Tekste të këngëve polifonike

**MI CORAZON** · 29-07-2012, 17:10

Me D o Xhori me D, jo me F.

**gjirfabe** · 30-07-2012, 23:28

Postuar më parë nga xhori

un e kam fegjuar nje version tjeter,
kur zbriste cecua nga stani
korba ceco
me takeme si cobani corba ....

Ne kete varjant e kam degjuar dhe une nga Sinan Maraçi 40 vjet te shkuara.

.

**-BATO-** · 10-08-2012, 23:51

Isuf bej, të zëntë mali - Labe
Marrës: Guri Rrokaj
______

Isuf bej, të zëntë mali
të bëftë kafshita kali

Që na more djemtë tanë
ca bedela, ca nizamë

Shtatë a tetë vjet me radhë
Anadoll, Arabistanë

Shumë nuk u kthyen të gjallë
kush theu këmbën, kush la krahnë

**-BATO-** · 28-08-2012, 18:54

Ç'është dashuria - Këngë labe

Meskëputur, yll karvani
nga vapa po përvëlohem
N'ata sy si gji limani
do vij njëher' të freskohem

Në buzë të malit, ku të shkul veriu
vjen një djal' nga stani si birë valiu
Si birë valiu vjen një djal' nga stani
kërkon djath' në napë e bijë çobani
E ç'tju them o shokë, ç'është dashuria
ajo është mjaltë, vetë perëndia
(pas çdo strofe)

Do dal përtejë në bregë
të loz me hundën qiri
Do zbres te buza që djegë
të çlodhem pak dhe të rri

T'ia marrim njëherë rëndë
kumbisur faqe më faqe
Aman të keqen o këngë
ç'mi kujton ato maraze

**-BATO-** · 29-08-2012, 16:55

Moj kunadheja leshverdhë - Labe (Gjirokastër)

Moj kunadheja leshverdhë
O moj leshverdho (pas çdo vargu)
Besa jote, besë qëne
Na lajkose me kuvënde
Në shteg e në shtëpin' tënde
Besa jote, besë qëne

**-BATO-** · 16-09-2012, 19:29

E vogël, e bukur'o - Grupi "Jehona labe"

E bukur si hëna sefte
E vogël, e bukur'o

Si qiriri seç u trete
E vogël, e bukur'o

Këmba-këmbës seç m'u qepe
E vogël, e bukur'o

Më thua - Merrëm me vete
E vogël, e bukur'o

Ku të të shpie, lanete
E vogël, e bukur'o

Merrëm e futëm në xhepe
E vogël, e bukur'o

**-BATO-** · 20-09-2012, 00:19

Këngë e kënduar nga grupi të vjetërve të Dukatit.

Në Vlorë foli prefekti - Labe (Dukat, Vlorë)

Në Vlorë foli prefekti
O Vloro, Kanino (pas çdo vargu)
Osman Haxhi Muhameti
Të më mblidhenë mileti
Se vjen Qemali nga deti

**bucelthi** · 20-09-2012, 13:47

Postuar më parë nga Salambo

Ja edhe nja dy te tjera meqe na frymezoi kjo dhome ne forum.

Obobo c'me gjeti mua
kur vajta mbreme ne krua
nje djale qe me kish kerkuar
erdhi prane e m'u afrua

me tha te dua moj xhan
moj e papertuar fare
hidhe kemben mos bej naze
mos m'i shto keto maraze

hiqu ti more lanet
kemba-kembes me je qep
m'u qepe gjersa u trete
sa s'gjete ilac per vete

te dua qene te dua
si ujet qe rrjedh ne krua
ilacin qe sheroi mua
e gjeta ketu ne krua.

***
manxhare leshera t'endo, manxhare
qysh e shkele vendin tend o manxhare
kaluar apo me kembe, manxhare
kaluar se s'e di ven' o manxhare
nuse ne dere te rende o manxhare
tere diten me kembe o manxhare
kafe miq'e duke dhene o manxhare.

kenge e grupit te maleshoves permet

**-BATO-** · 23-09-2012, 06:33

Ç'i fola Shanikos - Labe (Vlorë)

Ç'i fola Shanikos'o
sumbull e Aliut'o (pas çdo vargu)
Dilna, dilna te krojet'o
Dilna, dilna te vathët'o
Se jam djal', zëmra ma do
Mbulom' me florinjt' e gushës'o
Mbulom' me rinin' e çupës'o

**-BATO-** · 07-10-2012, 16:50

Vargjet e kësaj kënge janë shkëputur nga poezia "Vajza shqiptare" e Ali Asllanit.

Kush të ka dërguar – Labe (Vezhdanisht, Vlorë)
Teksti: Ali Asllani
_____________

Kush të ka dërguar, hëna apo dielli
pa më thuaj të lutem sa yje ka qielli

Në je ndonjë ëngjëll, udhën ke lajthitur
apo sjell melhemin zëmrës së goditur

Nëse je sorkadhe, lumthi kush ka çapa
lum ai q'i vete zotëris' sate mbrapa

Në je ndonjë flutur, kush të ka qëndisur
kush ësht' ajo dorë që të ka stolisur

Është drit' e diellit, është drit' e hënës
më shum' nga të gjitha është sis' e nënës

**-BATO-** · 28-10-2012, 14:34

Liro sumbullesha - Labe
Teksti: Zaho Balili
Këndon: Grupi “Lot kurbeti”
_______

Shkon Lirua posht' e përpjetë

Vallahi, nëna t'i ka bërë
bilahi, zoti t'i ka falë
O djal' i vogël sevdalli
çuno more djalë
(pas çdo vargu)

Ajo Lirua sumbulleshë
O e bukur, xhinde vetë
Majëkëmbe aq e sertë
U sëmurt', ilaç mos gjetë
Të vish të më shërosh vetë
Të putha te faqeshegët
Pa të tjerat vijnë vetë

http://www.youtube.com/watch?v=QOJp8...ature=youtu.be

**-BATO-** · 29-10-2012, 14:27

Postuar më parë nga -BATO-

Ç'është dashuria - Këngë labe

Meskëputur, yll karvani
nga vapa po përvëlohem
N'ata sy si gji limani
do vij njëher' të freskohem

Në buzë të malit, ku të shkul veriu
vjen një djal' nga stani si birë valiu
Si birë valiu vjen një djal' nga stani
kërkon djath' në napë e bijë çobani
E ç'tju them o shokë, ç'është dashuria
ajo është mjaltë, vetë perëndia
(pas çdo strofe)

Do dal përtejë në bregë
të loz me hundën qiri
Do zbres te buza që djegë
të çlodhem pak dhe të rri

T'ia marrim njëherë rëndë
kumbisur faqe më faqe
Aman të keqen o këngë
ç'mi kujton ato maraze

http://www.youtube.com/watch?v=zk8qwiB5ST0

Ka disa gabime në tekst kjo këngë. Teksti është kështu:

Në buzë të malit, ku të shkul veriu
vjen mikja nga stani si bijë valiu
Si bijë valiu vjen mikja nga stani
kërkon djath' në napë e bij' e çobanit
E ç'tju them o shokë, ç'është dashuria
ajo është mjaltë, vetë perëndia

**-BATO-** · 06-11-2012, 17:08

Prapa më vjen historia - Grupi i Vranishtit (Vlorë)

Për liri e për flamurë seç u vranë trimëria
Cili je ti more burrë që na vjen nga Shqipëria
Unë jam 'Smail Qemali, dua vatanet e mia
Do t'i marr se s'është punë, është jona Shqipëria
Unë jam 'Smail Qemali, prapa më vjen historia

**-BATO-** · 10-11-2012, 10:52

Si shelege flije - Labe (Hormovë, Tepelenë)
Teksti: Zaho Balili
_________

Në ëndërr më vije, në prehër më rrije
si shelege flije, këngë dashurije

Si fllad i beharit, si lulet e majit
si sorkadhe malit tretur bora zallit

Si hën' e pabërë, si moll' e pangrënë
si ves' e parënë, si shpuz' e pazënë

Në jetë të kisha, në jetë më kishe
un' si qiparisë, ti si dallandyshe

Në ëndërr më vije, në ëndërr më vjenë
s'ishe fat për mua, ishe për të tjerë

S'ishe fat për mua, ndaj nuk dua jetë
buza ime nxirë, kënga ime fjetë

.

**-BATO-** · 25-11-2012, 07:12

Çobane - Labe

Çobane shelegeve
Çobane, trime moj, yll o yll i rrall' (pas çdo vargu)
Shkon e bën sikur s'më sheh
Të kujtohet çfar' thash' dje
Tek syri shtrungës të pres
Zemrat tona besa-bes'

**flamuri1912** · 07-12-2012, 11:30

Nje dite te bukur behari
ne plazh ç'u ndodha i vrari
mikja qe e marte dreqi
m'u shtri prane
s'i ngjale deti

Ne plazh erdha per te nxire
ç'me shikon e ben sehir
sikur s'ke pare kurre grua
te mbeten syte te mua

I afrohem sa e pashe
i zgjata doren avash
por ajo s'ma beri gjate
ma hodhi nje çike me larte

Hedhe krahet si ne shkemb
kapem fort pas gjoksit tend
prej andej me poshte leshohem
digjem zjarr dhe pervelohem

Djalo me dogji behari
keq me vjen s'e mu dogj xhani
dhe me detin s'qenka pune
s'e te dhemb koka me shume

**flamuri1912** · 07-12-2012, 11:39

Baluket e ballit moj
mbi sy ç'te kane rene
si hena mbas malit moj
si hene e pa zene

Si do t'ia besh djalit moj
kujto ç'i ke thene
te burimi zallit moj
shtegun ta ka zene

Lulet e fustanit moj
ngjajne si argjende
kush t'i ka qendisur moj
vete apo jot'eme

Grupi Lapardhase Vlore marres Nazif Çela

**Ana2015** · 24-11-2015, 15:28

TEKSTI I KORRIGJUAR

Që pa dirë mirë te porta ke dalë
shpëtofsh'ë nga syri moj vetullangjale
Balluket e ballit hedhur përmbi ball'
mbi cepin e buzës, faqes, një nishan
trëndafil i kuq'ë arom' kundermon
ky nishan i faqes detet i bashkon'
Mos qëndro tek porta, se fryn er' e malit
ruaju mos t'i prish balluket e ballit
Kur të kam'te afër, digjem, bëhen prush
prushërohen flakë buzët, permbi gush'
faqet sheg' e kuqe, mesin porsi ngjal'
ti i thua hënës dil apo të dal
Mos qëndro te porta, dëgjon a s'dëgjon'ë
se fryn er' e detit, dëshirat m'i zgjon'ë

http://www.youtube.com/watch?v=1E8nx...ature=youtu.be

**Tepelenas 24** · 30-01-2016, 10:14

Pershendetje patriotet e mi nga Laberia
kush di ta shkruaj textin e kesaj kenge te bukur labe
https://www.facebook.com/musa.ferrun...3932368958391/

un kur isha i vogel kisha degjuar per nje histori; dikush vodhi nje dele dhe i zoti i deles vajti i kerkoi 21 dele si demshperblim, por nuk e di me hellesi historin
Ju falenderoj paraprakisht
Tepelenas 24

**desareti** · 07-03-2023, 21:02

Postuar më parë nga gjergani

Kjo kenge(VALLE PLEQERISHTE) u dedikohet AJAVE ose parise se laberise, por fatkeqesisht une e di per vetem 6 emra ne qofte se dikush e di te plote eshte i lutur ta postoj te plote sepse duhet te jene 12 persona AJAU DHE 11 burra te tjere te respektuar te ditur te nderuar sepse sipas te pareve FISNIK ESHTE AI QE KA TURP TE BEJE TURP dhe kjo fisnikeri nuk trashegohet por fitohet

GJEMITE E DETIT ERRINE
NA KERKOJNE PARESINE
FILLUAN QE NE KANINE
LATON E DALAN SELIMNE

NE DUKAT DERVISH ALINE
NE TERBAC BEQIR SELIMNE
NE BRATAJ MATAN HAXHINE
ZOTO MAHMUTI N'CMOKTHINE

KJO KENGE VALLE eshte per raprezaljet turke pas kryengritjeve te Tanzimatit kerkoheshin
kapedanet e Laberise ( zenel gjoleka , hodo nivica , rrapo hekali , celo picari , tafil buzi )
Shih mos te ndihmon ky teksti i meposhtem

Gjemitë në det arrine ,

për të lidhë Parësinë,

e zunë që në Kaninë,

Laton e Dalan Seinë,

Në Kudhës Imer Alinë,

Mustafa Begë birbilë,

në Brataj Matan Haxhinë

Lilo Qëndro nishanllinë,

në Tërbaç Beqir Selimnë,

edhe Dulo Kokë trimnë,

Haxhi Hoxhënë Smokthinë,

dhe në Vajzë dy nishanë

Meten e Sadik Çobanë,

Leskodukajtë Bolenë,

Kallarat ata që qenë,

Lamenë me Dervish bejnë,

Birbil Hasani e Meçenë,

vanë në Sudan e mbenë,

Kallarat katër nishanë,

Lamja me Dervish Qejvanë,

Meçja me Birbil Hasanë,

mu tek rrapi seç u varrë,

tre bolenasit që qenë,

me Sadikun e Birçenë,

me Birbil e me Meçen,

me Lamen e Dervish bejnë

mu tek rrapi degë vjerrë,

të shtat si shqerra i therrë.