E Djathta

[Anton]

Ore mirditor ambasadorin e everit mbaje pervete.

Nje nga rregullat e forumit asht ti permbahesh temes.

Une thjesht si njeri po te sqaroj.

Di te lexosh shqip?

Atehere lexo se cfare ka shkruar Baleta per shejtin Nane Tereze.

Ky ishte mesazhi i fundit jashte temes.

O permbaju temes ose hap tema te reja sa te dush , per Baleten per ca te dush.

Pra dhe nje here shqip prej nje Shkodrani:

Ketu asht tema per te djathten e diskutohet vetem per te djathten.

A u morem vesh ti katoliku i devotshem qe nje nga virtytet themelore ke pervujtshmerine.

Anton

[Shahu1]

alumni dhe antoni
une jam i vetmi qe jam munduar ti permbahem temes.
kam thene qe per mendimin tim baleta eshte i vetmi perfaqsues i te djathtes qe do me te vertete bashkimin e kombit.kurse ju futet divergjencat fetare ne mes te ketij diskutimi.
pashe nota nervozizmi ne shkrimet tuaja.
qetesohuni more miq se forca qendron te argumenti jo te ngritja e zerit .
jo per gja po nuk dini as me bertit.
tani degjo ju.
armiku numer nje i shqipnise ka qene dulla.
tereza ka shku i ka vu lule te varri atij.
sbesoj se ka nevoje per koment.
do te tju keshilloja qe kur te me drejtoheni mua ta moderoni ironin teper te trashe prej pseudo intelektualesh qe ju ka karakterizuar te dyve ne shkrimet e fundit.
une kam thene se vij nga nje familje teper e devotshme katolike por kjo sdo te thote se une jam katolik,pamvarsisht se kur kam qene 13 vjec jam pagezuar te kisha e arres se madhe ne shkoder dhe jam krezmuar nga dom frano ilija perseri ne shkoder sepse ne rreshen nuk kishte kishe akoma atehere.Jam 23 vjec dhe skam pas "nderin"te marr pjese ne kongrese komunistash sic mund te keni bere ju te dy.
Edhe nje here shqip prej nje MIRDITORI
mos e ngreni zanin se stononi kur mundoheni me kap nota te nalta.






cdo popull ka ne krye ate qe meriton
po ca faji kam une qe trecereku i SHQIPNIS jane injorante

[Anton]

Meqe po kemengul se je katolik,
sinqerisht vetem se po kemengul se je katolik po te shkruaj per here te fundit.

Nuk ka turp ma te madh permendimin tim per nje katolik sa te marre guximin mos me fole me respekt per Nane Terezen.

A ka mujt nje katolik me akuzu Nane Terezen pse ajo paska vu lule ne varrin e Enverit.

Dhe njekohesisht thote shpresa e Shqipnise eshte ish ambasadori i enverit ne okb qe per Nane Terezen shkrun:

"...Tereza ne OKB nuk kishte vajtur si perfaqesuese shqiptare,por si
perfaqesuese e Vatikanit,pra si agjente e Vatikanit.Enver Hoxha nuk ka
gabuar kur e quante te tille.
Po te mos ishte nje agjente e zellshme dhe e vyer e veprimtarise se
Vatikanit,Tereza do kishte mbetur nje person i panjohur ne kete bote...
Tereza Bojaxhiun e beri te fameshme me emrin "Nene Tereza e Kalkutes" me
shume propaganda e fuqishme e Vatikanit sesa perkushtimi e sakrifica e
saj.."

O Zot fali se nuk dine c´ka bajn.

Anton

Ps

Se kush jam e kam shkru ma lart e tesh po te pyes a e din se kush ka kene Imzot Robert Ashta?

Pse nuk lexon se cfare kemi shkrujte?

Divegjencat fetare i fut ai qe shkruan:

"Katoliket jane nje pakice e paperfillshme"

Ai qe thote :

Kisha katolike ka hedhe traktet kunder islamit

E keto gjana nuk i kam shkru une por baleta nacionalisti.

Sa per ato komentet private jo ulini nervat jo pseudo... jo ironi e trashe me mire fshiji vete nga ky forum se nuk te nderojne.

Se kush asht i trashe ta tregoj une tani?

Cfare shkolle ke mbaru?

[Shahu1]

Anton
nuk thashe se jeni te trashe,thashe se ironija qe keni perdorur ne shkrimet e fundit eshte e trashe.
per mendimin tim nje njeri nuk e ban te "holle" shkolla qe ka ba.
por meqe don ta dish jam ne vit te fundit ne fakultetin e "scienze della formazione" indirizzo DAMS NE TORINO ITALI.
nuk krenohem shume me kete shkolle sepse shkolla italiane per mendimin tim asht pertoke.
anton
po ta them edhe nji here
une nuk jam katolik(lexoje me kujdes ca kam shkrujt te mesazhi i fundit)
besimi im ketu s'hyn fare,dhe po deshe me diskutu per te djathten mos e fut ma ne diskutim.
une u futa ne kete teme per te diskutuar per te djathten.po te ishte puna per te biseduar per fe futesha tek ajo pjesa perkatese e forumit.
mu si shqiptar nuk me perfaqson kleri katolik ose mysliman.
une nuk e hodha figuren e terezes poshte por vetem thashe dicka qe ka bere ajo. ka vene lule te armiku me i betuar i besimit,te varri i merhumit.dmth ka tregu shenje rrespekti per te.
komentin se eshte turp per nje katolik te flasi keshtu po ta kthej ne te njejten menyre.
eshte turp qe nje katolik mundohet me e fshi nga kujtesa kete akt qe ka hedh poshte gjakun e qindra predikuesve te fjales se zotit(myslimane dhe katolike)
tani
nqs je ofendu per naj gja po me vjen keq por dije se gjithcka ka qene si pasoje e zgjerimit te debatit nga ana juaj ne drejtime te tjera.
deshet me bisedu per te djathten ?une thashe se per mendimin tim eshte baleta nje figure qendrore(ky eshte mendimi im)
ti mos me trego se ca ka than baleta per katoliket po ca ka than baleta per rrezikun greko sllavo italian qe i kanoset SHQIPNISE.
NESE DO ME BA MUHABET PER FE HAJDE FUTENA TE TEMAT E FESE E FLASIM CA TE KETE DESHIR ZEMRA.


nuk e di kush asht ROBERT ASHTA

me mbiemer ashta kam pas nje vajze ne shkollen e gjuheve te huja ne shkoder .personalisht se njihja po thojshin se ishte e bija e nje doktori te nigjum.

[Eni]

kjo teme eshte e perqendruar tek "e Djathta" dhe aty le te mbetet. Mos derivoni ne debate fetare dhe mbi nje apo shume figura katolike apo te ndonje feje tjeter.

Nuk do te toleroj debate te kota ne kete teme kaq delikate !

Ne postet e fundit keni dale komplet nga tema.

[Eda H]

pershendetje. shqiperia eshte si nje person qe i mongon e ka te prer krahun e djathte, bile bile edhe kemben e djalthe. nga njehere e majta do te hiqet sikur eshte e djathte por eshte vetem nje akt e as nje gje me shume. me shume respekt
eda

[E1m9m8m2A]

E djathta ... ekziston dhe eshte mjaft e forte sepse po te mos ishte ashtu do ta shikonit mire se ca do ju benin komunistat !!!
Per mendimin tim do te ekzistoje derisa do te jete e drejtuar nga njerez me ideale dhe te ndershem si PROF.DOK Berisha , Dok.Cela , Av.Ngjela ... Thoni ca te doni po e djathta nuk do te kishte kuptim dhe do beheshte si e majta nese nuk do kishte njerez te tille !

Ky eshte mendimi im ...

[Anton]

E forte?

[Anton]

Sa te bashkuar antikomunistet

"Kush mori pjesë në atë mbledhje dhe çfarë dini rreth saj?
"Me sa më kujtohet ajo mbledhje u mbajt në korrik të vitit 1972. Partia e Ballit Kombëtar u përfaqësua me Prof. Vasil Gërmenjin, Hasan Dosti i Partisë Balli Kombëtar Agrar, dërgoi zv / e tij Petraq Ktonën, Legaliteti dërgoi Fuat Myftinë, "Blloku Indipendent" Ismail Vërlacin e Ndue Pjetër Gjomarkajn, Balli Kombëtar i Ali Këlcyrës dërgoi juristin Halim Begeja, ndërsa Partia e Ballit të Abaz Ermenjit më duket se u përfaqësua nga vetë Ermenji. Aty u diskutua mundësia e bashkimit të këtyre partive në një front të përbashkët dhe krijimi i një qeverie demokratike në emigracion. Kjo qeveri do të ishte e tipit perendimor dhe do të udhëhiqte të gjitha veprimet për përmbysjen e qeverisë komuniste të Enver Hoxhës. Nga sa më pati treguar Vasil Gërmenji, gjatë mbledhjes dikush propozoi që në krye të forcave të armatosura që do të zbarkonin në Shqipëri, të vihej Leka Zogu, meqënse ai kishte mbaruar shkollat ushtarake. Mirpo ky propozim u këndërshtua nga njëri prej eksponentëve ballistë dhe si përfundim mbledhja dështoi. I gjithë problemi i krerëve antikomunistë shqiptarë që solli dhe përçarjen ndërmjet tyre, ishte se kush do të merrte timonin e Frontit të Bashkuar kur të rrëzohej Enver Hoxha"."







Nuk me duket i besueshem ky variant por cudi nuk eshte.

As sot te djathtit nuk po e kuptojne qe kane vetem nje rruge shpetimi:

Bashkimin

[Anton]

NËSE NUK ANGAZHOHEN SERIOZISHT PËR KOSOVËN E MAQEDONINË,
SHQIPËRIA DO TË BALLAFAQOHET ME LUFTËN CIVILE
Në Sërbi, Mal të Zi, Kroaci, ..., Greqi, janë në pushtet fashistët. Sa mund të jetë demokratike Shqipëria?
S'kemi pse të frikësohemi nga djathtizmi. Kombi shqiptar ka qenë dhe është tepër larg fashizmit.
--------------------------------------------------------------------------------

Në Shqipëri partia me traditë më të gjatë është Partia Komuniste. Që prej formimit të kombit shqiptar asnjë parti tjetër nuk ishte më jetgjatë në Atdhe se sa Partia Komuniste. Nëse bota na konsideron komunistë neve që mendojmë se jemi demokratë, republikanë, nacionalistë, liberalë, etj., për këtë gjë mos të çuditemi aspak. Sado që ta shajmë komunizmin nuk do të thotë se logjika komuniste nuk vepron në kokat tona. Përderisa Fishta, Konica, etj., të mos zënë vend meritor në planprogramet shkollore e të nguliten mirë në kokat tona, përderisa nuk i kemi të përkthyer në shqip veprat e plota të filozofëve klasikë (Platonit, Aristotelit, Toma Akuinskit, Makiavelit, Hegelit, Prudonit, Volterit, Rusosë, La Brierit, etj., etj.), që t'i kemi së paku 500 veta që i kanë lexuar, të cilët pastaj do ta rrezatonin këtë njohuri; përderisa të mos veprojnë në Tiranë, Shkup e Prishtinë nga 7-8 filozofë e sociologë që kanë marrë grada shkencore, në Perëndim (aktualisht nuk njoh asnjë të tillë) ne shqiptarët në asnjë mënyrë nuk guxojmë të deklarojmë se jemi demokratë, republikanë, nacionalistë, etj., por duhet të themi: dëshiroj të jem demokrat, dëshiroj të jem republikan, dëshiroj të jem nacionalist, etj..
Si pasojë e gjithë këtij rrezatimi komunist në Shqipëri, aktualisht nuk ekziston fare krahu i djathtë. I tërë spektri politik shqiptar lëkundet prej qendrës kah e majta ekstreme. Vetëm një parti e përfaqësuar në Parlament (Partia Republikane) deklaron për veten se është e djathtë, e cila djathtizmin e saj e ka dëshmuar vetëm me rastin e çështjes së ish-pronarëve, përndryshe, vështruesi i standarteve evropiane do ta konsideronte si parti të majtë, siç do të konideronte dhe Partinë Demokratike, e cila veten e quan parti e qendrës. Për parti të tjera si, Aleanca, Social Demokratja e Socialistja, kuptohet se janë ekstremisht të majta. Partitë të cilat dominojnë vendet e tjera ballkanike, në Shqipëri, as që janë formuar. Psh. nuk ekzistojnë Partia Konservatore Shqiptare, Partia Radikale Shqiptare, etj.. Parti të tipit fashist, siç janë Bashkësia Demokratike Kroate (Partia e Tugjmanit) dhe Partia Kroate e Drejtë (Partia e Paragës) në Kroaci, partia e Karaxhiqit në Bosnjë, partia e Sheshelit dhe Partia e Millosheviqit në Sërbi, VMRO (Partia e nënkryetarit të Maqedonisë) në Maqedoni, Partia e Micotaqisit në Greqi, etj., etj., në Shqipëri as që ka tentuar të formojë kush. Shqiptarët nuk e kanë përqafuar fashizmin, as gjatë Luftës së Dytë Botërore, edhe pse pikërisht fashizmi e bashkoi Atdheun tonë. Aq më tepër Partia Fashiste Shqiptare e asaj kohe ishte parti minore, krahasuar proporcionalisht me çdo parti të këtij lloji në Evropën 1941-1945. Madje madje, këta pak shqiptarë që asaj kohe e quanin veten fashistë, në realitet nuk bënin kurrfarë gjenocidi ndaj serbëve, grekëve, maqedonëve e minoriteteve të tjera, gjë që rrethanat ua mundësonin. Të gjitha këto janë fakte të mjaftueshme që Shqipërisë etnike e aq më parë Shqipërisë aktuale politike, nuk i kanoset kurrfarë rreziku që të shndërrohet në një shtet fashist. Së këndejmi paralelizmi mes fashizmit dhe komunizmit në Shqipëri është jashtëzakonisht i dëmshëm dhe aq i pavend sa edhe paralelizmi mes rrezikut të sëmundjes së kolerës dhe sidës. Derisa të dy sëmundjet janë vdekjeprurëse, kolera i takon mesjetës ndërsa sida po bëhet gjithnjë e më prezente. Prandaj alarmimi ndaj rrezikut prej njërës apo tjetrës sëmundje s'ka se si të jetë i njëjtë. Kështu që edhe rreziku prej fashizmit e komunizmit në Shqipëri është i pakrahasueshëm.

Pushtetmbajtësit e sotëm duhet të mendojnë për rrezikun që kanoset nëse nuk zhvendosen më nga e djathta. Proceset e rendit të ri botëror, kanë për qëllim të shkundin Lindjen prej plehut komunist sa më parë. Dhe kjo shkundje për Shqipërinë do të jetë shumë e vështirë, e rëndë, me dhimbje, por e domosdoshme. Shqipëria do të jetë e detyruar ta bëjë këtë, deshi apo s'deshi. Perëndimi dëshiron t'i aftësojë popujt e vendeve të Lindjes për krijimin e shteteve stabile që të mund të investojë pastaj në këto vende. Deri më tani në ish-vendet komuniste, Perëndimi nuk ka bërë asnjë investim kapital. Kjo gjë është normale, se askush s'është budalla të investojë aty ku s'ka polici, ushtri e administratë të fortë, pra shtet stabil që i garanton investimin. Për këtë gjë Perëndimi nxit luftërat dhe krijon paktet e paqes në mënyrë që kjo shkundje të ndodh sa më shpejt. Perëndimi nuk ka kohë që të presë shqiptarët 200 vjet që ta shkundin mendësinë komuniste. Perëndimi do ta vërë Shqipërinë para sfidës së luftës. Shqipëria dhe shqiptarët ose do të inkuadrohen në këto procese, ose do të zhduken fare. Sa më vonë që të inkuadrohemi në këto procese, aq më keq do ta pësojmë si popull. Deri më tani Perëndimi ka qetësuar shqiptarët që të mos shkaktojnë trazira në rajon, përderisa të mos kryhen luftërat në Slloveni, Kroaci, Bosnje. Kuptohet që situata të mos dalë jasht kontrollit. Tani kur lufta në Bosnje është në përfundim e sipër, Shqipëria është në radhë. Perëndimi do të provojë së pari mekanizmin e irredentizmit shqiptar, pra ta fusë Shqipërinë në luftë me Sërbinë ose Maqedoninë, në mbrojtje të shqiptarëve në Kosovë e Maqedoni. Angazhimi i Republikës së Shqipërisë, i bërë në mënyrë të shkathët në Kosovë e Maqedoni nuk do të rezultojë me embargo ndaj Shqipërisë siç nuk rezultoi me sanksione ndaj Kroacisë ndërhyrja ushtarake e saj në Bosnjë e Hercegovinë. Në qoftë se Republika e Shqipërisë do të hezitojë në këtë drejtim, atëhere do të përdoret mekanizmi tjetër: lufta civile. E ky mekanizëm mund të jetë p.sh. shpikja e pakicave kombëtare në Shqipëri dhe e problemeve të tyre. Kjo gjë do të përcillet me kushtëzimin e ndihmave të komunitetit ndërkombëtar ndaj Republikës së Shqipërisë. Intelektualët e politikanët tanë duhet ta kuptojnë pashmangshmërinë e këtyre proceseve e të mos shohin ëndrra me sy hapur se Perëndimi do të na kursejë prej këtyre sfidave kur nuk i ka kyrsyer sllovenët, kroatët, boshnjakët, sërbët, malazezët, gjeorgjianët, armenët, azerbajxhanasit, etj., etj.. Shqipërisë i mbetet të krijojë sa më shumë aleatë. Sa më mirë që të korrespondojë me interesat e tyre aq më me sukses do ta kalojë sfidën, sepse Perëndimi zhvillon politikë jo sipas simpatisë po sipas interesave.


--------------------------------------------------------------------------------
"Republika", Tiranë, 23.09.1993
"Republika", Tiranë, 11.04.1997 (ribotim)










Artikull i Nexhmedin Spahiut, nje artikull i mrekullueshem.

Mos harroni vitin e shkrimit 1993.

Te djathte bashkohuni!