Mesazh Privat

[bajko]

unë nuk them

unë nuk them dua
as shpirtë
as jetë
as lulevere

këto më janë pak
shikoj dhe lot nxjerri nga sytë

a është i gjërë universi
apo grimcë
nga ajo që unë dua

andaj unë nuk them eja
vetëm shikoj
dhe lot nxjerri nga sytë

[Agim Doçi]

Nëse papritur bije në dashuri
dhe helmin e saj me fund pive
ke mbetur i burgosur me LIRI!
kur do privatizohet kjo ndjenjë kolektive!?...
Agim

PS: MACE BLUE JE POETESHË FANTASTIKE DHE FANATIKE (lol) sepse je fanatikisht poeteshë!

[Living in Vain]

Edhe pse mesazh nga ti nuk mora
kuptova shikimin qe se mendoja

as nuk e doja ta kisha timin
enderroja larg, shume larg t'i hidhja hirin

pas shume kohesh....
di..
do me mendosh

une akoma ne mendime largoj si mundet
ti te me harrosh!

kam kujtim aromen, afshin e ngrohte
kam timin zerin tend qe cdo dite me kumbon
... ruaj cdo minute tonen
... e shtrengoj fort
shume fort....



P.S e ndjere e me pas e hedhur tek "Mesazh Privat" Mace. Thnx for the space!

[bajko]

ku je

ku jam kur të duhem
kur trishtimi zgërdhihet ku jemi

brenda mureve të rrënuara
drita e qiririt si nuse rrin
tymi sillet si në valle
në natyrë çdo gjë e shtrirë e shkrirë

nën çatinë tashmë të djegur
strehimi nuk ka vend
rrugës plot plagë u nisa
e kur të duhem ku jam

çdo udhë e shtrembër duket
bërtitje e sharje gjithkah
vloj e shaj me të tjerët
shpresat si lavire ikin

hije jam nëse dita larg është
në tokë i shtrirë i shkrirë s’dua të jem
në udhë në frymë në plagë
kur të duhem ku jam
ku je e ku të kam

[bajko]

leximi për jetë e ëndërr

ëndërra jetën ndanë
nga jasht errësira fle
këtu drita zgjohet

lutjet ku ecin

yjet vallëzojnë me ëndrrën
jeta lufton me dherat
befas eklipsa gjallërohet
e rrëfimin si aromë lëshon

[Erea]

Mace, Me pelqen stili yt i permbajtur dhe vetebesimi ne te shkruar. Por me keqardhje e them se po te mos e kishe perdorur arrogencen ne disa prej shkrimeve, gjithçka do te kishte dale e mrekullueshme. Te lumte!

[macia_blu]

(ne kujtesen time
s'me ka mbetur asnje grime vend
per veten)!!!




Sot gjithë ditën kam korrur
harresën tënde.
Ti, gjithë jetën sot
je vaditur me dashurinë time
të besueshme e namëdalë.
...
Do të vij e nesërmia e do të mbytet
sërish në ditën e parë.
Në atë të parën para të parës.
E vërtetë, që në mes është vetëm kjo e tashme
para dhe pas së cilës ti nuk kishe emër.
(ndoshta as unë)!
Ndërsa dashuria qe e njëjtë!
Eshtë ...
dhe....!



Shikimi im
është një rrugicë e pluhurosur
e ndjek për të gjetur veten që nuk është
si ti nuk je.

Nuk jam e verbër
as e verbuar
Veç shikimi im është
një rrugucë e pluhurosur
me rërë, jo me re.
Fundi i se cilës nuk është
si ne!
Mbi rërën e braktisur të shikimit tim
mbytem në gjurmët e tua të thella.

[macia_blu]

Po të isha re'
do të të nxirrja nga vetja
si shiun.
Të mbushesha sërish me mjegull
e të të nxirrja si shiun, sërish
duke mos më dhembur mungesa e detit
as përgjërimi i tij.
Unë nuk jam re...
siç ti det, nuk je!



***



Vizatoj vetminë tënde rreth rrotull meje
shikohem në të, dhe çmendem së dëshiruari
të jem e vetmja,
por që...
mund të më gjesh tek të gjitha.
... Ndare në 24 copa jam!
...

***




Në të ardhmen e vjetruar, mund të ndodhë
të të pëlqejë se si do të më rrisë
e qeshura jote e habitur.

Mund të ndodhë
të të pëlqejë fakti që unë
mund ta pëlqejë trupin e heshtjes tënde.
Mund të ndodhë
të të pëlqejë kurrizi im ikanjak!

Gjithçka ndodhtë...
diçka me siguri mund të ndodhë
të të pëlqejë!

[nitROSHI]

Ti po hesht

--------------------------------------------------------------------------------

Njerzit qe me kuptojne jane shume te paket, e ata qe nuk me kuptojne edhe me te paket.
Sa keq qe ti je nje prej tyre.

Tani ushqehem vetem me copa te urise sime.
Ti nuk je as edhe nje kafshate.
Heshtja jote, ajo do te me ngope shpejt.


Dhe nuk e di pse po ti them keto perseri!!!

[drini_në_TR]

Po të isha re'
do të të nxirrja nga vetja
si shiun.
Të mbushesha sërish me mjegull
e të të nxirrja si shiun, sërish
duke mos më dhembur mungesa e detit
as përgjërimi i tij.
Unë nuk jam re...
siç ti det, nuk je!

Do të thitheshin skajet
sikur qetësia që merr vjedharake
rënë në gurgullima pikash
lotëve të përkëdhelur
mbi faqe të njoma
me ktë erë shiu...

Shumë i bukur citati i mësipërm nga poezitë e tua Mace Poete, sikurse edhe shkrimet e tjera më lart. E ka atë dozë qetësie që humultoj, të drogës time më të preferuar. Poezitë e sipërme sesi me duken, sikur "Mesazhe De ja vu." Urime, e fat të mbarë ty së pari, gjysmës tjetër shkak të frymëzimit, përjetës e fjalëve të tua të bojatisura mbi fushë të bardhë

Duke parë për mozaiqet me gërma që do të vijojnë nga ty,
Drini.