Po e hap kete teme per te diskutuar qetesisht dhe racionalisht çeshtjet e besimit midis ateisteve dhe besimtareve. Ju lutem shume qe kete teme te mos e ktheni ne nje debat midis kristianeve dhe muslimaneve.
Po e filloj me ekzistencen e Zotit duke dhene mendimete e mia mbi kete.
Çfaredo mendimesh te kemi mbi ekzistencen nje gje e dime me siguri, qe ne vete dhe gjithçka qe shohim perreth ekzistojme. A eshte ekzistenca absolute? A mund te mendohet jo-ekzistenca? Une mendoj se ekzistenca eshte absolute dhe e domosdoshme. Ekzistenca nuk mund te kete ardhur prej hiçit sepse hiçi nuk permban as ekzistencen dhe as potencialin per ekzistence. Atehere pyesim cili eshte shkaku per ekzistencen ose gjithçka qe shohim a ka ekzistuar gjithmone? Une mendoj qe materia nuk mund te kete ekzistuar pafundesisht pasi ajo eshte e kufizuar dhe e kushtezuar ne kohe dhe hapesire. Nese do te ishte vete-ekzitente materia do te ishte dhe absolute dhe e pakufizuar pasi do ishte e zhveshur nga çdo lloj arsye, shkaku dhe qellimi. Por materia eshte e kufizuar. Koha dhe hapesira nuk mund te jene te pafundme pasi perbehen nga pjese te kufizuara dhe pjeset e kufizuara nuk mund te formojne nje te tere te pafundme. Edhe numrat jane te pafundshem ne teori, si ide, si koncept por praktikisht, si koncepte qe u referohen sendeve materiale nuk mund te jene.
Duke supozuar qe vargu shkak-pasoje eshte material mbeten dy mundesi, qe ai te jete i pafundshem ose qe te jete ne formen e nje rrethi te mbyllur ku çdo gje eshte edhe shkak edhe pasoje njekohesisht. I pafundshem nuk mund te jete sepse vete materia eshte e kufizuar ne numer siç e argumentove me siper. Edhe rreth i mbyllur nuk mund te jete pasi jo çdo gje eshte detyrimisht shkak. Shkaku lind pasojen por jo çdo pasoje mund te jete shkak i diçkaje tjeter.
Pra vijme ne konkluzionin qe si shkak i gjithçkaje eshte diçka tjeter jo-materiale, diçka qe ekziston ne menyre absolute, te pafundme, gjithe-perfshirese etj. Kesaj ekzistence ne i themi Zot. Zoti eshte i pafundem dhe jashte çdo lloj kufizimi prandaj ekzistenca e Tij eshte e pa shkak, nuk kerkon dhe nuk pranon arsye.
Kaq per tani. Me respekt.
Krijoni Kontakt