Lirohet nga burgu kusheriri i ministrit te rendit, kapur me droge

[Albo]

Gjykata liron djalin e Leonidha Toskes

E Diele, 25 Korrik 2004
Erjon Toska dhe Altin Malo, te arrestuar me 38 grame heroine, jane liruar dje nga Gjykata e Tiranes. Per djalin e Kryetarit te Keshillit te Qarkut te Tiranes dhe kusheri i ministrit te Rendit, u dha masa e "arrestit shtepiak" ndersa per shkokun e tij, "detyrim paraqitjeje". Megjithese posedonin rreth 120 doza, mbi ta tashme rendon vetem akuza e perdorimit te droges, e hequr tashme nga Kodi Penal

E ndersa gjyqtaret e rrethit te Tiranes prej nje jave kane filluar pushimet verore, kur temperaturat e mesdites se djeshme shenonin mbi 35 grade, eshte gjetur mundesia qe gati ne fshehtesi te plote, te zhvillohet nje proces gjyqesor, sigurisht per personazhe "speciale". Dhe pas kesaj, perfundimi i vendimit te drejtesise shqiptare, merret me mend. Erjon Toska, djali i Kryetarit te Keshillit te Qarkut te Tiranes dhe kusheri i ministrit te Rendit Igli Toska, i kapur me 38 grame heroine, ka rifituar lirine. Madje, edhe shoku i tij Altin Malo. Te dy, tashme do te gjykohen me masat me te zbutura qe parashikon Kodi i Procedures Penale dhe me nje akuze te re, e cila nuk parashikon me mase denimi nga Kodi Penal shqiptar.

Ne seancen e djeshme te zhvilluar ne oret e paradites ne Gjykate e Shkalles se Pare te kryeqytetit, dy te pandehurt jane paraqitur pas perfundimit te afatit te mases 30 ditore te arrestit me burg, qe kishte dhene per ta nje muaj me pare, po kjo gjykate. Pas degjimit te pretendimeve te prokurorit dhe te avokateve mbrojtes gjyqtarja ka vendosur lirimin e dy te pandehurve dha ka percaktuar qe gjykimi i tyre te kryhej ne masen"arrest shtepie" per Tosken dhe "detyrim paraqitje" per shokun e tij Altin Malo. Nderkohe akuza qe rendont mbi ta eshte ajo e "perdorimit te lendeve narkotike", pra jo edhe "mbajtja" e droges. Nje veper kjo, qe tashme nuk parashikohet me si veper penale.

Kerkesen per kete zhvillim ne gjykate, e kishin paraqitur avokatet qe mbronin dje dy te pandehurit. Alibia e tyre ishte e thjeshte: Njeri prej te arrestuarve, Erjon Toska ishte vetem nje perdorues i lendes narkotike dhe jo shperndares i saj, nderkohe qe shoku i tij Altin Malo, sipas tyre ishte ndodhur rastesisht ne automjetin ku policia kishte kryer arrestimin e tyre.

Ngjarja e percjelle me buje nga mediat e Tiranes, ka ndodhur me 21 qershor te ketij viti, kur dy te rinje u ndaluan nga agjentet e antidroges se kryeqytetit. Dy dite me pas, gjykata vendosi masen e sigurise "arrest me burg, me afat 30 ditor" per ta. Ne momentin e ndalimit, gjate kohes qe po udhetonin me makine ne nje nga rruget e kryeqytetit, 26 vjecarit Erjon Toska, banues ne rrugen "Sali Nivica" ne Tirane, i'u kap nje sasi prej 38 gramesh heroine e paster e llojit "braun shuger". Bashke me te, ne momentin e ndalimit, udhetonte edhe Altin Malo.

Sipas burimeve te policise, droga qe ishte kapur, ishte ndare ne rreth 120 porcione dhe ishte bere gati per t'u shitur, perdoruesve. Nderkohe qe ne skedat e agjenteve antidroge, por edhe ne rrethet e perdoruesve te heroines ne kryeqytet, emri i ndonjerit prej te ndaluarve, njihet si shperndares i "mallit te bardhe". Gjate operacionit te ndalimit te tyre,- ndoshta te rastesishem,- policia bllokoi mjetin me te cilin udhetonin dy te ndaluarit, dy telefonat e tyre celulare, si dhe nje shume parashe, qe per nga sasia duket se ishin grumbulluar nga tregtimi i disa porcioneve heroine. Burime zyrtare te drejtorise se Policise se Tiranes, bene te ditur, se Toska e Malo u arrestuan ne afersi te kinema "Millenium 1", ne rrugen e Kavajes, pas kontrollit te makines e tipit Benz, me ngjyre jeshile me targa TR 2531 C.

Por, prova e kapur prej 120 porcionesh heroine,- pas kerkeses se avokateve,- eshte pranuar dje edhe nga gjykata, jo si prove se dy te rinjte ishin shperndares e ndoshta edhe perdorues njekohesisht, por thjeshte se ata jane perdorues. Gje qe duket e pabesueshme, edhe nese per nje moment pranohet se ato u ndaluan nga policia, ne kohen kur kishin shkuar te furnizoheshin me shumice. Pasi ne Tirane, nje perdorues i rregullt mund ta gjeje "mallin" qe i duhet per konsum, ne cdo vend e kohe te dites a nates. Pavaresisht nga kjo, Toska, djali i Kryetarit te Keshillit te Qarkut te Tiranes, njekohesisht kusheri i ministrit te Rendit Igli Toska, dje eshte lene i lire nga gjykata. Pavaresisht se formalisht ai do gjykohet ne "arrest shtepie", ai qe dje e ka rifituar plotesisht lirine. Me formulimin e akuzes per Tosken dhe Malon thjeshte si perdorues te lendeve narkotike, bazuar ne nenin 283 te Kodit Penal,- i cili percakton se kjo behet per rastin e mbajtjes "ne doza te vogla", i perjashton ata nga masa e denimit.

[Albo]

Reagon edhe Ministria e Rendit: Jepini fund aludimeve vetëm për shkak të mbiemrit të ngjashëm

Igli Toska, asnjë lidhje fisnore me të akuzuarin për drogë

Reagon kreu i Këshillit të Qarkut, Leonidha Toska. Gjykata, arrest shtëpie për djalin e tij Erjonin

Shekulli

TIRANË – Përgënjeshtrohet lajmi që Erion Toska, i arrestuar një muaj më parë për trafik lëndësh narkotike, është i afërm i ministrit Igli Toska. Aludimeve të dy gazetave që e ribotojnë për herë të dytë lajmin për lidhje farefisnie mes një të arrestuari prej forcave të Rendit dhe vetë ministrit të Rendit, i ka dhënë fund dje vetë babai i Erjonit, Leonidha Toska kryetari i Këshillit të Qarkut Tiranë. I pyetur nëse kishte lidhje farefisnie me ministrin e Rendit, Igli Toska, z.Leonidha Toska tha se mes dy familjeve nuk ka asnjë lidhje afërsie fisnore.
Erion Toska u arrestua një muaj më parë dhe pardje u dërgua nga gjykata në arrest shtëpie si përdorues droge. Duke e konsideruar problemin me djalin e tij si një problem që fatkeqësisht e vuajnë sot shumë familje shqiptare dhe me të cilin nuk mund të abuzohet për qëllime politike, Leonidha Toska pohoi: “Nuk kemi asnjë lidhje farefisnore me Ministrin e Rendit Publik. Ky është komenti i vetëm që mund të bëj në lidhje me këtë ngjarje”.
Edhe vetë Ministria e Rendit, nëpërmjet zëdhënësit të saj Florion Seriani, përgënjeshtroi për herë të dytë lajmin, duke bërë thirrje të mos vazhdohet me aludime qesharake që kanë për bazë vetëm një mbiemër të njëjtë. “Në disa gazeta, duke u nisur vetëm nga rastësia e mbiemrit të përbashkët të Erion Toskës me Ministrin e Rendit Publik, Igli Toska ripretendohet se shtetasi në fjalë është lidhje e afërt e Ministrit të Rendit Publik. Duke u nisur nga abuzimi i ripërsëritur, Ministria e Rendit Publik, ripërgënjeshtron se ministri Igli Toska nuk ka asnjë lidhje familiare, farefisnore apo ndonjë lidhje tjetër gjaku me shtetasin Erion Toska, arrestuar më datë 22 qershor të këtij viti nga forcat e Drejtorisë së Policisë së Qarkut Tiranë për trafik lëndësh narkotike”,- thanë dje burimet zyrtare të Ministrisë së Rendit Publik. Sipas tyre, ministria nuk ka tentuar asnjëherë që të favorizojë shtetasin Erion Toska, madje policia e Tiranës e ka arrestuar atë. Gjithashtu njoftimi zyrtar për arrestimin e Erion Toskës është publikuar nga vetë ministria si në komunikatën zyrtare ashtu edhe në internet më datë 22 qershor të këtij viti. Një ditë më pas, Ministria e Rendit Publik ka publikuar edhe përgënjeshtrimin që shtetasi Erion Toska dhe ministri Igli Toska nuk kanë lidhje farefisnore.
Lirimi
Erion Toska dhe i arrestuari tjetër nga policia e Tiranës për trafik lëndësh narkotike, Altin Malo, janë lënë të lirë dy ditë më parë nga Gjykata e rrethit Tiranë. Ata janë kapur në flagrancë në makinë teksa kishin me vete 38 gram lëndë narkotike të tipit heroinë. Dy të arrestuarit dhe avokatët mbrojtës kanë deklaruar gjatë hetimeve dhe në gjykatë se janë thjesht përdorues të lëndës narkotike dhe heroina që iu është kapur në makinë shërbente për përdorim personal. Prokuroria e rrethit Tiranë filloi procedimin penal mbi ta dhe i kërkoi gjykatës lënien e tyre në burg. Gjykata, dy ditë pas arrestimit, vendosi që dy të arrestuarit të analizoheshin nga mjekët për të parë nëse ishin apo jo përdorues të lëndëve narkotike. Ajo vendosi masën e sigurisë 20 ditë burgim për dy të arrestuarit. Dy ditë më parë përfundoi kjo masë dhe gjykata morri sërish në shqyrtim çështje e Toskës dhe Malos. Nga ana e saj, prokuroria kërkoi kohë shtesë izolimi deri në përfundim të hetimeve ndërsa mbrojtja kërkoi lirimin e tyre. Pasi dëgjoi pretendimet e të dyja palëve, gjykata ka vendosur të shtunën që Erion Toska të lihej në masën e sigurisë arrest shtëpie ndërsa Altin Malo detyrim paraqitjeje.