Cfare ka nevoje Shqiperia?

[SHKOZA]

Shqiperia ka nevoje per stabilitete, zgjedhje te lira dhe demokratike, per depolitizim partiak, per njerez dhe ide te reja ne politike, per zhvillim ekonomik dhe aderim ne strukturat nderkombetare si nje shtet stabil dhe imazh pozitive ne rajon dhe ne bote. Shqiperia jone njehere e pergjithmone duhet t'i heqe qafe me voten e lire dy klanet ekstremiste ne politiken e saj ate te Nanos dhe te Berishes te cilat klane kane zene pozita dominuese ne dy partite me te medha politike ne Shqiperi dhe me tendenca autokratike gjenerojne jostabilitet dhe mbajne ne tension dhe ne lak te kaluaren, te tashmen dhe te ardhmen e saj.

[_BoOtYlIcIoUs_]

Shqiperia ka nevoje per parlamentaret dhe te gjith njerzit e "medhenj" te punojne, llafosen,te bashkojne mendimet bashke dhe te gjithe te vendosin 1 rruge per shqiperine dhe ta marrin ate. Shqiperia ka nevoje per bashkpunim NQS. njerzit parlamentaret e te tjeret nuk bashkohen per te bere 1 Shqiperi akoma me te mire nuk do jet gje pastaj, dhe nuk mund te behet ndonje gje me e mire per shqiperine.
Oh se desh harrova . Shqiperia do parlamentar president etj. te besueshem dhe jo te vjedhin leket per veten e tyre qe ua japin shtetet e tjera.

Kto besoj un se Shqiperia do dhe nqs nuk kam te drejte pastaj me korrigjonia mua.

[Xhuxhumaku]

Per C'ka nevoje Shqiperia?

Shqiperia ka nevoje te dale nga politika e ndyre qe vazhdon ne zbatim te detyrave qe la
Ramiz Alia në mbledhjen e Byrosë Politike të vitit 1989 me fjalimin programatik : “Kurrë nuk do të lejojmë restaurimin e pushtetit politik të armiqve tanë”, ku, mes të tjerash, edhe tha :
"... Të sekuestruarve dhe të shpronësuarëve do t'u japim nga një letër në dorë që t'u njihet prona, por asnjëherë nuk do t'u japim pronën e tyre dhe në forma të ndryshme do t'i ngatërrojmë me njeri-tjetrin. Ata do të kalojnë nëpër gjykata, ku do të zbatohet rotacion nga Gjykata e Shkallës së Parë në të Dytën etj dhe për "defekte teknike", do të kthehen përsëri në të Parën. ... Ata që do të pretendojnë, kundershtojnë apo do të këmbëngulin, do të lëndohen e do të ndëshkohen. Pasuria e tyre na përket neve ... Nën një propagandë ekstreme kundër komunizmit dhe me disa ndëshkime të vogla, sa për sy e faqe ndaj nomenklaturës së lartë komuniste. ne komunistët reformatorë, do të zbatojmë strategjinë tonë në ekonomi, sipas së cilës kapitalistët dhe pronaret e ardhshëm në një vend socialist, të jemi ne dhe njerëzit tanë. Me këtë strategji,brenda dy-tre legjisaturash, do të arrjmë që nga klasa komuniste të krijojmë klasën kapitaliste, e cila do të na përjetësojë në pushtetin politik të së ardhmes, që e kemi planifikuar dhe po e përgatisim vetë.Të jeni te sigurtë që e ardhmja do të jetë jona. Kurrë nuk do të lejojmë restaurimin e pushtetit politik të armiqve tanë. E ardhmja e fëmijëve tanë do të jetë e mrekullueshme, për këtë kemi derdhur kaq gjak dhe do të derdhim përsëri po të jetë nevoja. Shqipërinë do ta gëzojme ne dhe fëmijët tanë. "

Veshtrusja Nuk di nese te gjithe ata qe ke cituar me siper dine gje per keto orientime dhe detyra???

[Nice_Boy]

Per Politikan , Jo asi siq i ka tash ne Pushtet por duhet do te tjer sepse Korupsioni nuk le keta me shku lart , Ose te ndrrohen ata qe jan tash ose ska Shqiperia me ik vetem posht eshte duke shku dhe ka me shku.

[Rebele]

Shqiperia ka nevoje per infrastrukture

[ATMAN]

ASTRIT CANI

Shqipëria, vendi ku i zoti i shpisë s’ asht i shpisë


Para vitit ’97 mbaj mend se vitet kishin rrjedhë normale. Fjala vjen mbas ’95 erdh’ ’96 e mandej ’97, e prej atij viti deri më sot kanë kalue 7 vjet mirëpo jemi akoma në vitin ’97... me ndonjë armëpushimth, se armëpushim të vërtetë s’ ka pasun. Kjo asht një nga ata metafora që dhembin më shumë se disa të vërteta. Kush e ka meritën e këtij bllokimi përmbysës ndaj ligjeve universale të natyrës. Edhe për sa kohë akoma koha do të vazhdojë të mbesë e ndalun si një zemër që mes thikave nuk guxon me rrahë në Shqipëri?! Ku studentat çohen edhe njëherë në protesta me të njejtat ankesa si gjatë revolucionit të parë. Duket se çka u përftue prej atij revolucion e tradhëtoi së mbrami vetë barkun që e polli.
Sot kemi një lëvizje MJAFT! së cilës akoma mirë a keq askush s’ i ka thanë mjaft!Lëvizjes MJAFT! në fakt mund ti thuesh vetëm nuk mjafton, pra jepini. Pra kurajo. Bon courage! Fakti se kjo lëvizje ka marrë elozhe nga të gjitha anët e politikës shqiptare, nuk tregon se asht një lëvizje konformiste, e nuk ka shenja se asht e tillë; thjesht, mund të pohojmë se kjo lëvizje i leverdis me të vërtetë, posaçërisht jetës shqiptare brenda territoreve londineze, ma shumë se ndonjë force politike aktive apo inaktive. Gjithsesi, unë nuk jam me ata që thonë se kjo asht alternativa e vërtetë kundrejt dinozaurit Berisha dhe të stërshkredituemit që na shkretoi Nano. Kjo prejse asht zor që sot në politikën shqiptare, të përfaqësosh një alternativë të re me anë të iluzioneve të tipit living theatre në rrugët e Shqipërisë. A besojmë ne se prej MJAFT! do kemi një parti të re, që do e quejshim partia që erdhi nga rruga?! A kanë gjirin e MJAFT! politikanë aktivë të tipit Berisha, apo pajtues të mëdhenj të nivelit kandidat pët Nobelin e paqes si Anton Çeta. Sa gjaqe ka pajtue MJAFT?
Ne urojmë që kjo lëvizje qytetare të marrë kuptimin e një lëvizjeje për qytetari, tue rikthye me forcë rolin aktiv të qytetatëve në jetën social-politike... Po flas për guximin! Jeta publike shqiptare duhet mësojë me guxue dhe mandej të guxojë, që me atë pjekuni të cilën e ka fitue me dhembje, ta edukojë klasën e vet qeverisëse. Politika ka edukue popullin – rasti anglez , ndërsa te ne asht populli që duhet ta edukojë politikën.

Komunizmi e ka vërtetue se asht një utopi e dhimbshme, dhe kjo jo për faj të realitetit. Në Shqipëri, ka pasë përfaqësimin e vet ma të skajmë, kjo edhe falë natyrës së egzagjerueme të shqiptarësisë. Megjithatë nuk ban pjesë në identitetin tonë. Kriptokomunizmi i sotëm, një fanatizëm, bajraktarizëm dhe integralizëm fisnoro- regjionalo- kulturor që prej teorive pozitive ka ruejtë veç metodat e përgjakta, asht ma i rrezikshëm se ai i djeshmi, sepse në çdo rast ai çon ujë në mulli të armikut, dhe paraqet gjitha tiparet e një kapitalizmi të centralizuem shtetnor, i cili i vdes të gjitha politikat sociale dhe e ndrydh ndërgjegjen popullore n’ atë masë sa kjo të mos jetë ma në gjendje me e dallue të mirën nga e keqja, të marrin nga i meçmi. Pseudo kultura e këtij regjimi që ka krijue një mit për me mbajtë popullin në hava dhe njëmijë fobina për ta mbajtë atë të përçamë i ngjan një helmi që po i hidhet vneshtave të traditës, e kush sheh vneshtën e sëmuet dyshon se aty nuk ban dheu, se nuk jemi ne për me pasë vneshtë! Miti asht ky: Berisha asht e keqja ma e madhe, ma e madhe se vetë e keqja. Ujku. Këtë mit ma shumë se kushdo e ka sendërgjue vetë doktori, i cili me angullimat e veta sidhe tue gabue në zgjedhjet që ka ba sidomos për të besuemit ( që rezultuen njeri mbas tjetrit të pabesë ) ka mbetë i vetmuem dhe ka ardhë tue u zmadhue e zmadhue retorikisht sa ka fillue me i ngja dinozaurit. Fobinat që janë krijue i kanë mëshue të metave kulturore të shqiptarit, siç janë krahinorizmi etj. tue e ba realitetin e Shqipërisë së sotme londineze, ma të thyemin e ma kozmogetistin e krejt Ballkanit postberlinez.Sa herë që i zoti i shpisë do ti vejë me fjetë fëmijtë, tue mos ditur tjetër përrallë iu rrëfen me tone groteske mitin e gogolit! Dhe të vegjlit e dëgjojnë tue e lanë veten me u impresionue, megjithse e dijnë se ai nuk asht i shpisë, asht burri i nanës, por jo babai... por të vegjlit nuk kanë askurrëfarë faji, ata nuk dyshojnë te qëllimet e të zotit të shpisë; fajin e kanë ata që vuejnë prej këtij fakt dhe s' bajnë asgja me e ndryshue, të mëdhanjtë. E ndërkohë sot, nëse shqipot reshtin një moment së shikuemi hundën e vet të madhe, shikimi nuk do iu shkojë tjerakundi posqë te leku dhe miti fantastiko- legjendar që e rrethon atë.
Politika shqiptare bazohet në mistifikime të skajshme, dhe në krejt veprën e qeverisjes së viteve të fundit ndjehet jehona e hungurimave dhe era e plehut të fermës së kafshëve të Orwell. Inteligjenca e traditës shqiptare asht akuzue, dënue, ambalazhue dhe etiketue si e vjetër, pra shpellare, pra majmuneske!!! Nga ata që e harrojnëse po të mos i kesh rranjët e ngulme te tradita mund të lindesh tue ra në gjethen e bananes dhe jo në prehnin e nanës. Njeriu i ri ishte një monstër. Bijtë e tij janë edhe ma të frikshëm, janë monstrat e rinj. Sikur të mos mjaftojte kjo shqiptarët trajtohen si minoritet brenda shtetit të vet. Ata janë çifutët e Shqipërisë. Qytetarë të klasit të tretë, të mirë veç kur paguejnë haraçet dhe kur ia bajnë të zezën njeri-tjetrit.
Klasa intelektuale asht tëkurrë e përdreqnue. Asht evidencue deri në ekstrem ajo çka Maloki njoftojte para tre dekadash. Jeta shqiptare londineze ka shka nga tradita si nga të vetmit binarë të sigurtë, në mes të një tuneli të gjatë, të panjohtun dhe kaleidoskopik që studiuesat quejnë histori.

[manoklla]

Shqiperia ka nevoj per kulture, edukim, lufte injorances,edukate civile dhe sic thote njoni me lart KOHE. Evolucioni do bej te veten ngadale edhe ne shqiperi, por ce do qe ca breza tani do ikin kot pa pa asnji rezultat. Si puna jon. Sad..

[bebushe]

Une do te thosha TEKNOLOGJI .. jemi shume mbrapa nga ky sistem dhe nese do te zhvilloheshin sadopak ketu , shume kompani do te ishin te interesuara te investoshin tek ne ...

[TiLoNcE]

Te zbatohet ligji.Sepse vetem keshtu do ket siguri,e siguria i sjell te gjitha me mrapa,investime,turizem,jet me te mire per te gjithe.

LoNcJa-SyNi-VeT

[ATMAN]

Cfare i nevojitet Shqiperise?

Ja kush do të jetë "demokracia" jonë në të ardhmen në Shqipëri
Marrë nga vendimet e Byrosë Politike në Tetor të vitit 1989

Nga Klajd Kapinova Manhattan New York
Sigurisht që dokumenti që po ofrojmë për herë të parë përmes internetit për shqiptarët, nuk është hartuar në redaksitë e gazetave limonatë sikurse janë ato që sot me politikën e tyre i shërbejnë shpërbërjes së nacionit shqiptar. Herë pas herë do të ofroj faqe nga dokumentet që disa përsona në fund të vdekjes së tyre ia kanë dhuruar miqve të mi, duke kërkuar mospërdorimin dhe publikimin e emrit të tyre, sepse janë të penduar për fatkeqësitë që i kanë sjellë popullit shqiptar...
Po ndodh pikë për pikë ajo që pritej dhe që shpesh është folur e shkruar në median shqiptare në vendindje dhe diasporë në Evropë dhe këtu në ShBA. Të gjitha janë hedh në sulm, për të shtënë në dorë nga ajo çka ka mbetur nga pasuritë nëntokësore dhe sipërfaqësore të Shqipërisë së lodhur në të gjitha drejtimet nga mashtrimet e atyre që deri dje e masakruan kurse sot kanë veshur lëkuren e engjëllit mbrojtës. Bankat shtetërore dhe private, kompanitë e ndërtimit, naftës, shtypi, televizioni privat dhe shtetëror kontrollohet nga ishët dhe fëmijët e tyre. E ashtëquajtur diplomacia shqiptare, pa asnjë shkollë në universitetet Perëndimore, në vend që të merret me politikën e shtetit dhe të mbrojtjes së shtetasve të vet në Europë e botë, merren me bisnese private, pushime dhe shitje e blerje vizash për njerëzit që duan të largohen përgjithmonë nga Shqipëria. Të gjitha gazetat shtetërore dhe proqeveritare deri tashti më shumë janë marrë me figura të konsumuara si kriminele të popullit shqiptar si Enver Hoxha, Mehmet Shehu, Bedri Spahiu, Koçi Xoxe, Arianit Çela, Hysni Kapo, dhe shkrimtarët e realizimit socialist si beniamini i oborrit të Enver Hoxhës "disidenti" që i cilësoi nga "varfëria" e Parisit (kur vërshuam nëpër ambasadat e huaja në Tiranë) bashkëkombasit e vet si "jashtëqitja e popullit" një farë Ismail Kadare etj.
Sot edhe media e emigrantëve shqiptarë në Evropë dhe deri në ShBA është vënë në shërbim të qeveritarëve shqiptarë drejtpërdrejtë apo indirekt. Në gazetat e diasporës më shumë spikasin "analistë" autorë që shkruajnë në gazetat qeveritare apo të përaferta me to. Asnjëherë emri I gazetarit Mero Baze, apo të gazetarëve të tjerë kundërqeveritarë nuk kanë hapësirë në gazetat e "pavarura" dhe "patriotike" të diasporës. Edhe kur Departamenti i Shtetit Amerikan kritikonte qeverinë e Tiranës për korrupsion, organizim të prostitucionit, mafies politike, dhunës ndaj gazetarëve të opozitës, shtypjen e Lirive dhe të Drejtave të Njeriut dhe kundër ish-Përndjekurve Politikë, "gazetarët" e ish-gazetave të Tiranës së kuqe i kanë anashkaluar temat dhe shqetësimet e popullit shqiptar, sepse kanë pasur frikë se po "shkelet vija e gazetës"...
Më mirë është që të mos bëjmë shumë komente, por le t'i lejmë shqiptarët përmes internetit të lexojnë në origjinal një dëshmi të një përsoni që ka marrë pjesë në mbledhjen e Byrosë Politike të vitit 1989, ku është hartuar apo është udhëzuar që komunistët të penetrojnë dhe të jetojnë si kameleonë brenda partive të djathta e të majta, dhe asnjëherë të mos lejonë që ish-kulakët, dhe shtresat e tjera të komunitetit shqiptar të dalin në krye të shtetit. Analistët amerikanë e krahasojnë Shqipërinë si një shembull model për të gjithë politologët dhe studiuesit e rrymave paskomuniste në botë që me përpikëmëri kanë zbatuar platformen e Katovices... Ata thonë se në botë Shqipëria është i vetmi vend, ku përsekutorët duken si engjëj dhe e kunderta....
Sistemi ynë ka kapitulluar përballë atij kapitalist, ndaj jemi të detyruar të ndryshojmë strategji, u tha Ramiz Alia të pranishëmve.
Kjo strategji do të synojë në dy drejtime:
1- Në respektimin e të Drejtave të Njeriut.
2- Në krijimin e pruralizmit politik.
A. Do të nxisim të krijojmë parti sa të duan: të majta dhe të djathta e të qendrës, por gjithsesi këto parti duhet të kontrollohen e të drejtohen nga ne, programet e themelimit të këtyre partive do t'i formojmë ne.
Në krye të tyre duhet të nxirren njerëz që të përkrahin strategjinë tonë. Partia që do të marrë pushtetin do të shajë komunizmin në themel e në çati, dhe në këtë mënyrë do të fitojmë simpatinë e Perëndimit dhe të disidencës antikomuniste.
Ata që janë në burgje, të denuarit dhe të përsekutuarit politikë, do të thonë për ne: Dhe këta e urrejnë komunizmin. Do të afrohen e do t'u përkrahin. Ne na intereson karta morale e tyre.
Do t'i afrojmë dhe do t'i japim pun të parëndësishme, por kurrë nuk do t'i lëmë të marrin pushtetin, sepse ata, sa të marrin fuqinë, fillojnë dhe hakmerren dhe ne bëhemi hysmeqarë të tyre, siç kemi qenë kur me dhunë ua morëm pushtetin më 1944...
Në zbatimin e të Drejtave të Njeriut, duhet që t'u japim dhe kompensim në para të burgosurve e t'u plotësojmë komuditete banimi. Të sekuestruarve dhe të shpronsuarve, do të japim nga një letër në dorë (pa vlerë), që t'u njihen pronat, por asnjëherë nuk do t'ua japim, në forma të ndryshme do t'i ngatërrojmë njeri me tjetrin.
Të kalojmë në Gjykatë, ku do të zbatohet rotacioni nga Gjykata e Shkallës së Parë në të Dytën dhe për defekte teknike, kthehen përsëri në të Parën. Këta janë të moshuar dhe fuqi nuk kanë dhe duhet të kemi kujdes nga fëmijët e tyre. Por këta duke ju dhënë një pasaportë dhe me pak presion I largojmë jashtë, ndërsa ata që do të pretendojnë dhe do të këmbëngulin, do të lëndohen. Pasuria e tyre na përket neve se neve e bëmë
Materialin që ma dergoi Mikail Gorbaçovi kam dy vjet që e studioi dhe ata kanë ecur shumë përpara, për këtë jeni në dijeni.
Neve kemi kuader sa për shtatë Komitete Qendrore dhe të mos kemi frikë. Ne kemi studimin dhe planplatformën gati për zbatim. Do të ketë shumë intelektualë që do të kundërshtojnë, këtyre nuk do t'i japim punë.
Një shqetësim mund të krijojnë intelektualë pensionistë, këtyre do t'u ofrojmë krijimin e Shoqatës së Veteranëve të Luftës dhe të Punës, do t'u japim një minipension dhe do t'u mbajmë ision.
Cassava është në pragun e shpalljes Kushtetuese. Le të bëjnë si të duan, neve kemi platformën tonë.
Çdo gjë e kemi programuar, strategjinë e keni të gjithë të qartë dhe kemi caktuar rrugët dhe qëllimin e misionit tonë.
Nënë një propagandë ekstreme kundër komunizmit dhe me disa ndeshkime të vogla të numeklaturës sonë, ne komunistët reformatorë do të zbatojmë strategjinë tonë në ekonomi, që kapitalistët dhe pronarët e ardhshëm në një vend socialist të jemi ne, njerëzit tanë.
Me këtë strategji brenda dy tre legjislaturave do të kemi ish-klasën komuniste në klasë kapitaliste.