SHBA prokurorise: Denoni kriminelet me pushtet politik

[Albo]

Ambasadori Jeffrey paralajmëron: Krimi po shkatërron Shqipërinë

Armand Mero
27 tetor 2003, 13:01


Ambasadori amerikan në Tiranë James Jeffrey përsëriti sot se krimi po shkatërron Shqipërinë. Ambasadori amerikan i bëri këto komente në hyrje të një trajnimi me prokurorë dhe gjyqtarë në shkollën e magjistraturës. Ambasadori Jeffrey deklaroi se mesazhi për baronët e botës së krimit ishte i qartë: ata njihen se kush janë dhe se përpjekjet për t’u dhënë ndëshkimin e merituar nuk do të rreshtnin.

Një vit më parë, po në shkollën e magjistraturës në Tiranë, ambasadori amerikan James Jeffrey kishte deklaruar se krimi po shkatërronte Shqipërinë. Sot, përpara një grupi prokurorësh dhe gjyqtarësh, ambasadori Jeffrey u shpreh se ishte i detyruar të pohonte se fatkeqësisht kjo mbetej akoma e vërtetë: Përsëri krimi po shkatërron vendin tuaj dhe po sfidon aftësinë që duhet të ketë vendi juaj për tu future në institucionet perëndimore. Dhe shembull më i fundit për këtë gjë është një seri vrasjesh, të cilat ende nuk janë zgjidhur dhe që kulmuan me sulmin e cartur mbi shoferin e prokurorit të Përgjithshëm. Këto krime - tha ambasadori Jeffrey - ilustrojnë seriozitetin e problemit".

Sipas tij bashkëpunimi me qeverinë shqiptare, prokurorët, gjyqtarët, policinë apo dhe partitë politike është shumë i mirë por megjithatë mbetet ende punë për t’u bërë në luftë kundër krimit dhe korrupsionit. Ai shtoi se edhe publiku shqiptar duhet t’u dërgojë udhëheqësve të vet politik mesazhin për më shumë veprime kundër krimit. "Suksesi i arritur në luftën kundër trafikut të qënive njerëzore, tha ambasadori amerikan është tregues i faktit se cfarë mund të realizohet dhe se i njëjti përparim duhet bërë edhe në fusha të tjera".

"Krimi dhe korrupsioni, në shumë vende të tjera - shpjegoi ambasadori Jeffrey - ndotin biznesin dhe procesin politik me para të pista dhe se kjo nuk duhet të lejohet të ndodhë në Shqipëri", duke shtuar se kishte një mesazh të qartë për baronët e botës së krimit: "Ne e dimë apo shumë shpejt do e zbulojmë se cilët jeni. Qeveria ime, partnerët tanë europianë dhe shqiptarët janë vënë pas jush dhe ne nuk do të rreshtim derisa ju të shkoni atje ku ju takon dhe krimi të mos kërcënojë më këtë vend dhe këtë rajon", deklaroi ambasadori amerikan Jeffrey.

Zeri i Amerikes

[Albo]

Xhefri: Baronë, ju jemi vënë pas

Shekulli

TIRANE - Në seminarin e djeshëm të zhvilluar në shkollën e Magjistraturës, Tiranë, ambasadori amerikan në Tiranë, Xhejms Xhefri dha një mesazh edhe për “baronët e krimit: “Ne e dimë apo do të zbulojmë së shpejti se cilët jeni. Qeveria ime, partnerët tanë europianë dhe shqiptarët, ju jemi vënë pas. Ne nuk do të ndalemi derisa të jeni çuar aty ku keni vendin dhe derisa krimi të mos kërcënojë më këtë vend dhe këtë rajon”, -tha ai. Gjatë këtij viti, në Shqipëri kanë ndodhur jo pak vrasje të rënda që kanë prekur jo vetëm fushën e biznesit por edhe të drejtësisë. Deri me tani në asnjë prej vrasjeve të bujshme nuk është gjetur autori i vrasjes duke pritur tashmë në një bashkëpunim akoma më të ngushtë me Shqipërisë dhe përfaqësuesve ndërkombëtarë për zbardhjen sa më parë të këtyre ngjarjeve.

[Shpirt Njeriu]

Shqipëria është shndërruar në vendin me kriminalitetin më të lartë në Europë dhe eksportues kryesor i krimit në kontinent». Kjo ka qenë akuza e kryetarit të Partisë Demokratike, Sali Berisha, ndaj qeverisë së dështuar socialiste, e cila artikulohet thuajse në të njëjtën kohë me ato të institucioneve ndërkombëtare që monitorojnë zhvillimet në Shqipëri.

Shefi i opozitës shqiptare, Berisha, duke shprehur shqetësimin e tij për faktin se, «krimi në Shqipëri është në revansh të plotë», tha dje gjatë një mbledhje të Grupit parlamentar të PD-së se «situata në Shqipëri është jashtëzakonisht e rëndë, mbasi qartazi këtu në çdo gjë vendos krimi me në krye klanin e Zemunit. Është klani i Zemunit ai që ngarkon dhe shkarkon ministrat, është ky klan i përfaqësuar nga Fatos Nano dhe Agron Duka ata, të cilët emërojnë dhe shkarkojnë anëtarët e KQZ, është ky klan ai që përcakton nëpërmjet bandës Celibashi-Subashi se kush duhet të votojë dhe kujt i duhet hequr e drejta e votës, është ky klan që përjashton dhjetra mijëra qytetarë nga e drejta e votimit», theksoi ai.

Lideri demokrat tha në vazhdim se, «vendi me kriminalitetin më të lartë të Europës, eksportues kryesor i krimit në kontinent, ka sot në krye të rendit një gjykatës të shkarkuar për hajdut, i cili ka të vetmen meritë se i përket klanit të Nanos».

[Shpirt Njeriu]

Dëshiroj të them, se për mua është kënaqësi që kthehem përsëri në shkollën tuaj pas pothuajse një viti. Kjo shkollë është e njohur gjerësisht për programet e nivelit të lartë profesional dhe për profesionalizmin dhe efikasitetin që po i sjell sistemit të drejtësisë penale në Shqipëri. Ju jeni në ballë të frontit të luftës së vendit tuaj kundër krimit dhe korrupsionit, dhe ne nderojmë përpjekjet dhe sakrificat tuaja.

Kur unë isha këtu para pothuajse një viti, thashë: "Krimi po shkatërron vendin tuaj". Sot, unë do të dëshiroja të mund të thoja që nuk është më kështu, por fatkeqësisht kjo mbetet e vërtetë. Krimi vazhdon ta shkatërrojë vendin tuaj dhe po sfidon aftësinë e tij për të hyrë në institucionet perëndimore. Shembulli më i fundit i kësaj janë një seri vrasjesh, të gjitha të pazgjidhura, të cilat kulmuan në sulmin e çartur ndaj shoferit të Prokurorit të Përgjithshëm. Këto krime ilustrojnë seriozitetin e problemit.

Në vende të tjera, ne kemi parë që krimi ndot procesin politik dhe sektorin e biznesit përmes parave të pista. Kjo nuk duhet të ndodhë këtu. Unë nuk e drejtoj gishtin ndaj askujt, përveç kriminelëve. Ne po punojmë shumë ngushtë dhe mirë me qeverinë, Prokurorinë, drejtësinë, policinë, partitë politike dhe institucionet jo-qeveritare. Të gjithë po përpiqen shumë për të luftuar kundër krimit dhe korrupsionit.

Por akoma më tepër duhet bërë. Dhe kjo fillon me publikun shqiptar dhe me mesazhin që ky publik duhet t’u dërgojë udhëheqësve politikë për nevojën për veprim, kundër kriminelëve. Por gjithashtu varet edhe nga ju që jeni të ulur këtu sot. Ne ju nxisim që t’i merrni këto gjëra që do të mësoni në këtë trajnim mbi trafikimin e njerëzve dhe t’i aplikoni në luftën kundër trafikut të qenieve njerëzore. Ky trafikim mbetet një ndër plagët më të rënda të tërë rajonit.

Por vetë suksesi që jeni duke parë, me ndihmën e qeverisë dhe policisë, në luftën kundër trafikimit të qenieve njerëzore, gjatë tetëmbëdhjetë muajve të fundit, tregon se çfarë mund të arrihet. Përmirësimet në disa fusha të caktuara kanë qenë dramatike dhe kjo tregon që të njëjtin përmirësim mund ta shohim edhe në fusha të tjera. Mesazhi ynë për ju është ky: Ju keni mbështetjen dhe nxitjen tonë. Ne i njohim rreziqet dhe presionet me të cilat ballafaqoheni. Jepni më të mirën tuaj.

Ne gjithashtu kemi një mesazh për baronët e krimit: Ne e dimë apo do të zbulojmë së shpejti se cilët jeni. Qeveria ime, partnerët tanë europianë dhe shqiptarë, ju jemi vënë pas. Ne nuk do të ndalemi, derisa të jeni çuar aty ku keni vendin dhe derisa krimi të mos e kërcënojë më këtë vend dhe këtë rajon.



Fjala e mbajtur nga ambasadori i SHBA-ve në një seminar të organizuar dje me gjyqtarë e prokurorë në Shkollën e Magjistraturës.

[Shpirt Njeriu]

Deklarata e zotit Xhefri ishte një goditje e rëndë për kryeministrin Fatos Nano dhe për mbështetësit e tij të rralluar, që po përpiqen të fshehin faktin se vendi ndodhet në një krizë të thellë politike dhe institucionale. Në radhë të parë, ajo i jep përgjigje mburrjeve të papërgjegjshme të kryeministrit për një qeverisje efiçente, sepse do të thotë se gjatë këtij viti, kabineti i Nanos, më e pakta që ka bërë, nuk ka ekzistuar fare në raportin e vet me krimin e organizuar. Nëse dikush ka më shumë fantazi, mund edhe të mendojë se kjo qeveri e ka inkurajuar rritjen dhe karshillëkun e krimit, që në këto muajt e fundit ka goditur pa mëshirë, madje edhe mbi vetë shtetin. Dhe për këtë ka me dhjetra shembuj dhe prova, të servirua nga shtypi, por edhe nga faktorë të tjerë, që nuk fillojnë e mbarojnë tek kandidimi dhe "fitorja" në Durrës e Ter Kokës, një emblemë e lidhjeve të krimit të organizuar me politikën në Shqipëri, një produkt ekskluziv i kryeministrit Nano.

Pas përfundimeve të qarta të zotit Xhefri, kryeministri Nano dhe ndonjë ndihmës i tij, pa kulturën e nevojshme të komunikimit me të huajt, si Gramoz Ruçi, mund ta kenë të vështirë t'u mbahen sërish atyre deklarimeve mburraveco-idiote për suksese të policisë shqiptare dhe forcave të rendit, nën drejtimin e Luan Ramës. Të paktën tre ditë më parë, vetë kryeministri po na qahej me lot në sy për incidentin fatkeq që i ndërpreu në mes karrierën "brilante" të ministrit të Rendit, i cili paskësh patur arritje të rëndësishme në detyrën e tij, të cilën e dorëzoi me turp pas presionit të gazetarëve.

Deklarata e ambasadorit amerikan vjen në një kohë që vendi është zhytur në një krizë të thellë institucionale, për shkak të paranojës së kryeministrit Nano, i cili nuk do të pranojë kurrësesi vullnetin e Parlamentit, që e ka rrëzuar dy herë rresht qeverinë e tij. Pavarësisht se zoti Xhefri nuk ka shprehur ndonjë lidhje mes kësaj situate absurde dhe rrezikut që vjen nga revanshi i krimit, është fare e lehtë për të kuptuar se ato janë rrjedhojë të njëra-tjetrës.

Në të dy rastet, në qendër të problemit është kryeministri Fatos Nano, i cili nga njëra anë nuk qeveris dhe nuk lufton krimin që po i zë frymën vendit, dhe nga ana tjetër kërkon të kacavirret me çdo çmim pas pushtetit të humbur me vota. Në rast se do t'i referohemi rivalit të Nanos në Partinë Socialiste, Ilir Metës, kryeministrin nuk e lë krimi të tërhiqet, madje është ai që i ka grisur dorëheqjen menjëherë, pasi Parlamenti i rrëzoi ministrat. Kjo do të thotë se, pavarësisht se duken dy apo më shumë çështje të koklavitura për t'u zgjidhur, problemi është një dhe i vetëm, Fatos Nano.

Është pikërisht ky emër që inkurajon banditët e të gjitha llojeve, që nga padrinot e karteleve të Tiranës e Durrësit e deri tek hajdutët e xhepave, që nga hajdutët e votave dhe masakruesit e listave të zgjedhësve e deri tek hajdutët e vegjël të ministrive, që rrjepin ndonjë ryshfet modest, pas gostisë së shefave të mëdhenj që kullufisin tenderat e majmë. Ndaj edhe ikja e tij është një shpëtim për Shqipërinë. Në radhë të parë, për të përmbushur atë vullnet të institucionit që përfaqëson sovranitetin e vendit, për të vënë në vend poshtërimin që po i bëhet kushtetutës dhe pastaj për të dekurajuar mafian vendase dhe të huaj, që shohin tek kjo qeveri partneren e vet në ndarjen e milionave të zeza.

[Brari]

Ambasada Amerikane eshte pjese e Administrates amerikane e cila ka merite qe dergon ushtaret trima amerikane ne Vende ku sunduan Diktatura te ndyra si Iraku, Somalia e afganistani..por kjo Administrate ka treguar pa aftesi te rregulloje gjendjen atje ku ka shkuar me ushtare ose eksperte.

Shembull eshte Vietnami te cilin e dogji me napalm dhe e la nen diktaturen e oriz-stalinistave te Ho shi M-utit..
Shembull eshte Koreja Jugut ku Amerika harxhon miliarda ta mbroje nga ai krokodili i Veriut dhe perseri opinioni Koreano jugor dashuron Enverin e Veriut..
Shembull eshte Afganistani ku akoma sundon ferexheja skllaveruese dhe ligjin e rruges e bejne Al-Kaedistet.. talibaniste ..ata qe shkaterruan me dinamit nje nga kryeveprat e Njerzimit.. te famshmen statuje gjigande te BUDES..
Shembull eshte IRAKU qe u shker-dhue 40 vjet nga nje m-ut m-uti si Sadami dhe perseri edhe se herojte ushtar amerikan dhan jeten te shpetojne ate popull perseri ata po vriten perdite nga agjentura e Sadamit..
Shembull eshte Shqiperia ku Ambasadorja Amerikane Mariz Lino..me urdher te kushedi kujt (???) ..perkrahu pa ekuivoke banden e Rexhep Mejdan-Gjinushve qe te bejne katastrofen e 1997-tes..
Shembull eshte Xhefri i cili hapur mbron Mafien Socialiste e kjo u pa ne perkrahjen e turpshme qe ai dhe Limprejti u dhane Ed Rames i cili ne menyre demonstrative injoroi themelin e demokracise duke u tallur 6 muaj rresht me te drejten e Parlamentit te kontrolloje nje zyre te Shtetit..
Shembull eshte dhe nje fakt i vogel qe ish ministri bllokmeno- socialist i Policise Ilir Gjoni..i cili ishte bashk-Vjedhes ne milionat e tenderit te Pasaportave u shpetua duke ju dhene Burs e Vize amerikane e sot pjek geshtenja ne USA.

Me fjale Ambasada Amerikane denon Krimin por me VEPRA eshte bi-th e breke me MAFIEN socialisto-Bllokmene.

Per hir te Kosoves ne do heshtim dhe do jemi mirenjohes per jete Amerikes sepse eshte Klintoni e Bleri qe shpetuan 3 milion Njerez nga kasapi Milloshevic.. por per hir te se vertetes duhet te themi se Ambasada Amerikane eshte nje QEN ROJE i mafies Socialiste.

Kjo eshte e verteta..

[Fringo]

Paska fol dhe Doktori per revanshin e krimit?
A e ka pyetur vehten doktori, se c'beri ai per te shtypur krimin sa ishte ne fuqi?
Pa pyeteni doktorrin, kur filloi krimi i organizuar ne Shqiperi?
Kur filluan skafet?
Kur filloi kontrabanda e cigareve?
Kur filloi evazioni fiskal?
Kur filloi korrupsioni ne gjykata?
Kur filloi vjedhja e tokave?
Kur filloi shitja e bregdetit?
Kur filloi korrupsioni ne dogana?
Kur filloi kontrabanda e naftes?
Kur filloi trafiku i qenieve njerezore?
Kur filloi prostitucioni?
Kur filloi "zhveshja" nga pusetat per tu shitur si hekur ne Greqi?
Para se Sala te flase, te shohe nje here, a ka te drejten morale per te folur per krimin dhe korrupsionin?

[Albo]

Fringo, kur te pyesin, te thone si je dhe jo si ishe?

Lerini propaganden e njerezve te vegjel qe problemet e tyre te histerise se brendshme ia veshin gjithe popullit shqiptar. Shqiptaret nuk kane nevoje te degjojne as nga mua e as nga ty se kush ishte "pushteti i Berishes" apo "pushteti i Nanos" pasi ata i jetuan vete te dy pushtetet dhe dine ta bejne shume mire dallimin.

Vota e tyre ne 12 tetor e tregoi se edhe bastionet e PS ne jug te vendit voten e tyre po ia japin opozites, aq i thelle eshte kriza ne besim ne rradhet e elektoratit te majte.

Albo

[lis]

Mos ja keputni kot me "thashetheme" dhe me oh ahh se edhe kur i bejne njeriut nje inxheksion ne prapanice, do bertase.
Merruni me gjera me serioze se kaq.

[Albo]

Shqiperia ka 2 vjet qe eshte nen vemendjen dhe monitorimin e rrepte te sherbimeve sekrete italiane dhe amerikane qe kane bere te mundur dokumentimin dhe asgjesimin e nje pjese te mire te trafikut tranzitor apo kriminal qe buron nga Shqiperia. Njerez me pushtet jane te implikuar ne te dhe dosjet e tyre ruhen ne prokurorite e vendeve fqinje, per tu bere publike ne momentin e duhur kur shteti ligjor te jete kthyer ne Shqiperi.

Vrasjet e vitit te fundit ne Shqiperi jane nje perpjekje e "peshqve te medhenj" qe te humbin gjurmet e tyre, por sic e thote edhe ambasadori amerikan, jane te kota perpjekjet per te humbur gjurmet e krimit pasi keto gjurme jane te dokumentuara tashme.

Ata qe kujtojne se do te gezojne pasurine e jashteligjishme qe kane vene ne kurriz te shqiptareve ne keto vite, une u them qe do te jete pikerisht ajo pasuri qe do tu haje koken. Kreret e krimit te organizuar ne Shqiperi do te behen shembull nga drejtesia shqiptare dhe ajo nderkombetare per te gjithe krimin e organizuar ne Europen Juglindore.

Albo

[Shpirt Njeriu]

Ne gjithashtu kemi një mesazh për baronët e krimit: Ne e dimë apo do të zbulojmë së shpejti se cilët jeni. Qeveria ime, partnerët tanë evropianë ju janë vënë pas…". Kjo është një pjesë nga deklarata e papritur e ambasadorit amerikan në Tiranë e shqipëruar në rastin më të parë që atij i'u dha pas një ngjarjeje të bujshme siç është vlerësuar vrasja e shoferit të kryeprokurorit shqiptar. Por kush janë në të vërtetë baronët e krimit në Shqipëri apo më saktë bandat më të njohura të pasviteve '90?

"Hakmarrja Shqiptare për Drejtësi"

E bërë publike për herë të parë në vitin 1996 u konsiderua si një organizatë kriminale me karakter politik. Madje u tha se ajo u godit pak kohë para se të realizonte një atentat kundër presidentit të vendit në atë kohë. Këtij grupimi i'u atribuan një sërë grabitje bankash, vrasja e ish-drejtorit të burgjeve Bujar Kaloshi dhe hedhja në erë e supermarketit të VEFA. U arrestuan pothuaj të gjithë anëtarët e akuzuar. Të cilët fituan lirinë pas hapjes së burgjeve në vitin 1997 në një kohë kur gjykata ende nuk kishte shkuar te dhënia e vendimeve. Grupi vazhdon të mbetet ilegal edhe pas vitit 1997. Vetëm në vitin 2002 gjykata e faktit në Tiranë pezullon urdhër-arrestet për anëtarët e tij. Porse pak muaj më vonë gjykata e Apelit e rikthen grupin në ilegalitet. Nuk ka shumë të dhëna për linjën e veprimeve të saj dhe fuqinë reale. Kundërveprimi i shtetit ndaj bandës kohët e fundit është dukur inekzistent.

"Banda e rrugës së Durrësit"

E bërë e njohur pas ekzekutimit me antitank të Denis Ginës në vitin 1999. Tashmë mendohet të ketë një krah dominues të bandës. Pra një krah që ka triumfuar mbi kundërshtarët e vet të të njëjtit grup në një luftë të egër hakmarrëse. Konsiderohet një grupim me një fuqi të madhe ekonomie dhe mbështetje politike të të dy krahëve. Policia deri diku është munduar të mos lejojë të krijohet miti i paprekshëmrisë së kësaj bande. Pothuaj i ka pastruar të gjitha paratë në biznese të ligjshme dhe është lidhur me politikën.

"Bandat e Durrësit"
Ato mendohet të jenë disa dhe në veprim. Mendohet se ka gati një vit që të gjitha palët kanë vendosur një farë arëmpushimi solid midis tyre të kushtëzuar nga fuqia ekonomike e siguruar me anë të veprimtarive kriminale. Për bandat mund të thuhet tashmë se kanë ndarë qytetin në zona influence përfshirë edhe Shijakun. Konsiderohet se janë shumë të lidhura me politikën e të dy krahëve. Nuk janë shquar për egërsi ekzekutimesh. Gjenden në periudhën e pastrimit të parave në veprimtari të ligjshme dhe katapultimit në politikë.

"Banda e Fierit"
Mendohet të jetë një bandë ku kapërthehen një pjesë e mirë e linjave të drogës së llojit heroinë të ardhur nga Turqia. Në krye të saj është një personazh i njohur nga të gjitha strukturat e antidrogës në Shqipëri. Nuk dihet suporti i tij politik, veçse deri tani ka qenë i paprekshëm. Është duke pastruar paratë e pista.

"Bandat e Vlorës"
Konsiderohen pothu-aj të palexueshme, pasi të gjithë krerët e policisë të dërguar në Vlorë kanë qenë përzgjedhje të gabuara të politikës dhe jo profesionistë. Mendohet se vrasja e një eksponenti të njohur në Greqi para pak kohe e ka bërë akoma më të palexueshme pamjen. Gjithsesi mbeten një rrezik potent që pjell vrasje të dhunshme të cilat mbeten mister, të ngjashme me vrasjet e fundit në Tiranë.

"Banda e Beratit"
Është një grupim i fortë, ish-pjesë e Bandës së famshme të Beratit të vitit 1996. Më saktë një grupim që ka mbijetuar në sajë të lidhjeve me politikën dhe me struktura të policisë. Aktualisht nuk dihet shumë për aktivitetin. Mendohet se banda është në periudhën e pastrimit të parave të pista.


Mesazhi i Xhefrit sipas ...

SABRI GODO
President nderi i Partisë Republikane
"Deklarata paralajmërim për qeverinë" "Deklarata e ambasadorit amerikan në Tiranë, Xhemjs Xhefri, është një deklaratë serioze. Eshtë një paralajmërim i vërtetë dhe i qartë ndaj qeverisë shqiptare. E nëse do të lexojmë mes rreshtash, ashtu si duhet të bëjnë diplomatët, do të shohim se gishti është drejtuar drejt pushtetit, ku dhe është duke gjetur strehë krimi i organizuar. Krimi ka pasur terren në Shqipëri dhe nuk ka lëshuar ende asnjë pozicion, ashtu si me keqardhje ka vërejtur dhe ambasadori Xhefri. Ne duhet të dëgjojmë dhe të bazohemi në ato që thotë Xhefri sepse këto deklarata, janë në një farë mënyre konkluzione të nxjerra në bazë të studimve dhe të të dhënave të qeverisë së Shteteve të Bashkuara në bashëkpunim me qeveritë e vendeve evropiane. Ndaj duhet vepruar sa më shpejt pasi durimi i shqiptarëve është sosur".


BLENDI KLOSI
Ministër i Shtetit pranë Kryeministrit
"Duhet kontributi i të gjithë faktorëve"."Qeveria Shqiptare edhe në të ardhmen garanton partnerët ndërkombëtarë që ashtu siç ka bërë në 18 muaj duke goditur trafikun e qënieve njerëzore, nuk do të rreshtë përpjekjet për të goditur pa kompromis krimin e organizuar, korrupsionin dhe trafiqet e çdo lloji. Ne vlerësojmë inkurajimin në këtë drejtim dhe kërkojmë që përpjekjeve tona t'u bashkohen edhe faktorë të tjerë institucionale dhe shoqërorë për të realizuar goditjen e krimit të organizuar me drejtësi të organizuar. Ne mendojmë se kontributi i të gjithë faktorëve është shumë i vlefshëm për të arritur progres në këtë drejtim".


SHABAN MEMIA
Anëtar i komisionit parlamentar për rendin dhe SHISH-in
"Krimi bashkëpunon mesegmente të shtetit""Prej kohësh kemi folur se krimi në Shqipëri është duke sfiduar shtetin. Vetëm gjatë këtij viti kemi patur të paktën 10 vrasje të tipit mafioz të biznesmenëve deri tek shoferi i kryeprokurorit. Por probleme shumë shqetësuese mbeten trafiku i narkotikëve dhe qënieve njerëzore. Një problem ku nuk është vënë dorë mbetet regjimi i shkatërruar kufitar. Pothuaj 99% e drogave kapen nga shërbimet e shteteve fqinje. Nga ana tjetër strukturat e antikrimit janë inefiçente. Ndërkohë vihet re se krimi bashkëpunon me segmente të shtetit dhe politikanë e deputetë të majtë. Por edhe prokuroria e gjykata nuk veprojnë në bazë të ligjit për të goditur strukturat kriminale. Qëndrimet e opozitës kanë qenë gjithmonë në të njëjtën gjatësi vale me ato të opinionit ndërkombëtar. Mendoj se do të ketë një pamje krejt tjetër nëse do të ndahet krimi nga politika".


THOMA JANO
Zv/mininstër i Rendit
"Mungojnë mjetet në luftën ndaj krimit""Bashkëveprimi me amerikanët ka qenë i vazhdueshëm. Task Force është struktura e re e krijuar për të luftuar krimin e organizuar. Në kuadër të formimit të kësaj strukture është në përfundim një program pilot për pesë qytetet kryesore të vendit. Janë përzgjedhur prokurorët dhe oficerët e policisë gjyqsore nga më të mirët, të cilët do të trajtojnë rastet e krimit të organizuar dhe krimet e rënda. Krimi në vendin tonë po humbet gjithnjë e më tepër terren. Strukturat që e luftojnë atë janë të motivuara, por kjo nuk do të thotë që lufta të bëhet me fushata. Ka probleme përsa i përket mjeteve për të bërë sa më efikase këtë luftë, duke filluar këtu me aparaturën e bërjes së ADN-së".


BAJRAM IBRAJ
Drejtor i Përgjithshëm i Policisë
"Falenderojmë ambasadën për mesazhin""Gjejmë me vend të falenderojmë Ambasadën USA në Tiranë për mbështetjen e vazhdueshme dhe inkurajimin stimulues që i ka dhënë institucioneve shqiptare të zbatimit të ligjit përfshi edhe policinë. Ne vlerësojmë maksimalisht vlerësimin dhe suportin që kanë dhënë dhe po i japin partnerët amerikanë policisë shqiptare. Drejtoria e përgjithshme e policisë dëshiron të garantojë ambasadën USA se mesazhe të tilla shprese dhe inkurajimi na angazhojnë edhe më tepër në përpjekjet për realizimin e obligimeve tona institucionale në luftën ndaj krimit të të gjitha llojeve dhe formave".


PJERIN NDREU
Drejtor i Policisë së Tiranës
"Krimi jo vetëm punë e policisë"."Mendoj se ambasadori amerikan nuk e kishte fjalën vetëm për vrasjet. Prononcimi ishte një shqetësim përgjithësues për krimin, ku përfshihen edhe trafiku i drogës, i qënieve njerëzore etj. Kështu që mesazhi nuk është vetëm për policinë. I mbetem mendimit se që të ketë një zhvillim të dukshëm pozitiv në luftë kundër krimit, duhet të ketë bashkëpunim të të gjitha institucioneve të shtetit".

[krokodili_73]

Albo fringo ka te drejte. Nuk diskutohet ideja qe eshte opozita ajo qe duhet te ngreje alarmin per krimin, megjithate opozita e votuar me fanatizem ne shqiperi, eshte ajo opozite qe udhehiqet nga nje njeri qe kur ishte ne pushtet, punesoi ne menyre sistematike rrugacet e rruges, me apo pa xhinse e cizme te zeza per te arritur qellimet e tija te semura, mbajtia e pushtetit me cdo kusht. Perpara pyetjes nese a ka kredibilitet dhe aftesi ky hudlum te luftoje krimin dhe te zbatoje kushtetuten ne te njejten kohe ne sduhet te fshehim koken ne rere me asryetimet e tua famoze, 'te pyes se si je, jo si ke qene......?
Kush na siguron ne se qafeleshet nuk do shfaqen perseri ne kongreset e pd-se per te rrahur ata qe mendojne ndryshe nga hodlumi, po agron musarajt qe u shpallen gangstere nga te njejtat burime si sot dhe qe su hoqen nga posti, por u lejuan qe me leket e shtetit, e jo te gangsterev te vet te benin gjyqe te kushtueshme ndaj gazetave prestigjose, po kur te na dal nai meks i ri qe te gjej nai kuti me lek nen krevat e te beje pallate 10 kateshe, qe u toleruan thjesht qe te mos i shqetesonin endrrat e pallatit budallait nga kasollja..... Cilat jane mekanizmat qe ky obesivo-kompulsiv i lidhur me dashuri seksuale me pushtetin, si hitleri me turmat, ka pervetsuar qe ti frenoje instiktet e tija kanunore kur vjen puna ke zbatimi i ligjit. kte po pate mundesi na shpjego ti neve, nese di ndonje pergjigje.
Mendimi im eshte se partia socilaiste e ka konsumuar pushtetin dhe i duhet te dale ne opozite te vetpastrohet, por alternativa perballe eshte kuje e zeze. Ca mund te presesh nga nje njeri qe sot e kesaj dite i quan ballistet pulangrenes......... Si tha halla ke filmi me mato gruden ' O pika me gjith tepsi e tosum bac' kshu eshte dhe sala, tosum baci i politikes shqiptare.
Pershendetje
Kroksi

[Redi]

Nuk kuptoj se pse behet kaq zhurme pas kesaj deklarate.

Qe Shqiperia eshte e zhytur ne Llum kete e di i madh e i vogel. Kushdo qe jeton duhet ta kuptoje kete gje.

Shqiperia eshte shteti me i kriminalizuar i Europes dhe nuk ka nevoje qe ta thote Ambasadori i SHBA-se nje gje te tille.
Po shqiptaret vete cfare bejne? Presin qe ti thone te tjeret se si eshte vendi i tyre?

Socialistet prej 6 vitesh tashme ne pushtet nuk kane bere pothuajse asgje per te luftuar krimin, perkundrazi. ne keto vite krimi ka marre perpjestime te llahtarshme dhe eshte organizuar e fortifikuar.

Eshte e pamundur qe qeveritaret te jene te paster ne tere kete mesele. Shume ish-ministra te akuzuar per bashkepunime me organizata kriminale, trafiqe etj sot as qe dihen nga jane.

Dhe keta qe jane ne pushtet jane te perlyer koke e kembe. Vetem nje naiv mund te mos kuptoje shkaqet e verteta te kesaj situate. Vete kreret e PS-se i nxjerrin te palarat njeri-tjetrit dhe perseri nuk u hyn gjemb ne kembe.

Le te rrine ne pushtet persa populli i voton. Vete ai popull meriton qeverine qe ka me mbeshtjen qe i ka dhene.
Shpresojme te mos jete vone kur te kerkohen te vihen pikat mbi i.

[iliria e para]

M eduket qe gjendja eshte me ekomplikuar se kaq.
Populli i dalur prej nje diktature te rende ende eshte ne "grogi" si nje boksier qe tronditet rende. Mediat manipulojne me njerzit. 6 vitet e Berishes e 6 te Nanos nuk kan shume dallim. Veshtire e ka nje popull ne kete gjendje te vendos te jap votat nje partie te pa pervoje. Me se miri do te ishte qe te bojkotonin te dyjat, kjo do te ishte zgjidhja me e mire per Shqiperine.

[Veshtrusja]

....Eshtë e pabesueshme për mua dhe për europarlamentarët e tjerë, që kjo çështje nuk po zgjidhet. Unë i bëj thirrje KQZ-së të bëjë punën e tij dhe të zgjidhë këtë çështje", tha Pak. Ndërsa përsa i takon situatës politike në Shqipëri, ajo tha se "është hera e dhjetë që jam këtu dhe sa herë që kam ardhur, këtu ka patur probleme." "Ne nuk mund t'i zgjidhim problemet", tha znj. Pack. "I bëmë thirrje mazhorancës qeverisëse t'i japë fund luftës së brendshme, sepse kjo nuk iu shërben njerëzve", tha Pak. (BalkanWeb)

Edhe nje e huaj di te gjykoj, dhe vete populli Shqipetar nuk di te gjykoj. Te tere e heqim veten si politikan por ne realitet nuk dime asgje sepse sikur te dinim nuk do te ishte Shqiperia ne situaten qe eshte....

Le te rrine ne pushtet persa populli i voton. Vete ai popull meriton qeverine qe ka me mbeshtjen qe i ka dhene.

Redi e ka then tamem. Populli i zgjedhe vete ata qe e kan len Shqiperine ne situaten te cilen gjendet sot. Cfare mund te presim ne nga shteti kur ne zgjedhim llumbin per te na drejtuar?

(Shkoni dhe votoni per Ramen sepse ai dhe shoket e tij e kan ndritur Shqiperine ne ate situate qe ndodhet tani....)

[Toro]

Postuar më parë nga Fringo
Paska fol dhe Doktori per revanshin e krimit?
1-A e ka pyetur vehten doktori, se c'beri ai per te shtypur krimin sa ishte ne fuqi?
2-Pa pyeteni doktorrin, kur filloi krimi i organizuar ne Shqiperi?
3-Kur filluan skafet?
4-Kur filloi kontrabanda e cigareve?
5-Kur filloi evazioni fiskal?
6-Kur filloi korrupsioni ne gjykata?
7-Kur filloi vjedhja e tokave?
8-Kur filloi shitja e bregdetit?
9-Kur filloi korrupsioni ne dogana?
10-Kur filloi kontrabanda e naftes?
11-Kur filloi trafiku i qenieve njerezore?
12-Kur filloi prostitucioni?
13-Kur filloi "zhveshja" nga pusetat per tu shitur si hekur ne Greqi?
Para se Sala te flase, te shohe nje here, a ka te drejten morale per te folur per krimin dhe korrupsionin?

Po te jap une nji pergjigje te shpejte Fringo!
1- Doktori nuk ka bere asgje. Ai njeri nuk eshte per politikan.
2- Krimi i organizuar ka filluar qe ne 1946.Tjeter pune qe "trafikantet" ishin vete qeveria.
3-Skafet filluan ne 1991.
4-Kontrabanda e cigareve ka qene bere nga Sigurimi qe ne fund te viteve '70 fillim te viteve '80. "Marlborot" e Durresit nuk i shpiku Sala.Ekzistonin me pare.
5-Evazioni fiskal filloi qe ne 1976-kur filluam "mbeshtetjen me forcat tona". Mos harro se vlera e lekut perkundrejt dollarit ra ne vitet 1987-1990. Dyqanet e dollarit i harrove? Pse shteti shqiptar duhet te shiste ne Shqiperi me dollare motora, televizore etj?
6-Korrupsioni ne gjykata filloi qe ne 1945. Heqja e Ministrise se Drejtesise ne 1966 ishte kulmi. Lirimi i te burgosurve ( ordinere)nga R.Alia ne 1990-1991 per te marre vota ishte nje pike tjeter kulminante. Sala nuk mund ta korrigjonte ( per mungese deshire dhe mungese kuadrosh njekohesisht). Socialistet po ashtu.
7-Vjedhja e tokave? Hhahahahaa, ne 1946 i nderuar. Apo ato para 1992 nuk quheshin vjedhje? Mos valle quheshin pervetesime shoqerore? lol
8-Shitja e bregdetit ka filluar qe ne 1991. Italianet e pare ,tokat ne bregdet i kane blere nga punistet e R.Alise.
9-Korrupsioni ne dogana ka filluar ne vitet '80, kur maunet e para "Albania" vinin mbushur me ora elektronike, televizore , manjetofone dhe doganieret tane syshqiponje nuk i "gjenin" dot!
10-Ne 1991 i nderuar ka filluar. Thjesht trafikantet nderruan "padrone" ne 1992 kur erdhi Sala ne fuqi.Po pse kapesh ke trafiku i naftes ti, pse nuk permend ato vagonat me lende kimike qe solli Ramizi, Fatosi me shoke ne Shkoder nga Gjermania ne 1991 dhe qe u kalben ne stacionet e trenit?
11-Trafiku i qenieve njerezore filloi ne fund te 1990, fillim 1991.. Apo kur ushtaret shqiptare u merrshin leke njerezve per ti lene te kalonin kufirin ne Greqi nuk kapet per trafik? Atehere si quhej lenia e njerezve te kalonin kufirin ilegalisht perkundrejt pageses?Mos me thuaj qe dhe kete nuk e di. Po ta them une. Im ate pagoi nje "njeriu te besuar" qe dinte kufirin dhe njihte oficeret e ushtaret qe kaloi kufirin ne dhjetor 1990.30 mije leke te lutem shume. Ca kish mundur te mblidhte per 25 vjet pune ne Shqiperi ia dha "njerezve te besuar qe njihnin filanin -fistekun qe kalonin njerez me para". Ky nuk quhet trafik?
12-Prostitucioni ka filluar ne 1990. I kam pare vete me syte e mi se si shiteshin gocat shqiptare tregtareve te huaj qe i kish sjelle Ramka per "investime" ke 15 kateshi per 10-20 dollare nata. Prostitutat e para shqiptare ne Athine, Selanik , Itali kane dale ne 1991.
13- Pse shkon ke pusetat qe filluan ne 1993 dhe nuk kapesh me shinat e trenit te linjes Shkoder-Han i Hotit qe u shkulen ne 1991 per tu shit per hekur ne Mal te Zi?
Sala ka te tijat. Mundet ka qene sylesh.....mundet i dinte dhe i la "mafiozet". Nje gje eshte e sigurt....korrupsionin, vjedhjet e pasurive shteterore, kontrabanden, prostitucionin i filluan te tjere dhe "nami" i ngeli Sales. Dhe te gjitha qe lartpermende me siper jane vetem maja e ajsbergut.
Nuk e di ti se Ministria e Tregtise se Jashtme deri ne 1991-2 ( para se te vinte ne pushtet PD) kontratat qe kishte lidhur shteti shqiptar me kompani te huaja ia ka dhene ish funksionareve te atehereshem te kesaj ministrie?
Po ndihmat ekonomike qe shiteshin ne tregun e zi qe ne 1990-1991 i harrove? Edhe ato Sala i filloi?

[Veshtrusja]

Toro te lumt dora!

****************************
urdheroni se cfare ka arritur Partia Socialiste:

Varret që hapën bandat socialiste të Fatos Nanos në Vlorë

- Para se vlonjatët të shkojnë në kutitë e votimit, me 12 tetor 2003, le të kthejnë kokën nga Babica, nga 2600 djem të vrarë nga bandat socialiste dhe pastaj të vendosin se kujt do t'ia japin votën!

Me 1997, socialistët e Fatos Nanos, me urën e zjarrit në dorë sulmuan institucionet e shtetit shqiptar dhe me grykën e pushkës, morën pushtetin.

Në rebelimin e tyre antikombëtar, mbetën në fushën e luftës nga Vlora 2600 djem të vrarë prej bandave dhe njësiteve guerrile terroriste komuniste.

2600 nëna vlonjate u veshën me të zeza.

2600 motra mbetën pa vëlla.

2600 nuse mbetën pa djalin e tyre të dashur.

Në zjarrin e luftës dhe pabesisë komuniste, socialistët, mjeshtra të mashtrimit dhe të hipokrizisë, deklaruan se djemtë e Vlorës i vrau SHIK dhe policia e Berishës.

Ata e gënjyen Vlorën, sepse asnjë nga oficerët apo nënoficerët e SHIK-ut të Vlorës, nuk u pyet, nuk u hetua, nuk u akuzua, nuk u arrestua apo u dënua.

Ata e gënjyen popullin e Vlorës, sepse asnjë nga oficerët apo nënoficerët e policisë nuk u pyet, nuk u hetua, nuk u akuzua, nuk u arrestua apo nuk u dënua.

Ata e gënjyen popullin e Vlorës, kur akuzuan trimin dhe atdhetarin Sokol Mulosmani, shefin e komisariatit të policisë, për krime kundër njerëzimit. Ai u deklarua i pafajshëm, duke u shpërblyer edhe me lekë për kohën e qendrimit në arrest.

Ata e gënjyen popullin e Vlorës, sepse asnjë prej drejtuesve të lartë të SHIK-ut, nuk u dënua.

Ata e gënjyen popullin e Vlorës, sepse asnjë prej administratës së Vlorës, apo administratës së lartë shtetërore, nuk u gjykua apo dënua.

Ata e gënjyen popullin e Vlorës, ashtu siç e gënjyen se me ardhjen e tyre në fuqi do të vepronte parimi i meritokracisë, e në fund përfunduan siç thotë Dritëro Agolli, në shkërdhatokraci.

Ata e gënjyen Vlorën, siç e gënjyen se do të hapnin 250 mijë vende pune.

Socialistët, me në krye Fatos Nanon dhe socialistët e Vlorës, me në krye Theodhori Shijën e Shpëtim Gjikën, Niko Veizin e Bashkim Habilin, e mashtruan Vlorën.

Ata janë përgjegjës për djegien e Vlorës me 1997.

Ata janë përgjegjës për vrasjen e 2600 djemve vlonjatë.

Ata janë përgjegjës për varfërinë, mjerimin dhe poshtërsinë e Vlorës.

Vlonjatë!

Kur të shkoni në kutitë e votimit, me 12 tetor 2003, ktheni njëherë kokën nga Babica, nga 2600 varre të hapura nga socialistët e Shpëtim Gjikës në pushtet, dhe atëhere vendosni për kë do të votoni!

Vlonjatë!

12 tetori është dita për ndëshkimin e socialistëve të Shpëtim Gjikës, mashtrues dhe vrasës të vëllezërve të tyre!

Vlonjatë!

Votoni për Partinë Demokratike dhe Kristaq Bishollën, që të vendoset drejtësia dhe ligji!

Vlonjatë!

Tregoni edhe me 12 tetor 2003 shpirtin tuaj demokratik, duke ndëshkuar socialistët mashtrues dhe vrasës!

[angeldust]

E pra bravo...

Edhe njehere u arrit qe kriminalitetit shqiptar t'i vishen ngjyra politike, kur te gjithe e dime qe si me njerin si me tjetrin, krimi ne Shqiperi ka lulezuar. Ndryshimi i vetem ka qene destinacioni i parave, ne xhepat e kujt duhet te shkonin, PS apo PD.

Ne kohen e pushtetit te PD-se kam jetuar me shume ne Shqiperi dhe s'kam ndonje sentiment te paqshem ne lidhje me krimin.

Mbaj mend kaleshet qe vertiteshin gjithe diten rrugeve, ne ca benca rrangalle te vjedhur pa targa...

...mbaj mend si mbulonin makinat me perde qe mos dukeshin se cilat vajza gjimnaziste genjenin dhe fusnin aty brenda...

...mbaj mend skafet dhe rrembimin e femrave, shitjen e tyre ne Itali/Greqi...

...mbaj mend ca tipa te frikshem qe rrinin qosheve me sy te skuqur nga hashashi, verdalliseshin te dehur me ndonje kobure ne xhep, ose ne rastin me te keq ja shkrepnin ndonje 'aguridheje' qe s'jua pranonte "propozimin", ose shokut te saj te klases...

...mbaj mend se si pronaret e makinave kalonin naten brenda makines e tyre parkuar para shtepise (ata qe s'kishin ndertuar garazhd) se mos jua vidhnin makinen...

... mbaj mend qe policet per nje rryshfet te vogel sa per te nxjerre kafen e dites i lejonin disa tipa te benin c'te kishin qejf...

...mbaj mend qe prinderit kishin frike t'i linin adoleshentet te benin cap nga shtepia, sa here qe ata/ato donin ne shkonin ne disko ose dicka e tille... sepse te gjithe keta kaleshe do t'i ndeshje ne ambiente te tilla per te rinj...

Pse keta bandacake te vegjel liheshin rrugeve sipas qejfit te tyre nen ate pushtet?

Tani ne pushtetin e PS-se degjoj se paskan eliminuar bandacaket e tjere te vegjel dhe paskan mbetur vetem peshqit e medhenj. Tani na jane bere bosa!!! Nuk merren me me 200 gr droge... por me biznese te ligjshme qe i kane fituar me parate e krimit te meparshem. Nuk i pastrojne me parate me nje dyqan te vogel ne qender duke shitur xhinse te modes, por i pastrojne parate sepse kane monopol ne filan treg... te naftes, sa per shembull hipoteze.

Pika ime?

Do te ishte mire qe nje 4-vjecar ta mbante pushtetin PS-ja, dhe 4-vjecarin tjeter t'i kalonte PD-se dhe brenda mundesive kjo te nderrohej ne cdo peruidhe 4-vjecare zgjedhjesh.

Keshtu do t'ja hanin koken dhe do t'ja zbulonin te palarat njeri-tjetrit... si Nanoistet ashtu dhe Berishianet.
Paqe mos gjetshi ishalla! Kokat tuaja hengshi!

Mjere populli i shkrete thuaj qe vetem keto dy veze te kalbura ka per alternative!

[Veshtrusja]

Tani na jane bere bosa!!!

Mjere ajo Shqiperi qe po udhehiqet nga "keta bosa".

[Veshtrusja]

Ambasadori Xhefri: Baronë të krimit, e dimë se kush jeni


Xhejms Xhefri ka lëshuar deklaratën bombë drejtuar baronëve të krimit të çfarëdo lloji se do të zbulohen dhe do të shkojnë atje ku e meritojnë. Për këtë janë angazhuar SHBA, BE dhe qeveria shqiptare, të cilët nuk do të lejojnë që krimi të shkatërrojë vendin dhe të pengojë integrimin e tij në institucionet europiane. Sipas ambasadorit amerikan, krimi nuk duhet të ndotë procesin politik dhe sektorin e biznesit përmes parave të pista. Ambasadori amerikan në Shqipëri, Xhejms Xhefri, ka lëshuar mesazhin e tij dhe të shtetit që ai përfaqëson drejtuar baronëve të krimit, të cilët, sipas tij, rrezikojnë vendin tonë në anëtarësimin e tij në institucionet europiane. Xhefrei u shpreh se baronët e krimit janë të identifikuar dhe se do të zbulohen shumë shpejt. "Ne e dimë apo do të zbulojmë së shpejti se cilët jeni", tha Xhefri. Ai ka shprehur angazhimin se Shtetet e Bashkuara, BE-ja dhe shqiptarët nuk po rrinë duarkryq deri sa t'i çojnë atje ku ata e meritojnë, që rajoni të bjerë në qetësi. "Qeveria ime, premtoi ambasadori amerikan, partnerët tanë europianë dhe shqiptarët ju jemi vënë pas. Ne nuk do të ndalemi derisa të jeni çuar aty ku keni vendin dhe derisa krimi të mos e kërcënojë më këtë vend dhe këtë rajon". Xhefri theksoi se krimi ndihet ende i fortë dhe se po shkatërron vendin, duke e penguar atë të integrohet në institucionet europiane. Këtë ambasadori amerikan e ka konkretizuar me vrasjet e njëpasnjëshme të ndodhura në vend, pa mundur të gjendet autori i tyre. "Shembulli më i fundit i kësaj janë një seri vrasjesh, të gjitha të pazgjidhura, të cilat kulmuan në sulmin e çartur ndaj shoferit të Prokurorit të Përgjithshëm", u shpreh Xhefri. Sipas tij, këto krime janë shembujt e vërtetë të lulëzimit të krimit në jetën e vendit. Ambasadori amerikan ka paralajmëruar se krimi ndot procesin politik dhe sektorin e biznesit përmes parave të pista, gjë që është mjaft e rrezikshme dhe nuk duhet të ndodhë këtu. Xhefri shprehet se objektivi i kësaj lufte janë vetëm kriminelët. "Unë nuk e drejtoj gishtin ndaj askujt, përveç kriminelëve", u shpreh ambasadori. Ai më tej ka vlerësuar punën e mirë dhe sukseset mjaft të dukshme të qeverisë dhe policisë në luftën kundër trafikimit të qenieve njerëzore. Por kjo, sipas tij, nuk është e mjaftueshme. Xhefri thekson se vetë publiku duhet të bëjë presion mbi politikanët për të rritur dhe intensifikuar luftën kundër kriminelëve. Xhefri ka përfunduar me mesazhin drejtuar të gjithë faktorëve politikë dhe shoqërorë: "Ju keni mbështetjen dhe nxitjen tonë. Ne i njohim rreziqet dhe presionet me të cilat ballafaqoheni. Jepni më të mirën tuaj". ro/ro (GazetaShqiptare/BalkanWeb)