Antimafia italiane: "Mafia bën plane të nxjerri plehrat jashtë Italisë"

[Dita]

“BEG srl”, kompania mëmë e “Albaniabeg” ka falimentuar në ‘97-ën për shkak të humbjeve

Plehrat, firma italiane me një punëtor


Florian Papadhimitri

TIRANE- Kompania italiane që kërkon të ndërtojë impiantin e përpunimit dhe djegies së mbetjeve urbane në Kashar të Tiranës dhe përfaqësuesi i saj, shtetasi italian Francesco Becchetti nuk janë një kompani e madhe siç janë “reklamuar” në Shqipëri, por thjesht një kompani pa asete të patundshme dhe pa kapital monetar të madh. Në statutin e themelimit të “Beg srl”, kompania mëmë nga e cila është krijuar “Albaniabeg Ambjent”, thuhet se jo vetëm që firma nuk ka asnjë të punësuar, por dhe që ka falimentuar në vitin 1997 për shkak të humbjeve dhe reduktimit të kapitalit nën minimumin ligjor. Janë dokumentet që redaksia e “Shekullit” ka në dispozicion, të cilat vërtetojnë faktin që kompania “BEG srl” e drejtuar nga Becchetti është thjesht një firmë e vogël dhe pa aktivitet të madh. Dokumentet konfidenciale, tregojnë se kompania “BEG srl” nuk ka numrin e punëtorëve që ka deklaruar ditët e fundit në Shqipëri Francesco Becchetti. Kështu në një intervistë të para disa ditëve, “sipërmarrësi” italian ka bërë të ditur se bashkëpunon me një kompani, e cila ka si staf rreth 7 mijë persona, ndërkohë që në dokumentacionin ku tregohen të dhënat e kompanisë, stafi i “BEG srl” përbëhet vetëm nga një person, i cili është vetë presidenti i kësaj kompanie Francesco Becchetti, ndërsa numri i të punësuarve është zero. Kompania në fjalë, e cila ka selinë e saj në Romë, është themeluar më 29 nëntor të vitit 1989 dhe ka statusin juridik “të shoqërisë më përgjegjësi të kufizuar”. Nga dokumentacioni që jep të dhëna për këtë shoqëri, bëhet e ditur se aktiviteti kryesor i saj është shit-blerja, riparimi dhe mirëmbajtja e objekteve të ndryshme. Në statutin e saj, “BEG srl” ka si aktivitet dhe një sërë punimesh të tjera, të cilat si bazë kanë ndërtimin.
Falimentoi në ‘97-ën
Një fakt tjetër që bie në sy në dokumentet zyrtare, është paraqitja e gjendjes financiare të kësaj shoqërie. Në dokumentacionin ku jepen të dhënat për shoqërinë me përgjegjësi të kufizuar “BEG srl”, faktohet se që nga 24 prill i vitit 1997, shoqëria është shkrirë dhe ka kaluar në procesin e likuidimit për shkak të humbjes ose reduktimit të kapitalit nën minimumin ligjor që përcaktohet nga legjislacioni i shtetit italian. Pas falimentit të shpallur në këtë datë, të dhënat për këtë shoqëri, tregojnë se rreth dy vjet më vonë, më datë 30 prill të vitit 1999 kompania është riaktivizuar duke pasur si president Francesco Becchettin. Shoqëria në këtë datë është krijuar nga kapitali që kanë mundësuar pesë ortakë të ndryshëm. Përveç fakteve të mësipërme, në informacionet për aktivitetin e deritanishëm të kësaj shoqërie tregohet se nuk është bërë asnjëherë aktivitet kërkimor apo zhvillimi.




08/06/2004

shekulli

[Dita]

Shoqëria italiane ka qarkulluar në 2002 32 .000 euro. Kapitali themeltar 17 338 euro

Plehrat, xhiro vjetore e firmës italiane sa një kioskë


Shekulli

TIRANE- Zbulohen fakte tronditëse për identitetin e firmës italiane e cila synon të përpunojë plehrat në një impiant në Kashar të Tiranës. Kompania e cila pretendon se do të investojë 180 milionë euro për impiantin në Shqipëri dhe ka deklaruar se punon me një grup që lëvron 700 milionë euro, në të vërtetë ka një kapital themeltar prej 17.338 euro dhe një xhiro vjetore të vitit 2002, 32.000 euro, shuma të cilat në Shqipëri i korrespondojnë aktivitetit të një kioske mallrash konsumi, duke paguar qira. Por ajo që është më e rëndësishme është se firma sipas bilancit nuk ka asnjë aset të patundshëm, por thjesht kapitalin monetar prej 17 338 euro, çka në rast falimentimi nuk jep asnjë garanci për shlyerjen e detyrimeve të kompanisë. “BEG srl” ka rezultuar me humbje prej 5000 eurosh në bilancin e fundit të deklaruar. Bilancet e fundit vjetore të shoqërisë “BEG srl” kanë rezultuar negativë dhe për më tepër kjo kompani nuk ka asnjë lidhje ligjore me kompani të tjera (ndryshe nga sa deklarohet) me të cilat mund të bashkëpunojë apo ndërmarrë zbatim të projekteve të ndryshme. Janë bilancet zyrtare dhe dokumentet, të cilat vërtetojnë dy faktet e mësipërme që bien ndesh me deklaratat që i janë ofruar publikut shqiptar për këtë shoqëri nga administratori i saj Francesco Becchetti. Kështu, duke e nisur që nga krijimi për të dytën herë të kësaj kompanie (që bazohet në dokumentet konfidenciale), bëhet e ditur se kapitali neto i kompanisë “BEG srl” e cila ka krijuar “bijën” e saj në Shqipëri me emrin “Albaniabeg Ambienti” është vetëm 17 mijë e 338 euro dhe në bilancin e fundit të deklaruar të kësaj shoqërie, i cili tregon për aktivitetin e para dy vjetëve tregohet se xhiroja vjetore ka qenë rreth 32 mijë euro. Zërat e bilancit që ka deklaruar “BEG srl” dhe që është firmosur nga presidenti i saj Francesco Becchetti tregojnë përveç xhiros vjetore dhe për normën e fitimit, e cila ka rezultuar negative në dy bilancet e fundit. Përsa i përket bilanceve, të cilat janë deklaruar dhe në zyrat fiskale të shtetit italian rezulton se në vitin 2002 “BEG srl” ka pasur një humbje prej 5 mijë e 228 euro, ndërsa në vitin 2001 ka humbur rreth 3 mijë euro. Shumat në fjalë i vërtetojnë dokumentet zyrtare dhe bilancet e viteve të fundit të “BEG srl” të cilat disponohen nga “Shekulli”. Përveç kësaj, shoqëria ka trashëguar dhe humbje të konsiderueshme nga vitet e shkuara. Të dhënat konfidenciale që tregojnë për ndërmarrjen me status “shoqëri me përgjegjësi të kufizuar” e cila drejtohet nga Francesco Becchetti, janë të para një viti dhe janë zyrtare. Përsa i përket kapitalit të themelimit, kompania me seli në Romë këtë kapital e ka regjistruar në fundin e muajit prill të vitit 1999 dhe ky kapital derdhet pas një periudhe dyvjeçare falimenti. Kështu për të ringritur shoqërinë me përgjegjësi të kufizuar kanë kontribuar me shuma të barabarta prej 3.467 euro pesë aksionerë.
Marrëveshjet me të tjerët
Nuk ka asnjë marrëveshje bashkëpunimi mes kësaj shoqërie dhe ndonjë shoqërie tjetër. Të dhënat e fundit që e vërtetojnë këtë fakt i përkasin ditës së fundit të vitit 2002 dhe sipas dokumentacionit zyrtar, shoqëria me përgjegjësi të kufizuar “BEG srl” nuk ka pasur asnjë marrëdhënie me ndonjë shoqëri apo kompani tjetër. Përveç kësaj, në dokumentet që disponon “Shekulli”, një rresht më poshtë asaj që thamë më lart, deklarohet se kjo shoqëri nuk zotëron asnjë aksion apo sipërmarrje në ndonjë ndërmarrje tjetër. Kështu dokumentet e hedhin poshtë deklaratën e ditëve të shkuara të Francesco Becchettit, i cili ka deklaruar se jemi pjesë e një grupi prej 300 shoqërish. Ky fakt hedh poshtë dhe shifrat e tjera që ka deklaruar presidenti i “BEG srl” për kapital, investim e numër punëtorësh.

Të dhënat e bilancit të “BEG srl”
Data 31/12/2002 31/12/2001
Shuma e qarkulluar 32.146 31.976
Kapitali 17.338 17.338
Rezerva të tjera 789 789
Të ardhura (humbje) të mbartura -5.001 -14.037
Të ardhura (humbje) nga aktiviteti -5.228 -2.960



08/06/2004
KATEGORIA: Ekonomi

[Pyes_Lotin]

Pike e zez c`behet kshu..

[Dita]

nga TemA


Protestuesit qëlluan me vezë pankartat ku dukej fytyra e Fatos Nanos dhe ministrit të Turizmit Bashkim Fino. Thirrjet "Poshtë qeveria", "Nano Ik" shoqëruan gjithë protestën e djeshme para godinës së qeverisë

Mijëra qytetarë protestojnë para kryeministrisë për t'i thënë ndal importit të plehrave

Protesta qytetare: Vezë mbi Finon dhe Nanon


Një nga aktivistët e "Mjaft", Saimir Alla, është shoqëruar në komisariat

Elementët simbolikë të protestës ishin: gota plastike uji me mbishkrimin "ujë i helmuar", qese të zeza plehrash të fryra si tullumbace që nxinin qiellin, harta të qyteteve të ndryshme të Shqipërisë, Shkodra, Berati, Kuçova, Saranda etj., që nxinin nga plehrat dhe mbetjet që do të vijnë nga Italia, kundragaze që nënkuptonin marrjen e masave ndaj mbetjeve toksike, etj.

Alida Beqiri



Grupimi i Reagimit Qytetar organizoi dje një protestë para kryeministrisë për t'i thënë ndal importimit të plehrave të huaja dhe instalimit të impiantit të firmës italiane Albaniabeg në Kashar. Në këtë protestë që startoi në mesditë, morën pjesë përfaqësues të organizatave të ndryshme joqeveritare, drejtues të "Mjaft", Këshillit Rinor, Zyrës së Mbrojtjes së Qytetarëve, të shoqatave të të Drejtave të Njeriut, specialistë të mjedisit, dhe mijëra qytetarë të Tiranës. Protestuesit që mbanin në duar parrulla të ndryshme si "E duam Shqipërinë si Europa, por pa plehrat e Europës", "Albaniabeg + Nano = CO2", etj., i kanë bërë thirrje kryeministrit të mos pranojë marrëveshjen me Albanianbeg, që është një "biznes mafioz" dhe që intoksikon ujërat dhe tokën shqiptare.

Aktivistët e "Mjaft" kishin sjellë edhe elementët simbolikë që nuk mungojnë në asnjë nga protestat e tyre: gota plastike uji me mbishkrimin "ujë i helmuar", qese të zeza plehrash të fryra si tullumbace që nxinin qiellin, harta të qyteteve të ndryshme të Shqipërisë, Shkodra, Berati, Kuçova, Saranda etj., që nxinin nga plehrat dhe mbetjet që do të vijnë nga Italia, kundragaze që nënkuptonin marrjen e masave ndaj mbetjeve toksike dhe një regji lëvizëze ku ishin shkruar parrulla të ndryshme, nga dëgjohej poezia e transformuar e Çajupit, "Shqiptar!".

Pjesa më e madhe e drejtuesve të OJQ-ve që morën fjalën, kundërshtuan me forcë marrëveshjen e firmosur në fshehtësi nga një prej ministrave të Nanos dhe e cilësuan atë një pazar që Kryeministri po bën duke shitur Shqipërinë.

"Kemi marrë përsipër t'i kundërvihemi arrogancës qeveritare, e cila prej kohësh po shpërfill interesat e publikut. Duke qenë të ndërgjegjshëm se Shqipëria ka një problem alarmant me mbetjet, ne mbështesim çdo iniciativë për zgjidhjen e këtij problemi, për sa kohë që zgjidhja është transparente dhe konform ligjeve. Por ne besojmë se zgjidhja nuk mund të vijë nga kthimi i Shqipërisë në një kosh për plehrat e huaja. Grupimi ynë nuk paragjykon kompaninë në fjalë, por i kërkojmë qeverisë shqiptare që të respektojë kuadrin ligjor mbi mjedisin", tha Xhemal Mato, drejtuesi i Ekolëvizjes.

Kur protesta ishte duke përfunduar, qindra protestues qëlluan me vezë pankartat ku dukej fytyra e Fatos Nanos dhe ministrit të Turizmit Bashkim Fino. Thirrjet "Poshtë qeveria", "Nano Ik" shoqëruan gjithë protestën e djeshme që u zhvillua para godinës së qeverisë. Sheshi para saj u mbulua nga vezë dhe mbeturina të tjera, të cilat i pastruan aktivistët e lëvizjes "Mjaft". Gjatë protestës, një prej aktivistëve, Saimir Alla, u shoqërua në komisariat dhe u la i lirë vetëm pas dy orësh.



Parrullat

Jo kombinatit të plehrave në Shqipëri

Rexhina të bëhet ambasadore

Jo plehrave të botës në Shqipëri

Jemi vend i luleve, jo i plehrave

Ndal plehrave të botës

E duam Shqipërinë si Europa, por pa plehrat e Europës

Albaniabeg + Nano = CO2

Ndal shitjes së Shqipërisë

Shqipëtar mos rri po duku

Kryeministri: cash + ar

Para se të duam Europën, të duam Shqipërinë

Shqipëria e pastër, kërkon politikë të pastër



Vargjet e transformuara të Çajupit, që shoqëruan protestën e djeshme

Janë 3 personazhe që deklamojnë vargjet: Baba Tomorri, një djalë dhe një vajzë. Baba Tomorri personifikon urtësinë e moçme të Shqipërisë. E përfytyroj me një zë të thellë e të ngadaltë.

Vargjet që do të thuhen të regjistruara, derisa kamioni të mbërrijë para kryeministrisë:

Baba Tomorri

Mëmëdhe quhet toka

Ku më ka rënurë koka

Ku kam dashur mëm' e atë,

Ku më njeh dhe guri i thatë

Stërgjyshët ku kanë qënë,

Dhe varret q'i kanë vënë,

Ku jam rritur me thërrime,

Ku kam folur gjuhën time



Djali

Qeveri quhet kumari

Që e drejton i pari

Dhe që fal konçesionet

Merr një pjesë nga aksionet



Vajza

Ministër është rrufjani

I dalë nga bark shejtani

Që s'ngopet me thërrime

Që s'flet gjuhën time.



Djali ose vajza

I dashur mëmëdhe

Të dua dhe kshtu si je!

Po kur të të shoh të lirë

Do të të dua më mirë



Baba Tomorri

Shqipërinë e mori 'taljani,

i vu zjarr

Shqipëtar: mos rri po duku,

shqiptar!

Mjaft plehrove për të tjerë,

o fatkeq

Kujto vendin e bekuar

ku po heq.

Mos bëni si keni bërë

gjer më dje,

Po lëftoni të tërë

për Atdhe.



Djali ose vajza

Këta njerëz që projekt-marrëveshje bënë

Nuk di nga ç'vrimë e zezë kanë rënë

Se Zot e zemër e besë s'kanë

Kur shesin vendin anë e mbanë.



Baba Tomorri

Në ankand të nxorën,

Shqipëri

Këta ministra s'kanë

dashuri



Ndali plehërat e Italisë

mëmëdhe,

Vish rrobën e bukurisë,

se ke ne!



Djali

Shtatë vjet kemi duruar

me pahir

Të na vjedhë, të na shesë

fare lirë

Socialistë e demokratë

jemi keq!

Të ngrihemi që të tërë

djem e pleq!



Vajza:

Kashari për karshi

Me xhami e varre,

Rrotull ca shtëpi

Do t'i zhdukin fare

Ujëtë e ftohtë,

Era pun' e madhe,

Plehrat italiane

Do krijojnë male.



Djali

Fino nënë hije

Loz e kuvendon

Nga zoti Beketi

Miliarda pranon.



Baba Tomorri

O shqipëtarë të mjerë

Ç'u ka marrë koka erë

Digjni plehra për të tjerë!

[elisabet]

Sa do kisha dashur te isha ne Shqiperi e te merrja pjese ne kete proteste...
Eshte per te ardhur keq, qe vargjet e Cajupit tingullojne kaq aktuale per ne shqiptaret dhe ne ditet e sotme, tamam si ne kohen e turkut.
Sic duket ne nuk do te ndryshojme kurre..

[Ora]

Deklaratë e përbashkët e studentëve e rinisë në perëndim

Janë plot shtatë organizata jo qeveritare në Diasporë, që kanë dal me deklerata të fuqishme për t'i thënë Ndal! një plani qeveritar për "Përpunimin e mbetjeve të mbeturinave në Shqipëri" . Megjithse, duhet të theksuar që në fillim, se në të dyja dekleratat, asnjëra prej tyre nuk ka ndonjë strategji se si mund t'a ndalojn vet këto organizata qeverinë shqiptare, që të ndërrmarr një hap të till katastrofal siç janë shprehur ata për mjedisin shumë të bukur natyror të Shqipërisë.

Dekleratat janë më tepër tërheqje vëmendje për opininon e brendëshëm shqiptarë, që t'a nxisin atë të ngrihet menjëher kundra kësaj marrveshje. Të shtatë organizatat janë organizata të njohura në botën shqiptare kryesishtë vitet e fundit nëpërmjet veprimtarive të treguara në internet: Shoqata e Studentëve Shqiptarë të Hamburgut ILLYRIA (www.illyria.de), Shoqata e Rinisë Shqiptare në Austri RINIA (www.albrinia.com/rinia), Shoqata e Studentëve Shqiptarë të Barit ASAB(www.asab.it), Shoqata e Studentëve Shqiptarë të Zyrihut STUDENTI (www.studenti.ch), Unioni i Studentëve Shqiptarë në Mainz ALBANIAN STUDENTS UNION MAINZ (www.albanian-students-union.com), Klubi i Studentëve Shqiptarë në Grac KLUB ALBANISCHER STUDENTEN IN GRAZ (Ghegagasse 15/26 8020 Graz Austria ) si dhe Gjenerata e Re Shqiptare në botë (www.newalbaniangeneration.com).

Deklaratë e përbashkët e studentëve e rinisë në perëndim : "Stop shkatërrimit përfundimtar të mjedisit"

Ne, si studentë, shkollarë e rini shqiptare në perëndim jemi shumë të shqetësuar nga zhvillimet mbi marrëveshjen e mundshme për impiantin e përpunimit të plehrave në Kashar. Opinioni publik shqiptar duhet të ndërgjegjsohet për ndotjen tejmase të ambjentit në Shqipëri. Pikërisht tani pas statistikave tejet alarmante mbi ndotjen e ajrit të Tiranës e kur vetëm para një jave vetë ministri i ambjentit shkruante për katastrofën ambjentale në Shqipëri, qeveria shqiptare nuk mund dhe duhet të lejojë asnje abuzim të mjedisit të cfaredolloji qofshin ato. Ky projekt nuk është analizuar hapur nga ekzekutivi shqiptar dhe bile ka marrë edhe firmën e disa prej hallkave te tij pa iu paraqitur opinionit publik me transparencën e duhur e pa ndërgjegjsuar qytetarët që preken direkt. Kjo është shenjë e ripërsëritur e mosrespektimit të koncepteve minimale të demokracise dhe e komës së thellë në të cilën gjendet qeveria shqiptare dhe e gjithë klasa politike në përgjithësi.

Nga shkrimet e fundit në media të ndryshme mbi këtë cështje rezulton qe 39% e totalit të plehrave do të vinë nga Italia. Për ne është mjaft e qarte që kjo sasi plehrash do të përpunohet në Shqipëri vetëm për ti shpëtuar taksave të rënda që ekzistojnë në Bashkimin Europian për dëmin ndaj ambientit e për t’ju shmangur standarteve të rrepta europiane të përpunimit të plehrave. Ky projekt nuk është kaluar nëpër hallkat e pushtetit lokal. Gjithashtu janë shkelur detyrimet që ka qeveria ndaj publikut për transparencë, informacion e mundësimin e pjesëmarrjes në vendimmarrje kur bëhet fjalë për cështje me ndikim ambiental. Për këto arsye ne i kërkojmë me forcë qeverisë shqiptare:

Të pezullohet çdo marrje vendimi mbi projekt-marrëveshjen e impiantit të plehrave!
Të bëhet një analize e hollësishme e pasojave të kësaj marrëveshjeje dhe marrëveshjeve të ngjashme mbi mjedisin, shëndetin e ekonominë !
Të merren masa ndaj personave që kanë dhënë pëlqimin për këtë projekt pa marrë parasysh pasojat katastrofale dhe duke anashkaluar vullnetin e komunitetit që ata përfaqsojnë !

Njëherazi ne i bëjmë thirrje gjithë opinionit popullor shqiptar të reagoje me të gjtha mjetet demokratike që ky projekt të mos aprovohet pa u diskutuar publikisht.



Ndërkaq, Gjenerata e Re Shqiptare, përkatësisht kryesia e saj në SHBA e ka titulluar dekleratën e saj:

Deklaratë për shtyp me rëndësi parësore
Çeshtja: Pengimi i ndërtimit të uzinës së djegies së plehrave në Shqipëri
Gjenerata e Re Shqiptare mësoi nëpërmjet shtypit Shqiptar që qeverisja e tanishme e Shqipërisë zyrtare ka lejuar të ndërtohet një fabrikë djegieje e plehrave të Italisë apo Europës në zonën afër Tiranës. Si njerëz dhe pastaj si Shqiptarë kërkojmë që një uzinë e tillë të mos ndërtohet !

Marrim këtë rast me iu kujtuar që në Francë vdesin mbi 10000 njerëz në vit prej dioksinës që del nga djegja e "përsosur" e plehrave nëpër fabrikat e tyre bashkëkohore të djegies së plehrave. Zgjidhja për plehrat e Shqipërisë është shumë e thjeshte: futja në tokë e tyre, sepse vetë Toka i tret siç i ka tretur për miliarda vjet. Na vjen shumë keq që egziston mundësia që disa njerëz vendim-marrës janë bërë si robotët që nuk arsyëtojnë apo ndjejnë jetën ku jetojnë. Një njeri nuk mund të jetë aq naiv sa të pranojë që "investuesi" të ndërtojë një fabrikë falas dhe të japë lëndë të parë falas?! Pak po helmohet Shqiperia nga djegjet e benzinave të cilësive të dobëta, aq sa të kërkohet edhe një burim shumë i madh helmimi ajror? Vendet perendimore e kanë hequr katër etilin e plumbit nga benzinat e tyre, sepse mendjengushtësia fillestare shkencore e përdorimit të tij doli më vonë që ishte tepër e rrezilshme: plumbi bëhet të paktën 100 herë më shumë helmues kur është në ajër sesa kur është në benzinë, ndonëse ai vetë është shumë helmues. A është e vështirë me e kuptuar që industria e ndërlikuar Europiane prodhon plehra po aq të ndërlikuara, nga djegia e të cilavë do të kishte vetëm helmim të njerëzve dhe rrënim të bujqësisë Shqiptare!? Po “pesticidin” grek që në vend të mizave po djeg pemtarinë në Jug të Shqipërisë, p.sh. mollët e rretheve të Korçës dhe Pogradecit, a është vështitë me e kuptuar?!

Ruajeni Shqipërinë, jetën e saj, të njërëzve të saj dhe fëmijëve të saj! Kemi nderin me iu kujtuar se detyra juaj e ndritur është mbrojtja e zhvillimi i Shqipërinë, por JO helmimi apo tradhëtimi i saj! Sytë i kemi nga ju që ta mohoni ndërtimin e uzinës së djegies së plehrave në Shqipëri, në këtë rast ne Tiranë. Iu faleminderit për vëmëndjen ndaj kësai letre dhe zgjidhjen e drejtë të problemit të shkaktuar.


Beqir Sina, Bota Sot, 08-06-2004

[leci]

Nje firme italiane qe ka nje kapital shoqeror 17.000 € dhe don te investoje 180 milion €?????
Ne fushen ekonomike jane mjeshtra italianet sidomos ate te vjedhjes.
Nje shoqeri me pergjegjesi te kufizuar,e famshmja srl nuk mund te mbylle regjistrimin e fundit te vitit ne humbje,sepse eshte e detyruar te falimentoje,ose perndryshe shtimin e kapitalit.
Nje srl, e quajme normale,32.000 € i ka faturim te nje jave.
Dhe kjo firme pretendon kete investim???
Qeveria italiane eshte ne veshtiresi per djegjen e plehrave sepse nga 23 centralet qe do ndertoheshin ne periudhen 2003-2005 nuk ka filluar asnje.
Protestat kane bere ne menyre qe keto projekte te ndalohen ne truallin italian.
Pikerisht ne Rumani qeveria italiane ka gjetur nje nga vendet qe kane pranuar ndertimin e ketyre centaleve duke investuar 2400 milione €.

[Dita]

nga Shekulli


Shpërbërja e kapitalit të firmës që kërkon impiantin e plehrave shoqërohet me parregullsi të shumta

“Albaniabeg” e importit të plehrave me ortakë fantazmë

“Energji”, ortake e “Albaniabeg” ka në përbërje “Construzioni” për të cilën nuk ka asnjë të dhënë

Shekulli

TIRANE- Kompani fantazmë dhe shoqëri të paregjistruara janë përbërëset e kompanisë që drejtohet nga italiani Francesco Becchetti. Janë dokumente zyrtarë, si shqiptare dhe italiane që vërtetojnë faktin se kompania “Albaniabeg Ambient” ekziston më shumë si emër sesa si kompani që mund të ketë investuar apo ndërmarrë ndonjë aktivitet të madh ekonomik. Kështu duke u bazuar në dokumentet që disponon redaksia e “Shekulli” për herë të parë në Shqipëri, kompania italiane është njohur në fillim të vitit 2000 me emrin “Beg Albania” sh.p.k, me ortak “Beg” sh.a me seli në Romë dhe me administrator Francesco Becchetti. Në këtë periudhë shoqëria italiane është deklaruar si shoqëria koncesionare me objekt kryesor financimin, ndërtimin dhe administrimin e një hidrocentrali të vogël në vendin tonë. Pas regjistrimit të muajit prill të vitit 2000, në muajin dhjetor të vitit që lamë pas, shoqëria “Beg Albania” ka ndryshuar emërtimin e shoqërisë në “Albania Beg Ambienti” sh.p.k. me këtë ndryshim të emrit, koncesionet e shoqërisë nga një HEC-i vogël u shtuan me katër HEC-e të tjera të cilat kjo kompani do t’i ndërtonte (rindërtonte) dhe administronte. Në këtë datë, shoqëria ka bërë dhe deklarimin se në pesë HEC-et e vegjël kishte si qëllim zhvillimin e aktivitetit projektues, ndërtimin dhe drejtimin e impianteve të HEC-eve. Përveç kësaj, “Beg Albania”, tashmë me emrin “Albania Beg Ambient” ka deklaruar se objekt do të kishte dhe aktivitet prodhues dhe atë të shitjes së aparaturave. Ndryshimi i fundit, i vitit që lamë pas, që ka ndodhur me shoqërinë që drejtohej nga Francesco Becchetti është emërtimi i këshillit të ri administrativ i cili përbëhej nga Francesco Becchetti, Vilson Ahmeti, Manlio Cerroni dhe nga Andi Kondi. Ndryshimi i radhës i shoqërisë është bërë para disa muajsh. Kështu në mesin e shkurtit që lamë pas, “Albania Beg Ambient” sh.p.k ka shitur kuotat dhe shoqëria është ndarë mes tre ortakëve në përqindjet përkatëse 70, 20 dhe 10 për qind. Me vendimin e 17 shkurtit, kapitali themeltar prej 1 milion lekësh i “Albania Beg Ambient” është ndarë mes shoqërisë italiane “BEG”, që ka vlerë 700 mijë lekë, shoqërisë “Energji” me vlerë 200 mijë lekë dhe shoqërisë tjetër italiane “CO.LA.RI” me vlerë 100 mijë lekë. Një prej fakteve të tjera që ka zbuluar “Shekulli” dhe që është më i errëti i aktivitetit të këtyre shoqërive është ekzistenca e një shoqërie fantazmë e cila është krijuar po këtë datë. Ka qenë shoqëria “Energji” e cila më datë 17 shkurt e ka ndarë kapitalin e saj mes dy ortakësh, prej të cilëve njëri nuk ekziston dhe nuk njihet në asnjë dokument zyrtar. Të dhënat nga Italia tregojnë se ortaku i quajtur “Costruzioni” që zotëron 90% të kapitali themeltar të “Energji” nuk njihet. Kështu në regjistrat e Dhomës së Tregtisë, Artizanatit dhe Bujqësisë së Romës, kësaj kompanie i dihet vetëm emri dhe numri i regjistrimit 4088118 por përkrah këtij numri vendi është bosh, nuk figuron asnjë e dhënë.
Fantazma
Në ndarjen e fundit të bërë gjatë këtyre viteve, është pikërisht kjo e fundit që ngre dyshime për aktivitetin e shoqërisë. Pas datës 17 shkurt, “Energji” është ndarë mes dy aksionerëve, prej të cilëve njëri është shqiptar dhe tjetri nuk figuron asgjëkundi, veçse me një emër. Kështu del se “Energji” është themeluar nga dy ortakët, prej të cilëve Rezart Kondi me kuotë 10 % dhe shoqëria “Construzioni” sh.p.k me kuotë 90 %, por kjo sipërmarrje figuron vetëm si emër dhe për të nuk gjendet asnjë informacion tjetër. Burimet e “Shekullit” dhe kërkimet e bëra pohojnë faktin. “Construzioni” është e regjistruar në regjistrin tregtar të Dhomës së Tregtisë, Industrisë, Artizanatit dhe Bujqësisë së Romës, por përkrah emrit dhe numrit të regjistrimit 4088118 nuk figuron asgjë tjetër. Kështu për këtë kompani nuk jepet as emri i pronarit apo aksionerëve, subjekti i saj dhe informacione të tjera që të tregojnë se kjo kompani “jeton”.

Albaniabeg
Këshilli i ri administrativ
Vilson Ahmeti
Francesco Beccheti
Andi Kondi
Manilo Cerroni

“Albaniabeg” përbëhet nga këta ortakë
Shoqëria italiane “Beg” me 70% me vlerë 700.000 lekë
Shoqëria “Energji” me 20% me vlerë 200.000 lekë
Shoqëria italiane “CO.LA.RI” me vlerë 100.000 lekë



11/06/2004

[Dita]

Shtatë prilli i plehrave


Ervin Hatibi

Qeveria shqiptare për një kohë të gjatë ka mbajtur frymën nën ujë për të mos i informuar qytetarët për një marrëveshje të çuditshme, e cila sjell plehrat e Italisë për t’i djegur në rrethinat e kryeqytetit shqiptar. Italia, sipas justifikimit të hedhur në publik, duhet të djegë plehra posaçërisht në Tiranë, sepse ndërtimi i krematoriumeve të plehrave në vendin e vet, duhet të kalojë përmes shumë pengesash burokratike, kurse Shqipëria e centralizuar nuk ka të tilla kasavete. Burokraci ajo ka vetëm për shtetasit e vet, kurse për të huajt ka vetëm bujarokraci.
Kryeministri shqiptar u prit për herë të fundit nga homologu i tij italian më 7 prill të këtij viti. Një tjetër kryeministër shqiptar vite më parë është thirrur të vizitojë Italinë po në këtë datë. 7 prilli është ajo datë e zezë dhe shumë simbolike për Italinë dhe Shqipërinë, datë kur disa dekada më parë vendi u pushtua nga fashizmi i Musolinit, që kishte planifikuar të vendoste në brigjet tona adriatike disa qindra mijë kolonë italianë. Në vend të bujqve italianë, sot nga vendi përbri kërkojnë të na mbjellin thjesht koloni plehrash, mu në rrethinat e kryeqytetit, duke neglizhuar çdo lloj ndjeshmërie jo vetëm ekologjike por edhe kombëtare. Mesazhi globalist dhe neokolonialist i dorës së fundit është i qartë: “ju shqiptarët na jepni krahë e kofshë të lira pune, ne ju japim plehrat tona në formë investimi. Që t’i digjni mu në mes të “vendit tuaj në zhvillim”, mu në rrëzë të kryeqytetit tuaj pseudoevropian plot me pabe e mercedesa e medresera, Tiranës që kapardiset si gjeli shumëngjyrësh majë plehut!” Firma italiane e ngarkuar që bashkë me qeverinë shqiptare të djegë plehrat quhet “Albaniabeg Ambient Srl”, ose diçka si kjo. Më shumë se simetri akustike me Skënderbegun dhe bejlerët e perënduar shqiptarë, fjala “beg” të sajon anglisht atmosferën e përvujtnisë e mjerimit, që në këtë rast e bie folja “me lyp”.
E bukura në këtë histori të turpshme me plehra italo-shqiptare, është fakti se një vendim i cili ka të bëjë me ajrin dhe sedrën arrin të eksperimentojë format embrionike por shpresëdhënëse të mpiksjes në Një të opinionit publik e komunitetit. Me opinion publik jemi të detyruar të kuptojmë intelektualët dhe aktivistët socialë me feed-back-un e tyre, kurse komuniteti është ai grupimi i banorëve i cili bashkohet si organizëm i gjallë nën të njëjtën shenjë a flamur. Shenja a flamuri nën të cilën shqiptarët (sipas meje) u bënë komunitet për herë të parë gjatë pasdiktaturës, kishte të mbishkruar slloganin “I paguhet prurësit me të parë”. Kurse në anën tjetër shkruante “Ligja dënon ata që prodhojnë e shpërndajnë bileta të falsifikuara”. E kam fjalën për vitin 1997 kur qytetarët shqiptarë, por veçanërisht vlonjatët, u bënë grupim i ndërgjegjshëm, komunitet, i cili nën shenjën e njëjtë të humbjes së parave reagoi në mënyrën e vet. Shenjat në të cilat grupohen shqiptarët dhe bëhen komunitet, kanë një sekret të njohur: nuk duhet të jenë abstrakte. Dhe e dyta, nuk duhet të lypin sensibilitete të sofistikuara, por fizike, gati klinike. Nuk duhet të jenë relike të falsifikuara kombëtare apo dogma jokonsensuale fetare apo sofizma importi shkruar në gjuhë letrare. Në rastin e protestave premtuese të ditës së martë, me përfaqësi nga gjithë kastat e klasat e shoqërisë, kemi të bëjmë mbase për herë të parë me daljen në shesh të qytetarit, jo si tifoz i diskredituar politik, por si veprimtar civil i ndërgjegjësuar, jo përmes urrejtjes ideologjike, jo përmes financimeve “për një Kulturë të Re Proteste” të paguara nga ambasadat, por shqiptarçe, përmes reagimit ndaj kërcënimit praktik e fizik të ndotjes së mjedisit dhe imazhit të përgjithshëm e vetjak.
A ka vallë qeveri shqiptare që ta tolerojë këtë embrion premtues të kohezionit qytetar? A ka vallë qeveri shqiptare që me një gjest të tillë plehradjegës, (sado fitimprurës për shtetin a shtetarët) të mund t’i bëjë bllok qytetarët e vet lehtë të qeverisshëm në dasitë e tyre të mirëmbajtura (të djathtë e të majtë, të persekutuar e persekutorë, kredidhënës e kreditorë, spiunë e të spiunuar, qytetarë e malësorë, myslimanë e të krishterë, pronarë e ish-pronarë, shqiptarë e çamë, toskë e gegë, të rinj e të vjetër) për t’i kthyer befas në thjesht QYTETARË & QYTETARË? Vështirë shumë. Luks i tepërt. Fundi i botës! Kështu që besojmë se qeveria do ta shfuqizojë këtë marrëveshje rehatprishëse.
Qeveritarë që pranojnë shtatë prille të tilla me atdheun si tokë apo si ajër nuk janë asesi të rinj në historinë tonë. Kështu që, në shembullin sesi qeveritarët tanë të së shkuarës i kanë rënë me shkelm edhe fjalës së vet (oh!), për të mos lejuar shoqërinë të bëhet Një kundër tyre, mund të ofrojmë edhe moduse tërheqjeje edhe për këta të sotmit.
Një ngjarje simpatike e viteve 18-19 të shekullit të kaluar, ka për protagonistë prapë italianë e shqiptarë, (veçanërisht vlonjatë) dhe koncesione si sot përmbi mjedisin e të gjithëve. Historinë na e sjell Eqerem “beg” Vlora në librin e tij fantastik të kujtimeve. Asokohe, prefekti i Vlorës, Osman Haxhiu kishte lidhur një kontratë me një sipërmarrje italiane për tharjen e kënetave. Marrëveshja u nënshkrua nën praninë e ushtrisë italiane (prani edhe sot aktuale, të cilën Berluskoni në fjalimin e kongresit të partisë së vet të ca ditëve më parë e renditi krahas asaj në Afganistan, Irak, Bosnje e Kosovë). Sipas marrëveshjes, prefektura dhe komuna shqiptare do t’u paguanin italianëve detyrimet e tharjes së kënetave në dy mënyra: një të tretën në para të thata, dhe dy të tretat për 20 vjet, duke lënë peng tokën e përfituar nga këneta. (Vini re sa e favorshme kjo kontrata, e nënshkruar edhe në praninë e armatosur të trupave të pushtimit.) Me shpejtësinë që karakterizon shqiptarin kur do të bëhet i mirë me të huajt, prefekti i kohës, Osman Haxhiu, analfabet, e vuri aty për aty vulën në akt-marrëveshje. (Sipas traditave të kohës, njerëzit e parisë kishin vula personale ose vula-unaza me emrin e tyre, dhe kur u duhej të nënshkruanin, ngaqë jo edhe aq rrallë ishin analfabetë, ngjyenin vulat me bojë dhe i stamponin nëpër dokumente. Fukarenjtë-analfabetë këtë e bënin thjesht duke i mëshuar dokumenteve me gishtin lyer me bojë.) Sapo morën vesh për marrëveshjen e aty-për-atyshme, vlonjatët e fyer e akuzuan prefektin analfabet, se duke mos lexuar dokumentin, kishte firmosur për të shitur Vlorën. Prefekti u vu në sedër dhe u pendua. U rikthye në zyrat e komandaturës italiane të gjeneral Piaçentinit dhe u tha se kishte nevojë të rishikonte (!!!) aktin e marrëveshjes, dhe kur italianët ia dhanë dokumentin, ky menjëherë LËPIU vendin ku kishte vulosur, duke shuar apo fshirë a llangosur kështu bojën artizanale të vulës së vet. Opaa, s’ka më vulë, as marrëveshje!!!
“Ideja nuk ishte e keqe-vazhdon Eqerem bej Vlora, por pasojat katastrofale. Italianët thanë se e nxorrën atë (O.H.) jashtë me shqelma. Osman Haxhiu, përkundrazi, tregoi variantin e tij: ai e kishte plasur gjeneral Piaçentinin përdhe, e pastaj bashkë me të, duke u përleshur, ishin rrokullisur nëpër korridor, tatëpjetë shkallëve, deri tek dera kryesore e pallatit. Kur unë ia rrëfeva këtë variant gjeneral Piaçentinit, ai desh vdiq së qeshuri. Por populli, megjithatë, nuk gabohej lehtë: ai i besoi Osman Haxhiut heroik dhe të lavdishëm”.



11/06/2004
KATEGORIA: Analiza

[Dita]

Ora,

BOTA SOT eshte edhe ne internet, apo e ke hedhur lajmin duke e shkruar vete ne kompjuter?

[BOKE]

Foto nga protesta e banoreve te Kasharit per impiantin e plehrave.



P.S. Mire aty me gjuhen e shkruar.

[Zarathustra.]

Nuk besoj se ky problem zgjidhet me pasione emocionale dhe kundershtime shabllone JO. Me duket se ata qe protestojne duhet ti ofrojne pra shqiptareve dicka me shume se JO-ja dhe protestat apo ankimet.

Shqiperia eshte ne nje gjendje qe kerkon zgjidhje, alternativa, apo rrugedalje per problemet e saj dhe jo kundershtime iracionale per hir te opinionit.

Pyetja lind

Cila eshte zgjidhja e plehrave sipas protestuesve? Si do ta ndoti ky investim ambientin me shume nga c’po ndotet sot nga fenomeni Sharre? Sa specialiste ambienti punojne apo kane bere studime per shoqatat qe protestojne, sa studime shkencore kane bere ata dhe cilat jane rrezultatet e ketyre studimeve? Ku jane shifrat, ku jane faktet, ku jane provat per cfare ata pretendojne? Ketu behet llaf per nje investim prej 210 milione dollaresh, dhe vetem nje idiot do ti thote JO, pa i konsideruar dhe studiuar me pare te gjitha variantet. Kjo do te thote se ka 1000 kushte qe mund ti vihen ketij investimi ne favor te ambientit shqiptar, por me sa duket keto shoqata shqiptare dine vetem te ankohen e protestojne dhe e kane privuar veten totalisht nga e drejta per tu angazhuar ne analiza racionale, qe sigurisht kerkojne aftesi dhe merite.

Nuk e di por me duket mua se shume pak jane angazhuar keta protestues ne verifikimin apo zgjidhjen e problemit, dhe shume here me teper angazhohen ata per te shprehur apo mbrojtur OPINIONIN e tyre qe shpesh here buron nga injoranca (sic e thashe asnje studim serioz nuk eshte ndermarre prej tyre). Eshte vertet per te ardhur keq kur shikon se keto organizata jane ne thelb subjekte dembele, parazite dhe te paafte ne syte e shoqerise shqiptare te ciles, i interesojne zgjidhjet qe i jepen problemit dhe jo, “JO-te” apo “Mjaft-et”.

[Ora]

Ora,

BOTA SOT eshte edhe ne internet, apo e ke hedhur lajmin duke e shkruar vete ne kompjuter?

Me fal Dita se po pergjigjem me vonese por nuk e vura re me perpara...
Ate lajm e mora nga fajtori.com.
Ndonjehere atje dalin dhe shkrimet e Bota Sot. Une deri me sot nuk kam gjetur ne internet.

Pershendetje,

[klevis2]

Nel più assoluto silenzio stampa, da un paio di settimane il governo italiano sta lavorando per esportare un po' di rifiuti in territorio albanese. E' noto che in Campania non si sa dove mettere i rifiuti e la Lombardia - dopo le proteste della Lega - non è più disposta a trattarne. In Calabria non si trova un sito per l'inceneritore (eufemisticamente chiamato «termovalorizzatore») dopo che la gente della piana di Gioia Tauro è scesa in piazza - con decine di sindaci e rappresentanti delle associazioni ambientaliste - per impedire il raddoppio del termovalorizzatore di Rosario. Ed ancora: a Pettogallico, alla periferia di Reggio Calabria, da tre mesi va avanti un braccio di ferro tra la giunta regionale calabrese e migliaia di cittadini - in prima fila le donne del posto - che non ne vogliono sapere della scelta di localizzare la discarica della città, sulle sponde di un torrente che accoglie uno degli agrumeti più belli della provincia. Così, nel silenzio, qualcuno ha pensato a trovare una soluzione. Se non riusciamo a trovare in casa chi si vuole prendere i nostri rifiuti proviamoci con i vicini. A partire dai più deboli.

Alla fine di maggio viene siglato un accordo tra la cooperazione italiana e il governo albanese per l'implementazione di due iniziative. Il primo intervento riguarda un dono del governo italiano di 400.000 euro per il miglioramento/ampliamento della discarica di Sharra (vicino a Tirana). Si tratta di un vecchio sito, che già nel periodo di Enver Hoxha era destinato a discarica per la capitale. Ma, dalla caduta del regime ad oggi Tirana ha triplicato la sua popolazione e, soprattutto, si sono moltiplicati i consumi e le merci usa e getta, e la vecchia discarica non ce la fa più. Non solo: i rifiuti, di qualunque genere, vengono buttati in discarica senza tener conto delle infiltrazioni delle falde acquifere e dei danni conseguenti. Con questo nuovo progetto, almeno sulla carta, si dovrebbero rendere impermeabili i terreni e ridurre i danni ambientali. Ma, quanto verrebbe ampliata la discarica e per quali rifiuti (qualità e provenienza) non è dato sapere.


Il secondo intervento riguarda Kashar, un'area a nord di Durazzo, dove è prevista la costruzione di un termovalorizzatore della portata di 1000 tn al giorno. L'investimento di 6 milioni di euro viene effettuato con un prestito a tasso agevolato da parte dell'Italia. Beneficiaria un'impresa italiana che, per l'occasione, ha costituito a Tirana la sede sociale di un'impresa, l'Albaniabeg Ambient. Approfondendo i termini dell'accordo si scopre che i rifiuti che il termovalorizzatore di Kashar utilizzerà provengono per il 40% dall'Italia, e l'accordo dura per 25 anni. La cosa più interessante, oserei dire geniale, è che questi «rifiuti» saranno importati dall'Italia come «materie prime per combustione», evitando sia le tasse doganali che vengono pagate in questi casi dal paese esportatore, sia l'allarme della pubblica opinione.


Tutto sembrava filare liscio e nessuno si aspettava le proteste che stanno scuotendo l'Albania in questi giorni. Diversi intellettuali, tecnici e opinionisti sono intervenuti sulla stampa albanese ponendo pesanti interrogativi su tutta la vicenda. Le associazioni ambientaliste sono scese in piazza insieme a semplici cittadini allarmati dalle notizie apprese e preoccupati per la vicinanza dei siti a centri abitati. In particolare, l'area scelta per il termovalorizzatore a nord di Durazzo è una delle poche aree a vocazione turistica che non sia stata devastata dalla speculazione edilizia di questi anni. I contadini del luogo sono scesi nelle strade a protestare insieme agli operatori turistici. Ma è stato soprattutto il quotidiano Shekulli, uno dei più importanti giornali albanesi, che ha attaccato questo accordo in modo pesante e diretto, rompendo una tradizionale alleanza con il governo socialista di Fatos Nano.


Secondo alcune indiscrezioni il proprietario di Shekulli è uno dei maggiori imprenditori albanesi che è interessato al business dei rifiuti e il monopolio di un'impresa italiana sull'operazione non è stata molto gradita. Le accuse mosse da Shekulli sembrano sospette, ma sicuramente un tecnico stimato come il professor Sazan Guri e altri intellettuali intervenuti sulla questione non hanno interessi individuali da difendere. Guri, docente all'Università di Tirana, si domanda come mai si costruisce un impianto per bruciare il doppio di quello che l'Albania ha bisogno e allo stesso tempo si va ad un drastico ampliamento della discarica di Sharra. Dove sta il trucco? Perché non costruire un piccolo impianto commisurato ai bisogni del paese? si domanda uno dei responsabili del Ppna, la più importante associazione ambientalista albanese.


Di fronte a queste critiche all'accordo tra governo albanese e cooperazione italiana, scende in campo il nostro ambasciatore Jannucci. Con un lungo comunicato Jannucci attacca pesantemente la stampa albanese - in particolare Shekulli - ed esterna il suo pensiero «unico» in forma mirabile. «Per entrare in Europa - scrive - non basta non aver più bisogno dei visti, significa accettare la libera concorrenza e lo standard del pensiero europeo. Se gli albanesi vogliono entrare in Europa devono pensare come gli europei». E poi prosegue: «Tutto questo non fa che influenzare negativamente i negoziati per l'integrazione nella Ue, perché con questi atteggiamenti si dà ragione a chi pensa che l'Albania non è ancora pronta e matura per entrare nella grande famiglia europea». Infine, il nostro propone come rimedio di organizzare una pubblicità/progresso (come si fa nei paesi civili) e suggerisce lo slogan: «Chi disinforma tiene anche te lontano dall'Europa . Digli di non farlo!».


Marrë nga il manifesto

[klevis2]

Roma, 18 giugno 2004 - L’Italia, invece di risolvere il problema della gestione dei rifiuti nel proprio territorio, vuole costruire un inceneritore in Albania per bruciare anche il CDR (combustibile derivato dai rifiuti), prodotto dal nostro paese. "... La gestione dei rifiuti in Italia e’ diventata un’emergenza e invece di orientare tutto il sistema verso misure concrete di prevenzione, riciclo e riutilizzo, si tende a cambiare la definizione dei rifiuti, a deregolamentare tutta la normativa di settore e, infine, ad inviare i nostri rifiuti nei paesi vicini ..." afferma Vittoria Polidori, campagna inquinamento di Greenpeace.

Secondo la legislazione internazionale (Convenzione di Basilea) e comunitaria (Regolamento europeo 259/93) non è consentito esportare CDR, in quanto essendo classificato come “rifiuto solido urbano” non può essere esportato né per lo smaltimento né per il recupero. Il governo italiano, denuncia Greenpeace, ha cercato di eludere il problema, cambiando la nozione di CDR (Legge 16/2002 art. 7, comma 11°) che da rifiuto urbano è passato nella classe dei rifiuti "speciali”. Da un punto di vista pratico, la norma ha dato la possibilità di smaltire questo materiale in Regioni diverse da quella di produzione, in violazione del cosiddetto "principio di autosufficienza" che si applica ai soli rifiuti urbani non pericolosi.

Successivamente, grazie alla nuova definizione di rifiuto (Legge 178/2002) e alla imminente Legge Delega ambientale, in discussione al Senato, il CDR verrebbe completamente escluso dalla normativa sui rifiuti. In questo vuoto di definizioni e deregolamentazioni, che rischiano di alimentare ulteriormente la criminalità ambientale, Greenpeace chiede al governo italiano di non dare seguito al contratto di concessione fra le autorità albanesi e la società italiana ''Albanianbeg ambient'', che fa capo al consorzio privato ''Co.La.Ri.'' (Consorzio laziale rifiuti) che si occupa tra l’altro dello smaltimento dei rifiuti di Roma.

"... Chiediamo che non venga concessa nessuna autorizzazione per l’esportazione di CDR verso l’Albania. Inoltre, l’Italia deve ancora ratificare il Protocollo di Izmir della Convenzione di Barcellona, che regolamenta il trasporto transfrontaliero dei rifiuti pericolosi nel Mediterraneo. Ci auguriamo che questo strumento entri al più presto in vigore ..." spiega Polidori.

[Tirana]

PO SEMURET KY VEND Z. PRESIDENT!


Alba MALLTEZI



Ju drejtohemi si kryepolitikan i këtij vendi dhe rrjedhimisht si "babai i radhës" i politikës së dështuar shqiptare. Prej vitesh po rendisim në media padrejtësitë e çmenduritë që ndodhin në Republikën e Shqipërisë, por kjo që do Ju prezantojmë tani është katastrofike: Ju e dini z. President, se në Shqipërinë tonë të dashur, komunitete të tëra njerëzish po ngrenë zërin e .po protestojnë se u mungon ajri? Po! Fëmijë, pleq, të rritur, të sëmurë, kanë vështirësi të marrin frymë në shtëpitë e tyre. Atyre u është mohuar e drejta e jetës nga rrethana të krijuara nga mosfunksionimi i Shtetit. Kjo është vetëm maja e një ajzbergu të frikshëm ndotjesh klandestine e abuzimesh që po bëhen në këtë vend. Këto ndotje sot për sot kanë bërë me kancer tokën, ajrin, lumenjtë, detin shqiptar. Nesër do të na bëjnë ne të gjithëve.
Fillojmë t'i rendisim:
Dje banorë të Elbasanit e të Fushë Labinotit bllokuan rrugën kombëtare për 90 minuta, pasi prej një viti shtëpitë e tyre, mushkëritë e tyre jetojnë mes pluhurit që firmat ndërtuese të rrugëve në ato anë ua hedhin pa kokëçarje, pa respektuar normat minimale për shmangien e pluhurit gjatë punimeve. Këta banorë nuk mbrohen nga askush, ndaj arroganca e ndërtuesve që mendojnë se mund të shtrojnë rrugë duke kërcënuar jetën e mijëra vetëve vazhdon, ndërsa me rritjen e temperaturave gjendja po bëhet vërtetë e padurueshme për këta banorë. Ndoshta Ju ka rënë rruga të kaloni nga Fushë Labinoti z. Presindet; të gjitha makinat në atë zonë, - me dhe pa kondicioner, - ngrenë xhamat për të shmangur pluhurin e dendur dhe kalojnë. I mbyllën xhamat ditën e parë dhe banorët e Fushë-Labinotit, por pas një viti nuk kanë ç'të mbyllin më, veç syve, pasi nuk marrin as frymë dot.
Po dje. Korrespondentja jonë në Fier, shkoi të takonte banorët e fshatit Marinëz; disa fëmijë të këtij fshati janë anemikë dhe mjekët nën zë u thonë prindërve se duhet të largohen, pasi ndotja nga puset e naftës i dëmton ata. Edhe në këtë zonë të gjithë mund ta konstatojnë se për të kaluar me makinë duhet të ngresh xhamat, që të shpëtosh në ato pak sekonda nga kutërbimi i naftës që është sheshit. Fëmijët, pleqtë, të sëmurët e Marinëzës jetojnë mes këtij kutërbimi që pas '90-s, ditë e natë. "Më përzihet, më djeg hunda e fyti", këtë raportonte gazetarja ndërsa qëndroi pak orë mes banorëve.
Në Tiranë. Kryebashkiaku I Tiranës, Edi Rama deklaroi para dy ditësh se Sharra është "bombë ekologjike". Kjo është e vërtetë, por në Shqipëri, z.President realitetet e krijuara vitet e fundit e kanë kapërcyer nivelin e dëmit ekologjik; ndotjet e tejskajshme të ajrit e tokës, tashmë janë kthyer në kërcënim të jetës për të gjithë ne. Veç pak dhjetëra njerëzve.
Ndoshta është e vështirë për Ju, për politikanët e teknicienët e ekzekutivit shqiptar, për politikanët e opozitës, për pseudoambientalistët e mirëfinancuar nga projekte edhe të OKB-së, të nuhasni ajrin e tejndotur të këtij vendi; në makinat e mbyllura e me ajër të kondicionuar vështirë të perceptohet tmerri që Ju rrethon, por që pjesën më të madhe të njerëzve e ka gllabëruar.
Në zonën e Kombinatit pranë kryeqytetit, banorët e shohin me sy të lirë si plluskon mes tyre tymi e dioksina nga diegiet e Sharrës. Por edhe në Qendër të Tiranës, nëse Ju provoni të bëni në këmbë rrugën nga Sheshi Skenderbej, tek Presidenca pashmangshmërisht do të ndjeni djegie në hundë, në fyt si dhe mushkëri të rënduara. Megjithëse, nëse do ta bëni këtë rrugë në këmbë Ju jeni me fat pasi automjetet që lëshojnë blozë, ta hedhin atë në fytyrë e mushkëri, nuk do të jenë, policia rrugore do ta bllokojë trafikun për Ju.
Po ish-Metalurgjiku? Po përflitet kaq herë ky problem, por në vend që të zgjidhet, Shteti shqiptar lejon që të rëndohet gjendja. Filtrat që thuhet se janë vënë për të zvogëluar ndotjen e ajrit nuk dihet në funksionojnë a jo. Banorët e zonave përreth kanë filluar të mendojnë se natën ato filtra hiqen, pasi ajri është ende shumë I rëndë; asgjë nuk ka ndryshuar për të lehtësuar frymëmarrjen e tyre.
Të tjera. A keni ndjerë z. President, kur keni kaluar, pranë "superindustrive të reja" të krijuar në epokën Tuaj dhe të kolegëve Tuaj politikanë, erën e rëndë që mbështjell tërë zonën? Edhe në këtë rast automobilistët ngrenë xhamat e makinave, por era e fortë depërton përsëri. Mes asaj ere jetojnë natë e ditë fëmijët, pleqtë, të sëmurët që mund të ketë normalisht një zonë e banuar. Po qytetarët e Krujës? Të gjithë I kanë parë furrat e gëlqeres dhe tymin e gomave të djegura që prej kohësh kanë helmuar tashmë mushkëritë e shumë banorëve dhe kanë bërë të fitojnë para një grusht njerëzish.
Ajri i ndotur po prek të tashmen dhe të ardhmen e banorëve të këtij vendi. (Dreqi ta hajë! E stërthnënë dhe në këtë formë, është shndërruar në patetik çdo alarm.)
Në Shqipëri nuk është vetëm ky problem: ditë pas dite toka, lumenjtë, deti po helmohen nga mbeturinat që pak të pasur jashtëqisin nga industritë e tyre. A mund të përgjigjet dikush z. President se ku përfundojnë mbeturinat e industrive të detergjentëve? Të ndërtimit? Të prodhimeve farmaceutike? Të përpunimit të lëkurëve e prodhimit të këpucëve? Vajrat e makinave e makinerive? Të industrive metalurgjike e siderurgjike? Po dhe të atyre ushqimore ? Mbeturinat e bojrave, ku përfundojnë?
Në çdo vend në botë shteti është tepër vigjilent të shohë e të kontrollojë se ku shkojnë këto mbeturina, në mënyrë që asgjë të mos ndotë tokën nga ku marrim ujin që pijmë dhe bukën që hamë. Në Shqipëri, Ju nuk po shqetësoheni për këtë.
Sot, pas këtij shkrimi, dikush mund të thotë: "po pse e kapni me Moisiun, është burrë i mirë". Ky është problemi: Shqipëria sot nuk ka nevojë për burra të mirë, por për burra të aftë të zgjidhin probleme që kërcënojnë jetën e të ardhmen e vendit. Dhe sot për sot, asnjë politikan shqiptar nuk po e bën këtë, duke filluar që nga Presidenti i Vendit.

[Albo]

Enzo Ciconte, këshilltar i Antimafias italiane shpjegon problemin e plehrave të prodhuara në veri të Italisë

“Mafia, plane për t’i nxjerrë plehrat jashtë Italisë”

Shekulli

Plehrat e tepërta që vijnë nga veriu i Italisë janë bërë një problem tepër shqetësues edhe për këtë vend. Pas protestës më të fundit, të zhvilluar disa ditë më parë në zonën e Napolit nga qytetarët që nuk donin rihapjen e pikave të grumbullimit të plehrave dhe mbushjes së tyre me mbetje të ardhura nga veriu i vendit, problemi i plehrave në Itali është bërë tepër shqetësues. Në një intervistë të dhënë për gazetën italiane, “Il Messagero”, Enzo Ciconte, historian, ish -deputet dhe tashmë këshilltar i Antimafias italiane shpjegon problemin e plehrave të prodhuara në veri të Italisë, lidhjet e tyre me mafian në jug të vendit si dhe miraton faktin që Shqipëria nuk do që të importohen plehra. Ai tregon se planet e mafias së plehrave janë që t’i nxjerrin ato jashtë Italisë, sidomos në krahun tjetër të Adriatikut. “Me sa kam mësuar unë, tashmë as shqiptarët nuk duan më plehrat që vijnë nga Italia. Nuk mund të them që e kanë gabim…”, -thotë ish- deputeti Ciconte.
Enzo Ciconte e ka konsideruar protestën e Salernos për plehrat si një gjë spontane që kishte dalë nga vetë banorët. “Nuk besoj se ishte një protestë e ndikuar nga kamorra. Mua m’u duk si një gjë spontane, edhe pse ndonjë kamorrist mund të ndodhej aty. Protesta ishte kundër interesave të kamorrës. Kamorra i do pikat e grumbullimit të mbetjeve urbane sepse nga to nxjerrin përfitime ndërkohë që urrejnë gjithë zgjidhjet e tjera”, -thotë Enzo Ciconte në intervistën e tij. Sipas tij, lidhjet e mafias me politikën kanë filluar rreth 30 vjet më parë kur ajo u bë sipërmarrëse. Në këtë kohë kamorra ka investuar në plehrat që kalonin nga veriu në jug të Italisë. Në atë kohë ishte e nevojshme që qytetet e mëdha të liroheshin nga plehrat e tepërta që kishin. Në disa raste nevojitej që të hiqeshin qafe mbetje toksike ose radioaktive dhe që kjo gjë të bëhej me kosto sa më të ulët. Kamorra e bënte këtë gjë në mënyrë ilegale duke ulur deri në 35% koston e transportit dhe plehrat hidheshin në pika grumbullimi klandestine. Në disa raste ato janë hedhur edhe në pika grumbullimi të ligjshme ku në atë kohë kontrollet ishin inekzistente. Tashmë kjo gjë ka ndryshuar. Në vitet 1990, me forcimin e drejtësisë, u ushtrua një presion i fortë mbi trafikun e pakontrolluar të plehrave. Destinacioni u spostua në drejtim të krahinës së Marches dhe brigjeve të detit Adriatik. Në këtë rast plehrat kalonin përmes qendrës së Italisë, por rezistenca ishte e madhe. Sipas këshilltarit të Antimafias italiane Enzo Ciconte, pikat e grumbullimit të mbetjeve janë të domosdoshme për mafian pasi duhen për të shmangur kontrollet dhe për të falsifikuar dokumentat e mbetjeve që transportohen në to. Në këtë mënyrë ngarkesat nisen të pashqetësuar nga askush në drejtim të brigjeve të tjera. “Me sa kam mësuar unë, tashmë as shqiptarët nuk duan më plehrat që vijnë nga Italia. Nuk mund të them që e kanë gabim…”, -thotë në fund të intervistës së tij ish- deputeti dhe këshilltari i Antimafias italiane Enzo Ciconte.

[Albo]

Socialistët rrëzojnë amendamentin e “Mjaft” të firmosur nga deputetë të majtë dhe të djathtë

PS pro importit të plehrave

Deputetët socialistë votojnë kundër ndalimit të importit të mbetjeve për të prodhuar energji

Shekulli

TIRANË – Socialistët, pro importit të plehrave. Grupi parlamentar i Partisë Socialiste hodhi poshtë, dje, projektligjin “Për mbrojtjen e mjedisit” duke mos pranuar ndryshimin e nenit 22 të ligjit në fjalë që parashikonte që në territorin e Shqipërisë të ndalohej importi i mbetjeve si dhe çdo produkt tjetër të rrjedhur prej tyre për t’u përdorur si lëndë djegëse apo mënyra të tjera për prodhimin e energjisë. Amendamenti u inicua nga lëvizja “Mjaft” dhe u firmos nga shumë depuetë të djathtë dhe të majtë të Kuvendit. I njëjti amendament u miratua dje në komisionin e Ligjeve. Debatet për fatin e nenit që synonte ndalimin e importit të mbetjeve në Shqipëri nuk kanë qenë të shumta, pasi në mbledhjen e grupit nuk ishin të pranishëm deputetët që kishin bërë propozimet. Deputeti Gjergji Koja ka bërë të ditur se amendamentet e propozuara nuk kanë kaluar edhe në komisionin e Shëndetësisë dhe Mjedisit, madje i ka cilësuar si nonsens këto amendamente, i nisur nga fakti se në variantin e parë në projektligj thuhej se ndalohej përveç importit të mbetjeve edhe importi i lëndëve. Kjo u ndryshua në komisionin e Ligjeve i cili vendosi që të miratonte vetëm ndalimin e importit të mbetjeve. Ministri i Rregullimit të Territorit dhe Turizmit, Bashkim Fino dje në mbledhjen e grupit parlamentar të PS-së është shprehur se nuk e kuptonte se përse është futur kaq shpejt në rendin e ditës dhe do të ishte më me interes që të shtyhej, të diskutohej dhe të kalonte në të gjitha komisionet parlamentare ky amendament. Erion Braçe, e cilësoi projektligjin “të pabazuar dhe me qëllime politike”.

Ndryshimi

Kur protestat e organizatave joqeveritare dhe të banorëve të Tiranës, Kasharit e Durrësit kundër importit të plehrave nga Italia, të parashikuar në një projektmarrëveshje të qeverisë shqiptare me firmën “Albaniabeg Ambient”, ishin në kulmin e tyre lëvizja “Mjaft” inicioi ndryshimin e ligjit “Për mbrojtjen e mjedisit” me anë të të cilit synohej t’i pritej rruga importit të mbetjeve në territorin e vendit.
Nisma u përkrah nga kryetari i komisionit të Ligjeve Spartak Braho dhe dje komisioni e miratoi atë në parim. Pas vendit të grupit parlamentar të PS-së që vendosi të lejojë importin e plehrave në Shqipëri, tani është seanca e së enjtes që do të vendosë.
Debati për importin e plehrave u hap pasi “Shekulli” zbuloi një projektmarrëveshje që qeveria shqiptare po negocionte me shoqërinë “Albaniabeg Ambient” për ndërtimin e një impianti të përpunimit të mbetjeve në Kashar. Pika më “interesante” e marrëveshjes ishte se 39% e kapacitetit të impiantit do të punonte me plehra të sjella nga Italia dhe se “Albaniabeg” do të përpunonte falas vetëm 4 milionë ton plehra të Tiranës dhe Durrësit. Tani është shtypi italian që po hedh dritë mbi këtë tentativë të firmës italiane dhe qeverisë shqiptare, duke e lidhur sjelljen e plehrave italiane me refuzimin që po i bën jugu i Italisë transferimit të plehrave të veriut.

Titulli i nenit ndryshohet në Importi i lëndëve dhe mbetjeve

Neni 22 i ligjit 8934 datë 5.9 2002 “Për mbrojtjen e mjedisit” bëhen këto ndryshime.
Në Republikën e Shqipërisë ndalohet importi i lëndëve ose mbetjeve si dhe çdo produkt tjetër i rrjedhur prej tyre me qëllim përdorimin si lëndë djegëse apo mënyra të tjera për prodhim energjie

[Hyllien]

Si thote Ambasadori Italian, eshte e vetmja rruge drejt Evropes, duhet te jemi te ndergjegjshem edhe per plehrat e te tjereve tani. Te vdesim ne qe te rrojne ato.

Brravo dhe Politikanet e degjeneruar Shqiptare qe nuk i kane munguar pergjigjes se shpejte ndaj apelit miqesor te ambasadorit Italian pak jave me pare.

Me importin e plehrave dhe degjenerimin e shendetit te Shqiptareve, marredheniet bilaterale Itali-Shqiperi do jene me te forta se kurre, madje integrimi jone ne Evrope tashme eshte thjesht nje formalitet.

[Cofferati]

Dhe keta bastarde komunista kane goje te hapin per zogun eh....Per mua e gjithe afera eshte mashtrim sic eshte kompania amerikane qe eshte e interesuar per te blere telefonine fikse....S`ka kush ti kerkoje llogari dhe atij shteti i vjen era....