Lajme nga Anglia

[Shijaksi-London]

Dëshmia: Më tregoi se ekzekutoi dy persona. Dje seanca për trafikimin e minorenes

"Tutori im shqiptar vrau 2 vetë"
Angli, lituanezja tradhton në gjyq Shaban Makën


Nga Londra, Muhamed Veliu
Gazeta Shqiptare

ANGLI

Një i akuzuar për trafik femrash është tradhtuar nga një mike e tij lituaneze, e cila ka zbuluar se ai është vrarësi i dy personave, një në Shqipëri e një në Skoci. Bëhet fjalë për Shaban Makën, i cili bashkë me dy shqiptarë të tjerë dhe me miken e tij nga Lituania, Lina Yunel, janë akuzuar nga një minorene 15-vjeçare se e kanë shfrytëzuar për prostitucion. Por në seancën e djeshme, në gjykatën e Sheffildit në veri në Angli, dje është "harruar" se për çfarë gjykohej Maka, Yunel dhe dy shqiptarët tjerë: Ilir Bajrami e Xhevahir Pisha. Kjo, pasi e akuzuara tjetër Lina Yunel ka tradhtuar mikun e saj, duke i thënë gjykatës se ai ishte vrasës i dyfishtë, gjë që është pranuar nga shqiptari në sallën e gjyqit.

Rrëfimi
Lituanezja 28-vjeçare i ka thënë jurisë dhe drejtuesit të seancës gjyqësore se miku i saj shqiptar, 24-vjeçari Maka, i ka treguar që ka bërë dy vrasje. "Ai më ka treguar vetë se, kur ka qenë 14 vjeç, në Shqipëri ka vrarë me armë zjarri një njeri. Ndërsa në Skoci ka therur me thikë një djalë", ka thënë lituanezja trafikante. Megjithëse nuk dinte detaje rreth vrasjeve, gjykata i ka marrë të vërteta dëshmitë e saj. "Pasi ka bërë vrasjen në Shqipëri, Maka, familjarisht, ka emigruar në Itali dhe më pas, i vetëm, ka shkuar në Skoci. Ai më ka treguar se në këtë shtet ka vrarë me thikë një djalë, pasi i kishte goditur një mikun e tij. Viktimën e ka gjetur në një lokal, e ka nxjerrë jashtë dhe më pas e ka goditur disa herë me thikë", ka vazhduar rrëfimin e saj lituanezja Yunel.

Tradhtia

Megjithëse e akuzuar me tre shqiptarët për trafikimin e patriotes së saj minorene, Yunel nuk e ka pasur të vështirë ta "tradhtojë" Makën. Kjo, pasi, sipas dëshmisë së saj, nuk e ka pasur asnjëherë mik apo nuk ka përfituar nga trafikimi i minorenes, por edhe vetë ka qenë viktimë e tij, madje e detyruar me forcë të jetë pjesë e grupit. "Shaban Maka më ka blerë dhe më ka detyruar me forcë të futem në industrinë e seksit", ka thënë vajza 28 vjeçe, duke shtuar se "ai më ka kërcënuar se do të më coptonte nëse nuk do t'i qëndroja besnike". Ndërsa njëherë që ka tentuar t'i ikë shqiptarit, pas pak minutash është gjetur nga ai dhe është tërhequr zvarrë deri në banesën e tij. Ndërkaq, në seancën e djeshme, Maka, dy shqiptarët e tjerë Pisha e Bajrami, si dhe lituanezja Yunel, kanë mohuar akuzat. Madje, 28-vjeçarja ka thënë se ishte e detyruar të bënte rolin e përkthyeses mes Makës e vajzës së mitur, e cila i denoncoi shqiptarët dhe patrioten e saj për trafikim.

[1vjecari]

nuk duhet te quhet tradhti kjo qe beri lituanezja. ndoshta drejtesi

[manoklla]

nuk duhet te quhet tradhti kjo qe beri lituanezja. ndoshta drejtesi

Bingo! Komplet dakord.

[Brari]

po.. mir e ke ti cuni..

po ndroje nickun or 1 vjecar se na ve ne pozit kur do na bjere rasti si tani te diskutojme..mbas teje..

humorin beje ndryshe jo ne nick.. ose mos hyre ne tema serioze..



Shijaksi.. !

Nga shkrimet e tua kuptoj se Anglia eshte streha e krimineleve me barbare qe ka pjelle ajo cop Shqiperi..

Dikur Anglezet na kan njohur si popull i ndonji zotnije si Tajar Zavalani me shok.. tani besoj u ka hyre tmerri..

Kjo jo per fajin tend por faj i nje epoke ne historine tone qe krijoi Xhunglen me njerez te ketij soji sikurse personazhet e shkrimeve tua..

Mirpo nuk besoj se vetem Londra eshte keshtu..
Keshtu duhet te jete Milano..Parisi Brukseli etj..etj..
Mirpo sic duket je ti qe na e sjell Londren ashtu lakuriq.. e se mungojne koleg te tute e si ty ne kryeqendrat e tjera te Europes e Botes..

Do ishte mire qe mbasi ti e ben detyren nga Londra ta vazhdojne koleget e tu ne Shqiperi gjysmen tjeter te punes..
Psh.. na tregove per nje Shaban sot..qe ka vrare dhe njerez.. do duhej ne Shqiperi te investigohej..se kush eshte shabani atje.. cte zeza u ka bere popullit atje.. kujt nene ja ka nxire jeten.. cili qen e bir qeni ( te me falin ata qe i duan kafshet fisnike sikurse qenin) shef policie e proko roro gjykates e minister e liroi apo nuk e arrestoi kurre kanibalin Shaban.. sa kate e ka vil hotel bordellon ky Shabani.. cili deputet mbulon zonen e shabanit..pse kan fjetur .. po shkolla e shabanit qe 14 vjec vrau nje njeri ku ishte.. po lagja fshati ..kryeplaku ..Komunari e prefekti..pse kan fjetur.. edhe se cdo dite e kan marre rrogen..
Deri kur do vuaj Shqiptari ne Shqiperi e ai Jashte nga keta Shabanet qe na vrasin e na felliqin...

Shijaks edhe se ne ca gjera politike nuku jemi bashk ne nje linje.. perseri te admiroj per punen fisnike dhe heroike qe ben..

Suksese..kudo e shendet e gezime ne familjen tende..

Po se harrova.. Po erzeni mo.. eshte bere depo kermash degjova...

Gjynaf.. E meriton Shqiperia mesme nje lum te paster apo jo..

cdo te mire..

[Sinister]

Shijaksi.. !

Nga shkrimet e tua kuptoj se Anglia eshte streha e krimineleve me barbare qe ka pjelle ajo cop Shqiperi..


cdo te mire..

Ne pjesen e pare te ksaj fjalie qe the e ke pergjigjen.
Nga shkrimet e ketija megjithmend qe Anglia del strehe kriminelesh per shqiptaret...

Pse nuk shkrun nje artikull historik psh qe tregon pazarlleqet ne Londer ne 1912-ten ndaj Shqiperise?
E di un pse nuk e shkrun...se nuk i plasi kuj ne Angli per interesat e shqiptareve prandaj...e vetmja gje qe i plas anglezeve esht te shohin perralla me Mafie ne faqe te pare qe te kalojne kohen, dhe ky ja jep pa pas problem se c'fare imazhi krijon per bashke-atdhetaret e tij ne Angli.

si nuk pashe ndonje rus apo maltez apo nej gazetar tjeter me kombesi nga grupet mafjoze te londres tu e kerku kroniken e zeze lart e poshte te entuziazmuar per ta lidh popullin e tij me mafien e me terrorizmin ne kembim te suksesit neper tabloids, gazetat me plehre te Anglise?

[manoklla]

po.. mir e ke ti cuni..

po ndroje nickun or 1 vjecar se na ve ne pozit kur do na bjere rasti si tani te diskutojme..mbas teje..

humorin beje ndryshe jo ne nick.. ose mos hyre ne tema serioze..



Shijaksi.. !

Nga shkrimet e tua kuptoj se Anglia eshte streha e krimineleve me barbare qe ka pjelle ajo cop Shqiperi..

Dikur Anglezet na kan njohur si popull i ndonji zotnije si Tajar Zavalani me shok.. tani besoj u ka hyre tmerri..

Kjo jo per fajin tend por faj i nje epoke ne historine tone qe krijoi Xhunglen me njerez te ketij soji sikurse personazhet e shkrimeve tua..

Mirpo nuk besoj se vetem Londra eshte keshtu..
Keshtu duhet te jete Milano..Parisi Brukseli etj..etj..
Mirpo sic duket je ti qe na e sjell Londren ashtu lakuriq.. e se mungojne koleg te tute e si ty ne kryeqendrat e tjera te Europes e Botes..

Do ishte mire qe mbasi ti e ben detyren nga Londra ta vazhdojne koleget e tu ne Shqiperi gjysmen tjeter te punes..
Psh.. na tregove per nje Shaban sot..qe ka vrare dhe njerez.. do duhej ne Shqiperi te investigohej..se kush eshte shabani atje.. cte zeza u ka bere popullit atje.. kujt nene ja ka nxire jeten.. cili qen e bir qeni ( te me falin ata qe i duan kafshet fisnike sikurse qenin) shef policie e proko roro gjykates e minister e liroi apo nuk e arrestoi kurre kanibalin Shaban.. sa kate e ka vil hotel bordellon ky Shabani.. cili deputet mbulon zonen e shabanit..pse kan fjetur .. po shkolla e shabanit qe 14 vjec vrau nje njeri ku ishte.. po lagja fshati ..kryeplaku ..Komunari e prefekti..pse kan fjetur.. edhe se cdo dite e kan marre rrogen..
Deri kur do vuaj Shqiptari ne Shqiperi e ai Jashte nga keta Shabanet qe na vrasin e na felliqin...

Shijaks edhe se ne ca gjera politike nuku jemi bashk ne nje linje.. perseri te admiroj per punen fisnike dhe heroike qe ben..

Suksese..kudo e shendet e gezime ne familjen tende..

Po se harrova.. Po erzeni mo.. eshte bere depo kermash degjova...

Gjynaf.. E meriton Shqiperia mesme nje lum te paster apo jo..

cdo te mire..

i madh je braro. llatar fare e ben analizen sinoptike ne cdo teme. po ca hum kot kohe ne forum o burr se ketu idete humbin. bej ndonje gje zyrtare.

[inter_forever]

Shtypi si gjithmone i zmadhon gjerat .
Ndoshta shumica e ngjarjeve mund te jene edhe te sajuara nga lituanezja.

Ndoshta gaboj , por per mua e vetmja viktime e vertete eshte minorenja 15 vjecare .
Ato historite e vrasjeve ai debili shqiptar do ja kete treguar per tu dukur i forte ne syte e saj , por per mua ai nuk ka vrare asnje laraske ne shqiperi .Se po te ish vrases i veretet nuk ja tregonte nje pule lituaneze qe e ke sot e nuk e ke neser.
Per te devijuar akuzat lituanezja ka nxjerre perrallat e vrasjeve .
Lituanezja eshte bashkepunetore ne mashtrimin e 15 vjecares dhe do denuar ashtu si shqiptari...

[Shijaksi-London]

Londër, kontrollonin shtëpi publike, burg tropojanëve

Nga Londra
Muhamed Veliu

11 Mars Angli: Në grupin e shqiptarëve edhe një turk. Besmir Rama e bleu 18-vjeçaren lituaneze 4.000 stërlina

Gjykatësi: “Arratisjen e Sandrës nga vendi i shfrytëzimit e cilësoj dramatike”



Tre shqiptarë dhe një turk janë dënuar me 15 vjet e gjysmë burg për kontrollin e një shtëpie publike në lagjen "Ponders End", Middlesex, në veri të Londrës. Njëri prej tyre, Besmir Rama, është gjetur fajtor edhe ndaj akuzave për trafikimin me anë të mashtrimit dhe detyrimin me forcë për të bërë prostitutë një lituaneze 18-vjeçare.

Procesi

Do t'i duhej plot gjashtë javë gjykatës për t'i dhënë fund procesit gjyqësor në ngarkim të të katërve.

Ndërsa juria do të shpenzonte tri ditë në gjetjen fajtor të tyre, vetëm në akuzat për kontroll të shtëpisë publike dhe trafikimin e viktimës nga Rama, për qëllime prostitucioni në Britaninë e Madhe. Ata nuk kanë gjetur fajtorë të akuzuarit e tjerë për burgosje të rreme dhe kontroll prostitucioni, sikurse nuk kanë gjetur fajtor Ramën në dy akuzat për përdhunim.

Dënimi

Të tre shqiptarët dhe turku janë dënuar me 15 vjet e gjysmë burg së bashku. Protagonisti kryesor në këtë proces ka qenë 19-vjeçari Besmir Rama, i cili bleu për 4000 paund minorenen. Ai është dënuar me 11 vjet e gjysmë burg. Ndërsa miqtë e tij kanë marrë dënime të lehta. Turku 22-vjeçar, Hasan Atesogullari, së bashku me Flamur Nuzën, 26 vjeç, janë gjetur fajtorë për kontrollin e një shtëpie publike dhe janë dënuar me nga 18 muaj burg secili. Ndërsa, Adil Jahelezi, 22 vjeç, është dënuar me 12 muaj burg. Atesogullari me Nuzën ishin ata, të cilët majin e vitit të shkuar organizuan marrjen nën kontroll e shtëpisë publike. Jahelezi u punësua nga ata si roje sigurie në ambientet e saj, ndërkohë që Besmir Rama detyroi me forcë lituanzen 18-vjeçare të shesë trupin e saj për llogari të tyre.

Gjykatësi

Gjatë leximit të dënimit, gjykatësi Richard Hone QC, duke iu drejtuar Besmir Ramës, i cili ishte në qendër të të gjithë procesit tha: “Nuk do ta quaja aspak të drejtë të lexoja këtë vendim pa u sqaruar rrethanat, të cilat më çuan në përfundimet e tij. Krimi që keni ndërmarrë është serioz dhe ndëshkohet me burgim të gjatë. Roli juaj në këtë operacion prostitucioni ishte që të çonit Sandrën në shtëpinë publike. Ju ishit ai që e pritët në aeroport, për ta vlerësuar sikur të ishte një mall që po blihej në treg. Arratisjen e saj nga dritarja e shtëpisë publike do ta quaj dramatike. Sandra, momentet e arratisjes ishte pa këpucë, pa pasaportë, pa dokument identifikimi, pa para. Dua të nënvizoj se ajo mbi të gjitha ishte e frikësuar, gjë për të cilën ju jeni përgjegjësi kryesor”. Këto ka thënë gjykatësi anglez, i cili duke vijuar leximin e vendimit ka nënvizuar faktin se, “trafiku i femrave për prostitucion, veçanërisht i vajzave të reja si në këtë rast, nuk është vetëm problem i Britanisë së Madhe, por edhe i vendeve të tjera. Është një shkelje flagrante e të drejtave të njeriut. Një shfrytëzim i tillë që ju ndërmorët nuk duhet falur dhe toleruar nga shoqëria jonë. Krimi që keni ndërmarrë është serioz. Këtë e kemi mësuar nga dëshmia e Sandrës për katër ditë dhe nga thëniet e dëshmitarëvë që zgjatën 17 ditë me radhë në këtë proces. Ju dënoj me 10 vjet burg për akuzën e trafikimit për qëllime prostitucioni dhe 18 muaj burg për kontrollin e shtëpisë publike. Duke përfunduar leximin e dënimit, gjykatësi i ka thënë Besmir Ramës: “Prezenca juaj në Britaninë e Madhe nuk do t'i sjellë asnjë dobi këtij vendi, pavarësisht se familja juaj jeton në Londër, unë do t'i propozoj ministrit të Brendshëm deportimin tuaj nga Anglia në fund të dënimit”, ka thënë gjykatësi anglez, ndërsa Besmir Rama i veshur me një xhaketë sportive "Najk" ngjyrë gri të hapët, një bluzë të kuqe dhe tuta sportive blu, më pas ka ulur kokën duke u larguar drejt qelive të gjykatës.

Mashtrimi

Në fillim të majit 2004, Sandra është kontaktuar nga një bashkëfshatar i saj, duke i ofruar mundësi punësimi në një hotel të Londrës. Ajo bie dakord, pasi për këtë gjë merr bekimin e prindërve, gjë të cilën e pranoi nëna e saj gjatë dhënies së dëshmisë në gjykatë. Sandra do të mbërrinte në aeroportin e "Heathrout" së bashku me një vajzë tjetër, Lina, dhe një grua me moshë të vjetër e quajtur Vilma, më 27 maj 2004. Besmir Rama kishte dalë në aeroport t'i priste, ka thënë Sandra në gjykatë. Në ditët në vazhdim lituanezja që fliste shumë pak anglisht, është dërguar në adresa të ndryshme në veri të Londrës si dhe në një pub në Turnpike Lane dhe "Ëood Green. Ajo e ka kuptuar shumë shpejt se ishte mashtruar dhe kërkonte rrugëdalje nga situata në të cilën ishte, duke tentuar arratisjen nga Rama. Është larguar me sukses në një rast, por ajo e mbetur si “peshku pa ujë” që ngec në llucë, në mes të katër rrugëve në veri të Londrës kapet nga Rama, e cila e godet me shuplakë. ”Kam paguar për ty 4 mijë paund. Ti do të bësh çfarë të them unë”, i ka thënë Rama lituanezes, e cila e ka treguar episodin e arratisjes mes lotëve, të cilat se lejonin të artikulonte mirë fjalët. Të gjitha dokumentet, përfshi pasaportën, do t'i merreshin.

Shtëpia publike

Më datë 2 qershor 2004, Sandra do të dërgohej në një shtëpi publike në lagjen "Ponders End", Middlesex EN. Për dy ditë, nën observimin e rreptë të Adil (Kreshnik) Jahelezit, punësuar si roje në shtëpinë publike, Sandra do të detyrohej të shiste trupin e saj. Mbrëmjen e datës 3 qershor 2004, ajo do të mund t'i arratisej mbikëqyrjes së Jahelezit, duke dalë në çatinë e shtëpisë publike, më pas është kacavjerrë pas një peme, duke kërkuar strehim te shtëpia tjetër. Të nesërmen, policia me anë të forcës hyri në apartamet, i cili përdorej si shtëpi publike. Flamur Nuza, Hasan Atesogullari dhe Adil (Kreshnik) Jahelezi, u arrestuan brenda apartamentit si të dyshuar në përfshirjen e rrëmbimit dhe mbajtjen si të burgosur të Sandrës. Ndërsa koka e grupit Besmir Rama do të arrestohej në datën 6 qershor 2004, pas një operacioni policor.

“Të dënuarit ishin të pashpirtë ndaj viktimës”

Numri një i policisë londineze për veriun e Londrës, superintendent Bill Ëoodhall i policisë së Enfield, në një prononcim të tijin për mediat pas dënimit të marrë nga tre shqiptarët dhe turku deklaroi: “Të dënuarit e sotëm provuan se ata ishin të pashpirtë, duke demostruar aspak humanizëm ndaj viktimës. Të jetuarit dhe fitimi i parave nga shfrytëzimi i një vajze në këtë mënyrë, siç e bënë ata është shqetësuese në ekstrem. Vajza e re ka kaluar një eksperincë të vështirë, një horror të vërtetë, ajo nuk ishte vetëm subjekt për ta burgosur padrejtësisht e futur në prostitucion, por shpresat e saja për një jetë më të mirë janë shkatërruar. Ishte kurajoja e saj dhe asistenca që i dha policisë, që bëri të mundur sjelljen përpara drejtësisë dhe dënimin e këtyre trafikantëve të qënieve njerëzore.

Tre të dënuarit jetonin ilegalisht në Angli

Sipas hetimeve të policisë, mësohet se Besmir Rama, Flamur Nuza dhe Adil Jahelizi, që të tre jetonin ilegalisht në Britaninë e Madhe. Hetuesit pas kontakteve me policinë shqiptare kanë mësuar se ata janë shtetas shqiptarë nga qyteti i Tropojës. Momentin e arrestimit, Besmir Rama i ka treguar policëve se kishte vetëm gjashtë javë që kishte mbërritur në Angli, por një dokument i zyrës së emigracionit paraqitur gjykatës, tregon se ai ka mbërritur dhe ka kërkuar azil në vitin 1996. Gjithashtu është mësuar se Rama në vitin 2001 ka dalë përpara po kësaj gjykate me akuzat për plagosje me dashje. Por është lënë i lirë për mungesë dëshmitarësh. Flamur Nuza dhe Adil Jahelezi, normalisht duhet të liroheshin në sallën e gjyqit, pasi koha e paraburgimit plotëson masën e dënimit të dhënë nga gjykatësi, por ata janë marrë nga oficerët e emigracionit për t'i deportuar për në aeroportin e Prishtinës dhe më pas me asistencën e KFOR-it të transportohen drejt kufirit shqiptar.

[Shijaksi-London]

Mos ma bëboni babin

12 Mars
Deportimi shqiptarit Shkëlzen Shquti, pritja e bashkëshortes Kerry dhe lotët e vajzës Rebeka.

Trudy Mart: “Takimi në qendrën e detencionit ishte shumë i prekshëm. Ata nuk mund të ndalnin lotët”

Gazeta angleze shkrim për shqiptarin

Përktheu Muhamed Veliu

Nga Evening Telegraph

Peterborough



Anglia vazhdon dëbimin e emigrantëve shqiptarë, pavarësisht se ata kanë krijuar familje. I tillë është edhe rasti i Shkëlzen Squtit, që rrezikon kthimin në Shqipëri, duke lënë pas në qytetin e Peterborough gruan dhe vajzën e vogël, e cila ka ditë që pyet: “Kur do të kthehet babi”, ndërsa anglezja Kerry Barthorpe, pret pranë telefonit ndonjë lajm për moskthimin e njeriut që vendosi të ndaj së bashku fatet e jetës. Gazeta lokale “Evening Telegraph” në qytetin e Peterborough, ka botur në faqen e parë ngjarjen e dëbimit të shqiptarit me shpresë për të sensibilizuar opinionin dhe ndalimin e dëbimit. "Metropol" sjell të plotë historinë e dhimbshme të një shqiptari që pret të dëbohet, gruas së tij që po vajton dhe rrezikon ndarjen ndoshta të përjetshme nga ai, dhe vajzës së vogël të cilës do t'i duhet të rritet pa baba. Vetëm se babai i saj fatkeq, si shumë bashkëkombas të tij në Britaninë e Madhe, është emigrant shqiptar pa dokumente.

Një vajzë e vogël mes lotëve ka ditë që po qan për babanë e saj, pa e ditur se ai është mbyllur në një qendër detencioni nga ku pritet ta dëbojnë për në Shqipëri. Situata është më e komplikuar për nënën e saj, Kerry Barthorpe, 22 vjeçe, e cila nuk mund të gjej kurajon t'i tregojë vajzës se babai i saj, një emigrant nga Shqipëria, duan ta dëbojnë nga Anglia.

Problemi

Kerry ishte e vetëdijshme ndaj problemeve që kishte bashkëshorti i saj shqiptar, në lidhje me statusin e emigrantit që nga shkurti i 2003, kur ata u martuan. Por, për të lajmi erdhi si një shok i vërtetë, kur Shkëlzen Shquti, pasi kishte shkuar për të firmosur në polici siç e bënte çdo muaj, e kishin mbajtur, duke mos u kthyer në shtëpi. Kerry, e cila banon në rrugën Branston Rise, Uelland, në qytetin e Peterborough, shpresonte që Shkëlzeni, i cili hyri ilegalisht në Britaninë e Madhe i fshehur në një kamion, kur ai la Shqipërinë në vitin 1999 mund ta lejonin të qëndronin së bashku, në mëntyrë që ata të rrisnin fëmijën e tyre pranë qytetit të Peterborough. Por, shpresat ishin shkrumuar si një letër e djegur, kur Shkëlzeni la shtëpinë për të raportuar në polici fundjavën e shkuar. Ai nuk është kthyer dhe nuk ka patur mundesi që të telefonojë dhe të thotë se është arrestuar.

Babi kur do të vish në shtëpi?

E sëmurë nga frika, Kerrit do t'i duhesh që vetë ajo të telefononte policinë për të marrë informacion. Ajo tha: "Nuk e di se çfarë mund të ketë ndodhur tek ai. Ai veçse është zhdukur. M'u desh t'i telefonoja stacionit të policisë për të marrë vesh se çfarë ka ndodhur me të, pasi ai nuk u kthye në shtëpi. Kur ata më treguan se është në detencion, unë u mpiva e tëra. Të jem e sinqertë, mund t'ju them se unë nuk do mund ta përballoj jetën pa të. E njëjta gjo do të jetë edhe për vajzën tonë. Ajo nuk fle gjumë gjatë natës, e merr telefonin, duke thënë: “Babi, babi kur do të vish në shtëpi”. Kerry tregon se ajo mbante familjen me ato para që fitonte nga puna e shitëses, në një dyqan veshjesh për burra, në qendrën tregtare të qytetit, që kur çifti u shpërngul për në Peterborough, pasi ata u takuan në qytetin e Bedfordit. Ajo shtoi: "Shkëlzeni kurrë nuk ka marrë asnjë qindarkë nga shteti në formë ndihmash sociale. Ai donte të kishte numrin e punës, në të cilin mund të derdhte taksat si gjithë të tjerët”.

Takimi

Gjatë ditës së djeshme, Kerry dhe Rebeca vizituan qendrën e detencionit në Uest Drayton pranë aeroportit, ku mes emocionesh vajza dy vjeçe takoi babanë e saj. Gjatë intervistës me “Evenig Telegraph”, ajo kishte shumë emocione dhe gjatë të gjithë kohës qëndronte pranë telefonit për të pritur ndonjë lajm shprese për të lejuar burrin e saj të qëndronte në Britaninë e Madhe. Por, një miku i saj, Trudy Mart, 40 vjec, i cili i shoqëroi gjatë vizitës në qendrën e detencionit në Londër, tha: “Takimi mes tyre ishte shumë i prekshëm. Ata nuk mund të ndalonin lotët. Kerryt, për një moment, sa nuk i ra të fikët, duke mendur që ishte hera e fundit që ata mund të takonin njëri-tjetrin.

Ministria e Emigracionit

Një zëdhënës i Ministrisë së Emigracionit “Home Office”, në lidhje me këtë çështje deklaroi se “nuk mund të komentojmë një çështje individuale. Ne kemi një rregull të prerë në lidhje me këto raste dhe jemi të vendosur të dëbojmë cilindo që nuk ka të drejta ligjore për të qëndruar në Britaninë e Madhe.

Deputetja

Helen Clark, e cila është deputete e zonës së Peterborough, deklaroi për gazetën lokale “Evening Telegraph”: ”Fakti që Shkëlzen Shquti dhe bashkëshortja e tij Kerry Barthorpe janë të martuar nuk bën ndonjë ndryshim të madh. Ai nuk mund të jetë marrë nga autoritetet e emigracionit pa paralajmërim. Home Office është i kujdesshëm dhe bën ekzaminim nëse ai ka të drejtë për të qëndruar. Nuk është vetëm një çështje e një njeriu jo legjitim që merret pa paralajmërim. Më vjen keq të pohoj se shumë njerëz kanë ardhur këtu nën një opinion të gabuar se Anglia është një vënd i butë”.

[Shijaksi-London]

Emigranti shqiptar "mund" gjykatën angleze



13 Mars Gjykata e Lartë në Londër dëshpërblen me 6.000 paund, Adriano Dulen. E deportuan jo ligjërisht

Bashkëshortja angleze: “Nuk u martova që Adriano të qëndronte këtu”

Nga TAHIRA YAQOOB

Daily Mail

Një shqiptar "mashtrues", i cili përdori identitet të rremë për të kërkuar azil, është shpërblyer me 6.000 paund kompensim nga qeveria britanike mbi tentativat e deportimit. Adriano Dule, 22 vjeç, deklaroi se ishte nga Kosova, atëherë një zonë lufte, kur mbërriti në Britaninë e Madhe, para pesë vitesh. I gjithë procesi fals i azilit si dhe disa procese apeluese, përfshi një gjyq në Gjykatën e Lartë angleze “High Court”, u pagua nga paratë e taksapaguesve, që arrin në disa mijëra paund. Ai kërkoi azil dy herë. Por, kur Ministria e Brendshme “Home Office” tentoi të bëjë deportimin e tij, ai pretendoi se është trajtuar padrejtësisht dhe për këtë fitoi të drejtën e kompensimit. Autoritetet e emigracionit thonë se janë të pafuqishme të deportojnë Dulen, pasi ai është martuar me një shtetase angleze, e quajtur Michelle Franks.

Emigranti

Dule, që për herë të parë mbërriti në Angli në vitin 1999, pretendonte të ishte shqiptar nga Kosova, duke u vetëquajtur Skënder Ymeri, i cili ishte larguar nga rajoni i tensionuar që gjendej në luftë. Autoritet e emigracionit dështuan të kuptonin se dokumentet e paraqituara nga ai ishin fals. Kur aplikimi i Dules për azilin, nën emrin e Skënder Ymerit u refuzua, ai menjëherë apeloi vendimin. Gjyqi i parë i Apelit i refuzohet në gusht të vitit 2001, por, ai ndërmori një Apel të dytë. E ndërsa gjykata merrej me këtë çështje, ai ishte në Shqipëri. Por pretendonte se ai vuante nga trauma të ndryshme dhe kishte probleme me shëndetin. Me paratë e taksapaguesve iu pagua bileta e avionit dhe u soll sërish në Angli. Më pas, ai është shpërblyer me 6.000 paund nga Shërbimi i Emigracionit (Emigration Service), sepse cilido azilant që apelon çështjen në gjykatë, ka të drejtën e të qëndruarit në Britaninë e Madhe, përderisa çështja të mbërrijë në gjykatë. Apeli i dytë i emigrantit është refuzuar në maj të vitit 2002, por ai apeloi përsëri. Por, kur atij i është treguar pas dy vjetëve se nuk ka të drejtën e Apelit për të tretën herë dhe se ai mund të deportohej, Dule me shpejtësi tha se po planifikonte të martohej me zonjën Franks, 40 vjeçe. Policia, e cila kishte dyshime në lidhje me martesën, ndërmori një kontroll në shtëpinë e zonjës Franks, në Colcester, nga ku gjetën disa dokumente që kishin të bënin në lidhje me identitetin e Dules. Kur policia e ka patur të pamundur vërtetimin se martesa ishte kryer me qëllim final, vazhdimin së qëndruari të Dules në Britaninë e Madhe, ai ligjërisht tani ka të drejtën për të aplikuar për leje qëndrimi përgjithmonë në vend. Në muajin shkurt, ai u paraqit përpara gjykatës magjistrale në Colcester me akuza për mashtrim. Çështja është shtyrë për në ditët e ardhshme të këtij muaji, kur atij do t'i lexohet dënimi, ndërkohë që ai është në gjendje të lirë. Ai mund të dënohet me gjobë apo me gjashtë muaj burgim. Në gjykatë, Dule, i cili pranoi se me anë të mashtrimit ka hyrë dy herë në Angli dhe ka përdorur një certifikatë false, buzëqeshi pasi iu tregua se "Home Office" nuk mund ta deportojë, ndërkohë që po shqyrton çështjen e qëndrimit të tij përgjithomë si bashkëshort i një shtetasje britanike. Avokatja e tij, Anna Perdeportedera tha: ”Ai ishte një djalë 17 vjeç kur mbërriti në Angli dhe bisedoi me disa bashkëkombas të tij. Ata i treguan Dules: ”Nëse thoni se jeni shqiptarë, nuk do të lejoheni të qëndroni. Ai gënjeu njëherë dhe ishte e pamundur të ndalonte së gënjyeri sërish”. Ndërsa bashkëshortja e shqiptarit u shpreh: “Për herë të parë u takuam kur kishim dalë për jetë nate së bashku me motrën time. Ne, sigurisht, nuk u martuam që ai të qëndronte këtu. Ne patëm një ceremoni martese shumë të bukur. Ne nuk i kemi treguar fotot e martesës, pasi janë çështje personale. Adriano është një person që respekton shumë privatinë e tij. Pavarësisht, ne na është garantuar kompensimi ende nuk kemi parë asnjë monedhë të na mbërrijë në shtëpi. Dje zëdhënësi i Partisë Konservatore Angleze për çështjet e brendshme, David Davis tha: ”Sistemi ynë i azilit dhe emigracionit është i pacipë, duke përdorur 2 bilionë paund para të taksapaguesve”. Ndërsa një zëdhënës i Ministrisë së Brendshme "Home Office" tha: ”Ne nuk mund të bëjmë komente në çështje të veçanta”.

Reagimi i gazetës kundër gjykatës

Vendimi i një gjykatësi të lartë anglez, në favor të një emigranti shqiptar, është bërë objekt debati, me tone të qarta, plotëshisht të dallueshme anti-emigrantësh në faqet e një gazete britanike. "Daily Mail" gazeta ultra e djathtë, mbështetëse e flaktë e Partisë Konservatore angleze, tashmë pozicionuar haptas kundra prezencës së të huajve në Britaninë e Madhe, ka komentuar gjatë vendimin për dëmshpërblimin me 6.000 paund të emigrantit shqiptar. Me të drejtë, pas një shkelje të procedurave nga autoritetet e emigracionit, gjykatësi mbërriti në vendimin e tij, i cili nuk i ka pëlqyer aspak ekstremistëve të "Daily Mail". Sido që të jetë çështja, vendimi është marrë nga organi më i lartë gjyqësor në Britaninë e Madhe “High Court” (gjykata e lartë), për të cilin gazeta nuk ka patur fuqi ta ndryshojë, siç mund të kishte dëshiruar. Në të tilla pozita, “sulmi” hakmarrës ndaj shqiptarit Adriano Dule është përqendruar në të kaluarën e tij, duke zbuluar se ai ka gënjyer autoritetet e emigracionit kur ka mbërritur në Angli. Një fakt aspak i ri për t'u habitur, që është ndërmarrë nga i riu shqiptar për një jetë më të mirë, njësoj siç e bëri edhe babai i liderit konservator Michael Haward që mbështetet nga "Daily Mail", i cili ka pranuar publikisht se babai i tij, një hebre rumun, në vitet '50 hyri ilegalisht në Britaninë e Madhe. ”Metropol” sjell të plotë shkrimin e "Daily Mail" publikuar disa ditë më parë në faqet e kësaj gazete, e cila ka një të kaluar dhe të tashme plot mllef dhe urrejtje ndaj të huajve. Atyre të cilët ndërtuan Britaninë e Madhe për dekada me radhë dhe atyre të tanishmëve, që po bëjnë ato punë, të cilat bashkëkombasit e kalemxhinjve të gazetës në fjalë refuzojnë që t'i bëjnë.