Puls

[Acid_Burn]

sa keq... vertet keq....

[yjori]

Në mallin për qiellin si mbi vullkan të shuar
Ka mbirë bar, tymi tretet, i vdekur në varr
Ca dele kullosin si retë të kaltren heshtur
Në ringjallje shihem si në sytë e ty pasqyrë
Nuk dal dot nga kjo pikënisje, vetë u ktheva
Ose u kthye pamja, ose të dy njëherësh
Hidhmë si sheqer e ëmbëlsomë këtë kafe
Rrufis ngadalë të trishtin lëng të heshtjes
Dëgjoj frymën tek flet me vete për ngjarjen
Monolog apo bisedë, kjo do ishte pyetja
Merre gjysmën, merri të zinjtë a të bardhët
Të kalojme kohën që na mbeti duke luajtur
Siç luan era me retë apo bregu me valët...

[yjori]

Ata hodhën rrjetën në te djathtë
Na nxorën, njëqindepesëdhjetëetre
Biri priste në breg te vinte barka
Zjarrin ndezur, bukë dhe peshk

Zhveshur jam e më vjen turp
E di kush je e s`të flas në emër
Akoma sundoj mbi këtë trup
Po vjen koha kur e bën një tjetër

Kur të hap sytë do jesh aty
Duke pritur i bardhë si rrezja
E do shkojmë bashkë të dy
Zogj të rinj, sapodalë nga veza

[yjori]

Skifteri më pa në mes të turmës
Pëllumb gri si gjithë të tjerët
Nuk arrita të pyes “Pse unë?”
Kur ranë të përgjakura pendët...

[Agim Doçi]

Nje curril blu ne kafene e esellt te gjerave
Qumeshti pikon nga sisa e qiellit
Ler pak mish kockave
Per korbat e nxira nga dielli

Me kafke eshte flamuri yne i fundit
Anije piratesh ne shkretetire
Karvane te humbur te mbyturish
Femijesh qe lindin te pire...

Yjori!
Je jo vetëm poet por dhe enciklopedik. Kam shumë shumë kënaqësi të lexoj poezitë tuaja. Mund të të quaj PIKASO i poezisë.
Agimi

[yjori]

Çfarë shpendi harroi këtë vezë këtu?
Rritet përditë, po bëhet më e madhe se unë
Nuk di c`ka brenda, e ngroh me frymë
Klloçkë Sizif rrëpirave të shpirtit
Përpara këtij guri kam rëne në gjunjë
Thith gjakun tim, njeri shushunjë
Fryhem nga ajo që pi, fryhet dhe ai
E rrokullisim tjetrin, tëlart, tëposhtë
Trupa qiellorë në orbitën e lashtë
Yll që përkundet në djepin skiç të hënës
Vezë që harruan në folenë time djajtë...

[yjori]

I marrë i dashuruar të jem, jo i urtë
E vetmja derë në qiell është zemra
Rrugët e tjera të shpien deri në tru
Labirint fjalësh ky, mbushur me emra

Ndoshta ke të drejtë kur flet për jetën
Por mos harro se na duhet një dalje
Kur arrijmë në fund, lodhur, vetëm
Arsyeja shndërrohet veç në tallje

Mbill më mirë një peme, kokën në dhe
Njëren këmbë këtu, tjetrën në matanë
Zemrën dërgoje si lajmëtar nëpër re
Të bejë gati folenë ditën e mbrame

[yjori]

Më kanë vënë kamera të fshehta në shpirt
Regjistrojnë çdo bëzamë, çdo pëshpërimë
Më vjen turp për çdo mendim e ide që lind
Po mos reagoj fare nuk do kenë ç`të dinë
Nuk di më çfarë është keq, as çfarë mirë
Për vuajtjen s`më bëhet vonë e lumturinë
Mundohem te ngurtësohem në qetësinë
Të mos lëviz fare, e veçse të mbaj ritmin
Unë nuk jam muzika, jam veç vetëtimë
Këmbanë në kullë, urë guri mbi greminë
Përpiqem te mbuloj me vello lakuriqësinë
Flas me vete për të ndarë me ta vetminë..

[yjori]

Kam një zgavër në gjoks mbushur me mjaltin tënd
Ca bletë të tejdukshme kullosin fushave të mallit
Nektar drite, lule rrezesh kokërënduara pa mend
Pa mend dhe unë, dua veç te vrapoj, të rend
Të thith edhe unë nga buzët e çara të portokallit
Lëngun që të deh, të bën të harrosh këtë vend

[yjori]

Te rrinim brenda
Perde te mbyllura
Te qepnim qepallat
Keto 10000 dite qe mbeten
Ne nje vend te larget
Ku nuk dime gjuhen
E nuk na njeh njeri
Ne nje shtepi te vogel
Me tavan te ulet
Dritare te vockela
Hambaret me buke
Pak muzike ne muzg
Me duhet nje moter
Te me laje plaget
Nuk kthehemi dot
As nuk ecim dot perpara
Pengojme njeri tjetrin
Nje peshk afer gjiut
A nje shpend afer satelitit
E beri lemsh boten
Lutem te na vrasin
A te na bjere rrufeja ne tel
Kam pire 40 aspirina e 6 valiume
Te vdisja ne gjume
Zhurme ne fund te kokes
Vuaj!
Plac!
Mos vuaj ne dac!
Fillon gjithcka nga e para
Alternative gri
Jetojme te njejten gje
Pafundesisht
Mburrem se jam i cmendur
Privilegj qe nuk e kane te gjithe
Vitin qe shkoi, ne maj
Isha per here te fundit ne mal
Njoha nje murg
Nje gjysem te shenjti
Kalova si ne plazh
Shtrohemi bashke ne spital
E nuk dalim nja dy vjet
Per te ngrene ka
E per te fjetur
Desha te gjej nje simbol dashurie
Gjeta vetem oren
Kisha tre jave qe nuk isha ulur
Me ishin bere shputat gjak
Nga pika a ne piken b
Ne pavionin tone
Pavion i mbyllur
Shume i ndyre
Ish edhe nje vajze e zbehte
Nuk kishim folur kurre
Isha per rruge
Ajo ish sidoqofte e zbehte
E i ngjante Ofelise
Rojet jane te zymte
Vrojtojne
Qe askush te mos puthet
Dikush masturbon
Nje tjeter po e lidhin
Nje tjeter ben tregti
Shkembejne kepucet me ore
E une qe shkoj e vij
Ajo me floke ngjyre gruri
Me vjen e me thote formulen
Une:edhe une,po tani?
Takohemi tek teli
Ne shkretetire
Ose ne Indi