Tekste të këngëve polifonike

[flory80]

Si shqiponja me dy krerë
Kish dy emra trimi ynë
Njërin Gjergj tjetrin Skënder
Një të vetme Shqipëri

Kur mbi turq Skënderi hopa
Nga Gjergji mbrohej Evropa

I shkoj jeta për mbi kal
Nuk e çlodhi shpatën kurr
Sa në fushë moj aq lart në mal
Me dy emra një flamur

Kur mbi turq Skënderi hopa
Nga Gjergji mbrohej Evropa

Në beteja prej beteje
Kështjell gjokset për mbi topa
Gjaku yt na rrjedh në deje
Duhet të na njoh Evropa

Kur mbi turq Skënderi hopa
Nga Gjergji mbrohej Evropa

[flory80]

Shqipëtar kudo që jini
Anë e mbanë nëpër botë
Ju pret nëna që u lindi
Në gjirin e saj të ngrohtë

Mbi këta gur xhevairi
Që jan vaditur me lotë
Pret nëna ti vij i biri
Ta puth dhe diçka ti thotë

Juve ju ndau mërgimi
Ikët dhe nuk erdhët dotë
Neve na ndau mjerimi
Më të varfrit në Evropë

Këtu ku ja thot bilbili
Ku buron ujët e ftohtë
Ku pimë qumësht nga gjiri
Këtu të bëhemi tokë

Sot që tundet rruzullimi
Është dita vetëm sotë
Feja jon është bashkimi
Ndryshe mbaruam si kombë

[Elian70]

un jam lab 24 karatesh, por si kenga himarjote nuk ka

Hyri prilli, shkriu bora, majave
moj vajze kanakare c'ben atje
mua me harrove fare zemer ke
jo moj jo s'te kam harruar s'te harroj
ne zemer te kam te shkruar sa te rroje

do 2 shishe rraki per te kendur nje varg
do zoti ta kendojme ndonjehere ne "direkt" se na u nxi jeta me You Tubat e leshit....

[flory80]

un jam lab 24 karatesh, por si kenga himarjote nuk ka

Dhe unë pajtohem me ju se kënga Himarjote është Mretëresha e Polifornisë Shqiptare

[Elian70]

Kenga himariote eshte quajtur perla e polifonise shqiptare

------------------------------------
moj neperka pika-pika


do kendoj po me zu grika
moj neperka pika-pika

ne jale te portit te prita
moj neperka pika-pika

te prita mike te prita
moj neperka pika-pika

ti nuk erdhe une ika
moj neperka pika-pika

ate dite kishte ngrica
moj neperka pika-pika

kishte ngrica ate dite
moj neperka pika-pika

duke qare i fshive site
moj neperka pika-pika

ti mos qaj o yll o drite
moj neperka pika-pika

se do te prishene site
moj neperka pika-pika

[flory80]

Shumë shumë e bukur!
Nuk e kisha dëgjuar ndonjë këtë variant të këngës, unë di variantin tjetër që këndohet në zonën e Përmetit

...........Me dy gurë çtë gotita
Moj nepërka pika pika

Të vrava më raftë pika
Moj nepërka pika pika..........

[Bel ami]

Varianti i Permetit eshte thjesht nje kopjim i rendomte Vashe e Valeve eshte nje nga perlat e kenges Labe.

[flory80]

Varianti i Permetit eshte thjesht nje kopjim i rendomte Vashe e Valeve eshte nje nga perlat e kenges Labe.

Ne po kundojm për nepërkën o derman, çna hap meselera me përla nashti?

[projekti21_dk]

Ne po kundojm për nepërkën o derman, çna hap meselera me përla nashti?

Aman o Flory80 si thua t'ia marrim njëherë përmetarçe: "As aman, o moj lule"

[flory80]

Ja marim vëlla si të duash ti, lavdi Zotit unë vijë nga derë e madhe dhe kemi miqësira nga të 4 anët e Shqipërisë, kështu që të përgjigjem me çfardo lloj kënge të duash ti!
As aman, o moj lule..... Nuk është këngë polifornike por bën pjes tek këngët karakteristike Përmetare.
Polifornia Përmetare është shumë e vështirë për tu kënduar dhe do mjeshtëri, nuk e di a më përgjigjesh dot zotrote.
Shembull: "Mbeçë more shokë, mbeçë"

[flory80]

Më ka marë malli rëndë

Më ka marë malli rëndë
Për një stan në korie
Të shoh dhëntë kur vijnë në tëndë
Të ulem dhe unë në hije

Rrugën le ta bëj në këmbë
Të pi ujë rrëzë një lajthie
Të kërrit mallin në hënë
Të më lag vesa që bie

Të vë kopenë në shtrungë
Një nga një ti shkoj tespie
Të mbushen vedrat me shkumë
Shkum e deles me aq shije

Me barinjtë të marr një këngë
Dhe culës ëmbël ti bie
Të veshë gunënë pa mëngë
Të shkoj shpatit mushka çile

Të ngjitem përmbi shkëmbënjë
Të mbledh çajin fije fije
Zogjtë më mbushin me këngë
Të dehem prej bukurie

[Agim Doçi]

Magjia e polifonisë labe, eshte mrekullia e artit shqiptar. Keto vargje nuk ka poet qe mund ti thurë. Respekt dhe nderim maksimal per ty flori80 qe ke sjelle keto perla!

[ARKIA]

Varianti i Permetit eshte thjesht nje kopjim i rendomte Vashe e Valeve eshte nje nga perlat e kenges Labe.

Belami edhe une jam nga Permeti, mos na shaj"detin".
Permeti ka poezine e kenduar shume orgjinale dhe per kete je dacord. Vajza e valeve eshte nje perle e vertete e bregut Jon, kudo qe e degjuan ne bote u preken edhe pse "Zvaranike" ne Temperament, nuk ngelen pa pyetur : Po kjo , kenge eshte apo ndonje lloj tjeter, qenka fantastike'. Imagjinoje ta degjosh kete nga nje nativ American , apo nga ndonje irlandez qe kerkon copy pa mbaruar kenga.
Flory eshte flori qe na freskon traditen e gdhendur ne art. FLM Te gjitha kenget tona te vjetra perjashtuar ato me ndikim Othoman jane perla, ato me cifteli gjithashtu, te rrenqethin kur i degjon, ndoshta kjo ndodh vetem kur je ne kurbet.
Gezuar

[_AuLoNa_]

Qerpiku i diellit pa dale
dallendyshet pale pale
vajzes i o moj i thone ca fjale
pike e lotit lag fustane

Te erdh karta per nizame
dridhet buza ane cigare
ne u kthefsha moj dot i gjalle
dil me prit tek lumi i Bardhe

Kaluan o moj kaq behare
mbeta me o koke menjane
kur u poqem s'di c'ka ngajre
dhe sa larg edhe prape te thare

Kur te dy hypem mbi kale
shkunden lule zogjte mbi dardhe
mjergulla o moj mbuloi dynjane
birbilat ndezen sabane







Komandat Adem Jashari
në ballë me UÇK-në
bijtë tane prej luftëtari
si Azemi e Shota bënë

Ashtu si trimat në kohë
dhimbja e shpirtit i mblodhi
barbariymit i thane jo
si Isa e Mic Sokoli

UÇK-ja do fitojë
se mbron truallin e vet
thirrja e saj ne na bashkonë
si Shqiptarët e vërtetë

Mbahuni qëndroni në këmbë
nëna motra gjihtë sa jeni
se ajo Kosova mëmë
po na bënë thirrje ti vemi

[_AuLoNa_]

Vajz e Valeve

Vajza e Valëvet
Zëmëra s'ja mban
Mbi një gur n'an të detit
Qan, e zeza , qan
Pret atë që pret
E një dhembje ndjen
Gjithë bota ven' e vijnë
Po aty nuk vjen
Prëndëver' arrin
Një mëngjes të qet
Vijn'e shkojnë dallëndyshet
Vajza u thërret:
Ju të bukur zogjë
Tek ju kam një shpres'
Ju që shkoni det'e male
Dua t'u pyes
Një jetime jam
Pa nën e baba
një që kisha, një që doja
iku e më la
Mos e patë ju
Rron apo nuk rron
ndonjë lajm a ndonjë letrë
vallë më kujton
Vajza e Valëvet
Vetëm pa njeri
Qante veten, qante fatin,
n'atë varfëri
Erdhi dimri 'keq
një mëngjes të zi
ç'u nxi qielli dhe deti
gjëmon bie shi
Në ëndrrë se ç'pa
Djalin në vapor
Sikur shkonte dhe i hodhi
Vajzës një kuror
Letra e zezë vjen
E me të vërtet
Djali kishte udhëtuar
Pa kthim e për jetë
Thoshte i mjeri Djal'
"Vajza e Valëvet"
"Mere këtë letrë e qajmë
tjetër vend më pret
"Ah!Këjo dunja
një qëndrim nuk mban
"Dashuria jonë shuhet
Fat'i zi na ndan
"Mos u dëshpëro
Je një vajz' e re
Un martohem n'atë jetë
ti martohu atje
"Vajza e Valëvet
qofshë me shëndet
"mos kujto kohën e shkuar
po harroje shpejt
"O i dashur Djal'
shkove dhe më le
s'pate faj as ti as unë
ashtu qe për ne
ne u ndamë këtu
qielli atje lart
do të na bashkojë, o Djalë
prit se vij për pak
Lamtumir, o Gur
mjaft-ë kaqë koh'
vuajte dhe ti me mua
shkoj e më s'të shoh
Haj Dunja ! Dunja
s'ke gjë të vërtet
Lamtumirë e Jet' e rreme
Merm o valë, o det...

[_AuLoNa_]

Hjadeni o djemani
këngës tani merjani
kur këndon për Shqipërinë
fjalët nga shpirti të vijnë

Mallakaster djem me nure
me dyfek e me koburre
me dyfek e me koburre
historisë si la kusure

Mallakster rron me derte
trimërinë e mban për vete
si ke emrin je dhe vetë
kala për trimat me fletë


Labëri o vend i gurit
që kur s'të ulet flamuri
kur në hall është Shqipëria
e para del Labëria

Labëri moj hijerëndë
veç për pushkë edhe për këngë
kush ta rriti kaq shumë namin
Ismaili me Selamin

Myzeqe toke e bekuar
me Beratin e dëgjuar
Adrenicën me shënjtorë
Skenderbu vuri kurorë

Myzeqe e begatisë
je hambar i Shqiperise
për vete je me halle
për të tjerët zemërmadhe

Çamëria ballë kazani
ku lindi Çelo Mezani
e para për këngë e valle
zonjë e rëndë në mëhallë

Çameri do te vijë një ditë
me ty do të kthehem
fjalë e vjetër e ka thënë
njeriu ka veç një nënë

Kosova me Çamërinë
në krahë Shqipërisë i rrinë
që të dyja motra janë
Shqipërinë nënë e kanë

Çamë Labë e Kosovarë
janë të gjthë Shqiptarë
toskë dhe mallakstërjotë
lidhur me gjak e me lotë



Hopaaaaaaaaaaaaaaa.....



U lutemi, vendosni edhe videot, me tekste...

[flory80]

Iso për mbi valë
për mbi val të detit,
Lebrit feste* bardhë
malli gjith miletit.

(refreni)
Zërat ngjit në iso
burrat rreth në këngë,
deti ndizet shpirto*
mali luan vëndë.

Iso gur më gurë
nis e mban dhe vala,
ç'tregon kënga, kurrë
nuk e thot dot fjala


(refreni)
Zërat ngjit në iso
burrat rreth në këngë,
deti ndizet shpirto*
mali luan vëndë.
..........................

Feste = Qeleshe, kapuç, plis
Shpirto = Shkrepse, zjarr

[flory80]

Vlora

Vlor e bukura në gropë
deti i pa anë
ta freskonë gjinë

(refreni)
Vlor e rrahura në gropë
këng e stramëdhanë
e ke historinë

Vlor e rralla në Evropë
shekujt ty të lanë
mbi supe lavdinë

(refreni)
Bardh e mbushur lule plotë
me malet në këmbë
tu lodhën tu mpinë

Vlor e trimave me kokë
linde kapedanë
djep për trimërinë

(refreni)
Trimëria port më portë
flamuri me shkabë
tek ti mori frymë

Vlor për ty nuk shkruan dotë
dallg mbi tra mu ndanë
diell ma ke synë

(refreni)
Deti qet dhe vala lotë
dil do bënesh vargë
nuse për lirinë
o nuse për lirin

[flory80]

Ismail Qemali e Isa Boletini

Të dy bashk u nisën
Ku merrej vendimi
Ismail Qemali
E Isa Boletini

Se kishte shum halle
Shqipëri e mjera
Po duhej Revolet
Ti linin tek dera

U futën në Londër
Brënda në pallatë
Trimi luftëtarë
Dhe plaku dipllomat

Dolli Lordi mathë
Me një gjuh të zgjidhur
Me një fjal të rëndë
E me humor të shtirur

Ja tha Shqipëtarët
Kurr nuk e besoja
Që të çarmatosur
Këtu ti shikoja

Ky ishte momenti
Nuk kish më ç'të pritej
Nënë brez berreta
Zu të hasharitej

Faqen kish për trupi
Veshin kish tek gjaku
Syri i pagjumë
Përgjonte nga plaku

Vetëtiu sërmaja
Vetëtiu fildishi
Ndritën malet tona
Sado larg që ishin

Se nga gryk e saja
Ishin zgjidhur halle
Shqipëri e vogël
Në sofrën e madhe
.........................................

Populli ynë u ka kënduar gjithmonë trimave.
Gjuha Shqipe ka filluar të shkruhet shumë vonë në krahasim me gjuhët e tjera të botës, dhe kënga ka qënë libri ynë i historisë, aty shkruheshin bëmat dhe gjëmat e popullit.
Aty lavdëroheshin dhe vajtoheshin trimat e rënë në luftë.
Kënga ishte memorja e Kombit tonë, prandaj është detyrë e të gjithë neve ta mirëmbajmë dhe ta përcjellim tek brezi pasardhës...

[_AuLoNa_]

O Flory po sill edhe videot o lal.....