Presidenti Alfred Moisiu

[Brari]

Shekulli..
---------------

Kreu i shtetit Alfred Moisiu shprehet për profilin e Presidencës së ardhshme


Moisiu: Prioriteti im, sistemi i drejtësisë


"Mosfunksionimi i rregullt i drejtësisë i ka lënë fushë korrupsionit dhe trafiqeve"

Kjo do të jetë një përparësi imja, sepse presidenti është kryetari i Këshillit të Lartë të Drejtësisë, dhe pikërisht unë gjykoj se një nga arsyet e rëndësishme, që i kanë lënë fushë korrupsionit dhe fenomeneve negative është mosfunksionimi i rregullt i drejtësisë. Do të mundohem dhe do të bëj ç'është e mundur në këtë sferë tepër të rëndësishme të bëj atë që më kërkon Kushtetuta dhe ligji.

TIRANË -Presidenti i zgjedhur Alfred Moisiu deklaroi dje në një intervistë për "Top Channel" se prioritet i Presidencës së tij do të jetë fusha e drejtësisë, me synimin për të luftuar korrupsionin dhe trafiqet ilegale. Presidenti që do të marrë detyrën më 24 korrik, tregoi dje pjesë nga historia e familjes së tij, fëmijërisë së tij dhe karrierës profesionale.

Sigurisht kjo kohë u krijua në mënyrë jo të parashikuar, sepse sipas Kushtetutës zgjedhjet fillojnë më 24 qershor dhe betimi bëhet më 24 korrik, duke menduar se do të ketë disa votime. Por fatmirësisht kjo u mbyll qysh në votimin e parë. Kështu që u krijua një pauzë e përshtatshme dhe e favorshme për mua. Unë gjatë kësaj kohe kam patur mjaft takime, duke filluar qysh nga presidenti Meidani, me politikanët kryesorë të vendit tonë, me ambasadorë të huaj, me përfaqësues të vendeve që kanë ardhur dhe sigurisht që kam studiuar materiale nga më të ndryshmet, në mënyrë që të jem sa më i përgatitur kur të marr detyrën e re.

Shumë shqiptarë kanë pyetur pse Alfred Moisiu president? Çfarë menduat se ishte e pabesueshme, një ëndërr në sirtar…?
Emri im ka qenë lakuar, por kjo u vendos në momentet e fundit dhe unë e konsideroj një nder, në radhë të parë ndaj meje, ndaj familjes Moisiu dhe natyrisht ndiej një detyrim të madh qytetar që marr përsipër këtë detyrë kaq të madhe, kaq të rëndësishme, kaq të nderuar në momente të vështira. Unë këtë e pranova, sepse kjo erdhi si rezultat i një bashkëpunimi midis dy forcave kryesore të opozitës dhe maxhorancës, për të mos e futur vendin në një krizë të thellë politike, e cila nuk dihej se çfarë pasojash mund të kishte. Për mua, si një njeri që jam edukuar me një frymë patriotike dhe e dua këtë vend nuk mund të kishte zgjidhje tjetër, veç pranimit.
Pra ju pranuat edhe për shkak të karakterit ushtarak, pasi ushtaraku nuk thotë kurrë 'jo' ?
Jo, nuk është plotësisht ashtu, sepse ushtaraku është e vërtetë që nuk thotë "jo', kur merr një urdhër, por këtu nuk ishte punë urdhri. Këtu ishte punë ndjesie.
Shumë është folur në shtyp për familjen tuaj, për traditën tuaj ushtarake, për lidhjet me aktorin Aleksandër Moisiu. Çfarë mund të thoni diçka më shumë?
Është e vërtetë që familja Moisiu, e cila trungun e saj e ka në Kavajë ka një histori të gjatë. Ka nxjerrë mjaft personalitete të njohura në fushën e kulturës, atë ushtarake. Dihet që Aleksandër Moisiu është shumë i njohur në të gjitha vendet e botës. Ai është kushëriri i dytë i babait tim, pra stërgjyshi im me gjyshin e Aleksandrit kanë qenë vëllezër. Në mjaft vende më kanë pyetur për të dhe kam patur rastin të shkoj edhe tek varri i tij. Mund të them që përveç Aleksandër Moisiut dhe Spiro Moisiut, që ka qenë babai im, e që ka qenë një figurë e spikatur e kombit tonë, në tërësi në familjen tonë ka patur një komponenet intelektual të vazhdueshëm. Nëse gjyshi im ka folur katër gjuhë të huaja, babai im fliste tre, unë po tre, fëmijët e mi flasin më shumë. Pra kjo tregon një vazhdimësi të etjes për kulturë, për dije.
Nga ish-partizan, ju u shkolluat në Bashkimin Sovjetik. Ishte ndikimi i babait tuaj apo ishte dëshirë?
Unë jam rritur në një mjedis ushtarak. Kur isha 7 vjeç unë vihesha në rresht me ushtarët, me gavetë në dorë për të marrë ushqime, jo se haja unë, por ata që ishin më të mëdhenj, me thoshin merr edhe një llokmë mishi më shumë që të ushqeheshin. Pra dashuria për ushtrinë më është futur që në fëmijëri, dhe sigurisht duke parë edhe jetën e tim eti, unë u dashurova pas jetës ushtarake, megjithëse kur u rrita fillova të ëndërroj edhe për inxhinieri. Rrethanat e sollën që unë u bëra inxhinier ushtarak.
Gjatë viteve keni provuar emërime, dekorime dhe më pas një zbritje graduale. Pra nga pak prej të gjithave. Çfarë u ka mësuar kjo?
Është e vërtetë dhe unë kam përdorur një shprehje të tillë jo vetëm në media, por edhe me miqtë e mi, kur ka ardhur puna për të dhënë këshilla. Unë i kam hipur e zbritur kalit disa herë, në kuptimin figurativ. Kjo më ka ndihmuar për të bërë dallim më mirë dhe më shumë me njerëzit që më rrethojnë. E dyta, nuk më ka krijuar ndonjë etje për t'u mbajtur me çdo kusht pas një pozite të caktuar, pra nuk kam patur etje karrieriste. Unë mendoj se etja karrieriste të shtyn ndonjëherë në gabime shumë të rënda.
Ajo ç'ka i atribuojnë karrierës suaj ushtarake është se gjatë kohës kur punonit në Ministrinë e Mbrojtjes është angazhimi juaj në ndërtimin e bunkerëve. Mund të na sqaroni pak raportin tuaj me ish-qendrat e zjarrit?
Po kam qenë drejtor i fortifikimit në atë kohë, por duhet të dini që strategjia politiko-ushtarake e shtetit të atëhershëm ka qenë e tillë jo shumë normale, sepse ne përgatiteshim për t'u bërë ballë dy pateve më të mëdha të asaj kohe, paktit të Vrashavës dhe NATO-s. Eshtë qesharake ta mendosh, por bunkerët janë bërë në një situatë të tillë, kur e gjithë Evropa ishte lëshuar në mënyrë të ethshme, përsa u përket përgatitjeve për luftë. Edhe Shqipëria ishte e detyruar të merrte masat e saj mbrojtëse. Këtu ka patur teprime, sepse u bënë disa gjëra që shpatullat e ekonomisë shqiptare nuk i mbanin dot. Unë bashkë me shokët e mi kemi qenë në rolin teknik për projektimin, vendosjen e tyre dhe gjithmonë kemi luftuar ndaj çështjes së sasisë së tyre. Ka shumë komente për këto gjëra, për sasinë e tyre sidomos.
Ç'mendoni për prishjen e bunkerëve?
Prishja e tyre filloi mjaft spontane. Ajo duhej të ishte e studiuar dhe ne bëmë prova për të organizuar një studim, mirëpo spontaniteti e parakaloi këtë. Në ato vende ku nuk duhen s'ka pse të jenë, në ato vende ku janë le të rrinë.
Ndryshimi i sistemeve në Shqipëri ju gjeti të angazhuar në qeverinë e zotit Vilson Ahmeti. Si i përjetuat këto ndryshime dhe pse sërish një angazhim publik?
Unë u propozova të marr detyrën e ministrit të Mbrojtjes. Ajo situatë që ndodhi në 1997 nuk kishte ndodhur atëherë, shpërthimi i depove, dalja e armatimeve. Dhe unë si një njeri i rritur në ushtri nuk mund të refuzoja.
Gjatë këtyre ditëve jeni takuar me zotin Meidani, me zotin Berisha. Mos ka të ngjarë të ndodhë e pandodhura, që presidenti i ardhshëm të takohet, të konsultohet normalisht me ish-presidentët?
Unë mendoj që kjo që ju e quani e pandodhur, besoj se nuk do të jetë më kështu, por do të jetë një gjë e zakonshme, sepse edhe më parë kam takuar të gjithë përfaqësuesit e forcave politike që ekzistojnë në Shqipëri pa ndonjë paragjykim. Kam biseduar për problemet që më interesonin mua dhe aq më tepër në këtë post të lartë e ndiej për detyrë të ftoj ish-presidentët për t'u konsultuar për problemet e rëndësishme të vendit, ose qoftë të pimë edhe një kafe të përbashkët.
-Ç'do të bëni si president në zbutjen e fenomenit të korrupsionit, trafiqeve?
Kjo do të jetë një përparësi imja. Sepse presidenti është kryetari i Këshillit të Lartë të Drejtësisë dhe pikërisht unë gjykoj se një nga arsyet e rëndësishme që i kanë lënë fushë korrupsionit dhe fenomeneve negative është mosfunksionimi i rregullt i drejtësisë. Do të mundohem dhe do të bëj ç'është e mundur në këtë sferë tepër të rëndësishme të bëj atë që më kërkon Kushtetuta dh ligji.
Ju jeni propozuar nga opozita. Sipas shtypit duket sikur jeni duke krijuar një staf me njerëz që i përkasin të djathtës. A ka të ngjarë që ta vështirësojë kjo komunikimin tuaj me të majtën?
Dua të sqaroj që unë jam i habitur me disa emra që shikoj në shtyp, sepse nuk më ka shkuar në mend ndonjëherë. Unë po mundohem të zgjedh një staf që të jenë njerëz të aftë profesionalisht, të jenë shqiptarë më botëkuptimin e tyre, të njohin të renë dhe të jenë të vendosur t'i shërbejnë vendit. Kjo punë do të bëhet gradualisht. Unë mendoj të kombinoj njerëzit me përvojë me njerëzit e rinj, sepse në fund të fundit rinia është e ardhmja e çdo vendi dhe duhet përgatitur për të mbajtur poste të larta politike.
Ju do të jeni përballë ndryshimeve në qeveri menjëherë pas 24 korrikut. Jeni duke u përgatitur për dekretimet e reja?
Unë e ndjek këtë punë nëpërmjet shtypit. Kjo sigurisht është edhe çështje e partive përkatëse. Nuk është kompetencë e presidentit, sepse del jashtë fushave të mia. Vëmendja ime do të përqendrohet patjetër në personat. Persona të përfolur për vepra korruptive të mos jenë. Në rast se do të më jepet mundësia, unë në bisedime të ndryshme politike do të paraqes mendimet e mia.
Ju nuk mund të dekretoni edhe qoftë ai vendim partie, kur diçka nuk shkon tek personi i zgjedhur?
Kjo është një e drejtë e imja që ma jep Kushtetuta.
Marrë me shkurtime nga "Top Channel"

[alumni]

Presidenti konsensual erdhi në kohë

Nga Dr. Sokrat Plaka -
(ish zv.ministër i Punëve të Jashtme)

Gjendja në vend është bërë më e komplikuar. Rendi lë për të dëshiruar, çka është shtrirë dhe në familje.Familja mbretërore erdhi në Shqipëri, megjithëse ardhja e saj ishte e ndaluar.

Mbi të gjitha i ashtuquajturi mbreti i Shqipërisë pretendon të zerë venin e të atit dhe ta kthejë Shqipërinë në mbretëri, në një kohë kur republika parlamentare shqiptare ka zënë rrënjë; bile Leka Zogu thotë se zhvillimi i Shqipërisë qendron pas asaj të Afrikës; qëllimi është të fitojë sa më shumë vota.
I biri i mbretit Zog nuk e kupton se ç'thoshte i ati; i ati i tha Maclinit se ishte dakord t'i drejtonte letër Abaz Kupit, që nacionalistët të luftonin kundër nazistëve gjermanë, me kusht që qeveria angleze të njihte mbretërinë e tij pas Luftës së Dytë Botërore. Ideni me Maclinin, në këto kushte, e lanë fare këtë projekt, sepse ishte një gjë që s'bëhej atëherë dhe aq më tepër sot.
Fuqitë e mëdha, veçanërisht SHBA, e kuptuan këtë situatë dhe e ndihmuan Shqipërinë, duke avancuar idenë e "presidentit konsensual".

Figura e Alfred Moisiut erdhi në kohë dhe u caktua në kohë me unanimitet si president konsensual, çka përbënte zgjedhjen më të mirë; traditat familjare, bir i patriotit Spiro Moisiu ishte garancia më serioze, si luftëtar i paepur për Shqipërinë; lidhjet e tij familjare me aktorin e shquar Aleksandër Moisiu flasin për origjinën e tij kulturore të një nga familjet e njohura tradicionale të kulturës.

Si politikan, Moisiu është i devotshëm për kauzën e lirisë e të demokracisë të vendit tonë. Lidhjet e tij të ngushta dhe të gjata me NATO-n janë politikë që mban parasysh zhdukjen e luftës së ftohtë dhe ridaljen e politikës së viteve '20-të, duke siguruar perspektivën e vendit tonë në lidhje me vendet e tjera.

Të gjithë e njohin karakterin e tij, tolerancën, aspiratën për të bashkuar popullin dhe atdheun, për të çuar përpara e zhvilluar në planin ekonomik Shqipërinë, për të forcuar e siguruar atë në kuadrin e NATO-s e të BE-së në përputhje me parimet e demokracisë, të vendit, të ekonomisë së tregut dhe të shtetit të së drejtës.

Ai është i drejtë i përgatitur dhe do ta çojë vendin në progres, kundër korrupsionit, në rritjen e mirëqënies së popullit të fshatit e të qytetit.
Mbi këtë bazë, z. Moisiu do të forcojë marrëdhëniet e miqësisë së mirë me të gjithë shtetet, në radhë të parë me SHBA dhe integrimin me BE, me vendet fqinje, etj.
Ne përshëndesim marrjen e detyrës së lartë të presidentit të Shqipërisë dhe i urojmë atij suksese.

[Brari]

Sokrat diplomati thote:

"Gjendja në vend është bërë më e komplikuar. Rendi lë për të dëshiruar, çka është shtrirë dhe në familje.Familja mbretërore erdhi në Shqipëri, megjithëse ardhja e saj ishte e ndaluar."

Pra sipas zotit Plaka gjendja eshte e rende. Ai nuk thote pse eshte e rende por rreshton si pjese te gjendjes rende krahas kriminalitetit dhe ardhjen e familjes mbretnore.

Me poshte Plaka flet per republikanizem e anti-monarkizem.

-Valle nuk e di PLAKA se Republika te cilit ai i sherbeu si zbulues e diplomat frikacak ishte "monarki e shkuar monarkis or Tunxh."?
- Valle nuk e di Sokrat Plaka se Republika pa parlament Pluralist te ciles ai i sherbeu eshte forma me e ndyre e Monarkise ?
- Valle nuk e ka kuptuar Plaka qe ka shetitur kryeqytetet e Botes lindore dhe perendimore se Monarkite europiane si Anglia, Holanda, Belgjika, Norvegjija etj jane 1 milion here me shume republikane se "republikat" e Kines, Mongolise, Kubes e Shqiperise se kohes tije?
-Valle nuk e di Sokrati, servili-50 vjecar pa kollon, se gjendja e rende ne Shqiperi ska asnji Lidhje me familjen e mbretit por me trashegemine e qelbur te republikes se PPSH-se e PS-se??


Njeriu kur shkon 70 e ca vjec si Sokrati e ka nji ender qe te pakten nji here ne jete te thote te verteten por Sokrati ashtu si ustai i tije Ramiz Alia kane vendosur se do te ngordhin hileqare, dhelpra, e dinasoure te hipokrizise staliniste-enveriste.

[alumni]

Pervec ketyre qe shkruan ti Brar, te cilat nuk i luan topi, cfare e shtyn kete "diva" te dhiplomacise enver-ramiziste per te pershendetur presidentin e ri?

Ne emer te kujt tjeter pershendet S. Plaka dhe i uron suksese presidentit te zgjedhur?

Hajde gjeje ...

[Albo]

Alumni, Plaka nuk e ben pershendetjen e presidentit te ri ne kuadrin e vijes se partise. Ai e ben ate si Zoti Sokrat Plaka qe mundohet te distancoje vetveten nga "partia meme" dhe bijezat e saj.

PS eshte Kasandra e politikes shqiptare qe fundin e ka te sigurt dhe tani nuk ngelet gje tjeter qe ata qe deri dje hanin e perfitonin prej saj, te hidhen nga treni per te shpetuar koken e tyre.

[zhgenjimi]

Me te vertete mendon Albo, se ata qe kane ngrene e
perfituar nga PS-ja po hidhen nga treni i saj per
te shpetuar koken?
Une nuk besoj keshtu.
Perkundrazi partia meme ua ka shperblyer me se
miri besnikerine ndaj saj.
Dhe me e keqja sot eshte se e gjithe politika
shqiptare po rreshqet sot drejt debateve midis
fraksioneve te PS-se ndersa opozita eshte bere
thuajse inekzistente dhe lavderohet ne menyre
qeshakarake me gjera qe vijne nga konfliketet brenda PS-se, dhe jo nga presioni i saj.
Kesaj i thone te ngopesh me luge bosh.

Mbeçi me te mira.

ps. ajo pune e presidentit eshte kot, une nuk
besoj kurre se eshte i opozites

__
Shqipërine e mori greku, i vu zjarr,
Shqipëtar mos rri, por duku, Shqipëtar.

[Agim Doçi]

Brarit mikut tim! Po të jap xhevap me një vjershë timen që e kam bërë këto ditë!
Agimi


MARRSHI I ZAGARËVE TË KOMBIT


Mblidhuni Rreth idealit
Erdhi dita për bashkim
Jemi bijt e Enver Djallit
Lehim, lehim, pa pushim!

Ham, ham, ham na thotë Partia
Ham, ham, ham, kudo që jemi!
Nuk na duhet Shqyptarija!
Kemi ideal prej qeni

Për baba kemi Stalinin
Për xhaxha kemi Enver
Kemi Marksin e Leninin
Shqipëri të kemi dhjer'!

Ne të vrasim prapa shpine
Pabesisht ne të kafshojmë
Jemi brum me miell Kine
S‘je me ne!?..Të pushkatojm!

komunist ësht‘ emri jon‘
Me simbol: drapër – çekan!
Për një fjal të asgjësojm!
Ne t‘a bëjm qumshtin harram!

Kemi armë, kemi pushtetin!
Kemi mik dhe ASFALINË!
Në t‘a vjedhim dhe buxhetin
Nuk çajm byth për Shqipërinë!

Le të mbetet Shqipërija
Laskuriq pa dinjitet!
Ham, ham, ham, na thot Partija
Mos lëshoni hiç pushtet!

Ham, ham, ham jemi zagarë!
Ham, ham, ham, na kanë zili!
Ne atdheut i vëmë zjarrë!
Ne s‘çajm byth për shqiptari!

Agim Doçi

[alumni]

TIRANE (22 Korrik) - "Do të largohem ditën që vjen Moisiu". Kështu është shprehur Kryeministri Majko, sot në Parlament, duke lënë të nënkuptohet se ai do të japë dorëheqjen më 24 korrik, datë kjo kur Presidenti i zgjedhur do të bëjë edhe betimin. Majko bëri deklaratën e mësipërme, pas një debati që lindi në Kuvend mes liderit të Partisë Socialiste (PS), Fatos Nano dhe atij të Partisë Demokratike (PD), Sali Berisha, në lidhje me mocionin ndaj Qeverisë aktuale të paraqitur pak ditë më parë në Kryesinë e Parlamentit nga opozita.

Majko tha përpara të gjithë deputetëve se ai ishte i gatshëm që të : jepte dorëheqjen, por këtë do ta bente pasi të vinte në detyrë Presidenti i ri konsensual Alfred Moisiu. Më 24 korrik, ky i fundit do të bëjë edhe betimin në postin e kreut të shtetit, ndërkohë që Presidenti në detyrë Rexhep Meidani, mbaron mandatin e tij pikërisht më këtë datë. in/ko (RASH/BalkanWeb)

TIRANE (22 Korrik) - Partia Demokratike tërhoqi sot pasdite mocionin e votbesimit që kërkoi pak ditë më parë ndaj Qeverisë aktuale të Kryeministrit Pandeli Majko. Kjo është bërë e ditur sot në Kuvend nga vetë demokratët, pasi Kryeministri Majko deklaroi se do të tërhiqet kur të vijë në detyrë Presidenti i zgjedhur Alfred Moisiu, i cili bën betimin më 24 korrik.

Majko e bëri këtë deklaratë pas një debati mes liderit demokrat Sali Berisha dhe atij socialist Fatos Nano. Ky i fundit tha që në fillim të seancës së sotme parlamentare se PD duhej ta tërhiqete mocionin ndaj Qeverisë Majko, duke theksuar se opozita, për shkak të seriozitetit në lidhje me bashkëpunimin me pozitën, duhej të tërheqë këtë mocion "për të treguar vullnetin e saj për reformimin e institucioneve". Por ai ka hasur në kundërshtimin e ashpër të Berishës, i cili tha se Majko mund ta jepte këtë dorëheqje edhe më përpara, por këtë nuk e ka bërë, duke mos respektuar dhe vendimin e Komitetit të Përgjithshëm Drejtues (KPD) të partisë së tij. Sipas Berishës, kjo është një shenjë joserioziteti. Këtij debati i ka dhënë fund menjëherë vetë Majko.

Pas prononcimit të Kryeministrit, nënkryetari demokrat, Bamir Topi, i cili është njëkohësisht edhe kryetar i Grupit Parlamentar të PD, tha se "e tërheqim kërkesën për mocion mosbesimi" ndaj Qeverisë Majko. in/ko (RASH/BalkanWeb)

[AlbanianQT]

Kshu me fjal, kendonka si bylbyl ky...po veprat do ja shofim/ni me vone. Midis te thenes e te beres, ekziston nje det i tere...ka then dynjaja.

[Brari]

TIRANE (24 Korrik) -

Mbi Shqipërinë nuk vë asgjë, ajo është krenaria dhe shtëpia jonë. Kështu u shpreh sot në Parlament Presidenti i ri Republikës së Shqipërisë, Alfred Moisiu, gjatë fjalimit të betimit të tij. Ai premtoi përpara deputetëve shqiptarë se do të këmbëngulë për vazhdimin e reformave në drejtësi. "Duke vlerësuar lart përvojat më të mira të paraardhësve të mi në këtë detyrë të lartë, zotohem përpara jush se do të inkurajoj çdo inisiativë publike apo qytetare, politike apo parlamentare që çon në zbatimin më të mirë të Kushtetutës së Republikës së Shqipërisë, në respektimin maksimal të votës së lirë dhe të vullnetit të qytetarëve shqiptarë, në forcimin e rendit kushtetues, ekonomik e politik, në luftë të papajtueshme me krimin dhe korrupsionin, trafiqet e çdo lloji, terrorizmin ndërkombëtar". "Do të këmbëngul - shtoi Presidenti Moisiu - për të thelluar më tej reformat në lëmin e drejtësisë, në Prokurori dhe në gjykata, duke i konsideruar këto të fundit si dy nga shtyllat bazë të rendit tonë republikan, nëpërmjet të cilave do forcojmë bashkarisht dhe hap pas hapi besimin publik ndaj shtetit ligjor". "Si komandant i përgjithshëm i forcave të armatosura do të përpiqem që ushtria shqiptare të plotësojë hap pas hapi kërkesat dhe standartet e NATO-s, do të përkrah Qeverinë që të rivedoset dhe forcohet figura morale dhe dinjiteti i ushtarakut, që Ushtria Shqiptare të pajiset dhe të përgatitet më mirë për t'u përfshirë edhe më shumë në veprimtaritë civile si dhe përballimin e fatkeqësive natyrore", tha gjatë betimit të tij në Kuvend Presidenti Moisiu. Ai foli edhe për integrimin në strukturat europiane, ku tha se "duke vlerësuar përpjekjet e shtetit shqiptar për t'u afruar hap pas hapi me perëndimin, si synimin tonë kryesor, detyrë imediate mbetet përfundimi i negociatave për marrëveshjen e Asociim-Stabilizimit në Bashkimin Europian dhe anëtarësimin në NATO". Në lidhje me marrëdhëniet me vendet e rajonit, ai tha se "është e nevojshme që të përqëndrojmë forcat për të rritur peshën e faktorit shqiptar në sigurimin dhe ruajtjen e paqes në rajon, në nxitjen e lëvizjes së lirë të njerëzve, të kulturave dhe kapitaleve, për një diplomaci më aktive dhe më të zhdërvjellët, larg shabllonizmit, meftësisë. Në këtë mënyrë, politika dhe diplomacia jonë mund dhe duhet të luajë një rol më aktiv në dobi të integrimit euro-atlantik të vendit". "Angazhimi im synon - shtoi ai - që bashkarisht të punojmë, që çdo shtetas i republikës sonë të bëhet një qytetar i denjë i saj, të forcohet hap pas hapi legjitimiteti i shtetit dhe rendi kushtetutes, të respektohen përherë e më shumë liritë individuale, të rritet dinjiteti dhe krenaria kombëtare". "Busulla e veprimtarisë sime në krye të shtetit shqitar gjatë 5 viteve që do të vijnë do të jetë Perëndim-Paqe-Drejtësi dhe Zhvillim", tha Presidenti, duke përmendur disa prej prioriteteve të punës së tij. Ai e mbylli fjalimin e tij me një shprehje të Viktor Hygo "me të cilën doja të nisja çdo ditë punën time": "Vështroni përmes popullit dhe do gjeni të vërtetën". in/ko (BalkanWeb)

+++Presidenti Moisiu bën betimin në Kuvend+++
Lajmi i ores 6:23 PM

TIRANE (24 Korrik) - Presidenti i ri i Republikës, Alfred Moisiu, bëri pak momente më parë betimin në Kuvendin e Shqipërisë. Bazuar në Kushtetutë, ai tha: Betohem se do t'i bindem Kushtetutës dhe ligjeve të vendit, do të respektoj të drejtat dhe liritë e shtetasve, do të mbroj pavarësinë e shtetasve, do të mbroj pavarësinë e Republikës së Shqipërisë dhe do t'i shërbej interesit të përgjithshëm dhe përparimit të popullit shqiptar. Në këto momenti, Presidenti i zgjedhur po mban fjalimin e tij përpara deputetëve shqiptarë. Në fund të fjalimit të Presidentit Moisiu, kreu i Parlamentit Servet Pëllumbi, e shpalli publikisht atë si Kreun e ri të Shtetit shqiptar. in/ko (BalkanWeb)

Presidenti, Fillon ceremonia e betimit të Moisiut në Kuvend
Lajmi i ores 6:12 PM



Alfred Moisiu
TIRANE (24 Korrik) - Ka filluar pak më parë në selinë e Kuvendit të Shqipërisë, ceremonia e betimit të Presidentit të zgjedhur, Alfred Moisiu. Ceremonia më pas do të vazhdojë në Pallatin e Brigadave me kalimin e mandateve nga Presidenti Meidani tek Moisiu. Në këto momenti, Presidenti i zgjedhur po mban fjalimin e tij përpara deputetëve shqiptarë. in/ko (BalkanWeb)


-------------

Le te shpresojme per nji epok te re me Alfred Moisiun President.

Suksese!

[Asteroid]

TIRANE-Presidenti i ri i vendit që mori dje zyrtarisht detyrën duket se nuk është treguar shumë i kujdesshëm, në ruajtjen e balancës pozitë-opozitë përsa u përket takimeve , shtrëngimeve të duarve apo përqafimeve me palët respektive. Kështu në përfundim të fjalës së tij në Kuvend ai duke u përcjellë nga kryetari Pëllumbi, ka takuar deputetët që janë të ulur ne rreshtin e mesit dhe të opozitës së sallës së Parlamentit. Kur ka ardhur tek vendi i kryetarit të PD-së , Moisiu e Berisha nuk kanë shtrënguar vetëm duart, por edhe janë përqafuar. Ky episod ndodhi pasi Moisiu duke takuar deputetët e PSD-së në rreshtin e mesit u gjend përballë me Nanon, po pak në largësi. As ai as Nano nuk lëvizën drejt njëri-tjerit. Ndërsa në Pallatin e Brigadave, kreu i shtetit pasi parakaloi ushtarakisht para togës dhe po ngjitej në podiumin ku e priti presidenti Meidani përsëri ka takuar të ftuarit në radhën e parë, qeveritarë, deputetë të partive të ndryshme, si dhe kryetarin e PS-së Nano dhe bashkëshorten e tij Xhoana. Por edhe këtu kur erdhi radha që të përshëndetej me Berishën, ai përsëri u përqafua duke shkaktuar xhelozi në radhët e socialistëve.


Shenim. Shpresojme qe Presidenti Moisiu te jete me aktiv ne jeten politike te vendit sesa Meidani dhe mendimet e sygjerimet e opozites per problemet e ndryshme qe njihen,te merren parasysh.

[alumni]

Shpresojme qe Presidenti Moisiu te jete me aktiv ne jeten politike te vendit sesa Meidani dhe mendimet e sygjerimet e opozites per problemet e ndryshme qe njihen, te merren parasysh.

Te shohim, por kam frike se Mejdani ka per tu kerkuar ...

[Brari]

Qe MOISIU ka puthur Saliun ska pse te xhelozoje PS-ja.
Kryetari PS-se nuk puth Burra. Ka faqepjeshka e gonxhe kumblla ai qe i puth neper ato vendet ekzotike qe As ONANISI nuk i ka gezuar.
AI as Mejdanin nuk e ka puthur dhe gjate ketyre viteve i ka ndejtur shume ftohte.
NANO eshte politikan gjakftohte kurse Berisha eshte Emocional..gezohet e hidherohet per vendin dhe i shpreh keto emocione natyrshem..
Berisha eshte bir fshatari..
NANO eshte bir i drejtorit te ATSH-se..

Ne duhet ta perkrahim MOISIUN sepse ai eshte i vetmi Zyrtar i ndershem ne SHTETin e sotshem te gangrenizuar nga Mafia e PS-se.

Beteja sapo ka filluar..

Moisiu jone eshte tani si ai Moisiu i hebrejve qe u mundua ti coj njerzit drejt "tokes se premtuar"..

Toka e premtuar eshte ..zgjedhje te reja te ndershme e demokratike..
Le te vonojne por kur te behen te behen tamam..


Berisha te ket kujdes se po i vjen fundi..
Ai u puth me Imamin por nji dite do puthet dhe me Milon..jo Milo Paskalin se me Paskalin puthet ai se Paskali e Gjinushi bene qef me Berishen..por me nji karton te kuq nga elektorati demokrat qe do te cuditet..
Nuk lejohen me gomarlleqet.pik.

[Agim Doçi]

Avash shokë edhe miq! Buzë e plasur të mërzit! Lërini ata që drejtojnë SHQIPËRINE TË PUTHEN, të përqafohen, me lot e me qurra, se ashtu e meritojnë ata njerëz që nuk dijnë se për kë votojnë!
Lërini ju lutem, të kalojmë protektorat i grekut! Përse mërzitemi neve!? Mësojmë greqisht, Ministrat grekë, socialistë grekë, gazeta greke, televizionë privatë grekë, PO KU JENI O SHKËRDHATA KOMUNISTA!???????? Të paktën Enver Krimineli nuk i la grekët të livadhisin! Ua futi shoku Enver të gjithëve atëhere! Tani të gjithë e kemi ngrënë!
Përse ju nipërit e Bllokut, Ju klyshët e komunistave që jeni në forum nuk DISKRETITUAT një herë GREKËT!????? Por merreni me kuja, me cinizëm, me ironi, dhe shani shqiptarët që janë mish dhe gjak shqiptari, por që janë të qendrës apo të djathtë!?????? Sepse jeni bij bastardë të etërve kriminelë!
Merreni tani Shqipërinë e shiteni në tezga! Nxirrni shpatat si ERGYSI - qurraveci i bllokut apo i labërisë, dhe bjeruni shqiptarëve nacionalistë! Hë çfarë prisni???????
Ka ardhur koha e juaj! Demokratët si dhjeranikë që janë e patën pushtetin, por u përçanë, u shpërndanë, vodhën atë që mundën, dhe ikën të dhjerë nga pushteti që populli ua dha! Kjo sepse Berisha ishte I NDERSHËM por i PAAFTË të ua tregonte vendin HORRAVE E MORRAVE!!!!!!!!! Na tani plasini të gjithë me në krye mua! Tani me kë do e marrim pushtetin!?????? Me ata spurdhjakë gazetarë??? Me atë kryesi partije HERMAFRODITE!? Me ata kastraveca politikë që kanë zbritur nga katundet e atdheut, si stërnipa të Skënderbeut!
Rri or miku im Brar, se po pëlcasim çdo ditëprej marazit! Sa do doja të hidhja çdo ditë në plehra një komunist të pjekur në hell!
Agim Doçi

[Brari]

AGIM mos u merzit..

Ja dhe Bushi uron Moisiun.

KJ
-------
Shelton dorezon mesazhin. Bush uron Moisiun
E ngarkuara me pune e SHBA, ne Tirane Elizabet Shelton i dorezoi dje Presidentit Alfred Moisiu mesazhin e urimit te kreut amerikan te shtetit Bush me rastin e zgjedhjes se tij ne krye te shtetit shqiptar. Presidenti Bush inkurajon presidentin Moisiu te pershpetoje reformat ekonomike dhe politike ne vend per nje integrim te plote ne insitucionet Europiane dhe Euro-Atlantike. Ai e konsideron zjedhjen e Moisiut ne kete post si nje afirmim te shpresave politike te popullit shqiptar dhe te miqve te Shqiperise ne bote te cilet deshirojne qe z.Moisiu te siguroje zbatimin e ligjit brenda vendit dhe te mbeshtese fushaten kunder krimit te organizuar, korrupsionit dhe trafikut te paligjshem ne rajonin e Ballkanit. Pas ketij mesazhi, presidenti Moisiu e konsideroi pranine amerikane ne rajon nje faktor sigurie, paqeje dhe stabiliteti si dhe nje kusht themelor per thellimin e metejshem te proceseve demokratike e forcimin e institucioneve te shtetit ligjor ne vendet e Ballkanit.

n.p

[kastriot]

Se c'fare do te nxjerri ne drite A.Moisiu eshte nje ceshtje qe i takon se ardhmes, se ne tani per tani mundemi vetem te bejme supozime.Persa i perket te jatit Spiro Moisiut ju lutem mos filloni tani te shpikni te paqena se do te na beni qe te na merrend mend dhe do te plasin te vjellat.
Po te ishte aq patriot i madh ai S.Moisiu nuk do te kishte vazhduar te sherbente nen Italine mbas pushtimit te Shqiperise me 1939.
Ai ishte "as mish e as peshk" ose me mire "nga fryn era ktheje gunen".
Se si do te dali i biri tani kjo eshte nje ceshtje tjeter.Megjithse premisat jane te ngjashme.
Kush eshte i zoti te projektoje dhe te ndertoje bunkere, ma merr mendja qe do te mundet edhe ti cmontoje ato, ne qofte se nuk i mungon deshira e mire.
Une vete nuk kam shume shpresa tek ai mbasi jam edhe i mendimit qe Presidenti, qofte ky edhe Moisiu, nuk eshte problemi i Shqiperise por eshte vetem nje pjese e vogel e tij.

Por ju lutem te pakten permbajuni te vertetes dhe mos na kompozoni tani ndonje histori te re" kreshnikesh" ne vargje per Spiron.




Kastriot

[Albo]

Postuar më parë nga kastriot

Po te ishte aq patriot i madh ai S.Moisiu nuk do te kishte vazhduar te sherbente nen Italine mbas pushtimit te Shqiperise me 1939.
Ai ishte "as mish e as peshk" ose me mire "nga fryn era ktheje gunen".
Se si do te dali i biri tani kjo eshte nje ceshtje tjeter.Megjithse premisat jane te ngjashme.

Por ju lutem te pakten permbajuni te vertetes dhe mos na kompozoni tani ndonje histori te re" kreshnikesh" ne vargje per Spiron.

Kastriot, nuk e di se ku i bazon ato qe shkruan. Te ftoj te lexosh kete artikull te publikuar tek gazeta shqiptare para disa kohesh.

http://www.albasoul.com/modules.php?...&mode=&order=0

Spiro Mojsiu ka qene ne komandant i pergjithshem i luftes nacional clirimtare, merita qe me pas i mori E. Hoxha ashtu sic rrembeu edhe Partine Komuniste duke eleminuar me rradhe gjithe nismetaret e saj.

Gjithe te mirat !

[Albo]

Nje misionar amerikan me origjine greke por i lindur e rritur ne Amerike shkoi ne Shqiperi me familjen e vet si misionar prane kishes orthodokse shqiptare. Ai jetoi atje plot 5 vjet, mesoi shqip familjarisht, u njoh me shume shqiptare, bile ndihmoi shume edhe me refugjatet shqiptare nga Kosova ne vitin 1999.

Kur u kthye ne USA, ai mori pjese ne nje kishe orthodokse shqiptare ku solli edhe kujtimet e tij nga Shqiperia. Ja tek ishte nje "grek" qe fliste shqip, kish vizituar Prishtinen e kish ndejtur nje nate ne familjen e nje shqiptari qe kish qene me pare refugjat dhe qe i ishte shume mirenjohes per ndihmen e dhene. Ai kish sjelle me vete shume fotografi, filmime dhe foli me shume emocion per 5 vjetet e tij ne Shqiperi. Dhe nder te tjera, ajo mua me ngelen ne mendje qene fjalet:

".... shqiptaret jane popull shume i dashur dhe ishte kenaqesi per mua dhe familjen time qe jetuam ne ate vend per plot 5 vjet. Pavaresisht nga problemet e shumta shoqerore, problemi me i madh qe une vura re tek shqiptaret ishte problemi i BESIMIT jo vetem ne Zot, por edhe tek njeri-tjetri. Shqiptaret dyshonin kedo dhe gjithcka, dhe kjo mesa arrita te kuptoj ishte pasoje e rregjimit komunist."

Misionari amerikan, me fjalet qe une nenvizova me lart, me beri edhe mua te kuptoj qe njerezit nuk paragjykohen per perkatesine e tyre fetare, krahinore apo kombesine e tyre. Une isha ai qe e paragjykova ate misionar pasi ishte "grek" por fjalet e tij me bene te kuptoj qe njerezve u jepet nje shans te provojne vetveten.

Njerezit gjykohen nga veprat dhe qendrimet e tyre !

Presidenti Mojsiu vjen nga nje familje e degjuar, dhe ju me siper po e paragjykoni ate kur ai nuk ka filluar ende punen e tij. Gjykimet fillojne atehere kur ai te dali para shqiptareve dhe te japi mendimet e tij mbi problemet e vendit.

Une kam besim tek presidenti Mojsiu, eshte president i imi edhe i juaji. Kam besim tek fakti i thjeshte se eshte ushtarak, ne moshe te pjekur dhe si i tille ai nuk lejon kerkend ta terheqi prej hunde apo te behet pjese e pazareve te felliqura.

[Agim Doçi]

I nderuar Albo.
kam lexuar me ëndje ndërhyrjet e tua dhe e ndjej për detyrë të të falënderoj për kthjelltësinë dhe llogjikën tuaj të shëndetshme. Është pikërisht si thoni ju.
Duke qenë tepër i interesuar për të mbrojtur dinjitetin shqiptar, shpesh kam gjykuar me nerv personalitete të vëndeve fqinj, sidomos autoritetet e shtypit të huaj. Nëse ju kujtohet, në një emision "Porta a Porta" qëndrimi i Anna Oxa-s, që shpartalloi liderë të partive të majta italiane filoserbë në Rai UNO, një futbollist serb të blerë nga klubet italiane dhe ambasadorin e Beogradit në Romë gospodin Lekiç, të gjithë që patin fatin t'a përcjellin atë emision admiruan me gjithë shpirt çka deklaroi OXA. Pata fatin të punoj për 3 vite me radhë pranë zonjës Anna Oxa dhe atë mbrëmje të atij debati të ndezur, isha prapa kuintave të atij emisioni të famshëm. Anna Oxa meritonte çmimin "Nderi i Kombit" që me motivacion të shkruar në bashkëpunim me Edi Ramën - asokohe Ministër Kulture ia dërguam propozimin ishpresidentit Mejdani. Edhe sot e kësaj dite Dekreti nuk është firmosur.
Por diku tjetër desha të dal!
Një gazetar profesionist Santoro quhet dhe drejtonte emisionin "SCIUSCIA", në Rai DUE, pathollogjikisht i majtë dhe kundërshtar i ethshëm i Berlusconit, villte vrer kundër NATO-s, bombardimeve, dhe mbronte pa skrupull serbët okupatorë në Kosovë. O Zot, sa kam urryer atë njeri, nuk kam urryer askënd! U përpoqa të futem në studiot e tija, vetëm t'i tregoja se kush janë shqiptarët. Doja të sqaroja atë gazetar llafollog se kombi ynë ka personalitete me famë botërore si: Gjergj Kastriotin, Gonxhe Bojaxhiu - Madre Tereza Shenjt, Karlo Gegën, Ferid Muratin, Ismail Kadarenë, Gjergj Fishtën, Faik Konitza, dy Papë, dy perandorë, 169 Akademikë të shquar që komunizmi i likuidoi ndonse ishin ushtarakë të shkolluar në Itali, Gjermani, Austri e gjetkë i lanë metropolet europiane dhe u kthyen në Shqipëripër të luftuar kundër bishës nazi - fashiste dhe u shpërblyen nga Bisha Komuniste me pushkatim(!!!)
Nejse, nuk arrita të çaj barrierat e aversionit kundërshqiptar. kaluan ditë, javë, muaj dhe Kosova u çlirua. Ky Santoro na u ftua në një emision special të Maurizio Costanzo Show"!!
Para se të fillojë biseda në studio, Santoro kërkoj leje dhe më ka befasuar!Santoro duke kërkuar fjalën i pari, deklaroi: I kërkoj falje popullit fisnik shqiptar për gjithshka që ka transmetuar në emisionet e mija! Kam jetuar për një farë kohe në Shqipërinë Qëndrore dhe atje banova për ditë të tëra në një familje të thjeshtë shqiptare! Fisnikëria dhe dinjiteti i tyre, solidariteti me vëllezërit shqiptarë të Kosovës dhe mikpritja e tyre është shembulli më i kjartë i një kombi dinjitoz!....I kërkoj falje ati populli fisnik europian!
I nderuar Albo,
Për mua ky deklarim mjaftonte të ndrroja krejtsisht opinion për Santoron. Tani jam unë që duhet t'i kërkoj falje atij që e kam urryer pa e njohur mirë!
Ndërsa Gjeneral Spiro Moissiu, apo i biri i tij gjeneral Alfred Moisiu, kanë dhënë deri më sot prova dhe fakte të një familje atdhetarësh, profesionistësh dhe me një dinjitet për t'u admiruar kanë krijuar rreth tyre respekt.
Të pranosh të bëhesh PRESIDENT i shqiptarëve në këtë kohëtë mbrapshtë kur globi është i kërcënuar nga terroristat, nga komunistat, nga ndryshimet pexhorative të psiqikës njerzore është TRIMËRI ose AVENTURË!
Ju garantoj që gjeneral Alfred Spiro Moisiu nuk është aventurier! Përkundrazi është trim, i gjykueshëm, intrasigjent në detyrë dhe plot seriozitet në çdo angazhim. Ai si Komandant i Përgjithshëm i Ushtrisë Shqiptare është në gjëndje të kryej detyrën ndershmërisht dhe profesionalisht! Si njeri është posedues i një ndërgjegje të shkallës më të lartë. Si PRESIDENT mandati i tij 5 vjeçar do t'a tregojë. E ka të vështirë, se me Nanon po ka vështirësi partia e tij dhe a nuk u bën përshtypje që një politikan karizmatik si Pandeli Majko, Nano herë e vë dhe herë e heq nga karrikja e Kryeministrit! Kjo kujt i bën mirë?????Askujt veç Nanos - ishnëndrejtorit të Institutit Marksist Leninist të KQ të PPSH-së!
Agimi

[Anton]

Se cfare roli do te luaje Moisiu do ta tregoje koha, por te mos harrojme se RSH eshte republike parlementare dhe vendimet kryesore i ka ne dore kryeministri.



Pastaj ai eshte ne nje pozite shume te veshtire dhe do te duhet te beje shume kompromise.

Por rolin perfaqesues qe i takon Presidentit mendoj se do ta luaje me sukses.

Anton

ps

une mendoj se shume me i rendesishem eshte roli i prokurorit te pergjithshem sesa i presidentit