Lideret e Kosoves mbeshtesin Holkerin per bisedimet

[mani]

A do bisedohet me Qoviqin e Qendren kordinuese apo me Beogradin?

Liderët politikë mbështesin Holkerin për bisedimet me Beogradin


PRISHTINE (13 Shkurt) - Përfaqësuesit e partive kryesore, LDK-së, PDK-së dhe AAK-së janë takuar sot me shefin e UNMIK-ut Hari Holkeri dhe kanë rikonfirmuar qëndrimin e tyre për fillimin e bisedimeve me përfaqësuesit e Beogradit. Por ata kanë kundërshtuar paralajmërimet që e ashtuquajtura "Qendër koordinuese serbe për Kosovën" të jetë palë në dialog midis Prishtinës dhe Beogradit. Nënkryetari i LDK-së Kolë Berisha tha se akoma nuk është caktuar data dhe vendi se ku do të zhvillohen bisedimet e para. Berisha theksoi se "Qendra koordinuese" nuk mund të jetë palë në këto bisedime me Kosovën. "Personaalisht kërkova që Qendra koordinuese nuk duhet të jetë në dialog", tha Berisha, duke shtuar se është kërkaur që serbët e Kosovës të koalicionit "Kthimi" të jenë pjesë e palës kosovare të bisedimeve. Poashtu edhe lideri i PDK-së Hashim Thaçi dhe ai i AAK-së Ramush Haradinaj thanë se kundërshtojnë bisedimet me Qendrën koordinuese serbe. Thaçi e Haradinaj janë angazhuar për implementimin e standardeve për Kosovën. Në këtë takim me Holkerin morën pjesë edhe përfaqësuesit serbë, të cilët janë angazhuar për fillmin e këtyre bisedimeve (Ballkanweb)

......
Sipas te gjitha gjasave dhe me se e sigurt eshte se do bisedohet me Qoviqet,Qendren Kordinuese dhe me serbet e Kosoves qe jane ne Qeverin e Kosoves, e me aske tjeter.Po po edhe me Kryqin e Kuq si ndermjetesues.
Po more po ata qe e kudnershtuan deri sot ekete e tani mu ne te si kjo?

[dodoni]

Kosovë, partitë pajtohen që vendi i takimit të jetë Prishtina


Faton Osmani

PRISHTINË – Liderët e partive më të mëdha të shqiptarëve dhe përfaqësuesit e koalicionit serb “Kthimi”, në një takim me shefin e UNMIK-ut, i kanë dhënë mbështetje fillimit të dialogut Prishtinë - Beograd. Pas takimit u paralajmërua se takimi i parë me Beogradin do të ndodhë në Prishtinë, megjithë sugjerimet e qeverisë që ai të mbahet në një vend neutral. Kryeministri Bajram Rexhepi një ditë më parë ka bërë të qartë se kosovarët preferojnë që fillimi i takimeve të grupeve punuese për dialog, të mos mbahet në Prishtinë apo Beograd, por në një vend të tretë. Arsyetimi i qeverisë është se kjo do të bënte të dukej “se po takohen qendra me provincën”. Me këtë rast Rexhepi ka propozuar kryeqytetin e Maqedonisë, Shkupin. Sidoqoftë qeveria ka bërë të ditur se pala kosovare nuk do të jetë ajo që do ta bllokojë procesin. Hashim Thaçi, kryetar i PDK-së tha se qëndrimet e partive dhe institucioneve të Kosovës reflektojnë gatishmëri për të vazhduar komunikimin me të gjitha vendet fqinje të Kosovës. Edhe Ramush Haradinaj, kryetar i Aleancës për Ardhmërinë e Kosovës deklaroi se spektri politik në Kosovë mbështet dialogun me Beogradin. Kolë Berisha, nënkryetar i LDK-së, tha se dialogu me Beogradin pritet të fillojë këtë muaj. Ai tha se ka kërkuar që e ashtuquajtura Qendër Koordinuese e Serbisë për Kosovën të mos jetë palë në dialog, ndërsa që përfaqësuesit e koalicionit “Kthimi” të jenë pjesë e grupit kosovar për bisedime. Dragisha Kërstoviq, përfaqësues i koalicionit “Kthimi”, tha se ky subjekt politik do të marrë pjesë, nëpërmjet përfaqësuesve të vet në dialog me Beogradin. Sipas tij, është thënë që bisedimet do të vazhdojnë së shpejti, dhe se takimi i parë do të zhvillohet në Prishtinë.

[dodoni]

Grosman thekson se Beogradi nuk ka të drejtë vetoje sa u përket standardeve Kosovë

Nënsekretari amerikan i Shtetit, Mark Grosman, në një editorial të botuar në gazetën "Uoll Strit Jurnal", shkruan se gjatë vizitës së tij në nëntorin e kaluar në Kosovë, kishte propozuar implementimin e standardeve. "Nëse implementohen standardet e OKB-së për demokraci, rregull të lgjit, të drejta të minoriteteve dhe reforma ekonomike deri në mesin e vititi 2005 bota do të jetë e gatshme të fillojë bisedimet për statusin e ardhshëm të Kosovës", thotë Grosman, duke shtuar se janë vendosur standarde të qarta


. Sipas tij, kosovarët mund të përmbushin ato standarde. "Beogradi nuk ka të drejtën e vetos, por suksesi i iniciativës kërkon përkrahjen më të gjerë, përfshirë këtu edhe atë të liderëve politikë të Beogradit", tha nënsekretari amerikan Grosman.


RTK

[dodoni]

Përshëndes këtë deklaratë për mospajen drejtë vetoje të Beogradit mirëpo edhe statusi i ardhshëm i Kosovës duhet dhe do të bëhet me vullnetin e shumicës së popullsisë së Kosovës dhe edhe kjo është dashur të përfshihet në deklaratën e tij dhe jo vetëm bota të theksohet si marrës vendimesh për statusin e ardhshëm.
Sidoqoftë, sikur për shqiptarët ashtu edhe për gjithë botën zgjidhja më e mirë, më e kënaqshme, më pak e kushtueshme dhe më e lehtë për tu realizuar që siguron paqe dhe stabilitet të qëndrueshëm e afatgjatë gjë për të cilën që të gjithë janë më se të interesuar në problemin e Kosovës, është ribashkimi i Kosovës me Shqipërinë, dhe kjo do të vendoset si nga "bota" ashtu edhe nga shqiptarët.

Tung

[Llapi]

B. REXHEPI:"QENDRA KOORDINUESE NUK ËSHTË PALË BASHKËBISEDUESE"



Bajram REXHEPI, kryeministër i Kosovës



RADIO EVROPA E LIRË
Zoti kryeministër, bisedimet për çështjet teknike ndërmjet Prishtinës dhe Beogradit, sipas paralajmërimeve të administratës ndërkombëtare, pritet të fillojnë brenda këtij muaji. Qeveria juaj ka shprehur gadishmërinë për të hyrë në këto bisedime, por a jeni të njoftuar se me kë saktësisht do të bisedoni, nëse merret parasysh amullia aktuale politike në Serbi?

BAJRAM REXHEPI
Po kështu ka qenë paralajmërimi. Sipas të gjitha gjasave përgatitjet bëhen që të fillojnë me 18 shkurt. Dy grupe punuese janë përgatitur dhe kanë patur edhe takime të përbashkëta me homologët e tyre në UNMIK, pra për personat e pa gjetur dhe për energjetikën. Është amulli në Serbi, është shumë e vërtetë dhe nuk di njeriu me kë ka për të biseduar. Megjithatë egzistojnë strukturat, nëse nuk egziston kryeministri dhe ministrat, egzistojnë ministritë, egziston administrata, stafi civil dhe ekspertët. Dhe edhe pse është një nguti që të fillohet, megjithatë duhet që partnerë në këto bisedime të jetë qeveria e Serbisë. Unë e kam bërë shumë të qartë se në asnjë mënyrë Qendra Koordinuese nuk mund të jetë palë bashkëbiseduese me delegacionin e përbashkët UNMIK- Kosovë.

RADIO EVROPA E LIRË
Shefi i UNMIK-ut Harri Holkeri më herët ka thënë se bisedimet do të mbahen në Prishtinë dhe Beograd. Nëse tani bisedimet mbahen në Prishtinë, a është e gatshme pala kosovare të marrë pjesë në bisedimet e ardhshme në Beograd?

BAJRAM REXHEPI
Ne fillimisht, jo tani por që para tre katër muajsh kemi kërkuar që bisedimet të vazhdojnë, ose pjesa teknike të fillojë në Vjenë ose në Shkup, që është plotësisht e arsyeshme deri në momentin kur qeveria e Serbisë t'i njohë dokumentat e UNMIK-ut dhe tabelat e regjistrimit. Mirëpo nuk ka patur një angazhim të mjaftueshëm të UNMIK-ut në këtë drejtim dhe kanë kërkuar vetëm përkrahjen që këto bisedime të mbahen në Prishtinë dhe Beograd. Sigurisht që kjo në fakt është një pengesë teknike për delegacionin kosovar, mirëpo ne kemi hyrë në obligime që standardet t'i marrim me seriozitetin më të madh dhe nuk do të jemi ajo palë e cila e bllokon këtë dialog, edhe pse ne nuk jemi shumë optimistë. Të shohim. Takimi i parë është planifikuar të mbahet në Prishtinë dhe në fazat e mëvonshme të shohim se si do të shkojë kjo punë.

RADIO EVROPA E LIRË
Bisedimet për çështjet teknike me Beogradin hyjnë në kuadër të 8 standardeve që institucionet e Kosovës duhet të përmbushin deri në mesin e vitit 2005. Por plani për zbatimin e tyre ende nuk është publikuar. Pse? A ka ndonjë arsye?

BAJRAM REXHEPI
Sigurisht që ky plan duhet të jetë më i detajuar. Grupet punuese kanë punuar mjaft. Një pengesë reale që ka ardhur deri tek shtyrja e tij është dhe mospjesëmarrja e komunitetit serb, mirëpo ka patur edhe disa vërejtje sugjerime, në mënyrë që të bëhet një plan më i detajuar, më i përpiktë. Sigurisht që ky plan pastaj duhet ta ketë përkrahjen edhe të Grupit të Kontaktit dhe të Këshillit të Sigurimit, në mënyrë që të fillojë implementimi praktik i tij. Presim që ditët e ardhshme, gjatë javës së ardhshme besoj se të gjitha këto do të harmonizohen dhe atëhere pritet vetëm një miratim formal, ose përkrahje që të fillojë implementimi i tij.

RADIO EVROPA E LIRË
Zoti kryeministër, në kuadër të standardeve hyn dhe ekonomia që në Kosovë është e lidhur ngushtë me privatizimin. Cilat janë të rejat e fundit në këtë drejtim?

BAJRAM REXHEPI
Kam biseduar me zotin Holkeri edhe për çështjen e privatizimit. Është e patolerueshme që kjo të mbetet e bllokuar më gjatë dhe duhet të gjendet zgjidhja. Argumentet që qeveria i ka paraqitur janë mjaft të fuqishme dhe janë të arsyeshme, prandaj duhet më në fund që zoti Holkeri ta shfrytëzojë autoritetin e tij dhe ta zhbllokojë këtë proces.

RADIO EVROPA E LIRË
Ky vit është viti i zgjedhjeve të përgjithshme në Kosovë. Sa mund të ndikojë kjo e dhënë në procesin e përmbushjes së standardeve dhe a është përmbushur deri më tani ndonjë standard?

BAJRAM REXHEPI
Mendoj se implementimin e standardeve e kanë përkrahur edhe institucionet por edhe partitë politike. Shpresoj se partitë politike, ashtu si edhe janë zotuar, do ta përkrahin implementimin e standardeve dhe ndoshta pikërisht përparimin e standardeve, mund të jetë një pjesë e fushatës së tyre elektorale. Mirëpo sigurisht standardet më tepër realizohen në nivelin edhe të shoqërisë civile, edhe në nivelin komunal. Pjesa kryesore, përgatitja e planit për implementimin u takon niveleve më të larta ku janë të kyçura ministritë, zoti Holkeri dhe unë, ndërsa pjesa praktike kryhet më tepër nga pjesa administrative, shërbimi civil, shoqëria civile, komunat dhe çdo qytetar. Nuk mund të themi se ndonjë standard është plotësuar 100 %. Ka disa standarde ku është arritur një progres mjaft i madh, në disa të tjera ka ngecje dhe nuk mund të shkojnë të gjithë me një nivel të njëjtë. Disa do të plotësohen më shpejt, në një nivel të kënaqshëm, sepse askush nuk ka ambicje se do të plotësohen 100 %. Vetëm përshembull në kuadër të grupit punues për demokratizim, për shembull TMK-ja, përveç komunitetit serb që duhet të jetë më prezent, me një përqindje më të madhe, shumicën e indikatorëve të tjerë të këtij standardi i kanë plotësuar. Po ashtu dhe në demokratizim e disa lëmi të tjera.

RADIO EVROPA E LIRË
A mendoni se deri në mesin e vitit 2005 ose më herët Kosova mund të përmbushë standardet për të hapur rrugën e zgjidhjes së statusit përfundimtar?

BAJRAM REXHEPI
Po dhe njëherë them se standardet, duhet të arrihet një nivel i kënaqshëm i implementimit të këtyre standardeve. Nuk mund të pritet se ato do të plotësohen 100 % dhe askush nuk pret që të plotësohen 100 %. Mendoj se me një angazhim maksimal të faktorit vendor, por edhe të ndërkombëtarëve mund të arrihet një nivel i kënaqshëm dhe të fillojë definimi i statusit të Kosovës. Nëse kjo do të arrihet para mesit të vitit 2005 unë nuk jam tepër optimist për arsye se nuk është kjo kohë shumë e gjatë. Në momentin kur i kemi zgjedhjet sigurisht që aty do të ketë një vakum, një humbje kohe, një muaj ose dy muaj, deri në krijimin e qeverisë dhe të parlamentit të ardhshëm. Prandaj këto janë krejt normale, por me një angazhim maksimal mendoj se duhet të jemi optimistë realë.

RADIO EVROPA E LIRË
Këto ditë ju keni kërkuar nga komisioneri i policisë ndërkombëtare Shtefan Feler që t'ju njoftojë mbi disa akte të mundshme dhune që janë paralajmëruar nëpër media. Keni marrë ndonjë përgjigje?

BAJRAM REXHEPI
I dërgova para dy tre ditësh një shkresë të informohem dhe ai më informoi për situatën aktuale të sigurisë. Tregoi se ka indikacione të ndryshme ose fjalë të ndryshme që duhet të verifikohen. Nuk ka asgjë të verifikuar, mirëpo çdo indikacion për diçka të tillë e marrin me shqetësimin më të madh dhe do të hulumtojnë në mënyrë që të prevenojnë çfarëdo forme të dhunës kur ne na nevojitet stabiliteti maksimal. Ai u pajtua se me çështje të tilla shumë sensitive duhet të merren vetëm kompetentët - pra gjyqi, policia dhe kurrsesi përmes mediave të paraqiten në opinion, për arsye se ajo vetëm shkakton shqetësime dhe mund të krijojë hapësirë për spekullime.

Intervistoi: Zana Mezini

[mani]

Realiteti eshte shume larg me ate cka thuhet ne Prishtine,pra ja nje realitet qe deshmon se me te vertete do bisedohte me Qoviq dhe Qendren kordinuese per Kosove e jo me shtetine Kosoves dhe Serbise.
Nese dikush mund ta demantoje kete le te urdheroje,por besoj se jo,kjo eshte aktuale dhe reale per momentin sepse cdo gje qe ka qene ne favor tonin tash ka kalue ka humbur ne pakthim.
Pra le te bisedojm me Qoviqet dhe serbet qe ne i kemi ne qeverine ton.
Por eshte nje problem ketu, kujt ti besohet g enjeshtres apo te vertes sepse edhe genjeshtra po na servohet sikur e vertete.


UNMIK-u do të diskutojë edhe më autoritetet e Serbisë për bisedimet Prishtinë – Beograd

Besim Abazi



Pas takimeve me udhëheqësit e institucioneve dhe partive politike të Kosovës, shefi i Misionit të Kombeve të Bashkuara, Harri Holkeri, të hënën do të presë në Prishtinë shefin e Qendrës Bashkërenduese serbe për Kosovën, Nebojsha Coviç, për të diskutuar rreth bisedimeve ndërmjet Prishtinës dhe Beogradit për zgjidhjen e cështjeve teknike të interesit të përbashkët.
Zoti Holkeri paralajmëoi më herët se muaji shkurt mund të jetë periudhë e fillimit të bisedimeve ku fillimisht do të debatoheshin cështjet e personave të zhdukur dhe ato për energjetikën.

Qeveria e Kosovës tashmë ka krijuar grupet punuese, ndonëse ende nuk janë përcaktuar pjestarët e komunitetit serb në këto grupe. Ndërkaq, Nebojsha Çoviç ka paralajmëruar se anëtarët e qendrës së tij bashkrenduese do të drejtojnë këto grupe, meqë Beogradi nuk ka ende një qeveri të re edhe gati dy muaj pas zgjedhjeve të atjeshme parlamentare.

Tashmë zoti Holkeri ka siguruar gatishmërinë e të dyja palëve për bisedime, por ende nuk është përcaktuar koha dhe vendi i fillimit të tyre. Pala serbe nuk ka kundërshtuar idenë e zotit Holkeri që ato të mbahen në Prishtinë dhe Beograd, ndërsa qeveria e Kosovës mendon se zgjidhja më e mirë do të ishte një vend i tretë dhe ka propozuar Vjenën apo Shkupin.

Mëdyshjet e qeverisë së Kosovës kanë të bëjnë edhe me vështirësitë teknike me të cilat do të përballen anëtarët e grupeve punuese të Kosovës, dokumentet e të cilëve nuk njihen nga Beogradi.

Por, autoritetet vendore janë të pakënaqura posacërisht me faktin se në mungesë të një qeverie në Beograd, partner në bisedime do të jetë Qendra Bashkrenduese e Nebojsha Coviçit, të cilën ata e akuzojnë për qëndrime jokonstruktive ndaj Kosovës dhe forcim të strukturave paralele. Megjithkëtë, ata pohojnë se nuk do të pengojnë bisedimet dhe ndonëse zemërthyer, do të pranojnë që të ulen në tryezën e bisedimeve po me këtë qendër. UNMIK-u mendon se kjo nuk duhet të paraqesë ndonjë problem meqë bisedimet do të përqëndrohen ne cështje teknike dhe jo politike.

Gjatë ditëve të ardhshme mund të priten hollësi rreth takimeve të para, megjithëse nuk është përjashtuar mundësia që ato të shtyhen për fillimin e muajit të ardhshëm.

Në muajin tetor të vitit të kaluar, delegacionet e përgjysmuara të të dyja palëve u takuan në Vjenë të Austrisë, por nuk biseduan. Problemet politike në Serbi ku dy palë zgjedhje presidenciale e parlamentare dështuan bënë që fillimi I bisedimeve të shtyhet për disa muaj me radhë.

Këto bisedime janë një nga standardet që Kosova duhet të përmbushë para se të fillojnë debatet për zgjidhjen e statusit të saj politik.//kk// (Zeri i Amerikes)

[Brari]

Ne cdo fjalim te bajram rexhepit mund te permenden dreqi e biri por vetem presidenti Rugova nuk permendet..

pra bajram rexhepi nuk e njef faktin se Kosova ka votuar nje njeri si president dhe ky eshte Ibrahim rugova..

Mendjemadhesia dhe enverizmi i katundarit dallkauk e servil Bajram rexhepit mund ti kushtoje shtrenjte kosoves..

Populli duhet ti tregoje vendin bajram rexhepit e ti thote .. ma kadal ti spiuni i Klosit e qefliu i bordellove te Sarandes.. e shoku i kontrabandisteve te Naftes.. se Ka nje President kosova e qe duhet pyetur ne cdo hap..

qashtu..

daci te mos kujtoje se vjen Pamvaresia me piktura ne muret e parlamentit.. por vjen me politik te mencur..

Ka kohe me i dhan honorare bojaxhinjve nga Shqiperia ..

qashtu..

[mani]

Pasha Kuranin po e vertete se do bisedohet me Qoviqin dhe serbete e Kosoves per qeshtjen e Kosoves,perrallat dhe anderrallat mbeten enderra te liderve dhe politikes se keqe kosovare se do bisedohet ne nivel shtetror.
Jo,jo me qendren kordinuese te Qoviqit do bosedohet,ndaluni e shihn i njeher pastaj flisni.


Kryeadministratori Holkeri bisedon në kryeqytet me Çoviqin për vazhdimin e bisedimeve Prishtinë – Beograd Kosovë

Kreu i UNMIK-ut Hari Holkeri dhe shefi i qendrës Koordinuese Serbe për Kosovën, Nebojsha Çoviq, diskutuan në Prishtinë, për dialogun Prishtinë – Beograd. UNMIK-u publikoi qëndrimin e vet përmes një kumtese për media, ndërkaq, Çoviq ka thënë se për këtë çështje do t’u drejtohet gazetarëve në një konferencë për shtyp, sot pasdite në Beograd.


Në komunikatë thuhet se dialogu do të fillojë nga fundi i këtij muaji, por ende nuk është konfirmuar zyrtarisht as data e as vendi i takimit të parë. Në takimin Hollkeri-Çoviq, thuhet në komunikatë, është biseduar edhe për çështjen e privatizimit dhe të doganave /RTK/

[mani]

Po vertetohet ajo se kjo qenka e vertete.

Holker: Palë e bisedimeve mund të jetë Qendra Koordinuese serbe për Kosovën


PRISHTINE (17 Shkurt) - Në një konferencë shtypi që u mbajt sot në Prishtinë, Kryeadministratori i Kosovës, Hari Holkeri, nuk e përjashtoi mundësinë që përballë delegacionit të Kosovës, në tryezën e bisedimeve pala serbe të përfaqësohet nga "Qendra Koordinuese serbe për Kosovën", e cila kryesohet nga Nebojsha Çoviç. Holkeri theksoi se "dialogu ndërmjet Beogradit dhe Prishtinës do të zhvillohet" dhe se ekipi negociator i Beogradit "është i autorizuar për këtë nga Qeveria e Serbisë". Por në Serbi ende nuk është formuar qeveria e re dhe pala kosovare e ka kundërshtuar vazhdimisht Qendrën Koordinuese Serbe dhe z.Nebojsha Çoviç si palë në këto bisedime. Kryeministri i Kosovës, Bajram Rexhepi ka deklaruar para një jave se pala kosovare nuk do të bllokojë vazhdimin e dialogut, ndonëse ende nuk dihet se me kë do të bisedojë. "Ideja që Qendra Koordinuese e Serbisë për Kosovën, e kryesuar nga Nebojsha Çoviç, të marrë rolin e negociatorit të Serbisë me Kosovën, tregon se pala serbe nuk është e interesuar për një dialog të mirëfilltë", ka deklaruar Rexhepi, duke shtuar se "kjo qendër ka rol destruktiv në Kosovë, sidomos në çështjen e kthimit të personave të zhvendosur dhe në shpërbërjen e strukturave paralele". "Nëse ata vendosin që Qendra Koordinuese të përfaqësojë Serbinë, kjo tregon se nuk janë të interesuar për dialog të mirëfilltë, por këto janë çështje të tyre, kurse ne mund të tregojmë hezitimet tona," ka thënë Rexhepi. Vendi dhe data kur pritet të takohen pala kosovare dhe ajo serbe ende nuk janë përcaktuar, por pas takimit të djeshem të shefit të UNMIK-ut me z.Çoviç në Prishtinë, u tha se bisedimet mund të fillojnë në fund të Shkurtit ose në javën e parë të Marsit. bm/bm (QIK/BalkanWeb)

[mani]

Kryeministri i Kosovës i druhet një kthimi të mundshëm prapa të Serbisë (Ballkanweb)17.02.2004

-Mungon materiali tjeter,e vetem titulli eshte botuatr ne Ballkanweb,per te treguar te verteten se nuk eshte ashtu cka thon politikajt dhe politika e jone.Kjo eshte per te ardhur keq.Kjo eshte ajo cka duhet brengosur te gjithe,kjo eshte ajo qe duhjet len manash urrejtjen,duhet bashkuar e jo ndar,duhet hudhur posht kalbesirat te cilat dite e perdite ndjellin ndarje,urrejtje,vellavrasje ne mes nesh.Pse nuk thuhet realiteti se nuk ka asfar perspektive me kete cka eshte duke u bere dhe cka eshte bere deri me tani.