Lajme nga Anglia

[diikush]

Ha Ha Sa U Kenaqa ,

Mire Ia Beri

natyrisht, keto mentalitete dhe 'kenaqesira' do na cojne la e me la neve, dhe fajin natyrisht qe nuk e kemi ne ......

[[xeni]]

Ketu flitet per vjedhjen a thu se kjo eshte ndonje burreri e madhe.


Eshte e vertete qe shqiptaret kane shume halle jashte shtetit, e sidomos ne Angli, ku pjesa me e madhe jane pa dokumenta. Te marresh nje karte identiteti italiane sa per te pas mundesi me la pjata ne nje restorant qe te fitosh ca leke nuk eshte ndonje krim. Me kete nuk i ben dem as shtetit anglez as popullit. Por te mashtrosh banken...
Anglezet jane kopila mor... Ku ta falin anglezet... Heret a vone dikujt do ia nxjerrin hunsh...

Nuk e marr vesh me ç'qellim e ka percjelle kete lajm gazetari...A eshte kjo trimeri? A eshte zgjuarsi?...?

[Piranha]

keto jane peralla mer shoke virtuale......
nuk i merr dot njeri poundin anglise pa ja kthyer me %.......atje eshte e lehte te marresh kredi por dhe shume e veshtire mos t'ia kthesh.....
nejse i uroj mentorit nga berati mos te vrapoj shume se do pengohet shpejt....

[rudo]

Keto ditet e fundit eshte perfolur shume per mafian shqiptare ne UK.
Dje ne faqen e pare te gazetes The Sun ishte artikulli me titull Passport to Murder po ashtu jepej nje interviste me Bledar Mane ish trafikant qe na paske futur ne angli illegalisht me mijera persona. Ndoshta intervista me te ka bere me shume buje. Se pari si ka guxuar te flasi dhe te nxjerre identitetin. E dyta vitet e fundit ka pasur shume probleme me emigracionin. Ka pasur nje reagim te publikut kunder emigranteve qe ka bere qeverine te ndryshoje qenderimin e saj. Ndersa sot po ne faqen e pare me titullin Mafia plot to kidnapp Clary eshte nje artikull qe flet per nje plan te shqiptareve per ta rrembyer ate.

Duhet thene qe the Sun eshte paksa gazeta raciste dhe ka nje antipadi per te huajt. Por duket se mbi te gjitha keto artikuj jane te motivuar politikisht. Ato jane ne mbeshtetje te partise opozitare britanke e kryesuar nga Michael Howard, vete nje emigrant nga Rumania. Vetem para disa ditesh Howard shpalosi politiken e tij per emigracionin, i cili eshte nje shqetesim per popullaten vendase. Dihet qe The Sun eshte mbeshtese e forte e howardi-t. Artikulli u botua shume shpejt pas programin te tij mbi emigracionin dhe ne fund te artikullit thuhej: per te mbeshtetur planin e Michael Howard per emigracionin na telefononi ne kete numer.......

[[xeni]]

E cili eshte plani i Howard, rudo?

Xeni.

[Shpirt Njeriu]

Faqja 8 - SPECIALE Janar 29, 2005


"The Sun" investigon krizën e emigracionit në Britaninë e Madhe

Bledar Mane: Si trafikova 1000 njerëz në Britani


--------------------------------------------------------------------------------

Përktheu nga "The Sun" Muhamed Veliu


Britania është një nga objektivat parësorë për trafikantët e qenieve njerëzore në të gjithë botën, trafik të ardhurat e të cilit kapin vlerën e 3.5 miliardë paundëve në vit. Mendohet se 95 për qind e emigrantëve ilegalë që mbërrijnë në Angli çdo vit, janë sjellë nga trafikantët e qenieve njerëzore. Në ditën e dytë të një investigimi special në Shqipëri, gazeta "The Sun" ka mundur të bisedojë me një nga trafikantët më të suksesshëm shqiptarë, i quajtur Bledar Mane. Ai tregon sekretet e këtij biznesi djallëzor. Është hera e parë që në një gazetë britanike publikohet dëshmia e një personi, i cili ka punuar për një organizatë mafioze shqiptare.

Ish-njeriu i mafias shqiptare Bledar Mane ka mundur që të trafikojë 1000 persona ilegalisht në Britani gjatë 9 viteve. 31-vjeçari shqiptar pranon se disa prej tyre ishin njerëz të krimit dhe thotë se madje disa edhe terroristë. Ish-trafikanti i tregoi "The Sun" se "të hysh në Britaninë e Madhe është shumë e lehtë. Vendi juaj është parë si një vend i butë për trafikantët e njerëzve. Ju vetëm tregoni pasaportën nëpër aeroporte dhe ata do t'ju lënë të kaloni. Unë e kam bërë këtë me qindra herë. Është më e lehtë të fshehësh 20 njerëz, sesa 20 pako me kokainë, pasi trafikimi i njerëzve është më me pak rrezik për t'u kapur". Kur Mane tentoi të dilte nga ky biznes i ndyrë, bosët e tij gangsterë e rrahën dhe kërcënuan familjen e tij, që ai të vazhdonte.

Trafiku
Ai tregon: "Kam ndihmuar të paktën 3000 veta për në destinacione të ndryshme të botës për më shumë se tetë vjet, shumicën prej të cilëve e kam trafikuar në Angli. Mund ta konsideroj veten time si trafikanti shqiptar më i suksesshëm. Por, nuk e kam bërë këtë punë me dëshirën time. Jam rrahur dhe torturuar disa herë. Dhëmbët e poshtëm m'i thyen, së bashku me krahët dhe hundën, kur unë u mundova një herë të lija grupin e mafiozëve ku punoja. Shpeshherë njerëzit që trafikova për llogari të tyre, ishin persona me probleme, kriminelë të kërkuar nga policia. Në një rast kam trafikuar dy njerëz të shërbimit sekret shqiptar. Shumica e njerëzve, që kam trafikuar, ishin shqiptarë, por edhe jordanezë, tunizianë dhe egjiptianë. Nuk kisha asnjë ide se cilët ishin ata. Mund të kenë qenë terroristë, vrasës ose gangsterë". Mane shton: "Kam arritur që në një herë të vetme, të trafikoj 12 njerëz në Angli me dokumente false. Kur ata vijnë në vendin tuaj, është shumë e lehtë për të ndërruar identitetin dhe të marrin ndihma sociale. Ne mund të fshihnim njerëzit nga aeroportet Heathrow, Gatwick, Luton, Birmingham dhe Manchester. "Koha më me shumë punë për mua ishte viti 1999, kur trafikoja njerëz nga aeroporti i Heathrow-t. E kam bërë këtë rrugë edhe tre herë në javë. Oficerët anglezë të emigracionit janë shumë miqësorë dhe me kulturë, por nuk janë shumë profesionistë".

Përfshirja
Mane është lindur në një qytet jugor të Shqipërisë. Kur ishte 18 vjeç udhëtoi për në kryeqytetin shqiptar Tiranë, për të aplikuar në universitet dhe filloi punë si përkthyes. Ai tha: "U takova me disa djem, të cilët më kërkuan që t'i ndihmoja në aplikimin e disa formularëve për viza në vende të ndryshme. Unë atëherë mund të flisja mirë frëngjisht dhe greqisht, por pak italisht dhe anglisht. Fitoja pak para atë kohë, dhe djemtë për të cilët punoja ishin në një nivel të vogël kriminal. Pa dëshirën time kjo ishte rruga që më çoi drejt mafias. E shtova aktivitetin tim duke shoqëruar njerëz në ambasada, duke pretenduar sikur të isha udhëheqës grupesh turistësh për djem të rinj, dhe se kisha për detyrë t'u merrja viza atyre. Në vitin 1993 u përfshiva me njerëz të cilët kishin lidhje të forta kriminale. Ata më rrahën keq, duke më detyruar që të shoqëroja njerëz nëpër aeroplane. Ishte e tmerrshme, por bëra si më thanë. Shumica e të shoqëruarve ishin për në Angli. Detyra ime ishte t'i ndihmoja njerëzit të pajiseshin me pasaporta të falsifikuara dhe më pas për kalimin e tyre në aeroporte pa u kuptuar nga doganierët dhe shërbimet e emigracionit.

Londra
Në vitin 1994 bosët e Manes e vendosën që ai të vendosej në Londër, ku mbërriti me pasaporta false dhe kërkoi azil. Ai kujton: "Nuk m'u besua kur autoritetet më dhanë një shtëpi të paguar në lagjen 'Bayswoter' në qendër të Londrës. Gjithashtu merrja 37 paund për të shpenzuar". Në Londër ai i'u bashkua një celule të vogël mafiozësh shqiptarë të përbërë nga tre veta. Mane thotë: "Ata ishin shumë të rrezikshëm, mbanin thika, të cilat nuk kishin frikë t'i përdornin. Ata më mësuan si të aplikoja për ndihma sociale. Duhet të punoja për ata, pasi më kërcënonin se do të më vrisnin ose do të torturonin familjen time. Më duhet të bëja ashtu siç më thonin ata. Ne u treguam njerëzve që trafikonin që nëse kapeshin, të kërkonin menjëherë azil. Disa prej tyre ishin njerëz me arsim të lartë, të cilët kërkonin të bënin një jetë më të mirë në Angli. Por disa kriminelë shumë këqinj".

Shkolla
Mane u regjistrua në një kurs për media në një nga kolegjet e Londrës, duke vazhduar operacionet e fshehjes së njerëzve. Ai tha: "Nuk ndihem fajtor për atë që kam bërë. Jam munduar disa herë që të largohem nga kjo punë. U përpoqa t'u tregoj autoriteteve disa herë, por ata nuk më dëgjuan. Nga viti 1996 deri në 1998 në mënyrë konstante jam marrë me trafikimin e njerëzve. Trafikova katër njerëz për në Montreal dhe kërkova azil atje, pasi isha i tmerruar dhe kisha pasur mjaft telashe. Grupi kriminal ku bëja pjesë i bëri presione njerëzve të familjes, duke u thënë se do t'i vriste. Këto presione më detyruan që të rikthehesha dhe të punoja prapë për ta". Kur Mane ishte sërish në Angli dhe punoi sërish për ta, ata e lanë të lirë të shkonte. Në 1998 ai arrestohet. Më pas dënohet me 6 muaj burg për mbajtje dhe udhëtim me dokumente false.

Burgimet
Në vitin 2002 në Shqipëri Mane do të dënohej sërish me dy vjet burg për mbajtje të dokumenteve të falsifikuara. Po atë vit, në dhjetor, ai do të merrej në pyetje në aeroportin Heathrow, ndërsa po udhëtonte me pasaportë false. Ai u deportua, por do të detyrohej nga gangsterët shqiptarë të punonte sërish për ta. Një vit më vonë ai vendosi t'ia tregonte historinë e tij një televizioni të Tiranës, por u arrestua në hyrje të studios, nga ku më pas do të gjykohej dhe dënohej me katër muaj burg. Tani Mane po studion për gazetari në Universitetin e Tiranës. Ai tha: "Kurrë nuk kam bërë para nga e gjithë kjo. Nuk kam asgjë të depozituar gjëkundi. Industria e qenieve njerëzore tani është kthyer në një industri të madhe dhe qeveria juaj duket sikur nuk po tregon kujdes". Një zëdhënës i "Home Office" tha se "ne jemi të vendosur, që të shkatërrojmë grupet kriminale të përfshira në trafikimin e qenieve njerëzore".


Kush është "i penduari i mafias shiqptare"

Mane, mospërfillja ndaj njeriut që erdhi pas "baronëve të krimit"
Bledar Mane trokiti në redaksinë e Gazeta Shqiptare vetëm një muaj pas vrasjes së bujshme të Genci Sinës, shoferit të Kryeprokurorit shqiptar, Theodhori Sollaku. Ishte nëntori i vitit 2003. Dy ditë më parë ish-ambasadori amerikan në Tiranë, Xhejms Xhefri, kishte lëshuar mesazhe kërcënuese ndaj atyre, që i quajti "baronët shqiptarë të krimit". Njeriu që trokiti në derën e "Gazeta Shqiptare" e tha se quhej Bledar Mane, mes të tjerave pohoi se ishte shumë dakord me këtë deklaratë të ambasadorit amerikan, por sipas tij "baronët e vërtetë të krimit" ishin pjesë e strukturave të shtetit, kryesisht të policisë, gjë të cilën ambasadori nuk e dinte. Më dëshirën e tij Mane, gjatë një interviste në televizionin News 24 dhe me "Gazeta Shqiptare" akuzoi një pjesë të personave, të cilët të vendosur në pikat kyçe të administratës shtetërore, ishin organizatorë të trafikut të qënieve njerëzore nga aeroporti i Rinasit. Dëshmia e Manes në faqet e Gazetës kishte data dhe detaje të tjera, të cilat fare mirë mund të tërhiqnin vëmendjen e prokurorisë për të filluar një hetim. Por si gjithmonë, në raste kur mediat publikojnë skandale të ngjashme, akuza nuk reagoi. Heshtja e prokurorisë duket bëri me krahë njerëzit që Mania akuzoi, të cilët i përgatitën atij një kurth shumë djallëzor. Mane ftohet në një emision televiziv, porositet të marrë me vete dy pasaporta false, nga ato që përdorte dikur për trafik, dhe arrestohet nga policia jo larg derës së televizionit. Rezultati: 4 muaj burg, vetëm sepse drejtësia shqiptare injoroi, apo paragjykoi dëshmitë e tij.

[Shpirt Njeriu]

Trafikanti shqiptar Bledar Mane, heroi i ditës në Angli

Nga Londra, Muhamed Veliu


Me një numër rekord lëvizjesh të njerëzve klandestinë nga Shqipëria, shumica me destinacion Anglinë, Bledar Mane i ka shokuar të gjithë ata që lexuan intervistën në faqet e "The Sun". Ekspresiv në stilin e tij, tepër diabolik, absolutisht pragmatik, ai ka vënë në lëvizje zyrtarët anglezë, duke i bërë të mendojnë seriozisht se çfarë ka ndodhur në vendin e tyre gjatë kohës kur Mane i ktheu aeroportet e Anglisë në "han pa porta", duke hyrë herë nga Azia e herë nga Europa. Nëse zëdhënësi i "Home Office" u mjaftua me pak fjalë, duke e komentuar intervistën e tij me fjalët se "ne jemi të vendosur që të shkatërrojmë grupet kriminale të përfshira në trafikimin e qenieve njerëzore", e kundërta ka ndodhur në zyrat e lajmeve në gazeta dhe televizione, të mundura nga ekskluzivja e "The Sun". Interesi për "të penduarin" e mafias shqiptare i ka shokuar totalisht mediat britanike, të habitura nga trysnia e bosëve shqiptarë të krimit, por edhe nga "karriera" e pabesueshme dhe djallëzore e përmetarit pamja e parë e të cilit i afrohet më shumë një modeli se një krimineli. Pjesa më shokuese për opinionin ishte fakti se tashmë Mane tenton të bëj një karrierë të re, atë të gazetarit, po me aq sukses sa ajo e trafikantit. Meqënëse ishte hera e parë që në një gazetë britanike publikohej dëshmia e një personi, i cili ka punuar për një grup kriminal shqiptar, ajo ka pasur efektin e saj, madje nga gazetarët e Londrës, në rrugën e tyre me emër "Flit Street", është cilësuar si skup i radhës për gazetën e mirënjohur tabloide "The Sun". Ata, të habitur, kanë shkuar më tej, duke e vlerësuar intervistën e tij si shumë të guximshme. "Është i habitshëm guximi i këtij njeriu për të folur në një gazetë britanike. Është e qartë se e ardhmja e tij mund të jetë me rrezik. Por, unë mendoj se është me rëndësi, që bota të dijë se çfarë ndodh në industrinë e trafikut të njerëzve", shprehet Keith Davkants, 59 vjeç, gazetar në të përditshmen londineze "Evening Standard". Ndërsa kolegu shqiptar i Davkants, gazetari sportiv i gazetës "Albanian Mail", 32-vjeçari Altin Sulçe, e cilëson intervistën e Bledar Manes si rast sinjifikativ i paparë ndonjëherë. "Unë si gazetar ndihem me të vërtetë i habitur se si një njeri prononcohet publikisht, duke thënë se unë kam trafikuar më shumë se 1 mijë qenie njerëzore. Krimi është me gjithë mend i përmasave të mëdha, por sinqeritei i tij tregon se ai ka qënë viktimë e bosëve të krimit. Intervista e tij mbas veprës së kryer të lë të mendosh se çfarë ndodh me të vërtetë në botën e krimit". Ndërkohë mësohet se të paktën dy televizione angleze kanë kontaktuar me gazetën "The Sun" për të pasur mundësinë e komunikimit direkt me vetë Manen. Bledar Mane, pavarësisht se është etiketuar nga nje editorialist i Tiranës si "ekzibicionist i lindur, që ka për pasion për këtë, të sfidojë edhe drurin, edhe qelitë e burgut", është kthyer dje për herë të dytë në temë bisedash, kësaj radhe për gazetarët anglezë, njësoj siç bëri në Tiranë, kur ai dha intervistën e tij të parë në faqet e Gazeta Shqiptare. E gjithë kjo nga guximi i tij tipik i pandryshuar për të folur. Ndërkohë Bledar Mane, heroi i ditës për njerëzit e letrave në Angli, i cili ka ëndërr të bëhet një gazetar investigativ dhe të rendë pas skandaleve, pohon se krahas studimit në universitet, është duke investiguar dy skandale. Sipas tij ato do të botohen në faqet e shtypit shqiptar dhe të huaj.

[Hyllien]

Rumunet, kane teza shume interesante per shfarosjen e historise shqiptare. Normalisht qe si Greket kur hypen ne fron me martesen qe bene me ANgline dhe e shkaterruan nje here e pergjithmone historine, ashtu dhe Rumunet tani kane aspirata qe te shkaterrojne dhe ate cfare ka mbetur nga Shqiperia. Si perfundim ne jemi nje rrace jevgjish, qe nuk na dihet origjina.

Sa per SUN, mos u cudit, eshte reviste skandalistike ne shume aspekte, por qe njeriu i fast food-eve ato ka per baze njohurish, dhe keshtu krijohet dhe opinioni per ne shqiptaret. SA per ate mikun qe ka dhene interviste, mund te debatohet se sa fajtor eshte ne krahasim me po ata dy "drogashet" qe morren "peng" autbuzin ne athine.

[rudo]

ne te vertete ketu pak rendesi ka permbajtja e planit. Konservatoret jane perqendruar te nxjerrin te gabuar ligjet mbi emigracionin te qeverise se tanishme dhe sigurisht keto artikuj do te shihen nga votuesit se qeverija e tanishme ka deshtuar dhe se duhet nje plan ndryshe mbi emigracionin.

Nje permbledhje te planit dhe disa reagimi ndaj tij mund ta gjesh ketu : http://news.bbc.co.uk/1/hi/uk_politics/4200761.stm

pershedetje xeni...... forumist i flakte je

[rudo]

Sa per SUN, mos u cudit, eshte reviste skandalistike ne shume aspekte, por qe njeriu i fast food-eve ato ka per baze njohurish, dhe keshtu krijohet dhe opinioni per ne shqiptaret. SA per ate mikun qe ka dhene interviste, mund te debatohet se sa fajtor eshte ne krahasim me po ata dy "drogashet" qe morren "peng" autbuzin ne athine.

kjo shume e vertete eshte dhe ne ciklet akademike the Sun shihet si gazete jo e denje te lexohet dhe qe lexohet vetem nga njerez te nivelit te ulet te shoqerise. Dihet tashme qe merret me jeten seksuale te njerezve dhe menyra e te shprehuarit ne gazeta eshte jo e pelqyeshme. Por shumica e njerezve jane te kesaj kategorie fatkeqesisht. Eshte gazeta me e shitur me 5 million kopje dhe mendohet te kete nje infuence te forte mbi votuesit. Ekziston nje thenie qe kandidati qe fiton zgjedhjet eshte ai i mbeshtetur nga Robert Murdoch (pronar i the sun).

ndoshta arsyeja kryesore qe e solla artikullin eshte te diskutojme per problemin e grupeve mafiose shqiptare dhe imazhin e keq qe i krijojne kombit sesa rreth zgjedhjeve te ardhshme.