Parlamenti europian rrëzon projektin e Korridorit 8

[zeus]

---------------------------------------------------------

Parlamenti europian rrëzoi dje mundësinë e ndërtimit të shpejtë të Koridorit. Projekti është rrëzuar pas një votimi të dytë duke bërë që të përjashtohet çdo financim nga ana e Bashkimit Europian. Pas shumë përpjekjeve të Italisë, dje çdo shpresë u shua. Parlamenti europian rrëzoi amendamentit e quajtur "Enzo Lavara". Ky amendament në projektin e veprave të infrastrukturës Transeuropiane u hartua nga eurodeputetët italianë. Nën ndikimin e tyre u bë e mundur që në 17 shkurt komisioni i transporteve të fuste në listën e veprave prioritare strategjike dhe ia kaloi më pas Parlamentin Europian për votim. Më 11 mars parlamenti europian e votoi pro këtë projekt duke ja kaluar më pas për shqyrtim Këshillit të Ministrave të Bashkimit Europian. Kryeministrat e BE e rrëzuan projektin e Koridorit 8. Në këtë moment ka ardhur sërish reagimi i Italisë, ministrit italian të Transporteve, Lunardi, si dhe eurodeputetëve italianë të cilët ndërmorën sërish një inisiativë në Parlamentin europian. Kjo inisiativë u quajt "Enzo Lavara", (emri i një eurodeputeti italian). Amendamenti i hartuar e mbështetur nga italianët për të rifutur Koridorin 8 në listën e prioriteteve që duhet të financohen nga BE para vitit 2020, nuk mori votat e duhura duke u rrëzuar. Lajmi është konfirmuar dje edhe nga disa eurodeputetë italianë. Një prej tyre Xhani Pitela i DS (Demokracia e Majtë italiane) ka akuzuar qeverinë italiane duke thënë se kjo e fundit u impenjua më shumë për projektin e një ure (në Mesina). "Ka qenë një rast i humbur që tregon se sa të diskutueshme janë zgjidhjet e qeverisë tonë në favor të Jugut. Koridori 8 në fakt është një zgjidhje strategjike që prek në të vërtetë interesat jetësore të Italisë e të Jugut të saj. Bëhet fjalë për një ndërhyrje europiane që nga jugu i Italisë hidhet drejt lindjes së Europës që zgjerohet me Shqipërinë, Bullgarinë e Detin e Zi, një zonë ku vendi ynë duhet të përqëndrohet për një prezencë aktive në këto tregje". Duket se ky Koridor do të kthehet edhe në një argument të luftës politike brenda Italisë, ndërkohë që për vendet e tjera ku ai do të kalonte humbja është edhe më e madhe.

---------------------------------------------------------

[Iliriani]

Nuk ka dyshim qe greqia ka interesat e saj por mendoj ne kete rast faji eshte vetem i qeveris shqiptare e cila nuk punon fare.
E pame ca genjeshtrash bene me rrugen Durres-Kosove.
Pastaj BE kudo jep nje pjese te parave jo te gjitha.
Qeveria jone duhet te bej projektet, studimet e te negocioj per fondet e te mbledh taksat e te bej disa investime ti tregoj botes se ka interes.
Mbase me parate tona nuk mund te bejme rruge me kater kalime po me dy kalime eshte e mundshme.E pame me parate e mbledhura per rrugen Durres-Kosove qe nuk berri asnje kilometer.Po per kete kush ja kishte fajin evropa apo greket.E per cudi greket nga nje ane i fajeson nga ana tjete i quan aleat strategjik!
Po kjo qeveri s'punon fare.
Mendoj se keto qe thote qeveria jane vetem justifikime e saj per te mbuluar ate qe ajo nuk punon e ministrat merren vetem me punet qe i sjellin perfitim personal.

Bjeri gajdes gajdexhi