Vargje per syjeshilet!

[Hekurani1]

FAJIN E KE TI
Zëri më është shterrur në pafundësi nate
Sonte kam bërë shumë mëkate
Por fajin e ke ti Di-Di
Ti dhe sytë e tu magjikë

Thonë të fal dhe përendia
Kur të rrëmben dashuria

Erdhe mjegullës papritmas
E humbur mes kujtimesh të vdekura
Dhe me ngrohtësi pranvere
Ma shkrive akullin shumëvjeçar
E më bëre të mëkatoj

Thonë të fal dhe perëndia
Kur të rrëmben dashuria
Por fajin e ke ti Di-Di
02012000041318

[Hekurani1]

Në vargun tim të çiltër
Do ta gjesh këngën e pakënduar
Me vargun tim të brishtë
Do të ta shëroj plagën e vjetër
Me vargje të mia
Do ta stolis shtratin e nusërisë
Të tretem i tëri në sytë tu
Plot dritë e dashuri
Di-Di
26022000132811

[Hekurani1]

Pikëllimin e vesh në vend të këmishës
Kur mërdhi nga dashuria e akullt
Gëzimin e zhvesh si gjarpri lëkurën
Kur të kujtoj Ty
Di-Di
Shpresë e ringjallur
Që më fal ngrohtësi
Që më fal bardhësi
Që më fal dashuri
Di-Di
27022000232014

[Hekurani1]

Mes miliona yjeve
Kërkoj yllin tim
Mes miliona zemrave
Kërkoj ngrohtësinë tënde
Mes miliona varreve
Kërkoj fjalën tënde të fundit
Mes miliona syve
Gjej sytë e shpresës
Që ma trazojnë plagën e vjetër
Mes miliona vargjeve të mia
Hyre edhe ti
Di-Di
27022000132128

[Hekurani1]

Bëra mijëra kilometra rrugë
Kalova ura shtigje male dete
Udhëtova shumë
Hapsirave plot gjelbërim
Iu përkula lumit
Dhe një grusht gjelbërim ma dhuroi syve
Iu luta malit
Dhe ma fali gjethin pranveror
Iu luta detit
Dhe më përqafoi si fëmijën
Sygjelbërtën më tha
Mos e kërko në thellësitë e mia
Mos e kërko në gjelbërimin e malit
Mos e kërko në gurgullimën e ujit
Atë do ta gjesh
Në një cep të zemrës së plagosur
Duke dyluftuar me ndërgjegjën e vrarë
28022000192742

[Hekurani1]

Per sonte, besoj mjaftojne!
Vazhdoj nje dite tjeter.

[Dejviandersen]

Mjaftojne_thote ky?!
I nis te tjerat sa me shpejt te lutem!

[Living in Vain]

PREKESE

[Hekurani1]

Ike bashkë me këngën
Fluturimthi nëpër erë
Ike bashkë me erën
Kur kënga himn qe bërë
Ike bashkë me lumin
Gurgullueshëm nëpër vjeshtë
Ike bashkë me mallin
Kur vaji qe çuar peshë
Ike bashkë me zogun
U trete në amshim
Ike bashkë me këngën
Me vete more vargun tim
08081998182838

[Hekurani1]

Kujtimin për ty
Ma zhurit zjarri që më flakëron në zemër
Dhe shpirtin ma mban të ndezur
Kjo kënaqësi përvëluese
23022000223811