Lajme nga Anglia

[Shpirt Njeriu]

Bashkëpunim për të kapur elementët kriminalë


Në një artikull të botuar të enjten në gazetën The Sun, njëra prej më të shiturave në Britaninë e Madhe, shkruhej se në Shqipëri është e mundur që të blesh prej trafikantëve të dokumenteve, pasaporta false britanike. Sipas gazetës, dy të dërguar prej saj, kanë mundur të porosisin pasaporta, të cilat në mënyrë ironike, i kanë porositur me emrin e ministrit të brendshëm Clarke dhe ish- pararendësit të tij Blunkett.
Gazeta shkruan se mes të tjerash, Interpoli thotë se të paktën 40 kriminelë nga Shqipëria, një pjesë e të cilëve vrasës, strehohen në Britaninë e Madhe, pasi kanë siguruar identitet të rremë me pasaporta falso.

Lidhur me këtë, BBC intervistoi shefin e sektorit të Interpolit në Tiranë, Artan Bajraktari.

BBC: A është e mundur të blesh në Tiranë një pasaportë britanike false?

Bajraktari: Nga eksperienca që kam, nuk mund ta pohoj një gjë të tillë ose të kem dijeni për një gjë të tillë, sepse sektori i Interpolit nuk merret me falsifikimin e dokumentave, por një nga pjesët e punës sonë është edhe verifikimi i dokumentave të udhëtimit për jashtë shtetit.

Dhe siç dihet, një nga elementet kryesorë për të realizuar të gjitha format e kriminalitetit, si të terrorizmit, narkotrafikun apo trafikimin e qënieve njerëzore apo mjeteve motorrike, një element është edhe poseidimi i dokumenteve të falsifikuara ose të vjedhura në të bardhë që plotësohen pastaj për këta elementë kriminale. Kështu që nuk e përjashtoj faktin që edhe në Shqipëri, mund të ketë elementë të këtillë.

BBC: Zoti Bajraktari, gazeta shkruan se 40 kriminelë shqiptarë, shumica e tyre vrasës, sipas gazetës, po citoj, kanë hyrë në Britani me dokumente të falsifikuar. A është në dijeni Interpoli shqiptar apo strukturat e shtetit shqiptar të rendit, për një fakt të tillë?

Bajraktari: Jemi në dijeni, sepse këto informacione janë mbledhur nga policitë lokale dhe këta elementë kriminalë që kërkohen, një pjesë e tyre, janë të kërkuar në nivel ndërkombëtar nga drejtësia shqiptare dhe pjesa tjetër janë me aktivitete kriminal, që sipas informacioneve tona, na rezultojnë që këta qytetarë zhvillojnë në Mbretërinë e Bashkuar.

BBC: Dihet që në Mbretërinë e Bashkuar, në Belgjikë apo ndonjë vend tjetër të BE-së, ka shqiptarë me veprimtari të tilla kriminale. A merret Interpoli me ta? Në ç'mënyrë? A po ndiqen apo janë në pritje që të kryejnë vepra të tjera penale? Si veprohet me ta?

Bajraktari: Më falni t'ju korrigjoj, po nuk ka pritje që të kryejnë vepra të tjera. Puna jonë është që t'i parandalojmë dhe t'i godasim në kohë këto veprime kriminale, kështu që këta elementë kriminalë, në qoftë se janë të evidentuar, në sajë të këtij bashkëpunimi që kemi me network-un e Interpolit, dhe në kuadrin rajonal siç është SEC-i apo Europoli, të gjitha këto organizma policore, merren me gjurmimin e klëtyre elementeve kriminalë dhe aktiviteteve të tyre dhe nuk është në pritje .

Ne si Interpol, këto informacione i shkëmbejmë me homologët tanë, në qoftë se posedojmë të dhëna për shtetas shqiptarë që kanë aktivitet kriminal në Angli, në Itali, Gjermani a çdo vend: ky informacion i jepet vendit reciprok dhe ata e vlerësojnë dhe marrin masat e duhura për të verifikuar dhe pastaj, për ta thelluar më tepër këtë informacion për goditjen e këtyre elementëve kriminalë.

Në kuadër të këtij bashkëpunimi policor ne kemi shkëmbyer informacione të tilla me vendet që ju përmenda, respektivisht me Belgjikën dhe me Anglinë, ku ka një pjesë shqiptarësh që jetojnë atje dhe jo të gjithë janë të inkriminuar.

BBC: Si mund ta vlerësoni, z. Bajraktari, bashkëpunimin mes Interpol Tiranës me interpolin në Londër?

Bajraktari: Është i mirë sepse në sajë të këtij bashkëpunimi, këtu në Shqipëri, janë dënuar disa shtetas shqiptarë që kanë kryer vepra kriminale, si vrasje, janë marrë me drogë, apo me rrëmbim personi në Mbretërinë e Bashkuar ku kanë kryer këtë vepër dhe më pas, për t'iu fshehur drejtësisë, janë kthyer në Shqipëri dhe janë proceduar, çështjet janë transferuar dhe ata janë gjykuar me sukses.

[rudo]

desha te sillja artikullin por se gjeta dot se duhet te rregjistrohesh qe te mund te lexosh arkivin. per ato qe duan ta lexojne mund te shojne tek thesun.co.uk dhe tek search te shtypin passport to murder ose albanian.

Shkurtimisht ne artikull flitej per falsifikim pashaportash qe behej nga shqiptaret. Me £100 mund te blesh nje pashaporte angleze dhe te hysh illegalisht ne britani. Dhe gazeta pretendonte se ne kete menyre shume mafioze shqiptare kane hyre ne britani ne kete menyre dhe ushtrojne aktivitetin e tyre atje. Gazeta pretendonte se shume nga mafiat qe u krijuan ne shqiperi ne vitin 97 kane hyre ne angli me pashporta shqiptare dhe mendojne anglija na qenka nje parajse per te kryer aktivitetin mafioz. Dhe prandaj dhe titulli "passport to murder"

[[xeni]]

ne te vertete ketu pak rendesi ka permbajtja e planit. Konservatoret jane perqendruar te nxjerrin te gabuar ligjet mbi emigracionin te qeverise se tanishme dhe sigurisht keto artikuj do te shihen nga votuesit se qeverija e tanishme ka deshtuar dhe se duhet nje plan ndryshe mbi emigracionin.

Nje permbledhje te planit dhe disa reagimi ndaj tij mund ta gjesh ketu : http://news.bbc.co.uk/1/hi/uk_politics/4200761.stm

pershedetje xeni...... forumist i flakte je

rudo, flm. per linkun, plako. je klas je


Tashi, tek tema. Them se shqiptaret kudo qe shkojne, pasi kalon njefare kohe fillojne e behen problematike. Te pakten ne Evrope kshu ka ndodhe. Eshte nje realitet i hidhur por qe duhet ta pranojme. Ne Greqi e me pas ne Itali na doli nami. Tashi edhe Anglia po na njeh si mafioze.
Cila eshte arsyeja e kesaj gjendjeje? Mendoj se me teper se varferia eshte ajo tendenca e shqiptarit me i ra per shkurt e mos me e ça kryt se a po i prish pune kujt a jo.
Me e keqja eshte se nje grup i vogel i prishin pune ndoshta edhe pjeses me te madhe, te cilet mund te jen ma te gatshem me i rrepektu ligjet. Nje problem tjeter eshte edhe fakti se tashme kemi fillu me i tregu edhe bemat. Ky mafiozi, ai tjetri qe gjoja kishte vjedhe banken me kredi etj.
Vallahi, Zoti e bofte mire se kshu si e kena nise edhe UFO-t kena me i ba rracista.



P.S. rudo, mos me shaj me ashtu epitetesh me flake

[Shijaksi-London]

Televizionet britanike kërkojnë ta intervistojnë

Trafikanti shqiptar Bledar Mane, heroi i ditës në Angli


Nga Londra, Muhamed Veliu

Me një numër rekord lëvizjesh të njerëzve klandestinë nga Shqipëria, shumica me destinacion Anglinë, Bledar Mane i ka shokuar të gjithë ata që lexuan intervistën në faqet e "The Sun". Ekspresiv në stilin e tij, tepër diabolik, absolutisht pragmatik, ai ka vënë në lëvizje zyrtarët anglezë, duke i bërë të mendojnë seriozisht se çfarë ka ndodhur në vendin e tyre gjatë kohës kur Mane i ktheu aeroportet e Anglisë në "han pa porta", duke hyrë herë nga Azia e herë nga Europa. Nëse zëdhënësi i "Home Office" u mjaftua me pak fjalë, duke e komentuar intervistën e tij me fjalët se "ne jemi të vendosur që të shkatërrojmë grupet kriminale të përfshira në trafikimin e qenieve njerëzore", e kundërta ka ndodhur në zyrat e lajmeve në gazeta dhe televizione, të mundura nga ekskluzivja e "The Sun". Interesi për "të penduarin" e mafias shqiptare i ka shokuar totalisht mediat britanike, të habitura nga trysnia e bosëve shqiptarë të krimit, por edhe nga "karriera" e pabesueshme dhe djallëzore e përmetarit pamja e parë e të cilit i afrohet më shumë një modeli se një krimineli. Pjesa më shokuese për opinionin ishte fakti se tashmë Mane tenton të bëj një karrierë të re, atë të gazetarit, po me aq sukses sa ajo e trafikantit. Meqënëse ishte hera e parë që në një gazetë britanike publikohej dëshmia e një personi, i cili ka punuar për një grup kriminal shqiptar, ajo ka pasur efektin e saj, madje nga gazetarët e Londrës, në rrugën e tyre me emër "Flit Street", është cilësuar si skup i radhës për gazetën e mirënjohur tabloide "The Sun". Ata, të habitur, kanë shkuar më tej, duke e vlerësuar intervistën e tij si shumë të guximshme. "Është i habitshëm guximi i këtij njeriu për të folur në një gazetë britanike. Është e qartë se e ardhmja e tij mund të jetë me rrezik. Por, unë mendoj se është me rëndësi, që bota të dijë se çfarë ndodh në industrinë e trafikut të njerëzve", shprehet Keith Davkants, 59 vjeç, gazetar në të përditshmen londineze "Evening Standard". Ndërsa kolegu shqiptar i Davkants, gazetari sportiv i gazetës "Albanian Mail", 32-vjeçari Altin Sulçe, e cilëson intervistën e Bledar Manes si rast sinjifikativ i paparë ndonjëherë. "Unë si gazetar ndihem me të vërtetë i habitur se si një njeri prononcohet publikisht, duke thënë se unë kam trafikuar më shumë se 1 mijë qenie njerëzore. Krimi është me gjithë mend i përmasave të mëdha, por sinqeritei i tij tregon se ai ka qënë viktimë e bosëve të krimit. Intervista e tij mbas veprës së kryer të lë të mendosh se çfarë ndodh me të vërtetë në botën e krimit". Ndërkohë mësohet se të paktën dy televizione angleze kanë kontaktuar me gazetën "The Sun" për të pasur mundësinë e komunikimit direkt me vetë Manen. Bledar Mane, pavarësisht se është etiketuar nga nje editorialist i Tiranës si "ekzibicionist i lindur, që ka për pasion për këtë, të sfidojë edhe drurin, edhe qelitë e burgut", është kthyer dje për herë të dytë në temë bisedash, kësaj radhe për gazetarët anglezë, njësoj siç bëri në Tiranë, kur ai dha intervistën e tij të parë në faqet e Gazeta Shqiptare. E gjithë kjo nga guximi i tij tipik i pandryshuar për të folur. Ndërkohë Bledar Mane, heroi i ditës për njerëzit e letrave në Angli, i cili ka ëndërr të bëhet një gazetar investigativ dhe të rendë pas skandaleve, pohon se krahas studimit në universitet, është duke investiguar dy skandale. Sipas tij ato do të botohen në faqet e shtypit shqiptar dhe të huaj.

[Shijaksi-London]

Në Tiranë u falsifikohen pasaportat dy ministravet anglezë


Gazetari investigativ blen në Tiranë pasaporta britanike me 1 mijë euro copa

Nga Oliver Harvey The Sun
Përktheu Muhamed Veliu


Zbulohet skandali i falsifikimit të pasaportave britanike në Tiranë, me emrat e dy ministrave anglezë. Atë që s'kanë mundur ta zbulojnë prej disa vitesh dhe ta parandalojnë autoritetet policore shqiptare, së bashku me ambasadën britanike në Shqipëri, e kanë ekspozuar gazetarët investigativë vetëm në dy ditë. Gazeta më e madhe britanike "The Sun", nëpërmjet një investigimi të suksesshëm të kryer në Shqipëri, ka mundur të hedhë dritë mbi skandalin e falsifikimit të pasaportave britanike në mes të kryeqytetit. Investigimi në fjalë, i botuar dje, ka zënë faqen e parë të gazetës me 5 milionë lexues, nën titullin "Passport to murder", (Pasaport për të vrarë). "The Sun" ka zbuluar se një sërë kriminelësh të rrezikshëm shqiptarë, që fshihen në Angli, janë përdorues të pasaportave britanike, të cilat janë falsifikuar nga mjeshtrat shqiptarë të falsifikimeve në mënyrë perfekte.

Investigimi

Një grup gazetarësh të "The Sun", që vizituan Shqipërinë gjatë muajit dhjetor, bleu me lehtësi dy pasaporta britanike të falsifikuara, ndërsa shitësi i tyre u sugjeroi atyre duke thënë se "Këto pasaporta do t'ju sigurojnë një identitet të ri në Britani", pa e ditur se biseda mes tyre po incizohej nga një kamera e fshehtë dhe po fotografohej nga një fotoreporter tjetër. "Ne arritëm të blejmë dy pasaporta me emrin e ministrit të Brendshëm, Charles Clarke; dhe një tjetër me emrin e paraardhësit të tij David Blunkett, për 1 mijë euro secila", shkruajnë gazetarët që realizuan investigimin në Tiranë. "Për ne ishte shumë e lehtë të arrinim të blinim një pasaportë britanike në Shqipëri", sqarojnë të njëjtët duke bërë publike detajet e blerjes.

Blerja

Ka qënë një informacion i mbërritur nga Tirana në zyrat e "The Sun" në Londër, që ka treguar për mundësinë e blerjes së pasaportave britanike në kryeqytetin shqiptar. Kjo ka vënë në lëvizje gazetarët, të cilët janë nisur me shpejtësi drejt Tiranës, me pamje të ndryshuar, siç e përshkruan artikulli, për të provuar se një informacion i tillë ishte me të vërtetë real. Për ta vetë lajmi skandaloz, në pamje të parë, ka qenë tronditës, por në Tiranë faktet kanë folur vetë, duke u'a shtuar tronditjen më tepër, me zbardhjen e skandalit. Takimi mes gazetarëve dhe trafikantit të pasaportave (emri nuk i përmendet) është zhvilluar në sheshin "Skënderbej". "Pas disa sekondash nga mbërritja jonë përballë Muzeut Kombëtar, u takuam nga një mesoburrë, që kishte veshur xhaketë lëkure. Me ndihmën e një përkthyesi, reporterit tonë Oliver Harvey, burri me mustaqe u ofroi pasaportat e falsifikuara", shkruan "The Sun". Trafikanti është shprehur se "Mund të vendos çdolloj emri që të doni, dhe sipas datëlindjes që do më kërkoni. Ne mund t'i vulosim ato me vula hyrje dhe dalje nga Shqipëria. Ju mund t'i jepni bakshish dikujt në aeroport dhe mund të dilni pa problem. Me të mbërritur në Angli, me to mund të mashtroni njerëzit dhe të kini një identitet të ri", është shprehur trafikanti.

Kujdesi

Por ai i ka paralajmëruar blerësit gazetarë, duke u thënë: "Mundohuni të mos hyni në aeroportet angleze me to. Është më mirë për të blerë pasaporta të vjedhura në Greqi, të cilat kushtojnë 500 euro. Doganierët anglezë do t'i shikojnë nga afër pasaportat angleze, prandaj përdorni greke. Pastaj, me të hyrë në Angli, përdorni këto për të ndryshuar identitetin." I pyetur pse çmimi i tyre është dyfish, trafikanti u është përgjigjur gazetarëve se "Të gjithë duan të vijnë në Angli", duke këmbëngulur se i donte paratë në euro, pasi kursi i dollarit ishte i ulët. "Shkëmbimi i parave dhe pasaportave është kryer vetëm 15 metra nga një makinë policie e parkuar aty, pasi ne kishim dhënë si parapagim 100 euro", tregon gazetari, ndërsa kolegu i tij fotograf Dan Charity, i fshehur matanë rrugës, tek kollonat e Muzeut Kombëtar, ka fotografuar momentin e marrjes së pasaportave.

Pasaporta

E ndërsa gazetari ka futur në xhep pasaportën, trafikanti është larguar me paratë. Pasaporta e falsifikuar mban numrin 922473521, me foton e gazetarit dhe me gjenealitetet e falsifikuara të ministrit të Brendshëm, Charls Clarke. Ndërsa tjetra, me numër 570127342, ka të dhënat e ish-ministrit të Brendshëm, David Blukett.
Një qytetar Tiranas u ka deklaruar gazetarëve se "është e zakonshme që në mes të sheshit të blesh pasaporta të falsifikuara". Ai shtoi: "Të gjithë në Tiranë e dinë se falsifikatorët janë ulur nëpër kafene, nga ku marrin pororsitë. Ata që blejnë, janë kriminelë me para. "Një ekspert kriminalistike në Londër, i cili ka parë pasaportat e falsifikuara në Shqipëri, ka arritur në përfundimin se ato ishin të mjaftueshme, që emigrantët ilegalë t'i përdornin si një identitet të ri në Angli. Specialisti, që këshillon policinë në luftën kundër terrorizmit (emri nuk i publikohet për arsye sigurie) saktëson se "Unë i konsideroj këto pasaporta se ato janë prodhuar për t'u dhënë mundësi njerëzve në Britani, që të kenë një identitet tjetër. Me to mund të mashtrohen bankat, punëdhënësit e kështu me radhë. Vlera e tyre është për të pasur një identitet të ri, dhe jo për t'u përdorur për udhëtim", ka përfunduar ai.

Bashkëpunimi

Gazeta "The Sun" në investigimin e saj tronditës nënvizon faktin e bashkëpunimit të ngushtë midis policisë shqiptare dhe asaj angleze, në luftën kundër organizatave kriminale shqiptare, që veprojnë në Angli. Por, nuk lë pa përmendur një të metë problematike midis dy policive, atë të mospasjes së një marrëveshjeje ekstradimi midis dy vendeve. Një zëdhënës i Home Office ka deklaruar për "The Sun" se "Anglia e ka kuptuar të keqen që mund t'i vijë nga grupet e organizuara kriminale, përfshi ato shqiptare. Qeveria jonë është e vendosur që të punojë me autoritetet shqiptare në luftë kundër krimit të organizuar. Mafiozët shqiptarë fshihen në Angli me të tilla pasaporta". "Disa nga bosët e krimit shqiptar në Britani e zhvillojnë aktivitetin e tyre kriminal duke u fshehur këtu me pasaporta britanike të falsifikuara", shkruan "The Sun", e cila më pas publikon faktet e dala nga goja një oficeri të "Interpol Tiranës". Ai ka deklaruar se WANTED shqiptarë, disa prej tyre vrasës, fshihen në Angli, pasi e shikojnë këtë vend si vendfshehje të sigurt. I njëjti ka sqaruar se rreth 40 prej tyre, që gjënden në listat e "Interpol Tiranës", fshihen në Angli. "Mund të them se ata janë kriminelë seriozë, të cilët janë përfshirë në krimin e organizuar", pohoi ai për "The Sun", duke shtuar: "Ata operojnë në qytete të ndryshme në Angli, duke ndryshuar identitetet e tyre me përdorimin e pasaportave false, duke u fshehur në vendin tuaj. Këta njerëz duhet të ndalohen dhe të futen pas hekurave sa më parë". Një histori personale e oficerit të suksesshëm, që vlerësohet se ngriti strukturën e "Interpolit shqiptar" në nivelet që është sot, ka qenë shembulli më i mirë për të ilustruar atë që ai u ka deklaruar gazetarëve me gjuhën e fakteve. Gjatë një konference në Londër oficeri ka pasur rastin, në një pub në veri të kryeqytetit britanik, të jetë ballë për ballë me një nga personat më të kërkuar shqiptarë të listave në listat e tij. "Pas konferencës shkuam në një bar. U çudita kur pashë një nga kriminelët më të kërkuar në Shqipëri, duke luajtur bilardo. Ai është një njeri shumë i rrezikshëm", ka përfunduar rrëfimin e tij oficeri I Interpol. Personi në fjalë, i cili është zhdukur nga bari pa mundur që të arrestohej, është i kërkuar për vrasje e rrëmbime. Ai ka qenë numri dy i një bande shumë të rrezikshme në Shqipëri gjatë vitit 1997.

Shqiptarët, viktima të krimit shqiptar

Në Britaninë e Madhe janë 30 000 shqiptarë që jetojnë legalisht, thotë e përditshmja tabloide "The Sun". Sipas dr. Mark Galeoti, i cili drejton degën e "Grupit europian të Krimit" në universitetin e Keele-s, mësohet se departamenti i tij ka arritur në përfundimin se "Vetë shqiptarët në Angli janë viktima të krimit shqiptar". Gangsterët shqiptarë përdorin kanunin e shekullit të 15-të, që ka lidhje me gjakmarrjen, nëse nderi është nëpërkëmbur. Përfundumi i dr. Mark Galeoti mund të konsiderohet i saktë, pasi gjatë vitit 2004 në Britaninë e Madhe gjetën vdekjen pesë shtetas shqiptarë, që të gjithë të vrarë në rrethana të ndryshme, po nga shqiptarët, përjashtuar një rast nga xhamaikianët. Numri në fjalë është i lartë, kundrejt vrasjeve të ndodhura vitin e shkuar në Itali dhe Greqi, ku numri i emigrantëve shqiptarë është disa herë më i madh sesa ai i shqiptarëve në shtetin ishullor, që mendohet të jetë në 50 000.
Marrë nga gazeta "The Sun" e datës 27 janar 2005
Rrëfimi i gazetarit investigativ Oliver Harvey


Kush është gazetari invetigativ i The Sun Oliver Harvey


Nga Londra, Muhamed Veliu
Gazeta Shqiptare

Disa nga shkrimet më të mira investigative vitet e fundit në gazetën më të madhe britanike "The Sun" mbajnë firmën e tij. Quhet Oliver Harvey. Është 36 vjeç, shumë i qetë, trupvogël e i papërfillshëm, nga ajo specie njerëzish, që në pamje të parë nuk të japin përshtypje të veçanta. Në 12 vjet karriere në gazetari, ai ka mundur të zbulojë disa skandale, që janë kthyer në arritjet më të mëdha të gazetës me "kokë të kuqe", pronë e manjatit mediatik Rupert Mardock. Në vitin 2003 ai investigoi në Vlorë trafikun e femrave dhe ekspozoi në faqet e kësaj gazete një trafikant shqiptar, duke luajtur rolin e një pronari shtëpish publike në Londër. Marrveshja që trafikanti ofroi ishte "Nëse do të blesh 10 prostituta, do të paguash vetëm për nëntë". "The Sun" do ta publikonte shkrimin në faqen e parë me një titullin "Bleni 10, paguani për 9". Reporteri karizmatik nuk ka përtuar të marrë sërish avionin nga Londra për në Tiranë, ku kësaj here do të zbulonte një skandal, i cili për të do të shkaktonte zhurmën e radhës duke u dërguar mesazhe tronditëse autoriteteve britanike të sigurisë.

[good devil]

po te isha si ty un nuk do i vija shum re ktyre gjerave. gazeta THE SUN eshte me shum per page 3. keshtu qe ata qe e kan lexu shum kollaj e kan harru.

sun eshte tabloid plako ( gjysem e vertet gjysem genjeshter).

kte lloj gjeje e kan bere me perpara (apo the mirror), biles me mbretoret.

thjeshte then nuk eshte nje gazete serioze.

te jap nje shembull te vertet

nje dit nje i shkalluar fetar hyn nje nje kopsht zoologjik dhe donte ti lexonte biblen luanit.
luani pasaj desh e hengri.

kurse gazeta sun e nxjerr kte artikull ne faqen e par.

a kupton ?

[Shpirt Njeriu]

Faqja 10/11 - SPECIALE Janar 30, 2005


Rrëfimi i Bledar Manes: Objekt pengmarrje edhe Jimmy Somerville

Shqiptarët, plan rrëmbimi për komikun anglez


--------------------------------------------------------------------------------

Nga Tirana, Oliver Harvey


Pjestarë të një grupi mafiozësh palanifikuan të rrëmbenin yllin e televizionit britanik Julian Clary, për tre ditë duke e futur atë në një agoni torturuash. "The Sun" mund të vërtetojë gjithashtu se ata njëkohësisht ishin të gatshëm ta vrisnin komedianin, që luan në "Strictly Come Dancin" pasi ta detyronin me forcë që ai të tregonte të dhënat për llogaritë e tij bankare. Tentativa e një rrëmbimi të tmerrshëm, së bashku me grabitjen e këngëtarit të njohur Jimmi Somerville dhe njërës nga motrat këngëtare Appeleton, janë treguar nga ish-pjesëtari i një grupi kriminelësh shqiptarë, Bledar Mane. Bledar Mane 32 Vjeç na tregoi se "Tre djem qëndronin jashtë shtëpisë së Julian, të armatosur me thika, steka bilardoje të thyera dhe ngjitëse. Unë isha brenda në shtëpi në pritje për t'u dhënë sinjalin. Ne planifikuam ta mbanim atë peng për tre ditë, duke e tortoruar në mënyrë, që të na tregonte numrin sekret të kartës bankare. Planifikuam që të tërhiqnim nga llogarija e tij bankare sa më shumë para, që të ishte e mundur. Pastaj pjesën tjetër të parave do ta transferonim nga llogaria e tij nëpërmjet "Western Union" në një llogari tonën në Greqi".

Rrëmbimi mund të kthehej në vrasje
Sipas dëshmisë së Manes: "Ndoshta gangsterët do ta kishin vrarë më pas Julianin". Por ai thotë se prishi planet e tyre të rrëmbimit, pasi pëlqente Julianin, të cilin e kishte parë në programet televizive. Ky komplot i tmerrshëm erdhi në vëmendjen e "The Sun", teksa po investigonim trafikun ilegal të njerëzve në Shqipëri. Ne treguam të Enjten se si gangsterët shqiptarë falsifikojnë pasaportat britanike, të cilat përdoren në Britani për operacionet e tyre kriminale. Mane, i cili na tregoi se ka trafikuar 1000 njerëz në Britaninë e Madhe, u miqësua me komikun 45 Julian Clary, pasi u takuan në një bar në qendër të Londrës, në West End. Mane sqaron "Isha detyruar me forcë që të bëhesha pjesë e këtij grupi kriminal. Unë jam rrahur dhe familja ka qënë nën presion të vazhdushëm. Një nga bizneset e gangsterave në Londër ishte marrja peng e njerëzve të pasur dhe famshëm. Ata më thanë mua, që të shkoja nëpër bare të shtrenja dhe trendy. Jam takuar me Julian nga viti 1994 në një klub nate i quajtur "Substation". I tregova se quhesha Emanuel dhe se isha italian. Gangsterët e grupit më thanë që të zbuloja adresën ku jetonte. U takova me të sërish pas disa javëve. Atë natë shkuam tek shtëpia e tij në lagjen Camden në veri të Londrës, nga ku më pas shkuam duke darkuar së bashku. Gjithashtu takova edhe mikun e tij më të ngushtë, grekun Hektor, së bashku me motrën e tij. Së bashku me Julianin u bëmë miq të mirë. Kurrë nuk kam marë ndonjë para apo gjëra në formë dhuratash nga ai. Ishte një njeri miqësor dhe i qetë. Ishte një kuzhinjer i zoti që gatuante shumë mirë makaronat." Pas pesë muajsh gangsterët e pashpirt ishin gati për aksion, duke i mbushur mendjen Bledarit, që të përgatiste terrenin e rrëmbimit. Mane tregon: "Data ishte fiksuar. Ishte mesi i vitit 1995. Ata më urdhëruan mua, që të shkoja në shtëpinë e Julianit, të shikoja nëse kishte njerëz të tjerë në shtëpi apo jo. Ata thanë: "Kur ai të shkojë në banjo ose të lëvizë nga dhoma, na mundëso të hyjmë në shtëpi. Merremi ne me pjesën tjetër të punës. Ne udhëtuam me makinë drejt shtëpisë së tij, unë hyra brenda ndërsa ata pritën jashtë në makinë. Që të gjithë ishin shqiptarë dhe ndoshta e kishin bërë një gjë të tillë më parë. Plani ishte që të dilja nga shtëpia pas 30 minutash dhe t'u jepja sinjalin për të sulmuar shtëpinë. Por Juliani mu dhimbs. Nuk mund ta shikoja se si ata do ta torturonin para meje. Hapa derën dhe i tregova atyre se shtëpia është mbushur me njerëz, kështu ata u larguan. Disa ditë më vonë tentuan sërish, por unë ndenja tërë natën në shtëpinë e tij pa mundur që të komunikoja me ta. Ishte një plan me të vërtetë prej të çmendurish. Nëse do të kapeshim, do të kishim marrë dënime të rënda". Bledar Mane pohon gjithashtu se ishte urdhëruar nga gangsterët shqiptarë të fillonte njohjen edhe me këngëtaret motra Natalie dhe Nicole Appeltons pjesëtare të pop-grupit All Saints, si edhe me vajzat e tjera të grupit. Ish- pjesëtari i grupit "Communards" Jimmy Somerville shikohej gjithashtu si objekt i mundshëm për tu marrë peng. Më tej Mane thotë: "Gangsterat mendonin se unë kisha një paraqitje të bukur dhe isha karizmatik, kështu që isha njeriu i duhur për t'u miqësuar me njerëzit e famshëm. Jam takuar me njërën nga motrat Appeletons. Gjithashtu munda të takohem edhe me Jimmy Sommerfild në një bar të Londrës".

Mane, shpëtimtari i komikut anglez
Por Mane thotë se në të dyja rastet e rrëmbimit ai i nxori jashtë loje kriminelët shqiptarë, duke devijuar planet për pengmarrje, të cilat nëse do ishin realizuar, mund të kishin qënë fatale për jetën e personave të planifikuar për tu rrëmbyer. Ai ishte arrestuar në aeroportin e Heathrow në Dhjetor 2002 teksa po kryente trafikimin e disa njerëzve. Ai thotë: "I tregova policëve gjithçka rreth Julianit, por ata më lanë të largohem. Gangsterët e grupit të Manes mundet që edhe sot të jetojnë të qetë në Angli.
Julian i kontaktuar nga The Sun pohoi: "Djali më tha se quhej Emauel dhe se ishte italian me profesion basketbollist. Nuk e dija që ishte një trafikant njerëzish. Më kujtohet një rast kur ai ishte i shqetësuar dhe se zilja e telefonit celular i binte çdo minutë. Kjo duhet të ketë ndodhur kur rrëmbyesit po prisnin jashtë". Julian tregon se ai është kontaktuar dhe ka marrë një paralajmërim nga oficerët e Scotland Yard të skuadrës së pengmarrjes. Por ai shtoi: "I jam mirënjohës Emanuelit (Bledar Mane) për parandalimin e rrëmbimit". Mane tani student për gazetari në universitetin e Tiranës pohon: "Më vonë i telefonova Julianit për t'i kërkuar falje dhe lashë një mesazh në telefonin e tij. Në të thuhej: "Më vjen shumë keq Julian, por ju duhet ta kuptoni. -Unë ju shpëtova jetën".
Përktheu nga The Sun Muhamed Veliu


PRILL 2002
Në lindje të Londrës merret peng biznesmeni vlonjat Arif Marto. Ekzekutimi i rrëmbimit kryhet nga Adriatik Malaj 19 vjeç së bashku me Shpëtim Lishën 21 vjeç. Pasi e futin me forcë në makinën e tyre ata e çojnë Marton në një pyll ku e rrahin dhe e drogojnë. I kërkojnë familjes në këmbim të lirimit 50,000 stërlina. Arrestohen pasi e mbajtën Marton 5 ditë peng. Ai ishte keqtrajtuar nga ata. Malaj u dënua me 13 vjet burg ndërsa Lisha 10 vjet burg. Arif Marto vdiq pas një viti nga depresioni.

DHJETOR 2002
Mustafa Kadiu emigrant në Londër me një "travel document" të lëshuar nga "Home Office" udhëton për në Napoli ku mashtron një minorene rumune, e cila punonte si prostitutë për një klan shqiptarësh. E trafikon në Londër, ku me të mbërritur e mban peng në dhomë duke i vënë thikën në fyt për ta detyruar, që të prostituonte për të. Vajza denoncon në polici, e cila arreston Kadiun. U akuzua për rrëmbim personi, përfitimin të ardhurash nga imoraliteti. Dënohet me 11 vjet burg.

MARS 2003
Vëllezërit shkodranë Anton dhe Aleks Gjekaj iniciojnë rrëmbimin e shqiptares A. M., në lagjen "Acton", së bashku me Robert Linadin, Nexhmedin Ramadanin dhe Besnik Brecajn. Pengmarrësit i kërkuan tutorit të saj Sabri Muça 30 mijë paund në këmbim të lirisë. Fundi i Qershorit 2003, do t'i gjente të arrestuarit përballë gjykatësit Martin Zedman. Por gjykatësi pas një gjyqi me kosto rreth një milion paund, e quajti dëshminë e viktimës si "jo të besueshme" duke pushuar çështjen e lënë të lirë ta akuzuarit.


JANAR 2002 -'04
Një nga 13 akuzat e ngritura për supertrafikantin shqiptar Luan Plakici (Artur Kroni) ishte edhe ajo e pengmarrjes me anë të mashtrimit të 7 vajzave. Një akuzë e rëndë për tu vërtetuar nga juria e cila në fund të procesit e gjeti atë fajtor. Kroni bënte trafikimin e tyre nga lindja duke i sjellë në Londër. Keqtrajtimi, rrahjet deri në torturimin e tyre të mbajtura mbyllur në një shtëpi burg ishin pjesë e regjimit të frikshëm ndërtuar nga Kroni. Dënohet me 23 vjet burgim.

MARS 2004
Gjatë dhënjes së dëshmirë një ruse ka rrëfyer se si ajou trafikua në Angli nga "Dimitrov" i cili besohet se e ka blerë atë nga të tjerë shqiptarë në Belgjkë. Më të mbërritur në Londër, do të mbahej e izoluar dhe më pas destinacioni i saj do të ishte prostitucioni, shoqëruar me rrahje sitematike nëse nuk bënte para. Tutori i saj beratas që përdorte një pasaportë false me emrin Niki Dimitrov krahas akuzave për prostitucion u gjet fajtor edhe në akuzën për grabitje personi. Dënohet me 6 vjet

KORRIK 2004
Taulant Merdanaj 28 vjeç sëbashku me Elidon Bregun 19 vjeç do t'u duhet të kalojnë plot 27 vjet në burgjet angleze, pas një shfrytëzimi mizor të dy vajzave lituaneze të cilat i përdormin si skllave seksi në qytetin e Shefildit. Viktimat gjatë dëshmisë së tyre deklaruan se ata gjatë periudhës kohore Korrik-Shtator 2004 janë rrahur dhe përdhnuar dy herë në javë teksa mbaheshin të izoluara. Taulant Merdanaj u dënua me 18 vjet burg dhe Elidon Bregu me 9 vjet burg

SHTATOR 2004
Kanë dështuar përpjekjet e një çifti shqiptarësh të cilët me anë të forcës kërkonin të shfrytëzonin si prostitutë për llogari të tyre një vajzë 23 vjeçare. Po të njëjtin fat ka pësuar edhe procesi gjyqësor në ngarkim të Elis Niklekaj 23 vjeç , dhe gruas së tij Karolina gjithashtu 23 vjeçe, të cilët jetonin në qytetit e Cambridge në veri të Anglisë. Çifti Niklekaj është shpallur i pafajshëm ndaj akuza të ngritura për tentativë rrëmbimi, pengmarrje, dhe detyrimin me forcë për ta bërë prostitute një vajze të re. Ata fituan pafajësinë

TETOR 2004
Njohja e këngëtares burrelse Manushaqe Vata me një të dashur të ri nga Kosova, nuk është toleruar nga Bahri Dani, ish-i dashuri i saj. Në mes të ditës pranë "Arthur Grove Street", ai e ka rrëmbyer ish të dashurën duke e mbajtur peng për dy ditë. Policë të armatosur nga "Scotland Yard" realizuan me sukses lirimin nga shtëpia ku ajo mbahej peng dhe arrestimin e katër pengmarrësve. Të arrestuar në pritje të gjykimit janë Bahri Dani, Herland Bilani, Arjan Gjana e A. Bushi

[Shijaksi-London]

Rrëfimi i Bledar Manes: Objekt pengmarrje edhe Jimmy Somerville

Shqiptarët, plan rrëmbimi për komikun anglez


Nga Tirana, Oliver Harvey

Pjestarë të një grupi mafiozësh palanifikuan të rrëmbenin yllin e televizionit britanik Julian Clary, për tre ditë duke e futur atë në një agoni torturuash. "The Sun" mund të vërtetojë gjithashtu se ata njëkohësisht ishin të gatshëm ta vrisnin komedianin, që luan në "Strictly Come Dancin" pasi ta detyronin me forcë që ai të tregonte të dhënat për llogaritë e tij bankare. Tentativa e një rrëmbimi të tmerrshëm, së bashku me grabitjen e këngëtarit të njohur Jimmi Somerville dhe njërës nga motrat këngëtare Appeleton, janë treguar nga ish-pjesëtari i një grupi kriminelësh shqiptarë, Bledar Mane. Bledar Mane 32 Vjeç na tregoi se "Tre djem qëndronin jashtë shtëpisë së Julian, të armatosur me thika, steka bilardoje të thyera dhe ngjitëse. Unë isha brenda në shtëpi në pritje për t'u dhënë sinjalin. Ne planifikuam ta mbanim atë peng për tre ditë, duke e tortoruar në mënyrë, që të na tregonte numrin sekret të kartës bankare. Planifikuam që të tërhiqnim nga llogarija e tij bankare sa më shumë para, që të ishte e mundur. Pastaj pjesën tjetër të parave do ta transferonim nga llogaria e tij nëpërmjet "Western Union" në një llogari tonën në Greqi".
Rrëmbimi mund të kthehej në vrasje
Sipas dëshmisë së Manes: "Ndoshta gangsterët do ta kishin vrarë më pas Julianin". Por ai thotë se prishi planet e tyre të rrëmbimit, pasi pëlqente Julianin, të cilin e kishte parë në programet televizive. Ky komplot i tmerrshëm erdhi në vëmendjen e "The Sun", teksa po investigonim trafikun ilegal të njerëzve në Shqipëri. Ne treguam të Enjten se si gangsterët shqiptarë falsifikojnë pasaportat britanike, të cilat përdoren në Britani për operacionet e tyre kriminale. Mane, i cili na tregoi se ka trafikuar 1000 njerëz në Britaninë e Madhe, u miqësua me komikun 45 Julian Clary, pasi u takuan në një bar në qendër të Londrës, në West End. Mane sqaron "Isha detyruar me forcë që të bëhesha pjesë e këtij grupi kriminal. Unë jam rrahur dhe familja ka qënë nën presion të vazhdushëm. Një nga bizneset e gangsterave në Londër ishte marrja peng e njerëzve të pasur dhe famshëm. Ata më thanë mua, që të shkoja nëpër bare të shtrenja dhe trendy. Jam takuar me Julian nga viti 1994 në një klub nate i quajtur "Substation". I tregova se quhesha Emanuel dhe se isha italian. Gangsterët e grupit më thanë që të zbuloja adresën ku jetonte. U takova me të sërish pas disa javëve. Atë natë shkuam tek shtëpia e tij në lagjen Camden në veri të Londrës, nga ku më pas shkuam duke darkuar së bashku. Gjithashtu takova edhe mikun e tij më të ngushtë, grekun Hektor, së bashku me motrën e tij. Së bashku me Julianin u bëmë miq të mirë. Kurrë nuk kam marë ndonjë para apo gjëra në formë dhuratash nga ai. Ishte një njeri miqësor dhe i qetë. Ishte një kuzhinjer i zoti që gatuante shumë mirë makaronat." Pas pesë muajsh gangsterët e pashpirt ishin gati për aksion, duke i mbushur mendjen Bledarit, që të përgatiste terrenin e rrëmbimit. Mane tregon: "Data ishte fiksuar. Ishte mesi i vitit 1995. Ata më urdhëruan mua, që të shkoja në shtëpinë e Julianit, të shikoja nëse kishte njerëz të tjerë në shtëpi apo jo. Ata thanë: "Kur ai të shkojë në banjo ose të lëvizë nga dhoma, na mundëso të hyjmë në shtëpi. Merremi ne me pjesën tjetër të punës. Ne udhëtuam me makinë drejt shtëpisë së tij, unë hyra brenda ndërsa ata pritën jashtë në makinë. Që të gjithë ishin shqiptarë dhe ndoshta e kishin bërë një gjë të tillë më parë. Plani ishte që të dilja nga shtëpia pas 30 minutash dhe t'u jepja sinjalin për të sulmuar shtëpinë. Por Juliani mu dhimbs. Nuk mund ta shikoja se si ata do ta torturonin para meje. Hapa derën dhe i tregova atyre se shtëpia është mbushur me njerëz, kështu ata u larguan. Disa ditë më vonë tentuan sërish, por unë ndenja tërë natën në shtëpinë e tij pa mundur që të komunikoja me ta. Ishte një plan me të vërtetë prej të çmendurish. Nëse do të kapeshim, do të kishim marrë dënime të rënda". Bledar Mane pohon gjithashtu se ishte urdhëruar nga gangsterët shqiptarë të fillonte njohjen edhe me këngëtaret motra Natalie dhe Nicole Appeltons pjesëtare të pop-grupit All Saints, si edhe me vajzat e tjera të grupit. Ish- pjesëtari i grupit "Communards" Jimmy Somerville shikohej gjithashtu si objekt i mundshëm për tu marrë peng. Më tej Mane thotë: "Gangsterat mendonin se unë kisha një paraqitje të bukur dhe isha karizmatik, kështu që isha njeriu i duhur për t'u miqësuar me njerëzit e famshëm. Jam takuar me njërën nga motrat Appeletons. Gjithashtu munda të takohem edhe me Jimmy Sommerfild në një bar të Londrës".
Mane, shpëtimtari i komikut anglez
Por Mane thotë se në të dyja rastet e rrëmbimit ai i nxori jashtë loje kriminelët shqiptarë, duke devijuar planet për pengmarrje, të cilat nëse do ishin realizuar, mund të kishin qënë fatale për jetën e personave të planifikuar për tu rrëmbyer. Ai ishte arrestuar në aeroportin e Heathrow në Dhjetor 2002 teksa po kryente trafikimin e disa njerëzve. Ai thotë: "I tregova policëve gjithçka rreth Julianit, por ata më lanë të largohem. Gangsterët e grupit të Manes mundet që edhe sot të jetojnë të qetë në Angli.
Julian i kontaktuar nga The Sun pohoi: "Djali më tha se quhej Emauel dhe se ishte italian me profesion basketbollist. Nuk e dija që ishte një trafikant njerëzish. Më kujtohet një rast kur ai ishte i shqetësuar dhe se zilja e telefonit celular i binte çdo minutë. Kjo duhet të ketë ndodhur kur rrëmbyesit po prisnin jashtë". Julian tregon se ai është kontaktuar dhe ka marrë një paralajmërim nga oficerët e Scotland Yard të skuadrës së pengmarrjes. Por ai shtoi: "I jam mirënjohës Emanuelit (Bledar Mane) për parandalimin e rrëmbimit". Mane tani student për gazetari në universitetin e Tiranës pohon: "Më vonë i telefonova Julianit për t'i kërkuar falje dhe lashë një mesazh në telefonin e tij. Në të thuhej: "Më vjen shumë keq Julian, por ju duhet ta kuptoni. -Unë ju shpëtova jetën".
Përktheu nga The Sun Muhamed Veliu

Pengmarrjet e kryera nga shqiptarët në Britaninë e Madhe


PRILL 2002
Në lindje të Londrës merret peng biznesmeni vlonjat Arif Marto. Ekzekutimi i rrëmbimit kryhet nga Adriatik Malaj 19 vjeç së bashku me Shpëtim Lishën 21 vjeç. Pasi e futin me forcë në makinën e tyre ata e çojnë Marton në një pyll ku e rrahin dhe e drogojnë. I kërkojnë familjes në këmbim të lirimit 50,000 stërlina. Arrestohen pasi e mbajtën Marton 5 ditë peng. Ai ishte keqtrajtuar nga ata. Malaj u dënua me 13 vjet burg ndërsa Lisha 10 vjet burg. Arif Marto vdiq pas një viti nga depresioni.
DHJETOR 2002
Mustafa Kadiu emigrant në Londër me një "travel document" të lëshuar nga "Home Office" udhëton për në Napoli ku mashtron një minorene rumune, e cila punonte si prostitutë për një klan shqiptarësh. E trafikon në Londër, ku me të mbërritur e mban peng në dhomë duke i vënë thikën në fyt për ta detyruar, që të prostituonte për të. Vajza denoncon në polici, e cila arreston Kadiun. U akuzua për rrëmbim personi, përfitimin të ardhurash nga imoraliteti. Dënohet me 11 vjet burg.
MARS 2003
Vëllezërit shkodranë Anton dhe Aleks Gjekaj iniciojnë rrëmbimin e shqiptares A. M., në lagjen "Acton", së bashku me Robert Linadin, Nexhmedin Ramadanin dhe Besnik Brecajn. Pengmarrësit i kërkuan tutorit të saj Sabri Muça 30 mijë paund në këmbim të lirisë. Fundi i Qershorit 2003, do t'i gjente të arrestuarit përballë gjykatësit Martin Zedman. Por gjykatësi pas një gjyqi me kosto rreth një milion paund, e quajti dëshminë e viktimës si "jo të besueshme" duke pushuar çështjen e lënë të lirë ta akuzuarit.

JANAR 2002 -'04
Një nga 13 akuzat e ngritura për supertrafikantin shqiptar Luan Plakici (Artur Kroni) ishte edhe ajo e pengmarrjes me anë të mashtrimit të 7 vajzave. Një akuzë e rëndë për tu vërtetuar nga juria e cila në fund të procesit e gjeti atë fajtor. Kroni bënte trafikimin e tyre nga lindja duke i sjellë në Londër. Keqtrajtimi, rrahjet deri në torturimin e tyre të mbajtura mbyllur në një shtëpi burg ishin pjesë e regjimit të frikshëm ndërtuar nga Kroni. Dënohet me 23 vjet burgim.
MARS 2004
Gjatë dhënjes së dëshmirë një ruse ka rrëfyer se si ajou trafikua në Angli nga "Dimitrov" i cili besohet se e ka blerë atë nga të tjerë shqiptarë në Belgjkë. Më të mbërritur në Londër, do të mbahej e izoluar dhe më pas destinacioni i saj do të ishte prostitucioni, shoqëruar me rrahje sitematike nëse nuk bënte para. Tutori i saj beratas që përdorte një pasaportë false me emrin Niki Dimitrov krahas akuzave për prostitucion u gjet fajtor edhe në akuzën për grabitje personi. Dënohet me 6 vjet
KORRIK 2004
Taulant Merdanaj 28 vjeç sëbashku me Elidon Bregun 19 vjeç do t'u duhet të kalojnë plot 27 vjet në burgjet angleze, pas një shfrytëzimi mizor të dy vajzave lituaneze të cilat i përdormin si skllave seksi në qytetin e Shefildit. Viktimat gjatë dëshmisë së tyre deklaruan se ata gjatë periudhës kohore Korrik-Shtator 2004 janë rrahur dhe përdhnuar dy herë në javë teksa mbaheshin të izoluara. Taulant Merdanaj u dënua me 18 vjet burg dhe Elidon Bregu me 9 vjet burg
SHTATOR 2004
Kanë dështuar përpjekjet e një çifti shqiptarësh të cilët me anë të forcës kërkonin të shfrytëzonin si prostitutë për llogari të tyre një vajzë 23 vjeçare. Po të njëjtin fat ka pësuar edhe procesi gjyqësor në ngarkim të Elis Niklekaj 23 vjeç , dhe gruas së tij Karolina gjithashtu 23 vjeçe, të cilët jetonin në qytetit e Cambridge në veri të Anglisë. Çifti Niklekaj është shpallur i pafajshëm ndaj akuza të ngritura për tentativë rrëmbimi, pengmarrje, dhe detyrimin me forcë për ta bërë prostitute një vajze të re. Ata fituan pafajësinë
TETOR 2004
Njohja e këngëtares burrelse Manushaqe Vata me një të dashur të ri nga Kosova, nuk është toleruar nga Bahri Dani, ish-i dashuri i saj. Në mes të ditës pranë "Arthur Grove Street", ai e ka rrëmbyer ish të dashurën duke e mbajtur peng për dy ditë. Policë të armatosur nga "Scotland Yard" realizuan me sukses lirimin nga shtëpia ku ajo mbahej peng dhe arrestimin e katër pengmarrësve. Të arrestuar në pritje të gjykimit janë Bahri Dani, Herland Bilani, Arjan Gjana e A. Bushi

[indrit gjoni]

ça jan kto traplliqe mer. si i besoni.pffff

[EDUARDI]

ncncncncnc
e zot na ruj ca behet