Nano pergjon telefonat

[Brari]

RD
------

Prokuroria: Nuk kemi dhënë leje për survejimin e telefonatave të deputetëve

Skandal, Nano përgjon kundërshtarët

Në krye të listës është emri i kryetarit të Partisë Demokratike, Sali Berisha, i ndjekur nga politikanë të djathtë e të majtë, si dhe nga gazetarë të njohur

Kryeministri Nano ka nisur përgjimin e telefonatave të drejtuesve të opozitës, deputetëve si dhe disa nga ministrat e tij. Në krye të listës së përgjimeve është vënë kryetari i PD, Sali Berisha dhe lista vazhdon me drejtues të tjerë të opozitës si dhe me deputetë socialistë, madje edhe me disa nga ministrat e kabinetit të tij. Burime të besueshme bëjnë të ditur se nuk është hera e parë që kryeminsitri urdhëron përgjimin e telefonatave të kundërshtarëve të tij politik. Edhe qeverisje të tjera të socialistëve kanë bërë pjesë të tyre skandalin e përgjimit të telefonave të kryetarit të PD, Sali Berisha. Vetëm pak kohë më parë Parlamenti u përfshi nga debate mjaft të ashpra mbi përgjimin e paligjshëm të telefonave të kryetarit të PD, Sali Berisha, gjë në të cilën ishte përfshirë edhe Shërbimi i Informativ. Megjithëse nuk kanë kaluar shumë kohë nga skandali i denoncuar muaj më parë sërish një tjetër shkelje flagrante e ligjit bëhet me përgjimin e telefonave të deputetëve të opozitës si dhe deputetëve të vetë Grupit parlamentar të PS.


Si bëhet përgjimi i deputetëve


Zëdhënësi i Prokurorit të Përgjithshëm, Agim Neza, thotë se bazë të ligjeve ekzistuese deputetët mund të hetohen vetëm nëse marrin leje nga Gjykata dhe Parlamenti. Nga ana e tij, Parlamenti gjatë këtyre javëve nuk ka marrë asnjë vendim të tillë. Kryeministri Nano nuk i ka paraqitur këtij institucioni një kërkesë të tillë. Ai duket se ka zgjedhur një mënyrë të tij private për të kërkuar përgjimin e telefonatave të drejtuesve të opozitës. Disa muaj më parë, Nano u mburr se në kapjen e pengmarrësve të Klajdi Shehut, ai kishte përdorur aftësitë e të birit të tij për të bërë të mundur përcaktimin e numrave të telefonave dhe vendndodhjen e grabitësve. Eksperienca mjaft pozitive e djalit të Nanos në përgjimin e telefonave duket se është vënë sërish në provë. Kësaj here besohet se Nano mund të ketë angazhuar sërish të birin e tij në këtë përgjim të telefonave të drejtuesve të opozitës, deputetëve socialistë dhe ministrave të kabinetit të tij qeverisës. Përgjimi i telefonave nga ana e kryeministrit Nano është denoncuar dje në media, por një gjë e tillë nuk është përgënjeshtruar nga institucionet shtetërore dhe as nga zyra e Kryeministrit.


Eksperienca e përgjimit të politikanëve


Vetëm gjatë këtyre tre viteve të fundit, skandali i përgjimit të telefonave apo bisedave të politikanë të lartë, ka shpërthyer më shumë se një herë. Ndërsa skandali i përgjimit të telefonave të kryetarit të PD, Sali Berisha, u provua me dokumente të posaçme të SHIK-ut, një sërë përgjimesh të tjera kanë ndodhur duke vënë në rrezik marrëdhëniet e Shqipërisë edhe me vende të tjera mike. Përgjimi dhe botimi i plotë i pjesëve të caktuara nga biseda e Sekretares amerikane të Shtetit, Ollbrajt me zyrtarë të lartë të Tiranës zyrtare shkaktoi një skandal të rëndë, i cili për pak u shndërrua në një incident diplomatik. Pjesë të bisdeave konfidenciale të Sekretares amerikane të Shtetit u botuan në media nga njerëz të afërt të Nanos. Kjo shkaktoi një reagim dhe një tension të madh në Ministrinë e Jashtme, ku nisëm të kërkohen edhe spiunët. Zv/ministri i Jashtëm i asaj kohe, Blushi, u largua nga detyra, duke u bërë përgjegjës për këtë skandal.


Kryeministri, në panik. Nuk beson as të vetët


Në listën e gjatë të politikanëve, të cilëve Fatos Nano ka urdhëruar që t'u përgjohen telefonat, përveç drejtuesve të opozitës, përfshihen edhe deputetë të PS, madje edhe ministra të kabinetit të tij qeverisës. Por po kështu përgjimet janë shtrirë edhe në radhët e botuesve të medias. Të gjitha lëvizjet e fundit të Fatos Nanos që kulmojnë me përgjimin e telefonatave të kundërtshtarëve të tij politikë tregojnë për panikun në të cilin gjendet Kryeministri. Fatos Nano ka humbur besimin edhe tek mbështetësit e tij, për të cilët gjithashtu ka urdhëruar që t'u përgjohen telefonat. Nuk është hera e parë që kryeministri i sheh armiqtë e tij politik jo vetëm në radhët e opozitës, por dhe tek njerëzit të cilët i mban afër dhe që i konsideron si bashkëpunëtorë. Pas arratisjes së tij më 14 shtator të '98, kryeministri deklaroi pas kthimit nga arratia se pjesë e puçit kundër tij ishin bërë edhe funksionarë të lartë të PS. Më pas, përmes një sërë intervistash Nano akuzoi drejtpërdrejt ish-Presidentin Meidani si dhe njerëz të afërt të tij lidhur me puçin ndaj tij. Madje Nano shkoi dhe më tej, duke akuzuar për komplot edhe ambasdorët e OSBE dhe SHBA, të cilët sipas Nanos ishin bërë pjesë e planit për të larguar nga detyra kryeministrin Nano. Duke qenë i bindur në tradhëtinë e njerëzve që mban nga afër Nano, ka urdhëruar së fundi që t'u përgjohen telefonat njëlloj si drejtuesve të opozitës në mënyrë të paligjshme. Paranoja ka përfshirë Fatos Nanon, vjen nga leximi i revoltës qytetare ndaj politikave të tij të gabuara. Humbja e besimit është e ndërsjelltë. Ashtu sikurse qytetarët kanë humbur besimin tek qeveria që drejton Nano edhe kryeministri e ka humbur tani besimin tek zgjedhësit, të cilët e kanë votuar, madje jo vetëm tek ata, por edhe tek njerëzit më të afërt të stafit të tij qeveritar.


Zëdhënësi i Prokurorit të Përgjithshëm reagon pas përgjimit të telefonave të deputetëve


Neza: Nuk kemi dhënë leje për përgjimet


Sipas dispozitave ligjore, vendimin për përgjimet e mundshme e jep Gjykata dhe Parlamenti


Agim Neza, zëdhënës i Prokurorit të Përgjithshëm, Theodhori Sollaku, reagoi dje mbas skandalit të denoncuar në media lidhur me përgjimin e telefonave të deputetëve, drejtues të opozitës, si dhe ministra të kabinetit Nano. Në një prononcim për "RD", Neza tha se, nga ana e Prokurorisë nuk është dhënë asnjë leje për të përgjuar telefonat e deputetëve, apo botuesve të ndryshëm të mediave.

"Nuk kemi asnjë lloj informacioni, për përgjime të mundshme të deputetëve, drejtuesve të opozitës apo personaliteteve të medias", tha Neza. Sipas tij, në bazë të dispozitave ligjore, nuk rezulton të jetë marrë asnjë lloj leje nga Prokurori i Përgjithshëm, për përgjimin e këtyre personaliteteve e drejtuesve të politikës e medias. Neza sqaron se: Sipas dispozitave ligjore, vendimin për përgjimet e mundshme e jep Gjykata dhe Parlamenti. "E përsëris, për sa shkruan shtypi, nuk dimë asnjë rast të vetëm të jetë marrë leje nga Prokurori i Përgjithshëm për përgjim të drejtuesve e personaliteteve të medias e politikës", tha Neza.
-------------------------nga RD -----





----------


hmmm..

Sic duket duke degjuar bisedat e Berishes Nanua yne mesoi pak kuksiano-Tropojance e me ato pak fjale te thena kuksiano tropojance ai i entusiazmoi b-rek grisurit kuksiane qe akoma nuk u ka ikur verdhacuk-lliku nga buka e mykur e misrit qe kan ngrene 50 vjet ne kolkozet Enveriste te kollovozit e Shistavecit.. qe ata i dhan voten Mafies Socialiste..te Durak-Elshan-Thaqo Veselave te Klos Rucit..

Me ate Kuksiano-Tropojancen valle i beri Nanua per vete dhe studento-enveristet drenicako katundaro-"clirimtaret" e Prishtines te cilet u cuan me djeg makinat e KFORIT per me ja lehtesue Shokit Nano sundimin ne Shqiperi..e me zhyt Kosoven dhe njihere nenShka..


He me lumt o shoki Nano..
qashtu i do mushka drute..