Trafikanti turk Karakaj, në burg pa afat

[Blendi]

Lexoni me poshte, problemi nuk eshte me drogen apo krimin apo turkun karaj.

A ju duket ju e drejte qe ne Shqiperi nje vend demokratik njerezit te mbahen ne BURG PA AFAT.

Demokracia ka shume Safeguards e keto natyrisht qe abuzohen nga elementet ,por janeHARTUAR per njerezit e thjeshte. Nese dikush do mbahej ne Burg pa afat e del i pafajshem kjo nuk lahet me nje kerkim falje.

Une mendoj qe te mbahen ne burg ne baze provosh e jo pa afat ,duhen afate nga gjyqi per prokurorine qe te paraqese prova te pakontestueshme.

Kjo puna e burgut pa afat nuk me duket demokratike.
Si mendoni a eshte e drejte te mbash njereez ne burgje PA AFAT.






TIRANË - Gjykata e Tiranës vendosi dje të lerë në burg pa afat shtetasin turk, Nurih Karakaj, akuzuar për prodhim dhe shitje të lëndëve narkotike si dhe për armëmbajtje pa leje. Akuza u lexua nga prokurorja Irena Vujoshi, e cila i paraqiti gjykatës të gjitha provat e mjaftueshme për të mbajtur në burg pa afat turkun Nurih Karakaj. Prokuroria paraqiti edhe procesverbalin e pyetjes së të pandehurit në polici, i cili pasi ka shpjeguar rrethanat e krimit, ka pranuar veprën penale. Ndërkohë, para gjykatës i pandehuri ka mohuar të ketë prodhuar dhe më pas shitur lëndë narkotike. I pandehuri mbrohej nga avokati Qazim Gjonaj, i cili kërkoi një masë më të butë dënimi. Sipas akuzës, në shtëpinë e të pandehurit, në afërsi të zonës së quajtur "Oxhaku" në Tiranë nga ana e policisë janë gjetur dhe sekuestruar 700 gramë lëndë narkotike si dhe pajisjet për prodhimin e saj. Po kështu policia gjatë kontrollit të ushtruar ka gjetur edhe një pistoletë Zastava që i pandehuri e mbante pa leje. Megjithëse nuk i ka pranuar akuzat, Nurih Karakaj, ka përfunduar në burg pa afat. Pas vendimit të gjykatës ai është dërguar në spitalin e burgut ku pritet t'i nënshtrohet një operacioni. Karakaj kishte vetëm nëntë ditë që ishte liruar falë amnistisë. Ai ishte dënuar me akuzën e mbajtjes së lëndëve narkotike dhe dënimin e vuante në qytetin e Durrësit. Por sapo ka lënë qelinë e burgut, turku Karakaj i cili duket se prodhimin e drogës e ka profesion, i është rikthyer përsëri zanatit të tij. Aktiviteti i tij është nuhatur nga forcat e antidrogës, të cilët pas sinjalizimeve të para e arrestuan në flagrancë.
A.Çuka





Print Email




Copyright 2002 Shekulli