Parlamenti i Serbisë dhe Kosova

[Ullmar Qvick]

E kujtova shprehjen popullore "Ujku qimen ndërron, por zakonin s'e harron" kur dëgjova në lajmet e Radio-Kosovës këtu në internet se Parlamenti i Beogradit paska deklaruar se Kosova qenka "pjesë e pandarë e Serbisë." Lajmi më mbushi me neveri.

Këta zotërinj nuk duan të mësojnë kurrgjë dhe po vazhdojnë me avazin e vjetër. Mospërfillja e kërkesave legjitime demokratike të majorancës së popullit të Kosovës është totale në këta qarqe.

Suedia për 650 vite në radhë kishte pushtetin në Finlandë, deri në vitin 1809. Pastaj deri në vitin 1917 Finlanda ishte nën sundimin e Rusisë. Shpalli pavarësinë e vet po në atë vit.

Dua të pyes deputetët e Beogradit: A duket e arsyeshme të fillojmë ne në Suedi të bërtasim dhe të qajmë: "Në Finlandë kemi një pjesë shumë të cmuar të kulturës sonë.... kemi kishat suedeze, Akademinë e Abos, kështjellat nga të cilat luftuam kundër rusëve - Sveaborg, Nyslott etj. Dhe pakica suedeze në Finlandë, 300 000 veta (8% prej popullsisë) ka nevojë për përkrahjen tonë!!!"

Flisni në këtë mënyrë në Suedi, zotërinj, dhe pas pak do të shtriheni në një institucion psikiatrik. Sepse asnjë suedez me mend flet në këtë mënyrë.

Por ju, zotërinj, s'keni turp të flisni në atë mënyrë për Kosovën! E pabesueshme n'Evropë në vitin 2003.

A jeni n'Evropë, zotërinj? Mund të dyshohet!

Shumë i revoltuar miku suedez i shqiptarëve:

[Drini]

Postuar më parë nga Ullmar Qvick
E kujtova shprehjen popullore "Ujku qimen ndërron, por zakonin s'e harron" kur dëgjova në lajmet e Radio-Kosovës këtu në internet se Parlamenti i Beogradit paska deklaruar se Kosova qenka "pjesë e pandarë e Serbisë." Lajmi më mbushi me neveri.

Këta zotërinj nuk duan të mësojnë kurrgjë dhe po vazhdojnë me avazin e vjetër. Mospërfillja e kërkesave legjitime demokratike të majorancës së popullit të Kosovës është totale në këta qarqe.

Suedia për 650 vite në radhë kishte pushtetin në Finlandë, deri në vitin 1809. Pastaj deri në vitin 1917 Finlanda ishte nën sundimin e Rusisë. Shpalli pavarësinë e vet po në atë vit.

Dua të pyes deputetët e Beogradit: A duket e arsyeshme të fillojmë ne në Suedi të bërtasim dhe të qajmë: "Në Finlandë kemi një pjesë shumë të cmuar të kulturës sonë.... kemi kishat suedeze, Akademinë e Abos, kështjellat nga të cilat luftuam kundër rusëve - Sveaborg, Nyslott etj. Dhe pakica suedeze në Finlandë, 300 000 veta (8% prej popullsisë) ka nevojë për përkrahjen tonë!!!"

Flisni në këtë mënyrë në Suedi, zotërinj, dhe pas pak do të shtriheni në një institucion psikiatrik. Sepse asnjë suedez me mend flet në këtë mënyrë.

Por ju, zotërinj, s'keni turp të flisni në atë mënyrë për Kosovën! E pabesueshme n'Evropë në vitin 2003.

A jeni n'Evropë, zotërinj? Mund të dyshohet!

Shumë i revoltuar miku suedez i shqiptarëve:

-----------------------------

Zotri i nderuar

Keni marre nje shembull te shkelqyer per te ilustrur cmendurine serbe.

Shpresoj se te njejten gje do ta beni edhe ne ndonje forum serb. Apo me mire do te ishte qe kete gje t'ua thoni politikaneve e intelektualeve serbe permes institucioneve relevante suedeze.

Do te kete peshe shume te madhe kur nje gje te ketille iu thuhet direkt serbeve qofte ne Beograd qofte kur ata vine per vizita te shpeshta ne Suedi.

Mendoj se do te ishte shume me vend qe e njejta gje t'i thuhet edhe Shefit te UNMIK-ut Harri Holkeri (ani pse ai e di kete), i cili ne vend qe te reagonte kunder asaj cmendurie, deklaroi se "nuk pajtohem me mendimin e shqiptareve se serbet nuk kane ndryshuar".

Me respekt

[Orku]

Ullmar eshte vertete kenaqesi te lexosh hapjen e kesaj teme prej teje dhe per me teper ta lexosh ate ne shqipe te paster.

Deklaratat apo votimet e parlamentit serb gjate dekadave te shkuara kane sherbyer per t'i dhene jete e forme ligjore zhdukjes fizike, historike e politike, te identitetit shqiptar ne Kosove. Heqja e autonomise, masakrat sistematike, genocidi, ligjet per te ndaluar lindjet e femijeve deri dhe helmimi i tyre neper shkolla kane qene te mbeshtetura direkt ose indirekt nga ai institucion.

Deklaratat e sotme tregojne se ai institucion nuk ka ndryshuar ... por fatmiresisht realiteti eshte krejt tjeter. Britmes se parlamentit serb, sot nuk i pergjigjet dot me armata jugosllave, cetat e paramilitareve apo segmentet e UDB ..... ajo britme konsumon energjite e atij qe e leshon si dhe vazhdon ta izoloje me tej Serbine ne planin nderkombetar.

Deklarata te tilla si dhe vrasja e Gjingjicit tregojne se rruga e serbeve per demokratizim dhe integrim nuk pengohet vetem nga kriminele mercenare te ngelur jetime, por mbi te gjitha nga mentaliteti i ndryshkur i ultranacionalizmit serb qe eshte kthyer ne gjuhe institucionale.

Per sa me lart ne shqiptaret nuk duhet te shqetesohemi per te tilla deklarata, perkudrazi, fale impotences se tyre ato i sherbejne Kosoves shume me teper se sa heshtja.

[mani]

Ulli nje teme mjaft e qelluar,por ma merr mendja se krahasim jo adekuat me ata far suedezet tu sepse para pak ditesh me ra te lxoje ketu ne nenje gazete te jashtme tek ne ne Kosove se atje paska kerkúar te vuaj denimin nje nga kriminelet dhe bashkpunetoret e kriminelit te Ballkanit Pllavshicka,e ajo atje u prit mer tufa lulesh dhe me torte per ditelindjen e saj.Kjo na jep me kuptue se nuk ashte ne regulle dic me ata njerz dhe njeriun qe erdhi ne krye te administrates se Kosoves.
Na skjaro me gjere lidhur me kete.

------------------
mani

[Orku]

Karpenter: Uashingtoni mund t'ia lërë BE-së çështjen e Kosovës
Lajmi i ores 9:10 AM


LONDËR (29 Gusht) - Drejtori i Institutit Kejto në Uashington Ted Karpenter deklaroi për BBC se SHBA do ta mbështesin dialogun midis Beogradit dhe Prishtinës, por në të nuk do të marrin pjesë në ndonjë mënyrë serioze, meqenëse Kosova tani me siguri për to, sipas rëndësisë, është e dorës së dytë në politikën e jashtme amerikane. Ai tha se Uashingtoni çështjen e zgjidhjes së Kosovës do të mund t'ia linte Bashkimit Evropian, duke vlerësuar se kjo ndoshta nuk do të jetë mirë për interesat e Serbisë, sepse e ka krijuar bindjen se BE do të përpiqet për ndonjë Kosovë të pavarur, në kuadër të planit afatgjatë që Ballkani të bëhet pjesë e BE. ro/ro (B92/BalkanWeb)

[Ullmar Qvick]

Së pari dua të falënderoj Drinin, Orkun dhe Manin për komente dhe fjalë pozitive. Do të përpiqem të përhap mesazhin tim, me përmbajtje pak më të zgjeruar, që të lexohet edhe në qarqet përkatëse serbe dhe suedeze.

Mani, disa komente. Duhet të bësh dallim midis politikës globale të vendeve nordike dhe ngjarjeve individuale. Në përgjithësi politika nordike është shumë pozitive. Për gati 200 vite nuk kemi qenë në luftë midis nesh. Suedia kishte union personal (një mbret, dy parlamente) me Norvegjinë deri në vitin 1905. Norvegjezët donin të shkëputëshin dhe kjo u bë pa luftë. Finlanda fitoi pavarësinë në vitin 1917 - pa kundërshtime nga ana e vendeve nordike. Disa padrejtësi etnike ekzistojnë edhe tani por nuk shkaktojnë konflikte me armë.
Në shekujt XV, XVI, XVII dhe XVIII ne ishim në luftë vazhdimisht me Danimarkën, Norvegjia, Islanda dhe Finlanda nuk ishin shtete të pavarura. Por para 200 vitesh filloi koha e pajtimit dhe bashkë-punimit. Në këtë proces studentët nordik ishin në krye.

Në lidhje me problemet ballkanike nordikët janë shumë të paditur. Mendimi para 20-30 vitesh ka qenë: Në Jugosllavi jetojnë jugosllavët, kanë një sistem socialist më të mirë se në bllokun sovjetik. Delegacionët socialdemokratë dhe të sindikatave kanë bërë shumë vizita në Jugosllavi. Ish-konsulli jugosllav në qytetin suedez Malmö Gösta Nydahl në librin e vet "Landet som inte är" (Shteti që nuk është) shkruan për takimin e tij me disa intelektualë nga Kosova. Pastaj, shkruan ai, kuptova pse institucionet që më kishin ftuar më kishin dërguar në gati cdo pjesë të Jugosllavisë - me përjashtim të Kosovës! Gjendja atje nuk ishte aspak reklamë për regjimin....

Këtu në vitet e fundit dy parlamentarë socialdemokratë kanë qenë përkrahës fanatikë të politikës serbe. Janë pritur me indinjatë nga politikanët e tjerë, por propaganda e tyre proserbe vazhdon. Me ta janë bashkuar disa ekstremistë majtist, të cilët kanë si idhull shkrimtarin amerikan Naom Chomsky, i vetmi amerikan që përkëdhelet nga Beogradi...

Në Jugosllavi jetojnë jugosllavët..... Më kujtohet rrëfimi i arsimtarit shqiptar Sadulla Zendeli, i cili erdhi për vizitë në një shkollë në Suedi, ku drejtoria kishte organizuar arsim për fëmijët mërgimtar "jugosllav". Bashkë me drejtorin Sadullai erdhi në klasë. Ai u habit: fëmijët ishin të gjithë shqiptarë, por mësimin e kishin serbokroatisht. Sadullai u revoltua dhe bëri vërejtje drejtorit. Kur ky i bëri një pyetje të rreptë arsimtarit serb, ky u zbeh dhe filloi të llomotiste. Kur Sadullai filloi të fliste shqip me fëmijët drejtori hoqi menjëherë arsimtarin serb nga puna, dhe ai u zëvendësua nga Sadullai.

Duhet të shikosh në këtë dritë lajmin për kriminelen serbe që festoi ditëlindjen në Suedi me tortë. Suedezët e kanë të vështirë të kuptojnë problemet ballkanike. Shumë prej tyre edhe sot mendojnë se ju të gjithë jeni më shumë apo më pak të cmendur dhe se ju do të luftoni njeritjetrin deri në asgjësim.... Me njerëz aq të egër nuk duan të mbajnë kontakte. Po shkruaj sinqerisht.

Besoj se të gjithë njerëzit të matur në vendet ballkanike duhet të informojnë me mend dhe logjikë Evropën për problemet që ekzistojnë. Dhe të gjithë duhet të punojnë për të eliminuar traditat e këqia. Nga ana tjetër kur cdo përparim, cdo iniciativë e mirë pengohet nga njerëz arrogantë, egoistë dhe koruptuar nga jashtë, të cilët do të punonin për OKB-në dhe UNMIK-un por vetëm veprojnë për tu pasuruar, për të shfrytëzuar situatën - si do të dëgjojë kjo Evropë zërin e së vërtetës?

Ndoshta teprova në kritikën time - së paku shpresoj se po.

[dodoni]

Përshëndetje mikut suedez të Shqiptarëve zotit Ullmar Qvick

Më vjen shumë mirë që tani të gjithë kanë kuptuar mentalitetin serb, mentalitet i cili së pari u njoht nga vet serbët e ndershëm nga bëmat e bashkëkombasve në popujt tjerë të rajonit. Në fillim të shekullit të kaluar shkrimtari i njohur serb Dimitrije Tucoviq shkruante "Ushtria serbe kudo që kalon vetëm hi lë pas", shkrimtari tjetër serb Bogdan Bogdanoviq para disa viteve (para luftës) ju kërkonte falje nënave shqiptare për krimet e bashkëkombasve të tij në fëmijtë e tyre. Kurse tani që të gjithë e kanë kuptuar këtë mentalitet të paktën ashtu duket.
Shpresojmë që ky mentalitet të ndërroj në të ardhmen së pari sepse ne fqinjët e tyre jemi ata që do të përfitojmë më shumë nga kjo e pastaj edhe gjithë Europa e edhe gjithë bota, dhe në këtë mendoj se që të gjithë duhet punuar.


Përshëndetje

[Albo]

I mbyturi perpelitet me shume, ne momentet e fundit kur e ndjen se po shkon ne fund te oqeanit. Ai mundohet te kapet edhe pas nje fije kashte qe noton mbi uje, me shprese se ajo fije kashte do ta shpetoje nga mbytja.

E njejta gje, mund te thuhet edhe per palen serbe, qe edhe pse nga dita ne dite po u behet me e qarte nga te gjitha palet ne Perendim se ata e kane humbur Kosoven, keta me mentalitetin e tyre komunist qe ende e shtrengojne fort, kembengulin tek e tyrja duke sfiduar gjithe komunitetin nderkombetar.

Kjo eshte nje beteje e humbur per ta pasi Kosova eshte de-fakto e pavarur.

Albo

[Llapi]

PDK: Deklarata e Beogradit-agresion kushtetues ndaj Kosovës


Prishtinë, 29 gusht - Kryesia e Partisë Demokratike të Kosovës vlerësoi se "Deklarata për Kosovën", e miratuar në Kuvendin e Serbisë, është agresion kundër Kosovës dhe qytetarëve të saj që gjeneron konflikt. Prandaj, ajo vlerëson se në Parlamentin e Kosovës duhet të ndërmerren hapa adekuatë kushtetues kundër këtij agresioni. Në deklaratën e Kresisë së Partisë Demokratike të Kosovës, të lëshuar pas mbledhjes së sotme, thuhet se me këtë agresion, qeveria dhe parlamenti i Serbisë e kanë hequr nga rendi i ditës çështjen e bisedimve midis Prishtinës e Beogradit, duke vepruar në kundërshtim me kërkesat e bashkësisë ndërkombëtare. Partia Demokratike e Kosovës kërkon që përfaqësuesit e saj në Parlament dhe në Qeveri t'i kryejnë detyrat e tyre në raport me interesat vitale të vendit dhe në përputhje me vullnetin e qytetarëve që përfaqësojnë. Ajo i kërkon Qeverisë që ta shqyrtojë situatën e krijuar, kurse Kuvendit i propozon të miratojë masat adekuate për veprim të mëtejmë. Kryesia e Partisë Demokratike të Kosovës u bëri ftesë partive politike që t'i fillojnë bisedimet për ta arritur sa më parë koncensusin politik për të gjitha sfidat me të cilat po përballet Kosova.

[dyla]

Edith Durham nje mike e vjeter shqiptare thote se keta njerez jane ne gjendje te bejne qdo qe ta realizojne endrren e tyre per serbine e madhe, e sot pas 90 viteve kurrgjo nuk ka ndryshu tek keta njerez, edhe pas gjithe asaj qe kane bere ne kosove viteve te fundit nuk heqin dore - bile as qe do heqin, vetem po presin per momentin e duhur qe ndoshta do jete pas dhjetra viteve per ta realizuar endrren e tyre - ne gjithe e dime se me 1913 evropa ishte ajo qe ia dha kosoven serbise - dhe kjo fare autonomie speciale qe keta po e gatojne per neve - padyshim ka pearferishte qellim te njejte - shkurte shqip te mjeret ne qe i kemi kojshi se kurre nuk kemi me pase rehati me ta - kisha pase deshire me ia bo mire vetit - po spo mundem e e genjy veten , vetem po me dhimben gjeneratat e reja qe duhet te shkojne te njejtes rruge qe ne kemi shkuar.

[dodoni]

Dyla, ai moment nuk do tiu vij kurrë më, si dhe Kosova po shkon drejt pavarësisë apo më mirë të them bashkimit me Shqipërinë aty ku edhe e ka vendin. Brezat e ri tanë do të jetojnë të lumtur e në rehati si gjithë njerëzit tjerë, kurse serbët gjithë çka mund të bëjnë është "sill e biri vetit" siç thotë një fjalë e jona popullore, por e mira është që edhe ata të bëhen si gjithë bota sepse për neve por edhe për ata vet e gjithë botën është më mirë që të njerëzohen më dikur, sikur thonë "më mirë vonë se kurrë".

Përshëndetje

[troptit]

tung!
e cfare mund te beje tjeter "parlamenti" i beogradit? ai ben max e asaj qe mund te beje! nuk e kuptoj se pse irritohen shqipetaret per kete?cfare ka nderruar ne beograd per shqipetaret 10 vjete e fundit? asgje!
e mira e gjithe kesaj eshte se tani max i asaj qe mund te beje beogradi eshte te flase pallavra qe s'i besjne as serbet vete. provoni te pyesni nje serb per te ardhemen e kosoves, degjoni se cfare ju thote.
ne te semes edhe "parlamenti i beogradit"!
per dodonin!
kosova nuk po bashkohet me shqiperine, jo.
eshte shqiperia qe po ribashkohet!
edhe nuk po na bajne noj nder. thjesht kurva evrope po kerkon te laje vetedijen e perlyer me gjakun tone qe 120 vjet rresht.

[Llapi]

Parlamenti i Shqiperise aprovoi deklaraten e cila i kundervihet deklarates se miratuar para pak ditesh nga parlamenti serb.

I
U DËRGUA NOTA E PROTESTËS AMBASADËS SHQIPTARE NË BEOGRAD | 23:11 | B92, Beta

Beograd -- – MPJ e SMZ i dërgoi të marten Ambasadës së Shqipërisë në SMZ notë proteste lidhur me aprovimin e djeshëm të Deklaratës së Parlamentit të Shqipërisë. Siç pohohet në kumtesën e Ministrisë së Punëve të Jashtme të SMZ, aprovimi i deklaratës është "shkelje e vrazhdë e punëve të brendshme të shtetit sovran", dhe përmbajtja e deklaratës së aprouvar "nuk është në pajtim me dëshirën e shprehur për zhvillimin e marrëdhënieve të mira fqinjësore dhe përforcimin e stabilitetit në rajon". Në kumtesë pohohet se SMZ përpiqet për zbatimin e Rezolutës 1244 të KS për Kosovën" me të cilën qartë është konfirmuar sovrantieti dhe tërësia territoriale e SMZ", si edhe që aprovimi i Deklaratës për Kosovën në Kuvendin e Serbisë", ka për qëllim t'i kontribuojë kërkimit të zgjidhjeve gjithpërfshirëse, duke i respektuar interesat legjitime të Republikës së Serbisë në atë hapësirë". Në notën e SMZ pohohet edhe se "kjo mënyrë e parlamentit të Republikës së Shqipërisë është në kundërshtim me politikën e tyre të deklaruar për forcimin e stabilitetit dhe bashkëpunimit dhe për integrimin e rajonit në struktura evroatlantike".

[Llapi]

Krasniqi: Edhe çka duhet të ndodh në Kosovë që ata të jenë të përgatitur?!







Shkruan Jakup Krasniqi, Prishtinë, 4 shtator

Sot në Kuvendin e Kosovës, deputetët e zgjedhur nga votat e lira të qytetarëve është dashur domosdoshmërisht të zhvillojnë një debat të gjërë e përmbajtësor, për situatën politike e të sigurisë, dhe çështjet tjera që u ngritën nga kryetari i GP të PDK-së. Kjo nuk ndodhi. Më këtë edhe një herë u dëshmua për qyqarllakun dhe autoritarizmin primitiv që sundon në jetën politike dhe institucionale në Kosovë.

Nëse parlamentarët nuk kanë qenë të përgatitur për ngjarje tepër të prekshme që ndodhin qe sa kohë rreth tyre, atëherë është dashur të udhëhiqen nga deklarata politike e Kryesisë së PDK-së, e lëshuar para 4-5 dite dhe ajo e Qeverisë së Kosovës, që sot është dhënë nga të gjitha gazetat shqipe në Kosovë, e mbrëmë edhe në të gjitha televizionet tona.

Kuvendi nuk është dashur mos të fut në rend të ditës kërkesën e GP të PDK-së me arsyetimin se deputetët nuk janë të përgatitur. Edhe çka duhet të ndodh në Kosovë që ata të jenë të përgatitur?! Grupet Parlamentare, sot kanë qenë të obliguar me vete të sjellin në Kuvendin e Kosovës qëndrimet politike të marrura në organet vendimmarrëse të partive politike që përfaqësojnë, nëse ato kanë organe vendimmarrëse.

Nëse deputetët e Kuvendit të Kosovës nuk kanë pasur mendimin e tyre politik, është dashur ta nxjerrin një Rezolutë në mbështetje të tekstit të Deklaratës së Qeverisë së Kosovës, të tre shtatorit 2003. Nuk jam prej atyre politikanëve që kërkoj, Deklaratës së Kuvendit të Sërbisë t’i përgjigjem me Deklaratën e Pavarësisë së Kosovës. Jam i bindur se Deklaratës serbe dhe atyre që e mbështesin atë deklaratë, është dashur t’iu ipej një përgjegje adekuate. Në këto momente, ndoshta përgjegjja më adekuate e Kuvendit të Kosovës do të ishte; Për Kuvendin e Kosovës, të zgjedhur nga votat e lira të qytetarëve të saj, të pranuara edhe ndërkombëtarisht si zgjedhje të lira e të drejta, Deklarata e Kuvendit të Sërbisë, përfshirja e Kosovës në preambula apo Kushtetuta të huaja, apo të cilitdo organ të jashtëm, do të jenë të pavlefshme dhe të papranuara, përderisa nuk respektojnë vullnetin e qytetarëve të Kosovës, për vetëvendosje.

Një veprim i tillë nuk do të mund të konsiderohej as emocional e as i papjekur politikisht, përkundrazi do të vlerësohej si veprim i urtë politik dhe në përputhje të plotë me interesat e Kosovës dhe të qytetarëve që përfaqësojnë.