Humor me politikanet Shqiptare !

[glaukus 001]

Nano në MPJ: Ndikoni në ndreqjen e imazhit të Shqipërisë

Shekulli 16/04/2004

Kryeministri Fatos Nano kërkoi nga drejtuesit e Ministrisë së Jashtme të ndikojnë në ndreqjen e imazhit të vendit në botë duke u prezantuar denjësisht nëpërmjet retorikës diplomatike të zhdërvjellët dhe agresive, dhe lënien mënjanë një herë e mirë të retorikave të zbrazëta dhe pa bereqet për politikën e jashtme të vendit.
Gjatë analizës së punës tremujore në këtë institucion të zhvilluar dje, kreu i qeverisë vërejti se stafi drejtues i ministrisë, duhet të punonte në angazhimin e resurseve dhe kapaciteteve njerëzore me qëllim tërheqjen e kontigjentit të të rinjve që kanë studiuar jashtë vendit, të cilët dëshirojnë të aktivizohen në strukturat e diplomacisë shqiptare. Sipas tij duke rritur e përforcuar efikasitetin e shërbimit me jashtë, Ministria e Jashtme duhet të shndërrohet në një model edhe për institucionet e tjera të linjës.

Para 10 ditesh tek Koha Jone:

Lesi: Kam dokumentin sekret te Athines, 06/04/2004

Kryetari i Partise Demokristiane dhe botuesi i njohur, Nikolle Lesi deklaroi ne seancen e djeshme parlamentare se ka zbuluar dhe eshte ne zoterim te nje dokumenti sekret, i cili, sipas tij, implikon plotesisht qeverine greke per shtyrjen e njepasnjeshme te miratimit ne Kuvend, te projektrezolutes per ceshtjen came. Deputeti i opozites, Lesi theksoi se kete dokument, zv/ministri i Puneve te Jashtme, Luan Hajdaraga ia ka drejtuar Kryeministrit, Fatos Nano dhe Presidentit te Republikes, Alfred Moisiu. "Diplomacia e Greqise ka bere presion, se nese rezoluta per ceshtjen came kalon ne Kuvend, emigrantet shqiptare ne Greqi do te riatdhesohen te gjithe dhe marredheniet mes dy vendeve do te ngrijne", u shpreh dje Lesi, duke kembengulur ne vertetesine e ketij dokumenti sekret. Botuesi i njohur premtoi se do ta beje publik shume shpejt dokumentin ne fjale dhe pikerisht "kur te nxehet loja".

Perseri me rrezimin e turpshem te Rezolutes:

PS tërhiqet nga rezoluta çame Shekulli, 07/04/2004
Nano: “Miratojeni po të doni dhe pastaj shkoni prisni emigrantët në kufi”

“Miratojeni këtë rezolutë dhe pastaj shkoni dhe pritini ju refugjatët në kufi”, -mësohet të jetë shprehur Nano para deputetëve. Madje ky ka qenë edhe “kërcënimi” që i është bërë palës shqiptare, sipas vetë kryeministrit Nano, thanë burime nga mbledhja e grupit parlamentar socialist. Në fakt, burimet zyrtare bënë fjalë se tërheqja e rezolutës është e ndikuar nga pala greke, e cila e konsideron miratimin e kësaj rezolute një akt jo miqësor nga ana e vendit tonë.

Rezoluta është diskutuar gjatë gjithë këtyre kohëve të fundit në komisionin e Politikës së Jashtme, ku u arrit edhe një konsensus midis të gjithë përfaqësuesve të partive politike. Ndërsa në mënyrë të papritur shumica parlamentare e ka tërhequr atë gjatë diskutimit në seancë javën e shkuar duke e shtyrë për në seancën e nesërme.

Ja edhe fjalet e nje "DIPLOMATI" te regjur socialist:

Sekretari i përgjithshëm i PS-së tha dje se Parlamenti e mori një vendim për projektrezolutën për çamët
Ruçi: Çështja çame është e mbyllur
Shekulli, 14/04/2004

TIRANË – Parlamenti i ka dhënë përgjigje çështjes çame. Kështu është shprehur dje, kryetari i grupit parlamentar socialist Gramoz Ruçi, pas mbledhjes së grupit, i pyetur nëse do të risillet në diskutimet e Kuvendit çështja për pronat çame, pas rrëzimit të rezolutës së përgatitur për këtë problem.
“Parlamenti i dha një përgjigje dhe një verdikt. Dhe të gjithë duhet të mësohemi që verdiktet që i japin institucionet kushtetuese janë të padiskutueshme nga askush”, -u shpreh sekretari i përgjithshëm i PS-së. Në këtë këndvështrim, tha ai më tej, nuk ka asnjë instrument të ri për këtë problem që unë të bëj komentet apo të jap qëndrimet e mia politike.
Para një jave Parlamenti rrëzoi rezolutën e përgatitur pikërisht për problemin e pronave çame, por në përgjithësi për çështjen çame. Mirëpo kjo gjë u kundërshtua jo vetëm nga një pjesë e deputetëve të Kuvendit, por edhe nga vetë pjesa e popullsisë me origjinë çame, e cila protestoi para dyerve të sallës së Parlamentit.
“Besoj i kanë mjaftuar Shqipërisë 15 vjet për t’u drejtuar ne partitë. Besoj se tashti jemi në shtetin e së drejtës dhe në kushtet e demokracisë që ekspertët duhet të përfillen më shumë”, -u shpreh Ruçi.

[glaukus 001]

C'fshihet pas punes "se mire" te Nanos ...



Nano: Bush më tha “Ju po punoni mirë”

Shekulli 03/04/2004
KATEGORIA: Politikë

TIRANE- “Zgjerimi i NATO-s më dha mundësinë të përshëndetem, të bisedoj dhe të marr mbështetje nga presidenti Xhorxh W.Bush, vlerësimet pozitive dhe inkurajuese të punës që po bëjmë, të cilat u shprehën prej tij me tre fjalë të thjeshta, të vërteta dhe të merituara: “You are doing well!” që do të thotë se po i bëjmë mirë detyrat e shtëpisë”. Kështu e përmblodhi vizitën e tij disaditore në SHBA kryeministri Nano ...
“Natyrisht, ngjarja historike e ceremonisë së zgjerimit të NATO-s ku u ftua edhe Shqipëria, krahas Kroacisë dhe Maqedonisë, për të marrë pjesë dhe për t’u kualifikuar si lideri i grupit të ardhshëm të vendeve të Kartës së Adriatikut, për t’u anëtarësuar në Aleancë, shpresoj në Samitin e 2006,- tha z.Nano - më dha mundësinë të përshëndetem, të bisedoj dhe të marr mbështetje nga presidenti Xhorxh W.Bush, vlerësimet pozitive dhe inkurajuese të punës që po bëjmë të cilat u shprehën prej tij me tre fjalë të thjeshta, të vërteta dhe të merituara: “You are doing well!” që do të thotë se po i bëjmë mirë detyrat e shtëpisë, po i përgjigjemi siç duhet nevojave të zhvillimit të vendit në demokracinë ende jetëshkurtër që jetojmë pas shembjes së komunizmit”LOL

“Vizita i shërbeu konsolidimit të partneritetit, të besimit reciprok dhe të stimujve për të përballuar akoma me më shumë energji të ardhmen dhe me më shumë mbështetje detyrat tona në axhendën e integrimit dhe të bashkëpunimit me botën euroatlantike të udhëhequr nga Shtetet e Bashkuara”, -tha Nano.

Kryeministri Nano ka vlerësuar po kaq të rëndësishme kontaktet në nivelet më të larta me botën financiare amerikane dhe me botën e institucioneve ndërkombëtare financiare që punojnë në Uashington. Kryeministri përmendi mes tyre takimet në nivele të larta ekzekutive në kompanitë “General Electric”, “Lockheed Martin” apo të grupeve të tjera të rëndësishme që lidhen me projekte të mëdha si AMBO apo termocentrali i Vlorës, kompani të cilat po zgjojnë edhe interesin e grupeve të tjera sipërmarrëse me veprimtari përtej detit, të Shteteve të Bashkuara të Amerikës. Këtu kryeministri përmendi në mënyrë të veçantë, OPIK, organizatën që mbron investimet e përtej detit të Shteteve të Bashkuara, ku sipas kryeministrit është bërë e ditur se janë të gatshme dhe se ne duhet të bëhemi gati për dy miliardë dollarë investime si portofol fizibiliteti vetëm për Shqipërinë.

Ja edhe pergjigja "e terthorte" e Bushit se per CFARE DETYRA SHTEPIE FLET Ai dhe per cfare flet Nano !

Shekulli, 16/04/2004
Bush: Irak, mirënjohje për komandot shqiptarë

TIRANE - Presidenti i Shteteve të Bashkuara të Amerikës Xhorxh W. Bush nëpërmjet një mesazhi dërguar kryeministrit Fatos Nano, falenderon për mbështetjen që vendi ynë ka dhënë për arritjen e paqes dhe demokracisë në Irak. “Në emër të popullit amerikan, dëshiroj t’ju falenderoj ju për mbështetjen e palëkundur dhe të vendosur të Shqipërisë, në arritjen e paqes dhe demokracisë në Irak.

Ju falenderoj sërish për lidershipin tuaj të fortë”,-përfundon mesazhi i kreut të shtetit amerikan.

[glaukus 001]

Nga koha e zgjedhjeve te 2003-it.


E Diele, 14 Dhjetor 2003
FLET MEIDANI, KESH FIK DRITAT

Mirdite- KESH censuron kandidatin per postin e kryetarin e PS-se, z.Rexhep Meidani. Pikerisht ne momentin kur ne foltoren e kongresit eshte shfaqur Meidani, i ishte dhene komanda "Koha Mbaroi"; ne te gjithe Mirditen eshte nderprere energjia elektrike. Burime prane nenstacionit pohojne se ne ate kohe nuk pati ndonje defekt te perditshem, por thjesht u vendos kufizimi.
Kongresi eshte ndjekur me interes nga banoet e zones, sidomos kur eshte paralajmeruar fjala e 3 kandidateve. Por po me kaq vigjilence eshte ndjekur dhe nga KESH. Megjithese fjala e Nanos i ka korresponduar orarit te kufizimit te energjise, kjo e fundit ka qene prezent ne zone, por gjithsesi deri kur ne podium eshte ngjitur kandidati sfidant i Nanos.

... dhe nga krahu i djathte:

Përgjatë një interviste televizive, Ngjela u shpreh se PD nuk do të merrte pjesë në zgjedhjet e pjesshme në rast se nuk do të ndryshohej lista me të cilën kanë votuar zgjedhësit ditën e 12 Tetorit. Por kjo deklaratë është kundërshtuar një ditë më pas nga lideri i opozitës Berisha i cili sqaroi se qëndrimi i Ngjelës ka qënë krejtësisht personal dhe se vendimet e partisë bëheshin publike nga strukturat e partisë dhe nga vetë ai. Për këtë arsye, prej dy ditësh, kryetari i demokratëve ka ndërmarrë një fushatë sensibilizuese për të mundësuar pjesëmarrjen e një numri më të madh votuesish demokrat në zgjedhjet e 28 Dhjetorit.

... Nga ana tjeter, Berisha ka garantuar se PD do te marre pjese ne zgjedhjet e 28 dhjetorit ne kryeqytet, madje do t'i fitoje ato.

[glaukus 001]

Perseri me periudhen paszgjedhore 2003 ...


Mitingjet e PD "shkojne" ne Prokurori

Policia dorezon dy kallzime ne prokurorine e Tiranes per protestat e organizuara nga Partia Demokratike. Akuza: "Organizim dhe drejtim i mitingjeve te paligjshme". Por emrat konkrete mungojne.

"Mitingjet e organizuara nga Partia Demokratike gjate diteve te fundit jane te kundraligjshme". Keshtu jane shprehur ne denoncimin e tyre drejtues te Komisariatit nr.1 te Policise se kryeqytetit. Ne Prokurorine e Tiranes jane dorezuar dy kallzime penale nga Komisariati i Policise nr.1, ne lidhje me mitingjet e partise me te madhe opozitare ne vend. Objekti i kallzimeve penale eshte "organizim dhe drejtim i tubimeve te paligjshme". Sipas drejtuesve te policies, mitingjet e Partise Demokratike kane qene te paligjshme, pasi per zhvillimin e tyre nuk eshte lajmeruar komisariati qe mbulon kete zone. Pervec Sheshit "Skenderbej", drejtuesit e Partise Demokratike kane improvizuar mitingje dhe marshime te paligjshme edhe ne zona te tjera te kryeqytetit. Ndonese objekti i kallzimeve penale eshte "organizimi dhe drejtimi i mitingjeve te paligjshme", kreret e Komisariatit nr.1 te Policise nuk kane denoncuar emra konkrete.

Protestat, mungon Berisha, Ngjela në krye
N.P

TIRANE- Në mitingun e djeshëm të demokratëve ka munguar lideri i opozitës Sali Berisha. Në fillim të tubimit, ish-kandidati demokrat për Bashkinë e Tiranës, Spartak Ngjela ka deklaruar se protestat nuk do të rreshtin derisa të përsëriten zgjedhjet në Tiranë. Ngjela shtoi se nesër demokratët do të zhvillojnë një nga protestat më të fuqishme në Tiranë. Më pas demokratët i janë drejtuar bashkisë për të protestuar për “vjedhjen e votës”. Ndërsa përpara Kryeministrisë demokratët i kanë vënë zjarrin njërës prej parullave duke “kërkuar votën e tyre”. Prej disa minutash ata kanë qëndruar përpara Kryeministrisë, ndërkohë që forcat e rendit kanë qenë tepër të kujdesshëm për të mos provokuar ndonjë incident me protestuesit. Ashtu si edhe ditën e parë, drejtori i Policisë së Tiranës, Pjerin Ndreu ka ndjekur nga afër protestën e demokratëve të cilët pas Kryeministrisë i janë drejtuar sërish Bashkisë së Tiranës, ku kanë djegur edhe një parullë tjetër. Më pas protestuesit janë shpërndarë. Mitingu i djeshëm ka qenë i qetë por më një numër më të paktë njerëzish sesa herën e parë.

= = =

Kryetari i Partisë Demokracia e re i Greqisë, Kostas Karamanlis përshëndet zgjedhjet e tetorit
Karamanlis: Zgjedhjet në Shqipëri, legjitime
N.Perndoj

TIRANE- Kryetari i Partisë Demokracia e re i Greqisë, Kostas Karamanlis ka përshëndetur ecurinë e zgjedhjeve në Shqipëri, në forumin më të lartë të partisë së tij, KPD. Me këtë vendim është njohur dje edhe kryeministri Fatos Nano përmes ambasadës së Republikës së Shqipërisë në Greqi. Sipas njoftimit për shtyp të kryeministrit, thuhet se gjatë mbledhjes së KPD-së, kryetari i Partisë Demokracia e re në Greqi, Karamanlis, ka shprehur kënaqësinë se zgjedhjet e fundit lokale në Shqipëri u mbizotëruan nga rrugë ligjore. “Shprehim kënaqësinë tonë se gjatë zgjedhjeve të fundit lokale në Shqipëri përfundimisht mbizotëroi legjitimiteti dhe logjika dhe u izoluan praktikat antidemokratike dhe provokuese”, thuhet në vendimin e Partisë Demokracia e re.Vendimi në fjalë u mor pas zhvillimit të zgjedhjeve në Himarë, ku fitues u shpall kandidati i PBDNJ-së, Vasil Bollano.

Atëherë kur çdo gjë dukej në favor të kandidatit socialist, Gjergji Goro, Komisioni Qendror i Zgjedhjeve mori parasysh ankesat e PBDNJ-së duke përmbysur rezultatin paraprak të KZQV-së, Himarë duke shpallur fitues kandidatin e PBDNJ-së, Vasil Bollano. Një vendim i tillë duket se është përshëndetur edhe në mbledhjen e KPD-së së Partia Demokracia e re dhe konkretisht në vendimin e saj ku thuhet ndër të tjera se mbizotëroi legjitimiteti dhe logjika

Shpalljen si fitues të PBDNJ-së e përshëndeti edhe lideri i opozitës Sali Berisha i cili në një konferencë për shtyp, u shpreh se ishte ndikimi i Brukselit për shpalljen fitues të Bollanos nga ana e KQZ-së. Ndërkohë në vendimin e djeshëm të transmetuar përmes ambasadës shqiptare në Greqi, për kryeministrin Fatos Nano thuhet gjithashtu se kryetari i Partisë Demokracia e re, Kostas Karamanlis shpreh përmes partisë së tij, “qëndrimin konstant se mbështesim orientimin europian të vendeve të Europës Juglindore, natyrisht duke respektuar dhe duke plotësuar kushtet dhe parimet mbi të cilat bazohet struktura europiane dhe institucionet e saj përkatëse”.

BEOGRAD (3 Dhjetor)

- Deklarata e shefit të UNMIK-ut, Hari Holkeri se nevojitet të kërkohet falje për ngjarjet në Kosovë, stimulon shqiptarizimin e Kosovës, ka deklaruar sot kryetari i Alternativës Demokratike (DA), Nebojsha Çoviç.

"Deklarata e Holkerit është e panevojshme dhe jopërgjegjëse, sepse stimulon shqiptarizimin e mëtejshëm të Kosovës", ka thënë Çoviç. Ai ka theksuar se të gjitha proceset në Kosovë duhet të zhvillohen në kuadër të Rezolutës 1244 të KS të OKB-së, e cila "e përkufizon qartë autonominë e Kosovës në kaudrin e Serbisë". ro/ro (Balkanweb)

Bukur po shkon perpara edhe Serbia demokratike me keta udheheqes.
Did anybody say, what about NURENBERG ?!?

[oxo]

Ishin të gjithë politikanë mbledhur në një tryezë dhe po hanin bukë me lug pirunj dhe pjata floriri.
Saliu pa fatosin duke vjedh lugen dhe pirunin dhe thote:

Saliu:- Dëgjoni këtu tani kam për të bërë një magji. Shikoni do të fus lugen dhe pirunin tim në xhepin timë dhe do e nxjerr në xhepin e Fatosit.

[glaukus 001]

Kuptohet qe kreu Nano vazhdon te mbushe kronikat.
Ja edhe pjese nga Shekulli mbi festimin e 1 Majit.

02/05/2004 Shekulli
Nano në Fier, bllokohet për 4 orë rruga nacionale
TIRANE - Vizita e kryeministrit Fatos Nano në Fier, bllokon për 4 orë qarkullimin e automjeteve nga Vlora drejt pjesës tjetër të vendit. Kreu i qeverisë i shoqëruar nga bashkëshortja Xhoana Nano, ka udhëtuar drejt Fierit me helikopter, ndërkohë që policia lokale ka marrë masa të shumta për të kontrolluar të gjitha rrugët përreth stadiumit dhe drejt Apollonisë antike, duke shkaktuar bllokimin e rrugëve dhe të qarkullimit normal të qytetarëve.

Kryeministri Nano ka zgjedhur festën e 1 Majit, për të vizituar qytetin antik të Apollonisë, duke uruar për festën ata banorë që ishin mbledhur për të festuar si dikur në këto mjedise. Nga bashkia e qytetit ishin marrë masat që tre autobuzë të mbushur me socialistë të shkonin në Pojan për të pritur kryeministrin. Ai ka përshëndetur zgjerimin e Bashkimit Europian me dhjetë vende të reja, që sipas tij po shtrihet edhe në vendin tonë e në Apolloni. Nano ka vlerësuar se në Fier si në gjithë vendin, nuk mungojnë sipërmarrjet e lira që synojnë zhvillimin europian të vendit.

Para 2 ditesh, Korrieri shkruan:

Fier, bllokojne rrugen pas 4 muajve pa rroge

FIER - Rreth 85 punonjes te ndermarjes se Transnaftes e cila eshte ne varesi te kompanise Albpetrol sh.a, kane kater muaj pa marre pagat mujore. Ata prej ditesh kane zhvilluar greva nje oreshe por kerkesa sipas tyre, nuk eshte marre ne konsiderate prej drejtorit te Albpetrolit Fatos Nika. Ne keto kushte, dje paradite, ne oren 08.30, keta punetore, bllokuan per 30 minuta rugen kombetare Fier-Ballsh ne vendin e quajtur Transport.
Eshte dashur nderhyrja e forcave policore te policise se Fierit, per te zhbllokuar rrugen. Qatip Kalemi, shefi i finances se ndermarrjes thote se "jemi ankuar deri ne ministri dhe na eshte premtuar se rrogat do te na jepen nga ana e Albpetrolit por po vjen muaji i peste dhe ne ende nuk jemi paguar". Kryetari i sindikates se punonjesve te kesaj nderrmarje Izet Hazizi thote per "Korrieri"-n se "drejtuesit e Albpetrolit nga ne varemi pohojne se nuk kane fonde per rrogat tona".
"Fond per pagat tona nuk ka dhe administrata e Albpetrolit dhe Armos shkon per fundjave ne Malin e zi me dy autobuza", shton kryesindikalisti. Xhemil Beharaj

"Panorama" jep edhe kete lajm per "festimet" e 1 Majit:

Komunistë dhe veteranët e luftës kanë qenë të vetmit që kanë protestuar në ditën e 1 Majit. Ata janë mbledhur rreth orës 11.00 në sheshin “Skënderbej” dhe kanë ngritur zërin për më shumë kushte dhe trajtim më të mirë të punës së tyre në vite. Sipas tyre, dita e djeshme nuk është një ditë feste, por një ditë proteste për të gjitha kushtet e vështira të punës.

Komunistët janë shprehur se qeveria dhe të gjitha instancat e tjera që duhet të mbrojnë të drejtat dhe interesat e punëtorëve, nuk merren me problemet e tyre dhe kushtet e vështira të punës. Në protestën e komunistëve kanë marrë pjesë edhe sindikalistët. Kjo protestë nuk ka zgjatur më shumë se një orë dhe gjatë gjithë kohës komunistët kanë patur në duar karikatura politike. Ata e kanë konsideruar 1 Majin jo si ditë pikniku, por një ditë protestash, e cila duhet të përshkallëzohet në shkallë vendi. Me karikaturat e Kryeministrit Nano dhe kreut të PD-së, Berisha, në duar, ata kanë përshkuar sheshin “Skënderbej”. Këto dy figura politike janë cilësuar nga ana e tyre si e keqja e këtij vendi, si politikanët që po rrënojnë ekonominë e Shqipërisë dhe nuk po punojnë aspak për të përmirësuar kushtet e punës.

Por si po ecin punet me ekonomine shqiptare dhe si PO NDIHMOHET BIZNESI VENDAS ?!?
Ja c'thote Sekretari i Departamentit të Ekonomisë në PD Edmond Spaho për “Shekullin” mbi kete investim ku trualli u shit nga "shteti" me vleren 1 EURO ! :
__________________________________________________ _______________

Qeveria shqiptare jep falas 183.000 m2 tokë, ekskluzivitetin e operimit në tregun e karburanteve dhe pas 30 vjetësh merr në këmbim të tyre strukturat portuale. I gjithë investimi i firmës së huaj për depozitat dhe strukturat portuale do të jetë rreth 30 milionë euro kështu që ajo që do të marrë shteti do të jetë një pjesë e investimit (rreth 12 milionë euro) i përdoruar dhe amortizuar gjatë 30 vjetëve shfrytëzim. “Petrolifera” do të investojë rreth 30 milionë euro nga të cilat pjesa kryesore do të vazhdojë të mbetet pronë e saj pas 30 vjetësh. Pjesa që do i dorëzohet shtetit shqiptar pas këtij afati besoj se do të jetë shlyer si investim me anë të qirave dhe shërbimeve që do u ofrojë të tretëve në strukturat portuale. Që në këtë moment vlera e investimit të saj është rritur së paku me vlerën e tokës, e cila bëhet pronë e firmës.
Veç kësaj, “Petrolifera” do të ketë mundësi që të kontrollojë 50-60% të tregut të karburanteve dhe sidomos konsumatorin kryesor në atë zonë, TEC-in me naftë që do të ndërtohet dhe do të fillojë të shfrytëzohet pothuaj në të njëjtën kohë kur të mbarojnë investimet e “Petroliferës”. Në këtë mënyrë, “Petrolifera” jo vetëm do të kontrollojë tregun e karburanteve, por do të ndikojë edhe në nivelin e çmimeve.[ Kur të fillojë të funksionojë TEC-i i Vlorës, naftën do të detyrohet ta blejë me atë çmim që do t’ia imponojë “Petrolifera” pasi nuk ka zgjidhje tjetër. AMBO vështirë se do të ndërtojë në këtë zonë para se të ndërtohet naftësjellësi Burgas-Vlorë, kurse ARMO është si shpirtrat e vdekur dhe nuk ka as mundësi dhe as dëshirë që të futet në hiset e të mëdhenjve.

__________________________________________________ _______________



Ne fund edhe nje copez nga shkrimi Celo Hoxha-s tek Koha Jone,

SHQIPERIA PENG VEZIRESH

Pak dite me pare, "Zeri i Popullit" kishte kete lajm: "Fatos Nano ul akcizen e naftes per bujqit". Kryetitull qe do te tingellonte bashkekohor vetem per nje gazete botuar me 25 prill te shekullit te 21-te para eres sone. Po sa propagande e tille eshte bere ne keto pesembedhjete vjet e sa njerez ka qe mendojne si njerezit fshehur pas ketyre fjaleve?
Ne menyren me te paturpshme keta servile injorojne qeverine e vendit dhe partise qe i financon e i referohen kryeministrit si te ishte vezir, kalif, a dicka e tille - nuk e di me saktesi cfare titujsh perdoren ne vendet arabe per kesi monstrash. Ky nuk eshte nje rast i vetmuar, kongresi i PS-se u zhvillua me kete fryme. Ne fakt ne jemi deshmitare te veprave te ketyre kalifeve moderne, ne rrafshin kombetar: shtuan korrupsionin, krijuan monopolet, shiten pasurite kombetare per hicmosgje, manipulime votash sa here u jepet rasti dhe kercenojne njeri- tjetrin ne pazarlleqe te pista (per shembull rasti i nje magazine ushtarake ne Elbasan, Neritan Ceka dhe (nje minister me origjine vlonjate). Ndersa ne rrafshin familjar: qysh nga djali i Fatos Nanos kapur me droge ne Greqi (lajm i bllokuar shume shpejt), veprimet e femijeve te ish-ministres se kultures (!) e deri tek sherri me arme i Ledio Rucit, kalifet e kane kthyer Shqiperine ne nje vend latinoamerikan.

[glaukus 001]

Intervistë e ambasadorit të SHBA-së, Xhejms Xhefri në programin “Shqip” të “Top Channel”, marre me shkurtime nga "Shekulli"

“U thashë se kisha një mision në Shqipëri, por duhet të ndjek urdhrat”



Nje postim te vecante meriton edhe ambasadori i superfuqise qe la aq dhimbshem Shqiperine:

Xhefri -- U kontaktova nga sekretari i Shtetit dhe nga presidenti Bush që më kërkuan nëse do të shërbeja si zëvendës i ambasadorit Negroponte në misionin tonë të ri, i cili do të fillojë funksionimin më 30 qershor në Irak. U shpjegova që kisha një mision këtu që ishte shumë i rëndësishëm dhe që më pëlqente absolutisht të punoja me popullin shqiptar dhe të jetoja në Tiranë.

A i keni ndjerë akuzat – ndoshta po ekzagjeroj – kryesisht nga opozita por jo vetëm prej saj, në lidhje me mbështetjen tuaj të dukshme për qeverinë “Nano”?

Xhefri -- E dëgjoj këtë hera-herës, por kam marrëdhënie shumë të mira me opozitën – sidomos me udhëheqësin e opozitës dr. Berisha, i cili pati mirësinë të më telefononte nga Europa Perëndimore dje për të më shprehur keqardhjen për largimin. Nuk e kuptoj se nga vjen kjo, por është detyra ime të mbaj marrëdhënie të mira me qeverinë dhe është detyra ime të mbaj marrëdhënie të mira me opozitën. Shpresoj t’i kem të dyja.


Do të doja t'ju pyes dhe të marr një përgjigje në lidhje me vizitën e Nikolas Geixh në Shqipëri.
Para pak kohësh, në programin "Top Show" të Top Channel, z. Nano, me pak ironi, tha "Ma solli z. Xhefri". A është e vërtetë kjo? Dhe a ishte normale ta shoqëronit z. Geixh në takimet me dy udhëheqësit tanë, z. Nano dhe z. Berisha, duke pasur parasysh që z. Geixh është një person problematik, i përfolur për shqiptarët, madje edhe i padëshiruar?

Xhefri -- Si një ambasador amerikan, një korrespondent i lartë i gazetës “New York Times” për shumë vite, dhe një shkrimtar i njohur amerikan janë pikërisht ato lloj njerëzish që duam të sjellim në Shqipëri. Nuk është e thënë që ndonjë shqiptar, që nga kryeministri Nano tek qytetari më i thjeshtë për të qenë në një mendje me mua, me z. Geixh, apo me shqiptaro-amerikanët e Shqipërisë apo ndokënd tjetër.
Z. Geixh përfaqëson pikëpamje të caktuara. Ato nuk janë pikëpamjet e qeverisë së SHBA-së, sepse ne nuk marrim pikëpamjet e individëve. Ne kemi një pozicion specifik në lidhje me shumicën e çështjeve. Por është detyra jonë të sigurojmë një shumëllojshmëri të gjerë pikëpamjesh....

Ju faleminderit, z. Xhefri. A ka lidhje agresiviteti i një pjese të diasporës shqiptare në Shtetet e Bashkuara ndaj jush me z. Geixh dhe probleme të tjera?

Xhefri -- Mendoj që duhet të pyesni ata njerëz. Siç e thashë, është detyra ime të përmbush ato funksione që sekretari i Shtetit, presidenti i Shteteve të Bashkuara, dhe Senati i SHBA-së që më konfirmoi, presin që unë të përmbush....


GAZETA "Panorama" njoftonte dje se:

Presidenti shqiptar ka dekoruar ditën e zgjerimit të BE-së ambasadorin amerikan, Xhejms Xhefri, me dekoratën "Për Merita të Veçanta Civile". Në prani të Kryeministrit Nano, anëtarëve të kabinetit qeveritar, liderëve të partive politike dhe trupit diplomatik të akredituar në Tiranë, Presidenti Moisiu e ka cilësuar Xhefrin "njeri shumë të vlefshëm për diplomacinë dhe shtetin amerikan" dhe kontributin e tij "si një mik i mirë për popullin shqiptar" në drejtim të forcimit të marrëdhënieve mes dy vendeve tona
Ne do të vazhdojmë bashkë të luftojmë kundër terrorizmit ndërkombëtar, sepse ky vërtetë është një rrezik i njerëzimit", tha Moisiu në momentet e dekorimit të Xhefrit, ndërkohë që ky i fundit i kujtoi kreut të Mbrojtjes, Majko, se do të presë shtimin e numrit të trupave shqiptarë në Irak, gjatë detyrës së tij të re në Bagdat.

Po Xhefri po, te vjen. Te shohim se si do e vertisesh politiken e Irakut se tek ne dihet qe e mban shtruar kushdo i huaj qe ka pushtet e force politike.
GOOD LUCK MAESTRO !


Nderkohe ne faqen e fakteve te CIA-s jepet ky shpjegim mbi pakicen greke ne Shqiperi:

Albanian 95%, Greek 3%, other 2% (Vlach, Gypsy, Serb, and Bulgarian) (1989 est.)
note: in 1989, other estimates of the Greek population ranged from 1% (official Albanian statistics) to 12% (from a Greek organization)

Nderkohe per shtetin Grek theksohet:

Greek 98%, other 2%
note: the Greek Government states there are no ethnic divisions in Greece

Pra ndersa per greket ne Shqiperi merren shifrat e nje organizate anonime/panepirote dhe ne dalim me 12 % greke, Greqia paska 98% greke puro nderkohe qe shteti Grek na pohoka se NUK KA NDARJE/GRUPE ETNIKE ne Greqi.

Jo keq me humor !

[ALBA]

Tirana, tani një "Enver House"

Nga Altin Xhaferi



I dashur dhe i paharruar shoku Enver! Marr guximin t'ju them se jemi mire. Ketu mbi toke jane te gjithe mire. Madje me mire se ç'duhet. Iu ka kercyer barku te tereve nga tanet kater gisht mbi rripin e mesit. Me sa duket ky paska qene komunizmi qe na kishe thene zotrote. E nise ti dhe e bitisa une. Ha e pi e bëj qejf. Parajsë hesapi. Megjithëse dhe në parajse sikur s'qene dhe aq mire punet degjova. Më tha nje dite Anastasi se dhe atje jua shpien ushqimin me bidona siç na e bije në zbor zotrote se zoti s'ka nge të vërë tenxhere per aq pak njerëz sa e meritojne parajsen.

Marr guximin t'i bej me dije partise atje poshte dhe juve personalisht si udheheqes i saj se ketu lart kemi pasur ca probleme qe jane shoqeruar me gabime te pafalshme ne vijen e partise dhe qe po vazhduan mund te lene pasoja ne rrugen e triumfit tone drejt komunizmit.

Së pari, shoku Fatos, mëkëmbësi juaj mbi dhe ka bere ca pelivanlleqe qe hedhin balte mbi partine dhe indirekt dhe mbi ju. Seç i ka hipur një inat si prej gruaje me nje te paudhe nga Lezha dhe do, o ta rrahe, o ta vrasë, o ta fusë në burg. Deri tani s'ka bere akoma gje, se ti e di që atij s'para ja mban vëra keto punet me zarar. Sidoqofte duhet ta dini ju që jeni i informuar se është mire qe partia t'i dijë te gjitha, te jete e mirinformuar ne çdo kohe dhe çdo monment Sidoqofte na ka hapur kot me pakot ca avaze qe vetem e vonojne qellimin tone. Ç'halle kishim ne e ç'halle na nxjerr kot nasi kot Fatosi. Une sa kisha nisur te merresha me rivleresimin gradual te figures suaj, te cilen siç e di e pata ndaluar ca kohe pas asaj festes se Pezes dhe me porosine tuaj e te shokut Ramiz. Tani e nisa serish. Thashe te bej nje lokal andej nga liqeni me modën e viteve shtatëdhjetë. Desha t'ia vija "Enver house", po kam frikë mos është shpejt akoma për këtë punë. I thashë ta bënte një shok i imi për të mos dalë unë dhe me ate rast testonim dhe opinionin sa i pranueshëm mund të jesh bërë që të hedhim hapa të tjerë. Në lokal qenë të gjitha nga të kohes tënde, nga rrobat e zborit tek çizmet e aksionit; nga sulmueset, tek fletë e nderit me gishtin nga pas që jepje zotrote. Aman more ç'lezet kishte të haje një çaj me marmallatë fiku e të vente në shpirt. E kish kripur pak çmimin, jo marmallatën ai miku im, po nejse, shyqyr që ja mbërritëm kësaj dite dhe vetëm për para nuk vuajmë.

Më bënë një raport në krye të javës. Konstatova shoku Enver se të vjetrit dmth., ata qe te kane provuar thonjtë e tu mbi lekure nuk të kane harruar akoma. S'pinë aty birre dhe falas po ta japesh. Peshtyjne e te kthejnë krahet. Mirpo keta te rinjte qe s'të kane njohur se ke idene sa interesant iu dukesh. Vijnë ca vajza me xhel e me kërthize perjashta mor shoku Enver dhe s't'i ndajnë syte nga fotografia. Le që keshtu nga boja te merr ne qafe zotrote se je bojalli si unë. Na marrshin te keqen te gjithë ata qe na thone se jemi pemë pa ****. Nisur nga kjo i mblodha ca nga keto te rejat e iu organizova nje pune vullnetare si ato te shtunat e tua qe beje zotrote per pastrimin e pallatit. Thashe ta bej nga Blloku e nga Shallvaret se mendova qe aty ka akoma shume prej kuadrove tane me shtepi. Pastaj u bera nje party siç u beje ti mbrëmje vallzimi me fizarmonikë, pasi iu nxirrje djersen ne ulluk të b... S'e ke idene sa interesante iu duk aksioni dhe them ta vazhdoj akoma. Bertisnin çupat 'Enver Hoxha' pasi pinë nga një tekila me patatina sa te behej zemra mal. Kam vene nje emer tjeter, nisma në ndihme te komunitetit per te mos e kuptuar prindërit se kjo s'është gje tjeter veçse nje nga ato yckëlat tua te dikurshme. Veç ta shikoje shoku Enver si me shikonin te rriturit nga penxheret e pallateve me inat se iu dukej se ishe ngjallur ti. Po une s'pleksem me ta, do t'i pres sa te vdesin se do vdesin shpejt me ç'u ke punuar zotrote dhe ateherë do t'iu them se keto gjera i ka bere per herë te pare një burre tjeter, dmth., ti. Atehere do t'u vë ate CD me kengën "Enver Hoxha, tungjatjeta!" të tundet Tirana si në Kongresin e Tetë.

Së dyti, marr guximin t'ju them se shoku Fatos bëri dhe një dercke tjeter. Seç vajti e beri nje ligj qe emeronte te shoqen zonjë e parë. Dmth., si shoqja Nexhmije dikur. E t'u ngrene keta dobiçrit e opozites e tallnin menderen me ne, dmth., me partine. Guxuan me vu dorë dhe mbi gruan tate. E krahasuan Xhoanën me Nexhmijen, të poshtrit! Në fakt shoku Fatos e dhjeu një çikë aty se s'qe as momenti as koha; s'qenë pjekur kushtet, siç do të thoshit ju. Shfrytezoi rastin që meqë Moisiu s'ka grua. Po prapë, pse do ta besh ligj, se ja neser s'ka dhe kryeministri, apo s'ka dhe Serveti, kë do te bëjmë ne zonjë të pare gruan e Anastasit apo të Erjon Braçes, se atyre u bie radha, meqë une s'mbaj dot grua, se jam person i papajtueshëm me martesen dhe me familjen, siç e di dhe vetë se ta kam qarë hallin. Le qe seç doli e tregoi dhe një barsoletë me gomarin e Sokratit të Greqisë dhe s'u mor vesh kush qe vertet gomari. Punë gomerësh shoku Enver, po kot i dukej vetja si Sokrat atij.

Së treti, na ka dalë një group i ri armiqësor. Partia e zbuloi dhe kete here se të qe për Kujtim Hysenin e Sigurimit, na kish marrë lumi thuaj, po shyqyr qe kemi vigjilencën e partisë. Ilir Meta e udhëheq, po do ti, i vete pas dhe Limoz Dizdari. E more, ai që bënte ato këngët a për ty, për atdheun e për vatanin. Zoti Nano është zëmëruar pse s'i bëri një këngë. Po s'ke bërë asnjë trimeri, veç ndarjes së gruas. Po pse Enveri ç'bëri që i ngrehe kenge!? Turp, do të krahasohet dhe me ty, pale! Po Limozi nuk leshon pe. Kaq ta besh dhembin s'ka kenge. Me mire i bej kenge Lekë Çukës, sesa ty! - i tha. Veç ta shihje si thartohej Fatosi shoku Enver, veç ta shihje.

Po ky Iliri na ka nxjerre ca telashe. Provizore janë, sa ta fusim brenda, se pastaj ja tregojnë shoket tane atje se sa i vlen lëkura, po me radhë vijne punet. Na e bënë partinë stan me lepuj sa merr naçin e baçin, të ikën muçi e tuçi, sa vë në vijë koçin e poçin, te ikën naçi e kaçi. Na i mbushën partine me ca rroça poça që s'ka bir kurve që i udheheq!

Së katërti, marrëdhëniet ndërkombetare i kemi ibret sh.Enver. S'na duan. Sidomos këta të Evropës. Më keq se ty, na shohin si gogola. Po ne dhe kemi ndryshuar. Gjoja de gjoja, po ti e di që ne të keqen e kemi në ADN, sado të ndryshojme formen, thelbi ADN-ja jonë është me ty, e kuqe safi, dhe me një krah kromozomi mangët. Edhe Amerika na doli ashtu siç ja kishe frikën ti, siç thoshje ti në të gjallët e tu. Amerika të jep nje thelë, e te merr nje pelë. Po dhe thelën qe na dha e ka emrin Nano, me një fjalë jo thelë, por kërmë. Të ta shkoqit unë e të ta bej të holla fare meqë zotrote je ca zaif këto kohet e fundit me atë punën e sheqerit. Thamë te ndreqeshim me ta e derguam ca ushtarë në Irak. Do ti që ata kopila nuk u hoqen as shpenzimet e udhës, as navllon, si i thoshin qëmoti. 6 miljon dollarë i paguam vete me të ngrënë e me të fjetur. Jo me luftë, ç'lufte muti bënë keta tanet, ruanin amerikanët kur flinin. Po ata firaunë na dhane vetem një flete nderi si ti ne kohen tende, pune që s'bëhet. Kerkojne dhe trupa të tjere shoku Enver.

I derguari sovjetik, më fal amerikan dha porosi para se të ikte të niste trupat. Dhe e di kujt ia thonë shoku Enver? Ia thonë Pandeliut, se e dinë qe eshte ca si leshko e s'i thotë dot jo as gruas së tij. Po ata firaunë kane filluar te bejne luftëra nga ato që thoshje zotrote, luftëra imperialiste. Kemi biseduar me shokun Pandi thonë. Po kush e pjerdh shokun P... Iu thashë një ditë bisedoni me Tosin. Është njeri qe ha Pazar. Ka parime nga tuajat, çdo gjë shitet e blihet thotë, gjithçka e ka ne çmim. Po dhatë Pazar të mire ju shet dhe atdhenë. Pa vorioepirin se më duket se ja premtoi grekëve tani radhen e fundit. Nuk e kthen dot llafnë se greket kane dhënë kapar më duket. Se mua di sa me degjojne keta te Amerikes shoku Enver. Qamet fare. Vdesin për mua se iu dukem si ndryshe, si njeri novator. Nejse kur them vdesin, vdes ndonjëri, jo gjithë Amerika. Po dhe une s'ua kam lënë manget. Sa vjen nje amerikan ketu, unë fet një takim, një bisede tete-a-tete siç thoshje zotrote, një dashnore. Ah me këtë ua kam gjetur shoku Enver. Kanë dobësi për femrat tona. Është një arme që dhe ju mund ta kishit shfrytëzuar me mirë, mendoj une. Kam krijuar nje brigatë me çupa që të thajnë në anglisht, dhe ua afroj si me lezet. Sa të bien brenda se pastaj i tërheq vetë për hunde. E kam provuar nja dy here deri tani dhe më ka dale mire. I ka dale dhe partise natyrisht, po kush ta di këtu. Tani qe s'je zotrote të vete dhe puna për ***; puno sa të duash!

Së pesti, marr guximin t'ju them se shoku Fatos po ngre kultin e individit. Nuk pyet për njeri ne botë, i ka ikur petullla fare këto kohët e fundit. Helbete dhëndërr i ri tjetri, të vret e s'të paguan, si i thonë llafit. Mua s'ma var më fare. Edhe kur takohemi rastësisht per balle nje here me flet dy here s'më flet. Pse bejne keshtu shokët e partise!? Madje dhe kur më flet, s'më thotë më shoku Edi si dikur, por "hë mo pallë, ç'kemi!". Edhe per ty keshtu me tha një ditë: ç'thotë ai palla nga ferri!?... Të ka dërguar ndonjë letër apo jo? S'e merr me mend si u bëra thashë t'i shk... robt, po u mbajta, siç na keni porositur. Më mirë ta ngre në organizate thashe partia i di më mirë këto pune. Po do ti që dhe Gramozi s'është në terezi ka luajtur nga vija shoku Enver, ka luajtur s'është me ai i dikurshmi. Seç është pleksur me një tregti cigaresh dhe s'ja mba t'ja kthejë fjalën Nanos. Edhe Sabiti s'ka gjë në terezi. Ja kanë lene të gjitha në dorë Elmaz Sherifit. Po pse bëhet partia me Elmazin ti e di vetë, ai i thotë këmbës dorë, i vrari, se aq i mba kandari, e ka një çikë eksiq. Po Luani shoku Enver, ku më gjete atë Luan Memushin që mbulon arsimin. Ai na diskrediton kauzën që kemi marrë përsipër. Të keqen e shoqe Tefta Camit, s'i vjen as tek maja e këmbës. Po ç't'i bësh ka qënë porosia juaj që në parti të pranoheshin sa me shumë punëtorë e bujq, se përpunohen më kollaj. Nganjëherë me vjen te pëlcas kur degjoj si me jep këshilla Gramoz Ruçi po ç't'i bësh, dora që s'kafshohet, puthet thuaj! Porosia juaj është e shenjte. Keni thënë ju të marrim pa arsim, ashtu do t'i marrim, po të pakten jep porosi të mos i bëjnë ministra, se na prishën gjithe punët! Ja nxirret të llafosë Viktor Doda me ata imperialistët e korrentit!? Të felliq fare shoku Enver. Ndaj unë mendoj se ben mirë t'ju tërheqesh vërejtjen ketyre sipër te mos e teprojnë me futjen e te paarsimuarve në parti. Gjella me kripë, po kripa me karar.

Së gjashti është një Çimi, Çimi, një i shkarë nga trutë në Tiranë të re. S'po ia gjejmë dot dermanin. Siç e di dhe vetë Sokoli ka një dyqan aty me ca kompjutera. Eshte bere ca si kapitalist, po atij i lejohen të gjitha. Vete keni thenë qe dhe kapitalizmin e ndertojme ne, po të jetë nevoja. Shkon Çimi aty e sheh që shkruan në kompjuter dhe i fandakset surrati yt. Seç i thotë ajo mendja e tij e sëmurë. Rrëmben të parët hunj që i dalin përpara dhe u vishet vetratave të Sokolit. Na keni pirë gjakun! Thua të kesh pirë dhe nga gjaku i Çimit zotrote, ndaj u marrose ca nga fundi. Na kini shtypur! Komunistët e *****... Tani na shënoni ne kompjuter, nuk na shkruani më në bllok. Dhe bam vetratave. Thirra policinë. Ç't'i bëjmë ne, tha ai, s'mbush fare, dhe e lëshuan. Na ka gjetur belaja shoku Enver. Tre herë në muaj i thyen vetratat e duraluminit të dyqanit të Sokolit! Kjo s'durohet. Them t'i hyj vetë me grushta ndonjë ditë se s'ka derman tjetër as shoku Gramoz me shokun Elmaz nuk kanë gjetur dot zgjidjhje për ketë çeshtje që po shndërrohet në problem partie. Them ta shtrojmë në KPD po kam frikën se mos voton Bardh Agasi kundër me Ilir Zelën e me Ndre Legisin e Gjergj Kojën se s'e kuptojnë rëndësinë problemit.

Së fundi, shoku Enver dua të bëj autokritikë. Nuk e mendova thellë dhe i kërkoj ndjesë partisë dhe veçanerisht juve. Kishte dalë një modë ketej mbi dhe që bënin të gjithë tatuazhe. U tundova. S'rezistova dot dhe bera dhe une nje. Mbi prapanicë apo me saktë mbi gjysmen e majtë të prapanicës për t'i qëndruar besnik të majtës. Ç'të të pikturoj, shoku Edi? - më tha ai djali që bente tatuazhe. - E bën dot portretin e shokut Enver, se bëhen portretet e njerëzve me te shtrenjte. E bëj po kushton dyfish me tha firauni. S'ka gjë, lekët vjen i paguan Koçua, i them. E bëri shoku Enver si të gjallë të ka berë. Mirëpo mosha, ç't'i bësh, kanë filluar të më varen ca ****ët dhe të është varur dhe ty turiri. O zot katastrofë fare. Të kërkoj ndjesë, se nuk u thellova. Bëj autokritikë. Shokët thonë që kam qenë ca i pirë kur vendosa, po kjo nuk më justifikon.

PS.

E pashë atë faqen tende që të ka hapur Iliri në internet. Nuk ka të sharë, si gjithçka juaja. Ju jeni i madh dhe i pagabueshëm, siç thoshte im atë, rahmet pastë, në të gjallë. Aty do mësohen gjithë brezat e rinj ata që e gëlltisin llokum gjithçka që u vjen nga interneti, të brumosen me mësimet dhe porositë tuaja të çmuara. Aty thuheshin të gjitha, si qe themeluar partia jonë në një barake që tani e prishën kopilat, pronarët etj., etj.. Sa për atë adresën tënde të internetit www.xhebraili.com, unë them ta ndërrosh. Më kanë ardhur zëra se të kanë vjedhur paswordin. Po të hap nje adrese tjetër www.tarrasi.com, ndërsa atë "xhebraili.com" po e përdor unë, meqë më thonë dhe "xhebrail edvini" këta kopilat e opozitës e me vjen tamam. Kështu do t'i ngaterrojmë dhe me shumë armiqtë që na kanë halë në sy.

PS 2.

Të kam hapur dhe një numër llogarie në mermer tënd nga përqindjet që u marr këtyre ndertuesve. Prish sa te duash, se s'mbarohen, i kam vënë mirë në terezi me këtë projektin francez punët dhe them se do rrafshohem mirë me para. Përdori per të organizuar partinë atje në ferr. Vetëm atij Zhoao Amazonas mos i jep më asnjë kacidhe, se vajti një jete që e mbajmë me të ngrënë e me të pirë. Gjej ndonjë marksist leninist tjetër.

Me respekt

Juaji xhebrail edvini d.v.

Tiranë më 22.05.2004

[ALBA]

Letër nga Ferri: Shoku Enver i shkruan Edi Ramës

"Kaini" është ki ini

I dashur evlat!

Letrën tënde të fundit e mora dhe u gëzova pa masë. Thashë të të shkruaj një letër, jo se kam ndonjë porosi po kot për hoby, siç i thoni ju andej sipër, të ksemolloisemi si prindi me djalin me demek për çlodhje. E mora atë pakon që më dërgoje dhe m'u bë qejfi. E mora dhe kasetën me këngën tënde e m'u bë di herë qejfi. Ja brezi që kemi rritur, i thashë Mehmetit. Edhe këngën e bën vetë e s'e lë t'ia bëjnë të tjerët si të duan, po si t'i duhet. Me këta djem mo, do eci përpara kauza jonë e përbashkët. Me shëndet mirë kam qënë. Tani në behar që ndërronet gjaku mo, bënem gjeth fare, sikur s'kam patur kurrë lëngatë e jam gati të shkatërroj jo një, po tre grupe antiparti njeherësh.

Nuk jemi dhe aq keq sa thuhet këtu në ferr. Si të mësohet njeriu. Unë për vete jam ambjentuar aq mirë. Le që se mos kish ndonjë ndryshim ajo jeta jonë andej lart nga kjo që bëjmë këtu. Ati-ati janë. Kam zënë miq të rinj. Nga të gjitha kohët, nga të gjitha moshat, se ferr hesapi këtu, ka të bardhë e të zinj...

Më hahet muhabeti me njërin që ka hapur një tavernë këto kohët e fundit. Kain e quajnë, zotni burrë. Ka vrarë të vëllanë, ndaj e kanë prurë në ferr po nejse. Ka hapur një tavernë trendy siç u thua ti atyre lokaleve të shtrenjta. Është i biri i Adamit e Evës. Ata që thonë se krijuan njerëzimin, po unë s'i besoj ato broçkulla. Për mua botën e ka shpikur o Marksi, o Engelsi, se Lenini s'pati kohë e as vegla për kësi punësh. Po nejse ai dhe emrin tavernës ashtu ja ka vënë: Bujtina Adami & Eva.

-Pse s'i vure ndonjë emër tjetër, - e pieta, - ndonjë nga këta emrat amerikanë që s'i kupton dot njeri.

-Jo po dua ta vë në nderim e për respekt të prindërve, Adamit e Evës. -Eh, se mos i bëre çirak sa qenë gjallë, po do t'i ngresh tani për së vdekuri, - i thom.

-Po se mos ti e bërë çirak Halilin, tët atë, - ma pret kopili. - Harrove që u dogje dhe Kuranin, meqë qe hoxhë, e vetë qeshje kur ngroheshe në zjarr?!

-Ndrishe puna ime. Ai s'qe baba i denjë për një baba udhëheqësi, - i thashë, - dhe thashë ta vdisja ca nga ca. Po i lëmë këto, - i thashë, - se të di njësoj jemi më duket.

Po le ç'kopil është treguar. E ka bërë tabelën në të dy krahët në një krah për kaurët: Adami & Eva, në krah tjetër për myslimanët Ademi & Hava. Hanë e pinë të di, palët pa mur në mes, si ai që po ngrihet në Lindje të Mesme siç më shkruaje. Po këta mislimanët vetëm çaj pinë, e ankohet për xhiron, ndërsa këta të krishterët dënden me verë. Më bie njëri një broke të madhe. Pije shoku Enver, - më tha, - se është gjaku i Krishtit! - Rrofsh i thashë, po e kam lënë gjakun, s'e pi më. S'e pi, se s'ke, apo s'do?! Jo mor jo, kam pirë gjak sa të duash atje sipër, po tani ma ka mbledhur diabeti. Po ti evlat e pi gjakun ndonjë çikë!? Më thanë se atire tregëtarëve dhe ndërtusave jua pi gjakun me opingë. Ashtu evlat ashtu. Pirja e gjakut vetëm të mira të bën, dëgjo mua.

Nejse, vaçë një ditë fund jave vveek end siç i thua zotrote, e gjeta të ziun Kain të dërrmuar. Kish pirë ca nga ato pijet imperialiste vicky me xhin e qe bërë tapë. Ja kish shkrepur të qarit me kokën mbi tavolinë. Ngreje kokën, i thom. -Po unë kam vrarë vëllanë tim, më vjen keq, më vjen turp. Bithë e plasur, i thashë. Po unë vrava barinë që e keshë në vënd të babait e s'më gjeti gjë. Le pastaj të tjerët pas tij. Kur qan ti unë duhet të vë kujen i thashë. Ngre kokën se je burrë. E mblodhi veten. Nga ajo ditë me qeras gjithnjë.

-Nga je ti, shoku Enver? - më piet një ditë. -Nga Shqipëria, i thom. Andej marr furnizimet me zarzavate për dyqanin, tim thotë. Luaj mor vendit, i them, e ke gabim. Atje s'ka pëllëmbë tokë të lirë se e mbusha vetë më bunkerë. Le që dhe po të kish, se mos do t'i punojnë ata. Po s'qeshë unë t'ju fut drunë, s'punojnë shqipëtarët, as me para, e as me temena. Jo perimet mbillen në Maqedoni, po tenderin e ka fituar një shqiptar dhe ai na i bie. -M'u bë qejfi që për dobiçllëqe të tilla, ju punon mëndja djemve atje sipër.

S'e ke idenë çfarë njeriu i mirë është Kaini. Më dëftoi biografinë atë ditë që qe i dehur. Ngjanim në shumë gjëra ndaj më pëlqeu firauni. Më dëftoi për perëndinë, se si i kish krijuar Kopshtin e Edenit ku jetonin prindërit e tij. Eh e ke mirë ti, o Kain vëllai, se ta krijuan të tjerët kopshtin. Po unë që e krijova vetë Edenin atje sipër, dhe ika e e lashë të ma bëjë rrush e kumbulla ai firauni i Thanasit. Po nejse, nejse dhe një çikë degjenerim do ketë pasur, se ai thotë që ata rrinin lakuriq në atë Kopshtin e Edenit. Kanë histori interesante këta të fesë! Ti, besoj, mbase i di, se je vetë kaur, po unë s'i kam ditur. Më kënaqi Kain vëllai me historitë e biblës. Më tha se të parët e tij iknin lakuriq meshkuj e fëmra. Unë s'ja besoj të tëra, se e di ti që jam ateist, po nejse. Këtu, si në burg, ngaqë s'ke ç'të bësh, i dëgjon historitë dhe nga dhjetë herë e të duken interesante. Më tha që ajo gruaja, Havaja a Eva, quaje si të duash, hëngri koqen e mollës fshehurazi dhe zoti e dënoi. Të kish ngrënë në kohën time ndonjë gjë të ndaluar, unë i këpusja kokën, i thom Kainit. Epo Zoti ka më shumë mëshirë se ti, nuk është sa ti i pashpirt.

-Pse jam i pashpirt mor firaun, nuk e fala Nakon unë. -E fale, po e vrave më pas. Dmth., e ruajte për një vakt tjetër. Po nuk kish pasur faj ajo gruaja, e kish mësuar gjarpëri të bënte paudhësira. Ja si Ramizi që mësonte Nexhmijen time. Le kur më dëftonte për përmbitjen e madhe. M'u kujtuan këto vitet '90 kur shpëtove vetëm ti evlat, nga raca jonë e keqe, ashtu mo si ja thoshim e kuqe!... Që të vazhdonte raca me demek. Pastaj nisi fillimi i ri. Nuk e di si e dëftojnë andej nga kampi i myslimanëve këtë, se nuk më qasin, meqë s'jam bërë synet, po pak rëndësi ka. Shiqir që shpëtuat ju nga ajo përmbitja e madhe.

Më vjen një natë në derë një grua me leshra lëshuar, ja shih Bulen tuaj. Aman shoku Enver, ti që je më i mënçmi, më i drejti, më i forti më i... Lëri moj këto, i thashë, po thuamë ç'hall ke!? - Po ja, ti e ke shok atë Kainin që ka hapur tavernën. Dua të më marrë në punë djalin, se kemi mbetur keq. Ç'je ti moj malukate, i thom. Romake shoku Enver, nga Roma e vjetër, vëndallije denbabaden. Jam e ëma e Neronit, perandorit të dikurshëm të Romës. Pies Foto Çamin, se atë kemi më të kënduarin e birosë. Ç'është ki Neroni mo? - Nuk e di. - Si s'e di, po pse kot të shkolloi partia deri në Bashkim Sovjetik tia!?

-Atje, dmth., në BRSS, që nga Lenini e këtej na e fillonin historinë. Ç'faj kam unë i shkreti se bota ka ekzistuar dhe para komunizmit! Piet Aleks Budën, se ai i di këto, është marrë më varre, me ilirë e me pellazgë tërë jetën. Vjen Aleksi me temena. Ju patjetër e dini shoku Enver, vetëm se nuk ju kujtohet për momentin. -Lëri more denglat, po thuaje, se tanët jemi këtu të gjithë, e s'na del llafi. - Neroni është një perandor mizor që dogji Romën, dmth., qytetërimin romak që vrau nja tetë gra e tre-katër mijë ushtarë robër, ndërsa kjo është e ëma. Thonë se kanë pasur një inçest të dy, ndaj janë këtu në ferr.

-Pse s'thua që qënka burrë zotni ki Neroni?! -Po ç'punë do bëjë? - i thom të jëmës. Oh ai është këngëtar i lindur, ka një zë që ja dhjet dhe Luan Zhegut tuaj. Veç ta dëgjosh kur këndon live. Qoftë e bërë, qënka burrë zotni ki që ka djegur Romën. Harrova të thom se e zgjeroi tani në behar bujtinën Kaini, e natën ka kthyer në pub. Pinë gjithë udhëheqësit birrë me patatina e lozin poker si ju, tek pub rozafa. Neroni këndon live nga ora 12 deri në 4 të sabahut allafrënga. Veç të shohësh dens, rep, hip-hop. Unë për vete jam bërë ca R&B, po këta metalistët, Hitleri me shokë, s'i duroj dot as këtu, na çanë veshët! E që thua ti, dëgjoj një natë afër sabahut... Neroni live, këndonte një këngë për Romën.

Roma, në zemrat tona

edhe e djegur

sido të jesh

ti je e jona.

I ngrihem i vete atje me atë bastunin që më kanë dhuruar punonjëset e kombinatit "Misto Mame" për ditëlindje. Ç'e ke këtë këngë ti!

-Hip-hop shoku Enver, më thotë.

-More s'të thom për hop-hopin unë, po ku e ke marrë. Ti vetë e dogje Romën, pse bën sikur t'u nxi trapi tani. -E, shoku Enver, se ti mos e bëre çirak Shqipërinë!...

-E di ti, more firaun, që kjo është pirateri. Të të zërë Sefedin Çela, të bën gjëmën. Kish kopjuar këngën tënde firauni, gjen tenxherja kapakun thuaj! -Mos të ta dëgjoj më, se më kujtohet përmbitja e Tiranës Erdhi e na ndau Kaini, se kushedi ç'do i keshe bërë. Pimë nga një gotë.

Ah ç'burrë i lartë je more Kain. Ah që s'të njoha në të gjallë, se do jeshë bërë një oficer i shkëlqier Sigurimi. Hajt mo, se nipërit e mi ishin dhe ata që kishe, - më tha, - s'më mbetet qejfi, për kokë të fëmijëve.

S'i paskej ngrënë akoma fëmijët e tij me ç'mora vesh. M'u ankua për biznesin. -Ky cerberi është më keq se Nanua juaj atje lart. Na griu me taksa, nuk na lë të ngrëmë kokë. Le që seç e ka shpallur dhe zonë pedonale këtë cepin e ferrit ku është pubi im dhe më mori në qafë, ra klientela. Tani njerëzit do hyjnë më një biçim karte elektronike. Dmth., siç hinin në kohën time me leje të drejtorisë së ditë në Bllok njerëzia. Po dhe ti o evlat, e keshe bërë në Tiranë. Më tha Bedriu që erdhi tani këto ditë sa bëri dorëzimet e sa mori rrobat, se dhe ti e keshe bërë. I kishe vënë një derr zinxhiri udhës për në Bllok. Ashtu të lumtë se u bëmë si këmbët e dhisë. Në Bllok s'mund të hijnë të gjithë, se ç'u pa puna. Vuri nja di ushtarë në krie rrugës, se ngjan më mirë, dëgjo mua. Pse si të dukesha unë tia, që s'lija njeri asaj udhe veç njerëzve tanë. Tani kthimi në identitet mund të quhet i përfunduar, se u ktheve tek unë në shumë gjëra, o evlat!

Me kaq them ta mbill se më vajti ora e bilardos me Kainin. E kemi bërë më xhin kush humbet. Të fala gjithë njerëzve tanë, gjithë atire që më duan e i dua.

PS.

Po t'u bë mbarë, më dërgo nja di çupa nga ato që iu jep me qira diplomatëve të huaj kur vinë në Tiranë për t'i futur në thes. Të dinë të këndojnë po dhe të jenë një çikë të mbajtura. Me një fjalë të mos i mbajë Kaini me bukë, po ta nxjerrin vetë bukën e tire. Përqindjen e fitimit ta dërgoj në rastin më të parë. Këtu bëjnë goxha para çupat. U mejtoj të mos i mundoni kot duke i dërguar në Itali e Greqi. Diskutoje me shokët. Kujdes mos iu zbulon linjën Interpoli se më kanë thënë që kanë nisur ca hetime për atë punën e organeve.

Nga Kaini ke shumë të fala të përzemërta.

Rroftë Partia jonë e lavdishme e Punës!

Rroftë populli shqiptar!

Rrofshi ju...