ja. Madje kjo e fundit i kishte lënë për detyrë anëtarëve të komisionit të vlerësimit që të dëmshpërblenin diferencën ndërmjet vlerës reale të vilës dhe asaj që ishte shitur (11,5 milionë lekë). Pikërisht për këtë parregullsi është e pandehur edhe Rexha, e cila ka qenë anëtare e komisionit të vlerësimit.

Tenderi

Katër të pandehurit e tjerë që janë përfshirë në këtë hetim, akuzohen për "shkelje të barazisë në tendera". Nga shqyrtimi i dokumentacionit ka rezultuar se në tenderin e shitjes së vilës janë ofruar blerës me shuma më të larta nga ajo që është shitur. Por në mënyrë abuzive ato janë eliminuar, duke e bërë pjesëmarrës të vetëm në tender dhe njëkohësisht pronar të vilës, Gjergj Zhejin, kundrejt çmimit fillestar prej 2,5 milionë lekësh.


Precedenti me vilat qeveritare të Vlorës

Katër muaj më parë Prokuroria e Tiranës ka hapur hetimet edhe për rikonstruksionet e vilave qeveritare nr.7-8 në qytetin e Vlorës. Objekt i këtij hetimi kanë qenë vlerat financiare të rikonstruksionit, të cilat ishin shumë më të larta se volumi i punës së kryer në to. Megjithëse në këtë çështje u morën të pandehur edhe dy ish-drejtorë të shërbimeve qeveritare, aktualisht të pandehurit e vetëm të kësaj dosjeje janë dy përfaqësuesit e firmës "Saliko".


Kurthi i tenderit, policia pranga pronarin

Përpara shitjes, në vilën 32/1 banonte prej 5 vitesh familja Bardhi, e cila kishte ofruar 120 mijë dollarë për blerjen e saj. Por djali i kësaj familje, pak minuta para zhvillimit të tenderit, është shoqëruar në polici. Shkak për këtë ka shërbyer një sherr i provokuar nga një tjetër person, i cili nuk e lejonte të hynte në sallën ku do të zhvillohej tenderi. Me gjithë kërkesën e nënës së djalit për të marrë pjesë në tender, një gjë e tillë nuk është lejuar nga organizuesit e tenderit, pasi dokumentacioni ishte në emër të djalit të saj.


Kontrolli Lartë i Shtetit zbuloi i pari shkeljet e vilës

TIRANE - Ka qenë Kontrolli i Lartë i Shtetit ai që ka zbuluar i pari parregullsitë e procedurave të shitjes së vilës 32/1. Ka mjaftuar një kontroll i këtij institucioni për të konstatuar shkeljet flagrante në Drejtorinë e Shërbimeve Qeveritare. Mospërcaktimi i saktë i vjetërsisë së vilës, nga ku, për rrjedhojë, erdhi edhe vlerësimi i saj me çmimin prej 2,5 milionë lekësh, ishte shkelja e parë e konstatuar nga KLSH-ja përpara një viti. Pas kësaj kontrolli i KLSH-së u përqendrua në procedurat e tenderit të shitjes ku janë konstatuar edhe aty shkelje të tjera. Eshtë pikërisht raporti i KLSH-së mbi këtë konstatim, ai që përbën edhe provën kryesore për organin e akuzës, që ka filluar procedimin penal ndaj pesë personave.

[Brari]

KJ

-------

E Merkure, 21 Maj 2003


QAMUSHI DHE GOMARI I BABA TASIT

Nga Mesila Doda

Ministri i Rendit doli dje para gjithe ekraneve te vogla e te medha dhe tek sfilonte si top-model, me kollaren fringo roze, modelin e ri te qethjes se kokes, deklaronte per nje tifoz te Tiranes, Qamush, dhe per nje gomar qe pelliste e qe quhej gomari i Baba Tasit. Si fillim me duhet t'i kujtoj autorit, se nga tiransit dihet qe Qamushi ka qene tifoz i Partizanit dhe jo i Tiranes. Fatkeqesia e ministrit ne kete rast eshte, se ai vete eshte post-Qamush ne Tirane dhe ca gjera nuk ka si t'i dije. Nejse, kjo do te ishte e keqja me e vogel per ministrin, sikur te behej fjale vetem per lapsuse humoristike.

Problemi i madh eshte se kjo ishte e vetmja pergjigje qe ministri i Rendit gjeti t'i jepte kryetarit te opozites, i cili nderkohe i kish vene gishtin titullarit te rendit si nje person i lidhur rendazi me krimin, si nje njeri qe po fshihte kriminelet e vrasjeve te ndodhura ne vend. Nuk eshte se me cuditi shume sensi i holle i humorit ministror, pasi nuk eshte hera e pare qe Ministri i rendesishem i Rendit sfilon gomarlleqet e veta neper televizione e parlamente. Fjala vjen, "Ngrehina" e para nje muaji ishte thjesht produkt i humorit te holle ministror dhe kryeministror, te cilet gjeten rastin te tallnin pjeset e posteriore te trupit me Kuvendin shqiptar e me se gjeri me popullin shqiptar qe po degjonte. Doemos qe humori i ministrit dhe ai shefit te tij eshte nje ceshtje me rendesi jetike per miletin, i cili duhet te degjoje barcaleta qe shnderrohen ne dosje, dhe akuza qe kthehen ne barcaleta.

Nuk dihet se nga i buron gjithe ky sens humori pushtetit te sotem, sepse nuk eshte hera e pare qe akuzat marrin pergjigje-bauta, ndersa njerezit presin pergjigje. Zoti minister pasi cuditi teleshikuesit, kur deklaroi qe FlorIan Vila si shume biznesmene te tjere kryejne veprime dhe pune me rrezik, priti qe te gjithe te heshtnin apo te fillonin te degjeneronin nje viktime. Ne fakt, mbolli faren e helmit tek te gjithe ata qe e degjonin dhe qe dashur pa dashur filluan te mendonin per ato cka nuk ish thene e shkruar mbi veprimtarine e te ndjerit. Pasi zonja Vila, nje e ve qe nuk kish me fuqi te bente tjeter vec te ulerinte per drejtesi tek te huajt, vuri gishtin mbi akuzat e Rames si te qellimshme dhe denigruese, trilli i perdhunes morale mbi te vdekurin vazhdoi dhe me tej. Rastesisht, krejt rastesisht, nje e perditshme krejt e pavarur shqiptare nxorri kontrabanden qe bente firma ne fjale. Nuk eshte hera e pare qe media ben lojen e pushtetit. Nuk eshte as hera e pare qe mediat merren me shpifje dhe denigrime morale per njerez qe nuk rrojne me. Por kjo e kesaj here eshte e nje tipi krejt tjeter. Akuza morale qe u stis tentoi te krijoje mundesine e justifikimit moral te vrasesit dhe zbutjen e presionit te opinionit qytetar per zbulimin e krimit. Brenda nesh filluam pak nga pak te besojme se dic kish bere i ndjeri Florian, se kot nuk te vrasin. Kete proces filloi te kryente ministri top-model, kete proces tentoi te vazhdonte dhe ta rriste shtypi model.

Nuk eshte e paqellimshme qe ministri qe hedh shashka ne vend te pergjigjet per akuzat dhe deklaratat qe leshon nga goja ne Kuvend e media, kthehet ne qyfyrexhi. Nuk eshte hera e pare qe degjojme akuza nga njera pale dhe palen tjeter qe gajaset dhe thote hihihi....ky tallet. Eshte hera e pare qe shohim nje minister Rendi kaq te papergjegjshem ne ate cka thote e krejt te pamoralshem ne humorin e tij.



--------KJ------

[Henri Anderson]

Marre nga gazeta Koha Jone


SHIKASIT, BANDE PENGMARRESE

Policia egzekutoi dje ne mbremje tre urdherndalime te Prokurorise se Tiranes per ish-punonjesit e SHIK-ut Avni Koldashi, Budjon Mee dhe Arben Sefgjini, te akuzuar per veprat penale te rrembimit dhe mbajtjes peng te personit dhe te tortures me pasoja te renda ne bashkepunim. Tre ish-shikasit e ndaluar jane denoncuar vetem disa dite me pare ne Prokurorine e Tiranes pasi ne vitin 1995 kane thirur ne zyrat e SHIK-ut nje bisnesmen maqedonas me mbiemer Hoxha, I cili me vone ka rezultuar I zhdukur. Se bashku me shqiptarin e Maqedonise atehere eshte thirur nga keta zyrtare te SHIK-ut edhe nje qytetar nga Vlora qe me vone ka denoncuar dhunen e ushtruar ndaj tij.

Ngjarja, SHIK-u si Gestapo

Ne vitin 1995 SHIK ka thirur ne zyrat e veta qytetarin shqiptar nga Maqedonia dhe bisnesmenin vlonjat per nje "sqarimin" e nje rasti kontrabande. Ne zyrat e frikshme te SHIK-ut dy shqiptaret jane rrahur barbarisht. Pas denoncimit te te afermve te tyre, ata jane liruar. Me vone shqiptaro-maqedonesi eshte zhdukur pa lene gjurme. Kjo I ka detyruar familjraet te bejne denoncimin ne prokurori. Per udi dosja eshte mbyllur me pretekstin se mungonin provat e mjaftueshme qe provonin implikimin e tre ish-zyrtareve te SHIK-ut. 8 vjet me vone nje leter mberrin ne tavolinen e Avokatit te Popullit.

Rihapja e hetimeve

Te shqetesuar per fatin e njeriut te tyre, familjaret e bisnesmenit te zhdukur vendosin te provojne serish. Si fillim ata I shkruajne Avokatit te Popullit, pastaj Presidentit te Republikes, Kryeministrit shqiptar dhe Prokurorise se Pergjithshme. Kjo e fundit riel dosjen e pluhurosur te vitit 1995-1996 dhe Brenda pak diteve leshon urdherarrestet per tre ish-zyrtaret e SHIK-ut.

Akuza

Avni Koldashi, 47 vje, lindur ne Kukes dhe banues ne Tirane, Budjon Mee, 51 vje, lindur ne Vlore dhe banues ne Tirane dhe Arben Sefgjini, 47 vje, lindur ne Mat dhe banues ne Tirane akuzohen per vepren penale rrembimit dhe te mbajtjes peng te personit, parashikuar ne nenet 25 dhe 87 te Kodit Penal, si dhe per perdorim te tortures me pasoja te renda ne bashkepunim te parashikuar ne nenin 109/1 te kodit penal. Ndalimi I tyre u be nga nje ekip I forcave speciale te policise se kryeqytetit. Per eshtjen hetojne Shish-I, Prokuroria dhe Policia e Shtetit.

[Henri Anderson]

Ja sa mire kemi qene ne kohen e Sales eeee? Liri ka qene. Te keqen e sigurimit te shtetit se keta te shikut paskan qene akoma me te qelbur. Po se mos e kane fajon ata. Peshku qelbet nga koka jo nga bishti.

[Honezmi]

Rrofte partija !!!
Erdhi fushata e zgjedhjeve dhe PS-ja e derdimenet e saje filluan avazin 50 vjecar :Shpif ,shpif se dicka do mbetet!
Keta jane me te "ndershmit"!! Lum ai popull qe i mbane
Pasi i mbajten per 50 vjete baballaret ,tani na..... mbajne dhe pjellat e tyre.

[Brari]

55
-----

Nano, kryeministri i pallës

Nga Fahri BALLIU

Fatos Nano është një kryeministër që si i tillë, bën pallë gjatë gjithë mandatit. Për të mund të thuash se është edhe kryeministër i Bishtit të Pallës, por ky është një aspekt tjetër. Tërësinë e veprimtarisë së Nanos si volum kohe, si angazhim serioz, e përbëjnë ziafetet, drekat dhe darkat. Mjaft rasti i Butrintit, ku për herë të parë në historinë dhjetëra vjeçare të spektakleve të shfaqjeve të "Balshoit", ai vajti treçerek ore me vonesë, në një furtune gazi dhe hareje, duke udhëtuar nga Athina, Korfuzi, Butrinti. As Stalini s'ka vonuar të shkojë me vonesë në shfaqjen e "Balshoit". Ky njeri shkoi. Ministrat që e shoqëronin dhe shumë miq e konfidentë të tij, kishin konsumuar së bashku voza me raki dhe me verë. Disa thonë se ka 32 roje dhe një angazhim skandaloz të masave të sigurimit. Por, pse i duhet gjithë ky sigurim? Sepse diçka u ka bërë këtyre njerëzve. Apo është një fobi, apo diçka më shumë? Jo thjesht, ai është kryeministri që bën pallë dhe e kënaqë impenjimet e gardës së shtetit, apo të Ministrisë së Rendit.

Në mandatet kryeministrore të Fatos Nanos, tipike është mungesa e punës, nuk ka punë. Ai si marksist, gjen rast për të molloisur në televizor apo në ndonjë mbledhje, me frazat bajate dhe konstrukte të sintaksës të papërkthyeshme dhe vazhdimisht, si parvjet, si sivjet, përdor fjalët, që "ne nuk do të lejojmë që qeveria ime... kështu e kështu", "kabineti që unë drejtoj...". Kabineti që ti drejton, bën pallë zoti kryeministër, si puna jote!
Të gjithë treguesit e asaj që quhet punë e shtetit, janë me kokë poshtë. Vetëm se kryeministri i pallës, punët e tij personale dhe bizneset e bashkëshortes, i ka të shkëlqyera.
Një fushë tjetër kjo, ku bëhet pallë. Duke mos pasur asnjë instikt statisti, por vetëm të një fjalomani dhe intriga të informuara, apo si burim intrigash, ai e hedh administratën në një letargji totale.

Mirëpo, kur kryeministri bën pallë, shqiptarët hanë dynjanë. Madje, këto shkojnë në këtë formë: sa më shumë pallë bën kryeministri, aq më shumë vuajnë njerëzit.

Periudhat e kryeministrit të pallës, janë periudhat e papunësisë edhe të të punësuarve. Pra, edhe të punësuarit, buxhetorët, janë buxhetorët e pallës. Dhe ashtu si kryeministri që mbledh ndonjë lek dhe e kërkon dhe e gjuan atë, ashtu secili bën ç'të mundë në tre dynymëshin e tij. Në fjali ai del i frikësuar e i pasigurt për të nesërmen, vetë kryeministrin e zaptojnë ndjenja dëshpëruese dhe pastaj shtohet dëshira për ziafete, llogje, e sërish kthim në pallë ariu.

Paradoksi më i çuditshëm është, se ky njeri u kërkon të tjerëve të punojnë! Ky është akti i fundit i një njeriu që bën pallë, në kurriz të të tjerëve. Praktikisht, Nano bën pallë në kurriz të partisë.


-----------------



Skadon Koçoja i Kokëdhimës

Kryeministri, me prokurim të drejtpërdrejtë do kalojë Koçon në kategori të parë

Gëzim Kasmi

"Apollonia" e Fierit, mbas pretendimesh të larta të presidentit të saj Koço Kokëdhima, ra në kategorinë e dytë. Morën kështu fund gënjeshtrat, mashtrimet, projektet, për ta bërë "Apolloninë" ekip që të luajë në Europë dhe për të qenë ajo rruga e përfitimeve të reja të Koço Kokëdhimës. Ekipi theu qafën në kategorinë e dytë, për shkak të stilit të presidentit të saj, që mendon se dhe ndeshjet duhen fituar si tenderat e Edi Ramës. Morën fund gjithashtu, kërcënimet e pacipa që Koçoja u bëri kolegëve. Dhe tani, mbetet e vetmja shprese që kryeministri Fatos Nano, ashtu si i dha para me prokurim të drejtpërdrejtë 4 miliardë lekë për pastrimin e Durrësit, të bëjë një prokurim për të kaluar Koçon në kategorinë e parë.

Duke rënë Koçoja në kategorinë e dytë, pësohet një skadencë, e cila në një shtet ligjor do të pasohej nga një skadencë ekonomike e firmave të tij piramidale dhe spekuluese. Koçoja skadoi, pritet skadimi i Nanos dhe i Ramës.




---------------------------------------



Nano kundër pensionistëve socialistë dhe kundër FRESSH-it

Arjan Lako

Dje, ne KPD-në e Tiranes, kryeministri e kryesocialisti Nano nisi nje sulm te ashpër, jo vetem kunder opozitës për te cilen ai ka pasur e do te kete nocionin e maternitetit te krimit, por me shume eshte perqendruar tek te vetet. Konkretisht, Fatos Nano dje, me shume si kryesocialist se sa si kryeminister, ka folur me tone te ashpra kunder Forumit Rinor Eurosocialist, duke e konsideruar si nje strukture, e cila nuk e ka kryer funksionin e vet, por perkundrazi, ka abuzuar me te.

Natyrisht, Nano nuk ia ka permendur emrin forumit rinor te partise se tij, por eshte shprehur, se "partia ka nevoje emergjente për gjak te ri dhe ata qe vijne e marrin teserën e anëtarësimit, nuk denjojne ta shohin PS-në si vend ku të militojne, por e shohon teseren vetem si dokument per te zene vend pune. Madje, Nano deklaroi se ata nuk marrin mundimin te sherbejne as per komisionere neper qendrat e votimit. "....madje as nuk votojne, apo jo Musa..." dhe ne kete moment, kryesocialisti iu drejtua Musa Ulqinit. Por kete here, duke e pare me "syrin e pales tjeter kundershtare".

Fatos Nano, siluroi dje ashpër ate forum qe ne fakt e lavderoi ne kongresin e fundit te FRESSH-it, madje atje ai u tregua "shume zemergjere", duke i ftuar ata qe te jene pjese e proceseve vendim-marrese, madje te kene edhe kandidate te tyre ne garen qe do te zhvillohet per procesin elektoral qe po afrohet. Por kryesocialisti kthehet ne idene e tij kryesore, kur e sheh keten forum si nje pjese "armike e brendshme e partise" dhe, jo si partnere qe i leshojne neper autobusë e qendra votimi, sa here qe ka nevoje partia.

Nje pike tjeter "interesante" e fjalimit te tij ne KPD-në e Tiranes, ishte dhe momenti kur Fatos Nano u shpreh se 70% e anetarësimit te partise perbehet nga pensioniste, duke e konsideruar kete fakt si defekt te partise. Ky kryetar partie, rinine nuk e do, dhe eshte kunder FRESSH-it, edhe pensionistet nuk i do, sepse sipas tij, eshte difekt qe partia 70% e ka pensioniste, atehere, me çfare votash do t'i "fitoje" zgjedhjet ky kryetar partie?


Joseph Limprecht, i shndërruar në kujtim

Nga Fahri Balliu

Mbushet një vit nga vdekja e ish-ambasadorit amerikan ne Tirane, Joseph Limprecht. Ai tashme eshte shnderruar ne nje kujtim dhe keto rradhe te shkruara sot ne shtyp, i perkasin si merite e njeriut qe ishte i perkushtuar ne misionin e vet diplomatik, jo thjesht ne kornizat zyrtare, por me nje peshe emocioni, per ta dashur dhe nderuar atdheun e shqiptareve. Sigurisht, jo vetem vdekja e tij qe ndodhi ne Shqiperi, jo vetem takimet e shumta qe ai i ka pasur te veçanta dhe te pergjithshme me gazetaret, apo posaçerisht me redaksine e "55"-ës, jane nje motiv, jane nje zile e pikelluar per ta kujtuar. Por ai eshte ne kujtesen e shqiptareve dhe i fiksuar nga kamerat e gazetat, si nje ambasador jashtezakonisht aktiv. Ai ishte prezent ne pervjetore, ne inagurime, ne promovime, ne festa, ne vizita pune dhe shkaktonte gjithnje te njejten ndjenje, te njejtin mendim: qe Amerika eshte afer shqiptareve. Kjo ishte shume per ne! Sepse ishte e vertete. Joseph Limprecht kete te vertete e transmetoi tek te gjithe shqiptaret dhe me kete, ai kuroi nje pjese te dhimbjes tone.

Natyrisht, ambasadori amerikan ne Shqiperi ka qene nje gje e enderruar per shqiptaret. Deri shume vone! Deri ne 1992-1993, kur Fatos Nano thoshte per nje nga funksionaret kryesore te ambasades amerikane ne Shqiperi, se ai ka ardhur me thike ne goje. Pikerisht ne ate, ne e kemi dashur me shume figuren e ambasadorit amerikan.

Edhe ne kete dite pikellimi, duke ngushelluar ambasaden amerikane, familjen e zotit Limprecht, miqte e bashkepunetoret e tij, ne mund te themi se edhe kujtimi i te ndjerit, serish na thote diçka. Diçka te mire! Per Ameriken: qe ajo i do shqiptaret!




------------------



O fahri..po ti u ankove se Leskaj te mundi me bidona e thas mielli. u ankove se disa her te kan gjobitur gjykatat socialiste per artikujt e tani mi nxjerr shenjtore diplomatet amerikane.

Jo FAHRI... Ambasada Amerikane eshte sqetull e ngrohte e PS-se dhe mafies se saje ashtu sikurse ishte deri ne sekonden e fundit Ambasada Sovietike e Stalin -Krushovit per banden Hoxha-Kapo-Ramiz e sorrollop mbeshtetse e fuqishme ne shtypjen qe i bente PPSH cdo tendence e mendimi demokratik.
E verteta duhet thene edhe per Ameriken...

Ne se Lino Mariza e kish dashur popullin Shqiptar me nji xerr celulari e kish paralizuar Kasaphanen e 97-tes...por nuk desh dhe ish ajo krah dhenesja e Gjinush-- Caush --Ceka -Zabit -Mejdanve..
Dhe Limprehti..dhe Xhefri ate linje ndjekin..
Se ku eshte halli nuk dim gje por faktet jane se Shqiperia eshte lene perseri peng i KGB-se ashtu sikurse mbas luftes dyt boterore ju la KGB dhe tani po ashtu.



.......

[Brari]

kj shkruan:

E Merkure, 24 Shtator 2003


KONTROLLI I PASURIVE DHE KORRUPSIONI ME PRONAT PUBLIKE

Nga Shpetim Luku

Nje paradoks i vertete shoqeroi Inspektoriatin e Kontrollit dhe Verifikimit te Pasurive. Nga njera ane ai lindi si insitucion shteteror, i thirrur ne apel nga koha, per te luftuar korrupsionin dhe te korruptuarit, nga ana tjeter atij iu miratua nje buxhet prej 25 milione lekesh, por pa pasur zyra. Kerkesave te njepasnjeshme te kryetares se tij, Fatmira Laska, iu pergjigj Ministria e Ekonomise me nje veprim teper racional, te guxishmesh e disi "demode" per ohet e sotme, ku administratoret e prones publige jane kthyer cifligare te saj. Ministri i Ekonomise, Arben Malaj, konform ligjit nuk ngurroi te heqe nga paketa e privatizimit njeren nga ndertesat ku me pare ishte vendosur nje ndermarrje e quajtur MakinaImpex. Ne kete menyre, nje institucion i rendesishem i shtetit u sistemua me zyra. Mirepo ky rast sherben fare mire per te denoncuar korrupsionin qe eshte bere me pronat publike ne te shkuaren. Dihet se edhe shteti ka dinamiken e tij. "Gjymtyre" te reja i lindin atij, ne raport me zhvillimet e vendit. Por "strehimi" i tyre ne zyra eshte dhe do te jete nje problem akoma me i mprehte ne te ardhmen. Pasi pronat publike jane pakesuar tej mase nga inventari, si rrjedhoje e kontratave afatgjate, te lidhura kundrejt tarifave qesharake prej 1 dollare per meter katror. Me vendimin e meparshem te Keshillit te Ministrave, i permiresuar edhe ky se fundi, mjaft drejtore ndermarrjesh e institucionesh, ministrish e kryetare bashkish vrapuan te japin me qera 20 vjecare apo me amfiteoze prona te lakmueshme publike. Duke i konsideruar pronat e publikut si pronat e tyre, pra duke u shnderruar nga kujdestare ne cifligare, keta zyrtare e kompromentuan ne menyre afatgjate shtetin e varfer shqiptar. Ose e thene ndryshe, me kete menyre te vepruari, ata ia zvogeluan se tepermi mundesine e manovrimit shtetit. Institucioneve qe do te lindin ne te ardhmen si kerkese e kohes, do t’iu duhet te bredhin si "cifuti ne shkretetire" per te gjetur nje vend per te future koken. Duke ekspozuar keshtu njerin nga tiparet me negative qe mund te kete nje institucion i tille dhe qe eshte serioziteti. Por prognozat tregojne se do te kete edhe me keq akoma. Do te ndodhe si ne rastin e Agjensise se Garantimit te Depozitave, e cila bleu 400 metra katror zyra, me nje cmim prej 500 mije dollaresh. Ky do te jete pra realiteti dhe paradoksi i radhes. Nga njera ane kemi shtetin, qe ua ka dhene pronat e veta privateve me 1 dollare dhe nga ana tjeter institucionet shteterore qe blejne tek privati me 1220 dollare metrin katror.

---------------------


Pra

Nga njera ane kemi shtetin, qe ua ka dhene pronat e veta privateve me 1 dollare metrin katror dhe nga ana tjeter institucionet shteterore qe blejne tek privati me 1220 dollare metrin katror.


Nga njera ane kemi shtetin, qe ua ka dhene pronat e veta privateve me 1 dollare dhe nga ana tjeter institucionet shteterore qe blejne tek privati me 1220 dollare metrin katror.


Hajde villajduta hajde...

[shoku_sar]

GMA DOWNPLAYS RP'S CORRUPTION RANKING


MANILA, OCTOBER 9, 2003 (MALAYA) President Arroyo yesterday tried to downplay the recent report of the Berlin-based Transparency International (TI) which showed that corruption in the country has worsened.

The TI report is based on the perceived corruption level in 133 countries by business leaders, academics and risk analysts. A score of 10 means the country is "highly clean" while zero means it is "highly corrupt."

The Philippines scored 2.5, along with Albania, Argentina, Ethiopia, Gambia, Pakistan, Tanzania, and Zambia. Last year, the Philippines' score was 2.6. It ranked 92 in the list.

Bangladesh was most corrupt for the third successive year with a score of 1.3, just edging out Nigeria. Finland, Iceland and Denmark continued to top world rankings.

Thailand, to which the Philippines is often compared, ranked 70. Burma ranked 129 and Indonesia 122.

Arroyo said in a statement that the TI report was based on "perceptions of corruption that does not take into consideration hard evidentiary cases or positive actions by governments."

"We may not have breached the level of perceptions on corruption in our country but we are surely doing something about it, which is not reflected in the report," she said.

She claimed that government's procedural reforms and lifestyle checks are "taking their toll on corruption" and revenue agencies are registering increased tax collections.

[Brari]

Koha jone shkruan:

--------

"CIRONKAT" DHE "PESHKAQENET" E KORRUPSIONIT

Nga Feti ZENELI

Njoftimet e deritanishme per rezultat e aksionit policor kunder investimit te parave te krimit dhe korrupsionit, i cili mori shkak nga ngjarja tragjike e 9 janarit ku humben jeten ne det mbi 20 persona, tregojne se ne "rrjeten e hekurt" kane rene vetem disa "cironka" dhe asnje "peshkaqen". Dhe s'ka si ndodh ndryshe ne nje shtet ku "hajduti therret: -kapeni hajdutin!" dhe demagogjia e pushtetareve eshte shnderruar ne menyre qeverisjeje. Parate e krimit dhe korrupsionit qe qarkullojne ne Shqiperi "bejne ligjin" jo vetem ne prapaskene por edhe ne skenen e shoqerise shqiptare. Eshte kjo arsyeja qe mbi 50% e te ardhurave buxhetore gjenerohen nga aktivitete te ngritura me parane e piset dhe mbi 70% e defieitit tregtar perballohet nga para te tilla. Ka me shume se nje dekade qe parate e krimit dhe korrupsionit investohen masivisht ne sektoret me efektiv te qarkullimit ekonomik, dhe eshte shume spekulative te thuash se veprat e ndertuara gjate gjithe kesaj periudhe me kete lloj pareje te jene thjeesht disa lokale apo makina te cilat kane rene keto dite ne "rrjeten e hekurt". Po fabrikat, pallatet shuemkateshe, trojet disa hektareshe ne bregdet, vilat luksoze dhe parate e depozituar jashte shtetit nga e kane burimin? Valle tek rrogat e uleta, parate e paketa te emigracionit apo kredia bankare me pikatore?! Kurresesi jo! Keto lloj fondesh financiare, te cilat ne vitet e para te tranzicionit ushqyen skemat piramidale, pjesa me madhe te te cilave u zhduken pa nam e nishan ne `97-en, mjaftojne vetem per perballuar kushtet minimale te jeteses se familjeve shqiptare. Ne keto kushte, rolin e "investitorit strategjik" ne ekonomine shqiptare e ka luajtur paraja e krimit dhe korrupsionit. Dhe bosat qe i posedojne "de facto" keto fonde kolosale parash jane ne te gjithe piramiden e sotme shtetrore.

Grupi i krizave ne raportin e tij ne raportin e tij me te fundit thekson se, ne Shqiperi 8% e fitimit te biznesit shkon per korrupsionin. Po sipas ketij raporti, 50% e te ardhurave ne vendin tone krijohen ne rruge ilegale dhe jashte sistemit bankar shqiptar qarkullojne rreth 1 miliarde euro. Ne tregues te tille, Shqiperia eshte e pakrahasueshme edhe me vende te tilla te rajonit si Serbia apo Bosnje-Hercegivina, ne te cilat nuk dihet ende se e'fytyre ka shteti demokratik. Kesisoj ne se rajoni i Ballkanit konisderohet sot si rajoni me problematik ne kete drejtim, vendi yne rreshtohet ne krye te top-listes se krimit te organizuar dhe korrupsionit. Por Shqiperia dallohet prej ketyre vendeve edhe per luften e pamjaftueshme institucionale qe behet ndaj ketij "fenomeni kanceroz te institucioneve" sie do ta cilesonte ne nje koference te zhvilluar para disa kohesh ne Tirane kryetari i nenkomitetit per marredheniet ekonomike nderkombetare ne KE, Mikko Elo. Korrupsioni ne Shqiperi eshte i pranishem ne te gjithe nivelet e administrates, duke filluar nga ministrat dhe deputetet dhe duke perfunduar tek zyrtaret e thjeshte te bashkive e te institucioneve te drejtesise. Sipas studimeve te vazhdueshme te bera nga inistucionet nderkombetare, 67,8% e ministrave dhe 61,8% e deputeteve shqiptare jane te korruptuar. Po sipas te njejtave burime, numeri i doganiereve te korruptuar ze shifren 86,6%, ai i zyrtareve te taksave 79%, treguesi i prokuroreve te korruptuar eshte 70,9%, i gjykatesve 80,1%, i zyrtareve te bashkise 69,1%, i oficereve te polcise 56,4%, etj. Treguesi i larte i korrupsionit te doganiereve, tagrambledhesve dhe zyrtareve te tjere ne nivelet e uleta te administrates eshte i tille sepse keta jane "peshqit e vegjel" me te cilet ushqehen "peshqit e medhenje" te korrupsionit ne nivelet e larta te qeverisjes se vendit. Ne vendet e tjera te rajonit keto tregues jane 30-50% me pak se sa ne Shqiperi, nderkohe qe ne vendin tone e paket eshte vetem lufta qe bene qeveria dhe inistucionet e ndryshme qeveritare ndaj korrupsionit. Nje gje te tille e tregon edhe fakti qe ne burgjet shqiptare, numeri i te denuareve per krime ekonomike perben vetem 5% e te denuarve gjithesej, nderkohe qe ne fund te `96-es ky trgues ishte rreth 45%.

Ne Shqiperi ligjet e xhepit kane zvendesuar ligjet e ekonomise se tregut dhe niveli i larte i krimit dhe korrupsionit eshte, vee te tjerash, shkaku kryesor i zhvillimit te ulet ekonomik te vendit tone, faktore te cilat ne kompleks po behen pengese per integrimin ne kohen e duhur te Shqiperise ne BE. E keqja e te keqiave te krimit dhe korrupsionit eshte bananizimi i nje shteti, bananizmi i nje republike. Ne nje media te huaj eshte shkruar para disa kohesh, se kontrabanda detare ne Shqiperi kryehet nga rreth 25 anije vendase, pas te cilave qendrojne qeveritare dhe zyrtare te larte te shtetit shqiptar. Kontrabanda e hekurit e materialeve te tjera te ndertimit, cigareve, karburanteve, pse jo dhe trafiku i droges kryehet me anije te tilla, te cilat dikur kane qene prone e shtetit shqiptar dhe tashme jane privatizuar per "pese leke" nga persona te lidhur me mafien shtetrore. Bile jane publikuar fakte qe vertetojne se disa prej ketyre anijeve kane ndryshuar emrat e pronareve per t'iu shmangur provave te krimit. Korrupsioni i larte qe shoqerohet jo vetem me humbje te konsiderushme te vlerave financiare, por edhe me fuqizimin ilegal te klaneve kriminale, eshte ndoshta nje nder arsyet e forta qe i mban larg Shqiperise investitoret e huaj. Dhe ketu problemi qendron sa ne friken dhe pasigurine e pergjitheshme qe mbjellin klanet kriminale te pasuruara duke blere simbolikisht pasurine kombetare te shqiptareve, aq edhe ne edukaten e larte ligjore te investitoreve te huaj per t'mos u perfshire ne blerje te dyshimta dhe problematike. Niveli i larte i korrupsionit dhe klima e pasigurise se mbjelle prej krimit kane qene shkaku, jo vetem i mosardhjes se asnje investitori te huaj ne keto 7-8 vite e fundit, por edhe i largimit masiv te atyre investitoreve te huaj qe kishin ardhur ne Shqiperi ne vitet `92-'96, gje e cila reflektohet, vee te tjerash, ne renien e numerit te sipermarrjeve te medha private nga nje vit ne tjetrin. Mjafton te permendim faktin se numeri i ketyre shoqerive vitin e kaluar ishte 30% me i vogel se sa ne fund te `96-es.

Renia e pervitshme e ritmeve te zhvillimit ekonomik te vendit, thellimi i varferise ne shtresa te ndryshme te popullsise, rritja e kriminalitetit, bllokimi i reformave demokratike, mungesa e investimeve te huaja, shtimi i burokracise administrative, efikasiteti i ulet e zbatimit te ligjeve, qeverisja inefieiente, etj., jane pasoja te drejteperdrejta te rritjes se nivelit te krimit dhe korrupsionit ne Shqiperi. Per te njejtat arsye numeri i te papuneve eshte rritur nga 190 mije vete ne fund te vitit '96 ne mbi 600 mije vete ne fund te vitit te kaluar. Rritje te paimagjinueshme ka njohur gjate kesaj periudhe edhe kostua e jeteses, si pasoje e rritjes disa here te emimit te mallrave ne treg.

Tentakulat e krimit vendosin ne gjykata, vendosin ne administrate, ne media, ne parlament, ne qeveri, dhe ky eshte rreziku me i madh qe i kanoset te ardhmes se vendit. Megjithate shoqeria shqiptare nuk duhet ta konsideroje fatalitet nje fenomen te tille, pavaresisht shtrirjes qe ai ka ne te gjitha strukturat e administrates shtetrore. Sfida e pare qe duhet perballuar ne kete rast eshte ndryshimi i mentalitetit te asaj pjese te popullsise qe e konsideron krimin dhe korrupsionin "pjese integrale te tranzicionit", pasi realisht kero fenomene perbenjne veprime apo sjellje ilegale qe duhet gjykuar e ndeshkuar realisht. Sigurisht qe nje gje e tille nuk arrihet me aksione te tipit "Puna" apo "Rjeta e hekurt", por me masa ligjore dhe reforma te thella institucionale ne bashkepunim me komunitetin nderkombetar. Rekomandimi kryesor i FIAS, zyres se Bankes Boterore per studime demokratike, per uljen e nivelit te korrupsionit ne Shqiperi ka te beje me ndermarrjen e nje reforme te gjere ne administrate, hartimin dhe mbi te gjithe zbatimin e ligjeve te qarta e te efikase ne veprimtarine politiko-qeverisese te vendit, etj, pasi krimi korrupsioni nuk jane semundje e pasherueshme, pavaresisht perparimit qe kane bere ne jeten e shoqerise shqiptare.



--------kj--------

[christina54]

o zot te iken truri kur meson te gjitha keto .skandaloze.per neve qe jemi jashte jane te reja sepse nuk kemi shum informacion.Qe ajo qeveri eshte e ndyre dhe hajdute e di por qe paska ardh gjendja deri ne kete pike?Tashti a thu do dali ndonje qe nuk ka vjellur,?Veshtir.Do doja ti beja pyetje VINIT DHE TARASIT E LIBRARISE FLORA ADONI ME PER BELULIN.FALENDEROJ DJEMTE PER GJITHE MATERJALET QE SJELLIN NE FORUM.ME GEZON FAKTI QE EDHE SHQIPTARET ASHTU SI NE BOTEN PERENDIMORE KONTRIBOJNE PER TE MIREN E VENDIT DUKE SENSIBILIZU OPINIONIN NEPERMJET MEDIAS..KJO METODE KA DHENE SHUM REZULTAT NE GJITHE BOTEN E QYTETRUAR DHE ME TEPER SE PROKURIT DHE GJYKATAT.

[Brari]

EDITORIALI
Sh...sh

Nga Mero Baze

Shërbimi Informativ Shtetëror, i vetmi segment shtetëror që arriti të faktojë se nuk ka përgjegjësi për tragjedinë e gomoneve, u vendos dje para kritikave të ashpra nga Kryeministri. Kritikat në dukje ishin parimore dhe mund t'i adresoheshin çdo lloj shërbimi, por në kontekstin e ngjarjes së fundit, kritikat e djeshme të Fatos Nanos ndaj SHISH, nuk u ngjanin atyre të një viti më parë. Ndryshe nga një vit më parë, Nano nuk akuzoi SHISH-in, as që ishte marrë me politikë, as që kishte abuzuar financiarisht dhe as që nuk kishte kryer detyrën e tij në raport me shërbimet partnere. Kryeakuza e djeshme e Fatos Nanos për SHISH-in ishte një lloj ankthi që kryeministri kishte nga ideja se SHISH qenkësh duke vrojtuar administratën e tij, megjithëse në heshtje. I alarmuar nga kjo, ai bëri thirrje për të hequr kamuflazhin e SHISH-it në administratë dhe pas kësaj për të kthyer shërbimin thjesht në një SHKB të brendshëm të qeverisë. Surpriza e fundit e SHISH që deklaroi se kishte njoftuar për rifillimin e 'biznesit' të gomoneve bashkë me emërimin e Toskës në krye të Rendit, duket se i kujtoi Kryeministrit që dikush e përgjoka edhe këtu brenda. Ky dikush qenka SHISH, të cilit vetë ia ka ndaluar një vit më parë të merret me punë të paligjshme siç ishin në të vërtetë implikimet në lojërat politike në vend, përdorimi i shtypit dhe abuzimet financiare e deri te përzierja në trafiqe. Ky SHISH i ri, duke parë dhe problemet e paraardhësit të tij, duket se u përqendrua seriozisht te detyrat që ka një shërbim sekret në një vend demokratik dhe gjahu i tij tashmë është bërë, pa dashjen e SHISH-it, administrata e kryeministrit Fatos Nano. SHISH ka rënë në gjurmë të trafikut që të çon në veshin e shurdhër të Igli Toskës dhe Fatos Nanos dhe ky është kthyer tashmë në një problem të ri për kryeministrin. Ai është duke kërkuar një vizion të ri për SHISH-in, një farë kontrolli të tillë mbi të, që ai të mos ketë as fijen më të vogël të konspiracionit dhe të mos bëjë asgjë që nuk e di Kryeministri dhe vartësit e tij. Vizioni i ri i Fatos Nanos për SHISH-in, është thjesht një përpjekje për ta eleminuar këtë hallkë të kontrollit konspirativ mbi administratën dhe kthimin e tij në punëtorë me mëditje të atyre shefave të administratës që në të vërtetë dalin shpesh të lidhur me gomone, vrasje, dogana, tatime, magazina doganore etj.. Pra në një farë mënyre, një SH.shshsh... e madhe për SHISH-in e tanishëm, i cili nuk duhet të fusë hundët, atje ku kryeministri dhe njerëzit e tij kanë futur duart deri në bërryl, siç ishte rasti i trafikut të gomoneve.

------nga gazeta tema----