RTK anashkalon institucionet e Kosoves

[Brari]

3.07.2003 - Trepca.net


Kur RTK-ja do ta njeh Kosovën si Shtet dhe Dr. Rugovën si President


-----------------------------------------------

3 korrik 2003 / A. DUKA

Radio Televizioni i Kosovës ësht një institucion i rëndësishem në jeten e përditshme e Kosovarve, si medium ndoshta më i madhi. Ky institucion pretendon të jet i pavarur, kët e reklamon çdo here në lajme psh. Mu për këtë fakt se kinse ësht medium publik ka një dëtyrë të madhe që të jet vërtet e pavarur. Duhet të jet i pavarur sepse sot ësht nënshkruar marrëveshja që çdo qytetar i Kosovës çdo muaj të paguan 3,5 euro për kët televizion “publik”.


Por pse ky institucion nuk e njeh presidentin e zgjedhur me votë të lirë? Dr. Ibrahim Rugova ësht Presidenti i Kosovës, kjo ësht e pamohueshme! Esht mbi një dekadë Presidenti i Kosovës dhe tashti e dy vjet edhe i njohur ndërkombëtarisht si Presidenti i Kosovës. Pra me çfarëdo vepre kërkush përfshirë këtu edhe RTK-në, më gjithë shikueshmërine e saj, nuk mund ta ndryshon kët fakt. Edhe pse brenda këtij instuticion ka njerëz të tillë të cillet po të ju kish dhanë rasti Dr. Rugoven jo që vetem nuk e kishin lane president por gjakun ja kishin pije.

Ku mund të jet ky institucion i pavarur? Kur do bëhet Kosova shtet i pavarur kur kemi psh. një institucion të tillë i cili nuk dëshiron ta njeh presidentin e vet?! Kur do përparojm kurë nuk e njohim presidentin tonë?!

Ku shihet që ky institucion nuk e njeh Presidentin e zgjedhur më votë të lirë si President i Kosovës? Pikë e parë ësht fakti që Demaçi ka një pozicion të lart brenda këtij institucioni.
Të gjithë e dim se Demaçi më parë do e pushkatonte Dr. Rugoven se ish-presidentin e Jugoslavisë, i cili sot gjendet në Hagë apo cilin do serb tjetër!
Si Demaçi ka edhe shumë njerez të tillë në kët organizatë.

Punëtorët e TVP nuk u punësuan por erdhen njerez të cilet ishin shpërngul në Shqipëri etj. kur puna u nxeh (kujto bastisjen në TVP disa ditë mbas shpalljes së pavarsisë së Kosovës sot para 13 vjetesh). Ata punëtorë të cilet mbeten në Kosovë e ata të cilet punon në tjera shtete. Këta punëtore të TVP nuk u punësuan mu për kët çeshtje!

Pikë e dytë ësht se në lajme shumë pak përmendet Presidenti, në minimum. Me njëher pas një lajmi për Presidentin e Kosovës, japet një lajmë për kryetarin e partisë së dytë të Kosovës. Kjo ndodh edhe nese ky lajm nuk ësht i rëndësishem. Po mos të kan far lajmi për ket kryetar partie vjen lajmi për kryetarin e partise së tretë të Kosovës. Po mos të ket edhe lajm për ket të dytin, çka të bejn atëhere gazetaret e RTK-së?

Tjeter kur behet fjalë për kryeministrin ka film të xhiruar mu në atë ditë të lajmit. Te Presidenti pritojn të shkojn dhe të xhirojn çdo herë të rrallë kur ësht nje takim në rezidencën e Presidentit të Kosovës. Për këto lajme mjafton një xhirim nga arkivi.

Dhe pika e tretë, shumë e nënçueshme dhe e përsëritur çdo ditë ësht përdorimi i fjalës “kryetar”. Fjala shqip për President ësht kryetar, nuk ka as që të keqe të kjo fjalë. Por nese fjala “president” përdoret për “kryeshtetasin” e një shteti pse RTK-ja përdore fjalen “kryetar” për Dr. Ibrahim Rugova?!

Kjo ndodh në të njejten fjali edhe shpesh herë! Psh.: “Presidenti Moisiu dergoj leter urimi Kryetarit Rugova me rastin e 125 vjetorit të lidhjes së Prizrenit.” Ose sot me 3 korrik kur Dr. Rugova dërgon një mesazh përurimi Presidentit Bush kjo ësht cka thuhet:

“Kryetari Rugova sot i dërgoj një letër urimi Presidentit Bush për rastin e ditës së pavarsisë së SHBA-ve.”

Në të njejten fjali dy fjalë të ndryshme për të njetin personalitet, dmth për kryeshtetasin e një shteti. Pse kjo nuk ndodh psh. tek RTV21??? RTV21 gjithë Dr. Rugovës i referohet si Presidenti i Kosovës e jo Kryetari i Kosovës. Të përdorim një fjalë për një kryeshtetas ose kryetar ose president, e vetem atëher kur na formatet ta përdorim njëren apo të tjetren.

Kryetar ka shumë përbrenda një shteti: kryetar partie, kryetar të sindikates, kryetar të shoqatave etj etj. Dr. Rugova nuk ësht kryetar i “rëndomt”, sepse ësht mbi të gjithë këtyre tjerë kryetarve! Sepse Dr. Rugova ësht PRESIDENTI I KOSOVES, i zgjedhur 3 herë me rradhë nga vota e lirë të popullit të Kosovës. Zgjedhjen e fundit e njohi edhe e mbarë bota, kur do ta njeh edhe RTK-ja!!!

---------------------------------------------


Dy fjale...

Me Rugove e me Dac e me krejt po i nen shtrohen cdo dite bandes se Demac-Thaqit.

[Megi1]

Gazeta Java

RTK dhe TOP SHOP – ollamaz!

Nga Migjen Kelmendi



Po bahen 6 vjet qe kam dhanë dorëheqje në RTK, me përgjegjësinë qytetare për ta alarmue opinionin se krejt projekti për nji servis publik, që asokohe u quejt Radio Televizioni i Kosovës – asht i nisun mbrapsht!

Sot, 6 vjet ma vonë, çka përfitoi shoqnia kosovare nga kjo dhuratë europiane?

Nji drejtor të korruptuem e të diskredituem si menaxher, si qytetar, si profesionist, i cili ka me u mbajt mend me SMSat e tij dërgue në telefonat e Ramush Haradinajt ku ai ofrohet, përgojon, shtinë dhe sillet si nji çikë e keqe shtise e klasës fillore tue folë për kolegë dhe njerëz publik (“…ky ta ka inati…ky ka folë kështu për ty…kur po na vjen në RTK…”). Këta SMSa të Zatriqit ka një kohë të gjatë që janë pjesë e muhabeteve tallëse e zhvleftësuese për këtë drejtor. Ka me u mbajt në mend mahia e tij me vetveten: une u tutsha mos po më vrasin, e këta më banë drejtor.



Andaj, nuk asht çashtja a duhet a jo me pague kontributin qytetar prej 3.5 eurove për këtë medium, por asht çashtje sot e 6 vjet: a e përmbush misionin e vet ky medium si servis publik dhe a i shërben interesave qytetare të shoqnisë kosovare?

Ai kontribut qytetar prej 3.5 eurosh i dedikohet servisit publik në mënyrë që ky servis t’i përmbushi nevojat e shtueme kulturore e edukuese të publikut që zakonisht televizionet komerciale i evitojnë, si debatet për çashtje të përbashkëta, artet ma pak të popullarizueme, muzikat ma pak të pëlqyeme se tallava, dokumentarët ma pak të shikuem se sporti në TV, etj. Prandaj paguhet kontributi qytetar që servisi publik, dmth RTK, të mos ketë nevojë me u komercializue e me e pasë Top Shop dhe agjensinë Eurokoha partnerët ma të afërt.

RTK dhe TOP SHOP – ollamaz, nuk shkojnë, si thotë kjo fjalë turke.

TOP SHOP dhe ato reklamat e saj për kozmodiska, për do depilatorë që ta heqin “nji qime këtu…e nji qime qatje”, kompromitojnë drastikisht krejt misionin e këtij televizioni publik. Top Shop dëshmon se Radio Televizioni i Kosovës ka dështue si servis publik. Dhe kjo asht çashtja, e jo 3.5 euro.

Top Shop asht argumenti që demaskon këtë televizion publik si - publik.





“ZYRA” E KRYEMINISTRIT THAÇI NË RTK





Çka fitoi shoqnia kosovare nga RTK për këto 6 vjet?

A mundemi me thanë se ky medium ishte servis i qytetarëve?

Edhe zogjtë e dijnë sot se RTK asht një servis në shërbim të Hashim Thaçit dhe të Ramush Haradinajt e jo të qytetarëve. Ky televizion nuk ishte survejuesi i Qeverisë po Servisi i Qeverisë. Këta dy politikanë kanë mundësi në çdo kohë të marrin hapsinë në këtë medium si në “bashqe t’babës” si thonë punëtorët e RTK.

Aq shumë asht kompromitue ky medium “i pavarur”, si shkruen në slloganet e tij, me Hashim Thaçin dhe PDK sa kryeministri kur kishte vendosë me iu drejtue qytetarëve mbas 100 ditëve pune të qeverisë, i kishte zhvendosë mobiljet e zyres së vet nga kryeministria në hapsinat e RTK, e kishin mizanskenue me njerëzit e RTK dhe Agim Zatriqin si regjisor i këtij mashtrimi, “zyren e kryeministrit” në RTK, për nji arsye: që kryeministri me lexue nga prompteri i kamerës e të mos duket se nuk mban mend fjalimin(sic!). A po doni ndonji argument ma të madh se kujt i shërben RTK sot.

Kryeministri i Kosovës e ka RTK si ndonji studio të veten me të cilën e mashtron publikun kosovar dhe – vazhdon me të kqyr në sy, si thuhet.

Apo e paguen Hashim Thaçi RTK apo na qytetarët e Kosovës?





Risku i Gjedhit!





Po njisoj si drejtori Zatriqi, sepse peshku kutërbon nga kryet, janë kompromitue nji pjesë e madhe e punëtorëve të këtij mediumi, si ta nxamë redaktori përgjegjës Sylejman Shaqiri i cili publikisht deklaron se sot po ndihet mirë se askush nga zëdhënësit e ministrive ose të kryeministrit Thaçi nuk e kishte thirrë me telefon për me i kërkue ekip dhe hapsinë në Lajmet e orës 19:30. E thotë këte redaktori i RTK dhe vazhdon me jetu me bindjen se asht – redaktor!

Për fat, në RTK ka edhe njerëz që i japin kuptim profesionit edhe të gazetarit edhe të redaktorit edhe të kamermanit edhe të editorit edhe të regjisorit. Nuk due me përgjithësue këtë kompromitim e fijasko profesionale e morale të RTK, por vetëm sa me e nxitë nji debat në shoqni se nuk asht çashtja e 3.5 eurove, po e misionit publik e qytetar të këtij institucioni RTK.

Edhe ato pak gjana të mira që i ka RTK, si Familja Moderne, asht kompromitue me nji komercializëm që e ka kaplue këtë shtëpi publike sa e ka degjenerue idenë iniciale të këtij seriali. Sot asht shumë kredibile pyetja: a po bahen këto seri sa me pasë mundësi me e plasue “Riskun e Gjedhit”(ku e gjetën këte emën, a dmth kjo - “gullash”?) apo ambicia me u ba pasqyre e nji familje kosovare ku reflektohet shoqnia jonë. Kjo pornografi e komercialzimit që e ka kaplue këtë shtëpi po them nuk asht ma çashtje e shijes së mirë, po e auditorëve.

Kjo ka kalue çdo kufi. Dhe po shihet prej avioni se kjo s’asht ma vetëm komercializëm, po grabitje….”merr e ik se edhe ashtu s’o ka dihet çka o ka bohet?!!!”

Po them, RTK s’asht ma çashtje e shijes së mirë, e 3.5 eurove, po e nji debati shoqnor, dhe – auditorëve.