Mediu: Koalicion me deputet e perjashtuar socialiste

[Albo]

Mediu: “Deputetë të PS-së në koalicion me opozitën”

Kryetari i PR-së ftoi dje partitë e opozitës për një marrëveshje të re

Nevila Përndoj

TIRANË - Republikanët ftojnë partitë e opozitës në një koalicion të përbashkët. Në të njëjtën kohë ata janë shprehur të gatshëm të bashkëpunojnë edhe me deputetët kundërshtarë të Kryeministrit Fatos Nano. Kryetari i PR-së, Fatmir Mediu, deklaroi dje se opozitës tashmë i nevojitet një marrëveshje e përbashkët, me qëllim hartimin e një strategjie të qartë kundrejt qeverisë aktuale. “Opozita duhet të menaxhojë numrat e saj në Kuvend. Së dyti, duhet të ketë një angazhim me një logjikë konkrete, që nuk lidhet vetëm me faktin se çfarë ndodh me PS-së apo t’u shkojë aventurave të Partisë Socialiste nga prapa dhe të presë që opozita të zhvillohet për shkak të marrëdhënieve të brendshme të PS-së. PR-ja është e bindur se është e domosdoshme që të ketë një koordinim dhe do të ofrojë bashkëpunim me të gjitha grupet parlamentare, pavarësisht nga koalicioni elektoral që ka pasur me PD-në”, - tha Mediu. Sipas tij, një lëvizje e tillë ka si qëllim bashkëpunimin e të gjithë opozitës shqiptare. Por Mediu nuk ka përjashtuar nga ftesa për bashkëpunim edhe individë apo grupe të ndryshme të Partisë Socialiste. “Nëse nuk do të bëhet e mundshme një bashkëpunim i gjerë i të gjithë opozitës shqiptare brenda institucionit të Parlamentit, ne do të përfshijmë të gjithë ato grupe parlamentare të opozitës, përfshi edhe ato grupe ose individë brenda PS-së të cilët mund të bjenë dakord për një qeverisje normale”, - tha ai. Kryerepublikani shtoi se bashkëpunimi mes partive të opozitës duhet të shmangë politikën rutinë të ndjekur nga opozita vitin e kaluar. “Duhet të mos kemi një opozitë thjesht rutinë, por një opozitë që di se çfarë do të ngrejë në Kuvend, të ketë axhendën e vet për përgatitjen e kushteve për zgjedhje të lira dhe të barabarta dhe ndryshimeve të nevojshme që duhet të kenë në kod, të cilat nuk duhet të kenë një konsultim individual të disa individëve që drejtojnë partitë politike të opozitës apo të marrëveshjve që krijojnë probleme, por të një marrëveshje shumë më të gjerë të saj”, - tha ai. Idenë e bashkëpunimit mes partive të opozitës e kanë përkrahur edhe reformatorët. Nënkryetari i PDR-së Nard Ndoka është shprehur dy ditë më parë se bashkëpunimi mes partive të opozitës duhet të konsistojë në një koalicion të përbashkët të veprimit politik në Kuvend. Duke u bashkuar në një koalicion të tillë, çdo grupim i vogël parlamentar, sipas tij, arrin të sigurojë një peshë më të madhe politike në Kuvend.



05/01/2004

[Hek]

PR e ka bere lifestyle kurverine politike. Sa here qe afrohen zgjedhjet dhe nuhat nje fitore te PD-se, PR behet me PD, dhe menjehere, por menjehere sapo mbarojne zgjedhjet, dhe PR del me shume me teper fitim se sa i takon realisht, PR sajon koalicione si ato te dikurshmit. jo "E djathta e bashkuar", e koalicione medemek te djathta, por qe s'jane gje tjeter vecse prova per te perfituar nga e majta. Dalja e Fatmir -Godos ne koalicion me vete nga PD eshte shenje qe zgjedhjet e parakohshme jane larg, dhe nderkohe PR do t'i beje ca presione PS-se per ta ngjyre ndonje cike neper ministrira. Parti si PR-ja jane si minjete ne kohera termetesh- ti e merr vesh qe do kete termet ne politike, sepse partite pa anetare si PR-ja mundohen ti bashkengjiten fituesit, dhe sapo mbaron termeti, apo fushata zgjedhore, kthehen ne strofullat e tyre hajduterore

[Brari]

Opozita fton metistët kundër Nanos
Legisi: Ndoka dështoi me Nanon, tani na kërkon ne


--------------------------------------------------------------------------------

Artemida Çollaku


Grupimi i partive opozitare i cili u mblodh për herë të parë në 29 dhjetor ka si synim që të përfshijë edhe grupin e deputetëve socialistë të ashtuquajtur "grupi i metistëve". Këtë lajm e konfirmoi për Gazetën kryetari i grupit parlamentar të Partisë Demokrate të Re, Nard Ndoka. "Grupimi i ri që ne kemi formuar do të përfshijë jo vetëm partitë opozitare por edhe grupin e deputetëve socialistët, të cilët tashmë janë deklaruar hapur kundër politikave që është duke ndjekur kryetari i Partisë Socialiste Fatos Nano", tha Nard Ndoka. Por mesa duket "metistët", janë indiferentë përballë kësaj ftese të bërë nga opozitarët. Ndre Legisi i njohur tashmë si mbështetës i Metës u shpreh për Gazetën se "nuk mund të shkojmë pas Ndokës i cili pasi dështoi në marrëveshjen me kryeministrin Nano është futur sërisht në grupin e opozitës".
Refomatori Ndoka u shpreh se ky grupim nuk do të jetë thjesht një opozitë e bashkuar por mbi të gjitha ai do të jetë një lëvizje politike e cila pritet të sjellë edhe ndryshime politike. Qëllimi i kësaj lëvizjeje të re politike e organizuar nga bashkimi i të gjitha partive opozitare, sipas Ndokës është bashkërendimi i të gjitha qëndrimeve që duhet të mbajnë të gjitha grupet parlamentare të opozitës para çështjeve, të cilat priten të diskutohen në parlament. Sipas tij një rol të madh në organizimin e të gjitha lëvizjeve që do të bëhen nga opozita do të luajë edhe lideri i këtij grupimi i cili nuk do të jetë i përhershëm "por do të jetë i përcaktuar nga një rotacion". "Përcaktimi i mënyrës së rotacionit besoj se do të përcaktohet së shpejti, pasi deri tani nuk është bërë një gjë e tillë", tha Ndoka. Përsa i përket startegjisë që do të ndjekë ky grupim i ri opozitar, Ndoka u shpreh se ajo është përcaktuar në vija të përgjithshme për zgjidhjen e çështjeve me një periudhë kohore afatgjatë dhe jo të ditës.


Tetë deputetët, gati përjashtimi

Tetë deputetët që nuk e votuan qeverinë e re "Nano" janë të vetëçrregjistruar nga grupi parlamentar i Partisë Socialiste nëse ata nuk do të nxjerrin asnjë argument, apo justifikim serioz për mosprezencën dhe mungesën e tyre në Kuvend. Kjo deklaratë u bë dje nga sekretari i marrëdhënieve me publikun në PS Bardhyl Agasi i cili tha prerë se një gjë e tillë do të analizohet edhe në fillim të këtij sesioni parlamentar. "Sipas statutit thuhet shprehimisht që mospjesmarrja, apo bojkotimi sjell çrregjistrimin, deputetët që nuk morën pjesë në rikompozim janë të vetëçrregjistruar. Gjithsesi ky nuk është një lajm i mirë por statuti është i zbatueshëm për të gjithë", tha Agasi dje për Gazetën. Sipas Agasit, deputetët që kanë munguar duhet të japin një justifikim të arsyeshëm për mungesën, sepse asnjëri prej tyre nuk ka paraqitur deri tani ndonjë lloj justifikimi. Ndërkaq, sipas Agasit, në fillim të çdo sesioni parlamentar bëhen gati formularët të cilat u paraqiten deputetëtve për të thënë këta fjalën e fundit se kujt grupi parlamentar i përkasin.


Këshillat bashiakë, PD diskuton konstituimin

Kryetari i Partisë Demokratike, Sali Berisha mblodhi dje në mesditë kryesinë e partisë. Mbledhja kishte në rend të ditës diskutimet rreth këshillave bashkiakë dhe komunalë si dhe organizimi i punës në njësitë bashkiake dhe kominale të fituara nga Partia Demokratike. Burime brenda PD-së bënë të ditur se në këtë mbledhje u përcaktuan prioritetet që duhet të ndjekin këto këshilla bashkiakë dhe komunalë gjatë legjislacionit të tyre tre vjeçar. Këto vendime do tu bëhen të ditura të gjithë anëtarëve dhe kryetarëve demokratë në këto këshilla, për të pasur kështu një konsolidim të veprimeve të tyre dhe një realizim sa më efektivitet të detyrave të ngarkuara me marrjen e këtyre posteve. Ndërkohë mësohet se në këtë mbledhje nuk është diskutuar asgjë në lidhje me qëndrimin apo veprime e radhës që do të ndjekë Partia Demokratike ndaj qeverisë se re.


Kreu republikan akuza për Nanon

Pronat, Mediu: Qeveria, në demagogjinë e rradhës
Deklarata e bërë dje nga zëdhënësi i kryeminsitrisë Aldrin Dalipi, në të cilën u theksua se prioritetet e qeverisë për këtë vit do të jenë kompensimi i pronarëve të ligjshëm dhe i ish të përndjekurve politike, u quajt demagogji e radhës nga kryetari i Partisë Republikane Fatmir Mediu. Sipas tij, realizimi i këtyre prioriteteve të përcaktuara nga qeveria është i pamundur për faktin e thjeshtë se në buxhetin e këtij viti nuk është përcaktuar asnjë zë i veçantë që mund të realizojë qoftë edhe minimalisht këto prioritete. "Kjo është një demagogji e qeverisë socialiste e cila duke u ndodhur para komunitetit ndërkombëtar sidomos Bashkimit Europian, negociatave që po bëhen dhe kërkesës së tyre të vazhdueshme për zgjidhjen e çështjes së pronës, vazhdon me demagogjinë se do të kompensojë financiarisht apo të zgjidhë çështjen e pronës private", tha Mediu. Ligji që ka bërë OSBE-ja, sipas tij nuk është gjë tjetër, veçse mbështetje e demagogjisë së Partisë Socialiste. "E vetmja gjë që mund të bëjë opozita është ngritja e zërit në parlament për mosmiratimin e projektligjit të pronave të hartuar nga OSBE-ja", tha Mediu. Kreu i republikanëve ftoi Partinë Demokratike që të bashkohet me këtë mendim, pasi "ajo është partia pjesë e katraurës që është bërë me pronat". Partia Demokratike ishte e vetmja parti opozitare e cila e mbështeti me vlerësimet me të larta. Vetë lideri i selisë blu, Sali Berisha e quajti atë si një nga projektligjet më të arrira deri më tani në legjislacionin shqiptar.

------------

mir i thot legisi ndokes..

[Albo]

Kreu i PD-së shprehet se këtë vit do të ketë zgjedhje të parakohshme

Berisha: Nuk bashkëpunojmë me PDR, s’është parti opozitare

Nevila Perndoj

TIRANE - Pas republikanëve, edhe kryetari i Partisë Demokratike Sali Berisha ka ftuar partitë e opozitës për bashkëpunim, përveç reformatorëve. “Mendoj se ekziston një funksionim, ose një bashkërendim parlamentar që mund të përmirësohet, por po flas për partitë që janë të spektrit “Bashkimi për Fitore”. Ka një parti tjetër që ka paraqitur opsionin e hyrjes në qeveri, por unë mendoj se ajo ka zgjedhur opsionin e vet, por që të quhet opozitë ajo është qesharake për shkak se ajo ka bërë zgjedhjen e vet, ajo ka kërkuar që të hyjë në qeveri. Zgjidhja nuk mund t’i diktohet. Tjetër gjë që qeveria parapëlqeu skafo-qeverinë, por opozita është një bashkërendim me të gjithë ato pjesë të saj që e konsiderojnë veten opozitë. PD-ja, nuk mund të diktojë karakterin opozitar të forcave të tjera politike”, -tha ai. Kryetari i demokratëve e ka cilësuar normale ftesën e republikanëve për bashkëpunim mes grupeve parlamentare. “Më duket një veprim normal. Megjithatë ekziston një bashkëpunim në nivel Parlamenti, i cili, për mendimin tim, duhet të konsolidohet. Pra, ky bashkëpunim ka ekzistuar sa herë që ka patur probleme momentale dhe është diçka normale”, -tha ai. Berisha siguroi se PD do të ndihmojë sërish partitë e vogla për krijimin e grupeve parlamentare. Lideri demokrat deklaroi gjithashtu dje se qëndrimet dhe reagimet e opozitës do të jenë të forta duke paralajmëruar se këtë vit do të ketë edhe zgjedhje të parakohshme. “Kjo është qeveria e urrejtjes mbarëpopullore, kjo është qeveria e konfrontimit me shoqërinë shqiptare. Opozita do t’i kundërvihet kësaj qeverie me të gjitha mjetet demokratike legjitime”, -tha ai. Lideri i opozitës denoncoi dje edhe rritjen e çmimit të energjisë elektrike në masën 43%. “Të rrisësh çmimin e energjisë në këtë mënyrë, do të thotë të shkatërrosh me një të rënë lapsi qindra dhe mijëra vende pune, të shtrenjtosh kafshatën e bukës dhe ta shndërrosh atë në kafshatë mjerim, të largosh nga shkolla qindra e mijëra fëmijë, do të thotë të përkeqësosh shërbimet publike, t’i shtrenjtosh ato në mbarë vendin dhe të përjashtosh një pjesë të madhe të shoqërisë nga këto shërbime”, -tha Berisha. Kryetari i PD-së rivlerësoi alternativën e kësaj partie për zgjidhjen e krizës energjitike në vend, duke shtuar se paketa e përgatitur nga demokratët kërkonte përpunim, pasi ishte paraqitur rreth dy vite më parë. “Unë mendoj se problemi po bëhet katastrofal në fushën e energjisë dhe kjo do të ketë pasoja të rënda për qytetarët dhe ekonominë e vendit”, -tha ai.

[Albo]

Një nga kundërshtarët e Nanos komenton rregullin e ri të statutit që ndëshkon bojkotuesit

Legisi: Nuk bashkohemi me opozitën, presim vendimin e PS-së

Darina Tanushi

TIRANË – Deputeti socialist Ndre Legisi ka deklaruar dje, se grupi i deputetëve të njohur si kundërshtarë të kryeministrit Fatos Nano, nuk do të bëjë asnjë grup parlamentar me opozitën, pasi ata kanë interesa të ndryshme. Ai ka hedhur poshtë idenë e hedhur së fundi për mundësinë e bashkimit të këtij grupi deputetësh socialistë me opozitën. “Unë nuk mund të parashikoj se çfarë do të ndodhë pasi ne të na largojnë apo nuk mund të parashikoj nëse do të na largojnë ose jo nga grupi parlamentar. Qëndrimet tona janë qëndrime të deklaruara dhe nuk kanë të bëjnë aspak me rolin që ka opozita. Ka një rol krejt tjetër dhe ka qëllime krejt të tjera nga qëllimet tona”, -është shprehur dje, për gazetarët, Legisi. Ai tha se përjashtimi i tyre është “e drejtë e strukturave të PS-së, kryesisht e grupit parlamentar”. Ne do të presim vendimin e tyre, tha ai. Personalisht kam qenë dhe jam i bindur se lufta për demokratizimin e jetës së PS-së dhe për mbarëvajtjen e qeverisjes së saj është një luftë e drejtë që shkon në favor të elektoratit që na ka zgjedhur. Një ditë më parë, sekretari për marrëdhëniet me publikun në PS, Bardhyl Agasi është shprehur se PS-ja nuk ka si qëllim të përjashtojë anëtarët e saj. “Uroj që të jetë ashtu”, -ka qenë reagimi i Legisit. Ndërkohë kryetari i grupit parlamentar Gramoz Ruçi ka deklaruar se është në pritje të justifikimit të mungesës së tyre në seancën parlamentare. “Unë nuk kam ndërmend të justifikoj mungesën. Unë kam patur edhe takime me drejtuesit kryesorë të PS-së dhe ua kam thënë paraprakisht shkaqet e qëndrimit tim”, -tha Legisi. Nuk mendoj se kjo është zgjidhja e duhur për të gjetur metoda për të shmangur një përgjegjësi që tashmë është e njohur nga të gjithë socialistët, është statutore dhe nëse PS-ja do të marrë ndonjë vendim në zbatim të statutit, ne do ta zbatojmë vendimin, u shpreh ai.