Si vjen bashkimi kombëtar?

[R[]NI]

Nuk mund te besh nje pyetje te tille, duke pretenduar pergjigje te sakta, pa bere te qarte ne fillim cfare qellimi praktik ka kjo shoqate, si punon, nga kush perbehet dhe cfare synimi ka!

Duke qene qe çeshtjen çame e njoh, sepse jam nga jugu, ju keshilloj te jepni me shume informacio perpara se te beni pyetje kaq serioze dhe te kerkoni pergjigje qe sigurisht nuk duhet te jepen kot, sigurisht nqse kjo pyetje nuk eshte thjesht sa per te kaluar kohen!

Me respekt

[Anton]

Keni absolutisht te drejte!

Une ne fakt pyetjen e kam bere pak "provokative" per vete faktin se nuk ke ku te gjesh asnje informacion per shoqaten Cameria.

Dhe une nuk di me shume sesa disa artikuj gazetash.

Une me kete pyetje ne fakt desha t´ju kujtoj kete fakt:

Ne flasim shume per Bashkimin , por kur vjen puna per te bere mbesim ne klase.

Megjithate kjo pyetje mund te kuptohet dhe keshtu:

Po une jam i gatshem, qe megjithese nuk jam CAM ne kuptimin real, te behem anetar i kesaj shoqate ne kuptimin ti ndihmoj asaj dhe pa e ditur programin, vetem duke e marre me mend se cfare mund te jete.

Ju falenderoj per mendimet kritike,

Anton

PS

nuk do te ishte mire ti ndihmonim asaj shoqate te kishte faqen e saj ne internet ne disa gjuhe?

kush ka kontakt me te?

Jam absolutisht dakort qe te merremi me projekte sa me te thjeshta, te arritshme, konkrete!

[Anton]

Keni absolutisht te drejte!

Une ne fakt pyetjen e kam bere pak "provokative" per vete faktin se nuk ke ku te gjesh asnje informacion per shoqaten Cameria.

Dhe une nuk di me shume sesa disa informacione te mbledhura pak a shume rastesisht te cilat i kemi permbledhur ne kete faqe:

http://www.edsh.org/cameria.html

Une me kete pyetje ne fakt desha t´ju kujtoj kete fakt:

Ne flasim shume per Bashkimin , por kur vjen puna per te bere mbesim ne klase.

Megjithate kjo pyetje mund te kuptohet dhe keshtu:

Po une jam i gatshem, qe megjithese nuk jam CAM ne kuptimin real, te behem anetar i kesaj shoqate ne kuptimin ti ndihmoj asaj dhe pa e ditur programin, vetem duke e marre me mend se cfare mund te jete.

Ju falenderoj per mendimet kritike,

Anton

PS

nuk do te ishte mire ti ndihmonim asaj shoqate te kishte faqen e saj ne internet ne disa gjuhe?

kush ka kontakt me te?

Jam absolutisht dakort qe te merremi me projekte sa me te thjeshta, te arritshme, konkrete!

[The Dardha]

NE LIDHJE ME CESHTJEN TONE KOMBETARE:

Ceshtja shqiptare me gjithe specifikat e saj "ndonese ne forme te shkrurtuar " e gjeta te permbledhur ne nje leter derguar Sekretarit Përgjithshëm i Këshillit të Bashkimit Evropian Z .Javier Solana nga dy politikane te nderuar shqiptare edhe mendova qe ta vendosja ne seksionin e Ceshtjes Kombetare

Leter per Solanen !

nga politikanet shqiptare.... Eqerem Mete, Petrit Kasemi


Shkëlqesisë së tij Z. Javier Solana
Sekretar i Përgjithshëm i Këshillit të Bashkimit Evropian
Përfaqësues i Lartë për Politikën e Përbashkët të Jashtme dhe të Sigurimit
Bruksel

I nderuar Shkëlqesi,

Ngjarjet e fundit në Ballkan, konkretisht në Republikën ish Jugosllave të Maqedonisë (RIJM), që po ndiqen me shqetësim jo vetëm nga opinioni shqiptar, na imponojnë ne, dy ish diplomatëve shqiptarë që kemi punuar me çështjet ballkanike, t`Ju drejtohemi Juve, duke shprehur pikëpamjen tonë rreth krizës e gjendjes se shqiptarëve në Ballkan.

Kemi bindjen se ngjarjet e tanishme në Ballkan janë produkt i politikave të ndjekura deri sot nga Evropa ndaj çështjes shqiptare, që është thelbi i problemit ballkanik. Eshtë gjithashtu përshtypja jonë se në projektet për ardhmërinë e Ballkanit për fat të keq shqiptarët janë paragjykuar përsëri e konceptuar si pjesë përbërëse dhe mbushëse e shteteve të tjerë ballkanikë. Për këtë arsye, vendimmarrësit evropianë sot kanë mbajtur qendrim tejet kritik dhe i shikojnë shtrëmbër përpjekjet e shqiptarëve për barazi dhe liri. Për pasojë, ata etiketohen me emërtime të ndryshme që nuk i shërbejnë zgjidhjes reale të çështjes, duke i detyruar të reagojnë në mënyrë radikale dhe pastaj duke i quajtur elementë turbullues të Ballkanit.
Për afro 80 vjet Kosova u la nën administrimin e Serbisë, e cila dëshmoi se ishte kundër zhvillimit dhe prosperitetit të shqiptarëve. Politika e saj dritëshkurtër nga pozitat e nacionalizmit agresiv çoi në ngjarjet në të cilat ju Shkëlqesi luajtët rol konstruktiv dhe të përgëzueshem.

Shqiptarët kanë provuar pothuajse të njëjtën situatë në Republikën ish Jugosllave të Maqedonisë, megjithëse ata e pranuan shtetin maqedon si të tyren me shpresë se fati i tyre do të përmirësohej. Gjatë ekzistencës së shtetit maqedon, shqiptarët kanë dhënë prova se kanë qenë faktor kyç për stabilitetin e tij. Qëndrimi i tyre si dhe i shtetit shqiptar kanë qenë në kundërshtim me qëndrimin e fqinjëve të tjerë ndaj këtij vendi. Edhe sot, sipas deklaratave të tyre të qarta, të ashtuquajturit radikalë dhe terroristë, si edhe të moderuarit duan që shqiptarët të jenë të barabartë me pjesën tjetër të popullsisë; ata nuk synojnë ta shpërbëjnë shtetin maqedon. Konflikti i tanishëm nuk është luftë civile në gjirin e shqiptarëve apo midis shqioptarëve dhe maqedonëve. Ai është luftë e armatosur dhe njëkohësisht politike midis kryengritësve dhe subjekteve politike shqiptare nga njëra anë dhe qeverisë maqedone nga ana tjetër.

Sot u kërkohet shqiptarëve që në rrugë paqësore e me mjete politike të përpiqen të realizojnë të drejtat e tyre megjithëse dihet botërisht se ata kanë më se 10 vjet që po bëjnë të njëjtën gjë por pa sukses. Numri i tyre real falsifikohet për t’i mbajtur të nënshtruar, ndërsa qarqet zyrtare evropiane pranojnë çka shpall me të madhe qeveria maqedone si të vërtetë. Shqiptarët kërkojnë të ruajne vlerat e tyre kulturore, në fakt u imponohet gjuha sllave. Kanë kërkuar një unversitet që të financohet nga shteti kurse qeveria dhe, për të ardhur keq, edhe Evropa u imponojnë një universitet privat. Qëndrimet anti-shqiptare të qeverive maqedone kanë penetruar edhe në radhët e njerëzve të thjeshtë. Popullsia e indoktrinuar maqedone, duke pasur edhe inkurajim indirekt zyrtar, del në rrugë për të protestuar kundër shkollimit të shqiptarëve në gjuhen shqipe, akt i paprecedent ky racizmi në historinë bashkëkohëse. Shqiptarët duan të kenë të drejta të barabarta me maqedonët. Ata duan që vendi të deklarohet shtet i dy popujve shtetformues meqë përbëjnë rreth 40 përqind të numrit të përgjithshëm të popullsisë së vendit. Edhe Komisioni Parlamentar Maqedon për Marrëdhënie me Jashtë e pranon gjendjen e vajtueshme të shqiptarëve në RIJM. Sipas raportit që Komisioni shpalli në maj 2000, fuqia punëtore në këtë shtet është 84.5% maqedone dhe 9.4% shqiptare, kurse në polici dhe ushtri shqiptarët përbëjnë 3.1% të nëpunësve, ndërsa maqedonët 93.9%. Në universitetet e Shkupit (Skopje) dhe të Manastirit (Bitola), shqiptarët përbëjnë 1.5-2% të të gjithë studentëve.

Nuk është e drejtë të anashkalohen dobësitë kushtetuese të ketij shteti apo madje të reklamohen ato si arritje demokratike. Kushtetuta e re maqedone nuk realizoi çka shpresonin shqiptarët. Kushtetuta e regjimit të mëparshëm komunist ishte një hap para saj për sa i përket përkufizimit të RIJM. Ajo e përcaktonte republikën si shtet i maqedonëve, shqiptarëve dhe pakicave të tjera kombëtare, kurse preambula e kushtetutës së sotme e përcakton RIJM si shtet të maqedonëve, duke interpretuar në mënyrë spekulative termin "maqedon" sikur ai u referohet maqedonëve dhe shqiptarëve së bashku dhe pakicave kombëtare. Nuk mund të ketë shtetas të barabartë në një vend ku një pjesë e popullsisë diskriminohet në institucionet politike, organet shtetërore, në organet lokale të qeverisjes, në shkencë, kulturë dhe media. Mohimi i të drejtave bazë i bën shqiptarët të lenë vendin, që flet për një farë spastrimi etnik megjithëse askush nuk e ka quajtur të tillë, i kryer në mënyrë shume të rafinuar. Kjo praktikë të kujton fushatat greke dhe serbe të spastrimit etnik të shqiptarëve. Koalicionet që krijohen me parti shqiptare, marifet për të mbuluar këtë realitet, nuk mund të kompensojnë mungesat kushtetuese për sa u përket të drejtave të popullsisë shqiptare. Anëtarët shqiptarë të kabinetit qeveritar nuk luajnë ndonjë rol dhe mendimi i tyre injorohet. Ngjarjet e fundit e provuan më së miri këtë fakt.

RIJM, që u krijua thjesht si entitet artificial politik, mbart dobësi inherente. Pra, nuk janë fajtorë shqiptarët që kjo krijesë nuk është e qëndrueshme. Për ekzistencën e saj ajo u detyrohet faktorit ndërkombëtar, qëndrimit të shqiptarëve dhe koniunkturave rajonale.

Pse ky vesh i shurdhër ndaj shqiptarëve nga pushtetmbajtësit e vendeve ku ata jetojnë dhe nga fuqitë evropiane? A nuk kanë mbi 80 vjet dhe sidomos këto 50 vitet e fundit shqiptarët e camërisë, krahinë shqiptare në veri-perëndim të shtetit të sotëm grek, që kërkojnë të drejtat e tyre legjitime dhe askush nuk i përfill? Ju mund të mos keni dëgjuar për një problem të tillë shqiptar në Greqi. eshtë mëse e natyrshme sepse në Evropë arrin vetëm zëri i Greqisë. Greqia kreu gjenocid, spastrim të përgjakshëm etnik të shqiptarëve, në prag të mbarimit të Luftës së Dytë Botërore. Rreth 150 mijë njerëz kërkojnë të kthehen në vatrat e tyre në Greqi. Ata kërkojnë të drejtat e tyre sipas ligjit ndërkombëtar.

Cila është zgjidhja që Evropa u ofron këtyre njerëzve që vuajnë dhe që shteti grek i ka poshtëruar duke i quajtur "kolaboracionistë dhe kriminelë? Ata nuk mund të shohin shtëpitë e tyre edhe si turistë sepse shteti grek "demokratik," anëtar i Bashkimit Evropian, nuk i lejon të futen në Greqi. Mos vallë heshtja për kërkesat e tyre të drejta u imponon atyre radikalizimin si rrugëdalje? Në qoftë se ndonjë ditë këta njerëz të mjeruar, të poshtëruar dhe të ofenduar, këto qënie njerëzore që injorohen dhe janë braktisur në fatin e tyre tragjik nga komuniteti ndërkombëtar, ngrihen për të fituar të drejtat e tyre dhe luftojnë si pjesëtarë të UCC-së [Ushtria Clirimtare e Camërisë] kundër një anëtareje të BE-së dhe NATO-s, cilat do të ishin epitetet që do t’u ngjiste atyre komuniteti ndërkombëtar? Sigurisht, termat për t’i cilësuar ata do të ishin po aq denigruese sa edhe ato që përdoren për shqiptarët në Kosovën Lindore dhe në Republikën ish-Jugosllave të Maqedonisë. Cka na shqetëson janë pasojat e këtij qëndrimi dhe neglizhenca ndaj çështjes, megjithëse na duket e pabesueshme se Evropa e sotme, që nuk është më Evropa e së kaluarës, që i shpërndau shqiptarët në Greqi, Maqedoni, Serbi dhe Mal të Zi, do të bëjë sehir duke pritur që gota të mbushet e të derdhet.

Pse heshtet për kapriçiot nacionaliste greke apo për mohimin që ajo i bën ekzistencës së pakicave kombëtare, për tolerancën e autoriteteve greke ndaj terrorizmit apo për çështje të tjera të brendshme në Greqi? Pse i duron Evropa demokratike leksionet greke për demokracinë dhe zgjidhjen paqësore të krizave? Trajtimi grek i pakicës kombëtare turke, mohimi i pranisë së popullsisë së lashtë shqiptare dhe i popullsisë maqedone atje janë prova të qarta se si Greqia i ka zgjidhur problemet e saj të brendshme.Cuditërisht, Evropa nuk i sheh fakte të tillë, të qartë dhe të thjeshtë, që kanë të bëjnë me një nga anëtaret e saj.

Rruga që u kërkohet shqiptarëve të ndjekin dëshmon se realizimi i të drejtave të tyre është shtyrë në kalendat greke. Ata sot në Ballkan gjenden në mes të korrenteve të vjetra evro-ballkanike, që veprojnë me gjithë forcat kundër tyre. Pothuajse asgjë nuk ka ndryshuar në qëndrimin e të tjerëve ndaj shqiptarëve.

Eshtë për të ardhur keq që diplomacia ruse ende lejohet të përzihet në punët e Ballkanit ndërkohë që organizmat euro-atlantike politike dhe ushtarake mund të përballojnë dhe zgjidhin krizat jo vetëm ne Ballkan. Si mund të pajtohet Evropa dhe bota tjetër e qytetëruar me deklaratat raciste dhe diskriminuese ndaj një populli të tërë të ministrit të Jashtëm rus? Sipas tij, "kudo ku shqiptarët janë shumicë lulëzon ekstremizmi dhe krimi i organizuar." Sipas pikëpamjes së tij, shqiptarët të rinë atje ku janë siç kanë qenë deri sot, të ndarë, të copëtuar, të dobët e pa të drejta në shtetet sllave sepse vetëm kështu forcohet ndikimi rus në Ballkan. Një element i fortë shqiptar i thotë Ndal fundamentalizmit fetar orodoks, si dhe racizmit e ndikimit mbytës sllavist, që ka krijuar aq probleme dhe u ka shkaktuar aq tragjedi popujve të rajonit tonë dhe qytetërimit në përgjithësi.

Shkëlqesi,

Kur shikon lajmet në ekranet televizive kushdo mund të konstatojë se përtej kufijve të Republikës së Shqipërisë gjenden territore të banuara nga shqiptarë. Cili popull ndodhet në të njëjtën situatë si shqiptarët në Ballkan? Fqinjët e shqiptarëve janë shqiptarë, njerëz që flasin të njëjtën gjuhë dhe kanë të njëjtën kulturë dhe gjak. Të ndarë, trojet ku ata jetojnë janë Shqipëria autentike. Të bashkuar, këto troje nuk do të përbënin Shqipërinë e Madhe sepse brenda kufijve të saj nuk do të kishte territore që u përkasin popujve të tjerë. Megjithatë, orientimi proevropian i shqiptarëve është mëse i qartë. Synimi i tyre për t’u futur në Evropë hedh poshtë tezën sllave se ata janë nacionalistë ekstremistë. Lufta e armatosur dhe politike e shqiptarëve drejtohet kundër nacionalizmit agresiv sllav, qe gjakosi kaq shumë njerëz në Ballkan gjatë dhjetë viteve të fundit. Deklaratat për shqiptarë të moderuar dhe ekstrmistë kanë si qëllim të errësojnë këtë orientim të shqiptarëve; ato nuk flasin për qëndrim serioz. Ato e keqësojnë situatën dhe fshehin të vërtetën, atë që shqiptarët kanë kërkuar dhe kërkojnë, hapësirë demokratike ku të gëzojnë të drejta legjitime si komb në familjen evropiane. Ata nuk duan të margjinalizohen si deri sot.

Shkëlqesi, na lejoni të bëjmë disa sugjerime për krizën në Republikën ish-Jugosllave të Maqedonisë:

Eshtë e nevojshme të merren masa urgjente preventivuese ndaj influencave dhe ndërhyrjeve ruse, serbe, bullgare dhe greke, që mund të bëhen shkak për konflikt më të gjerë. Ato nuk mund të jutifikohen mbasi shteti maqedon nuk rrezikohet nga jashtë. Konflikti është i brendshëm.
Ndjehet gjithmonë e më shumë nevoja për një angazhim më të madh të Bashkimit Evropian. Ngjarjet treguan se gjendja nuk do të kishte arritur në këtë pikë në qoftë se do të ishin marrë masa parandaluese dhe t’u ishte bërë presion në kohën e duhur qeverive maqedone në mënyrë që ato të trajtonin seriozisht shqetësimet e shqiptarëve, shkaku i situatës që po jetojmë aktualisht. Forcat e NATO-s në kufi dhe ushtria maqedone, e cila po mundohet të shtypë një lëvizje me bazë brenda vendit, po merren vetëm me pasojat. Janë humbur rreth dhjetë vjet duke zbukuruar regjimin hibrid maqedon.
Kriza duhet të zgjidhet me dialog dypalësh, shqiptaro-maqedon, nën kujdesin tuaj pa i ndarë shqiptarët në pjesë të moderuar e ekstremistë. Shqiptarët janë kundër bisedimeve sa për sy e faqe. Për të pasur sukses, ato duhet të organizohen seriozisht. Ato nuk duhet të përdoren si perde tymi për të mashtruar shqiptarët dhe bashkësinë ndërkombëtare. I ashtuquajturi reagim i popullsisë maqedonëve është pretekst i maskuar keq.
Sipas shembullit të raportit të OKB-së, përpiluar nga juristë të njohur, për çështjen e Kosovës, të cilët konkludojnë se Kosovës i takon pavarësia dhe të qënit shtet në bazë të së drejtës ndërkombëtare, BE dhe organizma të tjera të bëjnë diagnostikimin e çështjes shqiptare në tërësi, në Kosovë, në Kosovën Lindore, Maqedoni, në Mal të Zi, dhe Greqi dhe të parashtrojnë zgjidhjet e duhura, të cilat qeveritë e vendeve përkatëse e kanë për detyrë t’i zbatojnë. Në qoftë se kemi nxjerrë mësime nga historia, fshehja e problemeve dhe favorizimi i një pale kundër një tjetre çojnë në radikalizëm dhe në dhunë, që askush nuk e dëshiron.

Duke përfituar nga rasti, na lejoni Shkëlqesi të shprehim konsideratën tonë më të lartë për Ju personalisht dhe organizmin që ju përfaqësoni.

Sinqerisht,

Eqerem Mete (ish Drejtor i Drejtorisë për Ballkanin dhe Lindjen e Mesme në MPJ të Shqipërisë në vitet 1992-1996)
Boston, MA, SHBA

Petrit Kasemi (ish diplomat në Drejtorinë e Ballkanit dhe të Lindjes së Mesme në MPJ të Shqipërisë në vitet 1992-1996)
Graz, Austri

P.S. Eshte nje artikull ne arkivat e kombit keto gjera per mendimin tim sduhen anash kaluar, duhet te mesojme te ndjekim nje politike kombetare per te ecur perpara.

[Lekë Rezniqi]

Të nderuar miq, ju anëtarë të Forumit Shqiptar,

A do të kishit mundur të më tregoni opinionin tuaj lidhur me gjendjen e çamëve në trojet e tyre të administruara nga Greqia?

Anton i nderuar, edhe unë jam i gatshëm të anëtarësohem në Shoqatën "Çamëria", pa asnjë hezitim, edhe pse nuk di asgjë mbi programin e saj. Por, mendoj se ne jemi ata që e përpilojmë këtë program.

Kam edhe një pyetje, që ndoshta ka pak karakterin personal.
A mendoni se në Shqipëri duhen zhvilluar zgjedhjet e parakohshme parlamentare?

Leka nga Prishtina

[BUJAR]

Bashkimi kombetar do te vije nga ne brezi i ri dhe nga askush tjeter.

[Lekë Rezniqi]

Po pra.
Nga brezi i ri, me mentalitet plotësisht të pastër nga idetë komuniste e socialiste.

Ju kisha prpozuar kthehuni ca faqe prapa dhe përkujtoni tërë atë debat që është zhvilluar, dhe tani është ndalur pothuajse është arritur Bashkimi Kombëtar.

Ju lutem. Ku mbetët?

[BUJAR]

Rinia e paster pa mentaalitete komunist dhe ide bolshevike si ato te Nonos dhe ilir metes eshte e vetmja qe do te realizij bashkimin kombetar.Sa per largimin te me falesh po kame qene me pushime dhe nuk kame pasur mundesi ta perdor komjuterin.

[Brari]

gsh
--------
Nga Hasi 20 nxënës në shkollën e Gjakovës


--------------------------------------------------------------------------------

HAS

20 nxënës të fshatit Dobrunë, në rrethin e Hasit, kanë nisur vitin e ri shkollor në fshatin Goden, të komunës së Gjakovës (Kosovë). Drejtues të policisë kufitare të këtij rrethi, pasi kanë vërejtur se ditët e fundit fëmijë të këtij fshati kalonin çdo ditë ilegalisht kufirin për të vijuar mësimet në fshatin Goden të komunës së Gjakovës, rreth 2 kilometër larg këtij fshati, kanë informuar për këtë fenomen të ri. Bëhet e ditur se fëmijët e moshës 10-14 vjeç, të shoqëruar edhe nga prindërit e tyre, janë pritur me ngrohtësi nga trupa mësimore e shkollës së Godenit, banorët dhe bashkëmoshatarët e fshatit. Ndërkohë drejtues të policisë kufitare të rrethit të Hasit kanë marrë kontakt me drejtues të drejtorisë arsimore të këtij rrethi, duke u kërkuar atyre, informimin e strukturave shtetërore për situatën e krijuar, pasi kalimi i këtyre fëmijëve në fshatin Goden konsiderohet ilegal, ndonëse deri tani ky kalim nuk është penguar as nga strukturat e policisë së UNMIK-ut.

------------
Shume bukur!

Me unmikun merresh vesh..
Po te ishin Serbet ne kufi i kishin vrare keta nxenes te mrekullushem.
RRofte Nato !

[Beqari002]

Deli SMAKA


BIJËT E ARBËRIT KANË MENDJE E ZEMËR


Qeshtja madhore e kombit tonë, bashkimi i trungut me degët e tij, ka qenë, momentalisht është dhe do te mbetet një ndër problemet me madhore kombëtare.

Lidhur me këtë qeshtje madhore mbarkombëtare, bashkimin e trojeve shqipëtare në një, një punë që ka filluar qe moti, që është rrahur dhe trajtuar thukt edhe nga Rilindasit tanë dhe shumë patriot, atdhetarë dhe poet tanë deri në ditet e sotme.

Nese ne vetëm pak ndalemi dhe shfletojme baticat dhe zbaticat historike të popullit tonë në këta shekuj do te shohim se ky është një realitet i hidhur për ne, por populli ynë këtë edhe sot është duke e përjetuar në lekurën e tij :"Dyftyrësin e të fuqishmeve" vendosjen në dam të qeshtjës sonë madhore.

Këtë qeshtje mjaft bukur e pat trajtuar D.N.Mjeda duke thënë:

"Gege e toske , malsi , jallia
jane një komb mu da s`duron;
fund e majë një a Shqipnia
e nji gjuhë t`gjithë na bashkon.


Trungut i janë ndarë degët, ka mbetur trungu i xhveshur. Bie pyetja: A mund të zhvillohet trungu pa degë ose degët pa trungun?
Duhet kuptuar çdo kush se kjo është historikisht dhe biologjikisht e pamundur, e kjo po shihet edhe sot në realitet në jetën e përditshme.
Por bie pyetja: Athua a ka shqiptaria mendje e zemer që trungut tia bashkangjisë degët e këputura padrejtësisht me shekuj?
Une kujtoj se po.

Së pari ne duhet të nxjerrim mësim nga e kaluara. Secili nga ne duhet të kontribuoj që ne si popull dhe si komb të ngritemi dhe të qojmë qeshtjën tonë madhore përpara , se kjo kohë është ndër më të vështirat që një popull të jetoj i ndarë në trojet e veta etnike. Tani është koha që ne si popull të veprojmë e jo vetëm të konstatojmë, që trungut ti bashkangjitën degët. Konsiderojë se është koha që në interesat kombëtare, mu tani ti vëm mbi ato vetiake dhe partiake. Është koha që me marrveshje kombëtare të arrihet një unitet gjithshqipëtar për të bërë veprime të mëdha në realizimin e synimeve shekullore, realizimin e ides së Rilindasve për bashkimin e trojeve jetike shqipëtare.

Ështe koha që e gjithë qenja kombëtare të unifikohet dhe angazhohet në ndërtimin e ardhmerisë së popullit e kombit. Është koha që gjendja në të cilën jemi si popull dhe komb të ndryshojë në të mirë e jo të merremi me vetvehtën sepse kjo është një logjikë e gabuar dhe një shmangie nga rruga për realizimin e ëndrrës shekullore çlirimit dhe bashkimit të kombit të sunduar, me trungun amë.

Të gjitha forcat politike shqipëtare në atdhe dhe jashta tij duhet bashkuar rreth një programi kombëtar për realizimin e këtij ideali. Një platformë të tillë e kemi të parashtruar në programin e Komitetit Kombëtar për Çlirimin dhe Mbrojtjen e Tokave Shqiptare. Konsiderojë se rreth këtij programi është e nevojshme të rreshtohen së pari të gjitha forcat politike mbarshqipëtare sepse mu tani është koha mëse e volitshme për realizimin në jetë të tij.

Domosdoshmerinë e një uniteti e shtrojnë skenarët famkeqe që për çdo ditë përgatitën dhe servohen në kuzhinat e shkelsve tanë të deri djeshëm dhe të sotëm në disa pjesë të vendit tonë.

Me ne janë luajtur lojëra të shumta diplomatike që me kohë. Diplomacia e të fortëve duke parë se diplomacia shqipëtare nuk është në gjendje të kuptojë dhe lexojë skenarët e përgatitura ka realizuar interesat e veta në dam të qeshtjës sonë kombëtare, në dam të popullit dhe qenjës sonë kombëtare, prandaj është koha që ne si popull të mësojmë nga e kaluar e jonë e hidhurë, të mësojmë nga pësimët tona dhe jo nga pësimët e të tjerëve.

Me ne si popull janë luajtur skenare të rrezikshme, stuhit ballkanike janë përplasur gjithëherë për ne edhe sot jemi prezent dhe dëshmitarë se edhe tani po luhen skenare të tilla por edhe me të rrezikshme në dam të interesave tona kombëtare nga të mëdhenjët.

Ndasit tona , plasaritjet , sharjet dhe përçarjet tona, me dinakri i shfrytëzojnë kundërshtarët tanë. Këto plasaritje e çarje populli ynë gjithmonë i ka paguar shtrenjët. Ne historia nuk na ka faj pse ajo përsëritet për ne. Ne po i përsërisim të njëtat gabime çka është fatale dhe shumë rëndë për ne.

Është koha që të shiqohet se athua ka pishtar që qeshtjën shqipëtare ta ngre përpara?
E konsideroje se po ! Një platformë e qartë KKÇMTSH-së e cila synon unifikimin e faktorit shqipëtar në vend e më gjërë konsiderojë se do të jetë një fanar për një unitet dhe punë më të madhe në këtë drejtim.

Vetëm të kthehemi pakëz prapa dhe të shohim se çka këshillon i madhi Naim lidhur me qeshtjën kombëtare shqipëtarët:

Ne behi shokë me mua
Ne më doni si ju dua
Njani tjetrin ne e doni
Tq pa udhe mos punoni.
O zemër fluturake
Qasju pak kësaj flake
Mbase krahët ti përvëlon.

Trualli i Arbërit i coptuar kështu prej kohësh, e si duket tani ka ardhur koha të jetë një, ti bashhkangjitën trungut degët e tij, që ky trung të thirrët me një emër, me emrin që e thërriste i madhi Skënderbe, me emrin e ëmbël Arbëri.

A ka kënaqësi më të madhe në jetën e shqipëtarit se një ditë të gjithë krerët shqipëtar nga mbarë Arbëria ti shohësh ulur në një sofër, në sofrën shqiptare. A ka kënaqësi më të madhe për ne se në këtë sofër shqipëtare të bisedohet shtruar për çeshtjën madhore mbarshqiptare. A ka kënaqësi më të madhe për bijët e Arbërit kur ata shohin zhdukjen e ndasive dhe plasaritjet shqipëtare e ndërtimin e shtetit të Arbërit nga të gjithë së bashku, pa dallim partie.

E konsiderojë dhe e them me plotë arsye se me një platformë çfarë ka parashtruar KKÇMTSH-ja dhe unitetin mbarkombëtar do të ndërtojmë shtetin e përbashkët shqipëtar.


Rroftë Shqipëria e bashkuar!
Rroftë populli shqiptar!


Autori është intelektual, publicist dhe letrar i shquar i qeshtjës madhore: çlirimit dhe bashkimit të trojeve shqiptare.

---------------------------------------------------------
---------------------------------------

Oj sharki e lehte si era , a ka ardhur ne Shqiperi pranvera?