Prodhuesit rrisin cmimin e bukes ne Shqiperi

[Brari]

Koha jone

-------

CFARE FSHIHET PAS RRITJES SE CMIMIT TE BUKES?

Nga Florian Nuri

Ne qofte se doni te dini pergjigjen e sakte te kesaj pyetje, beni nje vizite ne portin e Durresit, dhe pas 10 minutash hetim, do ta merrni ate. Nga nje vizite e tille do te merrni vesh se jane vetem dy-tre firma qe kane monopolin e importimit te grurit. Dhe firma kryesore nder to eshte ne pronesi te nje ish-drejtor doganash, dhe mik i Fatos Nanos. Keto dy-tre firma sot ia shesin grurin fabrikave te miellit me 290 dollare tonin, nderkohe qe vjet ne kete kohe, grurin mund ta bleje ne port me 160 dollare tonin. Me nje fjale nje rritje prej 80%.

Po te pyesesh drejtuesit e ketyre firmave pse kjo rritje, ata do te thone se ajo reflekton rritjen e ndjeshme te cmimit ne tregun boteror te grurit. Eshte kjo e vertete? Pjeserisht po. Gjate kesaj periudhe ka patur nje rritje te cmimit te grurit ne tregjet boterore, por jo 80%. Ne bursen Cikagos, me e rendesishmja nder bursat e grurit, cmimi ka pesuar nje rritje prej vetem 40%. Pra firmat monopoliste te importimit te grurit, kane bere nje rritje artificiale cmimi qe eshte sa dyfishi i rritjes ne tregjet boterore.

Dhe po te ndjekesh rrjedhen e linjes se prodhimit te bukes, mund te zbulosh se fabrikat e miellit, te cilat e blejne grurin tek bletet e Nanos, kane rritur cmimin e miellit per te reflektuar rritjen e cmimit te grurit. Keshtu, mielli, nga 300 leke/kg qe iu shkonte furrave te bukes para nje viti, tani iu shkon me 400 leke/kg. Nje rritje prej 33%, e cila, sidoqe nuk nuk mund te krahasohet me rritjen 80% te cmimit te grurit, i ben furrxhinjte te mendohen mire kur vendosin se me cfare cmimi ta shesin buken. Sepse ne strukturen e kostos se bukes, mielli ze 75% te shpenzimeve (a nuk eshte buka miell e uje, dhe pak maja?)

Gjate ketij viti, per te zbutur efektet e rritjes graduale te cmimit te miellit, furrxhinjte nuk jane pergjigjur me rritje graduale te cmimit te bukes, por me ulje graduale te peshes se saj. Dhe kur ne fillim te ketij viti u rrit edhe cmimi i energjise (shumica derrmuese e furrave jane elektrike) pilafi nuk mund te mbante me uje per furrxhinjte. Ata vendosen te bejne ate qe kane kohe qe mundohen ta shmangin: te ngrene cmimin e bukes.

C'mund te beje qeveria ne pergjigje te nje situate kaq sensitive per 80% te popullsise qe edhe me cmimet aktuale mezi arrin ta mbushe barkun me buke? Se pari, ajo mund te shkundi mire mikun e kreut te saj dhe ta pyesi se cfare marveshjesh te fshehta ka bere me dy firmat e tjera per ta rritur cmimin e grurit dy here me shume se rritja ne tregun boteror. E dyta, mund te fusi ne loje Rezervat e Shtetit si furnizuese te perkohshme te fabrikave te miellit deri ne te korrat e ardheshme, duke e shitur grurin pa fitim. Dhe e treta, mund te ule cmimin e energjise elektrike per fabrikat e miellit dhe furrat e bukes. Dhe ne qofte se qeveria e z.Nano heziton t'i ndermarre keto masa, protesta e beri MJAFT-i para Kryeministrise do te duket si nje loder kalamajsh para protestave qe mund te organizoje opozita ne sheshin Skendrbej.



-------------

[Albo]

E mbani mend fjaline legjendare te kryeministrit Buf ne 1991, Ylli Bufi, "..kemi rezerva vetem per 6 dite buke". Nuk e di perse mu kujtua kjo kur lexova kete lajm.

Vetem budallait i perseritet historia pasi vetem budallai nuk nxjerr mesime nga gabimet e tij.

Albo

[Albo]

PD: Per here te pare, rritet cmimi i bukes dhe jo pagat

Partia Demokratike mendon se, ne baze te rritjes se cmimit te bukes qendron niveli i larte i taksave ndaj prodhuesve te bukes dhe miellit, cmimi i larte i energjise elektrike, rritja e akcizes se karburanteve, privatizimi i pastudiuar i industrise se bukes si dhe praktikat monopoliste te importit te grurit dhe te miellit. Partia Demokratike mendon se, rritja e cmimit te bukes mund te vazhdoje edhe ne te ardhmen sa kohe qe qeveria nuk do te marre masa per te luftuar efektin negativ te faktoreve te sipermendur. Sipas partise me te madhe opozitare ne vend per here te pare rritja e cmimit te bukes behet e pa shoqeruar me nje rritje pagash per punonjesit buxhetore, kur sipas statistikave te qeverise 30 per qind e popullsise jeton ne varferi te plote dhe 5 per qind e saj ne mjerim ekstrem. Sipas deklarates per shtyp te PD angazhimi ne nje fushate serioze per mosrritjen e cmimeve te bukes, energjise elektrike, tarifave te telefonise dhe atyre te transportrit urban, te cilat jane artikuj te konsumit te perditshem te cdo familje shqiptare do i benin nder Bankes se Shqiperise dhe Guvernatorit dhe jo tullumbacet qe ky institucion leshon ne fund te cdo viti per te mbajtur gjoja nen kontroll rritjen e cmimeve.

[beni67]

Jo te rriten cmimet e bukes, energjise, telefonit, por edhe sikur tua bejne ajrin me pagese ai popull do vazhdoje te fleje gjume.
TUNG

[Albo]

Ja pse qeveria rriti çmimin e bukës

Mungesa e vëmëndjes së shtetit por dhe mungesa e dëshirës së qeveritarëve për të zgjidhur problemet me një nga bizneset më jetike për shqiptarët, ka detyruar si të vetmen rrugëzgjidhje për të mbijetuar ngritjen e cmimit të bukës, kanë thënë prodhues të bukes dhe të miellit në Tiranë, duke hedhur poshte edhe studime të castit dhe sulme pa fre të bërë nga zyrtarë në ngut e sipër.

“Shteti jo vetëm që nuk na ka ndihmuar por më shurdhërinë e tij ka këmbëngulur vazhdimisht që ne të shkojmë drejt rrënimit të plotë” thotë një prej zyrtarëve të Shoqatës së Prodhuesve të Bukës.

“Dikur buka hynte tek mallrat e shportës dhe si e tillë prodhimi i saj do të kishte edhe mbrojtjen e shtetit” shton ai. Por që nga ajo kohë kanë kaluar vite dhe gjatë këtyre viteve jo vetëm është harruar koncepti i shportës por përkundrazi është sulmuar vazhdimisht edhe ky prodhim nga më jetikët në Shqipëri.

“Është një moment akumulimi vështirësish, pengesash, padrejtësish dhe prodhuesit e bukës nuk kishin se cfarë të bënin vecse të rritnin cmimin”, thotë Gjergji Stavre, drejtues i Unionit të Prodhuesve të Miellit. Lëvizja e cmimeve të bukës u duk sikur u stabilizua në mesin e viteve 90 me daljen e një vendimi të qeverisë së asaj kohe, të kryesuar nga Aleksandër Meksi, që i vinte cmim tavan prodhuesve të saj. Që në atë kohe cmimi i një buke ishte jo më shumë se 60 lekë. Por që nga ajo kohë edhe shumë gjera kanë ndryshuar. Madje pas krizës së mesit të viteve 90 qeveria e asaj kohe u ngut jo vetëm të fuste bukën në mallrat e shportës por dhe të mbronte prodhuesit e bukës e mbi të gjitha, konsumatorët nëpërmjet vendosjes së cmimit tavan por dhe krijimit të lehtësirave për prodhuesit. Duket se ai vendim jo vetëm është harruar por është braktisur në atë formë sa askush në qeveri nuk ka vënë re se gjatë kësaj kohe kanë ndodhur shumë gjera mëdje me nderhyrjen e qeverisë janë shtuar shumë elementë që rritin drejtpërdrejtë edhe koston e prosdhimit të bukës Kanë ndryshuar pothuaj të gjitha cmimet. Kështu gjatë kësaj kohe cmimi i energjisë elektrike është rritur mbi 5 herë, por pritet të rritet akoma, cmimi i karburantit është rritur 2,5 herë ndërsa është rritur vlera e TVSH. Por edhe taksat që janë plotësisht në dorë të qeverisë dhe jo te tregjeve ndërkombëtare apo ndërgjegjes abusive të prodhuesve janë rritur me tre herë për prodhuesit e bukës ndërsa janë shtuar edhe taksa të tjera vendore që nuk kanë ekzistuar më parë.

Në këto kushte rritja e cmimit të miellit për shkak të rritjes së cmimit të grurit të importit si dhe paralajmërimi i dhënë nga ERE për rritjen e cmimit të energjisë elektrike ngacmuan prodhuesit e bukës për të njoftuar rritjen e cmimit të bukës.

“Nuk bëhjet fjalë për fitim por për mbijetesë”, tha përfaqësuesi i Shoqatës së Prodhuesve të Bukës. Në udhëzimin e dikurshëm të qeverisë së mesit të viteve 90 duhej që furrat e bukës të furnizoheshin me dy linja energjie. “Tani jo vetëm që nuk kemi dy linja por na ndërpirtet drita me orë të tëra” shton ai. Sipas prodhuesve të bukës, mungesa e energjisë ka rritur shpenzimet e prodhimit sepse mbi të gjitha tashmë ndryshe nga disa vite më parë kanë qënë të detyruar të përdorin gjeneratorët. “Ka prodhues që kanë blerë deri tani nga katër e pesë gjeneratorë”, thotë një prodhues buke. “Ndërsa unë ka raste jo të pakta po në një ditë kostoja e gjeneratorit më shkon deri në 200 mijë lekë (të vjetra)”.

Nëpër të gjithë këto vite vështirë se nuk ka patur luhatje të cmimit të grurit në tregun boteror, të cilat janë reflektuar thellë edhe tek prodhuesit e bukës. “Në një gjendje të tillë do të mundohemi ta mbajmë të pandryshuar cmimin e miellit”, thotë një drejtues fabrike mielli. “Por kjo nuk dihet se sa do të zgjasë”, shton ai. Një marrëveshje jo zyrtare midis prodhuesve të miellit duket se mund të qetësonte situatën Por prodhuesit e bukës nga ana e tyre shpjegojnë se rritja e cmimit të bukës nuk bëhet vetëm për shkak të rritjes aktuale të grurit në tregjet botërore por sepse rritjet e deritanishme kanë vene në pikëpyejte mbijetesën e këtij biznesi. Sado e mirëpritur mund të jetë për ta nisma e prodhuesve të miellit apo një marrëveshje xhentëlmenësh midis tyre kjo nuk mund të jetë një zgjidhje afatgjatë përderisa në të gjitha këto veshtirësi mbi të gjitha vihet re mungeasa e politikave. Madje hallet e tyre janë aq trë shumta sa cdo problem më vete përbën një ceshtje që duhet zgjidhur me nderhyrjen vetëm të qeverisë vullneti i së cilës për ta është më shumë se sa në pikëpyetje. Sipas tyre, vetëm në Tiranë ka më shumë se 200 furra buke që prodhojnë ilegalisht, pa paguar asnjë lloj takse. “Janë ata që në njfarë mënyre kanë mbajtur të gjallë furnizmin me bukë të popullatës”, thotë një pronar punishteje. Sot në Tiranë zyrtarisht numërohen 172 furra apo njësi prodhimi buke, ndërsa sipas të dhënave, operojnë në këtë treg mbi 400. E gjithë kjo rrëmujë në këtë biznes, ka krijuar vështirësite e veta. “Si në të gjitha bizneset, vuajtjen e vërtetë e kanë ata që paguajnë”.

Rritja e cmimit të grurit është ndjerë në treg nga fillimi i vjeshtës dhe për ka ka patur dhe rritje të cmimit të miellit me dhjetë për qind. Por këmbëngulja për pandryeshueshmëri të cmimit si dhe kërcenimi që vjen nga importi për rritje të metejshme, bënë që prodhuesit e bukes të ndjejnë rrezikun për të shpallur rritjen edhe ata të prodhimeve të tyre. Duket se lajmi për rritjen e cmimit edhe të energjisë elektrike ishte shkaku i fundëm që i shtyu në këtë hap.

Po dje, një prej zyrtarëve të ministrisë së Bujqësisë u hodh në sulm ndaj prodhuesve të bukës duke thënë se e gjitha kjo është një lëvizje për të fituar më shumë se sa është e arësyeshme. “Kompanitë duan të rritin fitimin mbi 12 për qind, ndërkohë që normale është vetëm 4 deri në 5 për qind”, tha Maksi Dhamo, këshilltar në Ministrinë e Bujqësisë. Zyrtari i Ministrisë së Bujqësisë tha se ishte marrë për bazë studimi i bërë në një prodhues të madh të bukës si dhe në një punishte të vogël. Ka disa ditë që shteti ka ndërmarrë një sulm jo vetëm verbal kundër vendimit të prodhuesve të bukës për të rritur cmimin e saj në treg në një të ardhme të afërt.

“Unë nuk e di se cfarë studimi është bërë sepse askush nuk ka ardhur tek ndonjë anëtar i yni i licencuar”, tha drejtuëesi i shoqatës së prodhuesve të bukës. “Por jam i bindur se ata nuk kanë marrë parasysh dy gjëra; E para deri në 30 përqind e prodhimit mund të ngelet e pashitur dhe si mall i konsumit të përditshëm ai nuk vlen më. Jemi të detyruar tua japim bagëtive”, shtoi ai. Sipas tij e gjitha kjo rendon në kosto sëbashku me të gjitha rendesat e tjera në prodhimin e bukës. “Së dyti; mungesat e gjata të energjisë elektrike bëjnë që ta zerë prodhimin në pjekje e sipër. Dhe i gjithi ky prodhim bëhet për t’u hedhur fare”, shton ai “Edhe kjo është kosto madje jaft e rendë”.

Duket që shteti shqiptar nuk ka për dëshirë t’i kthehet vendimit “të vjetër” të qeverisë Meksi për të favorizuar prodhimin e bukës me të gjitha mjetet e mundëshme apo të ulet dhe të diskutojë për rrugët e lehtësimit të konsumatorëve. Shqipëria me një popullësi shumë të varfër, sipas të dhënave tashmë të pranuara zyrtarisht më shumë se 40 për qind janë të varfër, është një konsumatore nga më të mëdhatë të bukës. Ajo konsumon afro 180 kilogram bukë për frymë në vit, duke qënë pothuaj e pakrahsaueshme me të gjitha vendet e BE-së ku konsumi i saj është gati sa gjysma e nivelit të Shqipërisë. Në këto shifra, buka si mall është një ndër më jetikët në vend. “Është shteti që e ka cuar situatën në këtë gjendje”, thotë përfaqësuei i Prodhuesve të Bukës

Ndryshimet e ndodhura në çmime që nga koha kur buka me vendim qeverie hyri në mallrat e shportës, me çmim tavan 60 lekë/copa


Ishte
është

Nafta
30 lekë/litri
72 lekë/litri

Energjia
1,3 lekë kw/ore
7,3 lekë kw/orë

Tatim person fizik
1,2 milion lekë vj.
mbi 3 milion lekë vj.

Taksë vendore
nuk kishte
750 mijë lekë

TVSH
12,5 për qind
20 për qind


Shënim: Në udhëzimin qeveritar, prodhuesit e bukës duhet të kishin dy linja furnizimi me energji, tani nuk ka fare



Takimi

Nano premton grup pune, por harron

Në një takim midis shoqatave të agrobiznesit dhe kryeministrit Fatos Nano të zhviluar në muajin prill në Fier u fol edhe për vështirësit jo vetëm të prodhuesve të miellit por dhe të bukës si dhe u parashikua kjo që do të nmdodhte këto ditë. Me këtë politikë do të shkohej patjetër në rritjen e cmimit të bukës. Si masë të parë përfaqësuesit e agrobiznesit kërkuan heqjen e TVSH me qëllim lehtësimin e barrave të tjera në prodhimin e bukës. Po kështu u kërkuan edhe një serë masash që duhet të merrte qeveria me qëllim lehtësimin e prodhimit të bukës dhe venien e saj në krye të politkave shtetërore. Në atë takim kryeministri Nano pasi pranoi si të drejta të gjitha shqetësimet e përfaqësuesve të agrobiznesit, premtoi se do të ngrinte një grup pune për të diskutuar në një të ardhme shumë të afërt gjetjen e rrugëve për zgjeidhjen e këtij problemi “Që nga ajo ditë nuk kemi patur asnjë njoftim nga qeveria. Madje mesa dimë ne asnjë grup pune nuk është ngritur”.



Shqipëria ka mbi 300 fabrika mielli që punojnë mbi 400 mijë ton

Nevojat në vend për grurë

Importohen afro 250 mijë ton ose 35 për qind e nevojave

mbi 300 mijë ton nga fermerët vendas apo dhe plotësojnë 40-45 për qind

Mielli i importuar, mbi 15 për qind



Tregu botëror i grurit dhe parashikimet

Stoku i grurit në SHBA gjatë 2003/04 është ulur me 850 mijë ton krahasuar me muajin e kaluar për shkak të rritjes së eksporteve. Eksportet e parashikuara janë 870 mijë ton më shumë se në muajin e kaluar për shkak të rritjes botërore të kërkesës për importe dhe fuqisë së madhe eksportuese.

Cmimi i parashikuar i grurit 2003/04 lëviz me 5 cent nga $3.25 në $3.45 per 35 kilogram

Mbjelljet dimërore të grurit janë 3 për qind më pak se vitin e kaluar.

Parashikohet që eksportet e grurit për këtë muaj të kapin shifrën e 1 milion tonëve për shkak të rritjes së tregëtisë gjatë gjysmës së parë të vitit.

Prodhimi boteror i grurit pritet të jetë mbi 553 million ton, 2.1 milion më shumnë se muajin e kaluar.

Prodhimi i Indisë sipas të dhënave qeveritare ka arritur në 69.3 milion ton.

Prodhimi në Bullgari ka rënë me 150 mijë ton duke arritur në 1.7 million.

Prodhimi botëror i grurit është 14 milion ton më pak se vitin e kaluar dhe 57 milion ton më pak se viti më i mirë i prodhimit botëror 1997/98.

Konsumi botëror i grurit parashikohet të jetë 591 million.

India pritet që të konsumojë të gjithë prodhimin e shtuar gjatë këtij viti që ishte 2.3 milion ton duke kapur nivelin e 71 milion tonëve gjithsej

Konsumi i grurit pritet të jetë 0.5 milion ton më shumë në Bashkimin Evropian ku kërkesa për ushqimin e kafshëve mbetet e fortë duke i dhënë kështu një shtysë cmimeve.

Në Ukrainë parashikohet që përdorimi i grurit të rritet me 0,5 milion ton për shkak të rritjes më të madhe se sa pritej të importeve

Importet janë rritur për shkak të prodhimit jo fort të kënaqshëm që i ka rritur cmimet në nivele rekord ndërkohë që importet do të ulin konsumin e miellit

Gjatë dhjetë vjetëve të fundit Ukraina ka qënë vetëm dy vjet importues neto

Edhe niveli i stokut të grurit po bie mjaft, për shkak të rënies së prodhimit në SHBA ndërkohë që do të ketë ndryshim të stokut botëeror të grurit.

Parashikohet që stoku në Kinë të ketë një rritje prej 0,6 milion ton. Eksportet kineze kanë patur një rritje në 1,7 milion ton këtë vit.

Kanadaja pritet të eksportojë mbi 16 milion ton grurë këtë muaj dicka më shumë se 0,5 milion ton më shumë se muajin e kaluar. Me nivelin e cmimeve që janë tani duket se Kanadaja më shumë do të synojë të rritë shtijet se sa të rritë stokun e saj

Tema

[Shpirt Njeriu]

Kryeminstri Nano me anë të një porosie të veçantë i ka kërkuar Drejtorisë së Përgjithshme të Tatimeve që të mos lejojnë rritje spekulative të çmimit të bukës dhe të evidentohet çdo rast i tillë. Policia Tatimore ka filluar të ushtrojë kontrolle në furrat e bukës, për të evidentuar të gjitha rastet e abuzimit dhe fshehjes së detyrimeve tatimore.


Disa ditë pas deklaratës së prodhuesve të bukës për rritjen e çmimit të këtij produkti, ka reaguar kryeministri Nano, i cili ka kërkuar që të bëhet një analizë e hollësishme pretendimeve të ngritura nga prodhuesit e bukës, dhe të evidentohet nëse ato janë të drejta apo spekulative. Dhe pse çmimi i bukës është i liberalizuar, Nano i ka kërkuar Drejtorisë së Përgjithshme të Tatimeve, që të mos lejohet rritje spekulative, e cila do të rëndojë tepër në xhepat e qytetarëve. Pas porosisë së kryeministrit, Policia Tatimore ka filluar të kontrollojë çdo ditë furrat e bukës, për shlyerje të detyrimeve tatimore, rastet e abuzimit në peshë dhe vendet nga është marrë mielli. Pas një takimi ndërmjet drejtuesve të shoqatës së prodhuesve të bukës dhe Policisë Tatimore, këta të fundit kanë filluar aksione të përditshme në të gjitha furrat e bukës. Burime nga Policia Tatimore, theksojnë se nuk kanë qenë të pakta rastet e abuzimeve në peshë dhe në cilësi nga prodhuesit e bukës. Por kësaj here, duket se tatimorët kanë vendosur që të mos tolerojnë më, asnjë spekulim. Pak ditë më parë, prodhuesit e bukës janë takuar me drejtues të Policisë Tatimore, ku këta të fundit, deklaruan se do të ushtrojnë kontrolle jo veëm në kryeqytet por dhe në rrethet e tjera të vendit. Gjatë kontrolleve prodhuesit kanë qenë të detyruar të deklarojnë se nga cilat vende janë furnizuar me miell, çmimin e blerjes, si dhe faturat tatimore të blerjes. Po kështu në kontrollet që janë ushtruar në orët e pra të mengjesit, prodhuesve i është kërkuar të deklarojnë se sa bukë prodhojnë në ditë, madje në shumë raste kanë qenë tatimorët ato që kanë numëruar bukët e prodhuara. "Në bazë të prodhimit në do të kërkojmë të vjelim të gjitha tatimet që na takojnë dhe nuk do të tolerojmë asnjë abuzim", deklaruan punonjës të Policisë Tatimore. Abuzimet në cilësi dhe në peshë nga disa prodhues, janë pranuar dhe nga drjetuesit e shoqatës së prodhuesve të bukës, të cilët kanë deklaruar se, janë pikërisht këto abuzime një ndër faktorët që ndikojnë në rritjen e çmimit të bukës dhe që nuk lejojnë konkurrencën e ndershme. "Në përputhje me të gjitha detyrimet ligjore në fuqi, do të ndërhyjmë rreptësisht për të moslejuar asnjë rast abuzimi dhe spekulimi, por me gjithë përgjegjësinë tonë do të veprojmë për t'i garantuar konsumatorit, një treg sipas parametrave normalë", ka deklaruar drejtori i Përgjithshëm i Tatimeve, Ardian Petollari.


Drejtori i Tatimeve: Shtrenjtim abuziv, kostoja e një buke është 52 lekë

Krahas kontrollit të vazhdueshëm nga Policia Tatimore për të mos lejuar abuzime në koston, cilësinë dhe peshën e bukës, në rast se do të ketë rritje të çmimit, institucionet tatimore do të kërkojnë që të vjelin tatimin përkatës për këtë diferencë. Prodhuesit e bukës kanë deklaruar se duke fillur nga data 1 shkurt dotë rrisin çmimin e bukës nga 60 lekë/kilogramin në 80 lekë/kilogramin, për shkak të rritjes së çmimit të energjisë elektrike, si dhe rritjes së çmimit ndërkombëtar të grurit. Ndërkohë, Drejtoria e Përgjithshme e Tatimeve, pas analizës së hollësishme, ka arritur në përfundimin se argumentat e dhëna nga prodhuesit janë pretendime të pabaza dhe janë spekulative. Sipas Petollarit, kostoja e 1 kilogrami bukë arrin nga 50-52 lekë dhe me çmimin aktual, fitimi i prodhuesve rezulton i mjaftueshëm. Sipas analizës së Tatimeve, rezulton se rritja e çmimit të energjisë elektrike, në rastin më të keq ndikon me një rritje prej 1 për qind të çmimit përfundimtar të prodhimit dhe shitjes së bukës. Po kështu, ndryshimet e çmimit të miellit në tregun ndërkombëtar nuk janë reflektuar në të njëjtat përmasa në tregun e brendshëm shqiptar, për shkak të kontratave afatgjata që kanë pasur importuesit kryesorë të grurit. Gjithashtu niveli i konkurencës në vend, në këtë treg tashmë të liberalizuar të prodhimit dhe shitjes së bukës ka ruajtur në parametra normalë çmimin aktual dhe nuk justifikon pretendimet për rritjen e këtij çmimi. Kjo pasi kostoja e prodhimit ngelet në të njëjtat parametra.

[shahisti]

C'far nuk ndolle ne shqiperi ,u be shqiperia si afrika, mbizotrojne ligjet e xhungles.Nuk thon kote qe ne Shqiptaret jemi populli forte,rrisin energjine paguaj,rrisin cmimin e ujit paguaj, rrisin cmimin e bukes perseri paguaj e mos bej shamata,po ketij populli kush dreqin ja rrit pensionet,rrogen apo perkrahjen sociale,te perballoj keto dreq cmime qe kan vajtur ne stratosfere.Do uroja qe te behej nje lufte perseri ne Shqiperi,por kesaj here te vriteshin sa me shume politikan te tipit nano apo berisha ,apo te tjere qe rine nen hijen e tyre dhe vene miliarda me fukaradhekun e ketij populli.Hej o zot deri kurre do vazhdoje ti duroj ky popull keta maskarenje apo politikane si dreqin quhen .Ej deri kurre dhe durimi ka nje kufi ta marre dreqi

[Albo]

Organet e kontrollit të standardeve dhe cilësisë mund të tregojnë vëmendjen e duhur ndaj zbatimit të standardave kombëtare e ndërkombëtare të produkteve, duke evidentuar zbatimin e standardeve të peshës dhe çmimet reale, në rastin konkret të bukës

Pas rritjes së çmimit të bukës dhe energjisë reagon Banka: “Efekte negative në inflacion”

Cani: Ja pse u rrit çmimi i bukës

“Të luftohen monopolet në importin e grurit dhe të miellit”

Tiranë

Megjithëse ka ndejtur në heshtje gjatë gjithë debatit për rritjen e çmimit të bukës, megjithëse nuk ka dhënë asnjë sugjerim apo paralajmërim për rritjen e çmimit të energjisë, më në fund Banka e Shqipërisë ka reaguar.

Ajo ka akuzuar ashpër, nëpërmjet deklaratës së Guvernatorit Cani, se në Shqipëri ka monopole në importin e grurit dhe miellit, dhe se rritja e çmimit të energjisë do të pasohet me rritje të çmimeve të tjera. “Organet e Mbrojtjes së Konkurrencës të shikojnë problemet e ekzistencës së monopoleve të mundshme në importin dhe tregtimin e produkteve të grurit dhe miellit, duke synuar zbehjen e ndikimeve monopolistike dhe nxitjen e konkurrencës në këtë treg”. Këtë e thekson Cani, pas rritjes tashmë të çmimit të bukës. Sidoqoftë, mospërfshirja e tij në debatin për rritjen e çmimeve, tregon se në fund, kur inflacioni të kalojë objektivat e parashikuara, përsëri faji të mos jetë i bankës, por i reformave të qeverisë. Kjo shihet qartë në akuzën që i bën Cani tatimeve. “Edhe gjatë fushatës së saj kundër rritjes spekulative të çmimeve, Banka e Shqipërisë kishte kërkuar veç subjekteve të tjera, edhe angazhimin e organeve tatimore për të evidentuar rritjen spekulative të çmimeve. Ndryshe nga mbështetja e medias dhe organizmave jofitmprurëse dhe mirëkuptimi në përgjithsi i publikut, reagimi i organeve tatimore ishte i zbehtë dhe duhej të prisnim ngjarjet e fundit me rritjen e pritshme të çmimit të bukës për të parë angazhimin e tyre”. Sidoqoftë, Cani thekson se rritja e çmimeve të energjisë dhe bukës do të ndikojë negativisht në inflacion. Përsa i përket rritjes së mëtejshme të energjisë elektrike, që është parashikuar për këtë vit, Cani thekson se, këto zhvillime jo pozitive në drejtim të inflacionit vijnë si pasojë e ngadalësimit prej një dekade të reformave strukturore në fushat përkatëse dhe hapave të menjëhershëm të rritjes së komanduar të tarifave. “Sigurisht që është shumë shpejt të paraqesim në publik shifrat e sakta të rritjes së inflacionit, si pasojë e rritjes së çmimit të bukës dhe tarifave të energjisë elektrike, por Banka e Shqipërisë gjykon se këto efekte janë të pashmangshme dhe jo të neglizhueshme”, përfundon deklarata e Guvernatorit të Bankës së Shqipërisë.

Akuzë ndaj heshtjes shtetërore

“Këto reforma duhet të ndërthuren me rolin e shtetit në mbrojtje të shtetasve të tij me politika të njohura botërisht dhe të parashikuara edhe në kuadër të angazhimeve me institucionet ndërkombëtare dhe në mënyrë të veçantë të Marrëveshjes së Stabilizim-Asociimit me Bashkimin Evropian”.

Sugjerimet dhe akuzat e Bankës së Shqipërisë

Reagimi i organeve tatimore është i zbehtë dhe duhej të prisnim ngjarjet e fundit me rritjen e pritshme të çmimit të bukës për të parë angazhimin e tyre
Organet e Mbrojtjes së Konkurrencës të shikojnë problemet e ekzistencës së monopoleve të mundshme në importin dhe tregtimin e produkteve të grurit dhe miellit, duke synuar zbehjen e ndikimeve monopolistike dhe nxitjen e konkurrencës në këtë treg
Organet fiskale të shikojnë jo vetëm në këtë rast, por në mënyrë të vazhdueshme spekulimet me çmimet, qoftë edhe në rastin e produkteve të bukës, të paktën për të vjelur detyrimet fiskale dhe duke penguar spekulimet e dyfishta të rritjes së çmimeve dhe fshehjes së detyrimeve fiskale
Organet e kontrollit të standardeve dhe cilësisë mund të tregojnë vëmendjen e duhur ndaj zbatimit të standardave kombëtare e ndërkombëtare të produkteve, duke evidentuar zbatimin e standardeve të peshës dhe çmimet reale, në rastin konkret të bukës
Rritja e çmimit të bukës pa dyshim që drejtpërdrejt do të ushtrojë ndikim në rritjen e shifrës së inflacionit total
Po të mbahet parasysh që konsumi për këtë mall zë vetëm 4.37 për qind të konsumit mesatar në buxhetin e familjeve shqiptare, atëherë rritja e çmimit të bukës, do të jepte një ndikim të njëhershëm në inflacion
Reforma e tarifave të Albtelekomit mund të ishte bërë hap pas hapi dhe jo si një zhvillim spontan dhe surprizë në prag të privatizimit të kësaj kompanie
Efekti i parë i rritjes së çmimit të energjisë dhe që njihet si i njëhershëm, do të pasqyrohej drejtpërdrejt në inflacion si rezultat i aplikimit të tarifave të reja të çmimit të këtij malli
Ky efekt është ende e pamundur të matet për sa kohë që tarifat e reja janë ende të papublikuara zyrtarisht, ndonëse dihet se pesha e pagesës për energji elektrike mesatarisht për një familje shqiptare zë rreth 3.84 për qind të shpenzimeve të saj
Efekti i dytë i rritjes së energjisë elektrike mund të përcillet në çmimet e mallrave të sektorit tregtueshëm dhe të patregtueshëm (të shërbimeve), të cilët si element të rëndësishëm të kostos së tyre kanë edhe energjinë elektrike
Efekti i rritjes së çmimit të energjisë, vlerësohet të përcillet në këto çmime brenda dy-tre muajve të parë, pas aplikimit të tarifave të reja të energjisë elektrike
Përgjatë kohës së paralajmërimit apo ‘zhurmës’ për rritje të pritshme të çmimeve të produkteve të veçanta, përfshirë këtu edhe energjinë elektrike, ambienti spekulativ gjallërohet, duke rritur çmimet, në mënyrë të paargumentuar nga pikëpamja e kostove shtesë që kjo rritje gjeneron

[Brari]

Celsat e kashtes i ka selim myrt Berisha kurse te Grurit del se i ka Nano..


ja cthot tema:

........

Zbulohen lidhjet e familjes Nano me tregun e grurit në Shqipëri

Gruri "Familja Nano" 1,5 milionë dollarë në vit

Informacioni i fundit rreth monopolistëve të grurit tregon se dy nga tri kompanitë që importojnë grurin në Shqipëri, kanë lidhje me familjen Nano: Bilancet, dhe lidhjet e tyre

Tri kompanitë shqiptare që merren me importin e gurit në vend, kanë lidhje me familjen Nano. Një burim i besueshëm ndërkombëtar në Tiranë që studion tregun e grurit për llogari të një kompanie të huaj, i tha gazetës "TemA" se në Portin e Durrësit dominojnë tri firma të importit të grurit, të cilat lidhen me familjen Nano.

Firma e parë është ajo e drejtuar nga Gëzim Bleta, ish drejtor doganash në kohën që zoti Nano u bë kryeministër në vitin 1997-1998. Zoti Bleta ka qenë kritikuar dhe shkarkuar në akuzat për korrupsion por ndaj tij nuk është ngritur ndonjë çështje penale. I afërt me Ministrin aktual të Financave Arben Malaj, Bleta ka përfshirë, sipas këtij burimi, në fitimet e firmës një pjesëtar të familjes Nano, me aksione të pa deklaruara.

Firma e dytë është ajo e vëllezërve Haxhiymeri. 25% e aksioneve të firmes së vëllezërve Haxhiymeri zotërohet nga grupi i biznesit të Xhoana Nanos. Sipas informacionit nga burime ndërkombëtare në Tiranë, firma e shet grurin me 290 dollarë/ton, ndërkohë që në bursë gruri shitet me 197 dollarë për ton. Po të llogarisësh shpenzimet e transportit, i bie që për çdo ton grurë të importuar firma të fitojë rreth 50 dollarë. Që do të thotë 120.000*50 = 6 milion dollarë në vit. Pra firma e Xhoanës përfiton nga kjo 1.5 milion në vit.

Vëllezërit Haxhiymeri, u bënë të njohur disa kohë më parë ndërsa tentuan të sabotojnë futjen e një vapori gruri në Shqipëri nga disa konkurrentë të tyre. Ata përdorën SHIK-un për të shpërndarë informacion si gruri i rivalëve të tyre ishte me probleme dhe ndërkohë arritën të shpërndajnë grurin.

Firma e tretë, që është më e vogël se dy të parat, është në pronësi të Ilir Ranxhës, një mik i ngushtë i Agron Dukës dhe partner i tij në disa transaksione.


--------------------------------------------------------------------------------

Studiuesi Eduard Zaloshnja komenton situatën

"Nëse plani i grosistëve të grurit funksionon, në Shqipëri do të ngelet vetëm një fabrikë mielli"

Ndërkohë që titujt kryesorë në të gjitha mediat ia kanë kushtuar vëmendjen kryesore rritjes së çmimit të bukës nga furrat e pjekjes, një rritje tjetër çmimi është lënë në harresë. Është fjala për çmimin e bukës që piqet në shtëpitë e atyre shqiptarëve që nuk e përballojnë dot blerjen e saj në dyqan. Është fjala pra për çmimin e ushqimit bazë të familjeve më të varfëra shqiptare.

Nga informacionet që kam, rezulton se rreth gjysma e miellit që prodhohet në Shqipëri, nuk u shitet furrave të bukës, por drejtpërdrejt konsumatorëve, kryesisht në zonat e varfëra rurale. Dhe meqenëse ky miell prodhohet kryesisht nga gruri që importohet, dhe më tej, meqenëse importuesit e grurit e kanë rritur ndjeshëm çmimin e tij, pjesa më e varfër e shtetasve shqiptarë paguan sot 33% më shumë për të mbushur barkun me bukë krahasimisht me një vit më parë. Një rritje dyfishe në përqindje kjo, krahasuar me ata që e blejnë bukën të gatshme në dyqan. Ndërkohë, nga informacionet e publikuara në gazetat shqiptare, e sidomos në gazetën "Biznesi", si dhe nga investigimet që kam bërë unë, më rezulton se 2-3 firmat importuese të grurit e kanë rritur çmimin e shitjes në mënyrë artificiale. Në tregun europian, rritja gjatë vitit të fundit ka qenë vetëm 30% ndërsa në portin e Durrësit rreth 60%. Ky fakt më bën të mendojmë se, siç u shpreh edhe Guvernatori i Bankës së Shqipërisë, ka mundësi që firmat importuese të grurit të kenë shkelur ligjin mbi konkurrencën e ndershme. Në mbështetje të kësaj analize, po bashkangjis grafikun e çmimit në Euro të bursës së grurit për miell (bursa MATIF në Paris), i cili mund të gjendet edhe në adresën:

Nga grafiku mund të shikoni se pikun e vet çmimi e arriti në mesin e nëntorit (172 Euro ose 215 dollare). Ndersa sot çmimi është 154 Euro ose 196 dollarë. Pra një zbritje prej 9%. Nuk është koincidencë që, në portin e Durrësit, edhe çmimi i miellit që vjen nga Turqia (konkuruesi më i afërt i miellit të prodhuar në Shqipëri) ka ndjekur të njëjtën kurbë gjatë kësaj kohe. Ishte 450 lekë/kile tani është 410 - një zbritje po prej 9%. Ndërsa importuesit tanë të grurit, në vend që ta ulnin çmimin me 9% e ngritën 17%. Në këtë mënyrë, fabrikat e miellit, të cilat furnizojnë sot të gjithë ata që e gatuajnë bukën në shtëpi (rreth 50% e popullsisë), dhe që punësojnë rreth 1000 punëtorë, ndodhen nën trysninë e tavanit që po iu ulet dhe dyshemesë që po iu ngrihet. Kjo sepse nuk mund ta ngrejnë çmimin e miellit që prodhojnë deri në atë masë sa të konkurrohen nga mielli turk. Ç'do të ndodhë në qoftë se plani i grosistëve të grurit funksionon? Në Shqipëri do të ngelet vetëm një fabrikë mielli (e cila është pronë e njërit prej grosistëve) dhe si rrjedhim, nuk do të ketë më konkurrencë në tregun vendas. Ndërsa dy grosistët e tjerë do të sjellin miell në vend të grurit, dhe të tre bashkë pastaj do ta kenë të lehtë të ngrenë çmimin e miellit.

[mani]

E Meta i paster???
Ku do gjendet ai,ne cilin grup,me cilen MAFI ka punuar,po punon dhe do punoje ne te ardhmen???
Ti vije keq Gjingjiqit te dyte se edhe ai esht mu aty ne mes te ketyre marifeteve.
Poshtersi e nje politiqari qe edhe vet deri dje ishte bashk me ta e tani ku...???
Te gjithe keta se bashku jan ata qe e kane vjelur ket popull deri sot,te gjithe jane ata qe e kane sjellur vendin ne kete siuate, e ata jane
Nano-Meto-Millo-Majko-Berisha
pra mos i ndani njerin nga tjerri se eshte gjynaf.