Hetimi i akuzave per krim te organizuar dhe korrupsion

[Brari]

panorama shkruan:

-------

Hetimi

Burime nga Prokuroria e Tiranës pohojnë se pas disa hetimeve, kanë vendosur të ngrejnë një tjetër akuzë për të paraburgosurin

Pas publikimit të fakteve për zyrtarët e lartë të policisë

Shpifja, akuza e dytë për të penduarin Bledar Mane



Tiranë

Bledar Mane njihet me akuzën e re, atë të “shpifjes”. 25-vjeçari që prej më se një muaji, ka përfunduar në qelitë e burgut 313-të, përveç akuzës së “falsifikimit të dokumenteve”, tashmë i duhet të përballet edhe me një vepër tjetër penale.

Burime nga Prokuroria e Tiranës pohojnë për gazetën “Panorama” se pas disa hetimeve, kanë vendosur të ngrejnë një tjetër akuzë për të paraburgosurin. Sipas organit të akuzës Mane disa ditë para se të prangosej, ka bërë publike disa fakte ku implikonte në rrugën e paligjshme të trafikimit të qenieve njerwzore disa zyrtarë të lartë. Një nga këta të fundit, Mane nuk heziton madje t’i bëjë publik edhe emrin. Sipas Manes, një nga ish-drejtuesit e Komisariatit të Aeroportit të Rinasit, ishte pjesë e grupit të tij, që i lehtësonte punën për çdo klient që kalonte me dokumente të falsifikuara. Burime nga Prokuroria pohojnë se të gjitha këto akuza të hedhura prej Manes, nuk janë të vërteta dhe sipas ligjit, mbi të ngrihet edhe akuza e shpifjes.

Greva
Burime nga burgu 313-të, ku dhe ndodhet aktualisht Bledar Mane, tregojnë se sapo ky i fundit është njohur me akuzën e re, ka vendosur të bëjë grevë në shenjë proteste. Sipas Manes, ai duhet të akuzohet për këtë vepër penale, nëse në mënyrë publike akuzon dikë për implikim në trafiqe me të. Ndërkohë, ai është shprehur se me të kanë lidhje zyrtarë të lartë, por nuk ka përmendur emra. Të njëjta burime, tregojnë se ai e ka vazhduar grevën për disa ditë me radhë, por ky veprim nuk ka ndikuar tek Prokuroria duke e lënë në fuqi akuzën e re tw ngritur kundër Manes. Njëkohësisht, mësohet se Mane i ka kërkuar ndihmë Grupit Shqiptar për të Drejtat e Njeriut për ta mbrojtur para togave të zeza për të dyja akuzat. Kërkesa e Manes, është pranuar dhe do të jetë pikërisht avokati i të drejtave të Njeriut, që do ta mbrojë atë në procesin gjyqësor.

Dosja
Manes, tashmë i duhet të përballet me togat e zeza, jo vetëm për akuzën e “falsifikimit” por edhe me atë të “shpifjes”. Dosja me prova shkresore është duke u përgatitur për të mbërritur në Gjykatë. Burime nga Prokuroria tregojnë se në dosje disa nga provat shkresore kyçe, që do të përdoren kundra Manes gjatë procesit gjyqësor, do të jenë dëshmitë e tij të filmuara ku mendohet të ketë përmendur edhe emrin që i kushtoi akuzën e re, si dhe dy pasaportat me identitetin e tij, një shqiptare dhe një bullgare. Të njëjtat burime pohojnë se nuk do të mungojnë edhe dëshmitarët, të cilët do të provojnë akuzat e ngritura kundra Manes. Ndërkohë, nuk do të mungojnë edhe dëshmitarët e mbrojtjes që do të vërtetojnë të kundërtën.



Si u arrestua Mane

Dy pasaporta, që sipas policisë ishin të fallsifikuara, kanë vënë edhe një herë në pranga Bledar Manen. Së bashku me një person të dytë, ai u arrestua, javën e parë të muajit nëntor, në afërsi të Qendrës Ndërkombëtare të Kulturës. Sipas policisë, ai kishte me vete dy pasaporta, që mbanin karakteristikat e tij, por me emra të personave të tjerë. Për herë të dytë, ai u vu në pranga me të njëjtën akuzë, atë të falsifikimit të dokumentave. Mane pretendon se u arrestua pasi ishte nisur për në një televizion, për të deklaruar emra të bosave të lidhur me trafiqet. Edhe këtë herë, ai ka kërkuar nga hetuesit, që të marrin parasysh dëshmitë e tij rreth trafikut, duke denoncuar emra të punojësve të policisë dhe personave të tjerë me pushtet.



Gati nisja e procesit

Dosja ndaj Bledar Manes, pritet të mbërrijë mbas disa ditësh ku dhe do të hidhet shorti që do të përcaktojë gjyqtarin që do të gjykojë çështjen. Vendimi i gjyqtarit të çështjes, do të vendosë edhe nëse Mane është fajtor ose jo,për të dy akuzat e ngritura ndaj tij.



Deklaratat
Çfarë bëri publike Bledar Mane

Një njeri që deklaronte se kishte marrë pjesë në trafikimin e njerëzve, ka mbushur para dy muajsh ekranet e disa televizioneve. Bledar Mane, do të deklaronte publikisht se ishte penduar që kishte marrë pjesë në trafikun e qenieve njerëzore. Njëkohësisht ai lëshoi një lumë akuzash, ndaj zyrtarëve të lartë. Sipas tij, ata kishin qenë gjatë gjithë kohës shefat e trafikut dhe kishin marrë pjesën më të mirë të këtij trafiku. Në intervistat që dha Mane nuk përmendi emra të këtyre shefave, por sipas tij bëhej fjalë, për njerëz me peshë në polici e politikë. Ai deklaroi se të njëjtat gjëra bashkë me emrat, i kishte deklaruar para prokurorëve, kur ishte arrestuar kohë më parë, me akuzën e “fallsifikimit të dokumentave”, por këta nuk i kishin marrë parasysh. Mane tha, se nuk ishte marrë me fallsifikim dokumentash, por me trafikim të personave, nga Shqipëria për në vendet e perëndimit. Për të qenë sa më bindës, ai dëshmoi publikisht disa të dhëna rreth këtij trafiku.


Gazeta Panorama




----------------------------



I ziu Bledar... duke degjuar bubullimat e Xhefrit se... Ne..amerikanet i dime kush jan baronet e krimit ne shqiperi..etj etj..mendoi se erdhi dita te luftohet Krimi me rrenje dhe i mjeri guxoi te jap kontribut ne kte lufte duke vene vehten ne rrezik me shprese se ai dhe ato cka di ai do ndihmojne ne shpartallimin e Mafies se Baroneve te krimit..por u gabua..
Baronet qe pijne e hane me Xhefrin dhe kan gur e arrra ne dore.. e moren Bledar ziun e mbullen ne biruce dhe aty ja kendojne mire ka-rabelane..


sa gabohen njerzit..