RD -13 vjece..

[Brari]

Rd
--------

Përvjetori i "RD", festë e shtypit të lirë


13 vjet më parë, në duart e shqiptarëve mbërriti pas një periudhe gjysëmshekullore të mohimit të fjalës së lirë, gazeta e parë e fjalës së lirë, "Rilindja Demokratike". Për shumicën e shqiptarëve mbetet jo i largët kujtimi i 5 Janarit 1991, kur gazeta "RD" e botuar me një tirazh të kufizuar përcillej nga një dorë në një dorë tjetër tek të gjithë të eturit e fjalës së lirë. Kjo gazetë u bë brenda një kohe të shkurtër shoqëruesja më e ngushtë e shqiptarëve, duke përcjellë tek ta mesazhet e PD për rrëzimin e diktaturës. Janë të rralla ato gazeta si "RD", të cilave historia u njeh si një vlerë të pakrahasueshme misionin e saj përkrah PD në rrëzimin e sistemit totalitar.

Gazeta "RD" mbërriti në duart e shqiptarëve pas një gjysëm shekulli të mohimit të fjalës së lirë, pas një kalvari të gjatë persekutimi që pësuan të gjithë të dashuruarit pas fjalës së lirë. Janë me mijëra të pushkatuarit dhe të burgosurit nga diktatura vetëm në sajë të nenit famëkeq 55 "Për Agjitacion dhe Propagandë", ndaj kjo ditë është një ngjarje e shënuar për ata mijëra të persekutuar politikë, të cilët së bashku me "RD" sfiduan dhe mposhtën përfundimisht frikën ndaj fjalës së lirë, duke dënuar përjetësisht armiqtë e vjetër të saj.

Por 5 janari është në të njëjtën kohë ditëlindja e shtypit të lirë. Disa muaj mbas daljes së numrit të parë të "RD" vijuan të krijoheshin një nga një shumë e shumë gazeta të tjera, të cilat secila sipas specifikave të veta do të kishte rolin e vet në krijimin e një spektri më të gjerë të mediave të printuara. Sot, numërohen mbi dhjetë gazeta të përditshme dhe dhjetra të tjera janë periodike. Ndoshta askush prej tyre nuk i kujton sot armiqtë e vjetër të fjalës së lirë, por disa prej tyre i njohin mjaft mirë armiqtë e rinj të fjalës së lirë. Këta armiq janë ata që kërkojnë që gjithnjë dhe më shumë ta kompromentojnë fjalën e lirë, të vërtetën, duke e blerë dhe shitur atë me paratë e pista të kontrabandës, korrupsionit dhe trafiqeve që kanë pushtuar këtë vend.

"Rilindja Demokratike" e konsideron sot misionin e saj në informimin e opinionit publik, në denoncimin e korrupsionit, trafiqeve dhe përpjekjeve për të mohuar votën e lirë të shqiptarëve, po aq të shenjtë sa dhe 13 vjet më parë, duke qenë një aleate besnike e rregullave të shtypit të lirë mbi bazën e të cilave dhe u lind.

Gjatë gjithë këtyre viteve përvjetori i "RD" është konsideruar si një ditë e shënuar në historinë e shtypit shqiptar.Gazetarë dhe kritikë kanë arritur në kompromis për këtë ditë të shënuar të fjalës së lirë, duke e festuar 5 janarin thjesht, duke kujtuar historitë e atyre ditë të para të Shqipërisë postdiktatoriale, duke kujtuar shkrimet, replikat e alternativat e hedhura në "RD"-në e atyre ditëve nga ajo që konisderohej si pjesa më e reformuar e shoqërisë. Të vetmit që vazhdojnë ta konsiderojnë si një ditë zije, 5 janarin e 1991 janë po ata të 13 viteve më parë. Gjatë këtyre viteve askush nga radhët e drejtuesve socialistë nuk ka qenë pjesë e festave të ditës së fjalës së lirë. Ata nuk e kanë merituar një ftesë të tillë përsa kohë vazhdojnë të jenë në anën e kundërt të lirisë, në atë të kërcënimeve, rrahjeve e burgosjeve të misionarëve të fjalës së lirë.

---------





u be pra 13 vjece dhe RD..
megjithate u mund nga plakushja ZP..