Cilat jane arritjet e presidentit Mejdani?

[Albo]

Tani qe presidenti i Republikes se Shqiperise Mejdani perfundon mandatin e tij 5 vjecar, shtypi shqiptar po i dedikon nje vend te vecante Mejdanit. Marr shkas nga kjo, qe te hap kete teme per te gjithe ju ku edhe ju mund te shprehni mendimin tuaj mbi arritjet e presidentite Mejdani. Pyetjet jane:

Cfare risi i solli Mejdani institucioneve shqiptare?
Cfare inisiativash politike dhe kombetare mori ai?
Cilat jane arritjet e tij me te dukshme?
Cilat jane deshtimet e tij?
A do te deshironit qe te votebesonit Mejdanin edhe me nje mandat te dyte?

Jeni te lutur te shprehni mendimin tuaj brenda kesaj teme pa dale jashte saj.

[Albo]

Presidencialet, zgjidhje të pranueshme

Nga Sotiraq Hroni / Ndërkohë që ditët po afrojnë për legalizimin e kandidaturave presidenciale, loja politike duket se nuk ruan ndonjë surprizë. Deklaratat dhe kundërdeklaratat politike kane veçse një gjuhë të tërthortë, pak më të moderuar se herët e tjera, por që gjithsesi nuk kanë për të prodhurar ndonjë risi të jetës politike shqiptare. Kandidatura më pak e konstestuar, duket ajo e Presidentit në detyrë i cili gjatë mandatit të parë duket se arriti t'i sjellë një frymë ndryshe institucionit. Meidani u përpoq të nxiste një profil të ri drejtues duke promovuar një rol protagonist të institucioneve, duke ruajtur me një gjakftohtësi të admirueshme kompetencat institucionale, jo vetëm të Presidencës, por edhe demostroi respekt ligjor për çdo institucion tjetër të vendit, përfshirë partitë politike. Ndoshta, në momente të caktuara të jetës politike gjatë mandatit të tij, opinioni publik mund të ketë pritur më shumë protagonizëm individual apo institucional, mbështetur edhe në forcën që të jep autoriteti moral. Ndoshta edhe unë mendoj se Presidenti Meidani kishte forcën e nevojshme për të bërë më shumë në përballimin e disa sfidave, (veçanerisht në luftën e vazhdueshme ndaj korrupsionit), ndoshta edhe me pak protagonizëm mbështetur edhe në kërkesat e opinionit publik. Por gjithsesi, pak kush sa ai i ka mëshuar linjës institucionale, rregullave të lojës dhe ajo që është shumë e rëndësishme, prirjes për të nxitur lëvizje pozitive nga poshtë, pra zhvillimit të demokracisë në bazën e shoqërisë. Po kështu, jo i gjithë faji i mbetet Meidanit për mosarritjet që kanë të bëjnë me raportet institucionale me forcat politike në vend. Pjesa dërrmuese e mandatit të tij politik, u konsumua nën një raport jonormal të sjelljes politike partiake.

Ndërsa, ndryshimet e evidentuara kohët e fundit në dialogun politik pozitë-opozitë që po zhvillohet, e kanë pozicionuar Presidentin në detyrë drejt rolit institucional kushtetues si simbol të unitetit të kombit. Kjo të bën më tepër optimist që në kushtet politike të krijuara, të cilat kanë në sfond prirjen për konsensus sa më të gjërë politik në zgjedhjen e presidentit të ri, një mandat i dytë, pavarësisht se nga votat e kujt do të zgjidhej, do ta bënte Meidanin të pozicionohet përfundimisht jashtë lojës së interesave partiake apo borxhit politik. Dhe integriteti i tij personal përbën një siguri për një imazh dhe rol të tille mbi-partiak.

Shkeputur nga gazeta KJ dhe eshte shkruajtur nga nje keshilltar i Mejdanit


Mua personalisht, kur e lexova kete artikull me erdhi nje buzeqeshje ne fytyre. Vete keshilltari i Mejdanit, i permbledh te gjitha "arritjet" e Mejdanit ne 2 paragrafe. No Comment !

[illiriani]

Presidenti Meiani e shtroi inisiativen - NJE KOMB - NJE QENDRIM
por me kend se?

Nga permbysja e komunizmit, ai president qe e meriton populli
u zgjidhe dhe do te zgjidhet peseri!

Si eshte brumi behet buka!

Bota e pranoi president Meidanin, si prof. universiteti, e jo ndonje me shkolle nate - por, ja qe ai popull eshte mesuar me diktature
dhe veshtire se mund te behet i vetdijshem per fjalen demokraci
per edhe nja 30-40 vjet!

Nje shtet pa kushtetute per 7-8 vjet me rradhe, nuk ka si te behet per kaq kohe shtet demokratik, me nje kushtetute kaq te vone - vetemsa iu kane shpifur demokracise vetem te marrur si fjale dhe ne mbrendi shpirti plot
diktature, injorance, korrupcion, kriminalitet... Te flasesh per demokraci ne shqiperi - eshte sikur te beshe lojera me vet emrin demokraci!

[alumni]

www.korrieri.com
Faqja 12/13 - SPECIALE Qershor 18, 2002

INTERVISTA

Pak ditë para votimit për kreun e ri të shtetit, Presidenti tregon pse shkarkoi Rakipin, çfarë mendon për Katarsisin dhe u përgjigjet sulmeve të Nanos dhe opozitës

Meidani kërkon votat e Berishës

Presidenti: "Fluiditeti" mes partive sjell vetëm zhvillim dhe forcon institucionet"

Ilir Babaramo

Meidani lë qartë të kuptohet se për t'u rizgjedhur president është në favor të një aleance të mundshme si ajo që shkarkoi Prokurorin e Përgjithshëm pak kohë më parë. "Çdo 'fluiditet' për një politikë normale, ndërvepruese e institucionale ndërmjet forcave të ndryshme politike në ndërtimin e forcimin e institucioneve kryesore mendoj se do të sjellë vetëm zhvillime", thotë Meidani në një interviste për Gazetën. Pse e shkarkoi prokurorin e përgjithshëm, reagimi i tij pas sulmeve të Berishës e Nanos, çfarë mendon për lëvizjen për Katarsis, janë disa nga përgjigjet e kësaj interviste të presidentit që synon të rizgjidhet sërish.

Sipas të gjitha sinjaleve që vijnë nga Brukseli, Këshilli i Ministrave të BE-së do të shtyjë sërish hapjen e negociatave me Shqipërinë. Rezoluta e parlamentit Europian kërkon një president konsensual. Cfarë sinjalesh keni patur ju në lidhje me këtë çështje, si dhe me rikandidimin tuaj nga Bashkësia Ndërkombëtare?

"Ne përfundimisht duhet të bindemi se plotësimi sa më i mirë i kushteve të Marrëveshjes së Asocijim-Stabilizimit është domosdoshmëri për hapjen e suksesshme të negociatave. Natyrshëm ka dhe disa kushtëzime, që mund të mos jenë realiste, madje mund të kenë dhe karakter relativisht artificial siç ishte, p.sh. ai për ligjin e Këshillit të Lartë të Drejtësisë, që për hir të këtij kushtëzimi imponoi një proces maratonë në Kuvend, duke mos korrigjuar dhe disa nene të ligjit, që dilnin diçka nga korniza kushtetuese mbi konceptimin e vetë gjyqësorit. E thashë këtë për të dëshmuar edhe njëherë, me modesti, konceptin tim mbi të vërtetën, që në të shumtën e rasteve duhet trajtuar si konkrete e aspak abstrakte, si sugjeruese e bindjeformuese e aspak imponuese e urdhërzbatuese; e që për më tepër lidhet me relativitetin e jo absolutitetin e çfarëdo pohimi, gjykimi e vlerësimi, përfshirë këtu dhe termat e "europianizuara" si konsensuale, të përkthyera apo të zbërthyera, si konsensuale-konsensuale, si konsensuale-konstitucionale, ose, së fundi, si konsensuale-koncensionale, apo dhe ato të zhvilluara me "bollëk" në mjedisin shqiptar si socialisto-socialist, demokrato-demokrat, socialisto-demokrat, demokrato-socialist, komunisto-socialist, demokrato-komunist, republikano-monarkist, etj.,etj.!...

Ndërsa përsa u përket të ashtuquajturëve nga ana juaj sinjale, unë mund të them se t'i quash ato sinjale është, ndoshta, pak, pasi mesazhet e transmetuara kanë qënë qartësisht për vazhdimësinë institucionale e stabilitetin social e politiko-ekonomik. Kjo në njëfarë mënyre është dhe vlerësimi më i drejtëpërdrejtë i modelit institucional, me të cilin është realizuar drejtimi e ndërveprimi. Megjithatë, pavarësisht sinjaleve e pseudosinjaleve, mesazheve e pseudomesazheve, leximeve e pseudoleximeve, "më tha, e i thashë", proces i zgjedhjes së Presidentit të Republikës, është një problem krejtësisht shqiptar, dhe për më tepër i bazuar në debatin, gjykimin, vendimin dhe votën e përfaqësuesëve të popullit, në Kuvendin e Shqipërisë".

Në deklaratën që bëri zyra Juaj e shtypit menjëherë pas aprovimit të Konventës së partive të opozitës lihet qartë të kuptohet se ju do të preferonit të propozoheshit në Parlament. Kjo lëvizje e juaj bëhet për të shmangur përplasjen me Nanon në KPD apo kërkoni që t'i jepni opozitës një sinjal se qëndroni mbi palët?

"Eshtë një qëndrim institucional konseguent i të gjithë periudhës 5-vjeçare. Aq më tepër, që sipas Kushtetutës së Shqipërisë pozicioni i presidentit nuk pajtohet me ndonjë rol udhëheqës partiak, madje ai nuk duhet të jetë as anëtar partie. Prandaj nuk bëhet fjalë as për shmangie përplasjesh, as për lëshim sinjalesh, por për një sjellje normale institucionale brënda këtij koncepti e pozicioni kushtetues. Mendoj, se ashtu si dhe ju, edhe të tjerët, po qe se kanë lexuar apo ndjekur deklaratat, fjalimet, shkrimet apo veprimtarinë time të përditëshme, shpresoj, madje besoj, ta kenë konstatuar një frymë të tillë, që sa kushtetuese është dhe një bindje e ime e palëkundshme".

Kandidati tjetër për president, Fatos Nano, tha pak ditë më parë se ju "nuk e kapët ritmin që kërkon posti i kryetarit të shtetit". Ndërkohë disa të tjerë ju kanë akuzuar se gjatë mandatit tuaj të parë keni qenë inaktiv. Cila është përgjigja juaj?

"Nuk më ka pëlqyer asnjëherë polemika "pa bukë", aq më shumë ajo me "më tha e i thashë". Në të vërtetë, ky stil tradicionalist i politikës shqiptare, siç shkruhet diku, mund të vlejë brënda "mureve të shtëpisë, por pëson aventurat më të guditëshme në fushën e kërkimit". Nga ana tjetër, pa rënë preh e këtij tradicionalizmi e tranzicionalizmi mediatiko-politik, ajo që unë mund të them, është se disa të pakënaqur apo me prirje njëshi, duke folur për modelin tim, pa dashje i kanë bërë shërbimin më të mirë, madje dhe një vlerësim atij, sepse modeli i mirë apo i keq, mbetet përsëri model, dhe këtë pretendim për të krijuar ndonjë model, për më tepër, unë nuk e kam patur asnjëherë. Në fund të fundit, ajo që në mënyrë të thjeshtë e normale kam pretenduar, është që kam tentuar vetëm të jap edhe unë, ndoshta edhe në heshtje, apo duke "shitur" punën e të tjerëve dhe aspak timen, një kontribut modest në pjesë të ndryshme të ngrehinës së një shteti realisht demokratik. Dhe e gjitha kjo, gjithnjë sipas mendimit tim, është bërë me tolerancë e bindje, me korrektesë njerëzore e seriozitet qytetar, me një ritëm pune e angazhim të plotë, por dhe në përgjigje të detyrave kushtetuese të këtij pozicioni dhe të ritmeve të ndryshimeve e zhvillimeve demokratizuese e integruese vendore, rajonale e ndërkombëtare. Dhe nuk mund të jetë një rastësi, mrekulli apo çudi, që një gjë e tillë, nuk ka mbetur jashtë vëmendjes, madje është vlerësuar nga njerëz të thjeshtë, nga bashkëkombasit tanë, por dhe nga shumica e kolegëve të Bashkësisë Demokratike Ndërkombëtare, nga institucione ndërkombëtare e qendra të opinion- e politikë-bërjes e vendim-marrjes, nga mjedise politike e akademike, etj...! Mos vallë fajin për këtë e ka integriteti politiko-moral, apo, ndoshta, dhe CV-ja? Mos vallë ajo e ekspozuar në "Home Page" ka ngjallur këtë lloj "zbulimi" të karakterit reaktiv? Apo duhet të isha cdo ditë në publik, për të thënë X apo unë kështu, e Meidani apo Y ashtu, ndërkohë që po të shqyrtoni axhendën dhe të merrni vetëm takimet ditore dhe çështjet e shtjelluara, ato rrokin pothuajse të gjitha fushat dhe problemet që ka vendi dhe qytetari?..."

Cila do të ishte mbrojtja e juaj pas deklaratës së Berishës se ju "e humbët shansin për t'u rizgjedhur pasi heshtët për manipulimin e zgjedhjeve të vitit të kaluar"? A jeni i gatshëm të dekretoni zgjedhje të parakohëshme nëse opozita ju mbështet për t'u rizgjedhur president?

"Kësaj pyetjeje ja kam dhënë disa herë përgjigjen. Natyrisht, edhe pse unë, po të isha në vendin e tij, do të luaja politikisht ndryshe bazuar në analizën time mbi ngjarjet e njerëzit, megjithatë mund të them se z.Berisha është brënda lojës së tij politike, duke orkestruar një deklaratë të tillë. Por sidoqoftë unë dëshiroj dhe shpresoj shumë që dhe ai në vetvete, duke mos shfaqur në publik arësyet e vërteta, të paktën të jetë i bindur, që nga pikëpamja institucionale e kushtetuese, ky lloj neutraliteti duhet të respektohet dhe nga presidentë të tjerë, në të ardhmen e proceseve tona elektorale; aq më tepër që aktualisht me proceset zgjedhore merren struktura permanente kushtetuese, përfaqësuesit e të cilave nuk janë më "vullnetarë" por funksionarë të trajtuar në mënyrë të vegantë nga shteti. Them se kjo duhet të jetë kuptuar, madje uroj sinqerisht që të jetë kuptuar...Pa pretenduar për të rimarrë edhe njëherë vlerësimin e analizën time mbi këtë gështje, në përfundim, për ilustrim, po kujtoj edhe njëherë atë që nënvizova pak ditë më parë për zgjedhjet presidenciale në SHBA, për qëndrimin neutral, pa përfshirjen qoftë dhe më minimale në ndonjë gjykim, deklaratë publike apo koment zyrtar të presidentit Klinton, lidhur me konfliktin paszgjedhor Bush-Al Gore.

Përsa i përket pyetjes së dytë, po ta lexoni kushtetutën mund të gjeni vetëm disa hapësira të përcaktuara ligjërisht për shpallje zgjedhjesh të parakohëshme. Dhe sig kuptohet prej neneve përkatëse kushtetuese ato hapësira mund të "hapen" më shumë me një vullnet të përbashkët politik se sa me atë ligjor".

Pasuesit e dikurshëm të Nanos janë shprehur në mënyrë kategorike kundër rizgjedhjes suaj. Ata fillimisht propozuan se duhet një kandidaturë grua, më pas kërkuan që kryetari i ardhshëm i shtetit të jetë një akademik. Cili është opinioni juaj për këto deklarata?

"Sa për shaka, ylberin nuk e kapërcej dot! Por në fushën akademike shkencore, veçanërisht në fushën e shkencave natyrore, mund të jenë shumë të pakët ata që kanë patur mundësinë, kontaktet e bashkëpunimin, që kam përjetuar unë, për të arritur në këto nivele të kontributit shkencor, referues, botues e pedagogjik, brënda dhe jashtë vëndit. Madje, po të mos e klasifikoni si jomodesti, mund të deklaroj se materialet që kam botuar, në Shqipëri apo jashtë saj, janë me mijëra në gjuhën shqipe apo në gjuhë të huaj. Ky është sqarimi akademiko-shkencor! Ndërsa në rrafshin politik e quaj fare normal çdo lloj reagimi pozitiv apo negativ, çdo lloj vlerësimi individual apo kolektiv, të hapur apo të orientuar. Në fund të fundit, kjo është kostoja e mendimit, me ose pa elemente racionale apo emocionale, kjo është vetë liria e gjykimit dhe e përzgjedhjes apo vetë gjykimi dhe përzgjedhja e lirë".

Ju nuk jeni shprehur ende për lëvizjen për Katarsis. Ndoshta, një përgjigje mund të ishte sekryetari i shtetit nuk ndërhyn në punët e brëndshme të partive. Por kjo lëvizje frenoi ritmin e reformave, ndërkohë që prej gati një viti administrata ka ulur ritmin e punës. A mendoni se lufta mes dy palëve brënda PS e ka kthyer në fiktive mazhorancën aktuale?

"Pyetja e juaj i ka përfshirë pothuajse të gjitha komentet, ndërkohë që normalisht pas tyre mund dhe të mos ishte bërë fare. Sidoqoftë, për shtesë, në gjykimin tim, zhvillimet brënda të njëjtit sistem institucional kanë më shumë karakter përmirësues-evolucionar sesa përmbysës-revolucionar, më tepër natyrë ligjoro-strukturore e konsolidueso-institucionale sesa propagandistiko-partiake e deklarativo-populiste. Ndërsa diçka krejt tjetër është vetë ritmi sa më i lartë i ndryshimit, reformimit e evolucionit. Çdo mosprogramim i mirë e qartësisht objektiv, keqpërdorim ose abuzim subjektiv në trajtimin e një shqetësimi shoqëror apo të një motivimi për ndryshim pozitiv konceptual e qeverisës shoqërohet natyrshëm me vonesa, shkrehje e humbje kohe, madje mund dhe, normalisht, duhet të sjellë pasoja, ndoshta jo drejtëpërsëdrejti për mazhorancën aktuale parlamentare, por nuk përjashtohet për të ardhmen e saj të afërt politiko-qeverisëse.

Disa deputetë socialistë ju kanë sulmuar se keni shkelur Kushtetutën në rastin e shkarkimit të ish Prokurorit të Përgjithshëm. Pse firmosët për largimin e z.Rakipi?

"Ata, natyrshëm, mund të shfaqin pakënaqësi për shkarkimin e prokurorit për arësye nga më të ndryshmet, qoftë dhe normale njerëzore, miqësore e shoqërore, për mungesë njohjeje konkrete, etj., apo dhe pse akoma në gjykimin politik, bazuar nga përvoja e kaluar, gabimisht vetë Zyra e Prokurorit të Përgjithshëm vazhdon të konsiderohet si strukturë institucionale e mazhorancës, por në asnjë mënyrë nuk mund të pretendohet se nuk është respektuar neni përkatës i Kushtetutës, që fatmirësisht është krejtësisht i qartë lidhur me marëdhëniet e ndërsjellta të Kuvendit dhe të Presidentit për emërimin apo lirimin e Prokurorit të Përgjithshëm. Dhe pas një jave shqyrtimi tepër të kujdesshëm të çdo detaji, krahas analizës së veprimtarisë shumëvjeçare të kësaj Zyre, studimit të imtësishëm të dosjes tepër të trashë, të plotësuar me të gjitha materialet e zbardhura të seancës së Kuvendit e materiale të tjera dhe ballafaqimit me z. Rakipi në presidencë, pavarësisht përdorimit, në një farë mase, në mënyrë abuzive këtij takimi sa institucional, po aq dhe me shqetësim njerëzor, unë krijova më së fundi bindjen për marrjen e vendimit përkatës, e drejtë kjo eskluzive kushtetuese e Presidentit të Republikës".

Ish-kryeministri Ilir Meta ka lënë qartë të kuptohet se mbështet zgjedhjen tuaj dhe jo atë të Nanos. Çfarë zhvillimesh politike mund të sjellë në parlament dhe në të gjithë jetën politike një lëvizje e tillë?

"Kemi bashkëpunuar shumë mirë me z.Meta, brënda kompetencave kushtetuese të institucioneve që përfaqësonim. E vlerësoj punën dhe rezultatet e tij si Kryeministër, konkretshmërinë e intuitën politike, respektueshmërinë institucionale e bashkëpunimin me të pa "lojëra" këshilltarësh, energjinë, vendosmërinë dhe pragmatizmin e tij qeverisës. Ndoshta, ky respektim institucional, në kuadër të kompetencave kushtetuese, ka mundësuar "leximin" tuaj të mësipërm, që si realitet i përgjigjet pikërisht reciprocitetit e frymës së mësipërme. Përsa i përket klasifikimit lëvizje nuk kam ndonjë dijeni apo koment të vegantë. Në qoftë se e tillë konsiderohet çdo përpjekje, çdo "fluiditet" për një politikë normale, ndërvepruese e institucionale ndërmjet forcave të ndryshme politike në ndërtimin e konsolidimin e institucioneve kryesore, në realizimin e objektivave të qeverisjes e të integrimit, mendoj se kjo do të sjellë vetëm zhvillime pozitive për paqësimin e emancipimin e shoqërisë, politikës dhe të demokracisë shqiptare".

Në PS ka filluar të diskutohet mundësia e tërheqjes së Nanos nga gara presidenciale dhe marrja e drejtimit të qeverisë prej tij. Ju z.President si do ta konsideronit këtë skemë?

"Më falni, por mua, me detyrën që ushtroj, pavarësisht çështjes së kandidimit, nuk më lejohet të luajë as rolin e gazetarit që diçka "manipulon"apo bën diversion, në kuptimin pozitiv, për të njohur të vërtetën; as të një analisti që ia lejon vetes të bëjë çdo lloj analize e komenti, qoftë dhe pa e njohur fare problemin, skemën dhe thelbin e tij, apo duke mos patur fakte të mjaftueshme për gjykimin e tij; por as dhe të një politikani që dëshiron të "triumfojë" jo luajalisht me lloj lloj përgjigjesh, reagimesh e manovrash. Dhe në respektim të këtij parimi politiko-mediatik, me spektër sa shkencor, po aq njerëzor, qytetar e institucional, unë po e mbyll këtu, me mirëkuptimin tuaj, përgjigjen time..."



http://www.balkanweb.com/gazeta/gazeta.htm
Faqja 2 - FAQE E PARE Qershor 18, 2002

Berisha: Dosjen e zonës 60 e kemi çuar në Strasburg

Partia Demokratike çështjen e zgjedhjeve në Zonën 60, e njohur si "zona e Dushkut", e ka kaluar për gjykim në Gjykatën e të Drejtave të Njeriut në Strasburg. Këtë fakt e bëri të ditur kryetari i kësaj partie, Sali Berisha, në intervistën që dha dje për 'Zërin e Amerikës'. Berisha shprehu besimin se vendimi që do të dalë nga kjo gjykatë, do të jetë në favor të partisë që ai drejton. Optimizmi i kryetarit të opozitës buron në faktin se, sipas tij, "kjo çështje që do të gjykohet sipas sandarteve të drejtësisë europiane, do të ndikojë në formulën e zgjedhjes së presidentit të ri të vendit". Kjo formulë, sipas Berishës, do të përkojë me atë të opozitës, që nënkupton një president të partive të djathta. Berisha e lidhi faktin e depozitimit të dosjes së "zonës së Dushkut" në Gjykatën e Strasburgut me tërheqjen e Nanos. Një nga arsyet për të cilat Berisha mendon se Nano do të tërhiqet, është fakti që "ai e di se opozita e ka paraqitur këtë dosje në Strasburg dhe e di që vendimi i kësaj gjykate do të prekë e formën në bazë të së cilës duhet të zgjidhet presidenti i ri i vendit".