Si vjen bashkimi kombëtar?

[Lekë Rezniqi]

I nderuari Anton,

Ide shumë e mirë.

Prej meje ke çdo përkrahje dhe mund të llogarisësh në mua çdoherë.

Leka nga Prishtina

[Anton]

Po postoj sa per kujtese nje shkrim me propozime konkrete te z. Agim Doci:

Agim Doçi
Anetar i nderuar




Regjistruar: 23-05-2002
Vendndodhja: Lugano - Zvicër
Poste: 290
Pamja: Portokalli/ E Verdhe

Vleresimi:

(12 Vota)


Letër BASHKËFORUMASVE Postimi #62

FRIKA apo PENGU,…DËSHIRA apo ANDRRA,…MUNDËSIA dhe SITUATAT në favor dhe në disfavor të mënyrave ma të mënçura dhe ma të zhdërvjellta për të arritur qëllimin dhe zgjidhjen e ENIGMËS së BASHKIMIT KOMBËTARË.


Të gjithë BASHKËFORUMASVE kudoqofshin ata!

Jemi në hall të madh dhe në hall të vërtetë! Asht traditë njerzore që kur një BASHKËSI ka një hall, të mblidhen të Urtët e të Dijtunit e asaj bashkësie, për me i dhanë zgjidhje hallit!
Nëse fjala peshon, nëse fjala del me vend duke rrahur mendimet dhe propozimet e sejcilit pjesmarrës, bahet kuvend dhe merret vendim! Vendimi që del bahet Ligj. Ligja zbatohet kur ka një organ që e udhëheq, kur ka një organ që e ekzekuton, një organ që e kontrollon dhe një organ që mban përgjgjegjësi për zbatimin e këtij Ligji.
Le t‘a shtjerrim lamshin e hallit tonë të përbashkët, duke dhanë gjithsejcili mendimin e vet, pa ofendue askend, pa u nxehur gjakrat dhe pa luajtur rrolin e të dijtunit, të urtit dhe të „kryeplakut të katundit“!
Halli ynë pra asht: – Si vjen Bashkimi Kombëtar?!
E thanë ma shqyp: - Si arrihet deri tek Bashkimi Kombëtar!?
Nëse do të kini sadopak durim që të lexoni këto mendime të mija PA PARAGJYKIME dhe pa KLASIFIKIME (fatkeqësi që rrjedh nga psiqika e dëmtuar e jona si frut i presionit që ka ushtruar ndër né komunizmi dhe internacionalizmi, duke nxitur egërsisht LUFTËN E KLASAVE në të gjitha ishvendet e Lindjes, e ma randë dhe ma keq deri në krime monstruoze që ngjanë për 50 vite si askund në Shqipëri) besoj se do të diskutonim fisnikërisht me njëri tjetrin!
Megjithatë po e provoj të futem në Odën e Diskutimeve.
Të Urtët e të Diturit padyshim janë Elita Intelektuale e Kombit, të cilët janë zgjedhur në bazë të meritave dhe dobisë që ata i kanë sjellë Kombit, Njerëzimit dhe Paqes – në mënyrë krijuese!
Kush asht sipas jush AI që do ndërmerrte një hap të tillë për të mbledhur të Urtët dhe të Diturit e kombit tonë për të diskutuar mbi këtë krye-hall!?
Akademitë dhe Akademikët tanë, për vite me radhë kanë qenë TË FRIKSUAR dhe të mbajtur PENG nga politika internacionaliste e regjimeve të Beogradit – Shkupit – Titogradit – Moskës – Pekinit – Prishtinës dhe Tiranës!
„Klima ishte e helmuar në Ballkan, kur i krijuan këto 2 akademi, ajo e Tiranës dhe ajo e Prishtinës, - deklaron i madhi Ismail Kadarè, me rastin e pranimit të tij si Anëtar i Akademisë së Kosovës(maj 2002),- bile në vend që të merreshin me probleme akademike, janë marrë me vërtetimin se pse populli shqiptar s‘duhet të shpërngulet, sepse është këtu më herët, dhe të dëshmonte se pse populli ynë nuk duhet të vdesë(!)…“
Nëse të Urtët dhe të Diturit nuk mblidhen, përse humbasin kohë duke diskutuar nè të tjerët?
Po vazhdoj më tutje!
Supozojmë se u gjet Thirrësi! Pra u gjet AI që kur t‘u çojë fjalë të Urtëve dhe të Dijturve, ata do mblidhen!
Ku do të mblidhen?!
Padyshim në Prizren! Prizreni asht kryeqytet i Shqyptarëve! Nëse dikush asht kundra – ju garantoj që këtu merr cak dëshira antishqiptare e atij dikujt për mosbashkim!
Kush do t‘a drejtoj mbledhjen e të Urtëve dhe të Dijturve!?
Këshilli Mbarëkombëtar i BASHKIMIT që sipas meje duhet të përbahet nga 1 përfaqsues për çdo krahinë dhe assesi nga partitë politike duhet të zgjedhë një KRYESI!
Kjo KRYESI duhet patjetër të përbahet nga Përfaqsuesit më të Nderuar të Besimeve fetare Shqyptare!(patjetër me personalitete shqyptare si rangu i Dom Lush Gjergjit, prof. Rexhep Boja, Babë Reshat Dedej, At Marku i Elbasanit, dhe jo Janullatosi apo te tjeret me origjinë nga vendet fqinj që kanë varrosur AUTOQEFALINË – MËVETËSINË e Kishës Ortodokse Shqyptare!)
Patjetër duhet të jetë një Mbikqyrës që në rastin tonë duhet të përbëhet nga USA, OKB-ja, dhe NATO! (le të detyrohet dhe anëtari i ri Rusia të ndikojë mbi vëllezërit e vegjël sllavë, që të mos bëzajnë)!
Kush e detyron Rusinë!?
Padyshim STATUSI i saj si anëtare e NATO-s!
Mbledhja hapet nën përkujdesjen e Mbikqyrësit që në këtë rast thamë se do të jenë 3 personalitete: amerikani, ay i OKB-së dhe i NATO-s.
Do të rilexohen 10 pikat e Lidhjes së Prizrenit të vitit 1878, duke zëvendsuar Turqinë me Mbikqyrësin!
Do miratohet piksëpari përkufizimi: - kush quhet shqyptar?!
Do jepen statistika të sakta sesa janë të tillë në Shqipëri, në Kosovë, Mal të Zi, Maqedoni, Greqi(çamët), Diasporë.(mbi bazën e një regjistrimi ekzakt të të gjithë atyre që e pranojnë vehten për shqyptarë, aksion që e udhëheq Organizata e Kombeve të Bashkuara dhe ODHIR-i apo OSBE-ja).
Do të merren 5 VENDIME UNIFIKIMI dhe INTEGRIMI me fuqi ekzekutive të menjëherëshme:
1. Unifikimi i Gjuhës –mbi bazat reale të Gjuhës Letrare dhe jo asaj Standart!
2. Unifikimi arsimor – të të gjithë niveleve të shkollave shqype në të gjitha trevat ku banojnë ata që e plotësojnë kushtin që janë shqyptar!
3. Unifikimi monetar – që ka të bëjë me pranimin e Euros si monedhë e vetme!
4. Unifikimi i Flamurit Kombëtar – që është vetëm ay i Gjergj Kastriotit!
5. Unifikimi i Hymnit Kombëtar – jo aktuali i thurur nga Ciprian Porumbescu (nga Rumania me përshtatje nga Aleksandër Stavre Drenova – arumun), por ai Hymn që do fitojë KONKURSIN MBARËKOMBËTAR.
Pastaj do të miratohet KONSTITUCIONI SHQYPTAR ku do jenë të shprehura qartë juridikisht, administrativisht dhe teknikisht të gjitha Paketat Ligjore Mbarëkombüetare dhe sidomos problemet e më poshtëme që kanë të bëjnë direkt me frymën e BASHKIMIT dhe të INTEGRIMIT midis shqyptarve kudo qofshin ata:
 Forma e sistemit, regjimit apo e qeverisjes (Republikë Parlamentare, Presidenciale, Monarki, apo Federative me Qeveri Krahinore)
 Uniforma e Gardës Kombëtare, Ushtrisë, Policisë, Forcave Detare, Toksore, Ujore, Shërbimeve Publike (Zjarrfikës, Doganë, Tatimore, Ekologjike, Komunale, etj.)
 Uniforma e Kolegjeve Ushtarake, Shkollave Profesionale, Shkollave të të gjitha Niveleve Arsimore, Kolegjeve para Universitare dhe Universitare, Akademive të Larta të Shtatmadhorisë Shqyptare.
Mbasi mbyllen me sukses të gjitha këto „vrima“ unë besoj se arrihet realizimi I endrrës shumëshekullore BASHKIMI KOMBËTAR!
Situatat janë në favor tonin nëse bëhemi vërtetë FAKTOR STABILITETI në gadishullin Ballkanik, (i cili deri në vitin 1821 quhej gadishulli ilirik, dhe më pas morri emrin „ball kan – male inatesh“ NGA TURQISHTJA!) – shihni studimet historike dhe shkencore të Weithem Peackoc (akademik englez) dhe të Alfred Zeune (akademik gjerman) si dhe Fletoret e këtyre dy akademive të Europës. Një herë tjetër do ia prezantoj atij që nuk beson!
Kjo është vetëm sa për fillim! Do punoj me mish e me të gjitha energjitë e mija për të realizuar dhe zgjidhur ENIGMËN SHQYPTARE – Bashkimin Kombëtar!
Nder dhe Lavdi kush përpiqet për këtë qëllim!

Sa janë kombe përmbi dhè
Me BASHKIMIN në dritë kanë dalë!
Ka qit dreqi pushkë ndër nè.
Mos me u bà dy vetë n‘nji fjalë!
…..(At Gjergj Fishta)

Me respekt Agim Doçi


__________________
Agim Doçi - Poeti

A jeni dakort me propozimet e tij?

A ti bejme thirrje personaliteteve qe permend ai ?

Si mund te realizohen mendimet e tij?

Me Fatos Nanon kryemnister?

Te mos harrojme vendimet i merr politika, PRESIDENTI, KRYEMINISTRI.

[Pelasgian]

Ju lutem lexoni kete Projektepropozim. Eshte ky hapi i pare rrethe bashkimit te kombit tone.


Me nderime,

bashk01@aol.com
nshillova@msn.com

[Anton]

Te nderuar,

a nuk do te ishte me mire keshtu:

Ata qe kerkojne te shkojne te marrin kazmen nga Amerika apo nga Tetova e te shkojne ne aksion te veprojne keshtu:

Te punojne nje here ne jave aty ku jane, diku, ku te munden e parate e fituara ti nisin ne fondin e Rruges?

Keshtu :


1 kursehen te gjitha energjite dhe financat e organizmit te aksioneve ( mendoni sa kushton udhetimi i 1000 veteve nga Amerika per ne Klos)


2 duke paguar firmat ndertuese e punetoret e atyre aneve

2.a luftohet papunesia,

2.b ndertohet rruga 10 here me shpjet ,sepse te jemi te sinqerte i ka ikur koha kazmave e lopatave, por punohet me makineri.

Anton

Shpresoj qe te kuptohem drejte e mos te filloj te quhem armik i popullit se po jap mendimin tim.

[eri_19]

Ju falenderoj per nje teme kaq te qelluar.
une mendoj se per derisa te jen komunistet ne shqiperi nuk do te kete bashkim kombetar .E them kete per arsye se as une e as ju nuk jemi nga dje dhe eshte par e gjith puna e tyre .
por edhe kosova nuk eshte ende e gatshme perderisa unmiku nuk e deshiron nje gje te till.
pra mendimi im eshte qe se pari te nderrohen pushtetaret ne shqiperi dhe se dyti te pavarsohet Kosova,vetem ateher do te jemi te lir te veprojm si te duam
ju faleminderit

[Pelasgian]

Anton,

Shume faleminderit per mendimin tend.

Kjo form e shkruar e ketij projekt-propozimi ende eshte duke u zhvilluar. Te gjitha informatat jane te renditura si sardinat ne pakon e tyre.. Keshtu shume lehte mund te kalohet nje informat e rendesishme.

Ne piken 8 te projekt-propozimit shkruhet per numrin dhe metoden e pranimit. Pra nuk eshte ketu fjala per 1000 persona te udhetojne nga perendimi, por eshte fjala per 1000 te rinje nga te gjitha viset Shqipetare, gjate pushimeve te tyre verore.

Ne propozim gjithashtu shkruan se nje perqindje e vogel e te rinjeve nga bota mund te marrin pjese.

Pasi qe te vizellohet, shkelqehet ky projekt-propozim ne do ta dergojme te organet kompetente ne Kosove.


Ju lutem a keni ndonje ide si mund ta bejme kete edhe ne viset tjera Shqipetare. Kujte ti dergohet ne Shqiperi, Maqedoni, Cameri, Shkup, Male te Zi, Presheve.


Me nderime,

bashk01@aol.com
nshillova@msn.com

[Dita]

Pelasgian!

Po te drejtohem meqenese lexova ate qe keni permbledhur nen titullin: Aksioni punues ne rrugen Tirane-Durres-Prishtine.

Me duhet te tregohem realiste dhe te them se ajo per te cilen beni fjale ju eshte dicka qe i perket se shkuares pesedhjetevjecare te Shqiperise e te vendeve te Evropes Lindore, asaj kohe ne te cilen njerezit ishin te detyruar me hir a me pahir qe te merrnin pjese ne aksionet qe mbanin emrin aksione vullnetare.

Keto kohe jane te shkuara Pelasgian. Me kete nisme ju do te mund te gjenit disa njerez qe do te mund t'ju perkrahnin, por une jam e sigurte qe pjesa me e madhe e atyre qe do te degjonin e do te lexonin per te do te qeshnin.

Kush do ta sponsorizonte nje nisme te tille, kush do te investonte per keto kampe qe thoni ju?

Do te takoheshin te rinjte brenda tyre e do te njihnin doket e zakonet, do te shkembenin dijet e gjuhen me njeri-tjetrin?

Ate e po bejne Pelasgain, tash e dhjete vjet e qe prej luftes se Kosoves, ky kontakt miqesor mes shqiptareve eshte rritur ne permasa te dukshme.

Menyra se si ju i keni rreshtuar fjalite ne planin tuaj perngjajne me ato plane te vullnetareve qe punonin per hekurudhat e Shqiperise, apo ato te kampeve te pioniereve.

Jetojme ne kapitalizem e prandaj ju duhet te jeni realiste. se ju e perhapni kete nise aksionare, eshte puna juaj, por nese per te nuk prisni pergjigje, apo merrnin pergjigjese tallese, mos u habisni.

Mendesite e te kaluares nuk bejne pune.

Nje rruge strategjike si ajo Durres-Tirane-Prishtine kerkon

-investime kolosale,

-kerkon nje angazhim te shtetit shqiptar dhe shtetit te Kosoves.
-kerkon financim venda, ne formen e njohur te bonove te thesarit,
-kerkon investim direkt nga firma te medha qe te marrin te drejten koncesionale per kete rruge per disa vjet,
-kerkon investime nga firma te huaja, nga shtete jo antishqiptare,
-kerkon investim nga institucione nderkombetare.

Ne kete menyre jane ndertuar rruget e hekurudhat ne gjithe vendet e botes se zhvilluar, keshtu jane ndertuar ne Angli qe eshte djepi i kapitalizmit dhe ne Amerike ku ne vitet tridhjete permes investimeve ne infrastrukturen kombetare u arrit te perballohej kriza e madhe e papunesise.


Ajo qe ju propozoni nuk ndihmon ne zhdukjen e nje fenomeni si ai i papunesise, ai i heq te drejten edhe punetoreve te ndertimit te fitojne buken e gojes, sepse ju e propozoni kete me pune vullnetare.


Dhe mos mendoni se ata qe nuk e presin mire kete nisme jane te poshter, nuk jane shqiptare, e jane antikombetare.
Aspak, ata jane shqiptare qe e kuptojne jeten e tyre ne nje sistem te ri qe eshte ai kapitalist.

Nderime!

[Lekë Rezniqi]

Më falni se po dal nga tema.
Prej të mërkures do të jem në Tiranë.
Nëse doni ndonjëri me dëshirë do të takohesha me cilindo prej jush.

Edhe një herë ju kërkoj falje që dola nga tema.

Leka nga Prishtina - Tirana

[Pelasgian]

Dita,

Shume mire po te kuptoj.

KJO ESHTE E SHKUAR 50 VJEQARE.

Ne Shqiperi ka qene DOMOSDOSHMERI, ne anen tjeter te kufirit KENAQESI.

Bashkekombasve nga Shqiperia kjo normal ju duket qesharake. Plotesishte pajtohem me ty. Por e kunderta ndodhe me bashkekombasit te viseve tjera.


Normal duhet te gjinden SPONSOR per kete nisme madheshtore. Me siguri nuk do te presim te bejme Bashkimin Kombetar pa asnje investim.


TE RINJTE TANE JANE DUKE U NJOHTUAR ME DOKET, ZAKONET, GJUHET ETJ. QE NGA KETO 10 VITET E FUNDIT.

Aksioni Punues eshte Simbol i Bashkimit dhe mirekuptimit. Efekti i ketij Aksioni shihet vetem kur te tregohet nga televizionet Shqipetare ne te gjitha viset.


REALIZIMI I KESAJ RRUGE KERKONE INVESTIME KOLOSALE.

Shume ke te drejte. Ky Aksion Punues eshte vetem nje simbol i nxitjes se vullnetit dhe deshires per nje Bashkim Kombetar.

ZHDUKJA E FENOMENIT TE PAPUNESISE.

Ky aksion aspak nuk do te demtoj papunesine. Te rinjte tane do te punojne ne kohezgjatje prej 4 javesh. Te tjeret do te punojne me muaj e vite te tera.


Sikur te gjithe te beheshim BASHK, Aksionistet, papunetoret, badihavgjite, te miret e te keqijte, kjo rruge do te perfundohej.


E kujte do ti plasej zemra? Dihet Grekeve, Serbeve dhe te gjithe dashakeqeve te Shqipetarise.

Me nderime,

bashk01@aol.com
nshillova@msn.com

[Anton]

A jemi dakort qe ne te gjithe te behemi anetar te shoqates "Cameria"?


Ju lutem, pergjigje te qarta.