Vritet adoleshentja, refuzoi trafikimin

[iliria e para]

Vritet adoleshentja, refuzoi trafikimin

Urim Jahja ka vrarë 18-vjeçaren pasi ajo refuzoi të “punonte” për të

Kastriot Bushi

Ekzekutimi është bërë me një breshëri kallashnikovi në sy të dy vëllezërve dhe gjyshes së viktimës

Urim Jahja e kishte detyruar 18-vjeçaren që të punonte si prostitutë në Kosovë dhe ka kërkuar ta detyrojë sërish

Vajza është riatdhesuar nga autoritetet policore të Kosovës më 27 qershor të këtij vitit pasi u gjet pa dokumente

Burrel- Tutori ka ekzekutuar në sytë e vëllezërve të saj një adoleshente nga Klosi i Burrelit, e cila pasi kishte shpëtuar nga shfrytëzimi i tutorit të saj, ka refuzuar që të shkonte sërish me të. 18-vjeçarja, Valentina Barameta është vrarë nga 33-vjeçari Urim Jahja, me një breshëri kallashnikovi në afërsi të banesës së saj në fshatin Shëngjun të Klosit. Policia tha se Jahja ka kryer ekzekutimin e vajzës ndërsa ishin të pranishëm në vendngjarje dy vëllezërit e saj dhe gjyshja, dhe më pas është larguar nëpër malet e kësaj zone. Policia është ende në kërkim të tij, por nuk ka arritur ta arrestojë. Sipas policisë, shkak për vrasjen e 18-vjeçares është bërë refuzimi i saj për të punuar sërish për Jahjan në Kosovë. Policia thotë gjithashtu se 18-vjeçarja mund të zbulonte me dëshmitë e saj edhe një rrjet të trafikut të femrave në veri të Shqipërisë, që i trafikonte ato për në Kosovë. Valentina Barameta është deportuar nga Kosova në Shqipëri vetëm pak muaj më parë nga autoritetet e UNMIK.
Ngjarja
Ngjarja e rëndë ka ndodhur rreth orës 14:30 minuta në fshatin Shëngjun të Kolsit në rrethin e Burrelit. 18-vjeçarja Valentina Barameta ka qenë në arën e familjes duke punuar së bashku me dy vëllezërit e saj, Valdet dhe Valmir Barametën. Papritur në arën e tyre është shfaqur, Urim Jahja. Ai i ka dhënë ultimatum vajzës që të shkonte me të tek makina, përndryshe do ta vriste. Fytyra e urryer e vrasësit ishte e njohur për vajzën e shfrytëzuar e cila është përgjigjur se “vetëm të vdekur mund ta merrte sërish”. Vajza ka bërë hap drejt shtëpisë së saj, duke iu lutur Jahjas që të mos merrej me familjen e saj. Edhe vëllezërit të tronditur janë zhvendosur drejt shtëpisë, nga ku ka dalë dhe gjyshja 85-vjeçare. “Ti do të punosh sërish për mua në Kosovë, ndryshe do të vritet edhe familja jote,” ka qenë fraza e drejtuar nga i superkërkuari nga policia e Burrelit. Vajza dhe familjarët e saj kanë këmbëngulur se ajo nuk do të shkonte me të dhe vetëm pak sekonda më pas janë dëgjuar krismat e thata të armës. 15 të shtëna i kanë marrë jetën adoleshentes. Të ngrirë nga krimi makabër kanë mbetur vëllezërit teksa shihnin largimin vrasësit të motrës së tyre...
Motivet
Policia e Burrelit thotë se Urim Jahja kishte detyruara nën forcën e armës tre muaj më parë të trafikonte 18-vjeçaren në Kosovë duke e shfrytëzuar për prostitucion. Sipas policisë, ai e kishte gjetur vajzën të vetme në shtëpi dhe duke e kërcënuar me armë e ka marrë me dhunë dhe e ka futur në makinën e tij. Sipas policisë, ai e ka torturuar adoleshenten duke e detyruar që të udhëtonte me të në drejtim të Kosovës. Atje e ka shfrytëzuar për prostitucion dhe më pas e ka kaluar në Maqedoni për ta rikthyer sërish në Kosovë. Urim Jahja kishte në plan sipas policisë, që ta merrte vajzën dhe të shkonte në Itali, por planet e tij janë prishur pas deportimit të saj nga autoritetet e UNMIK. Vajza pasi ka mbërritur në shtëpi, i ka treguar familjes gjithçka, por frika nga “bosi i krimit” në Burrel, e ka detyruar familjen të mos bëjë denoncimin në polici. Vajza dhe familja e saj kanë qenë vazhdimisht nën presionin e ekzekutimit të tyre.

Vrasësi i kishte shpëtuar arrestimit duke kërcënuar viktimat

Policia e Burrelit sapo ka mësuar se në fshatin Shëngjun kishte ndodhur një vrasje është nisur menjëherë për në vëndin e ngjarjes. Pasi ka marrë të dhënat e para operative, uniformat blu kanë mësuar autorin e ngjarjes dhe kanë vajtur menjëherë në banesën e tij duke kryer një kontroll të shpejtë, por pamundor të gjejnë Urim Jahjen. Fotot e tij janë shpërndarë në të gjithë komisariatet e vendit dhe vazhdon krehja e zonës për gjetjen e tij. Sipas policisë së Burrelit, Urim Jahja ka qenë person me precedentë të shumtë penal. Policia thotë se ai ka qenë tmerri i qytetit të Klosit, dhe ka sjellë vazhdimisht probleme për uniformat blu. Të njëjtat burime bëjnë të ditur se Urim Jahja është i martuar dhe se ka dy fëmijë. Familja e tij jeton në Klos të Burrelit. Vetë Urimi ka qenë i papunë dhe vazhdimsht kishte arritur të trafikonte femra në Kosovë. Ai ka mundur t’i shpëtojë policisë falë dhunës dhe presioneve që ka ushtruar mbi viktimat e trafikimit të tij, të cilat nuk e kanë denocuar nga frika.




24/08/2006

[inscrite]

Ngjarje shume tronditese dhe e zymte nga realiteti shqiptar

[AlbaneZ]

Nje ngjarje shume e hidhur

Shpresoj te kapet sa me shpejt autori dhe te mari denimin e merituar.

[panti]

Shume tronditese kjo ngjarje
Ai njeri do vrare , por do torturuar njehere mire me pare .

Ngushellime familjes se vajzes

[Fenomeni]

Lidhet, i behen kanale ne trup me thike dhe i hidhet kripe. I keputet nje gisht, pastaj copa nga trupi sipas rradhes dhe te jetoje keshtu te pakten 2 vjet para se ti hidhet sorrave ta hane. Pas kesaj monstra ndjehet i qete sepse ka marre ate qe meritoi.

[Lioness]

Ahhhh .... nje jete e prere shkurt, nje enderr, nje femer. Mos iu zbardhte dita asaj kafshe qe mori kete jete!!! Ata vellezer, cfare benin? Sehir? Po te ishte vellai i tyre nen hijen e pushkes, si do te reagonin?

Medet!!!

[Homza]

Ahhhh .... nje jete e prere shkurt, nje enderr, nje femer. Mos iu zbardhte dita asaj kafshe!!! Ata vellezer, cfare benin? Sehir? Po te ishte vellai i tyre nen hijen e pushkes, si do te reagonin?

Medet!!!

Lioness, medet nje mije her per familjen e saj, shum e rende kjo.

Kam bo ca mungesa ktej, nuk te paskan ra ne sy fare me doket eh???

[alibaba]

Shumë ngjarje e hidhur por njëkohësisht edhe paradoksale, të shikojnë vëllezrit sikur të ishte ndonjë shfaqje.

[friendlyboy1]

pse sdonte ajo sikur ca do bente koka peshku do qeronte, mir ja beri qe e vrau ta mesojn mir kto tjerat. kur te thot njeri qero koka peshku duhet ta dish qe duhet tia nisesh punes e jo te besh naze.

[YaSmiN]

Shume ngjarje e hidhur shpresoj qe ky denim i autorit te jet ajo qe e meriton.