Rexhep Kastrati per RTK-n

[Brari]

Nga trepca.net

--------

REAGIM LIDHUR ME NJË “SPECIALE” TË RTK-së PËR DEBATIN PUBLIK ME QYTETARËT NË PRIZREN DHE SINDROMIN SERB TË PARAQITJES SË DISFATËS SI FITORE




-----------------------------------------------------------------

28 dhjetor 2003 / TN

ME ADEM, MILAZIM E ASTRIT, RTK-ja JO QË NUK BËHET 100% E KOSOVËS DHE E PAVARUR, POR KA RREZIK QË TË BËHET ZËDHËNËSE E NJË LUFTE TË MUNDSHME QYTETARE QË NË KOSOVË ËSHTË PLANIFIKUAR TË NDODHË QYSH GJATË LUFTËS DHE PAS SAJ

Ashtu siç ishte paralajmëruar, të shtunën rreth orës 12, në Shtëpinë e Kulturës në Prizren, u mbajt një debat ndërmjet një pjese të stafit drejtues të RTK-së dhe qytetarëve të paktë prizrenas, debat që ishte paralajmëruar si debat për punën një vjeçare të këtij mediumi të themeluar nga Dan Evertsi i OSBE-së, e që po mundohet t’i bindë qytetarët se është medium publik. Edhe pse në atë debat, Adem Demaçi, Milazim Krasniqi e Astrit Salihu pësuan debakël, nëpërmjet një “Speciale” që RTK-ja e dha në orët e vona të së shtunës, u provua që ky debakël të kthehej në fitore, duke censuruar thëniet e mia, dhe duke mos i përfshirë me asnjë fjalë debatuesit e tjerë që morën pjesë në atë debat, me çka ky medium, për fat të keq, e riktheu sindromin serb të paraqitjes së humbjes si fitore.

Shkruan: Rexhep KASTRATI

Po çka ndodhi në të vërtetë në Prizren atë mesditë të së shtunës?

Në sallën e madhe të Shtëpisë së Kulturës në Prizren, RTK-ja e hapi fushatën e vet për ta bindur opinionin se është 100% i Kosovës, se është medium publik dhe që nuk varet nga partitë politike. Edhe pse këto sllogane kemi pasur rastin t’i shohim dhe t’i lexojmë që sa kohë qoftë në RTK, qoftë nëpër pllakate të ndryshme të vendosura gjithandej, ardhja e një pjese të stafit drejtues të RTK-së në Prizren dhe ballafaqimi i tyre me qytetarët, ishte e para mundësi për t’ua bërë të qartë se ende nuk ishin 100% të Kosovës, ende nuk ishin medium publik dhe ende nuk ishin të pavarur nga ndikimet politike. Pjesmarrja ime dhe e debatuesve të tjerë në këtë debat mu këtë synoi dhe këtë me fakte.

Pas fjalës së Adem Demaçit si kryetar i bordit drejtues të RTK-së, të Agim Zatriqit si drejtor i përgjithshëm dhe i të tjerëve pas tyre, i dyti nga salla e mora fjalën unë për të dhënë disa nga faktet pse medoja se RTK-ja nuk është 100% i Kosovës, se ende nuk është medium publik dhe për t’i dhënë disa vërejtje rreth skemës programore të shfaqur gjatë vitit të fundit dhe më parë. Inkuadrimi im në këtë debat ishte konstruktiv, pasi që edhe pse isha kritik, nuk kisha për qëllim të denigroja as RTK-në si medium, e as individët që ishin në binë. Natyrisht se as që e kisha ndërmend të bëja një shqyrtim thelbësor të pozitës profesionale dhe jashtëprofesionale të RTK-së, pasi që shqyrtime të tilla do të mund t’i bëja në ndonjë debat që mund të bëhej me njerëz të profesionit, e jo në një debat me qytetarë. Për këtë arsye u ndala vetëm në disa fakte që tashmë ishin të dukshme dhe të pakontestueshme:

- RTK nuk është 100% i Kosovës pasi stafi i saj drejtues ishte emëruar nga një estabilishment ndërkombëtar, e jo nga një estabilishment vendës;
- RTK nuk është 100% i Kosovës pasi që në bordin drejtues nëntë antëarësh të kryesuar nga Adem Demaçi, tre janë ndërkombëtarë, e që për 30-35% këtij mediumi ia heq të qenët i Kosovës.

Këto dy fakte nuk i thashë për t’i fyer zotërinjtë e RTK-së, por për të treguar një realitet se ky medium ishte themeluar nga ndërkombëtarët, të cilët edhe e udhëhoqën punën në këtë medium informativ dhe në fund e krijuan një bord në të cilin një e treta janë ndërkombëtarë, ka zërin dhe ndikimin e vet në politikën redaktuese të RTK-së. Dhe për të qenë 100% i Kosovës, së pari do të duhej që stafi drejtues të zgjidhej nga estabilishmenti vendës (i mundshëm Kuvendi i Kosovës) dhe bordi drejtues i tij të jetë 100% nga Kosova. Pas këtyre, u përqëndrova te programi që po shfaq RTK-ja, përkatësisht te ato pjesë që më interesonin më shumë: te programi informativ dhe te ai kulturo-artistik, pasi që ishin programet më të shikuara dhe më të dëgjuara në një medium audiovizuel, e rrjedhimisht edhe me më ndikim.

Në anën tjetër, nëpërmjet programit informativ kuptohet politika redaktuese e një radiotelevizioni, e rrjedhimisht edhe varësia apo pavarësia politike e tij, kurse nëpërmjet programit kulturo-artistik mund të vërehet se a ka për qëllim ai radiotelevizion ta kulturojë apo ta akulturojë publikun të cilit i drejtohet dhe i referohet. Dhe për të treguar se edhe në këtë drejtim RTK nuk është 100% i Kosovës përmenda edicionin e lajmeve, në të cilin vërehet qartë se ky medium është larg së qeni i pavarur nga partitë politike.

Për të mos i renditur faktet, unë e përmenda vetëm faktin se RTK më shumë i kushton rëndësi vizitës së ndonjë drejtuesi partiak në ndonjë katund apo në ndonjë lagje të Kosovës, se sa aktivitetit të presidentit të Kosovës. Dhe infomata për aktivitetin e presidentit shpesh ndodh që të jepet jo vetëm si lajm i dytë, por edhe si lajm i tretë, i katërt, i pestë, e bile edhe jepet në pjesën e fundit të lajmeve. Në këtë drejtim përmenda vizitën që një drejtues i një partie politike në kishën ortodokse të Deçanit, e cila për RTK-në ishte lajm më i rëndësishëm se aktiviteti i presidentit të Kosovës, si dhe përmenda faktin se për RTK-në është shumë më e rëndësishme shkuarja e kryeminstrit të Kosovës në shtëpinë e tij, se sa aktiviteti i presdentit të Kosovës. Këto nuk i thashë pse më intereson varësia politiko-partiake e RTK-së, por duke u nisur nga vetëdija shtetërore se presidenti i Kosovës është i pari i vendit, dhe është detyrë profesionale që informtatat për aktivetetin e tij apo edhe materialet nga zyra e tij të jepen si lajm i parë, e pastaj i drejtuesve të institucioneve të tjera të Kosovës, etek pas tyre i drejtuesve politiko-partiakë.

Edhe lidhur me disa emsioni debati që po i shfaq RTK-ja, shpreha mendimin se përballë të ftuarve po vendosen gazetarë që jo nuk po dijnë t’i drejtojnë ato debate, por edhe nuk po i kuptojnë as vetë pyetjet që po i bëjnë, duke e dëshmuar këtë edhe me faktin se pyetjet e shkruara shpesh edhe nuk po dijnë t’i lexojnë si duhet. Kurse lidhur me programin kulturo-artistik shpreha pikëpamjen se vetëm më nje “Dialog plus” dhe me një “Kult” nuk mund të mbulohet kultura. Filmat dhe serialet që po shfaqen, në anën tjetër, jo vetëm që nuk bëjnë kulturimin e publikut, por përkundrazi janë duke e akulturuar, pasi në to ka vetëm dhunë, krim, intriga, skena erotike që janë të ndaluar për fëmijët nën moshën 16 vjeç dhe që në shoqeritë postmoderne shfaqen pas orës një të natës, kurse te ne në kohën kur shikueshmëria e televizioneve është më e madhe, dhe sikur për t’i mbetur hatri dikujt se nuk i ka parë në mbrëmje, rishfaqen edhe gjatë ditës.

Në këtë kuptim, unë iu drejtova Milazim Krasniqit si anëtar i bordit të RTK-së dhe si njeri që kohëve të fundit po merret me sociokulturë që të di se a ka ndonjë opinion të tijin lidhur me këta filma, a po e shpreh atë opinion nëse e ka dhe a po ia përfill kush atë opinion. Ishte e kuptueshme se diskutimi im në atë debat do të provokonte bacën Adem, i cili me të parën tha se presidenti i Kosovës nuk po bën asgjë të mirë për Kosovën dhe se po të bënte diçka të mirë për Kosovën do të jepej si lajm i parë, e kështu me radhë, siç ia ka zanat ai për të mos e fshehur fare kundërrugovizmin dhe kundërlëdëkëizmin e tij, duke e demaskuar edhe një herë vetveten, por nuk ma kishte marrë mendja se diskutimi im do ta pickonte edhe Milazim Krasniqin, i cili njihet nga e gjithë dynjaja shqiptare si ishte rritur nën sqetullat e dr. Rugovës.

Dhe çfarë tha Milazim Krasniqi?

Milazim Krasniqi, duke u munduar që të shpifë kundër meje dhe të denigrojë personalitetin tim, e demaskoi veteveten. Rexhep Kastratin e quajti sindrom të njeriut që dëshiron kontroll partiak mbi RTK-në. Dhe stili i të shprehurit, i vërejtur edhe në “Specialen” e stisur sipas qejfit të tij në RTK, e paraqiti Milazimin tamam ashtu siç e kishte mësuar Rrahman Morina në kohën kur e kishte vendosur kryeredaktor të dhunshëm të “Fjalës” në vend të kritikut të shquar, të ndjerit Bajram Krasniqi. Dhe ky Milazim që nëpërmjet vijës partiake dhe për interesa partiake (të Lidhjes Komuniste të Kosovës) ia zuri vendin Bajram Krasniqit në “Fjalë”, merr guximin të shpifë kundër meje për një sindrom që e ka vet e jo unë.

Kur jemi te revista “Fjala” duhet thënë se ka zëra që thonë se pas asaj që Komiteti ia punoi me anë të Milazimit, Bajram Krasniqi u sëmurë dhe vdiq. Edhe pse as nuk dua ta pohoj e as ta mohoj vërtetësinë e këtyre zërave, duhet thënë se Milazimin duhet ta vrasë ndërgjegjia për vdekjen e hershme të Bajram Krasniqit, kritikut, historianit të letërisë, semiologut dhe luftëtarit të paepur për çështjen kombëtare, vepra e të cilit për shumë vite drite e ka bërë më të madh se sa Milazimin. Dhe merr guximin ta quajë Rexhep Kastratin sindrom të njeriut që do varësinë partiake të RTK-së, Milazim Krasniqi, ky njeri që edhe para kishte marrë nga LDK-ja dhe në emër të saj, kurse pas luftës e bën punën e Judë Iskariotit apo edhe të Brutit, edhe emër dhe autoritet, bile edhe identitet politik kishte marrë në emër të dr. Rugovës, në emër të të cilit çonte selam gjithandej Kosovës, në kohën kur, e di mirë vetë Milazim, më mirë se çdo kush tjetër, se Rexhep Kastrati për shumë vite me radhë ka qenë shumë kritik ndaj LDK-së, pikërisht pse mbante brenda vetes njerëz si Milazim Krasniqi që vetëm zhvasnin në emër të saj. Dhe Milazim Krasniqi e di mirë, po ashtu, se Rexhep Kastrati pati kurajon që në kohën kur vetë Milazim Krasniqi vrante e kthjellte, të bënte thirrje publike për Rexhep Qosjen dhe Adem Demaçin që të futeshin në politikë, kurse klasa e atëhershme politike t’i pranonte ata jo si mish të egër, por si njerëz që mund të kontribuojnë.

Por natyrisht Rexhep Kastrati nuk e ka bërë një thirrje të tillë që Qosja e Demaçi t’i bënin ato mbrapshti politike që i bënë më pastaj, por për të kontribuar për ta çuar çështjen kombëtare përpara. Dhe ishin pikërisht mbrapshtitë e Qosjes dhe të Demaçit, krahas mbrapshtive të të tjerëve, përfshirë edhe të vetë Milazimit dhe të disa ikanakëve të tjerë të LDK-së që sot ose militojnë në PDK, AAK, ose fshihen prapa asaj që po quhet në Kosovë “shoqëri civile”, e që në fakt u dëshmua se ishin karvan i lehësve më të mëdhenj të Kosovës, ato që më shtynë të vihem hapur në krah të dr. Rugovës dhe të LDK-së.

Prandaj, Milazimi i Krasniqëve, ka rrejtur me qëllim kur më ka quajtur sindrom të njeriut që do kontroll partiak mbi RTK-në. Dhe rrena, sidomos ajo me qëllim do të duhej nga zyra në të cilën ka punuar Astrit Salihu, nga Zyra e Përkohshme për Media, nëpërmjet të të cilës zyrë Astrit Salihu ka dënuar gazeta vetëm për pikëpamjet e shprehura politike, si dhe nga Prokuroria Komunale e Prishtinës, në përputhje me nenin 64 pika 1 të Ligjit Penal të Kosovës. Por unë as që e kërkoj këtë dhe as që ia kisha këshilluar as Zyrës së Përkohshme për Media, e as Prokurorisë Komunale të Prishtinës, pasi që unë kurrë nuk kam denoncuar dikë në këto zyra. Nuk e kam bërë këtë jo se nuk kam pasur arsye, por për faktin se unë jam kundër çdo ndjekjeje apo dënimi për të shprehurit verbal, edhe nëse ato e cënojnë, e fyejnë dhe provojnë ta nënçmojnë personalitetin tim.

Një ndjekje të tillë nuk do ta dëshiroja as për Astrit Salihun, i cili vetë ka dënuar për shkak të shprehjes verbale, përkatësisht për pikëpamjet politike të shprehura në gazeta të ndryshme të Kosovës, i cili në debatin e organizuar mbajtur në Prizren, Rexhep Kastratin e quajti aktivist partiak, edhe pse do të duhej ta dinte se Rexhep Kastrati kurrë nuk ka milituar nëpër parti politike, se do të duhej ta dinte se kur vetë punonte në “Zëri” Rexhep Kastrati e ka pasur shumë vështirë t’i shprehte pikëpamjet kritike ndaj LDK-së, aktivist të të cilit më quajti mua. Dhe me këtë nuk dua të them se vetë Astrit Salihu nuk ka lejuar që të botoheshin shkrime të tilla në “Zëri”, por dua ta theksoj se vetë punonte në një revistë që nuk lejonte deri vonë-vonë pikëpamje kritike ndaj LDK-së.

Në anën tjetër, duhet të them se nuk kam denoncim në Zyrën e Përkohshme për Media, as në Prokurorinë Komunale në Prishtinë kundër Astrit Salihut, kundër njeriut i cili pas karbonizimit të Shaban Manajt në vitin 2000, të vrarët e këtillë politikë, jo që nuk i quante të vrarë politikë, por as viktima, jo vetëm për arsyet që i thashë më lartë, por edhe për faktin se atij ia kam dhënë menjëherë atë që e ka merituar. Dhe as Astriti vetë nuk besoj se e ka harruar mënyrën time të të dhënurit njerëzve atë që e meritojnë, ashtu siç besoj se nuk ka harruar as Milazimi këtë gjë, pasi ka pasur rastin vetë ta provojë në kurriz të vetin. Dhe edhe kjo që thashë deri më tash është një mënyrë, nga mënyrat e shumta për t’ua dhënë këtyre dy njerëzve, që bashkë me Adem Demaçin, i cili hapur e shfaqi dispinimin kundërrugovë dhe anësinë e tij politiko-partiake si kryetar i Boridit drejtues të RTK-së, e kanë uzurpuar RTK-në dhe po duan që nëpërmjet të tij të bëjnë atë që nuk kanë mundur ta bëjnë as para luftës, as gjatë luftës dhe as pas saj, me mjete politike dhe të tjera: ta rrënojnë politikisht dr. Ibrahim Rugovën, e bashkë me të edhe LDK-në.

E Rexhep Kastrati është pikërisht kundër këtij uzurpimi dhe kundër këtij keqpërdorimi që po i është bërë dhe po i bëhet RTK-së. Pra Rexhep Kastrati, edhe në debatin e së shtunës, kur Demaçi, Milazimi e Astriti pësuan disfatë politike, morale e profesionale, u angazhua që RTK-ja të lirohej nga varësia politiko-partiake, e jo që ajo të vihetnë varësi të tillë. Adem Demaçi, Milazim Krasniqi, Astrit salihu dhe gjithë të tjetër mund të vazhdojnë të shpifin në një mënyrë ose në një tjetër kundër Rexhep Kastratit, se Rexhepi nuk e ka ndërmend të lodhet fort, por një gjë duhet të jetë e qartë: me Adem, Milazim e Astrit, RTK-ja jo vetëm që nuk bëhet 100% i Kosovës, medium publik dhe i pavarur nga partitë politike, por një ditë ka rrezik që do të mund të bëhet edhe zëdhënëse e një lufte të mundshme qytetare që në Kosovë është planifikuar të ndodhë qysh gjatë luftës dhe pas saj.

------trepca.net----

[Llapi]

hahahahahahahahaha
prralla te rexhep kastratit ma !!!!!!

[Llapi]

RTK 04/12/2003 20:06:21

RTK gëzon besueshmërinë dhe shikueshmërinë më të lartë RTK

Televizioni i Kosovës vazhdon të ketë besueshmërinë dhe shikueshmërinë më të lartë në Kosovë. Televizioni i Kosovës përballë dy televizioneve tjera nacionale komerciale Koha Vizion dhe Radiotelevizionit 21, udhëheq me shikueshmëri gjatë javës dhe me emisione që transmetohen në kohë të ndryshme. Edicioni qwndror i lajmeve në Televizionin e Kosovës në fakt e pushton shikueshmërinë në të dy televizionet e tjera dhe ka një shikueshmëri pakrahasimisht më të lartë se edicionet e lajmeve në Koha Vizion dhe në Radiotelevizionin 21. Këto të dhëna janë bërë të ditura nga IREX, pas një hulumtimi të zhvilluar në javën e fundit të tetorit, nga një kompani britaneze e udhëhequr nga Helen Harrison.


Televizioni i Kosovës ka shikueshmërinë më të lartë edhe me programin e mëngjesit. Ky hulumtim ka renditur edhe shikueshmërinë e emisioneve brenda për brenda tri televizioneve nacionale. Shkallën më të lartë të shikueshmërisë në Televizionin e Kosovës e kanë lajmet, pastaj renditen programet muzikore dhe filmat, në Radiotelevizionin 21, serialet dhe muzika, ndërkaq në Koha Vizion shkallën më të lartë të shikueshmërisë e kanë programetë sportive.

[Llapi]

Adem Demaçi



Përgjigje shikuesve të RTK-së






Ideja e kontaktit me shikuesit e RTK-së po shihet se është me vend, mirëpo po shihet qartë se duhet kohë e madhe për t’u dhënë të gjithëve përgjigjen e dëshiruar dhe të merituar.
Nga këto qindra e qindra pyetje që më janë drejtuar unë jam mahnitur për të mirë dhe prandaj këtë praktikë gjithsesi do ta vazhdojmë. Besoj se, shumë shpejt do të vijë koha që të mund t’u përgjigjem të gjithëve sepse pyetjet kanë të bëjnë me fatin e Kosovës dhe të qytetarëve të Kosovës. Kësaj here, për mungesë të kohës do të përgjigjem vetëm në disa nga pyetjet që kanë të bëjnë me punën dhe veprimtarinë e RTK-së si dhe disa çështje që kanë të bëjnë me të sotmen dhe të ardhmen e Kosovës.
Mirëpo, meqë të gjithëve që më keni shkruar, që më keni provokuar dhe që me keni sharë, pra, meqë të gjithëve pa përjashtim ju dua shumë, në mua shfaqet dëshira që të ju zbavis paksa. Në mesin e atyre qindra e qindra pyetjeve e shumë lëvdatave e komplimenteve që më drejtohen janë edhe disa pyetje të kulturuara në stilin “a je normal?” Dhe, të them të vërtetën, nuk jam normal. Sepse njerëzit normalë nuk i duan ata që i shajnë, i përbuzin, i përqeshin dhe i shpifin. E, unë, që nuk jam normal i dua që të gjithë. Njerëzit normalë jetojnë në strese, në halle, në brenga, në frikë, në mosbesim ndaj të tjerëve, në përpjekje të lodhshme e të vazhdueshme që të fshihen prapa pamjes së tyre të jashtme. Unë jo. Njerëzit normalë i vlerësojnë njerëzit tjerë jo për atë se ç’janë, por për atë se ç’kanë. Unë jo. Njerëzit normalë bëjnë çfarë bën shumica sepse nuk kanë guxim dhe nuk duan që të dalin nga norma që e përcakton shumica me shumësinë e vet. Unë jo. Njerëzit vishen si vishen shumica, i nënshtrohen modës. Unë jo. Njerëzit normal shikojnë interesin e vet dhe të familjes së vet, kurse për interesin e përgjithshëm çajnë kokën më pak. Unë jo. Interesin e përgjithshëm gjithëherë e vura mbi e para interesit personal e familjar. Prandaj unë isha dhe mbeta jonormal. Kur të vijë koha dhe, ajo do të vijë patjetër, që shumica ta vërë interesin e përgjithshëm mbi e para interesit personal, atëherë Kosova do të jetë e lirë. Atëherë, mua dhe pakicës si mua që jemi sot, nuk do të na thonë jonormalë, por asaj pakicës vehtijake(që sot ende është shumicë) do t’i thonë jonormale. Atëherë shumica atdhetare do të vendosë normën e normales. Këtë synim sot ka RTK-ja. Kemi shumë të meta, kemi shumë lëshime, por ne do të përmirësoshemi. Unë jam i bindur që duhet të përpiqemi që t’i bindim shumicën e qytetarëve tanë se interesi i përgjithshëm i Kosovës ëahtë më i rëndësishëm se sa interesi i individëve, se sa interesi i partive, se sa i disa grupeve e klaneve. Këtë të vërtetë njerëzit po e kuptojnë përditë e më shumë. Kjo shihet edhe nga pyetjet tuaja të shumta. Prandaj, edhepse e di fare mirë se në ç’krizë të thellë ekonomike është Kosova, RTK-në duhet ta përkrahim. Sepse në këtë mënyrë përkrahim veten tonë dhe procesin e pandalshëm drejt lirisë së plotë dhe shtetit të pavarur të Kosovës.
Kosova është në vlim sepse njerëzit e saj kërkojnë rrugëdalje. Dhe, kur njerëzit kërkojnë rrugëdalje me këmbëngulje, rrugëdalja gjendet. Njerëzit po u kthehen përditë e më shumë vlerave të veta të vërteta sepse atyre që shtyheshin për kolltuqe po u del boja. Vetëdija e ngritur ka për të sjellur organizimin e lartë dhe organizimi i lartë ka për të sjellur energjinë e nevojshme e cila ka për të vënë në lëvizje shumicën dërmuese të qytetarëve të Kosovës të cilët do të arrijnë lirinë e plotë për të gjithë. Populli i organizuar do t’ua bëjë të qartë të gjithëve në botë se është pjekur tashmë për të qeverisur veten në një shtet modern dhe demokratik.
Politika është shprehje e koncentruar e ekonomikës, prandaj me vendosjen e politikës së drejtë e të vërtetë do të mëkëmbim edhe ekonominë e vertetë e të shëndoshë.
Njerëzit tanë pyesin me “po ose jo”, “para 2005-tës apo pas këtij afati?” Ende janë shumicë ata normalët që kanë dëshirë që dikush tjetër t’ua sjellë lirinë dhe shtetin e Kosovës. Ende janë shumicë ata, ndonëse edhe për pak kohë, që mendojnë se 90% të fatit tonë varet nga faktorët e jashtëm. E, është e kundërta. Liria nuk falet sepse ajo është aq e kushtueshme sa që nuk ka çmim. Dhe, vetëm liria nuk ka çmim. Tre euro e gjysëm janë shumë për të varfërit, por pa lirinë as milionat nuk vlenin gjë. Këtë e pamë. Shumë të freskëta i kemi plagët. Sot në Kosovë, vetëm për duhan shpenzohen 50.oooooo euro. Për duhanxhinjtë kjo është normale, por për ata që gjakojnë lirinë e shtetin e pavarur të Kosovës nuk është aspak normale. Njëri nga ju të dashurit e mi pyet: “ A mund të ndodhë që të na kthehen ushtarët e policët serbë?” Duhet ta dini copë se në Serbi po bëhen gati të vijnë përsëri në pushtet çetnikët dhe neofashistët. Në Rambuje e Paris, katër shqiptarë të mjerë, duke nënshkruar (Mos)marëveshjen e Rambuje-Parisit, kryengritjen e lavdishme çlirimtare të udhëhequr nga trimat e UÇK–së e shpallën për konflikt të brendshëm qytetar në Jugosllavi. Duke nënshkruar e miratuar nenin për sovranitetin e integritetin e Jugosllavisë mbi Kosovën pranuan Serbinë si shtetin e vet. Nga këto të vërteta sot normalët po frikohen prandaj edhe po bëjnë çmos që t’i fshehin. Prandaj edhe po i thërrasin jallanxhi shahitët nga Parisi që në Kosovë t’i quajnë të çmendur ( demek jonormalë) ata që ishin kundër shkuarjes në Rambuje. Rezoluta 1244 e KS të OKB ishte pjellë e (Mos)marrëveshjes së Rambuje-Parisit. Edhe në Rezolutë është neni që bën fjalë për sovranitetin dhe integritetin e Jugosllavisë mbi Kosovën. Edhe në Rezolutë është neni që parasheh kthyerjen e forcave ushtarake e policore serbe midis kufirit Kosovë Shqipëri dhe Kosovë Maqedoni. Këto fakte normalët i kanë fshehur para normalëve. Vetëm ne jonormalët kemi folur kur ka qenë koha për këto fakte dhe, po flasim edhe sot. Prandaj para syve të normalëve ne jemi jonormalë. Normalët ishin ata që në Rambuje-Paris nënshkruan sovranitetin e Jugosllavisë mbi Kosovën dhe, po të njëjtit erdhën këtu, në Kosovë dhe filluan të flisnin për lirinë dhe shtetin e pavarur të Kosovës. Dhe, normalët as nuk u lodhën që të verifikonin faktet, por memzi pritën që t’u besonin këtyre mashtrimeve. Mirëpo dielli nuk fshihet me shoshë dhe as minarja nuk futet dot në thes. Tani kur sharra ra në gozhdë, normalët mundohen me zhurëm e poterë që të fajsojnë z. Holker që punon pa u lodhur për sendertimin e Rezolutës 1244 të KS të OKB. Tani normalët mundohen që t’i kthejnë prapa të drejtat e rezervuara që, me Kornizën Kushtetuese të Kosovës, vetë ia dhanë të Dërguarit Special të KS të OKB. Por kjo punë nuk shkon. Saherë që normalët mundohen të prejnë saksinë në të cillën vetë u futën, madje edhe u turrën, sharra u hasë në gozhdë. Tani qytetarët e Kosovës me të madhe kanë filluar që të bëhen jonormalë. Madje për këtë nuk turpërohen fare. Kërkojnë liri të plotë dhe shtetin e pavarur të Kosovës. Normalët-mashtruesë, pas asaj fazës atje tjetër nënshkruaj, kurse këtu tjetër fol e tjetër puno, kanë ra në krizë të thellë. Numri i jonormalëve që po kërkojnë liri të plotë e shtet të pavarur po shtohet me të shpejtë, kurse numri i normalëve që po koten nëpër kolltuqe po zvoglohet. “Standardet” po ua shkundullojnë kolltuqet. Kosova po zgjohet nga hipnoza politike dhe nga qyqarllëku i vetmashtrimit.
Para disa ditësh në Vjenë ka shkuar i tërë kreu politik i Kosovës që atje të trajnohet për bisedime me Beogradin. Vallë, a do të trajnohen apo do të tranohen atje liderët normalë të popullit ende në shumicë normalë të Kosovës?
Tani, krejt në fund, të tallem edhe unë pak me ju, a doni të mbeteni normalë në joliri, apo doni të bëheni jonormalë në liri? Prej jush varet. Zgjidhni!

[Brari]

Adem Demaci eshte mashtrues i madh.
Ai mir e di se pse delegacioni shqiptar ne Rambuje firmosi Letrat qe ja dha Euro-Amerika..
Populli Kosoves ishte perzen nga Trojet..
Cdo shpije fshati e qyteti po i dilte tymi..
Ushtria Serbe po masakronte femije gra e burra..
Po ZHDUKEJ RRACA SHQIPTARE..dhe kjo ngjarje eshte e re e jo para 500 vjetesh qe Demaci kujton se mashtron dike..
Ne kto kushte te renda e vetmja alternative mbeti per Shqiptaret te firmosnin Letrat e Ollbrajtit qe ollbrajti te kishte shancin te inicionte Nderhyrjen ushtarake te Natos..

UCK e Adem Thaq Qose Demacit ishte shpartalluar dhe kte e dinte cdo kush ne Kosove.
E vetmja drit Shpetimi ishte NATO.
E vetmja pun qe u kish ngel Shqiptareve te benin ish pikerisht Nenshkrimi i rambujese..

Qe ademi nuk nenshkroi nuk e ben ate Hero por nje dhelper dhjeramane qe ju shmang pergjegjsise..

Ai diti mire ti mesoj LIM-Thaqat se si behet Lufta kunder LDK gjat kohes se Masakrave Serbe..por ai dhe drejtoria e Qose Thaqve..nuk diten se si behet lufta kunder SHKAUT..

Adem Demaci kurre ska rrezikuar per popull. Ai eshte megalloman psikopat qe i pi gjakun simpatizantave te tije me privilegjet e panumerta qe u kerkon..
Enveristet Kosovare kan 20 vjet qe e mbajn me Deviza kte kopuk duke ja ndertuar nje Vile luksoze ne mes te Prishtines e ku nga aty ai drejtone kto vite aksionet destruktive ne dem te Kosoves si dhe perpilon Listat se kush duhet likujduar fizikisht.

Adem Demaci eshte i pabese.. Ai tradhetoi mareveshjen e OSLOS dhe sot saboton cdo dite punen per pamvaresine e Kosoves..

[Llapi]

Brari po kur ore i gjor do te afrohesh vetem per nji milimeter prej njerzve ore burr se sot per sot shum larg nga tyre je.


Ja se qfar thua:

Brari
*UCK e Adem Thaq Qose Demacit ishte shpartalluar dhe kte e dinte cdo kush ne Kosove.
E vetmja drit Shpetimi ishte NATO.*



Po pse po rren po a ma mier e di une qe kam qen ne malet e kosoves deri kur kan hy trupat e KFORIT a ti ???!!!
po qfar shpartallimi i UÇK-se ore shqipfoles?!



Brari
*Adem Demaci kurre ska rrezikuar per popull.*



Hahaha jo te nan tereza ka pas nejt 28 vite o Zot ku ke jetue e ku jeton ore brari?



Brari
*Enveristet Kosovare kan 20 vjet qe e mbajn me Deviza kte kopuk duke ja ndertuar nje Vile luksoze ne mes te Prishtines e ku nga aty ai drejtone kto vite aksionet destruktive ne dem te Kosoves si dhe perpilon Listat se kush duhet likujduar fizikisht.*


Prap rren e kullueme!



Brari
*Adem Demaci eshte i pabese.. Ai tradhetoi mareveshjen e OSLOS dhe sot saboton cdo dite punen per pamvaresine e Kosoves.. *


O per bes te shqiptarit e te zotit nuk ka shqiptar qe kam ndegjue gjith ket urrejtje ndaj ati qe me se shumti sakrifikoi per popullin e vet si ket brarin.
Po mier e ke se kur baca Adem e hapi zyren e UÇK-se ne mes te Prishtines ai dosti i yt rrrugovna i puthke popat e rusis e serbis ne beligrad dhe per ata edhe gjith ket shpifje e urrejtje ndaj Baces Adem o lum shpija e shqiptarija qe te ka.

[DriniM]

Hihihihihi , o Brari !

Adem Demaçi e Rexhep Qosja kanë fituar moral dhe etikë sërbe . Gjuha Shqipe iu ka mbetur si Gjuhë e Dytë më .
ASL - Albanian as Segond Langueg .

Këta edhe humbjet i konsiderojnë fitore ,e si të tilla edhe i festojnë .
I pari - Ademi ,pasi ka ndejtur gjatë me ta ( sërbët , më shum se me Shqiptarë ) i është atrofuar truri - prandaj i quan sërbët vëllezër dhe propozoi motrën e vetë rada trajkoviç për kryetare të Kosovës.
E i dyti ( Qosja ) puna e dhuratës sërbe '' 4 juli ''( festë vetëm sërbe ,se jo ish jugosllave) ,titullit Akademik, banesës midis Prishtine , dhe sështë çudi mund të ketë diku ndonjë damar të përzier me malazezët kaçak të Bjeshkëve .

Mos ishin të tillë ( menatlisht pro-sërbë ) , Ademi nuk mund të rinte me zyrë si zëdhënës i UÇK-së midis Prishtine pa ia trazuar kush tymin e duhanit ( arakni, shesheli e slloba ) ,derisa që gjëja sërbia luftonte partizanët e Ademit ,kodrave e mrizave .
Tjetri ( Rexhepi ) nuk do kërkoheshte me megafon në atë masë popullore në Bllacë ( tmerin -golgotën Shqiptare ) me megafon nga polica maqedonase ,për ta dërguar në forik /çerdhe në Tiranë që të ngrohën vezët e milladinit ,mugoshës,tempos e tjerë , për të nxjerë zogj tjerë proletarë për vazhdimësinë vëllazërore .

Gojtë e këqia thonë se Rexhep Qoses , maqedonët ia paskan bërë testin e ADN-së ,për tu vëretuar se vërtet është Rexhep Qosja ,ajo krijesë para syve të tyre ( se nga tjetërsimi që kishte bërë Qosja - grimimi,dimitë ,përjargëja ,qyravja nuk e kishin besuar që ai është Rexhep Qosja i vërtetë- ai ,, trimi '' i Vuthajve !!!! ) .

Nuk jam i mendimit me ty Brari ,se u shpartallua UÇK-ja plotësisht nga sërbët .
U shaktruan ,shpartalluan,vranë dhe demobilizuan ,ata që vërtet luftuan për Kosovë pa hile dhe ate jo nga sërbija por nga......
(pra veglat sërbe - të vetshapllurit fitimtarë ).
Në marëveshje me ...... ( kuptohet me kënd ) ,sërbët lanë aq forca të UÇK-së ( veglat e tyre qore ) kodrave e mrizave të Kosovës , sa për me marë mandatën mbi pronat shoqërore shtetërore e private sërbe ,që ishte një veprim me mend nga sërbët :- një udhë e dy punë .
a. që veglat e tyre - demaçiste ,hashimishte, rexhepiste, xhavitiste, të kapen për sërmaje -pasurie, që Kosova të bëhet një torishte - '' lesh e li '' si i thonë fjalës , dhe
b. që pronat shtetërore e private sërbe ,kush do i ruante më mirë se qentë besnik të tyre - veglave qore si Ekrem Lluka e të tjerë ( kjo vërtetohet me ate se pa ndalë në pikën kuftiare të Merdares , e në Kullë Lartë i sheh pasanikët e rij të Kosovës të pasluftës , duke ua dërguar përqindjen e fitimit sërbëve andej nga shumadia ,beogradi e podgorica .
Bile ai ma ,, trimi '' i këtyre të vetëshpallurve ,para do kohe shkoi edhe të shkruan kontratën e re personalisht me coviçin, bulatoviçin e të tjerët , vetë në Brione ( si ka thënë Rilindasi i jonë Çajup '' paraja të bën të ......... '') .
Se thjesht përse nuk vriten sërbët e Mitrovicës, Graçanicës, Brezovicës, e enklavave tjera sërbe ,por vriten Prof. Imer Imeri , gazetari Besim Kastarati , truproja Besim Dujaku,deputeti Ismail hajdaraj , Kol. Tahir Zemaj me djal e nip , komandant,e kryetar komune Ukë Bytyçi ,oficere Sabahate Tolaj e të tjerë e të tjerë .

Pra nuk është shkatruar UÇK-ja o lum Brari,është fjala për ate UÇk-në me rrënjë nga tre gishtat e Vlorës - '' revolucionit të vonuar demokratik '' Qosjan ,e që don me formuar kombin e ri Qosovar me ndihmën e veglave të veta qore SHPK-ë e TMK-ë .

Se ajo UÇK-ja e vërtetë ,që shpartolloi kufirin ndërshqiptar ,që iu dha leksione sërbëve në Glloxhan, Llukë e vende të tjera në Kosovë ( në Rafshanaltën e Dukagjinit ) ,se si luftojnë Shqiptarët për Atdhe ,u vranë e po vriten përditë një e nga një.

Nëse përkrahim tezat e këtyre të vetëshpallurve ,se ata ushtarë e oficerë të UÇK-së institucionale ,po i vret sërbia e shërbimet e fshehta e jo këta vetë ( të vetëshapllurit e Qoses ,Ademit, Hashimit ,Xhavitit e lukunija e tyre ) .
Atëherë vimë në përfundim se :-
vërtet të vetëshapllurit qoso-adem-hashim-xhavitat me partizanët e tyre ,nuk paskan qenur e nuk janë kërkushat për forcat sërbe .
Çka do me thënë kjo :-
a.Këta forca kanë qenur të dobëta për sërbët ??!!!
b. Këta forca kanë qenur kërkushat për sërbët ???!!!
c. Këta forca kanë luajtur rolin e miut me forcat ( macën ) sërbe ??!!!
ç. apo kanë qenur kukulla të telekomanduara nga diku për interesa të caktuara ??!!!!
A nuk e nëvleftësojnë vetën këta me këta fjalë budallaqe ??!!!

Kështu që duan apo nuk duan të vetëshapllurit adem-qoso-hashim-xhavitat, Kol. Ahmet Krasniqi, Kol. Tahir Zemaj ,Koman. Ismail Hadaraj, koman. Ukë Bytyçi ,koman. '' Drini '' ( forcat ushatrake institucionale pra ) e të tjerë të vrarë gjatë e mbas lufte mbesin në piedestalin Atdhetar e Kombëtar nga veprat e tyre por edhe për fain - demagogjinë e vetë, të vetëshapllurve ( këlyshëve të dullës si vazhdimësi -bisht qeni ) .


Hehehehe !
Sikur të kish fituar postin e kryetarit të Kosovës motra e Adem Demaçit , rada trajkoviçka sipas qejfit të Ademit ( çfar iluzioni i Demaçist '' ballkania '' ) .
Adem demaçi e kish të sigurtë postin e Kryemistrit apo të kryetarit të Kuvendit të Kosovës e Rexh Qosja ministër i punëve të pa mvarme ( hehehehee ) .

P.S.

Rexhep Kastarti është gazetari i cili u bombardua familjarisht ( iu gjuajt bomba mrenda në shtëpi nga dritarja ,në Prizren ) ,shkaku i kritikave të tij për shkrimet në kombëtaren '' Bota Sotë '' atë kohë ,se kritikonte linjën poltike të '' Kretës- beogradit,Tiranës '' për krimet poltike e ekonomike që bëheshin në Kosovë .
A është pra zor ,për të ardhur në përfundim se kush ka dashur me e zhdukur familjarisht këtë gazetar të cilësuar Kombëtar.
I cili e ndali participimin me shkrime në gazetën '' Bota Sot '' në shenjë proteste ndaj botuesit Mazreku ,shkaku i vrasjes së Gazetarit të Ri Drenicak Bekim Kastarti - ndjesë pastë .


Njëkohësisht të gjithë motrave e vëllezërve Shqiptar iu Uroj Vitin e Ri 2004 ,paçi Fat, Lumturi e Plotësim Dëshirash në këtë vit të Ri ,kudo nga jeni .

[Llapi]

IREX: Për shikueshmëri ende prin Televizioni i Kosovës


Prishtinë, 4 mars (Kosovapress) Time: 13 : 22

Bordi Ndërkombëtar për Hulumtime dhe Shkëmbime, IREX të enjtën, ka publikuar rezultatet e hulumtimit më të ri të shikueshmërisë së tri televizioneve në Kosovë, prej periudhës kohore mars 2003 deri në janar 2004. Sipas këtij hulumtimi, edhe më tutje prin Televizioni i Kososvës, me 34.5 për qind të shikueshmërisë, TV21 me 26.4 për qind, KTV me 22.5 për qind dhe TV –të tjera në satellite, 16.6 për qind.

[Megi1]

RTK dhe TOP SHOP – ollamaz!

Nga Migjen Kelmendi



Po bahen 6 vjet qe kam dhanë dorëheqje në RTK, me përgjegjësinë qytetare për ta alarmue opinionin se krejt projekti për nji servis publik, që asokohe u quejt Radio Televizioni i Kosovës – asht i nisun mbrapsht!

Sot, 6 vjet ma vonë, çka përfitoi shoqnia kosovare nga kjo dhuratë europiane?

Nji drejtor të korruptuem e të diskredituem si menaxher, si qytetar, si profesionist, i cili ka me u mbajt mend me SMSat e tij dërgue në telefonat e Ramush Haradinajt ku ai ofrohet, përgojon, shtinë dhe sillet si nji çikë e keqe shtise e klasës fillore tue folë për kolegë dhe njerëz publik (“…ky ta ka inati…ky ka folë kështu për ty…kur po na vjen në RTK…”). Këta SMSa të Zatriqit ka një kohë të gjatë që janë pjesë e muhabeteve tallëse e zhvleftësuese për këtë drejtor. Ka me u mbajt në mend mahia e tij me vetveten: une u tutsha mos po më vrasin, e këta më banë drejtor.



Andaj, nuk asht çashtja a duhet a jo me pague kontributin qytetar prej 3.5 eurove për këtë medium, por asht çashtje sot e 6 vjet: a e përmbush misionin e vet ky medium si servis publik dhe a i shërben interesave qytetare të shoqnisë kosovare?

Ai kontribut qytetar prej 3.5 eurosh i dedikohet servisit publik në mënyrë që ky servis t’i përmbushi nevojat e shtueme kulturore e edukuese të publikut që zakonisht televizionet komerciale i evitojnë, si debatet për çashtje të përbashkëta, artet ma pak të popullarizueme, muzikat ma pak të pëlqyeme se tallava, dokumentarët ma pak të shikuem se sporti në TV, etj. Prandaj paguhet kontributi qytetar që servisi publik, dmth RTK, të mos ketë nevojë me u komercializue e me e pasë Top Shop dhe agjensinë Eurokoha partnerët ma të afërt.

RTK dhe TOP SHOP – ollamaz, nuk shkojnë, si thotë kjo fjalë turke.

TOP SHOP dhe ato reklamat e saj për kozmodiska, për do depilatorë që ta heqin “nji qime këtu…e nji qime qatje”, kompromitojnë drastikisht krejt misionin e këtij televizioni publik. Top Shop dëshmon se Radio Televizioni i Kosovës ka dështue si servis publik. Dhe kjo asht çashtja, e jo 3.5 euro.

Top Shop asht argumenti që demaskon këtë televizion publik si - publik.





“ZYRA” E KRYEMINISTRIT THAÇI NË RTK





Çka fitoi shoqnia kosovare nga RTK për këto 6 vjet?

A mundemi me thanë se ky medium ishte servis i qytetarëve?

Edhe zogjtë e dijnë sot se RTK asht një servis në shërbim të Hashim Thaçit dhe të Ramush Haradinajt e jo të qytetarëve. Ky televizion nuk ishte survejuesi i Qeverisë po Servisi i Qeverisë. Këta dy politikanë kanë mundësi në çdo kohë të marrin hapsinë në këtë medium si në “bashqe t’babës” si thonë punëtorët e RTK.

Aq shumë asht kompromitue ky medium “i pavarur”, si shkruen në slloganet e tij, me Hashim Thaçin dhe PDK sa kryeministri kur kishte vendosë me iu drejtue qytetarëve mbas 100 ditëve pune të qeverisë, i kishte zhvendosë mobiljet e zyres së vet nga kryeministria në hapsinat e RTK, e kishin mizanskenue me njerëzit e RTK dhe Agim Zatriqin si regjisor i këtij mashtrimi, “zyren e kryeministrit” në RTK, për nji arsye: që kryeministri me lexue nga prompteri i kamerës e të mos duket se nuk mban mend fjalimin(sic!). A po doni ndonji argument ma të madh se kujt i shërben RTK sot.

Kryeministri i Kosovës e ka RTK si ndonji studio të veten me të cilën e mashtron publikun kosovar dhe – vazhdon me të kqyr në sy, si thuhet.

Apo e paguen Hashim Thaçi RTK apo na qytetarët e Kosovës?





Risku i Gjedhit!





Po njisoj si drejtori Zatriqi, sepse peshku kutërbon nga kryet, janë kompromitue nji pjesë e madhe e punëtorëve të këtij mediumi, si ta nxamë redaktori përgjegjës Sylejman Shaqiri i cili publikisht deklaron se sot po ndihet mirë se askush nga zëdhënësit e ministrive ose të kryeministrit Thaçi nuk e kishte thirrë me telefon për me i kërkue ekip dhe hapsinë në Lajmet e orës 19:30. E thotë këte redaktori i RTK dhe vazhdon me jetu me bindjen se asht – redaktor!

Për fat, në RTK ka edhe njerëz që i japin kuptim profesionit edhe të gazetarit edhe të redaktorit edhe të kamermanit edhe të editorit edhe të regjisorit. Nuk due me përgjithësue këtë kompromitim e fijasko profesionale e morale të RTK, por vetëm sa me e nxitë nji debat në shoqni se nuk asht çashtja e 3.5 eurove, po e misionit publik e qytetar të këtij institucioni RTK.

Edhe ato pak gjana të mira që i ka RTK, si Familja Moderne, asht kompromitue me nji komercializëm që e ka kaplue këtë shtëpi publike sa e ka degjenerue idenë iniciale të këtij seriali. Sot asht shumë kredibile pyetja: a po bahen këto seri sa me pasë mundësi me e plasue “Riskun e Gjedhit”(ku e gjetën këte emën, a dmth kjo - “gullash”?) apo ambicia me u ba pasqyre e nji familje kosovare ku reflektohet shoqnia jonë. Kjo pornografi e komercialzimit që e ka kaplue këtë shtëpi po them nuk asht ma çashtje e shijes së mirë, po e auditorëve.

Kjo ka kalue çdo kufi. Dhe po shihet prej avioni se kjo s’asht ma vetëm komercializëm, po grabitje….”merr e ik se edhe ashtu s’o ka dihet çka o ka bohet?!!!”

Po them, RTK s’asht ma çashtje e shijes së mirë, e 3.5 eurove, po e nji debati shoqnor, dhe – auditorëve.