Calcio Mercato

[Eros]

Jaque Santini u caktua dje trajneri i ri i skuadrës kombëtare të Francës, duke pasuar Rogere Lemerre, që u shkarkua, pas eliminimit të kampiones së botës, qysh në turin e parë të Botërorit aziatik. Detyra kryesore e Santinisë, që udhëhoqi sezonin e kaluar Lionin në të parin titull kampion në Francë në historinë e këtij klubi, është të drejtojë Francën titullmbajtëse në finalet e kampionatit europian, që do të zhvillohen në Portugali në vitin 2004

[Eros]

Lothar Matthaeus mund të jetë trajneri i ardhshëm i kombëtares hungareze. "Eshtë e vërtetë, jemi takuar tri herë, ka shpjeguar gjermani për 'Bild', por akoma nuk është marrë ndonjë vendim". Matthaeus, 41 vjeç, sezonin e kaluar ka drejtuar Rapidin e Vjenës, që e shkarkoi në maj për shkak të rezultateve jo të mira. Edhe vetë gjermani është shprehur se ka dëshirë të provojë një eksperiencë si trajner.

[Eros]

Skuadra e Premier League, Midëllsbrou synon që të nënshkruajë me mbrojtësin kamerunas të Realit të Madridit, Geremi. "Ne jemi të interesuar që të sjellim Gereminë në Midësllbrou, bëri të ditur zëdhënësi i klubit në Premiership, Dav Allan. Ne kemi zhvilluar bisedimet e para me skuadrën e Realit të Madridit dhe shpresojmë që të flasim së shpejti dhe me vetë mbrojtësin Geremi".

[Eros]

Interi po këmbëngul për përfshirjen në kontingjentin e skuadrës të mesfushorit-sulmues argjentinas të Valencias, Kily Gonzalez. Presidenti Masimo Moratti dhe bashkëpunëtorët e tij kanë paraqitur një ofertë shumë serioze për marrjen e argjentinasit nga spanjollët: 20 milionë euro dhe sulmuesin nga Sierra Leone, Mohamed Kallon, që është në favor të largimit nga Italia.

[Eros]

Rio Ferdinand dëshiron që të largohet nga Leeds, për hir të karrierës së tij. Këtë e pohoi sot vetë mbrojtësi i Anglisë. Rio Ferdinand që pëlqehet nga Manchester United, që dje në mbrëmje ka shënuar një përpjekje tjetër për të bërë ta tijin shërbimin e mbrojtësit 23-vjeçar. "E ndiej se kam nevojë për Champions League, që do të më ndihmojë në karrierën time", deklaroi Rio Ferdinand.

[Eros]

Barcelonës iu hap drita jeshile për të rifilluar përpjekjet për ta bërë të sajin mesfushorin Gaizka Mendieta. Dhe kjo për shkak se Valencia ka reduktuar shumën ndëshkuese në klauzolën që përmbante marrëveshja e transferimit të Mendietës. Basku iu afrua shumë lëvizjes drejt Barcelonës në qershor, por çdo gjë u prish për shkak të klauzolës në marrëveshjen e transferimit.

[Eros]

Mbrojtësi francez, Lilian Thuram, do të qëndrojë dhe për sezonin e ardhshëm te Juventusi. Këtë e konfirmoi dje drejtori i përgjithshëm i klubit torinez, Luciano Moggi, në një intervistë. "Juventusi është komplet, Thuram dhe Davids do të qëndrojnë me ne deri në fund të sezonit të ardhshëm. Mbi këtë bazë ne kemi një skuadër që do të arrijë te titulli kampion", pohoi Moggi

[SUPERSTAR_N1]

Parma, Dusher në shënjestër

Aldo Dusher, është ky emri i lojtarit që Parma nuk do të donte t'i rrëshqiste nga duart. Argjentinasi i Deportivo La Korunjës, që shquhet për faullin e shkaktuar ndaj "Djallit të Kuq", David Bekham dhe të cilit kjo i kushtoi një periudhë të gjatë ndalese përpara fillimit të Botërorit, momentalisht është objektivi kryesor milianëve në merkato. Pasi dështuan përpjekjet për të marrë Masimo Donatin, që Milani dhe Karlo Ançeloti nuk duan të humbasin, doli në skenë emri i argjentinasit, për të kompletuar pjesën qendrore të prapavijës së ekipit të Çezare Prandelit. Dusher-i është më tepër një tip mesfushori shkatërrues me tipare mbrojtëse, që te Parma do të plotësonte boshllëkun e lënë nga largimi i Matias Almeidas. Ndër të tjera, Dusher zotëron një pasaportë austriake dhe kjo do t'i bënte të mundur Parmës ta kalonte pa probleme limitin e vendosur mbi jokomunitarët. Mbërritja e "Demit" Akunja në "Riazor" ia ka mbylluar dyert e 11-shes titullare Dusherit dhe Deportivo është gati ta pranojë zgjidhjen për ta dhënë hua me të drejtë rimarrjeje.

[SUPERSTAR_N1]

Mendieta: Unë, te Barça? Pse jo!

Mesfushori spanjoll i Lacios, Gaizka Mendieta, ndodhet vetëm një hap larg Barcelonës. Lojtari bask, blerja e të cilit i është këshilluar trajnerit holandez, Luis Van Gal, drejtpërsëdrejti nga presidenti Gaspart, nuk i ka përgënjeshtruar bisedimet me katalanasit, madje ai bëri të ditur se, po të ishte për të, do t'i përshpejtonte. "Kalimi im te Barcelona do t'i ngrohte të gjithë, si mua ashtu edhe Lacion e Barcelonën. Te bardhekaltrit ndihem mirë, por në Katalonjë mund të ndihesha akoma edhe më mirë. Në një moment kaq të vështirë për futbollin në tërësi dhe për mua në veçanti, rikthimi në Atdhe mund të ishte zjgidhja më e volitshme, gjithnjë në aspektin personal." Nyje për këtë transferim është bërë klauzola që parashikon pagesën e një dëmshpërblimi ndaj Valencias, në rast se lojtari blihet nga një tjetër klub spanjoll brenda 30 qershorit 2003. Sipas disa burimesh iberike, vetë presidenti Kranjoti do të kishte kontaktuar me kreun e kampionëve të Spanjës, Haime Ortin, për të arritur një marrëveshje që do ta linte lojtarin të lirë.

[SUPERSTAR_N1]

Pasarella: S'kam faj për Parmën

Gjatë një interviste të gjatë, Daniel Pasarela bëri të ditur për të përditshmen argjentinase "Clarin" se nuk mban përgjegjësi për dështimin në Parmë. Ish-lojtari i Fiorentinës dhe Interit, që u thirr nga kryesia verdheblu për të zëvëndësuar Renco Ulivierin, u dëbua vetëm një muaj e gjysmë më vonë, për shkak të arritjes së rezultateve të dobëta. Ja cilat qenë tekstualisht fjalët e tij: "Nuk mbaj përgjegjësi. Mbërrita në zhvillim e sipër të sezonit, nuk është se e kisha ndërtuar unë atë skuadër sipas dëshirës sime. Përkundrazi, Parma ishte ndërtuar nga dikush tjetër dhe mua m'u desh ta drejtoja në fazën më të vështrirë të sezonit, kur ekipi përballoi takimet më delikate. Natyrisht, mundësia për të drejtuar në Evropë më joshte shumë, por në brendësi klubi kishte disa probleme që prekën edhe skuadrën dhe që nuk më lejuan të punoja ashtu siç doja unë". Ëndrra për të drejtuar në Evropë ka zgjatur sa hap e mbyll sytë për Pasarelën, megjithatë ai përfundoi me një batutë: "Por ama, arrita të drejtoj një skuadër të kampionatit italian".

[SUPERSTAR_N1]

Lacio: Pas Manfredinit edhe Eriberto

Pas Manfredinit te Lacio do të mbërrijë edhe Eriberto. Mungon zyrtarizimi, por, pas firmës së vënë nga lojtari mbi kontratën që i është ofruar nga klubi i Kranjotit gjatë muajti maj, kalimi i mesfushorit brazilian të krahut të djathtë, nga Kievo te bardhekaltrit, mbetet thjesht një formalitet. Por përpara realizimit përfundimtar të kësaj marrëveshjeje pritet që më parë të zbuten disi marrëdhëniet mes klubit kryeqytetas dhe atij veronez, që u kompromentuan disi pas pezullimit të bisedimeve për Manfredinin. Por kjo është vetëm punë orësh, kohë që do të shërbejë për të vendosur qetësinë në vend pas akuzave për pakorrektësi të ngritura nga Kranjoti ndaj homologut Kampedeli, në kuadrin e tri transferimeve mes të dyja skuadrave, që parashikonin kalimin e Manfredinit dhe Eribertos te lacio dhe atë të Pezarezit plus 20 milionë euro te Kievo. Pra problemi kryesor, me sa duket, i ka rrënjet te paratë, pasi Lacio synonte t'i mbushte arkat me shitjet e disa prej "xhevahirëve" të saj, si Nesta dhe Krespo në radhë të parë, që, ç'është e vërteta, janë ende në kryeqytet. Duke përmendur këtu se në fillim edhe vetë Eriberto kishte qenë kundër mundësisë për t'u transferuar te Lacio, pasi ndihej i joshur nga lajkat e bëra nga Juventusi. Por, pasi Juvja zgjodhi Kamoranezin, amerikanojugorit nuk është se i mbetën shumë zgjedhje të tjera dhe Eriberto dha menjëherë pëlqimin për t'u transferuar tek ekipi i drejtuar nga Mançini, duke nënshkruar me "shqiponjat" një kontratë deri në vitin 2007. Tani pritet vetëm që Cio dhe Kievo të ngrenë flamurin e bardhë të paqes

[SUPERSTAR_N1]

Kanavaro-Nesta, rebusi i pafundmë

Kanavaro te Milani dhe Nesta tek Interi. Dyshja e kombëtares italiane i bën të ëndërrojnë tifozët e dy skuadrave milaneze. Bisedimet për ta janë shumë të vështira dhe nuk kanë ndër mend të zhbllokohen. Interi dhe Milani synojnë të përvetësojnë dy qendërmbrojtësit e kombëtares së Trapatonit dhe, ditën e premte, krerët e të dy klubeve të Milanos janë përpjekur ta marrin situatën në dorë. Presidenti Morati është takuar edhe një herë me homologun lacial, Kranjoti, duke i ofruar kreut bardhekaltër 25 milionë euro plus Emrenë, lojtarin turk 21-vjeçar, që shkëlqeu në kampionatin Botëror në radhët e ekipit të drejtuar nga Senjol Guneshi. Çështja është shtyrë sërish, megjithëse dy palët kanë arritur njëfarë mirëkuptimi mes tyre. Vetë Lele Oriali, drejtori sportiv interist, ka pohuar: "Mund të themi se kemi hedhur një hap të rëndësishëm përpara, por, njëkohësisht, vazhdojmë të theksojmë se Interi nuk ka aspak ndër mend t'u japë duart dy lojtarëve tepër të çmuar, siç janë Damlati dhe Kristiano Zaneti, që ne i kemi cilësuar të pashitshëm". Kështu që problemet më të mëdha kanë pikërisht lidhje me ofertat teknike. Morati, pavarësisht nga deklaratat e mëparshme, nuk duket aspak i shqetësuar nga diferenca prej 3 milionë eurosh që ekziston mes kërkesës së Lacios dhe ofertës së Interit (në fakt, Kranjoti ka kërkuar një shifër që sillet rreth 28 milionë eurove). Gjithsesi, ai nuk ka ndër mend ta dobësojë skuadrën duke larguar lojtarë që janë cilësuar shumë të rëndësishëm edhe për të ardhmen. Kreu lacial kësaj here është shprehur hapur dhe qartë: "Nuk ka ndryshuar asgjë, megjithatë gjithçka vazhdon të jetë e hapur. Ne duam Kristiano Zanetin, kurse ata nuk duan ta shesin. Problem mbetet gjithnjë oferta teknike, pasi, në kuadrin e kësaj çështjeje, ynë synoj fuqizimin e skuadrës". Ç'është e vërteta, të dyja palët ndodhen më pranë se kurrë arritjes së një marrëveshjeje, siç pohoi edhe Oriali. Ditën e hënë ose maksimumi të martën do të takohen sërish. Fakti që prej disa ditësh Nesta është grumbulluar me shokët e skuadrës te Lacio nuk ka asnjë ndikim. "Për një lojtar të kalibrit të tij, - shtoi drejtori sportiv zikaltër, - kalimi nga një skuadër te tjetra gjatë fazës përgatitore nuk do të përbënte asnjë shqetësim. Ndër të tjera, kur bëhet fjalë për blerje tepër të bujshme, është normale që bisedimet të zgjasin për një kohë të gjatë." Çështja që ka hapur Milani me Parmën për blerjen e Fabio Kanavaros është vetëm pjesërisht e ngjashme me atë në Nestës. Takimi që zevëndëspresidenti milanist, Galiani, ka programuar me kreun e Realit të Madridit, Perez, do të shërbente për të përcaktuar detajet përfundimitare për kalimin e Roke Zhuniorit në Spanjë (në Milano, në këmbim, mund të mbërrinte Flavio Konseisao). Vetëm pas mbylljes së kësaj çështjeje kuqezinjtë do t'u ktheheshin bisedimeve me Parmën. "Djalli" këmbëngul ta marrë lojtarin hua, në këmbim të huadhënies së Masimo Donatit, por verdheblutë kanë bërë të ditur se pa 25 milionë euro në valle, me afat kohor shlyerjeje katërvjeçar, nuk do të bëhet asgjë. E vërteta është se të dyja klubet ndodhen më pranë njëri-tjetrit se ç'duket. Pas kalimit të Roke Zhuniorit te Reali, gjithçka pritet të shkojë për së mbari për kuqezinjtë.

[Eros]

Mund të jetë Rivaldo blerja sensacionale e Real Madrid. Madrilenët janë të interesuar të marrin sulmuesin në parametrat zero, nëse ky i fundit mund të lihet i lirë nga Barcelona. Por mësohet se edhe vetë braziliani është shprehur se, do të pëlqente të luante vetëm te Reali dhe jo në Itali e Angli, nëse do të largohej nga Barcelona. Marrëdhëniet e tij jo të mira me trajnerin aktual, Van Gaal, duket se e favorizojnë këtë lëvizje.

[Eros]

Skuadra e Premier League, Leeds, ka hedhur poshtë përpjekjen e dytë të bërë nga Manchester United, për të bërë të tijin mbrojtësin Rio Ferdinand. Këtë e bëri të ditur dje, radio BBC. "Kam patur një bisedim me drejtuesit e Manchester United, por asnjë lëvizje e mëtejshme nuk është bërë nga situata e krijuar", citohet nga radio BBC, të ketë thënë presidenti i Leeds United, Peter Ridsdale.

[Eros]

Jaquet Santini, që udhëhoqi Lionin në të parin titullin kampion në historinë e këtij klubi, sezonin e fundit, mori dje drejtimin e skuadrës së Francës. Menjëherë ai deklaroi se, skuadra franceze duhet të shkëlqejë në kampionatin europian të vitit 2004. Presidenti i federatës franceze të futbollit, Klod Simone, njoftoi se Santini 50-vjeçar, do të zëvendësojë Lemerren e shkarkuar në drejtimin e Francës

[Eros]

Kranjoti-Morati, diçka po lëviz

Takimi i disatë mes Lacios dhe Interit për Nestën: zikaltërit nuk e lëshojnë Kristiano Zanetin, Emre mund të rezultojë deçiziv në tratativë. Milan në tratativa me Realin për Roke Zhunior

Serxho Kranjoti i ka bërë një tjetër vizitë Presidentit të Interit, masimo morati për të folur për mbrojtësin e Lacios, Aleksandro Nesta. Të premten, dy Presidentët janë takuar në një zyrë pranë Sheshit 'San Babila", në Milano, por pa arritur të përfundojnë ndonjë marrëveshje. Presidentit të Lacios i është bërë e qartë se Kristiano Zaneti ka dalë përfundimisht nga kjo tratativë. Tashmë ka filluar të flitet më konkretisht për Emre, në shkëmbim të mbrojtësit të kombëtares italiane. Lacio ka kërkuar një pauzë reflektive, ndonëse në dalje, të gjithë të interesuarit kanë folur me tone shumë më të buta. Tani për tani, askush nuk flet për një marrëveshje të afërt, por ndjesia është që, pikërisht me futjen në skenë të mesfushorit turk, Interit mund të jetë vetëm një hap larg blerjes së mesfushorit bardhekaltër.

Ndërkohë, po nga merkatoja, vazhdojnë kontaktet e Realit të Madridit me Milanin për brazilianin Roke Zhunior. Tratativa ka hyrë tashmë në një fazë të përparuar dhe një gjë e tillë patjetër që u jep më shumë kurajo drejtuesve të Parmës: është evidente që, nëse braziliani niset për Madrid, atëherë Milani do të lëshohet në drejtim të Fabio Kanavaros. Pra, gjithçka po hyn në një fazë deçizive, lidhur me dy prej tratativave më të mëdha të kësaj merkatoje verore në Itali. Përsa i përket pjesës së mbetur, ka shumë pak të reja. bolonja, për shembull është bërë e gjallë duke i kërkuar Juves mbrojtësin marko Zanki, ndërkohë që Roma duket e interesuar për sulmuesin e Breshias, Karaçiolo. Espanjol ka zyrtarizuar ndërkohë marrëveshjen me Parmën për Savo Milosheviç.

[Eros]

Lids hedh poshtë dhe një ofertë tjetër

LONDER, 20 korrik/ATSH-Reuters/ Skuadra e ligës së pare angleze, Lids Junajtid ka hedhur poshtë përpjekjen e dytë të bërë nga Mançester Junajtid, për të bërë të tijin mbrojtësin Rio Ferdinand. Këtë e bëri të ditur dje, radio BBC. "Kam patur një bisedime me drejtuesit e Mançester Junajtid, por asnjë lëvizje e mëtejshme nuk është bërë nga sistuata e krijuar", citohet nga radio BBC, të ketë thënë presidenti i Lids Junajtid, Peter Ridsdale. "Na mbetet ende të gjejmë lëvizjen më të mirë që do të jetë e pranueshme për ne", shtoi presidenti i Lids Junajtid. Rio Ferdinand bashkohet në stërvitje me pjesën tjetër të skuadrës së Lids Junajtid dje në mëngjes. Megjithatë nuk është e qartë nëse dy klubet i janë afruar marrëveshjes për çmimin e transferimit, 47 milion dollarë, mbi të cilën çmohet Rio Ferdinand.

Skuadra e Lids Junajtid duhet të lërë Anglinë për një turne përgatitor në Lindjen e Largme dhe Australi sot dhe drejtuesit e skuadrës që drejtohet nga Venejbëlls theksuan se presin që Rio Ferdinand të jetë në avion.

Kërkesa e transferimit të Rio Ferdinand u hodh poshtë pak ditë më parë nga Lids Junajtid dhe presidenti Risdale pohoi më vonë se është gati të negociojë mbi kushte të pranueshme që të diskutojë mbi të ardhmen e mbrojtësit 23-vjeçar. Sipas medias britanike, Mançester Junajtid tashmë ka bërë ofertën kontrete për Rio Ferdinand, duke vënë në dispozicion 37 milion dollarë. Por këtë shumë Risdale e ka përcaktuar si "qesharake". Tifozët e Lids Junajtid janë zëmëruar me qëndrimin e Rio Ferdinand dhe deklarimin e agjentit të tij se mbrojtësi i Anglisë "kërkon të bashkohet me një klub më të madh dhe më të mirë".

[Eros]

Scolari ironizon mbi Pelen

Scolari nuk ndalet më. Pasi ka fituar Botërorin me Brazilin, është kthyer të ironizojmë mbi simbolin e futbollit brazilan: Pele. Në një intervistë ai është shprehur: "Mendoj se nuk kupton asgjë nga futbolli dhe të gjitha analizat e tij janë të gabuara. Nëse doni të fitoni, dëgjoni atë që thotë e bëni të kundërtën: si trajner nuk ka fituar kurrë asgjë. Këshillat e tij janë pa vlerë".

[Eros]

Divorc mes Rivaldos e Barcelonës

Dhe tani do të fillojë merkatoja "Rivaldo". Barcelona e "asi" brazilian kanë arritur një marrëveshje për prishjen e kontratës që skadonte më 30 qershor 2003. Sipas një kumunikate të dalë nga klubi spanjoll, "të dyja palët kanë vendosur këtë zgjidhje, sepse është në interesin reciprok. Rivaldo tashmë është i lirë të shkojë ku të dojë në parametrin zero". Ishte te katalanasit që nga 1997-a, kur blihej nga Deportivo la Coruna për të kompensuar largimin e Ronaldos tek Interi.

[Eros]

Crespo, "Red Devils" te porta

Në të ardhmen e Hernan Crespos mund të jetë Anglia. Mesfushori i Lacios është në shënjestrën e Manchester United tw pakënaqur edhe pasi kanë siguruar blerjen e Verës me mbrojtësin e kombëtares, Rio Ferdinand. Titulli i humbur në sezonin e kaluar në favor të Arsenalit e ka bindur shoqërinë britanike të hidhet në merkato për të siguruar lojtarë të nivelit si argjentinasi.