Brukseli: Zgjedhjet e 2005, shansi juaj i fundit

[R2T]

Kryeministri shqiptar, Fatos Nano i ka shprehur komisionerit evropian, Kris Paten, gadishmërinë për të bashkëpunuar ngushtësisht dhe në mënyrë konstruktive, për të bërë të mundur që Shqipëria të përmbushë objektivat e saj për nënshkrimin e marrëveshjes së asociim-stabilizimit.
Kjo u bë e ditur në një letër që zoti Nano i ka dërguar zotit Paten në përgjigje të letrës që ky i fundit i ka dërguar kryeministrit shqiptar.

Me një gjuhë të kujdesshme, zoti Nano i shpreh në letrin e tij zotit Paten, falenderime për ato që ai i quan numër çështjesh me orientim largpamës që komisioneri evropian ka ngritur në letrën e tij të gjatë para afro tre javëve.

Në letër premtohet se qeveria shqiptare do t'i shqyrtojë me vëmendje, seriozisht dhe në detaje gjithshka ka shkruar zoti Paten dhe do t'i përgjigjet në kohë.

Letra e zotit Nano bëhet publike në një kohë kur politika shqiptare është përfshirë në polemikat lidhur me letrën që komisioneri Paten i ka dërguar kryeministrit shqiptar dhe ku shprehen rezerva lidhur me ecurinë e proceseve demokratike në Shqipëri, veçanërisht çështjen e pronave, luftën kundër korrupsionit dhe kontrabandës dhe mbajtjen e zgjedhjeve të lira dhe të ndershme.

Ndërkohë, edhe nga përfaqësues të komunitetit ndërkombëtar në Tiranë dhe konkretisht nga ambasadori i Bashkimit Evropian, Salzman ka patur jo pak kritika.

Me serioz duket paralajmërimi i këtij të fundit se nëse nuk zhvillohen zgjedhje të lira dhe të drejta, Shqipëria rrezikon ndërprerjen e negociatave për arritjen e marrëveshjes së asociim-stabilizimit.

Opozita shqiptare i konsideron këto deklarata në favour të saj dhe e akuzon kryeministrin Nano se është shkaktari kryesor i vonesës së integrimit të vendit në Bashkimin Evropian.

(Marre nga BBC News ne Shqip)

[Qafir Arnaut]

Kur u pyet Osmo Lipponen " A mund ti vihet faji udheheqjes te Shqiperise per situaten atje" Ai u pergjigj "JO". Keta te tjeret tregonin gishtin njeri-tjeterit. Ndersa kongresmenet amerikane u cane duke thene 'populli shqiptar eshte popull fisnik dhe punetor'. Nderkohe qe mesazhi subliminal qe u dha ishte "Shqiptaret jane dele o byrazer....mund t'u japesh uje ne bisht te luges. Vetem kur e shohin konkretisht qe iu prek interesi personal atehere ben vaki edhe zgjohen si ne 1997". Sa per 'udheheqjen" ajo gjen shesh e ben pershesh....por faji nuk mund ti vihet atyre.

[Shpirt Njeriu]

Më 29 prill të këtij viti Asambleja Parlamentare e Këshillit të Evropës miratoi një rezolutë për Shqipërinë, lidhur me realizimin prej saj të angazhimeve e detyrimeve që rrjedhin nga antarësia në këtë organizatë të rëndësishme evropiane. Në të bëhet analiza e arritjeve dhe të metave të vërejtura në punën e administratës shtetërore e gjithë spektrit politik shqiptar për të realizuar detyrat madhore që qendrojnë para vendit. Para se ky dokument të mbërrinte në vendin tonë, pati komente nga ana e pjesëtarëve të delegacionit shqiptar të akredituar në Strasburg. Komentet më të ashpra i bëri opozita, duke theksuar si momente kyç paralajmërimin e KE mbi rishikimin e kredencialeve të këtij delegacioni, në rast se detyrat nuk zbatohen siç duhet dhe konstatimet lidhur me luftën e pamjaftueshme, nga ana e autoriteteve të Ekzekutivit shqiptar, në drejtim të korrupsionit dhe krimit të organizuar. Ndërkohë, qendrimi publik i politikanëve socialistë ishte ai se, në këtë rezolutë, parlamentarët evropianë venë në dukje arritje, duke tërhequr vëmendjen për mosrealizimin e disa detyrave që mund të plotësohen në të ardhshmen. Teksti i rezolutës u publikua për herë të parë para disa ditësh në internet nga Këshilli i Evropës dhe paraqitet sa më poshtë për lexuesit e gazetës.


KESHILLI I EVROPES

ASAMBLEJA PARLAMENTARE
Rezoluta 1377(2004)
1. Asambleja Parlamentare përshëndet përparimin drejt një demokracie pluraliste funksionale dhe një shteti që qeveriset nga sundimi i ligjit e respektimi i të drejtave të njeriut, të bërë nga autoritetet shqiptare gjatë tre vjetëve të fundit. Janë shënuar përmi-rësime në funksionimin e institucioneve shtetërore, veçanërisht në rritjen e ndikimit të parlamentit në jetën politike shqiptare. Kohët e fundit, madje, është realizuar një përpjekje pa precedent për një dialog e bashkëpunim ndërpartiak, e cila - ndonëse ishte e brishtë dhe jetëshkurtër - tregoi se ekziston një alternativë për konfrontimin dhe obstruksionizmin e përjetshëm, që deri tani kanë dominuar politikën shqiptare.
2. Gjatë 18 muajve të fundit, ka patur një rritje në veprimtarinë legjislative, që ka çuar në ligje të reja në të gjitha fushat kyç të reformave. Qeveria ka ndërmarrë veprime kundër trafikantëve të qenieve njerëzore dhe ka arritur të pakësojë trafikun e paligjshëm të qenieve njerëzore përmes detit Adriatik.

3. Në planin ndërkombëtar, Shqipëria ka filluar negociatat me Bashkimin Evropian për një marrëveshje stabilizim-asociimi. Ajo ka përmirësuar shumë marrëdhëniet me fqinjët e saj dhe ka luajtur një rol konstruktiv duke ndihmuar përpjekjet e komunitetit ndërkombëtar në Kosovë.

Korrupsioni dhe krimi i organizuar
4. Megjithatë, mundësia për të ushtruar një ndikim të paligjshëm mbi veprimtarinë publike nga ana e krimit të organizuar dhe një pjesë e sektorit të ligjshëm të biznesit, që synon të përfitojë nga mungesat në kontroll dhe rregulla, kërcënojnë përparimet e arritura. Ky kërcënim bëhet më serioz nga një administratë shtetërore relativisht e dobët dhe joefikase, sidomos në sektorë të tillë kyç,si policia, autoritetet tatimore e doganore dhe paaftësia e shfaqur nga një pjesë e autoriteteve për të kontrolluar me efektshmëri transaksionet financiare dhe të parandalojnë pastrimin e parave.
5. Pavarësisht nga përpjekjet serioze të ndërmarra nga autoritetet, lufta kundër varfërisë dhe korrupsionit mbetet një sfidë serioze për Shqipërinë.
6. Sistemi gjyqësor, që duhet të luajë rolin më të rëndësishëm në luftën kundër korrupsionit dhe krimit të organizuar, është i dobët dhe joefikas. Personeli i tij paguhet keq, nuk është i përgatitur si duhet dhe duket se - të paktën pjesërisht - është i korruptuar. Kjo ndikon mbi zbatimin e ligjeve të reja, sidomos atyre që lidhen me krimet e rënda.
7. Paaftësia e policisë, prokurorisë dhe gjykatave shqiptare për të gjetur, arrestuar, akuzuar dhe dënuar persona që kryejnë krime të rënda dhe, veçanërisht, pjesëtarë të organizatave kriminale, minon demokracinë dhe sundimin e ligjit në vend. Fakti që krimi i organizuar gëzon liri veprimi e nuk dënohet, duke përfituar nga qeverisja e keqe dhe dështimi i përpjekjeve të sektorit gjyqësor për të vepruar në mënyrë efikase, është kërcënim jo vetëm për rendin publik, por, gjithashtu, për objektivat ekonomike dhe stabilitetin politik të vendit.
8. Financimi i partive politike mbetet i parregulluar dhe organizmi përgjegjës për verifikimin e pasurive të zyrtarëve publikë sapo është krijuar dhe ende nuk ka treguar efikasitetin e vet.
9. Qeveria duhet të bëjë përpjekje serioze që të përmirësojë zbatimin e legjislacionit kyç. Miratimi i ligjeve që nuk zbatohen me korrektësi sjell të kundërtën e asaj që synohet. Prova përfundimtare e veprimit qeveritar nuk është ajo se çfarë hedh në letër, por ajo që arrin në praktikë.
10. Është shumë e rëndësishme që parlamenti të luajë një rol më të fuqishëm në kontrollin demokratik të qendrimit qeveritar. Si shumica, ashtu edhe partia opozitare - që duhet të adoptojë një qendrim të qartë kundër protestave të dhunshme antiqeveritare - kanë përgjegjësi në këtë drejtim. Asambleja Parlamentare mendon se dy partitë kryesore politike - Partia Demokratike, që ka qenë më parë në pushtet dhe Partia Socialiste aktualisht në pushtet - kanë përgjegjësi të përbashkët për problemet dhe mangësitë që po përballon Shqipëria, si dhe për të përmirësuar gjendjen në vend.
11. Asambleja, duke pranuar faktin se janë bërë përmirësime, uron të shikojë një përparim të mëtejshëm në organizimin dhe administrimin e zgjedhjeve - veçanërisht në drejtim të regjistrave të gjendjes civile e listave të votuesve dhe mbrojtjes së të drejtave të njeriut, sidomos lidhur me sjelljen e policisë.
12. (………………)
13. Asambleja përgëzon autoritetet shqiptare për hapjen e bisedimeve lidhur me një marrëveshje të stabilizim-asociimit me Bashkimin Evropian. Ajo dëshiron të theksojë, megjithatë, se zhvillimi i ardhshëm i marrëdhënieve me Bashkimin Evropian do të varet gjithashtu në mënyrë të pashmangshme nga arritjet në fusha që monitorohen prej kësaj Asambleje. Plotësimi i angazhimeve dhe detyrimeve që rrjedhin nga antarësia në Këshillin e Evropës nuk duhet konsideruar si një pengesë, por si një investim në të ardhmen e Shqipërisë dhe qendrimi i autoriteteve lidhur me procedurat e monitorimit duhet ta pasqyrojë këtë.

Rekomandime
14. Lidhur me luftën kundër korrupsionit dhe krimit të organizuar - të cilët i konsideron si kërcënimet më të mëdha për funksionimin e institucioneve demokratike dhe sundimin e ligjit në Shqipëri - Asambleja u kërkon autoriteteve shqiptare që:
i. Të miratojnë ligje mbi konfliktin e interesave, financimin e fushatave politike dhe funksionimin e partive politike;
ii. Të bëjnë të mundur që Inspektoriati i Lartë i porsakrijuar, i ngarkuar me verifikimin e deklarimeve të pasurive nga të zgjedhurit dhe zyrtarët publikë, të tregojë shpejt, konkretisht dhe në mënyrë bindëse aftësinë e tij për të kryer një verifikim sistematik e të besueshëm të pasurive të të zgjedhurve dhe zyrtarëve publikë shqiptarë, duke përfshirë edhe pasuritë e pjesëtarëve të familjeve të tyre;
iii. Të rishikojnë fun-ksionimin e autoriteteve të kontrollit të kufirit, tatimeve e doganave, si dhe atyre që janë ngarkuar me kontrollin e transaksioneve financiare, në mënyrë që përmirësojnë efektshmërinë e tyre në parandalimin e trafiqeve të paligjshme, pastrimit të parave, korrupsionit dhe veprimtarive të ngjashme kriminale;
iv. Të verifikojnë që investimet e bëra në Shqipëri nuk financohen me para që vijnë nga veprimtari të paligjshme dhe krimi i organizuar;
v. T'i japin fund qendrimit tepër të butë ndaj korrupsionit dhe formave të tjera të veprimeve në kundërshtim me rregullat profesionale midis gjyqtarëve dhe prokurorëve. Kur ligji e lejon, fajtorët për një qendrim të tillë duhet, jo vetëm të pushohen nga puna, por edhe të ndiqen penalisht;
vi. Të bëjnë të mundur që gjyqtarët dhe prokurorët të jenë të përgatitur, zgjedhur dhe mbrojtur nga kërcënimet ndaj integritetit të tyre fizik e profesional në mënyrë të përshtatshme;
vii. Të përforcojnë ligjet ekzistuese kundër trafikimit të qenieve njerëzore e të bëjnë të mundur që viktimat e këtij trafiku të marrin ndihmën e nevojshme, duke përfshirë mbrojtjen e dëshmitarit për ata që bien dakord të deshmojnë kundër trafikantëve;
viii. Të bëjnë të mundur që ligjet e miratuara kohët e fundit lidhur me Gjykatën e Krimeve të Rënda dhe mbi mbrojtjen e dëshmitarëve të vihen pa vonesë në zbatim, me efektivitet dhe në mënyrë krejtësisht funksionale.
15. Lidhur me funksionimin e institucioneve demokratike, Asambleja u kërkon autoriteteve shqiptare që:
i. Të kryejnë një rishikim të legjislacionit të miratuar kohët e fundit dhe, aty ku kjo nuk është bërë ende, të bëjnë të mundur mjete buxhetore e të marrin të gjitha masat e duhura administrative për implementimin e shpejtë e të efektshëm të tyre;
ii. Të rishikojnë rregullat proceduriale të Parlamentit shqiptar në mënyrë që të forcohet kontrolli që ai ushtron mbi veprimin e Qeverisë, veçanërisht kur është fjala për përgatitjen dhe zbatimin prej saj të akteve ligjore;
iii. Të krijojnë - pa vonesa të mëtejshme dhe përpara zgjedhjeve të ardhshme parlamentare - një regjistër të besueshëm të gjendjes civile si bazë për një listë të re të zgjedhësve. Për të avancuar më tej pas reformës elektorale të ndërmarrë më 2003 me ndihmën e komunitetit ndërkombëtar, është, gjithashtu, e nevojshme të rishikohet administrata aktuale e zgjedhjeve në mënyrë që të kufizohet roli i tepruar i partive kryesore politike në procedurat zgjedhore dhe të hiqen të gjitha pengesat që çojnë në dështimet e vazhdueshme në zhvillimin e zgjedhjeve në përputhje me standartet ndërkombëtare.
16. Lidhur me të drejtat e njeriut dhe liritë themelore, Asambleja u kërkon autoriteteve shqiptare që:
i. Të krijojnë kushtet për hetime nga personat e mandatuar ndaj të gjitha ankesave për keqtrajtim ose torturë nga ana e policisë, të zbatojnë sa më shpejt rekomandimin e bërë në raportin e Komitetit Evropian për Parandalimin e Torturës, të vazhdojnë dhe të zgjerojnë njohjen e policisë me të drejtat e njeriut dhe të përfundojnë me efektivitet kalimin e kompetencave mbi burgjet tek Ministria e Drejtësisë;
ii. (............................)
iii. Të zbatojnë sa më shpejt të gjitha rekomandimet që përfshihen në opinionin e vitit 2002 të Komitetit Këshillimor të Konventës Kuadër për Mbrojtjen e Pakicave Kombëtare (ETS Nr. 157), nëpërmjet një dialogu të hapur me grupet e interesuara minoritare;
iv. Të heqin ose të rishikojnë thelbësisht ligjet penale mbi shpifjen dhe të reformojnë ligjet civile mbi shpifjen, në mënyrë që të parandalojnë zbatimin e tyre në mënyrë abuzive;
v. Të përmirësojnë rregullat mbi pronësinë e financimin e kanaleve mediatike në mënyrë që të përmirësohet transparenca dhe parandalohet abuzimi e ndikimi i padrejtë - mbi median dhe nëpërmjet medias - nga ana e atyre që i kontrollojnë ato financiarisht;
17. (………………)

Monitorimi do të vazhdojë
18. Asambleja mendon se procedura monitoruese duhet të mbetet e hapur derisa autoritetet shqiptare të bëjnë përparim të mëtejshëm në përputhje me detyrimet e përgjithshme dhe angazhimet specifike që rrjedhin nga antarësia në Këshillin e Evropës, veçanërisht duke treguar arritje të dukshme në parandalimin e luftën kundër korrupsionit dhe krimit të organizuar, të përmirësojnë rezultatet e tyre në zbatimin e legjislacionit dhe të zhvillojnë zgjedhje në përputhje të plotë me standartet ndërkombëtare. Zgjedhjet e ardhshme në Shqipëri duhet të zhvillohen në mënyrë të lirë e të drejtë, në përputhje të plotë me standartet e përcaktuara nga Këshilli i Evropës. Në rast se një gjë e tillë nuk do të ndodhë, Asambleja do të marrë në shqyrtim kredencialet e delegacionit shqiptar, në përputhje me Rregullat Proceduriale.


Berisha: Situatë alarmante

Duke u shprehur se situata e marrëdhënieve të Shqipërisë me strukturat ndërkombëtare është alarmante, Berisha nënvizoi se në historinë e kësaj Asambleje është hera e parë që një vendi anëtar të KE-së i paralajmërohet përjashtimi. "Ajo që është e veçantë dhe shumë tronditëse është fakti se asnjë deputet socialist evropian nuk mori përsipër të flasë në emër të grupit socialist shqiptar, kur u diskutua kjo rezolutë", tha Berisha, që mori pjesë në mbledhjen e Asamblesë. KE ka kërkuar hetimin e investimeve të paligjshme dhe denoncoi listat zgjedhore si më të këqiat e të gjitha zgjedhjeve, tha ai. KE përmendi edhe termin "sindikatë e krimit" për të shprehur nivelin e organizimit të tij.


Topalli: Anëtarësimi në pikëpyetje

Nga ana e saj, nënkryetarja e PD, Jozefina Topalli, tha se Shqipëria rrezikon qëndrimin e vet në Këshillin e Evropës. "Nëse Shqipëria nuk zhvillon zgjedhje të lira dhe të ndershme, atëherë do të kërkohet rikonsiderimi i statusit të Shqipërisë nga KE", tha ajo. Është hera e parë që për një vend vihet në pikëpyetje qendrimi në organizatë, pas hyrjes së vet, vuri në dukje nënkryetarja demokrate, duke theksuar përgjegjësinë e pozitës dhe qeverisë shqiptare në krijimin e një situate të tillë, aspak pozitive. Ekspertë të marrëdhënieve ndërkombëtare theksuan se situata të ngjashme ishin krijuar më parë edhe me Bjellorusinë e Ukrainën.


Koçi: Kërkesë për përsosje

Duke e vënë theksin mbi atë që u vlerësua pozitivisht nga parlamentarët evropianë, deputeti i PS Petro Koçi, i cili është edhe kryetar i delegacionit shqiptar pranë Këshillit të Evropës, tha se duhet ta kuptojmë këtë rezolutë si nxitje të përgjegjësive e të angazhimeve që institucioni i zgjedhjeve të lira, i luftës kundër korupsionit dhe krimit të organizuar të perfeksionohet e të mbërrijë në standartet evropiane. "Ne pranojmë të bashkëpunojmë me opozitën, por me një opozitë të përgjegjshme, jo si ajo që ishte në Strasburg. Nëse atje u tha që mund të rikonsiderohen kredencialet e delegacionit, behet fjalë për të gjithë delegacionin, ku është anëtar edhe z.Berisha", tha Koçi.


ANALIZA

ARRITJET
- Përparim drejt një demokracie pluraliste funksionale dhe një shteti që qeveriset nga sundimi i ligjit e respektimi i të drejtave të njeriut
- Rritje e ndikimit të parlamentit në jetën politike
- Përpjekje pa precedent për një dialog e bashkëpunim ndërpartiak
- Ligje të reja në të gjitha fushat kyç të reformave. Qeveria ka ndërmarrë veprime kundër trafikantëve të qenieve njerëzore
- Shqipëria ka filluar negociatat me BE. Ajo ka përmirësuar shumë marrëdhëniet me fqinjët e saj dhe ka luajtur një rol konstruktiv në Kosovë


TE METAT
- Ndikim mbi veprimtarinë publike nga ana e krimit të organizuar dhe një pjesë e sektorit të ligjshëm të biznesit
- Administratë shtetërore relativisht e dobët dhe joefikase, sidomos në sektorë të tillë kyç,si policia, autoritetet tatimore e doganore
- Lufta kundër varfërisë dhe korrupsionit, sfidë serioze
- Fakti që krimi i orga nizuar gëzon liri veprimi e nuk dënohet, duke përfituar nga qeverisja e keqe dhe dështimi i përpjekjeve të sektorit gjyqësor për të vepruar në mënyrë efikase, është kërcënim jo vetëm për rendin publik, por, gjithashtu, për objektivat ekonomike dhe stabilitetin politik të vendit
- Rol i tepruar i partive kryesore politike në procedurat zgjedhore.

[Albo]

Presidenca e BE-së shprehet se dështimi i zgjedhjeve kthen prapa marrëdhëniet Shqipëri-BE

BE: Nano, reforma të pamjaftueshme

“Progres i pamjaftueshëm në zbatimin dhe implementimin e reformave, veçanërisht në sektorët jetikë”

N.Perndoj

TIRANE- Sërish ndërkombëtarët godasin fort me mesazhet e tyre lidhur me zbatimin e reformave në vend dhe zgjedhjet e ardhshme parlamentare. Presidenca holandeze, që është kryesuesja e radhës e Bashkimit Europian, ka lëshuar mbrëmë një deklaratë posaçërisht për Shqipërinë. Në të thuhet se në Shqipëri është bërë progres i pamjaftueshëm i reformave. Një pikë kyçe, që Presidenca holandeze veçon, përfshin dhe zgjedhjet. Në deklaratë, saktësohet se dështimi i zgjedhjeve të ardhshme parlamentare do të ishte një prapakthim për zhvillimin e marrëdhënieve mes Shqipërisë dhe Bashkimit Europian.

Reformat

Deklarata e Presidencës holandeze në emër të Bashkimit Europian fillon me sugjerimet, që ndërkombëtarët kanë përcjellë prej kohësh, lidhur me zbatimin e reformave në vend. “Afrimi i Shqipërisë në strukturat euro-atlantike varet kryesisht nga progresi i reformave në vend. Siç është përcaktuar edhe në raste të tjera, Bashkimi Europian do të mbështesë fuqimisht objektivat dhe do të vazhdojë t’i japë Shqipërisë ndihmë konkrete për të realizuar reformat e duhura. Megjithatë është e rëndësishme të theksohet se është bërë progres i pamjaftueshëm në zbatimin dhe implementimin e reformave, veçanërisht në sektorët jetikë për të ardhmen e Shqipërisë, dhe për integrimin e suksesshëm siç janë: ritmi i reformave në reformën zgjedhore dhe lufta kundër korrupsionit dhe krimit të organizuar në veçanti”,- thuhet në deklaratën për shtyp, duke cituar se çështjet e tjera mbeten; zbatimi i ligjit dhe respektimi i të drejtave të njeriut dhe minoriteteve; arsimi; pronësia dhe aksesi në media. Deklarata e Presidencës holandeze thekson se, incidenti i fundit në Lazarat tregoi se, lufta kundër krimit dhe korrupsionit është një çështje e nxehtë, ku progresi thelbësor është i nevojshëm, në mënyrë që integrimi të jetë thelbësor. “Ngjarjet e fundit kanë treguar se trafikimi i drogës dhe trafiku i qënieve njerëzore mbeten një numër çështjesh serioze. Siç është thënë në mënyrë të përsëritur Shqipëria ka nevojë të provojë se ajo mund të vërë në zbatim ligjet në mënyrë të ndershme dhe të barabartë, në të gjithë territorin e saj, që strukturat shtetërore të jenë të çliruara nga influenca e elementeve kriminale, dhe që krimi të ndalet në mënyrë efektive, për të mirën e qytetarëve në Shqipëri. Situatat aktuale tregojnë se progresi drejt Europës është akoma i pamjaftueshëm, për më tepër, një çështje serioze është se disa politikanë e kanë përdorur këtë problem për interesat e tyre politike”,- thuhet ne deklaratë.

Zgjedhjet

“Zgjedhjet e përgjithshme, që duhet të mbahen në vitin 2005 duhet të provojnë gatishmërinë e Shqipërisë për të bërë progres në rrugën e integrimit euroatlantik. BE pret që zgjedhjet e ardhshme të jenë në përputhje me standardet ndërkombëtare dhe të përcillen me transparencë në të gjithë Shqipërinë. Rekomandime të ndryshme janë parashtruar nga OSBE, ODIHR dhe KE në muajt e shkuar. Me mbështetjen e BE-së, prezenca e OSBE-së në Shqipëri ka punuar fort me aktorët politikë, duke u përpjekur të sigurojë një marrëveshje dhe, një paketë me të cilën rekomandimet të kenë efekt. BE është i shqetësuar kur vë re se kjo punë nuk është duke shkuar në ritmin e duhur. Çështja e listave të votuesve është çështja kryesore. Një numër i madh dhe i vështirë parapërgatitjesh nevojiten të bëhen për të përmirësuar listat e zgjedhësve, të cilat do të marrin muaj”,- thuhet në njoftimin për shtyp të Presidencës. Përmes deklaratës zyrtare, BE pret nga të gjithë aktorët politikë, që të përdorin javët e para të sesionit parlamentar, për të bashkëpunuar dhe për të arritur këtë objektiv. “Gjithë politikanët shqiptarë kanë përgjegjësi të ndara për të përgatitur dhe përcjellë përsëmbari këto zgjedhje. Dështimi në këtë çështje vendimtare do të jetë një prapakthim për zhvillimin e marrëdhënieve mes Shqipërisë dhe BE”,- thuhet në deklaratë. Sipas Presidencës holandeze, kjo deklaratë është një nga të shumtat mesazhe të njëjta, që u janë transmetuar liderëve politikanë shqiptarë në pak muajt e fundit. “Një gatishmëri dhe reagim konstruktiv është i nevojshëm. Përafrimi i Shqipërisë në BE kërkon përpjekje më të plota nga forcat politike shqiptare. Nëse do të mundte që mungesa e një politike të ndarë dhe të përgjithshme të pengonte procesin e reformave të vërteta, atëherë procesi i stabilizim -asociimit vetëm do të vonohej”, - përfundon deklarata e Presidencës holandeze.

[Albo]

Një ditë pas deklaratës së Presidencës holandeze zëdhënësja e BE-së komenton nivelin e marrëdhënieve

BE: E turpshme nëse Shqipëria s’bën progres

Zëdhënësja: Është e qartë se nuk mund të kesh zgjedhje të lira e të ndershme nëse nuk ke lista të sakta zgjedhore

Shekulli

TIRANE- “Ne në Bashkimin Evropian do të dëshironim që shqiptarët ta vinin këmbën më fort në pedalen e gazit për të ecur me një shpejtësi më të madhe drejt Evropës. Në qoftë se ne nuk shohim ndonjë progres, atëherë marrëdhëniet tona do të mbeten në vend, dhe kjo do të ishte shumë e turpshme, jo vetëm për ne në Bashkimin Evropian por për vetë Shqipërinë”, -tha dje zëdhënësja e BE-së Emma Udwin. Një ditë pas deklaratës së ashpër të Presidencës së radhës së BE-së në drejtim të qeverisë dhe politikanëve, zëdhënësja, e pyetur për stadin e negociatave, përgjigjet se “Bisedimet vazhdojnë. Në fund të këtij muaji do të ketë një raund tjetër bisedimesh. Por ritmet e këtij progresi janë në duart e vetë shqiptarëve. Ne mund të vazhdojmë të takohemi dhe të bisedojmë, ne mund të ndihmojmë në strukturimin e këtyre bisedimeve, dhe siç e themi edhe në deklaratë, mund t’ia bëjmë të qartë palës shqiptare se çfarë kërkojmë që të bëhet dhe që të bëhet tani. Por vetëm shqiptarët mund të kenë vullnetin politik për t’i kthyer aspiratat në realitet, dhe janë po shqiptarët ata që do të diktojnë edhe ritmet e këtij procesi, qofshin këto të shpejta apo të ngadalta”. Sipas korrespondentes së BBC në Bruksel diplomatët e Bashkimit Evropian thonë se deklarata e fundit nuk është ende një karton i verdhë për Shqipërinë, por duhet konsideruar si një paralajmërim serioz. I njëjti burim shprehet se diplomatët evropianë thonë se kanë një ndjenjë të qartë se në Shqipëri mungon interesi për reforma.

Zgjedhjet

“Është e qartë se nuk është e mundur të kesh zgjedhje të lira e të ndershme nëse nuk ke lista të sakta zgjedhore. Kjo është diçka që kërkon punë dhe ne i themi jo vetëm qeverisë, por të gjithë politikanëve shqiptarë se duhet të punojnë me ngulm që të përgatiten si duhet për këto zgjedhje. Sepse kjo nuk mund të bëhet brenda natës, kjo është diçka që kërkon muaj të tërë. Prandaj ne themi se duam lidhje më të ngushta me Shqipërinë, por kjo nuk mund të bëhet nëse nuk shënohet progres më i shpejtë në këtë fushë, dhe në fushat e tjera të reformave po ashtu, dhe do të shikojmë zgjedhjet më 2005 si test kyç se si po ecën progresi në Shqipëri dhe sa shumë seriozitet po i kushtohet kësaj sfide të reformës”, -shpjegon zëdhënësja e Komisionit Evropian, Ema Udwin. Duke u ndalur për të disatën herë radhazi brenda pak muajve në fushat më problematike ku reformat nuk kanë progresuar Udwin thotë se Shqipëria duhet të tregojë vullnet politik në të gjitha fushat. “Çështjet kryesore janë respektimi i shtetit ligjor, respektimi i të drejtave të njeriut dhe i pakicave. Në rastin e Shqipërisë ne gjithmonë theksojmë se nuk mjafton vetë të nënshkruash ligje dhe rregullore të reja. Duhet të demonstrosh që ke kapacitetet dhe vullnetin që t’i zbatosh ato. Dhe kjo është një fushë ku Shqipëria duhet të tregojë se po avancon me hapa të shpejtë dhe me vendosmëri drejt standardeve evropiane”, -tha ajo. Ndërsa vendet e tjera të Ballkanit si Maqedonia dhe Kroacia, të cilat e kanë nisur aplikimin për anëtarësimin në BE njësoj me ne kanë nënshkruar Marrëveshjen e Stabilizim –Asociimit, por për ne kjo duket e largët.

[kolombi]

'Deklarata e BE-së, paralajmërim serioz'


BEungese interesi për reforma nga Shqipëria.
Analisti i BBC Gabriel Partosh, thote se aktorët kryesorë në Bashkimin Evropian në një farë mënyre po zhgënjehen dhe janë të zemëruar me atë që ata e konsiderojnë si progres i pamjaftueshëm në Shqipëri.
Ai shton se kjo deklaratë është një paralajmërim shumë serioz, jo se gjërat do të përkeqësohen, por se Tirana nuk po i afrohet Brukselit.

Për mendimin tim, thote Partosh, kemi të bëjmë me një paralajmërim të dyfishtë, si për ekipin drejtues të vendit, dhe në një masë më të vogël, për të gjithë politikanët.
Arben Manaj i BBC bisedoi me Gabriel Partoshin.

Arben Manaj: Gabriel Partosh deklarata e fundit e BE-së për Shqipërinë, është shumë e ashpër në formulimin e saj, çka në një mënyrë do të thotë se kupa u mbush, apo jo?

Gabriel Partosh: Mendoj se është një deklaratë që ka një formulim të pazakontë, dhe deri diku të habit.

Ajo reflekton faktin se gjërat në Shqipëri jo se janë përkeqësuar, dhe nuk janë përkeqësuar, por realisht nuk është se gjërat po përmirësohen dhe nëse ka përmirësim, ai është shumë i ngadaltë, me shpejtësi kërmilli.

Aktorët kryesorë në Bashkimin Evropian në një farë mënyre po zhgënjehen dhe janë të zemëruar me atë që ata e konsiderojnë si progres i pamjaftueshëm në Shqipëri.

Arben Manaj: Gabriel Partosh, Shqipëria nuk është shumë larg zgjedhjeve të ardhëshme të përgjithshme, dhe sipas deklaratës së BE-së, të krijohet përshtypja se autoritetet shqiptare nuk po i marrin seriozisht gjërat dhe nuk po ndërmarrin hapat e duhur në kohën e duhur. A keni edhe ju këtë përshtypje?

Gabriel Partosh: Jo tamam kështu. Kjo mund të jetë mënyra sesi perceptohen gjërat në Bruksel. Unë mendoj se situata është pak më ndryshe.

Një nga problemet, është se lipsen marrëveshje gjithëpartiake, sigurisht të lojtarëve kryesore politik, për krijimin e kuadrit të duhur ligjor për zgjedhjet.

Dhe në një mënyre, kjo pranohet në Bruksel, se nuk është vetëm qeveria që duhet fajësuar, dhe se të gjithë faktorët e rëndësishëm politike, do të duhet të impenjohen, dhe jo vetëm kaq, por edhe të bëjnë kompromise.

Një tjetër problem, është edhe një dallim kulturash që egziston në këtë mes, ku Brukseli nuk e kupton plotësisht, të paktën në këtë deklartë, ku thuhet se ka ardhur koha të fillojnë të përgatiten për zgjedhjet apo listën e votuesve, dhe kjo të bëhet që tani, dhe të mos lihet për minutën e fundit.

Problemi është se tradicionalisht në Shqipëri ka një tendencë për marrëveshje të minutës së fundit, për improvizime, dhe jo për planifikime afatgjata metodike.

Mendoj se kjo në një farë mënyre, nuk është faj i ndonjë faktori politik apo individi apo qeverie, por i mënyrës që përgjithësisht bëhet qeverisja dhe administrimi i punëve në një sens më të gjerë.

Arben Manaj: Gabriel Partosh, deklarata e Bashkimit Evropian flet për mungesë interesi për reforma në Shqipëri. Ky është një formulim shumë i ashpër pa as më të voglin shqetësim për të qënë diplomatik apo jo?

Gabriel Partosh: Po. Mendoj se kjo reflekton në një farë mënyre , qëndrimet që mbajnë shumë politikanë shqiptarë, ku disa nuk e marrin seriozisht idenë e reformave, thjesht i bëjnë qejfin në mënyrë të veçantë BE-së, dhe deri diku Uashingtonit.

Ndërkohë që ka të tjerë, që mund të kenë interesa për reforma, por mund të ndihen të penguar, sepse reformat kudo në botë, në mënyrë të pashmangshme, bien ndesh me interesa të caktuara apo interesa biznesi.

Dhe në Shqipëri, mendoj se ende deri diku, ka një mungesë gatishmërie për ti çuar gjërat larg, apo të armiqësojnë interesa të cilat mund të jenë aleatë të tu financiarish, që ofrojnë mbështetje biznesi e kështu me rradhë.

Mendoj se nuk është vetëm mungesë interesi, që mund të qëndrojë deri diku, por kemi të bëjmë edhe me vështirësitë e bërjes se reformave pa bërë armiq miqtë e tu.

Arben Manaj: Gabriel Partosh, cilat do të jenë pasojat e mundshme në cilindo plan që ta shikosh, për politikën shqiptare dhe shqiptarin e thjesht, kur flitet për aspiratën e integrimit në Bashkimin Evropian?

Gabriel Partosh: Sinjali më i qartë në këtë mesazh është se nuk do të ketë progres në negocimin e Marrëveshjes së Stabilizim-Asocijimit, të cilat vazhdojnë që prej 18 muajsh, dhe kjo është një kohë e gjatë negociatash.

Politikanët shqiptarë dikur patën deklaruar për përfundimin e tyre brënda një viti. BE privatisht sugjeronte se mund të shkonin dy vjet, dhe me këtë temp, nuk mendoj se përfundimi i marrëveshjes duket në horizont.

Ky është një paralajmërim shumë serioz, jo se gjërat do të përkeqësohen, por se Tirana nuk po i afrohet Brukselit.

Për mendimin tim, kemi të bëjmë me një paralajmërim të dyfishtë, si për ekipin drejtues të vendit, dhe në një masë më të vogël, për të gjithë politikanët.

E para, kjo do të thotë mos prisni më ndihmë,dhe mbështetje financiare, e cila vjen nga bashkëpunimi më i ngushtë.

Dhe e dyta, kjo mund të përdoret kundër politikanëve në Shqipëri veçanërisht në prag të zgjedhjeve, dhe ndoshta më me sukses nga ana e opozitës, sepse në fund të fundit, është qeveria e cila normalisht duhet të jetë përgjegjëse.

Por cilatdoqofshin përcaktimet që vijnë nga Brukseli për të gjithë politikanët, deklarata mund të përdoret dhe shfrytëzohet nga opozita , nga Partia Demokratike kundër socialistëve në pushtet, të cilët mund të thonë se ku po na çoni, nëse Brukseli shprehet në këtë mënyrë.

Është një deklaratë shumë e rëndesishme dhe do të përdoret, jam i sigurt gjerësisht, nga çdo krah i mundshëm, ndoshta më me sukses nga opozita, gjate muajve të ardhshëm.

[Albo]

BE anullon negociatat me qeverine shqiptare

Misioni i Komisionit Europian nuk do te vije ne Tirane me 28 shtator per te zhvilluar Raundin e tete teknik te bisedimeve per Marreveshjen e Stabilizim-Asociimit. Brukseli njofton qeverine shqiptare, ndersa arsyet mbeten te paqarta. Gjate diteve te fundit, diplomatet e BE-se kane kritikuar ashper ecurine e ngadalte te reformave ne Shqiperi

Elton METAJ

Pas nje jave te dendur me kritika te ashpra ne drejtim te qeverise dhe klases politike shqiptare, Komisioni Europian i ka dhene nje shuplake te forte Shqiperise, duke anulluar raundin e ardhshem te negociatave per Marreveshjen e Stabilizim-Asociimit. Negociata qe duhej te zhvilloheshin me 28 shtator ne Tirane. Por ekspertet e Brukselit, sipas burimeve diplomatike, nuk do te jene te marten e ardhshme ne kryeqytetin shqiptar. Per kete eshte njoftuar zyrtarisht edhe qeveria shqiptare, e cila ishte pergatitur te priste vizitoret ne fund te shtatorit, per te shqyrtuar oferten e re te produkteve bujqesore. Nderkohe, zyrtaret e KE-se ende nuk kane percaktuar nje date te mundshme per te realizuar Raundin e tete teknik te negociatave per Marreveshjen e Stabilizim-Asociimit.

Burime diplomatike, nga ana tjeter, perjashtuan mundesine, qe ne qender te shtyrjes se raundit te bisedimeve te kene qene problemet politike. Qeveria shqiptare miratoi pak dite me pare oferten e re te produkteve bujqesore, qe pritej te diskutohej ne raundin e negociatave te fundshtatorit me misionin e KE-se. Sipas krereve te ekzekutivit, oferta e re eshte produkt i perbashket i bashkepunimit te Ministrise se Bujqesise dhe Ushqimit, asaj te Ekonomise, Financave dhe Ministrise se Integrimit Europian, te asistuara nga konsulente te programit PHARE te BE-se.

Vendet e Bashkimit Europian kritikuan pak dite me pare Tiranen per mungesen e vullnetit politik per te kryer reformat, duke nisur nga reforma zgjedhore, deri te lufta kunder krimit te organizuar dhe korrupsionit. Sipas ambasadorit te Komisionit Europian ne Tirane, Lutz Salzman, "per t'u bere anetar i BE-se, nje shtet duhet te kaloje disa faza zhvillimi" dhe "faza e pare eshte Marreveshja e Stabilizim-Asociimit". "Me Shqiperine ende nuk e kemi nenshkruar kete Marreveshje, dhe kjo varet edhe nga zgjedhjet e vitit te ardhshem. Pra do te presim rezultatet e zgjedhjeve perpara se te vendosim", u shpreh diplomati ne nje interviste. Sipas tij, me pas vjen faza e dyte, ajo e zbatimit te kesaj Marreveshjeje, qe zgjat disa vite. Pas kesaj do te perpilohet nje raport per te verifikuar, nese Shqiperia i ka plotesuar kriteret per t'u bere kandidate per anetaresim ne BE. "Deri tek kandidatura dhe anetaresimi ne Bashkimin Evropian, Shqiperise i duhen te pakten 15 vjet", eshte shprehur ambasadori i KE-se, Salzman.

[Kryeplaku]

Publiku Shqiptar nuk ka asnje shkak qe te shqetesohet per keto ngjarjet e fundit. Shqiperia eshte pjese e Europes dhe kete nuk e mohon dot njeri, nga andej e tutje nuk eshte ne interes te popullit shqiptar te hy ne nje organizate te tipit federativ ne gjendjen qe ndodhet tani. Ne nuk duam te behemi turpi i Europes dhe as rrefugjatet e perjetshem, ne duam nje Shqiperi te perparuar brenda nje Europe te perparuar. Ata qe donin nje Shqiperi mafioze me cader europiane sot deshtuan njehere e pergjithmone. Hyrja ne BE ishte kyci i propagandes naniste. Tani Nano e humbi edhe valiumin e tij te fundit per popullin shqiptar, cfare i ngelet me tjeter per te reklamuar?

Zoti i bekofte ata komisioneret e BE, te cilet kryejne punen e tyre me ndershmeri shembullore, qe nuk i interesojne gafurjet naniste/berishiane dhe as gjumi i rende i publikut shqiptar!

[Zarathustra.]

Ndoshta ne Shqiperi zgjedhjet e normave Perendimore, me saktesi te tilla jane praktisht te pamundura, duke konsideruar strukturen e vjeteruar te organizimit te zgjedhjeve. Nje organizim perfekt i zgjedhjeve kerkon mbi te gjitha teknologji te larte, dhe sistem operativ shume te sofistikuar i cile nga an tjeter eshte shume i shtrenjte. Kushton shume para te ngresh ne kembe nje sistem ku ndiqet me perpiktemi levizja e lire e njerezve dhe rregjistrimi i tyre. Ketu po bejme fjale per nje vend qe s'ka adresa te sakta akoma. Problemi kryesor ngelen listat, dhe jo dhuna e policise apo nderhyrjet e pushtetit ne momentin e votes. Ky eshte pregres kur krahasohet me llahtaren e 96 kur PD fitoi me 99% edhe ne Permet apo zona ku njihet dominanca e PS. SIc eshte pare ne zgjedhjet e fundit rezultatet kane qene shume here me realiste sesa ato te 96 qe sic e thashe fitohej me 99%.
Ne fund te fundit kush eshte ai gomar ketu qe pretendon se Sala do bej zgjedhje te lira, kur ky dhe PD ishin te paret qe hapen lojen e hajduterise se votes. Zgjedhjet e 91 psh ishin model. PS nuk vodhi asnje vote.

Ky eshte paradoksi shqiptar. Hajduti therret "kape hajdutin". Kulmi.

Si thote Jovan Bregu, kjo eshte tia japesh vetes BAM.

[Albo]

Presidenca holandeze e BE mbështet raportin e OSBE: Shoqëria po i sheh si normale krimin dhe korrupsionin

Brukseli: Zgjedhjet 2005, mundësia e vetme


A. Rama

TIRANE - Bashkimi Europian ritheksoi sërish dje se zgjedhjet parlamentare të vitit 2005, janë mundësia e vetme dhe jetësore për ecurinë e mëtejshme të demokracisë në Shqipëri, por dhe për të nxjerrë shqiptarët nga kriza e besimit për klasën politike në vend. Me anë të një deklarate, BE është shprehur zyrtarisht rreth raportit 6-mujor të paraqitur dje nga ambasadori i OSBE-së në Tiranë Osmo Liponen në Këshillin e Përhershëm të OSBE-së në Vjenë, duke e vënë theksin tek rëndësia që kanë për të ardhmen, zhvillimi i zgjedhjeve të përgjithshme në përputhje me rekomandimet e ODIHR-it. Sipas BE-së, në raportin që Liponen ka paraqitur në Vjenë, thuhet se Shqipëria tashmë e sheh veten në një udhëkryq në zhvillimin e saj. Në këtë aspekt prezenca e BE-së e drejtuar nga Holanda, i tërheq edhe një herë vëmendjen forcave politike shqiptare për të realizuar në kohë reformën zgjedhore. Sipas BE-së, i pamjaftueshëm ngelet ritmi i reformave në fusha jetësore të vendit, ku shqetësuese vazhdon të mbetet lufta kundër krimit të organizuar dhe trafiqeve. “Klasa politike duhet t’u përmbahet pritshmërive dhe të tregojë gatishmërinë e saj për të ndrequr mangësitë e identifikuara nga ODIHR-i në zgjedhjet e fundit për organet e qeverisjes vendore të zhvilluara në tetor 2003. BE-ja është e shqetësuar për progresin e pamjaftueshëm në Shqipëri për gjetjen e bazave të përbashkëta politike. Ne nxisim fuqimisht të gjithë politikanët shqiptarë të zbatojnë rekomandimet e hartuara nga raporti përfundimtar i ODIHR-it për zgjedhjet vendore të tetorit 2003 dhe rekomandimet e përbashkëta të ODIHR-it dhe Komisionit të Venecias mbi Kodin Zgjedhor. Çështje kyçe mbetet përmirësimi i listave të zgjedhësve, që do të kërkojë në vullnet të mirë të konsiderueshëm nga të gjitha palët e interesuara. Gjithashtu, ne bëjmë thirrje për progres në përbërjen e Komisionit Qendror të Zgjedhjeve”, -thuhet në deklaratën e BE-së. BE, ju bën thirrje të gjithë politikanëve shqiptarë që të lënë mënjanë armiqësitë personale, për të kontribuar seriozisht që vendi të kapërcejë problemet aktuale. “Ne ndajmë të njëjtat komente me ambasadorin Liponen se shoqëria shqiptare “po i sheh problemet e korrupsionit, kriminalitetit dhe shtetit të së drejtës si konstante të përhershme në jetën e saj”, -vijon deklarata e BE-së. Vendi kryesues i BE-së, Holanda vëren më tej se Shqipëria vazhdon të shihet si vend i origjinës ashtu edhe vend tranziti për migrantët e paligjshëm dhe trafikimin e qenieve njerëzore, dhe se niveli i krimit të organizuar dhe korrupsionit është shkurajues. Deklarata e BE-së vlerëson pozitive miratimin e ligjit të pronave, duke kërkuar nga strukturat përkatëse zbatimin e menjëhershëm të tij, që fillon me emërimin e kryetarit të Komitetit të Kthimit të Pronave për të zgjidhur problemet e zgjatura të pronësisë. Po kështu vlerësohet edhe puna që ka nisur për hartimin e rregullores së re të Kuvendit që do të shërbejë për reformimin e administratës dhe strukturave të tij.



1.BE-ja është dakord me përfundimet e raportit, që konfirmojnë vlerësimet e përfshira në Deklaratën e BE-së për Shqipërinë dhënë së fundmi (14 shtator) dhe letrën e komisionerit Patten dërguar kryeministrit Fatos Nano (19 korrik).


2.Ne besojmë shumë se Shqipëria e gjen veten në një udhëkryq të rëndësishëm në zhvillimin e saj. Afrimi i Shqipërisë me strukturat euro-atlantike varet, para së gjithash, nga ecuria e reformës.

3.Shqetësim të madh përbën progresi i pamjaftueshëm që po bëhet në zbatimin e reformës dhe veçanërisht në fusha që janë jetësore për të ardhmen e Shqipërisë dhe integrimin e saj të suksesshëm: ritmi i reformës në Shqipëri, në përgjithësi, si dhe reforma zgjedhore, dhe lufta kundër krimit të organizuar e korrupsionit, në veçanti. Fusha të tjera që përbëjnë shqetësim mbeten shteti i së drejtës dhe respektimi i të drejtave të njeriut dhe pakicave, veçanërisht në fushën e arsimimit, pronave dhe aksesit në media.


4. Ne vërejmë se janë miratuar ligje të rëndësishme, më specifikisht Ligji për Kthimin dhe Kompensimin e Pronave, që përpiqet t’u japë fund mosmarrëveshjeve pa fund mbi pronësinë e tokës. Ne u bëjmë thirrje autoriteteve shqiptare të sigurojnë zbatimin e duhur dhe transparent të këtij legjislacioni. Në këtë kontekst, ne nxisim partitë politike të arrijnë një marrëveshje për emërimin e kryetarit të Komitetit Shtetëror për Kthimin dhe Kompensimin e Pronave, që është një prej kushteve thelbësore për zbatimin e menjëhershëm të këtij ligji.


5. Hapa të tjerë të rëndësishëm përpara kanë të bëjnë me reformën e rregullores së Kuvendit dhe reformimin e administratës së Kuvendit. Sikurse theksohet në raportin e ambasadorit Liponen, aftësia e Kuvendit për të marrë përgjegjësi për reformat dhe modernizimin e tij do të arrihet vetëm pasi ai të arrijë pavarësinë buxhetore nga qeveria.


6. BE-ja i konsideron zgjedhjet e përgjithshme, të planifikuara për në verë të vitit 2005, si vendimtare për aspiratat e Shqipërisë me qëllim progresin në Procesin e Stabilizm-Asociimit. Kjo është një mundësi unike dhe jetësore për popullin e Shqipërisë. Klasa politike duhet t’u përmbahet pritshmërive dhe të tregojë gatishmërinë e saj për të ndrequr mangësitë e identifikuara nga ODIHR-i në zgjedhjet e fundit për organet e qeverisjes vendore të zhvilluara në tetor 2003. BE-ja është e shqetësuar për progresin e pamjaftueshëm në Shqipëri për gjetjen e bazave të përbashkëta politike. Ne nxisim fuqimisht të gjithë politikanët shqiptarë të zbatojnë rekomandimet e hartuara nga raporti përfundimtar i ODIHR-it për zgjedhjet vendore të tetorit 2003 dhe rekomandimet e përbashkëta të ODIHR-it dhe Komisionit të Venecias mbi Kodin Zgjedhor shqiptar. Çështje kyçe mbetet përmirësimi i listave të zgjedhësve, që do të kërkojë vullnet të mirë të konsiderueshëm nga të gjitha palët e interesuara. Gjithashtu, ne bëjmë thirrje për progres në përbërjen e Komisionit Qendror të Zgjedhjeve (KQZ). Bashkimi Evropian përshëndet përpjekjet e grupit të ekspertëve teknikë të drejtuar nga Prezenca. Ne theksojmë se shumë shpejt duhet të jenë të dukshme rezultate të prekshme për këto përpjekje dhe i bëjmë thirrje ODIHR-it të vazhdojë të bashkëpunojë me Prezencën në këtë aspekt.


7. BE-ja i bën thirrje udhëheqësve politikë shqiptarë të kapërcejnë armiqësitë personale dhe të fillojnë të punojnë për çështje themelore për zhvillimin ekonomiko-shoqëror të Shqipërisë. Zgjedhjet e përgjithshme të vitit 2005 përbëjnë një mundësi reale për të lëvizur përpara dhe për të zgjidhur mungesën e besimit në sistemin politik, që ndihet mes shtetasve shqiptarë. Ne ndajmë të njëjtat komente me ambasadorin Liponen se shoqëria shqiptare “po i sheh problemet e korrupsionit, kriminalitetit dhe shtetit të së drejtës si konstante të përhershme në jetën e saj”.



9.Lufta kundër korrupsionit dhe krimit të organizuar duhet të vazhdojë me këmbëngulje dhe vendosmëri. Për shembull, Shqipëria vazhdon të shihet qoftë si vend i origjinës ashtu edhe si vend tranziti për migrantët e paligjshëm dhe trafikimin e qenieve njerëzore. Shkalla e krimit të organizuar dhe korrupsionit është shkurajuese dhe mbetet ende shumë punë për t’u bërë.


10. BE-ja përshëndet përpjekjet e Prezencës së OSBE-së dhe e konsideron mandatin e Prezencës së OSBE-së një kornizë të mirë dhe të përshtatshme për veprimtari të ardhshme.

[Albo]

Bruksel, ministrat Islami e Meksi marrin mesazhe nga ndërkombëtarët për zgjedhjet

Solana: Negociatat varen nga zgjedhjet

Takime edhe me komisionerin për zgjerimin e BE-së, Oli Ren


Nga korrespondenti ynë në Bruksel, Ernest Bunguri

Ministri i Jashtëm, Kastriot Islami, dhe kolegia e tij për integrimin në qeverinë shqiptare, Ermelinda Meksi, kanë zhvilluar dje në Bruksel takime me zyrtarë të lartë evropianë.

I ftuar në debat-konferencën e organizuar nga Qendra e Politikave Evropiane, dhe fondacioni belg “Mbreti Boduin”, ministri Islami ka mbajtur edhe një referat me temë “Shqipëria 5 vjet pas Paktit të Stabilitetit”. Ndërkohë, Ermelinda Meksi është takuar me Doris Pakun, kryetaren e delegacionit europarlamentar për Evropën Juglindore, ku është diskutuar gjerësisht çështja e zgjedhjeve të vitit 2005. Takim ishte i programuar, por në të njëjtën kohë ka rastisur një ditë pas deklaratës që Doris Pak u shërndau mediave në Tiranë. “Ishte një takim shumë pozitiv, ku shkëmbyem informacione në lidhje me situatën në Shqipëri”, rrëfeu për “Panoramën” ministrja Meksi pas takimit. “Doris Pak më siguroi mbështetjen e saj dhe të Parlamentit në rrugën e Shqipërisë drejt BE-së”,vazhdoi Meksi më tej. Gjatë takimit, përveç bisedave për reformat në vend apo progreset e deritanishme, kryefjala ishte edhe situata parazgjedhore. “Unë i rrëfeva Z. Pak për 18 pyetjet e Taskforcës drejtuar Parlamentit shqiptar në lidhje me zgjedhjet, si edhe që qeveria është e angazhuar dhe ka vullnetin e duhur për reformat, me afate kohore të caktuara qartë”, sqaroi ministrja Meksi për “Panoramën” menjëherë pas këtij takimi. Sipas saj, që nga pyetja e parë, e cila lidhet me problemin e listave zgjedhore, e deri tek e fundit, e cila ngre problemin e pjesëmarrjes të grave në këtë proces, Parlamenti do të shqyrtojë dhe punojë për shuarjen e shqetësimeve të ndërkombëtarëve. “Unë mora sigurinë, se me zonjën Pak, pikërisht si gra që jemi, do të kontribuojmë për moderimin e situatës, në një vend si Shqipëria, ku polemikat gjejnë terren pjellor”, ka deklaruar Ermelinda Meksi më pas. Ministrja Meksi i ka dorëzuar eurodeputetes gjermane edhe platformën e qeverisë shqiptare për planin e veprimit në kuadër të partneritetit evropian.

Ndërkohë, pasditen e djeshme, ministrat Islami dhe Meksi janë takuar edhe me komisionerin e ardhshëm për zgjerimin evropian, finlandezin Oli Ren, i cili vetëm dy ditë më parë mbrojti para europarlamentarëve projektin e tij mbi marrëdhëniet me vendet e Evropës Juglindore që janë pranë pranimit apo në negociata. Ai theksoi gjatë prezantimit të projektit të punës së tij se mundësia e kandidimit të Shqipërisë për në BE mund të viojë vetëm pas vitit 2009.

Takimi me Solanën
Ministrat Islami e Meksi kanë pasuar më pas takim edhe me Havier Solanën, përfaqësuesin e lartë për politikë të jashtme dhe siguri në Bashkimin Evropian. “Shqipëria ka ecur mirë me reformat ekonomike. Rritja vjetore prej 6 % nuk mund të neglizhohet. Por në vend ka fusha të tjera që kërkojnë më shumë dinamizëm”, deklaroi Havier Solana për “Panoramën”, pas takimit me ministrat shqiptarë. “Njihet roli i Shqipërisë në rajon, por problem ngelet zhvillimi i drejtë i zgjedhjeve”, ka vazhduar Havier Solana më tej. “Unë fola gjatë me Fatos Nanon në takimin që patëm në selinë e OKB-së në Nju-Jork, si dhe me minisrin Islami sot, dhe shpresoj se gjërat do të regullohen në kohë”, ka shtuar Solana më tej. Në rast të kundërt, sipas këtij të fundit, “është logjike që zgjedhje si të mëparshmet mund të kushtëzojnë mbylljen e negociatave në kuadër të procesit të stabilizim-asocimit”.



Priten nga Terri Dejvis
Delegacioni takim me sekretarin e KE-së

Delegacioni shqiptar në KE në përbërjen e të cilit ishin deputetët Koçi, Berisha, Dedja dhe zëvëndësanëtarja Jozefina Topalli, ka pasur dy ditë më parë një takim me sekretarin e përgjithshëm të KE-së, Terri Dejvis. Delegacioni shqiptar ka uruar sekretarin e KE-së për zgjedhjen në këtë post dhe biseda ka vijuar me zhvillimet e fundit në Shqipëri. Kryetari i opozitës, Sali Berisha, është përqëndruar tek çështja e reformës zgjedhore në Shqipëri dhe debatet për KQZ-në. Ai ka akuzuar mazhorancën socialiste dhe qeverinë shqiptare për bllokimin e reformës zgjedhore në Shqipëri dhe, në mënyrë të veçantë mësohet se ka theksuar nevojën e balancimit të KQZ-së. Duke vënë theksin tek rëndësia e një procesi zgjedhor demokratik dhe të pakontestueshëm në Shqipëri, Berisha ka kërkuar mbështetjen e ndërkombëtarëve për të zhbllokuar procesin e reformës zgjedhore në Shqipëri. Ndërkohë, Berisha ka paraqitur para përfaqësuesve të KE-së edhe konfliktin Nano - Lesi që, sipas tij, është “dhunim i fjalës së lirë në Shqipëri”. Ndërkohë, kryetari i delegacionit parlamentar të Shqipërisë në KE, Petro Koçi, ka vlerësuar zgjedhjen e Dejvisit. “Bashkohemi me vizionin tuaj për një organizatë më të fortë në veprimin e saj për demokraci sundim të ligjit dhe të drejtat e njeriut. Kjo ishte dhe arsyeja që delegacioni ynë e mbështeti plotësisht zgjedhjen tuaj si sekretar i përgjithshëm i KE-së”, është shprehur Koçi. Sekretari i përgjithshëm i KE-së, Dejvis, është shprehur se do të jetë i paanshëm në qëndrimin e tij ndaj forcave politike në Shqipëri. Ai deklaroi se shumë shpejt do të zhvillojë një vizitë në Shqipëri.

[Albo]

Flet kreu i Delegacionit për Evropën Juglindore

Pak: Të plotësohen rekomandimet e OSBE-së

Nga korrespondenti ynë në Bruksel, Ernest Bunguri

Kreu i delegacionit europarlamentar për Evropën Juglindore, Doris Pak, ka paralajmëruar klasën politike shqiptare që të marrë seriozisht ultimatumin për zgjedhjet. Në një intervistë për “Panoramën” ajo shprehet se ka ende besim që partitë shqiptare mund t’ia arrijnë.

Zonja Pak, ju i keni shpërndarë një deklaratë shtypit shqiptar. Cila ishte arsyeja?
Një ditë para kësaj deklarate lexova në shtypin shqiptar se kryeministri i vendit i ka sulmuar ndërkombëtarët, pasi, sipas tij, këta të fundit i trajtokan shqiptarët si nxënës, dhe jo si partnerë. Unë mendoj se gota është mbushur. Më ka ardhur në majë të hundës duke dëgjuar gjithmonë disa nga politikanët shqiptarë që sulmojnë vazhdimisht Komisionin, ndërkombëtarët, dhe evropianët për reagimet e këtyre të fundit. Ndërkohë, në shtypin shqiptar, lajmet nuk ndryshojnë dhe në vend flitet vetëm për zgjedhjet. Nuk e kuptoj se si Shqipëria, politikanët, qeveria, nuk janë të aftë ta kryejnë këtë reformë. Habitem, pasi unë punoj edhe me Bosnjën për shembull, dhe të gjitha vendet e tjera në Ballkan. Bosnja është një vend që ka njohur luftën, që njeh akoma probleme ndëretnike, por ama ata janë të aftë të organizojnë zgjedhje korrekte.

Pse Shqipëria, që nuk ka njohur luftë, që nuk njeh probleme ndëretnike, nuk është në gjendje ta mbyllë një herë e mirë këtë problem?
Mendoj se kemi të bëjmë me papjekuri, dhe kjo gjë duhet të thuhet hapur. Unë interesohem për Shqipërinë, dhe dua që vendi të vazhdojë negociatat me Evropën, ndaj mendoj se duhet t’i mbyllin diskutimet në mënyrën e duhur, pra të gjejnë zgjidhjen e duhur për zgjedhjet. Dihet se kjo është, në fillim, detyra e kryeministrit dhe e qeverisë, dhe e Parlamentit ku qeveria ka mazhorancën. Këta të fundit duhet të respektojnë propozimet e OSBE-së, dhe ta mbyllin me këtë çështje, për të fituar kohë dhe për t’u marrë me probleme të tjera që mbeten në të gjitha fushat e tjera. Në takimin me ministren Meksi, që të dyja ishim me të vërtetë dakord që duhet punuar mbi të gjitha problemet dhe të gjitha çështjet që janë shtruar në tavolinë nga ana e Komisionit Evropian. Dhe ajo më siguroi se është dakord me të gjitha këto, si dhe se po punohet për këtë. Unë, personalisht, shpresoj që diskutimet mbi zgjedhjet të marrin fund sa më shpejt.

Ju keni punuar gjatë mandatit të kaluar pesëvjeçar me Shqipërinë. Në mandatin e ri, jeni përsëri kryetare e delegacionit për Ballkanin. Me eksperiencën tuaj, a mendoni se kësaj radhe do të kemi zgjedhje korrekte si në Bosnjë?
Unë punoj me Shqipërinë që prej vitit 1992, dhe jam presidentja e këtij delegacioni që nga viti 1995. Ky korrigjim për t’ju treguar se e njoh me të vërtetë mirë Shqipërinë. E di se nuk ju mungon kapaciteti për të bërë të njëjtën gjë si fqinjët tuaj, dhe e përsëris, nuk e kuptoj pse politikanët shqiptarë nuk i japin fund. Edhe një herë, nëse Bosnja mban zgjedhje të regullta, pse jo Shqipëria, ku nuk ka pasur luftë, as probleme ndëretnike pra. Nuk e kuptoj se si edhe një çështje të tillë si zgjedhjet e përdorin për interesa të ngushta të partive politike. Unë mendoj se ka ardhur koha ta mbyllin këtë problem, dhe i bëj thirrje, me të vërtetë: qeverisë, partisë që ka mazhorancën, por edhe parlamentarëve të tjerë, opozitës, që të gjejnë një kompromis tani, dhe ta mbyllin me këtë.

Ju po bëni një thirje që e keni bërë disa herë, por kësaj radhe shumë kohë para zgjedhjeve. Po në qoftë se dështojnë edhe kësaj radhe?
Unë po filloj të jem e dëshpëruar. Nëse edhe kësaj radhe do të kemi, si radhën e kaluar, përsëri manipulime, nuk do di si ta kuptoj më. Do të kemi të bëjmë me një ves që nuk mund ta pranojmë. Një vend që ka filluar negociatat me Bashkimin Evropian, duhet të tregohet i pjekur në lidhje me çështje madhore politike, dhe duhet të gjejë një bazë demokratike, me anë të organizimit të zgjedhjeve korrekte. Unë jam e bindur se shqiptarët e kanë kapacitetin për një gjë të tillë, prandaj shpresoj të mos kemi të njëjtat probleme që patëm katër vjet më parë.

A keni probleme mirëkuptimi, komunikimi me Tiranën, nga Brukseli. Mendoni se ju dëgjojnë. A ju kuptojnë kur lëshoni mesazhe të tilla?
Kam vënë re se populli shqiptar më kupton. Për këtë jam e sigurtë. Ka edhe disa politikanë, të të gjitha partive, që më kuptojnë. Por nuk jam e sigurtë që disa të tjerë, e kuptojnë me të vërtetë se mesazhet e mia nuk formulohen për të sulmuar dikë personalisht. Me këto mesazhe kërkoj të sensibilizoj politikanët, qeverinë, Parlamentin, që të punojnë në mënyrë korrekte.

Dhe shpresoj që mesazhi i fundit do të dëgjohet kështu. Por, problemi tjetër është se duhet edhe të dëshirojnë të dëgjojnë. Nëse nuk duan të dëgjojnë, duke u mbajtur për më të mëdhenjtë, më të bukurit, apo më të zgjuarit, atëherë punët nuk do të kryhen asnjëherë. Ky pra është problemi. Dhe shpresoj që një herë e përgjithmonë, këto zgjedhje do të mbahen në mënyrë krejt korrekte.

Kur ju dëgjojmë, kur dëgjojmë dhe mesazhet e BE-së të lëshuara nga Presidenca holandeze, të lind përshtypja se ju ja doni më shumë të mirën Shqipërisë se njerëzit që e drejtojnë vendin, apo se partitë politike në vend...
Nuk mund të gjykoj në lidhje me këtë. Po ajo që kam përsëritur shpeshherë është që politikanët shqiptarë duhet të punojnë për mirëqenien e popullit shqiptar. Që situata e përditshme në vend të përmirësohet, për të gjithë, për fëmijët, të cilët duhet të qëndrojnë në atdheun e tyre, vend ku duhet të shohin një të ardhme, përndryshe do të largohen. Unë mendoj se në vend ka kapacitet, por nuk përdoret siç duhet, dhe këtë gjë e përsëris prej kohësh. Unë nuk po i shpall luftë kurrkujt. Dua vetëm të sensibilizoj realisht politikanët shqiptarë, për të punuar mbi planin politik që ju kanë ofruar në tavolinë, dhe sigurisht me rekomandimet e evropianëve. Nëse ju ofrojmë ide, kjo s’do të thotë qe ne i trajtojmë shqiptarët si nxënës, e jo si partnerë. Ju kujtoj se është Shqipëria ajo që kërkon të bëhet anëtare e Bashkimit Evropian. Në këtë pikë, duhen përmbushur kushtet e duhura, ashtu siç e kanë bërë të gjithë: Gjermania, Franca etj. Ne nuk po ju kërkojmë ndonjë gjë më shumë shqiptarëve, por vetëm gjëra krejt normale, të cilat janë përmbushur dhe respektohen për shembull edhe nga 10 vendet e reja anëtare në BE. Për ata që kanë veshë në Shqipëri, e përsëris: unë flas për shqiptarët, dhe jo kundër një, dy apo tre politikanëve. Këtyre të fundit u kërkoj të më dëgjojnë dhe të punojnë për të njëjtin qëllim që kemi të gjithë.

A keni parashikuar ndonjë vizitë në Shqipëri, apo do të jeni atje vetëm para zgjedhjeve?
Kemi kolegët shqiptarë që do të na bëjnë një vizitë së shpejti, në nëntor me sa mbaj mend. Dhe për këtë problem, në fillim do të diskutojmë këtu në Bruksel, pasi zgjedhjet mbahen vitin që vjen, kohë kur do të shkoj patjetër, si observatore, dhe shpresoj që deri atëherë, gjërat do të jenë përmirësuar në terren. Mendoj se me kaq i kam thënë të gjitha. Në Shqipëri, mund të më kuptojnë, nëse duan të më kuptojnë.

[Albo]

RUPEL: ZGJEDHJET, TEST KRITIK PER SHQIPERINE

Edlira Prenga

Kreu i OSBE-se, Dimitri Rupel, mblodhi dje perfaqesuesit e te gjitha partive politike, kreun e KQZ-se, ministrin e Pushtetit Vendor, drejtuesin e "Mjaft", ne nje takim te posacem per procesin e ardhshem zgjedhor. Nuk kane qene te pakta kritikat qe kane ardhur nga kreu i kesaj organizate per menyren e organizimit te proceseve zgjedhore. Duke e konsideruar procesin zgjedhor si testin e fundit per Shqiperine per te qene pjese e strukturave euro-atlantike, Rupel ka theksuar ne menyre te qarte se ne jemi vendi me problematik ne Ballkan sa u perket proceseve zgjedhore. Ne takmin qe u zhvillua ne zyrat e OSBE-se, ministri i Jashtem slloven duke shprehur kenaqesine lidhur me perpjekjet e lidereve politike ne vend per ta integruar vendin e tyre drejt strukturave evropiane dhe NATO-s, u shpreh se "Shqiperia eshte i vetmi vend ne Ballkan, i cili paraqet ende probleme te dukshme me zhvillimin e procesit zgjedhor". Ne kete menyre Rupel ka dhene sinjalet e qarta se procesi zgjedhor i ketij viti duhet te plotesoje standardet e kerkuara nderkombetare. "Zgjedhjet parlamentare ne Shqiperi, te caktuara gjate kesaj vere, do te jene nje test madhor per vendin tuaj, prandaj duhet qe te zhvillohen ne perputhje me te gjitha standardet e parashikuara nderkombetare", eshte shprehur shefi i OSBE-se ne takimin e djeshem me perfaqesuesit e partive politike duke shtuar gjithashtu se "zgjedhjet parlamentare te ketij viti jane ne menyre kritike teper te rendesishme per te ardhmen e Shqiperise". Mesazhi i dhene dje ne takim ka qene i qarte. "Nese Shqiperia deshiron te jete nje anetare e strukturave euro-atlantike, duhet qe t'i permbushe patjeter detyrimet e saj, duke u nisur qe nga lenia menjane e praktikave te gabuara te se kaluares dhe konsolidimit te demokracise se saj, duke realizuar zgjedhje te drejta dhe te rregullta", ka cilesuar ai duke bere te qarte ne te njejten kohe se lideret politike kane pergjegjesine e tyre kryesore ne kete proces. "Te gjithe lideret politike ne vend duhet te mbajne pergjegjesine e tyre qe keto zgjedhje te zhvillohen sipas standardeve nderkombetare", i eshte drejtuar Rupel politikes shqiptare duke u fokusuar ne rendesine qe duhet te kene posacerisht marredheniet me publikun gjate ketyre zgjedhjeve, si edhe pergatitjet teknike parazgjedhore per te siguruar nje proces sa me te sakte. Problemet qe jane ngritur ne takimin e djeshem, ka qene kerkesa e opozites per te hartuar nje amendament ne menyre qe te shmanget Dushku i madh, problemet qe shfaqen me listat e zgjedhesve si dhe hartimi dhe miratimi i nje kodi etik. Mesohet se ne takim eshte kritikuar nga opozita puna e bere nga KQZ-ja dhe kryesisht nga kryetari i saj, Celibashi. Por perfaqesuesit pozitare ne takim kane bere te qarte dhe nje here qe anetaret e KQZ-se te lihen te bejne punen e tyre. Po keshtu eshte hedhur poshte dhe mundesia e ndryshimit te kodit elektoral pasi sipas pozites, eshte ai kod qe eshte miratuar me konsensusin e te gjitha paleve. Ndersa data e zgjedhjeve nuk ka qene objekt bisede ne tryezen e djeshme.