James Belushi

[PrInCiPiEl]

Pa dyshim një prej aktorëve më të shquar me origjinë Shqiptare.
Kujtoj një film të paharueshëm të tij :"The Principal".

James Belushi :

[shigjeta]

James (Jim) Belushi ka lindur ne 15 Qershor 1954 ne Chicago. Jimi eshte lindur nga prinder shqiptar; i jati, Adem, emigroi ne USA kur ishte 16 vjec, ndersa e jema, Anjeza, ka lindur ne USA nga prinder shqiptar. Nje nga mesuesit e tij ne shkollen e mesme i beri pershtypje aftesia e Jim per te improvizuar ne prezantimet e ndryshme qe beheshin ne klase. Ai e bindi Jimin qe te merrte pjese ne grupin e teatrit te shkolles. Sot, nese dikush e pyet Jimin se si vendosi te futej ne rrugen e artit, ai duke qeshur thote: "Per shkak te vajzave. Ne grupin e teatrit te shkolles ishin 20 vajza dhe vetem 6 djem. Dhe e njejta gje ishte edhe per korin e shkolles....me shume vajza!"

Pasi mbaroi studimet ne Southern Illinois University ai mori diplomen per aktor dhe u vendos ne Chicago. Ne 1979, producentin dhe shkrimtarin Garry Marshal e terhoqi loja e Jim ne shfaqje dhe organizoi vajtjen e tij ne Hollywood ku edhe luajti ne serialin "Who's Watching the Kids" e financuar nga Studio Paramount, dhe me pas per nje rol tjeter ne shfaqjen televizive "Working Stiffs" (se bashku me Michael Keaton). Nga viti 1983, per 2 vjet rresht, ai beri pjese ne stafin e shfaqjes "Saturday Night Live".

Jim terhoqi vemendjen e publikut te gjere me rolin e ti ne filmin "About Last Night" ne krah te aktoreve Rob Lowe dhe Demi Moore. Ai me pas ka luajtur shume role te tjere duke portretizuar karaktere te ndryshme si ne "Homer and Eddie" , "The Principal", "Takin' Care of Business" , "Gang Related","Red Heat", "K-9". Ne 2000 Belushi luajti tek "Return to Me" dhe "Who Killed Atlanta's Children?". Popullariteti i tij ka ardhur duke u rritur, ashtu sic ka qene e dhe lista e filmave dhe e shfaqjeve ku ai ka marr pjese.

Jim Belushi se bashku me familjen e tij (gruan - Jennifer; dy djemte Robert, Jared dhe nje vajze - Jamison) jeton ne Los Angeles. Nje hob i tij eshte edhe muzika. Ai merr pjese ne banden "Sacred Hearts". Ne kujtim te vellait te tij, aktorit te njohur John Belushi, ai ka ndihmuar dhe merr pjese ne drejtimin e fondacionit John Belushi, qe ofron bursa per student qe duan te vazhdojne ne fushen e artit.

Per here te pare James Belushi e vizitoi Shqiperine ne vitin 1995.

[Administrator1]

E dashur shigjeta !!
Nuk e di nga e ke marrë ti informacionin për emrin e të jatit(Adem), por je e gabuar, sepse i jati i tij është nga Qyteza e Korçës, ku nuk jetojnë edhe sot e kësaj dite Muslimanë ashtu si edhe në Dardhë .
Janë 2 fshatra afër njëri tjetrit me përbërje ortodokse..
Pa shikoje pak e kërko për emrin e tij, sepse ai është ortodoks e jo musliman.
(për të jatin flas)
Flm

[shigjeta]

Pershendetje ADMINISTRATORI1

Faqja nga e mora informacionin kryesor (www.jimbelushi.ws ) nuk e permendte prejardhjen e James Belushit. Meqenese doja te shkruaja rreth origjines se tij shqiptare, pashe faqe te tjera, te cilat kryesisht ishin bere nga te huaj, dhe i referoheshin te jatit me emrin Adam. Emer te cilin une nuk e kam degjuar ndonjehere ne shqip dhe mendova se ishte pershtatje ne anglisht. Ne lexim te faqeve te ndryshme gjeta edhe kete faqe (http://listserv.acsu.buffalo.edu/cgi...s&F=&S=&P=4808 ) ku postimi ishte bere nga gazetari Blendi Fevziu, nga ku mora edhe informacionin me lart ne lidhje me emrin (i cili me tingelloi me shume shqip).

Ajo qe doja te shtoja eshte se ketu nuk po diskutojme emrat apo perkatesite fetare te tyre. Tema eshte hapur per te diskutuar per nje aktor te njohur, me origjine shqiptare, ne kinematografine amerikane. Faleminderit gjithesesi per sqarimin.

Eshte i mirepritur cdo informacion shtese, diskutim, pershtypje…rreth James Belushit dhe roleve te tij. Postime te tjera jashte teme, do te hiqen.

[Administrator1]

Pershendetje ADMINISTRATORI1

Faqja nga e mora informacionin kryesor (www.jimbelushi.ws ) nuk e permendte prejardhjen e James Belushit. Meqenese doja te shkruaja rreth origjines se tij shqiptare, pashe faqe te tjera, te cilat kryesisht ishin bere nga te huaj, dhe i referoheshin te jatit me emrin Adam. Emer te cilin une nuk e kam degjuar ndonjehere ne shqip dhe mendova se ishte pershtatje ne anglisht. Ne lexim te faqeve te ndryshme gjeta edhe kete faqe (http://listserv.acsu.buffalo.edu/cgi...s&F=&S=&P=4808 ) ku postimi ishte bere nga gazetari Blendi Fevziu, nga ku mora edhe informacionin me lart ne lidhje me emrin (i cili me tingelloi me shume shqip).

Ajo qe doja te shtoja eshte se ketu nuk po diskutojme emrat apo perkatesite fetare te tyre. Tema eshte hapur per te diskutuar per nje aktor te njohur, me origjine shqiptare, ne kinematografine amerikane. Faleminderit gjithesesi per sqarimin.

Për këtë po diskutoj edhe unë, PËR TË NJOHUR AKTORIN E MADH SHQIPTAR.
Po duhet ta njohim si është realisht apo jo??
Mos bëra gabim që të përmenda jovërtetësinë e informacionit tënd për emrin e të jatit??
Nuk hyn në INFORMACION TË GABUAR ky fakt ??!!.
Nejse.
FLM për përgjigjen dhe suksese me temën.

[pagan]

me thene te drejten xhimi nuk eshte shqiptar (pavaresisht origjines se tij) dhe as aktor i madh. karieren ja detyron ne perqindje te madhe vellait te tij i cili mbetet nje aktor i shquar i muzik-hollit.

nuk eshte shqiptar se nuk e konsideron veten te tille, ket e fsheh me qellim tek autobiografia e tij ne faqen zyrtare. por siç shihet e ka fshehur dhe i ati, i cili nga adem eshte kthyer ne adam (emer çifut e jo orthodoks), besoj kur duhej te mbeshteste karrieren kinemotografike te dy femijve te tij.
dihet qe qifutet e kane ne dore prej vitesh kinemane ne USA. çdo gje kalon prej klanit te tyre s'po them te ndyre se dihet. hehe!

bile dhe droga qe e vdiq xhonin ka filluar ne keto vite e per keto aresye. shqiptaret nuk e kane zakon te drogohen.

nga artistet e vertete qe nuk e mohon veten te quhet shqiptar eshte Prejlocaj. bile eshte dhe artisti me i madh ne nivel boteror qe ka nxjerre raca jone e vjeter dhe e vyer gjer me sot.

[PrInCiPiEl]

"Gang Related"

Rolet :
Tupac Shakur
James Belushi
Dennis Quad
Lela Rochon
James Earl Jones

Skenari dhe regjia : Jim Kouf

Ky film është një epitaf për Tupac Shakur(filmi i tij i fundit).
- Filmi i dedikohet atij.

Në këtë film James Belushi luan rolin e policit Divinci; kolegu më i vjetër dhe më cinik i Rodriquez-it (luajtur nga Tupac Shakur).
Këta dy janë miqësuar duke u betuar për besnikëri ndaj njëri-tjetrit dhe skemës për tu pasuruar në mënyrë të shpejtë ,..., planifikuar nga Divinci.
...

Një nga interpretimet më të mira filmike të James Belushi-it.



Vrojtim :
* Pjesëmarrja në temë nuk është obligative !
- Veçanërisht nëse nuk jeni të interesuar për të kontribuar në mënyrë konstruktive !

[PrInCiPiEl]

Salvador

Rolet:
James Woods .... Richard Boyle
James Belushi .... Doctor Rock
Michael Murphy .... Ambassador Thomas
etj.


Regjisor: Oliver Stone

Zhanri: Dramë-Triller-Luftë


.......

James Belushi - shpresojmë që në të ardhëshmen do të paraqitet edhe në ndonjë realizim filmik shqiptar, duke portretizuar ndonjë nga personalitet e shquara shqiptare .


PrInCiPiEl

[Taulant _NYC]

Per dicka te jeni te sigurt qe i ati nuk e ka pasur emrin Adem . Nuk mund te perjashtoj faktin qe e ka pasur nje emer tjeter dhe e ka pershtatur ne Amerike po jo Adem .
Shume mire mund ta ket pasur dhe Adam , sepse zona nga eshte i ati ka pasur shume lidhje emigracioni ne Amerike qe ne fillim te viteve 1900 . Nejse emri i te jatit ka pak rendesi.
Rendesi ka qe ky eshte aktori me i madh me origjine SHqiptare qe njifet deri ne sot , dhe ai nuk e ka mohuar asnjehere origjinen e tij . Shqiptar te ben gjaku dhe asgje tjeter nuk eshte e nevojshme te bredhesh lart e posht duke reklamuar veten si Shqiptar .

[angeldust]

Per dicka te jeni te sigurt qe i ati nuk e ka pasur emrin Adem . Nuk mund te perjashtoj faktin qe e ka pasur nje emer tjeter dhe e ka pershtatur ne Amerike po jo Adem.

... Adem!

Si Taulanti s'besoj ta kete pasur Adem se nuk ka shume Adema ne Hoçisht, jo! Nga fshati i Hoçishtit jane keta me origjine.

[PrInCiPiEl]

Tema është për aktorin e shquar James Belushi dhe realizimet e tij filmike në kinematografinë botërore !

E theksoj edhe njëherë:
Pjesëmarrja në temë nuk është obligative !
- Veçanërisht nëse nuk jeni të interesuar për të kontribuar në mënyrë konstruktive !
Rrjedhimisht: në mungesë të agrumenteve mos shkruani fare.
- Për thash-e-theme keni vende të tjera në forum!

Fundi i fundit :
Njeriu i parë në botë, nga gjysma e njerëzimit në botë njihet me emrin Adem e nga gjysma e tjetër njihet me emrin Adam.
- E fjala është për të njejtin njeri-Profet të Zotit.


Cheers!
PrInCiPiEl

[PrInCiPiEl]

According to Jim

Rolet kryesore:
James Belushi .... Jim ( si Jim Belushi )
Courtney Thorne-Smith .... Cheryl

- është një seri filmike(komedi) shumë e suksesshme në televizionin ABC .
Seriali televiziv filloi më vitin 2001 dhe vazhdon edhe më tej të xhirohet(dhe shfaqet në TV), për arsye të suksesit të arritur tek spektatorët.

James Belushi është një prej aktorëve të preferuar në film , televizion dhe në teatër për rreth njëzet vite.
- Një aktor i shkëlqyeshëm në rolet kryesore, si në realizimet dramatike po ashtu edhe në komedi.
Gjithëashtu , Jim Belushi është një interpretues i talentuar edhe në "rhythm & blues" muzikë.


PrInCiPiEl

[PrInCiPiEl]

The Principal

Në rolet kryesore:
James Belushi
Louis Gossett Jr.

Zhanri: Dramë

Regjisor: Christopher Cain


Filmi i parë që e kam pa me James Belushi-n.
- Film i shkëlqyeshëm!

PrInCiPiEl

[anja bojku]

Vet Jim kur ishte ftuar via satelit tek miss Europa '96 e pohoi se babai vete u quante Adem/Adam. The nje gje me ngeli ne mendje, c'ka te bej emri Adam me origjinen Hebrenje? Shume emra Kristiane jane marre nga tevrati (mark, john, paul, abrham,etj), por kjo s'do te thote qe k'ta njerez jane hebrenj.

[BvizioN]

--------------------------------------------------------------------------------

Jim Belushi, një libër në shqip për jetën e tij

Jim Belushi, aktori i madh hollivudian vjen së shpejti në vendin e origjinës së tij, Shqipëri, si autor i librit "Burrat e vërtetë nuk thonë kurrë më fal". Lajmin e konfirmon Vasilika Tafa, drejtorja e shtëpisë së librit "Ombra GVG" e cila do mundësojë publikimin e tij. Tafa me këtë botim, realizon edhe një amanet që i ati ia ka lënë asaj, për kushëririn Jim Belushi. Për librin dhe për këtë lidhje shpirtërore, ajo do flasë më shumë në shkrimin e mëposhtëm.

Vasilika TAFA
Burrat e vërtetë nuk thonë kurrë më fal",është një libër i shkruar nga ylli i kinemasë hollivudiane, Jim Belushi. Shumë prej jush do të thoni, mos ka ndonjë ngatërresë? Jo, vetë aktori ka provuar të jetë në rolin e shkrimtarit. Ndoshta talenti i tij ka shkëlqyer në kinematografi, por nuk e ka ndier veten të realizuar pa thënë ato që vetëm ai i di për jetën nëpër të cilën ka shkelur.
Libri ka nota të thella autobiografike dhe pritet të publikohet së shpejti nga shtëpia e librit "Ombra GVG".
Shpresojmë që lexuesi shqiptar të ndjekë sukseset dhe dështimet, realizimet e tij shpirtërore, që aktori me origjinë shqiptare ka kaluar në jetën private. Ka sjellë në libër shumë personazhe, të afërmit e zemrës, bashkëpunëtorët që e kanë ndihmuar të bëhet një aktor i madh dhe që e kanë penguar të jetë një burrë ideal për gratë e tij. Mirënjohja dhe pendimi që përshkon librin e Jim Belushit, e bëjnë të jetë një model i vërtetë edhe për shoqërinë shqiptare.

E kam pritur me emocion të veçantë realizimin e këtij libri për dy arsye:
Së pari, doja të sillja para lexuesve vlera të vërteta njerëzore të një shqiptari të madh, pasi çdo ditë forcoj bindjen time që shoqëria shqiptare ka nevojë për modele, të cilat i japin shtytje e besim në civilizimin shoqëror e emancipimin e shoqërisë.
Por, kam edhe një shkak personal. Impulsin dhe ngarkesën emocionale që më shkakton botimi i këtij libri në shqip, dua ta ndaj në një pozicion të ri.
Por çfarë përbën për mua personalisht fenomeni Jim Belushi?!
Me koshiencën e botuesit kam realizuar një qëllim të shtëpisë botuese, me koshiencën e vajzës doja të tregoja diçka që kam kohë që e ruaj brenda vetes.
* * *
Rrëfimin tim për ty i dashur babi, ndoshta nuk do ta kisha treguar kurrë kaq publikisht, po të mos kisha një shkak të fortë. Si çdo vajzë që ka humbur babanë e saj, qaj shpesh me vete, pa dashur të bëj pjesëtar të dhimbjes sime askënd. Më mungon, edhe se prej kohësh, nuk jemi parë shpesh. Largësia, puna, fëmijët, familja që aq shumë ti e vlerësoje tek preokupimet e mia.
Në të vërtetë shumë njerëzve nuk dua t'i tregoj këtë për babanë tim. Në kujtesën jo vetëm time, ti mbetesh një burrë i shkathët, i gjallë në biseda, me një ton të lartë, që me protagonizmin tënd mundoheshe të na tregoje me një pasionin, që nuk të shteri deri ditën e fundit për nipërit e tu, Jon e Jim Belushi. "Janë shumë të famshëm, janë yje kinemaje", thoshe dhe, shikimi yt shumë herë ka dashur vëmendjen time. Më fal, kurrë nuk të kam thënë që unë ndihesha krenare që janë edhe kushërinjtë e mi. Në adoleshencën time të hershme jam përlotur së bashku me ty për vdekjen e Jonit. Atëherë nuk mund të thoshim se sa të mëdhenj kanë qenë, veçse të shkruanim letra ngushëllimi atje larg në Amerikë dhe, prisnim përgjigje që nuk mbritën kurrë. Vitet kaluan dhe një ditë janari të 1993-shit, zbrite shkallët e avionit me foton në dorë. "Kam takuar nipin tim, Jim Belushin", na the sapo u përshëndetëm. Dhe ashtu e heshtur dhe e përmalluar për ty, nga qëndrimi i gjatë në Amerikë, unë shihja gjithë hutim foton. Një ngjashmëri e habitshme. Doja ta përmbaja gëzimin. Shkëlqenin sytë e tu tek na shihje me bashkëshortin tim Gëzim Tafa, të interesuar për më shumë detaje nga takimet e tua.

Vitet rrodhën shpejt dhe Jimi me babanë e tij mbërritën në Tiranë. E ndjeja në çdo detaj që kishit një intimitet bashkë. E ndjeja që takimi me Jimin të bënte të lumtur. E ndjeja që nga unë dhe Gëzimi ke pritur më shumë. Ke dashur shpesh që unë ta përmend këtë fakt.
Por e di si kam menduar... Më fal që s'ta kam thënë kurrë… Të jesh kushërira e dikujt nuk është vlerë, veçse kënaqësi dhe rastësi e bukur në jetë. Ajo çka ti bën vetë është e gjitha. Ajo se si ti i përcjell vlerat e tua dhe ç'vend ke në shoqëri është gjithçkaja.
E ti, i dashur babi, nuk e ke kuptuar, që duke jetuar përditë me Gëzimin, bashkëshortin tim piktor, që krijonte në studion e tij, piktura me vlerë, unë nuk mund të mburresha për kushërinjtë e mi. Nga ky njeri, që gjatë gjithë kohës udhëhoqi dëshirat e mia për të bërë diçka të bukur në jetë, unë mësova, që të krijosh vetë vlera është pasuria më e madhe për personalitetin e secilit. Ti besoj më ke kuptuar në përpjekjen tonë për të ngritur cilësisht shtëpinë e librit "OMBRA GVG".
Por, gjithmonë ke pritur që në ndonjë nga intervistat e mia, ku flitej për shtëpinë botuese "Ombra GVG", të thosha dy fjalë. Këtë mendim e kam lexuar në sytë e tu dhe vërtet më vinte keq. Betohesha çdo herë që diku do ta thosha. Ti e doje shumë Jim Belushin dhe gjithë familjen e tij. Ata vërtet janë të afërmit tanë. Më vjen keq që pate rastin t'i takoje pak, e nuk u çmalle me ta.

Dhe, si detyrim ndaj teje që nuk të kam më pranë, si detyrim ndaj vetes dhe për kënaqësinë e të gjithë shqiptarëve që e duan aq shumë artistin e kinemasë me origjinë shqiptare, Jim Belushi, unë së bashku më Gëzimin, së shpejti do të publikojmë një libër që ai vetë e ka shkruar.
Na beso, ne të gjithë e duam fort një artist të madh si Jim Belushi.
Si një fëmijë besoj tani fjalët e vajzës sime që shpesh kur më sheh përlotur më thotë, "babi Vani tani na sheh, është lart në qiell".
Më beso, dua të jetë kështu vërtet dhe, unë them se të kam sjellë një lajm që e ke pritur gjatë, kam sjellë më pranë shqiptarëve të madhin Jim Belushi.
Faleminderit babi që më bëre të ndihem krenare për origjinën time.
Do të dua përgjithmonë!
Vasilika


Drejtore e shtëpisë së librit "Ombra GVG"
Pasaporta
Emri: Xhejms
Mbiemri: Belushi
Ditëlindja: 15 qershor 1954
Vendlindja: Çikago
Vendi i origjinës: Shqipëri
Fëmija i tretë i katër fëmijëve, ai u rrit në Wheaton, Illinois. Ishte një mësues ai që vërejti tek Xhimi aftësitë improvizuese dhe më pas u bë pjesë e klubit të dramës në shkollë. Në 1979-ën Garry Marshall pa Xhimin duke interpretuar për "Second City" dhe bëri të mundur që Belushi të shkojë në Hollivud dhe të interpretojë në filmin "Who's watching the kids" (1978) për "Paramount", dhe më pas disa role televizive. Në 1983-shin, ai iu bashkua kastit të aktorëve të "Saturday Night Live" (1975) për 2 vjet. 1979: "Perversitet seksual në Çikago", në teatrin "Apollo" të Çikagos; 1981 "Piratët e Penzance"; 1984: "Perëndimi i vërtetë", 1986: Bashkautor dhe aktor në komedinë e tij të parë televizive "Xhim Belushi-ditëlindja e djalit". 1986 "Perversitet seksual në Çikago" baza e filmit të ardhshëm "Nata e fundit", "Parimi". 1993 kthehet në Broaduej me dramën "Bashkëbisedim me babain tim"; "Palmat e egra", 1997: "Siguri totale" etj. Aktualisht ai jeton në Los Anxhelos me gruan e tij, Xhenifer dhe vajzën e saj, Jamison dhe me të birin Robert, që e ka nga martesa e tij e parë.

Kur Belushët ikën nga Qyteza e Korçës
I lindur në Nju Jork nga prindër korçarë, Jim Belushi është përfaqësues i fëmijëve të brezit të vjetër, shumica e të cilëve e kanë Shqipërinë më shumë një amanet familjar se sa një shqetësim real. Babai i tij, Ademi, emigroi në SHBA, duke lënë vendlindjen në vitin 1934, në moshën 15-vjeçare. Ndërsa nëna e tij, Agnes Belushi, lindi në SHBA, bijë e një emigranti shqiptar. Vëllai i tij më i madh ishte Xhon Belushi, po ashtu aktor i famshëm i skenës së Hollivudit, i cili u nda nga jeta në vitin 1982. Sipas prezantimeve të tij në skenën e shoqërisë amerikane, dhe në përgjithësi me intervistat e tij, ai mburret me prejardhjen e tij shqiptare. Në një intervistë të dhënë ZDF (Radio Televizioni Shtetëror Gjerman), ai flet me kënaqësi për vizitën e fundit të tij me të atin në vendlindje. Ai thotë se "kur isha në vendlindjen e babait, nga të gjitha anët shikoja si në pasqyrë figurën time, të gjithë më dukeshin të njëjtë si unë".


Vizita e Jim Belushit në Shqipëri
Aktori i njohur hollivudian, Jim Belushi zbriti në Rinas në vitin 1995. Ai mbërriti në Shqipëri me të atin, Ademin, i cili ishte larguar nga Shqipëria në vitin 1934 dhe me djalin e tij 14 vjeçar, Robertin. Gjatë vizitës së tij në Shqipëri aktori i njohur së bashku me djalin dhe të atin vizitoi edhe fshatin e origjinës në Korçë. Ata takuan njerëzit e afërm me të cilët kishin lidhje gjaku si dhe personalitete të ndryshme të vendit. Po ashtu u organizuan edhe disa takime të aktorit të famshëm në Kinostudio me punonjësit e kineastët. Timo Flloko, aktori i njohur shqiptar, që nga takimi me Jimin gjatë vizitës në Shqipëri e në takimet e mëvonshme kur ai vetë jetonte në Amerikë, ka shkruar këto mbresa për Belushin: "Jimi është njeri shumë i dashur dhe i sinqertë, por po aq i ndjeshëm dhe me temperament shpërthyes si rrallë shqiptar" (Shkrimi "John Belushi, komiku i madh me fat tragjik"). Pas një qëndrimi disaditor, familja Belushi u kthye në Amerikë. Vetëm pak kohë pas vizitës në Shqipëri i ati i aktorit të njohur, Adem Belushi, vdiq në Amerikë.

[Humdinger]

Një korrigjim... i ati i aktorëve Belushi, quhej ADAM dhe jo Adem.
Fshati Qytezë i Korçës, është tërësisht ortodoks.
ZM faleminderit për publikimin.

[Cimo]

Jim Belushi: Së shpejti do vij si biznesmen në Shqipëri




Roland QAFOKU

Këtij i thonë Jim Belushi. Nuk bëhet shaka me këtë artist Hollywood-i. Fama i ka marrë dhenë për shumë e shumë dekada dhe ne, shqiptarët, vdesim të mburremi se prejardhjen ky star i kinemasë amerikane e ka nga raca jonë. Por kjo krenari e jona është shumë pak nga ajo që ndjen vet Jim Belushi. E ndjen në gen që është shumë shqiptar dhe pikërisht për këtë ka shkruar me dorën e tij një libër 328 faqesh.
Një libër që edhe një burrë zamani do mendohej nja dy tri herë për t'i vënë titullin: "Burrat e vërtetë nuk thonë kurrë më fal". Por, Belushi ia plasi keq. Ka shkruar historinë e vërtetë të babait të tij, safi shqiptar, që vetëm na fundi i jetës i tha nja dy herë të dua dhe mezi shkroi nja dy kartolina. Dhe aktori i madh, i impresionuar për këtë personazh që as në filma s'e kish parë kurrë, ia hodhi historinë në letër. Në një libër që shtëpia prestigjioze botuese "OMBRA GVG" e ka shkrirë talentin e saj.
Një botim special që zor se gjen në Shqipëri. Por edhe për një fat tjetër, Vasilika Tafa, bashkëbotuese e Ombra GVG dhe bashkëshorte e Gëzim Tafës, është njëkohësisht edhe kushërirë e Jim Belushit. Po kushërirë e vërtetë, se Belushit të gjithë që takon këtu në Shqipëri i thonë se e kanë kushëri. Por vetë aktori pranon se ai ka vetëm një, quhet Vasilika Stafa.
Dhe ne të "Tirana Observer"-it jemi me fat të madh. Kjo zonjë e nderuar na mundësoi një intervistë ekskluzive me aktorin e madh amerikan. Një intervistë ku tregon lidhjet shpirtërore me Shqipërinë. Por edhe me librin e ri që sapo ka dalë në shtyp. Duke na zbuluar edhe një sekret të vogël. "Së shpejti do të vij në Shqipëri si biznesmen", thotë Belushi, ky holliwood-ian që ta ka ënda ta shohësh në film, por mbi të gjitha ta ka ënda kur dëgjon se është shqiptar.
Para së gjithash, ju falënderoj jashtë mase kur mora vesh se keni blerë të drejtat e botimit të librit tim "Burrat e vërtetë nuk thonë kurrë më fal". Nuk jam i sigurt sesi do mirëpritet ky libër në Shqipëri, sepse materiali është shumë satirik ndaj kulturës amerikane dhe në të ka një kapitull të gjatë që flet për seksin, kështu që nuk e di sesi do reagojnë njerëzit ndaj kësaj. Megjithatë, unë i kam vënë një etiketë të hollë paralajmërimi asaj pjese... Shpresoj të vij në Shqipëri brenda nëntë muajve të ardhshëm. Ndoshta mund të flas edhe për këtë libër në Tiranë.
Manika është pjesëtare e familjes nga ana e gjyshes time. Unë e desha shumë gjyshen time. Kam takuar shumë nga familja Manika. Kur vizitova Shqipërinë herën e fundit, mu duk sikur këdo që takoja e kisha kushëri. Njerëzit më tregonin fotografi të njerëzve që s'i njihja dhe nuk i kisha parë asnjëherë në jetën time. Nuk e di se kë kam e se kë s'kam kushëri. Por jam i sigurt që Manikën (Vasilikën) e kam vërtet kushërirë. Mua më erdhi shumë keq kur mora vesh se babai i saj Jovani ka vdekur. Jo vetëm kam dëgjuar të flitet për të, por e kam takuar në Amerikë në shtëpinë e babait tim. Më kujtohet shumë mirë kur ata tregonin për fëmijërinë e tyre dhe nga mënyra se si komunikonin fytyra e tyre lumturohej nga kujtimet. Unë edhe pse nuk e njoh shqipen ndërhyja me humor në bisedën e tyre. Edhe Manika ishte njeri me humor. Kam ndjerë një kënaqësi të pashlyer nga ato ditë, sepse ai ishte njeri me një sensibilitet të habitshëm. Nejse, tani do mundohem ti përgjigjem pyetjeve tuaja dhe shpresoj që përgjigjet e mia t'ju ndihmojnë ndopak.

A ndjehesh mirë për gjërat që doje t'i thoshe atyre të cilëve ia ke dedikuar këtë libër?
Kam marrë shumë telefonata dhe letra prej atyre që ia dedikova këtë libër dhe ata dukeshin shumë të kënaqur dhe iu ishte bërë shumë qejfi prej dedikimit tim. Unë ndjehem mirë kur i jap merita atyre që i meritojnë ato. Të tilla projekte nuk arrihen vetëm, por ato bëhen me punën, idetë dhe zemërgjerësinë e shumë njerëzve. Unë ndjehem mirë që kam shpenzuar kohë në praninë e tyre.
Si e krahasoni ndjenjën e botimit të një libri tuajin me një premierë filmi në të cilin luani ju? A ka ndonjë dallim?
Filmat dhe televizioni kanë një audiencë më të madhe. Bota e botimit është krejt ndryshe prej botës së filmit. Një libër kushton më shumë sesa një biletë kinemaje apo kanalet televizive falas, dhe shpesh kërkon më shumë përqendrim dhe mendim për t'u shijuar. Për të qenë i sinqertë me ju, po ju them se, mua nuk më shijon procesi i botimit dhe promovimit të një libri. Më pëlqen më shumë procesi i xhirimit të një filmi apo shfaqjeve televizive.
Në librin tuaj ju keni përmendur disa nga të njohurit tuaj. A mendoni se ato janë bërë më të famshëm prej këtij fakti?
Nuk e besoj që ndokush prej atyre që kam përmendur në libër, përveç Stivi B, ka ndonjë reputacion të keq. Por me këdo që takohem që ka lexuar librin, kërkojnë më shumë informacion për mikun tim Stivi B. Prandaj i them asaj audience të vogël që ka lexuar librin, se ai është një star i vërtetë dhe se ai është një star edhe në jetën time. Atë e kam një mik shumë të mirë.
Ju jeni me origjinë shqiptare dhe se kurrë nuk e keni fshehur këtë fakt. A e dini se titulli i librit tuaj i përshtatet një stereotipi tipik shqiptar? A është kjo një koicidencë apo vjen si rrjedhojë e të qenit i rritur në një familje shqiptare (për më tepër me afërsinë që kishit me gjyshen tuaj)? A ka ndonjë lidhje midis personazhit dhe origjinës tuaj?
Në fakt, është e vërtetë që babai im ishte prej një nga fshatrave jashtë Korçës dhe se s'më kujtohet asnjëherë që ai të ketë kërkuar të falur në jetën e tij. Madje edhe gjatë viteve të tij të fundit kur u plak dhe ai qëndrimi i ngurtë iu zbut, më duket se tha "të dua" vetëm dy a tri herë përpara se të vdiste. Dhe, në fakt, vetëm nga fundi i jetës së tij më dërgoi një kartolinë për ditëlindje. Kjo gjë më shokoi. Duhet ta kisha titulluar librin "Burrat e vërtetë nuk dërgojnë kartolina". Por e them me të vërtetë se titulli përfaqëson më së miri idenë se burrat e vërtetë nuk duhet të kërkojnë falje se janë ato që janë. Ata duhet ta pranojnë veten dhe të pushojnë së qurravituri ndaj të tjerëve, duke mos kërkuar falje pa reshtur për zgjedhjet që ata bëjnë. Dhe unë mendoj se femrat preferojnë meshkuj që kanë një forcë dhe karakter të tillë.
Ju nuk jeni i njohur vetëm për filmat tuaj, por edhe si vëllai i aktorit të madh Xhon Belushi. A dëshiroi të ndani me publikun shqiptar diçka rreth vëllait tuaj? Publiku shqiptar ka parë shumë prej filmave të tij.
Vëllai im ka 25 vjet që ka vdekur, por prezenca e tij është akoma e gjallë. Filmat e tij, seritë televizive dhe regjistrimet e këngëve të "Blues Brothers" janë akoma të preferuara dhe po vazhdojnë të arrijnë edhe audienca më të reja. Stërgjyshi ynë ishte violinist, valltar dhe pak komedian, i cili shëtiste në Lindjen e Mesme dhe luante për sulltanë, ndaj unë mendoj se Xhoni kishte genin e tij. Xhoni kishte shumë cilësi, por një ndër këto ishte se Xhoni ishte një shakaxhi i madh. Jo vetëm i madh, por vërtetë, vërtetë, vërtetë i madh. Besoj se njerëzit do ta kujtojnë gjithmonë për ato të qeshurat që ai krijonte nëpërmjet filmave apo spektakleve të tij. Ne të gjithë e duam dhe na ka marrë shumë malli për të. Por është një ngushëllim i vërtetë fakti se shpirti i tij gjendet akoma në filma dhe disqe muzikore.
A habiteni që libri juaj është duke u botuar edhe në Shqipëri? A e dini se drejtuesit e shtëpisë botuese janë kushërinjtë tuaj?
Unë jam shumë i habitur që ky libër po botohet edhe në Shqipëri. Siç e përmenda edhe më parë, nuk mendoj se kultura shqiptare është gati për këtë libër. Ai përmban një ndjeshmëri amerikane. Megjithatë, sigurisht që unë pres që libri të botohet prej kushërinjve të mi, sepse herën e fundit që isha në Shqipëri, këdo që takova e ndjeva se kisha kushëri. Megjithatë i uroj shumë fat botuesve meqë kanë përsipër hedhjen në qarkullim të librit tim "Burrat e vërtetë nuk thonë kurrë më fal", sepse para së gjithash duhet thënë se të botosh libra sot është një aventurë e guximshme. Kur të vij në Shqipëri, me shpresë se libri im deri atëherë do jetë lexuar dhe njerëzit do kenë një mendim të saktë mbi "bëmat" e Xhimit, do firmos autografe mbi libër.
Kur do jetë vizita juaj e ardhshme në Shqipëri?
Unë jam i përfshirë në një grup biznesmenësh në rrethinat e Montreal, në Kanada, dhe jemi në procesin e arritjes së disa koncesioneve nga qeveria shqiptare në disa fusha të ndryshme. Prandaj, do vij patjetër brenda këtij viti për të bërë nënshkrimet zyrtare dhe ndoshta për të pirë një kafe turke.

Të dhëna për librin

Titulli i librit: Burrat e vërtetë muk thonë kurrë më fal

Autor: Jim Belushi

Copy Right në shba: Bookworn Llc

Copy Right në shqip:
Shtëpia Botuese OMBRA GVG, Shqipëri

Seria e botimeve: Dritat e kuqe

Numri i faqeve: 328

Përkthyese: Eliona Balilaj

Dedikuar: Bashkëshortes Jenni-t

grafika u realizua nga: mvs, Metafor visual studio

çmimi i shitjes në librari: 800 lekë, 8 euro

Foto e kopertinës: Dany Feld

tiranaobserver

[visari9]

James Belushi duku folur Shqip :

[drague]

James Belushi kendon ne Tirane. Fantastik.

Mbreme ne tv.Klan ishte i ftuar i nderi.

mos e humbni ta shihni .ritrasmetim sot ne mesdite.

[saura]

Një korrigjim... i ati i aktorëve Belushi, quhej ADAM dhe jo Adem.
Fshati Qytezë i Korçës, është tërësisht ortodoks.
ZM faleminderit për publikimin.

Nuk me pelqejne fare fanatiket e te gjithe tipeve te feve,po ç'fare rendesie ka more aman jo ortodoks ,jo myslyman ,a eshte shqiptar .
1-Emri Adam nuk eshte i perhapur ne shqiperi edhe tek ortodoksit sa per dijeni ,-2xhimi ne interviste thote qe stergjyshi i tij kendonte ne oborret e sulltanit ,3-per emrin Adem shprehet zonja e shtepise botuese te librit ,4-mbiemri Belushi te duket si mbiemer ortodoks ty.