Moda e fundit.Stilet dhe menyra e te veshurit ne ditet e sotme!

[AuGuSt_]

Fotoja ime pa fotoshop nuk ben dot asgje

[friendlyboy1]

Moda varet me shum nga vendi i punes, klima dhe mosha. Pershembull femijet nen 18 vjec dhe preferojn te jen trendy dhe te vishen me stilet me te fundit te abercrombies, AE dhe hilfiger. Studentat veshin cdo gje qe i ben dhe nuk kushton shtrenjt, njerzit e biznesit e kan de detyrushme te veshin kostume, njerzit qe punojn ne fabrika apo ndertim nuk i nderrojn shpesh rrobat sepse prishen shum shpejt keshtu qe cdo gje e thjesht, e leht per tu veshur shkon. Per veshje te perditshme ne kohen e lir jan ber shum ne mod fleeces qe jan te punuara me materiale sintetike, shembulli me i mir per kete esht eastern mountain qe ka dhe cmime stratosferike.

[StormAngel]

Çfarë propozojnë sfilatat e emrave më të mirë të modës në Milano për vjeshtën që është në prag dhe dimrin që po afrohet? Nga Armani tek Ferre, Versace e Roberto Cavalli, ja si e kanë veshur stilistët më të njohur gruan për sezonin e ri

MODA Vjeshtë-Dimër 2004-2005


Belina Budini

Jo ngjyrave në vjeshtë dhe dimër

Giorgio Armani
Një grua ekscentrike
Giorgio Armani u thotë lamtumirë linjave të pastra, prerjeve të rregullta, minimalizmit: për vjeshtë-dimër 2004-2005 ai ka krijuar gruan ekscentrike. Format kanë pushtuar veshjet, pantallonat dhe kapotat e sfilatës së tij; lulet e mëdha të stilizuara mbushin me atmosferë ngjyrash të errëta pëlhurat e veshjeve të tij; jakat super të kuruara, dyshe ose treshe, me kapuç plus shall si elementi dekorativ strukturor. Gruaja e vjeshtës dhe dimrit të Armanit është e ekzagjeruar, ekscentrike. Kryesisht në bezhë dhe të zezë.

“La Perla”
Bëhuni vajza të mbrapshta!
“La Perla” kërkon të veshë “vajzat e këqia” sipas stilit të viteve ‘70, sensuale dhe të mbrapshtë. Këtë e bën duke përdorur transparencën dhe veshjet e tylta e intime, mëndafshin, shifonin e lehtë, pendë të vogla dhe pëlhura të rrëshqitshme e të buta si për të bërë dashuri. Për t’i mbuluar (ose zbuluar) intimot ka ideuar veshje në version seksi të reduktuara në minimumin e mundshëm dhe që pak vend i lënë fantazisë. E zezë është edhe linja vjeshtë-dimër e “La Perla”.

Fendi
Vetëm peliçe
Kur thua Fendi thua peliçe: dhe këtë Karl Lagerfekd e di. Peliçe të hedhura shpatullave, të varura në krahë, të veshura si mantel, që valëviten nga pas si bisht. Në të gjitha përpunimet e mundshme, të kombinuara me triko, lëkurë, veshje me luspa të arta... Nën to këmisha dhe pantallona me logon dy F. Funde me shtat aq të shkurtër sa lënë të duket getën, trupore me rripa lëkure të veshura me prarim të argjendtë dhe bluza me mëngë të lidhura me byzylykë.

Gianfranco Ferré
Jo thjesht sportive
“City sport dhe urban glam” është tendenca vjeshtë-dimër që ka zbuluar për femrat Gianfranco Ferré: çdo veshje duket e zhbërë dhe e bërë, e çakërdisur dhe vithisur për të ndërtuar një joshje atletike që mbështetet në materialet elastike. Por nuk mungojnë as jelekët nën xhaketa, xhupat dhe pantallonat strech, xhupat me materiale të zbardhura dhe lëkurë të kthyer mbrapsht me anët prej tyli. Por mos e quani një modë sportive! Nuk është e tillë.

Versace e Versus
Rebelim dhe sensualitet
Gruaja-vogëlushe e Versus është më e lehtë, diellore dhe e shkujdesur në të përditshmen, me një grafikë shkollare në veshje, me mini xhaketa dhe maksi kapota, funde të shkurtra, madje edhe me lule. Gruaja e Versaces zbulon në të kundërt që “punk” dhe “glamour” mund të shkojnë bashkë: një çikëz rebelim dhe një dozë e vogël sensualitet dhe ja ku kemi një garderobë origjinale me të verdhë e të zezë, zebratura dhe prerje strategjike.

Just Cavalli
Rock& Fashion
Gruaja e Just Cavalli mban ritmin dhe jo vetëm atë të muzikës: ajo vesh një “rock & fashion” të vërtetë. Prerje si me çekiç dhe materiale të forta. Nuk kalon pa u vënë re falë gjatësisë së reduktuar të fundeve dhe formave të xhaketave me stil të përzier si për ironi ndaj babydoll-ëve të ditës. Në ndihmë për të rënë në sy i vjen edhe seksapili që krijon me minipulovrat si gjimbajtëse. Stili i Just Cavalli vallëzon me bustierët, me stampat tatoo dhe mantelet leopard.

Roberto Cavalli
Femër fatale si për buduar
“Femme fatale” e fillimshekullit, gruaja e Roberto Cavalli jeton në atmosferën dekadente dhe fashinante të buduarëve. Nuk është më një divë hollivudiane, por një krijesë misterioze dhe sensuale, e prekur nga një romanticizëm i çmendur. Jeton natën më shumë sesa ditën. Nuk i ndan pantallonat e praruar, rrobat e dhomës të stolisura me rubin dhe smerald, peliçet sensuale, veshjet me vello të lehtë dhe me shi pikëlash të argjendta, veshjet sirenë me dritarëza rubini, veshjet-zog gjithë pendë. Flokët e gufuar dhe me onde. Ngjyrat, kryesisht të errëta.

Extè
Bond women, gruaja agjente
Mbretëreshë e natës dhe e ditës, gruaja-agjente e dizenjuar nga Sergio Ciucci për Extè ia transmeton lëvizjen e saj të vazhdueshme vallëzuese edhe veshjeve që mban. Për modernen “Bond spy” ka edhe minifund me dritarëza lulesh dhe xhupa me kapuçë maxi, xhaketa të shtrënguara vallëzimi të shoqëruara me bareta trekëndore dhe të zeza; veshje super të lehta të lidhura me bretela të shndritshme dhe bustierë.

Rocco Barocco
Grua e ftohtë si metal
Është një grua metalike ajo që ka krijuar në version sexy punk Rocco Barocco: është e çmuar, me kashmir të pastër në palltot e shtuara me pellush; është e shndritshme, me ar, bronz, argjend të pikuar në tyl, muselinë dhe mëndafsh në sajë të një teknike artizanale. Është e pasur, e shkëlqyer, është farfuritëse me ndonjë piercing diamanti tek-tuk. Flokët e gjatë, të ngritur dhe të ngrirë në pjesën e sipërme në formë kupole jo të ekzagjeruar dhe të llakuar fort.

Max Mara
Elegancë retrospektive
Shumë gjëra flasin për vitet ‘50-‘60 në garderobën e Max Mara: kapotat, ushtarake dhe shik ose me jakë të ngritur, pulovra me rombe dhe gërsheta si efekt i veriut të thellë, por e thyer nga vija të vogla; veshjet e mbrëmjes të mbushur me kristalë të shndritshëm dhe të hapur herë pas here me dritare të thella në kurriz, bretela të lidhura me gjimbajtëset, stil seksi alla amerikan. Elegancë dhe ngjyra të tilla si blu, gështenjë dhe jeshile-kaki.

Laura Biagiotti
Grua me vezullim joshës
Belle Epoque dhe Moulin Rouge janë skena e koleksionit të Laura Biagiotti. Mes fustaneve të gjata e maksifundeve me mini-pala, mes manteleve farfuritës dhe pëlhurave të gjata del siguria e një gruaje që di të mbajë veshjen e duhur nga mbrëmja në darkë: dopiofustan kashmiri, peliçe, mantel kashmiri i punuar rrëmujë, kapotë e mbërthyer hijshëm deri tek qafa, veshje sirene që në çdo çap hapet si një freskore vallëzuese.

Paola Frani
Thjesht grua
Ecën me lehtësi dhe pafajësi, duke u endur edhe në spektrin shik, gruaja e krijuar nga Paola Frani. E pëlqen frymën rinore dhe vishet me fundpantallon dhe maksikapardinë leshi të trashë, e do natyrën dhe vishet me ngjyra botanike me aplikacione lulesh. E do edhe të ngrohtin e nuk heq dorë nga peliçja. E do natën dhe nuk ka lënë pa futur në garderobë edhe veshje “lingerie” gjysmë të dukshme.

[FЯODO]

Stilistet me te njohur ne bote duhen respektuar jo thjeshte se sjellin te rene ne treg por sepse i paraqesin publikut imazhin e tyre te veshjes me moderne , komode dhe terheqese.
Te marrim rastin e Tommy Hilfiger qe per mendimin tim ka stil shume te mire persa i perket pantallonave.
Vetem Aleksander Julian ben panatllona me te mira se Hilfiger per mendimin tim.
Stili i Hilfiger eshte i tille qe cdo gje qe vesh ti pershtatet trupit , te duket e ngushte por ne veshje eshte e lirshme.
Pantallonat per mendimin tim nuk duhet te jene te gjera , pak me te lirshme se ato qe veshin femrat por nuk duhet te kete shume dallim.
Pantallonat e gjera nuk sjellin asgje ne dukje , thjeshte mbulojne pjeset negative te trupit te atyre qe jane mbipeshe.
Aq qejf sa kemi ne te shohim kembet e nje femre ose me mire te them formen e tyre ne pantallonat e ngushta qe ato veshin aq qejf kane edhe femrat te shohin formen e kembeve te mashkullit por jo ne te njejten pikpamje.
Nuk kerkojme te imitojme Gerard Depardeu