Si vjen bashkimi kombëtar?

[gjethi]

Leke eshte shume e drejte ajo cfare thua.
Si mund te vihet kryeminister ne Shqiperi nje njeri qe jetoi burgjeve 4 vjet dhe e perdori kete denim ne shenje hakmarrjeje ndaj vendit te tij.
Vetem ky mendim nuk me le te arsyetoj ashtu sikur duhet.
Pa llogaritur te keqija te tjera qe kane ardhur si pasoje e ideologjise nanoiste dhe qeverise se saj.

[Lekë Rezniqi]

Po pse atëherë votohen njerëz të tillë për pushtetarë?
Unë mendoj se shumica më e madhe (pra shumë pak njerëz "të cilët do kishim mundur t'i numërojmë në gishtërinj") janë ende të një fryme komuniste enveriane janë në pushtet, dhe nëse jo enveriane janë njerëz që mundohen të pasurohen duke u sjellur sikurse të jetë shteti një kopsht - pronë e tyre. Pse po ndodhë kjo?

Ju kisha lutur të mos më keqkuptoni, nuk jam duke e shfrytëzuar këtë Forum për kritika dhe sulme kundër qeverisë në pozitë, por vetëm dua të theksoj se me këta njerëz në fuqi nuk mundemi kurrë të arrijmë Bashkimin Kombëtar.
Ja fakti më i thjeshtë.
Të gjithë jemi pajtuar këtu në Forum se rruga Durrës - Prishtinë do të jetë ura më e fortë drejt qëllimit tonë, apo jo?
Por edhe jashtë Forumit në përgjithësi të gjithë pajtohen me ndërtimin sa më të shpejtë ndoshta edhe vetëm për nga ana ekonomike, duke pasur parasysh se Maqedonia mbyll kufirin me Kosovën shumë shpesh dhe rruga e tanishme Durrës - Prishtinë, i përmbushë fare pak nevojat tona në "Territorin e administruar nga Prishtina zyrtare" siç më pëlqen ta quaj Kosovën për të mos e ndajmë si shtet nga Shqipëria. Se të dyja do të duhej dhe do të jenë një shtet, t'i lemi tani këto. Pra, që Maqedonia të mos mund të shkaktojë ndonjë "embargo ekonomike" ndja Kosovës, mendoj se jon nuk ka të drejtë Maqedonia që të ftohë marrëdhëniet me Kosovën, por që kjo të mos ndikojë në ekonominë e Kosovës.
Mendoj për ne shqiptarët këndej "kufirit". Por edhe për ata andej, mund të kenë shumë afarizëm të suksesshëm në Kosovë. Tani ata janë të pakët që kanë zhvillojnë afarizëm në Kosovë, duke përmendurnsig, Radio Plus, kafeneja Boom Boom Room apo Irish Pub, e shumë të tjerë, me degë të kompanive të tyre.
Dhe dua të theksoj edhe se bashkëpunimi i thellë dhe intenziv ekonomik do na lidhë shumë dhe do na afrojë shumë drejt qëllimit tonë.

Por ne përveq se diskutojmë duhet edhe të veprojmë në këtë drejtim.

Leka nga Prishtina

[malsorja]

eksploreri

LEGO KOSOVA E ZOTIT RUGOVA

Migjen Kelmendi

Tue e përmbyllë fushatën e sivjeme për zgjedhjet lokale 2002 në Prishtinë, Presidenti Rugova prezentoi para stadiumit të qytetit të mbushun plot e përplot me simpatizantë të LDKs, propozimin e tij për himnin e Kosovës. Na e kujtoi nji kangë të moçme kryengritësish të Kosovës që kishin nis luftën për çlirim qysh me 1910. Kanga titullohej: “Kur ka ra kushtrimi n’Kosovë”. Në stadium u këndue nga Xeni Jetishi. Kangë e hatashme! Tue u bazue n’ovacionet e publikut, duel se ata e pranojnë dhe e pëlqejnë propozimin e zotit Rugova, si gjithçka deri sot që u propozue e kërkue tij.

Me himnin e propozuem dhe me flamurin e tij, Flamurin e Dardanisë, që ishte nde e shtre mbrapa tij në binë, Presidenti Rugova po përfundonte mobilimin dhe ikonografimin e nji utopie, nji vizioni të tij, që ai e quen – Kosova e Pamvarun.

Me propozimin për flamur të Kosovës, me propozimin për himn të Kosovës, me programin e partisës së tij LDK, Ibrahim Rugova asht i pari shqiptar prej Kosove, i cili çeltas dhe me za merr guximin që ende s’asht kah e gjen kush n’Kosovë, me thanë se: ideja e nji Shqipnie Etnike asht e dekun: Rrnoftë Kosova, Zoti e bekoftë Kosovën. Të tjerët ndoshta e thonë Rrnoftë Kosova, por se ideja për nji Bashkim Kombëtar ka vdekë, këte nuk e kanë guximin me e thanë. Prandaj, ndoshta edhe po i hupin zgjedhjet.

Zoti Rugova asht i bindun se nuk asht kah ban kurrfarë gabimi sepse, realisht, historikisht, ideja dhe koncepti i nji Bashkimi Kombëtar asht i dekun qëmoti, e ma së shumti asht vdekë kjo ide në vetë Shqipninë shtet, gjatë atij eksperimenti historik me komunizëm.

Nga hini i këtij koncepti të dekun Rugova nxuer idenë e nji Kosove të re, të pamvarun dhe të hapun ndaj të gjithëve. Nuk mundemi me thanë se asht Rugova ideatori i vetëm i nji Kosove të pamvarun, por ajo që mundet me u thanë me siguri asht se Rugova asht politikani kosovar i vetëm i cili sinqerisht i beson kësaj ideje për Kosovën si të ndame prej Andrrës për Bashkimin dhe asht i vetmi që po e merr guximin me e thanë hapun se - Shqipnia Etnike ka dekë. Argumente për këtë konstatim të tijin janë propozimet që zoti Rugova i ban për me e vesh e me e mobilue këte Utopi të re shqiptare me simbole e me përfaqësime, me prodhime speciale, me festa kombëtare si Darka e Lamës, me flamur e me himn, me kerrin Lincoln, me Zojën e Parë… Ka mbet vetëm edhe Shpija e Bardhë dhe gjithçka ka përfundue. Zoti Rugova asht i bindun se ma në fund, mbas nji rruge të gjatë e të mundimshme, mbërritëm…qe Kosova e Pamvarun….si n’ate thanien popullore ‘qe Skivijani, qe xhamija…’

Kur e ke parasysh lehtësinë e padurueshme me të cilën zoti Rugova ia jep vedi të drejtën për me i propozue e me i shpallë simbolet e nji vendi si të qena, pa debat publik, pa konsenzus politik, pa pëlqimin ndërkombëtar, pa pëlqimin e etniteteve tjera të Kosovës, e kupton se sa i shituem utopie asht zoti Rugova.

Por, cila asht Utopia e zotit Rugova? Dhe, pse ai i thotë Kosovë?

Le të ndalemi shkurt e ta analizojmë vizionin që e ka shitue zotin Rugova.

Edhe pse u qesh e u përqesh, u tall e u stërtall programi i LDK dhe disa propozime të zotit Rugova gjatë fushatës presidenciale 2000, ku ai flitte për “tambël me borë”, për “dardha turshi”, për “kultivimin e qenit të sharrit”, për “Darkën e Lamës”… tana ato propozime dhe këto për flamur dhe himn vërtetojnë se zoti Rugova ndoshta s’asht kah e kupton mirë kontekstin politik të Kosovës por, asht plotësisht koshient për nevojën e hetimit dhe artikulimit të nji identiteti specifik kosovar. Po u shikuen vetëm në kontekstin e nji pragmatizmi apo nëse doni edhe bizantinizmi politik këto propozime të zotit Rugova, ndoshta edhe mundet me u mendue se ai s’asht koshientë për peshën e konsekuencave që munden me i shkaktue këto propozime atij vetë po edhe partisë së tij. Mirëpo, kur tana këto propozime i kupton dhe i percepton në dritën e nji nevoje për identifikimin e veçantive kosovare, për nevojën e nji identitet të veçantë shtetnor, për nevojën imanente të Kosovës për nji identitet specifik kulturor, e kupton se sa afër të vërtetës dhe nevojës po aq pragmatike e politike të Kosovës sot asht zoti Rugova.

Shumëçka zotit Rugova asht kah i ikë e shumëçka asht tue huq, por nji gja e di dhe e kupton mirë zoti Rugova: Kosova e udhëhequn nga ndonji Qeveri në Hije prej Shqipnije s’asht e mundun ma. Kosova i ka njerëzit dhe përfaqësuesit e saj legjitimë, ka identitetin e saj të veçantë edhe kulturor edhe territorial, ndërkaq ate shtetnor edhe mos e pastë, asht Rugova që ka nis me e dizajnue e me e reklamue si të veçantë: Identitet shtetnor i Kosovës: me himn e me flamur; me President e me Zojë t’Parë; me Shpi t’Bardhë e me Lincoln. Ai asht tue e ndërtue Lego Kosovën e tij. Mos ju pëlqeftë, jepeni propozimin tuej.

E keqja e kësaj pune asht se zoti Rugova këtë Lego Kosovë nuk po e kupton vetëm si nji propozim të mundshëm për nji Kosovë të nesërme. Ai asht i bindun se kjo Kosovë, kjo Lego Kosovë e tij, ka fitue dhe asht ba realitet. Zgjedhjet në Kosovë e bindin përfundimisht se Kosova, si po e sheh e jeton ai vetë, nuk asht Utopi po asht Përnime.

Kur merr dhe e dekonstrukton këte Lego Kosovë të zotit Rugova e kupton se vizioni i tij asht nji vizion bukolik, asht nji vizion baritor, i mobiluem me kafshë shtëpiake, me qen, me tambël, me oriz, me darka t’Lamës…asht nji vizion naiv i nji njeriu dashamirës i cili ia don dhe ia mendon të mirën Kosovës. Aq sa din e mundet.

Por, sado bukolike e baritore që munden me u dokë këto propozime, a mos po mendoni se Kosova ka shans me diçka tjetër me konkurue në tregun e përbashkët të nesërm evropian? Mos ndoshta po mendoni se Kosova ka me prodhue naj Space Shuttle apo far chip’ash kompjuteri. Asnji nga këto propozime nuk janë për mos me u shqyrtue me seriozitetin ma të madh nga ndonji biznismen me inicijativë e me ambicie participimi në tregun evropian. As kultivimi i qenit të Sharrit, as prodhimi i nji pekmezi të veçantë kosovar, as dardhat turshi, as xehet e Kosovës…Kuptojini këto vetëm si ide. Asht tregu i lirë sovrani që ka me vendos për utilitaritetin e këtyne ideve. Natyrisht, me kaq nuk përfundojnë as idetë e as inicijativat. Por, ajo që duhet ekstraktue e mbajt mend nga ky vizion bukolik i zotit Rugova asht ideja se vetëm koshient për veçantitë tona, për identitetin tonë specifik na e çel rrugën drejt integrimeve ma së pari shqiptare, e mandej edhe atyne evropiane.

Ndoshta kjo Lego Kosovë e zotit Rugova duket naïve, por hiç ma pak naïve s’asht as Kosova e kuptueme si nji provincë edhe kulturore edhe territoriale e Shqipnisë (sic!). Ata që s’kanë vizione për Kosovën e Pamvarun, që nuk munden me e imagjinue Kosovën me identitet të sajin të veçantë edhe kulturor edhe shtetnor edhe territorial, që nuk kanë ide se me çka mundet Kosova me konkurue në tregun evropian e me qenë ekonomikisht e pamvarun, mendoj se janë shumë ma larg të vërtetës se zoti Rugova dhe shumë ma larg shanseve që ka Kosova me i nxanë standardet evropiane e me qenë kompatibile me to.

E në nji ndamje të përgjithshme të punëve n’Evropë kemi me mujt me marr pjesë vetëm atëhere kur kemi me u mësue me i diktue e me i hetue pasunitë dhe përvojën që sot ka Kosova dhe njerëzit e saj dhe natyrisht, kur kemi me i mësue e me i zaptue standardet dhe etalonet e këtij civilizimi që po dojmë me i takue.

[malsorja]

Edhe rugova me ate Flamurin e vet thote se po punoj ne at drejtim, pra per bashkim kombetar!


shiqone edhe ju:


http://www.gazetajava.com/23ballina.html

[Lekë Rezniqi]

E nderuara Malsore, dhe të gjithë ju të nderuar miq, anëtarë të Forumit Shqiptar,

Malësore nuk e di se nga je, por z.Migjen Kelmendi nuk ka ndonjë respekt aq të madh në popull sado që mediat i bëjnë marketing.
Nuk pajtohem fare me mendimet e z.Kelmendi. Ai bën një propagandë duke dëshiruar ta zyrtarizojë gegënishten, ku mund ta dalloni edhe në fjalorin që ai përdorë për të shkruar.
Madje para rreth një viti, i nderuari Migjen Kelmedi ka patur një "kacafytjte" me babain e tij z.Ramiz Kelmendin një gjuhëtar dhe drejtor i Shkollës së Lartë të Gazetarisë "Faik Konica" në Prishtinë, në një emision televiziv në lidhje me gjuhën.

Prandaj duke folur në emër të shumicës absolute të popullit të Kosovës, ju lus të mos merreni edhe aq shumë me shkrimet e tij.

Përsëris edhe një herë.Nuk dua ta sulmoj, por kini pak vëmendjen.
E nderuar Malsore të lutem shumë mos më keqkupto, tek e fundit çdonjëri në botë demokratike gëzon të drejtën e lirsisë së të folurit dhe të shprehurit.

Leka nga Prishtina

[Lekë Rezniqi]

Edhe një gjë se harrova.

Edhe unë mendoj se Rugova me ato gjëra që ka në dorë mundohet të ndihmojë në arritjen e Bashkimit Kombëtar.
Tek e fundit, thellë në zemrën e çdo shqiptari gjendet dëshira e zjarrtë për Bashkim Kombëtar.

Përsëri,
Leka nga Prishtina

[plumbi]

po, ne zemren e cdo shqiptari eshte bashkimi kombetar, por Rugova nuk eshte shqiptar, te pakten une dyshoj...duke e ditur te kaluaren e tije...o bur i dheut, si mund ta quash shqiptar dhe si mund te thuash se punon per bashkim kombetar kur ai luftetaret e lirise, ata qe deshen bashkimin kombetar Rugova i quajti teroriste???????????

[Lekë Rezniqi]

I nderuar Plumbi,

Unë nuk e di se ku jeton, por dua menjëherë ta demantoj këtë.
Të lutem. Gjatë luftës në Kosovë, drejtuesit tanë qenë ndarë në dy grupe, "Krahu i Luftës" dhe ai "i Paqes", ku në të parin bënin pjesë partitë e sotme të dala nga lufta dhe në të dytin mbesin Presidenti, Kuvendi dhe Qeveria në ekzil.Kam fjalën për periudhën pas 1990 deri më '99.
Dua të theksoj një gjë.
Gjatë atyre 9-10 vjetëve këta të krahut të luftës gjendeshin në mërgim, dhe atë jo me funksione qeveritare në ekzil, por duke "punuar" dhe duka vrapuar pas plakave gjermane për dokumente, si dhe mbaheshin duke vjedhur xhinse e duke i shitur në rrugët e Gjermanisë.
Emrat i di por nuk do i tregoj. Ju betohem se i di, por për shkak të mosbesmit tim në identitetin e disa prej anëtarë të Forumit nuk po e tregoj.
- Përderisa, Rugova e shumë të tjerë jetonin e vepronin, e të gjithë e dimë se si ishte jeta e tyre që ishin fuknsionarë të lartë që luftonin për liri e pavarësi të Kosovës."DHE ATË PA ARMË".
Ka edhe njerëz që kanë luftuar "PËR LIRINË E KOSOVË DHE SHQIPTARËVE DHE ASSESI PËR FRONE E UZURPIME TË PRONAVE TË HUAJA". Të lutem Plumbi i nderuar.
Krah Rugovës gjendet komandanti i madh Tahir Zemaj.
Neve na ka mbajtur dhe na ka ngritur moralin, po ky Ibrahim Rugova.
Për të kaluarën e tij, ai është bir shqiptari e shqiptareje nga Rrethi i Istogut, në verilindje të Pejës e në verijug të Mitrovicës.
"Shqiptar me rrënjë" siç thotë populli.
E sa për quajtjen e Luftëtarëve të Lirisë terroristë, mund të them se ka qenë i detyruar ta thotë këtë gjë. Poqese e shikon në këtë mënyrë si tradhtar Kombi, atëherë më famëkeq ishte takimi i tij me Milosheviqin në mes të fushatës së bombardimeve të NATO-s kundër caqeve ushtarake serbe.
Por populli e di se ka qenë i detyruar të shkojë në Beograd.
Ai gjatë po kësaj fushate në rezidencën e tij në lagjen Velania në Prishtinë, qëndronte me familjen e tij dhe me shefin e protokolit presidencial z. Adnan Merovci, tani drejtor i suspuenduar i Postës së Kosovës, si dhe me një gazetare gjermane në bodrumin e rezidencës, dhe në tre katet e sipërme qëndronin paramilitarët çetnikë serbë.
Madje, një fqi i Rugovës, kishte provuar ta ndihmonte të dilte nga rezodenca por në fillim të rrugëzës ku gjendet rezidenca e kanë vrarë në vend.
Ashtu ka qëndrau deri në evakuimin e tij në Romë.
Përderisa të tjerët të cilët tregoheshin si më patriotë, fshiheshin në bodrumet e fqinjëve duke ikur shtëpi më shtëpi.
Dua ta theksoj edhe një gjë.
I njohuri Rexhep Qosja pak para fillit të fushatës së NATO-s, në një bisedë telefonike me RTSH lajmet në orën 18:35 që kryesisht i kushtoheshin Kosovës, kur përmendte Rugovën ose Kosovën thoshte si të ishte një serb-shkja me fjalët:"I ashtuquajtiri kryetar i Republikës së Kosovë Ibrahim Rugova" apo edhe kur fliste për Kosovën thoshte "E ashtuquajtura Republikë e Kosovës". Dhe gjatë luftës ka ikur i maskuar si një grua duke hequr mjekrrën e mustaqet. Poashtu edhe Fehmi Agani, por kur ka parë se serbët po donin të pushkatonin-ekzekutonin shumë të rinjë, ishte zbuluar dhe kishte thënë: "Ja më merrni mua, por lëshoni këta.", dhe policët serbë ashtu kishin vepruar, dhe e kanë ekzekutuar atë. Dhe Fehmi Agani ishte në LDK e poshtu edhe anëtar i delegacionit shqiptar në Konferencën për Kosovë në Rambouillet të Francës.
Më ka rënë rasti të bisedoj edhe me komandantë të Ushtrisë Çlirimtare të Kosovës.Të cilët përkrahin Rugovën shumë.
Tek e fundit i nderuar Plumbi, po të mos diheshin këto gjëra nga populli, pse fitoi përsëri votat LDK-ja, parti kjo e drejtuar nga Dr. Ibrahim Rugova? Dhe atë jo vetëm këto, por të tri palë votimet e mbajtura pas luftës në Kosovë. Dua të të them se nuk jam vetëm unë që i di këto gjëra.Madje gjatë fushtave parazgjedhore partitë opozitare shpërndanin pamlete e posterë, ku ishin të shtypura fotografi nga takimi i Rugovës me Milosheviqin.
Prandaj të lutem t'i zgjedhësh fjalët për disa personalitete.

Leka nga Prishtina

[ganoid]

ketu ne prage postohet nje e perditshme kosovare te cilen kur e pashe e bleva pa e pare cmimin,pasi ishte nje gazete mbi fletet e te ciles shkruhej shqip. e shfletova ta lexoj plot kenaqesi ne metro dhe e ngrija lart qe ta shikonin edhe ceket dhe te pysnin "cgazete po lexon?" e une te pergjigjesha plot qejf "eshte gazete shqiptare".por 30 sekonda pasi e hapa me bezdisi,me bezdisi aq shume sa ska ku shkon me dhe kjo per te vetmen arsye se ne cdo interviste shkruhej"armiqte tane te asaj partie trathteret e kesaj partie"fjalori ishte teper skandaloz dhe te mendosh qe ketu ne prage kosovaret qe njof une bejne muhabet per shtat pale qejfe me serbet dhe sgjejne dot fjalen me veten e tyre(?!)
dikur shkrimtari i madh kadare ka thene ne nje shkrim qe "shqiptaret kane luftuar tere jeten ju jane kundervu gjithmon shtetit keshtu qe jane kthyer ne "njerez lufte" gje te cilen kemi per ta vuajt shume pasi te njejten perjudhe e kaloi dhe shqiperia nuk duroi dot ne liri,nje liri qe e mbajti per mese 6 vjet dhe pastaj ja plasi nje lufte te mire sa per ta mbajt mend per tere jeten.
por une mendoj se ne shqiperi njerzit po ndryshojne dhe kete e tregoi mospjesmarja dhe mosshkatrrimi i shtetit ne shtator te 98 dhe shpresoj se nje dite do ta kuptojne dhe kosovaret dhe skane per tja hapur deren luftes nqs kjo e fundit troket ne dere.

[Dita]

por une mendoj se ne shqiperi njerzit po ndryshojne dhe kete e tregoi mospjesmarja dhe mosshkatrrimi i shtetit ne shtator te 98

Maringlen nuk eshte vendi tek kjo teme, po a na e shpjegon pak ate qe ke shkruar me lart.
Cilet paskan pasur ndermend te shkaterrojne shtetin shqiptar ne shtator te 98, si u zhvilluan ngjarjet qe bekan te quhet perpjekje per shkaterrim.