Transplantim koke njeriu

[ALBA]

Sipas doktor Robert White, kirurg në Universitetin e njohur Case Western në Cleveland të Ohio-s në SHBA, mjekësia ka arritur në atë shkallë që të mund të kryejë transplantimin e një koke njeriu.

Nëpërmjet transplantimit të kokës kryhet njëkohësisht edhe ai i mendimeve dhe shpirtit. Sipas tij truri është edhe selia e shpirtit. Ndërsa trupi, sado i bukur të jetë, nuk është gjë tjetër veç se një lloj baterie që kujdeset që truri të vazhdojë të jetojë dhe të funksionojë.

White don të transplantojë kokën e atyre që kanë sëmundje të pashërueshme trupi në trupa që kanë trurin të vdekur apo ndryshe si ç´e quan ai Transplantim Trupi. Për këtë njerëzit e quajnë Frankenstein dhe përbindësh. Ndërsa për kolegët ai është njeri i etur për famë dhe utopist.

Në vitin 1970 ai arriti të transplantojë një kokë majmuni.

Robert White thotë se nga përvoja ka nxjerrë që truri nuk duhet të shkëputet nga koka por të mbesë aty brenda. Sepse kështu lëmshet nervore të dëgjimit, parjes, shijes dhe nuhatjes që janë përgjegjës edhe për ndjerjen në zonën e fytyrës - mbesin funksionale.

I pyetur se a është etike apo morale të kryhet një transplantacion i tillë ai përgjigjet: "Nëse më vjen dikush dhe më thotë se ai është i ditur dhe njeri i punës por organet e tij nuk funksjonojnë më as trupi dhe se së shpejti do të vdesë dhe do të më kërkojë ti transplantoja kokën në një trup të shëndoshë ateherë nëse unë nuk do të pranoja të kryeja këtë operacion ai do të vdiste. Pranimi që do t´i bëja unë kërkesës së tij do t´i jipte atij mundësinë për të vazhduar së jetuari.".

Deri tani në transplantimet e bëra mjekët nuk kanë arritur të lidhin dot shtyllën kurrizore të kokës me atë të trupit të ri por kjo gjë mund të arrihet të bëhet së shpejti me ndihmën e teknollogjive të reja. As reaksioni që ndodh pas ngjitjes së kokës nuk përbën ndonjë problem të pazgjidhshëm.
Robert Weil me trupën e tij kanë gjetur një sistem me anë të të cilit nëpërmjet gjakut që qarkullon në kokën e shkëputur mundësohet ftohja e trurit me 10 gradë. Në këtë gjendje truri mund ti mbijetojë për një kohë të gjatë shkëputjes nga trupi.

Transplantimi i një koke njeriu do të kryhet vetëm pas shumë eksperimentesh të tilla të suksesshme me majmunë.

Robert White mbush së shpejti 74 vjeç dhe vazhdon të ëndërrojë të jetë kirurgu i parë që do të bëjë të mundur transplantimin e një koke njeriu.
Nuk është e sigurtë që ai do të arrijë të bëjë një gjë të tillë pasi mendohet se vetëm të paktën pas 20 vjetësh do të bëhet e mundur p.sh. përputhja e shtyllës kurrizore në trupin e ri.

Pyetjes se nëse trupi i tij do të ishte venitur dhe do ti ofrohej mundësia për të transplatuar kokën e tij në një trup të shëndoshë Robert White nuk i jep përgjigje.


Përgatiti Alvin Ekmekçiu Mbështetur në materialin e emisionit Archimedes të kanalit televiziv europian Arte

[mitrovicalia_81]

Tung ALba,


Temë mjaft interesante. Mendoj se ky doktor do të ketë sukses fal modernizimit të mjeteve dhe të shikojmë se çdo të ndosh më tutje.

Edhe pse thuhet se koka e njeriut është njëlloj programatori për funksionimin apo bashkëveprimin ndërmjet shpirtit dhe njeriut.
Unë mendoj se vetëm klonimi si diçka tepër fascinante tregon se kojtja për të korrur sukses dhe kërkuar të vërtetën nuk ka të ndalur.


Mitrovicalia

[DeuS]

Shkrova (1) roman te tere ne kete teme!
Klikoj per ta postuar, me zhduket komplet...serveri jone (bahhh)

Nejse, ti bi shkurt fare tashi dhe ti eleminoj ato alla-Kolomb shprehjet (lol)
Nuk do jete shume e larget dita, kur njerezorja do zevendesohet nga jo-njerezorja!
Dikur, pasi kalonim kohen neper kinema duke pare filma me aliene, monstra te ndryshem, mendonim ne menyre flash: Ku shko fantazia e njeriut mer jahu!!!
Me c'po shohim dhe degjojme, ka ardhur koha per te menduar ne te njejten menyre habitore, por kesaj rradhe mbi aplikimin (konkretizimin) e asaj fantazie pjellore qe permenda me lart! Njeriu qenka tamam i keqi i vetes...

Fjalet e pakta te ketij zotnise nga Ohio-ja me lart, i lexova. Pastaj i mendova pak. Pastaj ndjeva friken qe me krijojne keto fjale qe dalin prej gojes se nje Frankestaini te eres sone. Shume veta mund te mendojne anet e mira qe ka perparimi gjigandesk i shkences (mjekesise). Une fatkeqesisht sikur fokusohem me shume tek anet negative, per te mos thene "tragjike" qe sjell ky perparim.

Nga ana tjeter me klonohen njerezit. Behen edhe rob ne "seri" ndoshta andej (lol). Shtohen shifra me humane jo-humane. Mbushet magazina plor me njerez, te cilet te ardhmen e tyre nuk do ta kene kurre te njejte me nje human natyror tjeter. Hiqi kte, e shtoi ate. Prit ketej dhe mbush andej. Formo njerez sipas qejfit dhe kerko si dreqi per te shpik mbinjeriun.

Nga kjo ana ketej, na dalin shpikje te reja, si puna e ketij transplatimit te kokes (hej, bela). Normalisht qe doktorri justifikohet duke permendur sado pak te mirat qe sjell kjo shpikje. Mos kujtoni se do thote gje tjeter ai ?! Ai eshte thjesht nje maniak i obsesionuar me punen e tij dhe pervec "himself-it" nuk i rruhet tyta per kend tjeter ne bote. Dmth me pak fjale, bota ne te ardhmen do behet pershesh me gjak robi...derisa gjaku te mbaroje dhe te shnderrohet ne pershesh me uje baterish!!! E pse jo ?!

Magazinat me njerez te klonuar jane mbushur plot. Experimente behen sa te duash. Priti koken njerit dhe vutja ne nje trup me te shendetshem dhe me afer perfektes. Po keshtu edhe me tjetrin. Ai tjetri atje qe nuk ka para, vjen e te vret ty...sepse do edhe ai! Po keshtu fillojne edhe te tjeret...there u go...film holliwodian (lol)

Trup luani, epsh ujku, sy shqiponje, -car- elefanti , tru robi, koke tigri = une e prenotova personin tim ne te ardhmen. Mos te beje gaf ta zeje kush tjeter! (lesh me rigon hesapi)

U zgjata shume dhe nuk po them asgje. Duket qe po dalin simptomat e nje njeriu qe ka disa kohe pa perqafuar librat. Nejse...te hidhem pak vetem tek fjalet e doktorrit me lart, i cili per bukuri e ka shpjeguar tere muhabetin, duke thene:

Ndërsa trupi, sado i bukur të jetë, nuk është gjë tjetër veç se një lloj baterie që kujdeset që truri të vazhdojë të jetojë dhe të funksionojë.

Ashtu?! ...kuptuat gje?!
Truri jeton ...perjetesisht po te doje...mjafto te ri-pozicionohet ne nje trup (bateri) te ri dhe te fuqishem. Dmth, doktorri me lart, po arrin 74-at dhe pse te mos beje hajer per veten e tij, duke i bere transplatim kokes ne trupin e nje 25 vjecari....dhe there u go
C'kerkojne te arrijne keto mjeke?! S'e di per ju, por une edhe pse ngjaj pak si konservator, dua ta pohoj me plot gojen qe i urrej dhe i kundershtoj ne kulm keto "GOD playing actors"

Fuckin' hell man!

Kush eshte qellimi i kesaj jete? - pyet dikush ne nje teme tjeter...

- To BE or NOT to BE - ...e kush tjeter pervec vulosjes se Shekspirit te madh!

U zgjata...pa nxjerre gje ne drite!
Se mos i gerrvishtet bajoneta kujt per fjalet tona...
E ardhmja dihet! Ishalla arrij e fus koken time tek noi trup i fuqishem...Bateri DURACELL ()

[Dito]

C`nuk degjon njeriu i shkrete, ja edhe kete e mesova. Ai doktorr qeka nje kokerr gomari qe ska ku te shkoje me:P. Do doja ti vija Berishes dhe Nanos koka qensh se u shkojne fiks


__________________________________________________ ______
Mos kompliko jeten tende nese nuk eshte e nevojshme.

[StormAngel]

Nuk kam ndegjuar deri tashi per kete lloj translantimi,them te drejten heren e pare qe ndegjova per transplantim te organeve ishte ne kohen kur ish kryetarit rus Boris Jelcin iu be transplantim zemra pas problemeve qe kishte.
Nejse,eshte interesante te lexosh per raste te ketilla,sidomos kur transplantimet jane te sukseshme.

[Manulaki]

C`nuk degjon njeriu i shkrete, ja edhe kete e mesova. Ai doktorr qeka nje kokerr gomari qe ska ku te shkoje me:P. Do doja ti vija Berishes dhe Nanos koka qensh se u shkojne fiks


__________________________________________________ ______
Mos kompliko jeten tende nese nuk eshte e nevojshme.

nuk mund te ndaloj se qeshuri me kete mendim.

[Manulaki]

Nderkohe, me te vertete ketij doktori i mungon morali per te qene doktor. Eshte per te ardhur keq, qe disa njerez i perdorin dhuntite kunder njerezimit, dhe jo per njerezimin. Them kunder, pasi trupi nuk eshte bateri, dhe koka nuk eshte thjesht nje kompjuter, dhe zemra nuk eshte nje motor qe furnizon kete perberje qe quhet njeri me jete. Ne jemi me teper sesa thjesht qenie transplanti, jemi krijesa unike, secili me vecantite e veta fizike.
Pershendetje

[Bruno p]

shume shume interesante te pergezoj per kete informacion me pelqeu shume por mua dua te rri sic jam si zoti me ka krijuar edhe nese do te kisha nje semundje te rende sepse secili ka jeten e tij dhe eshte zoti qe na ka dhene shpirtin dhe eshte ai qe vendos per ne ,por gjithsesi mua mu duk interesante

[xfiles]

mendoj se nuk eshte jashte moralit transplantimi i kokes,
perderisa nje pacient ka deshire, ose e ka te nevojshme kete gje.
Uniciteti jone, perveç pamjes fizike eshte i perbere nga pervojat dhe kujtimet tona te mbledhura gjate jetes, e te gjitha keto kujtime e pervoja jane ne tru.
Keshtu qe edhe pse dikujt nuk i pelqen qe trupi eshte nje mjet qe sherben per mbajtjen e trurit, nuk do te thote se kjo nuk eshte e vertete. Nese pranojme se organizmi eshte mjet i shpirtit, dhe truri eshte ura qe lidh shpirtin me organizmin, atehere te nderrosh trupin , nuk te heq aspak unicitetin.

Ne shkence nuk ka moral, fundja morali nuk ekziston, eshte vetem nje fjale qe perdoret vend e pa vend, per tu mburrur ose per te sulmuar te tjeret.