Shqiptare ngrihuni ne protesta masive!

[gabriel]

O te humbur shqipetare
sec qenkeni per te qare !
Per te qare e per te share,
per te share e per te vrare!

Armiqte mbe dhe u hodhne
dhe ju shtypne sa u lodhne!
Sa u lodhne e sa u ngopne,
ju gdhendne dhe ju rropne.

As buke ,as breke sju lane,
ju punoni, ata hane!
Nuk ju lane as pake ndere,
qe kini pasur perhere!

As nder,as turp,as gjak s'kini,
unji kryet e po rrini.
I duroni vete armiqte:
prisni vdekjen,apo vdiqte?


keto vargje jane shkruar nga i madhi FAIK KONICA para afro 1 shekulli dhe fatkeqesisht vazhdojne te tingellojne aktuale dhe sot.....

[tani_26]

I drejte eshte mendimi qe votimi eshte nje shenje proteste, dmth mund te protestosh duke mos votuar partine ne pushtet. Mua kjo sme thote asgje pasi pastaj mund te vije nje Parti tjeter dhe te vazhdoje ne gjurmet e se pare se kshu me radhe, pra votimi nuk eshte gjithmone zgjidhje...Ne proteste mund te dale si ai qe e ka votuar partine ne pushtet dhe ai qe nuk e ka votuar, pra kur protestuesi del per te protestuar per kushte me te mira jetese nuk i interesojne ngjyrat politike, pra protesta masive nuk eshte proteste e nje partie te caktuar por e gjithe atyre njerezeve qe duan te shprehin pakenaqesine e tyre ndaj qeverisjes aktuale...Pra ndryshon protesta masive nga kutia e votimit...Pastaj nese njerezit ngrihen ne proteste per nje jete me te mire dhe kjo mund te sjelle ndryshime ne qeverisje ky eshte nje mesazh dhe per qeverine pasardhese, qe ajo te beje dicka perndryshe do kete njejtin fat me qeverine aktuale...Ne momentet aktuale per gjendjen ne Shqiperi protesta eshte mjeti i vetem per te ndryshuar dicka...Sigurisht duhet te largohen dhe shume politikane "mekatare" nga skena politike shqiptare kete e theksoja dhe me siper, perndryshe sdo te kishte kuptim....

[Brari]

nga gazeta panorama

--------

Tragjedia e Vlorës

koment


Toka e “premtuar”dhe toka e mallkuar

Leonard Olli

Ah! Ky vend është i mallkuar! Ah jo! Ky vend nuk bëhet! Një meteor i madh të bjerë e ta zhdukë këtë vend, vetëm kështu mund të mbarojnë vuajtjet tona! Këto janë disa nga shprehjet, që shqiptarët po përdorin, gjithnjë e më shpesh, në bisedat e përditshme. Sa keq e sa turp në të njëjtën kohë! Sa keq, sepse prej shekujsh, shqiptarët kanë mallkuar dhe vazhdojnë të mallkojnë tokën, vendlindjen e tyre, të qenit shqiptar, fatin e tyre të zi, që lindën, u rritën dhe vdiqën apo do të vdesin, në këtë pjesë mikroskopike të rruzullit gjigand tokësor!...

...Sa turp, sepse edhe sot në fillimet e shekullit të njëzet e një, shqiptarët, një ndër popujt më të vjetër të Ballkanit, pasardhësit e ilirëve të lashtë e arbërit, me një histori të dhimbshme, por edhe për t’u patur zili, vazhdojnë të mallkojnë veten, që lindën në këtë vend dhe quhen shqiptarë! Dhe mos ndoshta kanë të drejtë?!

Të përndjekur nga armiqtë dhe fati, (skamja dhe varfëria, dy “miq” të pandarë) shqiptarët ndër shekuj mërguan larg tokës mëmë, larg familjeve e të afërmve të tyre, drejt tokës së ëndërruar të shpëtimit, drejt tokës së premtuar të “ferrit”, me shpresën se një ditë “do të rrojnë që ta shohin Zonjë”. Vitet rrodhën dhe lotët në sytë e nënave dhe grave u thanë, por bijtë e burrat e tyre jo vetëm që s’u kthyen më, por mallkimi vazhdon t’i ndjekë gjithnjë nga pas dhe, historia të përsëritet e përsëritet pa mëshirë. Lëndina e lotëve, atje tej, afër kufirit grek, vazhdon të përcjellë bijtë e Shqipërisë dhe “vajza e valëve”, si një figurë mitologjike, vazhdon të vajtojë shqiptarët, që “përbindëshi” Posejdon, vazhdon të përpijë edhe sot!

Ti Shqipëri më jep nder, më jep emrin shqiptar!

Vallë sa vlerë ka, për ne shqiptarët e sotshëm, ky varg i rilindësit patriot?

Druaj shumë pak ose aspak! Pas viteve të rënda të diktaturës, shqiptarët, të etur për liri, civilizim dhe prosperitet, braktisën në mënyrë masive Atdheun me shpresën dhe bindjen, se ky ishte mallkimi i fundit për ta, të tjerë, përpara tyre, kishin kapërcyer rrethimet e telave me gjëmba e rrymë elektrike, duke shkuar me bindje drejt vdekjes, pa kthyer kokën mbrapa për të parë familjet e tyre të burgosura apo në internim, e shumë prej tyre, për ironi të fatit, përveç plumbave nga bashkëkombësit e tyre, do të quheshin tradhtarë nga regjimi.

Diktatura ra dhe shqiptarët morën rrugën më këmbë drejt Jugut, të tjerët drejt Perëndimit me not, **** e çfarë të mundnin. Me qindra, ashtu si personazhet e London-it, që ngrinë në akujt e Alaskës, në kërkim të arit, ngrinë në rrëpirat e Gramozit, të Vishit etj. Më kot, nënat pritën lajme prej tyre, më kot baballarët mbetën me netë të tëra në postat e ftohta me shpresën e një telefonate, që s’e bënë kurrë. Të tjerë humbën në ujërat e ftohta të Adriatikut e Jonit, me një ëndërr që s’u kthye kurrë në realitet, me ëndrrën për të shkelur “tokën e premtuar”. Tragjedia më e madhe qëndron në faktin se, edhe sot edhe kësaj dite, me qindra familje shqiptare, vajtojnë, pa ditur asgjë mbi fatin e të afërmve të tyre, vajtojnë të vdekur pa varr! Megjithatë shumë prej nesh, arritën më në fund të shkelin në “tokën e premtuar” për të kuptuar shumë shpejt, se parajsa, e cila prisnim, s’kishte qenë gjë tjetër veçse ferri modern me shumë “mollë të ndalueme”. Kam patur fatin e keq, ashtu si shumë bashkatdhetarët e mi, të provoja bukën e hidhur të mërgimit dhe të ndjehesha i poshtëruar vetëm për faktin se isha shqiptar dhe jo vetëm në aspektin personal, por kur shihja me dhjetëra shqiptarë të ndërronin emër e fe, në shkëmbim të një cope bukë, kur nuk guxonin të flisnin shqip apo kur skuqeshin, nga fakti se ishin shqiptarë. Të braktisur tërësisht nga “shteti”, të lënë në mëshirën e fatit, në ilegalitet të plotë, me sytë e trishtuar e zemër të coptuar, që kishin tradhtur thënien e të moshuarve “bukë e kripë në vendin tënd”, por të hidhëruar, sepse as bukë e kripë vendi i tyre s’ju dha! Vitet kaluan dhe, ndonëse “toka e premtuar” filloi t’i legalizonte, pasi i kishte shfrytëzur e përdorur si skllevër, dinjiteti i tyre vazhdon edhe sot e kësaj dite të nëpërkëmbet. Orët e gjata të pritjes nëpër dogana, në vapën rraskapitëse të gushtit, apo ditët e netët e acarta të dimrit, e dëshmojnë më së miri këtë. Mallkimi rrënqethës e trishtues bëhet më i rëndë, kur ndjehen të huaj në dhè të tyre. Rradhë të gjata përpara drejtorive të policisë apo komisariateve e zyrave të gjendjes civile, për të rinovuar një pasaportë, apo për një çertifikatë. Lodhje, fyerje e pritje të pafund në sportelet e ambasadave për një bashkim familjar, apo një vizë për prindërit e tyre, për t’i çuar njëherë “jashtë”, në vendet ku me mund e sakrificë, me gjak e djersë, krijuan gjithçka, që vendi i tyre ju ka mohuar e vazhdon t’ju mohojë me kokëfortësi e indiferencë! Pak mirënjohje, pak respekt për këta bij të Shqipes, që mbajtën e vazhdojnë të mbajnë barrën e rëndë të “tranzicionit” shqiptar e të krizave ekonomike në “tokën e premtuar”, nuk mund të ketë?! Si është e mundur vallë që, pushtetarët tanë vazhdojnë të injorojnë popullin e vet? Dikur bllokmenët kishin krijuar “oazin” e tyre në qendër të kryeqytetit, apo në pjesët më piktoreske të vendit dhe shijonin frytet e “pushtetit të tyre popullor” dhe mirë a keq kishin siguruar një “copë bukë” e një “copë punë” për “skllevërit” e tyre të “devotshëm”. Bllokmenët e sotshëm me “kulturën e tyre oksidentale”, na kanë mohuar edhe të drejtën për një “copë bukë”, duket që demokracia perëndimore u ka mësuar shprehjen më cinike të saj, “Secili për vete dhe Zoti për Ne”!

Dhe shqiptarët të bindur, se edhe vetë Zoti, kësaj here është kompromentuar nga “oktapodi” i politikës shqiptare, po humbasin çdo shpresë. Pushtim, pushtim për pesëqind vjet, diktaturë, diktaturë për pesëdhjet vjet, po tranzicion, tranzicion për sa vjet akoma? Vendet e tjera ish-lindore, kush më shumë e kush më pak, kanë hedhur e po hedhin hapa konkretë drejt unifikimit me BE-në, ndërsa ne, çuditërisht, vazhdojmë të jemi në radhë me ritmin “në vend numëro”! Të pashpresë e të zhgënjyer, shqiptarët vazhdojnë të kenë vetëm një motiv; Të ikim, të ikim, të ikim një orë e më parë nga ky vend i mallkuar! Por si?

Ambasadat e huaja na trajtojnë si leprozë, mafiozë apo ndoshta edhe me SARS, “oktapodi” shtet, me servilizëm të paparë, vazhdon të neglizhojë marrëveshje të mundshme punësimi me vendet e zhvilluara, dhe jo se s’mundet, por sepse tentakulat e tij kanë uzurpuar rrjetet e trafikut klandestin apo të dhënies së vizave “nën dorë”, për të rrjepur çdo qindarkë të “shtetasve” të vet, që s’u ngopën kurrë duke i rrjepur! E perëndia Posejdon “fërkon” duart me kënaqësi dhe pret për viktimat e reja! E “vajza e valëve” vazhdon të vajtojë, atje në breg e bashkë me të nënat, motrat, gratë atje te “lëndina e lotëve”, e kudo në Shqipëri, për bijtë, vëllezërit, burrat e tyre, që u nisën apo do të nisen në “udhëtimin drejt vdekjes”. Dhe shqiptarët vazhdojnë të jetojnë me dilemën e vendit të mallkuar, apo nëse do të shohin një ditë të bardhë në vend të vet!

Jo!! Shqipëria nuk është një vend i mallkuar, as shqiptarët nuk janë popull i mallkuar, por mallkuar qofshi Ju, timonierë të shqiptarëve dhe Shqipërisë, që po na vrisni Ëndrrat dhe Shpresën!

---------------

[beni67]

Cjane keto qe po lexoj?! Te ngrihet populli ne protesta? Per here te pare jam ne nje mendje me Korkodilin. Nuk ngrihet ai popull ne protesta. Pse duhet te ngrihet? Ja u zhvilluan votime dhe perseri fitoi partia ne pushtet. Dhe jam me se i bindur se edhe po te zhvillohen votime per parlament neser perseri do te fitoje ajo parti qe eshte ne pushtet. Cfare tregon kjo? Kjo tregon se populli e do qeverine e tij. Packa se eshte pa drita, pa uje, pa pune pa buke. Packa se u mbytka edhe ndonje shqiptar. Fundja vete hipi ne skaf, nuk e hipi nano. Atehere pse u dashkan protestat? Cdo popull meriton qeverine qe ka thote nje koke e mencur. Dhe shqiptaret e meritojne qeverine e tyre. Ata jane te kenaqur me te. Atehere pse duhet te na vije keq per kete kenaqesi te popullit shqiptar? Jo jo nuk i duhen protestat popullit shqiptar. Ai duhet te ule koken dhe ta lere qeverine te punoje. Boll pra me thirrje te tilla e lini qeverine ne hallin e saj. E ne qofte se keni ndonje mllef dhe nuk e mbani dot mjafton te shani opoziten se me siguri do te liroheni e do ta ndjeni veten me mire.

[Albo]

Tani_Athine, ke pare realitetin e 2003 ne Shqiperi dhe je trembur? Lexo se cfare ke shkruajtur ne kete forum 1 apo 2 vjet me pare per partine ne pushtet, ate parti per te cilen ti e fajeson sot per gjendjen e krijuar ne vend.

Krokodili eshte nje kafshe zvarranike qe jeton ne ujra te embla e te qelbura. Pra i intereson qe ujrat ne Shqiperi te vazhdojne te jene te qelbura, pasi nese ujrat jane te qelbura dhe te gjithe shqiptaret bejne pllaq plluq ne te, atehere ai do te mund te shkruaje me germa te medha ne kete forum, sic e ka per zakon, qe shqiptaret nuk jane me te pastert se ai, por jane te gjithe kriminele, tutore, "katunare", etj etj.

Krokodili flet edhe per "zgjedhje" si zgjidhje, por as numrat qe prodhojne zgjedhjet e mbajtura ne Shqiperi, ai nuk di ti lexoje. Ne zgjedhjet e fundit lokale te mbajtura ne tetor (dhe per ironi te faktit ende nuk kane perfunduar edhe sot e kesaj dite), kane marre pjese ne votime dicka me pak se 50% e votuesve shqiptare, kurse ne "Tironen" e krokodilit, qe eshte e mbushur plot me njerez te ditur e artiste e jo me katunare, kane votuar vetem 32% e popullsise, shifrat me te uleta ne historine e pluralizmit shqiptar. Sigurisht qe Krokodilin nuk e shqeteson fakti qe shqiptaret nuk kane me besim ne institucionin e votes apo ne integritetin e infrastruktures elektorale, atij i intereson vetem rezultati i tyre.

beni67, mos te ka zene gje sindromi "Qose", mos do ta quash popullin shqiptar "popull qen" sic e quajti akademiku yne i shquar? Populli shqiptar eshte popull i vuajtur dhe kjo e ben ata paksa me te duruar dhe me te zgjuar se popujt e tjere. Por inati i shqiptareve eshte si inati i gamiljes, edhe pse mund ta mbajne perbendra e mos ta shfaqin, ne nje moment ne kohe ata do te shperthejne dhe hakemerren sa ata qe qeshin e tallen me vuajtjen e shqiptareve sot, do te mallkojne diten qe kane pare driten e diellit.

Pozitivia ne kete teme eshte strategjia e opozites po punon. Ajo nuk po e vendos me veten 1 hap para shqiptareve, por po pret qe shqiptaret te arrijne ne nje hap me opoziten, ne menyre qe te ecin bashke krah per krah. Kerkesat per protesta dhe per rezimine qeverise nuk po vijne nga opozitaret apo partite politike, po vine nga vete shqiptaret dhe kjo eshte pozitive ne vetvete pasi deshmon per nje emancipim politik te shoqerise shqiptare.

Persa i perket "ndryshimit per mire", ate mos e kerkoni as tek shqiptaret, as tek opozita, as tek Zoti, kerkojeni tek vetja juaj. Shqiperia eshte ne ate gjendje qe eshte sot, pasi ju si shtetas shqiptare keni heshtur ne keto 6 vjet qe PS ka qene ne pushtet. Prandaj hiqni dore nga fajesimi i shqiptareve, opozites apo Zotit, e pranoni me plot goje fajin tuaj si shqiptare. Pasi ta beni kete, do te kuptoni qe heshtja eshte vrastare dhe ngritja e zerit ne mbrojtje te se drejtes eshte jetike.

Albo

[Fringo]

Postuar më parë nga Albo
Por inati i shqiptareve eshte si inati i gamiljes, edhe pse mund ta mbajne perbendra e mos ta shfaqin, ne nje moment ne kohe ata do te shperthejne dhe hakemerren sa ata qe qeshin e tallen me vuajtjen e shqiptareve sot, do te mallkojne diten qe kane pare driten e diellit.

1996 e vertetoi kete thenie te Albos!

[Hyllien]

Per mua protesten nuk e shof si dicka te brenshme nje here per nje here. Pashe para ca ditesh komentet e shqiptareve per punen e tragjedise recente tek Rai International. Te gjithe nje moto kishin... ketu nuk rrihet, albania kshu albania ashtu. Tani ka disa gjera. Vendi jot nuk shahet kurre asnjehere. Komentet qe degjova ishin disa komente teper pergjithsuese dhe ne vend te vejshin gishtin direkt tek qeverija, hudhej llafi korrupsion si me sponde dhe perseri albania kshu albania ashtu. As ata aty ne irak nuk e shajn vendin e tyre, shajn Sadamin.

Tani un nuk shof ndonje proteste te brendshme me leverdi tani per tani sepse aty duan kohe te ndryshojn gjerat. Por ate qe shoh esht nje dicka qe duhet ti tregohet botes SIDOMOS FQINJEVE qe nuk behet shaka me ne. Me ato vrasje te ndyra qe ben greku ne kufi qe nuk esht pare ne civilizimet e ashtuquajtura moderne, me ato makabritete qe behen ne Greqi, kushte pune me keq se skelleverit esht dicka e papranueshme. Asnjehere ketu shqiptari nuk esht ne nje rrezik potencial per tu vrare ne pune(per construction e kam llafin dhe pune te tjera te rendomta). Ka rregulla ka insuranca ka kontrolle ka rrespekt per tjetrin deri ne nje fare niveli etj.

Kushdo qeveri te jete duhet te rregulloj politiken e jashtme sa me shpejt. Bota ka tallur menderen me ne e me keto projektet e Bankes Boterore por ama jena dhe ne qe kena fajet tona. Nuk jemi viktima por jemi qenie te ndergjegjshme dhe si te tilla duhet te veprojm gjithmone.
Koha do ti vi atyre qe jane ne pushtet me ato taktikat e turnoverit qe bejn dhe do shfarosen nga komuniteti i madh shqiptar qe jeton jashte shtetit qe do rrikthehet ne vend e te vej drejtesine aty ku duhet.

[Jamarber]

-Pergjegjesi qe bente kontrollin radare te zones nga u nis skafi deglaron ne hetuesi se un kam konstatuar daljen e skafit ne det dhe kam njoftuar menjehere eproret e mij.
kjo tregon se gjithqka ka qen e pregaditur nga drejtuesit e rendit puplik dhe qeveritare te tjere

[gabriel]

[QUOTE]Postuar më parë nga Albo


Pozitivia ne kete teme eshte strategjia e opozites po punon. Ajo nuk po e vendos me veten 1 hap para shqiptareve, por po pret qe shqiptaret te arrijne ne nje hap me opoziten, ne menyre qe te ecin bashke krah per krah. Kerkesat per protesta dhe per rezimine qeverise nuk po vijne nga opozitaret apo partite politike, po vine nga vete shqiptaret dhe kjo eshte pozitive ne vetvete pasi deshmon per nje emancipim politik te shoqerise shqiptare.



mo ALBOOOOOOOOOOOOOOOOOOOO,
PO 7 vjet tu deshen te kuptoje qe "opozita" hapat qe ka ndermarre e sterrndermare ne te kaluaren kane qene GABIM.

SE PO TE SHOF QE KE PERMENDUR FJALEN " POZITIVE" 2-3 HERE NE PAK RRESHTA.

KAM QENE KERKUES NDAJ OPOZITES GJITHMONE SE S'MUD TI THUASH UJKUT :PSE I HA MELCITE, KUR TI JA KE VARE NE QAFE ME DUART E TUA.

[krokodili_73]

Sali rrumpalla eshte njeriu me negativ qe ka ekzistuar ne politiken shqiptare post komuniste. Nuk ka nevoje per politike rruge. Le te ike merhumi nga pd, te behet opozita efektive dhe e besueshme dhe iken shume shpejt nano me sorollop. une e kam thene prej kohesh, sala-tosi jane kokat e kulcedres, te dy sjetojne dot pa njeri tjetrin, te dy kane zene koken e burimit duke na thare ne te tjereve, dhe ceshte me e keqja, jane shqiptaret qe i mbajne mbi supe e pasaj ankohen se po ja u shtypin kokat. Sala duhet te ike, te bej nje gje pozitive ne jeten e tij rrumpalle, po a dorezohen komunistat.
Ta
Kroksi